QUARTAINE

substantif féminin

[T-L : cartaine ; GDC : quartaine ; FEW (II-2, 1427b) : quartus]

MÉDECINE (Fievre) quartaine. Fièvre qui revient tous les quatre jours, fièvre intermittente caractérisée par un paroxysme le quatrième jour.

Li quens Bauduins de Blois n'y estoit mie, car il avoit grant pièche languy d'une quartaine. (Hist. chron. Flandres K., t.1, c.1342-1383, 96)

Les corps qui sont en fievre quarte ne sont pas souvent pris de spasme ; s'ilz avoient premierement le spasme, et la quartaine leur survient, il seroit delivre. (Saint-gille, A.Y., 1362-1365, 89)

Et pour ce la noire couleur est aucune fois causee de froidure et adonc elle est signe de mortificacion ; et aucune fois elle est causee de chaleur, et pour ce dit Gilles que une orine noire peut signifie[r] pluseurs choses : car elle est aucune fois signe que la quartaine se prent ou corps de la personne, et aucune fois elle est signe de mort quant elle est noire en fievre agüe, sicomme dit Gilles le phisicien. (Corbechon, Couleurs S., 1372, 381)

Item le lion est tousdiz voulentiers malade de quartaine, qui se fait par nature de humeur melancolique qui se acorde a la terre. (Evr. Conty, Eschez amour. mor. G.-T.R., c.1400, 326)

La quartaine communement dure ung an, car ainsi que les maladies agues ensuivent le mouvement de la lune, ainsi les croniques ensuivent le mouvement du soleil (Gordon, Prat., c.1450-1500, I, 6)

En ceste quartaine on doit faire saingnie de la veine basilique (Gordon, Prat., c.1450-1500, I, 6)

Cellui qui a les fievres quartaines, face tant qu'il treuve le treffle a quatre fueilles et s'en desjune par quatre jours, et pour vray elles le laisseront (Ev. Quen. I, c.1466-1474, 113)

Et se plusieurs quelques sentes certaines N'eussent trouvé pour fouÿr ça et la, Mieulx eust valu que les fievres quartaines Eussent tremblé, que d'eulx rencontrer la. (La Vigne, V.N., p.1495, 175)

Remarque : Renart contref. R.L., 1328-1342, gloss.

[Exclam. de dépit et de colère]

De fievre quartaine espousee Soit tel merdaille ! (Chart., L. Dames, 1416, 226)

De fiebvre quartaine soit oingt ! (Roy sotz, c.1450-1500, 220)

...voz fievres quartaines, paillarde que vous estes, qui tant estes et orde et sale et malhonneste ! (C.n.n., c.1456-1467, 301)

Et va, va, tes fiebvres quartaines ! Que va tu icy baibillant ? (Pipée R., c.1470-1480, 147)

Tu feras tes fièvres quartaines, coquin paillart que tu es (Doc. Poitou G., t.12, 1475-1483, 26)

Mesdames, donnés leur a boyre Ou leur donnés, en leur estraine, La sanglante fievre quartaine (S. fol, c.1480-1490, 8)

Dieu te met en fievre quartaine (Tr. Men., c.1480-1500, 290)

Mal soyés venu desloyal gallant Dieu vous envoye fievre quartayne (Oudin, St Genis M.S., c.1490, 58)

Allés, vostre [ fievre ] quartaine, A vostre abaye, maistre frappart, Et voulés vous estre paillart, Vuidés tost, c'est trop demouré ! (P. moyne, a.1500, 47)