REBELLE

adjectif

[T-L : rebelle ; GDC : rebelle ; FEW (X, 136b) : rebellis ; TLF (XIV, 473b) : rebelle]

A. -Qui se soulève contre une autorité légitime (ou qui se considère comme légitime), rebelle.

Car, sire, a touz les plus hardis, Puis qu'il se monstreront rebelles, Ferons sentir les alumelles De noz espées par les flans (Mir. emp. Julien, 1351, 174)

Et quand on sceut ceste nouvelle, Onques n'i ot homme rebelle, Eins firent son commandement Bien et bel et apertement ; Et se meïrent en conroy Pour aler aveques le roy. (Mach., P. Alex., p.1369, 84)

Dit avec ce, lui qui parle, que (...) icellui commissaire lui ot fait commandement de par le roy d'Engleterre qu'il se partist dudit fort, et desemparast icellui, et tenist et gardast lesdites treves, sur peine d'estre bany, et reputé et tenu pour rebelle, desobeissant et traitre dudit roy d'Engleterre (Reg. crim. Chât., II, 1389-1392, 192)

Et se Dieux vous donne adventure que vous conquestez pays, si gouvernez voz gens selon la nature dont ilz sont. S'ilz sont rebelles, gardez que vous seignorissiez, sans riens laissier passer de vostre droit de seignourie. Et soiez tousjours sur vostre garde, tant que la puissance soit vostre, car, se vous vous laissiez sourmarchier, il vous fauldroit gouverner a leur voulenté. (Arras, c.1392-1393, 86)

...une jeune pucelle, À qui Dieu force et povoir donne D'estre le champion et celle Qui donne à France la mamelle De paix et doulce norriture, Et ruer jus la gent rebelle, Véez bien chose oultre nature ! (Chr. Piz., J. d'Arc, 1429, 32)

Et tantost envoya partie de ses gens d'armes devant ladite ville de Metz, pour sommer les habitans d'icelle de la lui rendre, ou autrement le siège seroit mis devant eulx. Et pour ce qu'ilz se monstroient rebelles, disans non estre au roy de Sécille ne à autre estre en riens tenus, furent assiégez. (Chart. J., Chron. Ch. VII, V., t.2, c.1437-1464, 44)

SECOND CHEVALIER. Monstrez vostre magnificence, Treshault et souverain seigneur, Et entretenez bien l'onneur De tout l'empire romanique, Et, brief, de celle gent inique Qu'est plus rebelle c'um lyon, Rabaissés la rebellion. (Myst. st Adr. P., c.1450-1485, 33)

...si fit le duc bouter le feu par plusieurs villaiges en son pays rebelle (La Marche, Mém., II, c.1470, 272)

...et, à tous nobles et autres quelzconques tenans en fief ou arriere-fief de nous, qu'ilz ne servent les dessusditz, qui ainsi vouldroient mettre sus et tenir gens d'armes sans nosdicts auctorité ou mandement, le tout sur peine de confiscation de corps et de biens et d'estre reputez rebelles et desobeïssans et comme ennemis de nous et de la chose publique de nostre royaume et d'en estre puniz comme crimineulx de crime de leze majesté. (Le Clerc, Interp. Roye, c.1502, 229)

Rebelle à/contre/à l'encontre de qqn

Que fist il premiers en Behaingne ? Que qui s'en loe ou qui s'en plaingne, Par force d'armes et d'amis En subjection les a mis, Comment qu'il li fussent rebelle Tuit, mais il gaaingna la querelle, Et maintes fois se combati, Dont maint grant orgueil abati. (Mach., C. ami, 1357, 106)

Car par sa science nouvelle Pourra faire la gent rebelle Contre vous, sire. (Mir. st Panth., 1364, 349)

...et trouvèrent sus leur chemin, ou auques près, la ville de Padron qui leur fust rebelle, mais tantost qu'ilz furent là venus, cilz qui la tenoient se misrent en leur obeissance (Froiss., Chron. M., XIV, c.1375-1400, 94)

...la ville de Meleun Et la duchié et le conmun De tout le pais et des elles Veulent a moy estre rebelles (Mir. Clov., c.1381, 243)

Et fu adont aviset et ordonné que on se trairoit devant Cambrai, car li signeur avoient entendu que il le trouveroient rebelle a l'encontre de euls et close. (Froiss., Chron. D., p.1400, 295)

Li rois de France, qui comsideroit toutes ces coses, et qui veoit que li Flamenc estoient trop fort rebelle a lui... (Froiss., Chron. D., p.1400, 366)

...maistre Pierre de l'Esclat, que l'en dit estre avecques les ducs de Berri, d'Orleans, de Bourbon et autres qui se sont rendus rebelles au Roy (Baye, II, 1411-1417, 57)

Et si treuve l'en que du temps de Charles le simple y eult ung duc nommé Robert, qui luy fut rebelle et desobeyssant et se vouloit faire appeller roy et enoindre (Juv. Urs., T. crest., c.1446, 104)

...ceulx de Flaeolz, rebelles contre leur naturel seigneur (Comptes roi René A., t.2, 1479, 483)

Emploi substantival.

Honniz soit il qui se faindra De ferir si sur les rebelles (Mir. emp. Julien, 1351, 174)

...ycelle reste seroit paiée sur la moitié des confiscacions et forfaitures des biens meubles dez rebelles, desobeissans, infracteurs de la paix (Fauq., I, 1417-1420, 356)

Les rebelles auront mal an Par qui est faicte ceste armee. (Myst. st Laur. S.W., 1499, 144)

Rebelle de qqn. Celui qui se révolte contre l'autorité établie de qqn.

...Alain de Beaumont, lequel avoit mis par force d'armes en nostre obeissance le chastel de Sainte Onomoye en Poitou, que tenoit le sire de Mucidan, nostre rebelle (Doc. Poitou G., t.5, 1377, 4)

...elle [Jeanne II, reine de Naples] mist sus ledit seigneur roy comme son obeïssant filz (...) et le manda en ost, a grant excercité de gens d'armes, sur le prince de Tarente, filz dudit messire Remond des Ursins, son rebelle, tenant le party dudit roy d'Arragon. (La Sale, Salade, c.1442-1444, 198)

B. -Par extension. Hostile, contraire.

1.[D'une pers.] Qui s'oppose, qui ne se plie pas à la volonté d'autrui, qui se montre hostile, revêche.

Se l'omme a engendré ung filz rebelle et mauvais, qui ne veulle oÿr le commandement de pere et de mere et ne veulle obeÿr quant il sera constraint, ilz le prenront et le menront aux anchiens de la cité a la porte de jugement et diront : ... (Daudin, De la erudition H., c.1360-1380, 232)

Se femme est plaine d'ataine, Tanceresse, fausse ou rebelle, Que vauldroit a baillier libelle A son mari de repudie ? (Desch., M.M., c.1385-1403, 22)

Mais ja pour chose que le faulx villain rebelle Dangier sceust dire ne groussier entre ses dens, dame Pitié la prieuse n'en laissa a passer oultre (RENÉ D'ANJOU, Cuer am. espris W., 1457, 154)

Se vous avez mari rebelle et qui ne vous vueille baillier argent a vostre besoing, prenez le premier neu d'un festu de fromment cueillié auprez de terre la nuit sainct Jan tandis qu'on sonne nonne, et icellui boutez ou trou du coffre ou lieu de la clef, et sans faulte elle s'ouvrira. (Ev. Quen. I, c.1466-1474, 113)

Maulgré les usuriers rebelles, Les bledz sont beaulx. (Sots, c.1480-1500, 273)

Et je vous pren, dame Concorde, Orde lysse, chienne rebelle (Myst. st Laur. S.W., 1499, 262)

Rebelle à qqc. Qui refuse de se plier à qqc., qui résiste à qqc..

Mais quant Esperence s'en mesle, Je ne doy pas estre rebelle A son voloir, eins vous ottroy Loiaument de m'amour l'ottroy (Mach., R. Fort., c.1341, 141)

Vous estes tele Qu'en vous maint joie et deduis s'i revelle. Pour ce sera Venus vo damoiselle Et vous Deesse, et serrés plus haut qu'elle ; Juno sera vostre riche pucelle, Aussi Pallas vostre sage baisselle ; Li dieu feront feste de la nouvelle Et quant tous biens avez soubz vostre aisselle Qui vous servent bonnement sans cautelle. Serés vous dont a mon depri rebelle ? Certes nennil, ains arai ma querelle, J'en sui certains. (Mach., Voir, 1364, 550)

Puis qu'Amours faut et Loyauté chancelle Et Pitez dort et ma dame d'onnour Est en tous cas à mon desir rebelle N'oncques de moy n'ot pité ne tenrour, Ma dame et Amours renoy Et leur service et l'amoureuse loy ; Car miex me vaut de leur dangier partir Qu'en eaus servant sans joie adès languir. (Mach., L. dames, 1377, 221)

Rebelle à/de + inf./inf. subst. Qui refuse de, qui ne se plie pas à.

...et ceuls qui seront rebelles ou desobeissanz à paier la dite imposicion, en la maniiere que dit est, il contraigne à la paier et satisfier par voie et remedes de droit (Doc. Poitou G., t.2, 1347, 345)

Veü dont que l'eage d'enfance est rude et rebelle a aprendre et lasche a bien faire et encline a mal... (Daudin, De la erudition H., c.1360-1380, 8)

...pour celles amendes est ordenet et acordet que li esward des liches et de le pierche en tenront une vérité de quatre mois en quatre mois ou trois fois l'an à leur plaisir, par l'acort de nous ou de chely qui ara cause pour nous, parmy prendant les siermens des maistres foulons et des varlés en venant à le vérité à lequelle il seront tenut de venir ; et s'il en estoient rebaille, nous les poriens constraindre à venir y (Hist. industr. drapière Flandre E.P., t.3, 1372, 405)

...se aucuns nouviauls drappiers marchans venoit de nouviel drapper en no dicte ville, il pairoit et sera tenus dou paiier pour les frais, damages et pourchas, que nous et li drappier dessus dit avons eut et encourut à l'entrer et commencement, quarante s., desques li motiés appartenra à nous et à no pourfit et li autre motiet sera as drappiers de le dicte ville, qui pour le tamps y seront ; et se il en estoit rebelles dou paiier, il n'ara nul drap sailet en nostre dicte ville. (Hist. industr. drapière Flandre E.P., t.3, 1372, 408)

PROSERPINE. Si tes beaux ditz ne sont present tenus, Je suis contant d'estre au gibet pendue. Propres habitz j'ay pour ce retenus ; Bailler me fault au paillart la tondue. (Pause de menestriers. Elle se mect en guise de dame bien paree et bien acoustree, fors que devers les piedz, et s'en revient.) Se j'ay esté ung bien petit perdue, De revenir ne fus oncques rebelle. LUCIFFER. Sans faire icy plus prolixe actendue, Despesche toy ; que deable tu es belle ! (La Vigne, S.M., 1496, 480)

En particulier. [D'une femme qui ne répond pas à l'amour qu'on lui porte]

...une buffe A une femme tost donroit Que seule ou que soit trouveroit, S'elle li estoit si rebelle Qu'il ne feist son vouloir d'elle (Mir. st Alexis, 1382, 348)

O felle dame, la plus rebelle et la moins piteable qu'onquez nasquist de mere ! Puis que acquittier me fault, quant vostre gros courage ne se daigne ploier ne amollier aux continuelles supplicacions de vostre trop leal amant, je me cesse atant de vous en parler (LEFÈVRE (R.), Hist. Jason P., c.1460, 135)

Ce non obstant, pour m'acquicter Envers Amours plus qu'envers elle - Car oncques n'y peulz acquester D'espoir une seule estincelle : Je ne sçay s'a tous si rebelle A esté, ce m'est grant esmoy, Mais, par saincte Marie la belle, Je n'y voy que rire pour moy (Villon, Test. R.H., 1461-1462, 82)

[D'un animal]

Tu t'es fais rebelle herisson. (Sav. serg. D.L., c.1480-1490, 35)

Emploi substantival. Celui/celle qui s'oppose, qui ne se plie pas à la volonté d'autrui, qui se montre hostile, revêche.

Our vous teysés, villaim rebelle. Vous faut il encour quaqueter ? (Myst. st Sébast. M., c.1450-1500, 16)

...vous faictes grant mesprison De me frapper ainsi souvent, Car je vous prometz et couvient Que gecter cuidoye sur elle, Mais la faulce vieille rebelle Si sceut bien [se] tourner de coste. (Sav. serg. D.L., c.1480-1490, 34)

2.[D'une chose] Contraire, opposé, néfaste.

Car s'autrement se portoit ma querelle, Trop me seroit m'aventure rebelle, Que j' ai tenu et tienc a eüreuse, De puis qu'empris ai la prise amoureuse De vous servir, obeïr et cremir. (Froiss., Orl., 1368, 101)

Povreté, chagrine, doulente, Tousjours, despiteuse et rebelle, Dit quelque parolle cuisante ; S'elle n'ose, si le pense elle. (Villon, Test. R.H., 1461-1462, 40)

Et que Dangier ne me puisse chasser Par trop rebelle et crueuse bataille (Saint-gelais, Séj. honn. D., c.1490-1495, 294)

Car trois personnes sont, Dont toutes choses qui furent et seront Premierement ont esté procrees, Comme voyez les personnes crees Et aultres choses, soyent laides ou belles, Humbles, doulces, diverses et rebelles. (La Vigne, S.M., 1496, 331)

Estre rebelle à qqn

Fortune m'a esté rebelle, Diverse et tres fort cruelle De m'avoir ainsi au bas mis : Bien est fol qui se fye en elle, Qu'i n'est si grant qui ne chancelle On ne scet qui sont ses amys. (Myst. siège Orléans H., c.1480-1500, 101)