ENCLIN

adjectif

[T-L : enclin1 ; GD : enclin2 ; GDC : enclin ; AND : enclin ; DECT : enclin ; FEW (IV, 627a) : inclinare ; TLF (VII, 1037a) : enclin]

A. -Au propre. [Idée d'inclinaison]

1.Se mettre enclin. S'incliner.

Devant li me vois enclin mettre. (Mir. fille roy Hongrie, c.1371, 40)

2.[D'une partie du corps]

[De la tête]

[À propos d'une personne] Baissé, penché sur la poitrine (par humilité, confusion, soumission, tristesse...).

Mais en la fin, Com fins loiaus amoureus, de cuer fin Espris d'amer, sans penser mal engin, Moult humblement li dis, le chief enclin, Et sans effroy : 'Dame que j'aim plus qu'autre, ne que moy, En qui sens, temps, cuer, vie, amour employ, Tant com je puis, nom pas tant com je doy, Vous remerci Dou noble don de vo douce merci...' (Mach., J. R. Beh., c.1340, 81)

Mais la teste encline comme ours Recevoie son dous voloir, Fust de joie, fust de doloir, Humblement comme amis parfais Amoureus par dis et par fais. (Mach., R. Fort., c.1341, 15)

Et quant les dames leur avoient Rendu leur sens, il ne savoient Qu'il devoient faire ne dire, Pour la doubtance d'escondire, Eins s'en departoient atant Moult honteus, a cuer debatant, Le chief enclin, les yeus en terre, Sans nulle autre chose requerre. (Mach., D. Lyon, 1342, 197)

Je me tins la en cel estat Longement, car tout en restat Mis bien ma painne et mon meschief, Et si tenoie enclin le chief, Ne li oisiel qui cler chantoient Noient ne me resjoïssoient. (Froiss., Par. am., c.1361-1362, 45)

Le chief enclin me veil tenir Et clos les yex. (Mir. femme, 1368, 189)

Tous apperçoivent et prevoient leur commune desolation et ruine, et chacun attent le chief enclin la collee et la persecution, comme ceulx qui habitent en une maison qui chiet, et si ne s'en pevent sallir pour la ruine eschever, ne querir le remede de la soustenir pour y demourer. (Chart., L. Esp., c.1429-1430, 12)

Et Paris, qui le chief tenoit enclin, leva les yeulx et vit Vienne, qu'il amoit de grant amour, en tel perilh. (La Cépède, Paris Vienne K., 1432, 186)

Mon filz, ma joye est finee Et deffinee. Je voy son chef que est enclin. Jamaiz ne sera pelerin Soir ne mactin. (Pass. Auv., 1477, 223)

Pitié regnera elle, Le chief enclin comme doulce pucelle ? (Antitus, Poés. P., c.1500, 6)

[À propos d'un animal] Incliné, baissé.

Mais pour ce pas ne demouroit Qu'il [le lion] n'en alast toudis son erre, Le chief enclin devers la terre. (Mach., D. Lyon, 1342, 174)

Les bestes sont figureez les chiefz enclin et les membres courbés vers la terre, et l'omme va la corpulence droite et le visage levé aux cieux, ou l'ame tent par naturel appetit. (Chart., L. Esp., c.1429-1430, 92)

Chere, face encline

Mais s'einsi ma vie define, A ma dame qu'aim d'amour fine, Les mains jointes, la chiere encline, Vueil rendre l'ame. (Mach., R. Fort., c.1341, 54)

Dame, en vos douls regars humains, Mains jointes et le fache encline, Cline mes yeux tous soirs, tous mains. (Froiss., Joli buiss. F., 1373, 187)

Yeux enclins

Et adoncques, chiere suer, vous mectez toute seule, les yeulx enclins a la terre, le cuer au ciel (Ménagier Paris B.F., c.1392-1394, 15)

Genoux enclins. À genoux.

Et pour ce qu'Escripture dit (Ce que un proverbe ne desdit) Que 'l'en ne doit porter honneurs, Fors a ceulx qui ont bonnes meurs' Que cuidez vous qu'il me faisoit Grant mal et qu'il me desplaisoit Qu'il couvenoit grant honneur faire A ces gens de si faulx affaire, Genous enclins a eulx parler, Et 'monseigneur' les appeller ! (Chr. Piz., M.F., II, 1400-1403, 46)

Mains enclines

Varlet n'y a, ne maistre, ne maistresse, Qui en criant a Dieu, les mains enclines, N'enquierre a tous, pour finer leur apresse, Quant sonnera le retour de matines. (Desch., Oeuvres Q., t.1, c.1370-1407, 97)

B. -Au figuré. [Idée d'inclination]

1.[Idée de penchant pour, de disposition à] Enclin à/de/en/vers qqc./qqn/enclin à/de + inf.

a)[D'une pers.]

Enclin à qqc. Porté, disposé à qqc..

...Tant est courtoise, debonnaire, Bonne, gentil, franche, amiable, Loial, noble, honneste, crëable, Large de joie et de confort, Abandonnée en reconfort, A bien faire et raison encline, Tant par est nette, pure et fine En fais et en meurs, que son ouevre Bonne appert partout ou elle [Bonne Esperance] ouevre. (Mach., R. Fort., c.1341, 140)

Guillaumes qui en ses affaires Soloit estre si debonnaires, Si honnestes et si courtois, Enclins aus amoureus chastois, A attenté contre Franchise... (Mach., J. R. Nav., 1349, 260)

...car, en matiere moral, les choses a quoy nous sommes plus enclins elles semblent estre plus contraires au moien et a vertu, si comme sont delectacions, asquelles communelment nous sommes naturelment enclins. (Oresme, E.A., c.1370, 171)

Car tout juge doit estre plus enclin a misericorde que a rigueur. (Oresme, E.A.C., c.1370, 325)

Cherubin Et seraphin, Tuit ange et archange Dou commandement divin, Sans declin, Sont tuit enclin, A vostre loange, Et de Dieu tout li affin, De cuer fin, Soir et matin. (Mach., Les lays, 1377, 402)

...par diligentement mediter sur ton estat, sur tes condicions, sur ta maniere de viure et a quoy tu es enclin soit a vice soit a vertu (Cib., p.1451, 187)

Et a ce doiuent bien prendre garde et bien faire le guet ceulx qui sont donnez et enclins a estude et a contemplacion quilz ne chargent pas trop leur ymaginatiue (Cib., p.1451, 213)

...et a vne ame qui veult prouffiter a vertu il est moult vtile sauoir a quoy on est enclin par complexion affin que on se conuertisse a user de raison au contraire (Cib., p.1451, 218)

Le bon seigneur veoit et cognoissoit la desloyauté de sa femme et la trouvoit encline de tous poincts a sa puterie (C.n.n., c.1456-1467, 310)

Et ainsi ceste ville de Gand est bien seante là où elle est, car ce sont les pays de la crestienté plus adonnéz à tous les plaisirs à quoy l'homme est enclin et aux plus grans pompes et despenses. (Comm., II, 1489-1491, 208)

Prédisposé à qqc..

...et aussi devons nous entendre de ceulx qui souvent ont doleur en la teste, et qui y sont enclins, combien qu'ilz n'y eussent pas douleur de present. (Saint-gille, Comment. A.Y. L., 1362-1365, 145)

Disposé favorablement, attentif à qqc. (une prière).

Mon dieu Astaroth, de cuer pieu Soiez a ma priére enclin, Et vous, Mahom et Apolin, Devotement vous pri mercy: Monstrez vostre puissance cy Et garissez la maladie De cest homme, afin que l'en die Et croye l'en par verité Qu'en vous a vraie deité Sanz fin regnable. (Mir. st Panth., 1364, 347)

Enclin par qqc. Qui se laisse fléchir par qqc. (une prière).

...le souverain juge, qui n'est ployez ne enclinz par pryère ou par dons (Lefèvre St-rémy, Chron. M., t.2, c.1462-1468, 263)

Plus enclin à. Qui a une préférence pour.

...et ja soit que le roy de Hongrie eust par devant segnefié et escript au roy de France, comme il se fiast en son grant sens, que riens ne declaireroit sanz le jugement de grant savoir, que tel partie comme il tendroit, il vouloit tenir, les messages que le roy y ot envoioiez trouverent que plus enclin estoit à la partie du dit Barthelmi que à celle de pape Clement et aussi les Flamens, ja soit ce qu'ilz fussent et soient du royaume de France, respondirent que jusques ce qu'ilz fussent plus plainement informés, ne tendroient le dit pape Clement pour pape. (Chr. Piz., Faits meurs Ch. V, S., II, 1404, 149)

...mais pis y a, car semblablement que dit est devant des mauvais conseilleurs et serviteurs, est grant le peril quant flaterie s'y embat, c'est assavoir quant pour avoir la grace du prince qu'ilz sentent enclin plus à une partie que à l'autre, se condescendant à faire jugement à la voulenté d'icellui et non mie selon droit (Chr. Piz., Paix W., 1412-1413, 99)

Et se ennuyèrent fort les Florentins de luy comme plus enclins -- et de tout temps -- à la maison de France que à celle d'Arragon. (Comm., III, 1495-1498, 44)

Enclin en qqc. Porté à qqc..

Mais les delectacions corporeles ont aussi comme pris par heritage le nom de delectacion, pour ce que pluseurs sont enclins en elles et que tous les participent. (Oresme, E.A., c.1370, 406)

Enclin vers qqc. Disposé favorablement pour qqc..

Chascun doit estre bien enclin Vers la paix, car certainement Elle departira butin De grans biens a tous largement. (CH. D'ORLÉANS, Ball. C., c.1415-1457, 138)

Enclin à/vers qqn.

Bien disposé à l'égard de qqn.

Et quant ilz furent entrez en la ville, la parolle ne fut fors d'Aigres et d'Orchas son compaignon, et les louoit chascun et gracioit, et ceulx de la ville furent tous enclins vers eulx (Bérinus, II, c.1350-1370, 122)

'Michiel, prevost qui tiens le lieu Du treshaut juge souvrain Dieu, Fai nous droit sens accepcion ! Pas ne nous semble de raison Quë aus gardes des pelerins Doies estre de rien enclins En eux oiant plus tost que nous' (Guill. Digull., Pèler. âme S., c.1355-1358, 18)

'...Il seroit moult bien dignez c'on fust à lui enclin Et qu'il fut couronnez de couronne d'or fin...' (Hugues Capet L., c.1358, 125)

Fy de Mahom fy de Iuppin A vous ne seray iamais enclin Fy de tresors fy de richesse Maintenir me veul en simplesse (Myst. st Martin K., a.1500, 203)

Avoir le coeur enclin à qqn. Éprouver de l'affection pour qqn.

Mes arregardés quieulx doulx yeulx Et quel visacge femenin ! A elle j'ay mon cuer enclin ; Je luy feray du bien, par mon arme ! (Pass. Auv., 1477, 92)

Enclin à/de + inf. Porté, disposé à .

...que à resister à la maladie et ensorcelement sondit mary elle ne fu aucunement encline, jusques ad ce que par ledit menestrel sondit mary fu de ce advisé (Reg. crim. Chât., II, 1389-1392, 335)

Qant il l'eurent oi et entendu, euls qui sont de nature, et ont esté tousjours plus enclin a estre François que Englois, respondirent et dissent au roi : 'Sire, a toutes vos paroles nous ne veons que tout bien...' (Froiss., Chron. D., p.1400, 236)

...lesquelles XLV quehues de vin madame la duchesse, par l'avis d'aucuns des gens du conseil de mondit seigneur et d'elle a fait donner et presenter de par elle et de par mondit seigneur aux personnes apres escriptes pour consideracion des bons et agreables services, afin qu'ilz soient plus enclin es affaires de mondit seigneur et mesmement à entretenir le commun de ladicte ville de Troyes à la bonne amour et adhesion de mondit seigneur (Comptes Etat bourg. M.F., t.2, 1420, 836)

...je suis si ahurté et enclin a croire et m'arrester en mon opinion, que impossible m'est d'estre jamais plaisamment avecques vous. (C.n.n., c.1456-1467, 444)

...avons esté toujours curieulx et enclins de eviter vostre dommaige à nostre povoir (Lettres Louis XI, V.M., t.10, 1471, 319)

Nous nous sommes mis a rober Et avons fait les larressins Qu'on nous mect sus, et enclins Avons esté de faire pis. (Pass. Auv., 1477, 174)

La IIJe. trinité est en laquelle chut l'homme par son pechié d'inobedience, c'est a scavoir ignorance de verité, impotence de bien, c'est a dire difficile, fraile et impotent a bien faire, et concupiscence de mal, par quoy l'homme est enclin et prest a mal faire. (Somme abr., c.1477-1481, 126)

...et aussi la jurèrent le seigneur de Craon et le chancellier de France pour le roy, lesquelz partirent d'avec ledict duc et luy conseillèrent ne rompre point son armée, mais l'avancer, affin que le roy leur maistre fust plus enclin de bailler promptement la possession des deux places dessus nommées. (Comm., I, 1489-1491, 228)

b)[D'une chose] Enclin à/de qqc.

Amour vient de charnel affection, Et si desir et sa condition Sont tuit enclin a delectation. (Mach., J. R. Beh., c.1340, 121)

Retien esperence forte De ta sorte Et n'aies pensée torte, Eins aies le cuer enclin A leesse et t'i deporte Et conforte, Ou autrement je suis morte. (Mach., Les lays, 1377, 447)

...generaument aucques en tous traittiez philosophes, pouettes, tous orateurs desquelz les noms seroit longue chose, semble que tous parlent par une meismes bouche et tous accordent une semblable conclusion, determinant les meurs femenins enclins et plains de tous les vices. (Chr. Piz., Cité dames C., c.1404-1407, 618)

Enclin à + inf. Qui a tendance à + inf..

Et donques le ciel de ce monde seroit enclin a estre meu vers l'autre ciel et a issir de son lieu contre ce que dit est. (Oresme, C.M., c.1377, 158)

Et encore appert la cause de ce que elle [la terre] repose, car se par nature elle est encline a estre meue de toutes pars vers le milieu, si comme nous voions, et le feu en haut, ce est impossible que quelcunque petite partie de elle soit derechief meue en haut se ce n'est par violence ou par force (Oresme, C.M., c.1377, 556)

2.[Idée de soumission] Enclin (à/en qqn)

Soumis (à qqn).

Vingt et quaitre roialme furent en ly enclin ; Roy Matamar l'appellent li felon Beduyn. (Lion Bourges K.P.F., c.1350, 708)

Atant es le bastart qui fut de bonne orine, Ja cuidera trouver la tres noble roÿne, Mais le roy trouvera qui tint la terre encline. (Tristan Nant. S., c.1350, 537)

Sire, mis en apparcevance M'en avez : droiz est que m'encline A vous par conscience encline, Moy confessant a cuer devot (Mir. parr., 1356, 26)

...le franque royne, où nous somez enclin (Hugues Capet L., c.1358, 64)

...Je [la France] n'oy adonc ne voisin ne voisine Qui ne me fust obedient, encline, Et qui en tout ne doubtast ma puissance (Desch., Oeuvres Q., t.1, c.1370-1407, 289)

...et fist tant par sa poissance que toute la ville de Gaind fu encline a lui et a ses volentés. (Froiss., Chron. D., p.1400, 261)

Et se c'est .I. hoir malle, je n'y voi autre fin Que de Blavez tenra le palais marberin Et le païs d'entour jusques a Limozin, S'essauchera le loy ou li bon sont enclin (Jourd. Blaye alex. M., a.1455, 7)

Faire qqn enclin. Soumettre qqn.

SATHAN. (...) Chetis, dolans, or viles crapaux Que je suis quant par mon engin Je ne puis mie faire enclin Un home seul [Jésus] a mon voloir (Marcadé, Myst. Pass. Arras R., a.1440, 82)

3.Triste, moralement abattu.

...Si diray des Romains qui furent molt enclin, Quar molt orent perdu par dedens le hutin (Flor. Octav. L., t.1, c.1356, 310)

Quant le prieux l'entent [entend dire que le moine à qui il a fait passer la nuit dehors était en réalité l'évêque Lambert] , se ne fait abstinenche, Luy et ses moines vont à la crois de durenche [endroit où il a passé la nuit] . Quant ilh voient la nyve, cascun de dolour trenche ['tremble, est transi' (éd.)] , Quident que peris soit ly proidomme d'excellenche, Qui de che ne seit rins. Mult fut fors enmailés ly prieur et enclins (JEAN D'OUTREM., Myr. histors B.B., t.2, a.1400, 613)