PRINCIPAL

adjectif et substantif masculin

[T-L : principal ; GD : principal1 ; GDC : principal ; FEW (IX, 391) : principalis ; TLF (XIII, 1202b) : principal]

I. -Adjectif.

A. -Qui est premier (dans le temps).

De son principal mouvement. Voir mouvement

B. -Qui est premier par son importance, qui est le plus important.

1.[D'une chose]

Et Florimons y est, qui chace En toutes guises et pourchace Qu'il soit quittes de son appel, Où bien porra laissier la pel ; Car c'est son principal desir Qu'à honneur s'en puist departir. (Mach., P. Alex., p.1369, 236)

Item, es derreniers [chappitres] du premier il a monstré que le monde est perpetuel et sanz commencement. Et le ciel est la premiere et la plus principal partie des elemens du monde. (Oresme, C.M., c.1377, 272)

La est sa principal demeure, Combien qu'en l'air fust a celle heure. (Chr. Piz., Chem. estude P., 1402-1403, 96)

Et premierement toucherons sur la premiere cause, qui est haine, et sur ce fourmerons quatre raisons principalles pour quoy pour haine on ne doit mie mesdire d'autrui (Chr. Piz., Trois vertus W.H., c.1405, 141)

...et oultre ordonne que ces choses soient publiées ou Chastellet de Paris et es lieux principaulx des baillies, senechaucées, prevostez et autres lieux royaulx (Baye, II, 1411-1417, 271)

Et a, entre autres choses, remonstré les causes principales que entend traictier et poursuir ledit concil (Fauq., III, 1431-1435, 45)

...il estoit retourné de son chemin pource qu'il avoit oublyé la lettre principale touchant le fait de son voyage. (C.n.n., c.1456-1467, 29)

'...je me suis party de nostre païs soubz umbre du pardon qui est a present icy. Mais creez que ce n'a pas esté ma principale intention...' (C.n.n., c.1456-1467, 284)

Et, fut congneu manifestement que c'estoit ledit de Bourgongne à six choses : la premiere et la principale fut aux dens de dessus, lesquelles il avoit autrefois perdues par une cheute (Roye, Chron. scand., II, 1460-1483, 41)

MÉDECINE Membres principaulx. Les organes principaux dans lesquels siègent les facultés corporelles.

Les [membres] principaulx sont le cueur, le foye, le cervel et les genetiz alias coullions ; les non principaulx sont tous les aultres. (Panis, Guidon, 1478, tr.I, doct.1, chap.1)

Vertus principales. Vertus cardinales et théologales.

Encores veul je et vous commande que les sept vertus principales soient en vous, dont les trois sont divines, les quatre sont morelles (La Sale, J.S., 1456, 39)

[Utilisé au compar. ou au superl.]

Mais toutesvoies, prudence n'est pas plus principal que sapience. (Oresme, E.A., c.1370, 361)

Et tel fait est le moins principal ou le moins propre en amistié. (Oresme, E.A.C., c.1370, 423)

...car c'est la fin souveraine et tres principal. (Oresme, E.A.C., c.1370, 521)

SATHAN. (...) Ma raison totalle E(s)t plus principalle, C'est de les grever [le juif et le chrétien] , Car leur face palle Pourchasseray malle. (Mir. st Nic. juif, c.1480-1500, 123)

DROIT Qui fait le fond d'une affaire.

...se aucun est traittiéz en jugement par devant quelque juge que ce soit, soit juge ordinaire ou fermiers, et les parties se appointtent sur un interlocutoire avant liticontestacion faire sur le principal et le juge dit droit sur l'interlocutoire, et elle est appellée, s'il est dit mal jugié et bien appellé de l'interlocutoire, la cause principal ne retournera pas à l'auditoire du juge qui prononcé a mal en l'interlocutoire. (Cout. bourg. glosé P.M., c.1380-1400, 90)

...furent oys et examinez les dessus diz prisonniers repetez (...) sur le cas principal des crymes et malefices par eulx commis et perpetrez. (Reg. crim. Chât., I, 1389-1392, 86)

...et, ce fait et tout joint au procès principal, la Court fera droit auxdictes parties (Baye, I, 1400-1410, 198)

Et lors, pour ce qu'il estoit tard, ne fu riens conclu en ladicte matiere principale, mais fu la chose continuée au mercredi prochain ensuivant. (Fauq., I, 1417-1420, 371)

Et à ceste fin pourra chascune desdictes parties faire examiner jusques au nombre de XIJ tesmoins qui vauldront à fin principal (Fauq., III, 1431-1435, 131)

2.[D'une pers.]

Et de ce point sui j'esbahis Qu'elle [ta dame] a esté la principal Et la premiére qui mon mal Fist a toutes gens assavoir (Mir. Amis, c.1365, 48)

Item, se toute la cité ou communité ou ceulz qui y ont dignités, comme sont les principals gouvernëeurs, mectoient leur estude a recevoir honorablement aucuns estranges messages ou passans, ou a envoier hors aucuns nobles dons ou a les offrir et faire presentement ou se il convenoit faire aucunes grandes retribucions a autres pour leur bien faiz, en teles choses despent le magnifique (Oresme, E.A., c.1370, 245)

Et à ce furent presens Gaultier de Favencourt et Jehan Le Breton, taverniers et bourgois de Paris, qui de ce se firent et constituerent pleges et principaulz païeurs et respondeurs et chascun d'eulz pour le tout ou deffaut dudit Guillaume (Reg. crim. Chât., II, 1389-1392, 488)

...ledit graphier enregistera au Conseil des dessus diz maistres, et son clerc principal, qui est notaire du Roy à bourses, venra ceans et enregistera pour lui. (Baye, I, 1400-1410, 219)

...et de ce se doit bien prendre garde la principal dame qui l'a en gouvernement. (Chr. Piz., Trois vertus W.H., c.1405, 90)

...pour ce que les advocas principaulx de ceans n'estoient pas ancores venus pour plaider leurs causes (Baye, II, 1411-1417, 2)

Car pour lors l'en appelloit ceulx qui estoient du costé desdis enfans d'Orleans, Armighas, a nomine du conte d'Armighac que l'en disoit principal conseillier de celle partie (Baye, II, 1411-1417, 85)

Et la Court a commandé estre enregistré que ce soit sans prejudice dudit Chancellier, qui doit estre principal aux elections des seigneurs de ceans (Fauq., I, 1417-1420, 12)

...messire Guillaume d'Estoteville, en son vivant evesque de Lisieux, l'un des principaulx fondeurs du college de Lisieux (Fauq., II, 1421-1430, 347)

Et après, sondit mary, bien conseillé de ses principaulx amis, la reprint, et se contint de là en avant avecques sondit mary bien et honnestement. (Roye, Chron. scand., I, 1460-1483, 33)

Et, veue icelle, le principal malfaicteur et prononceur desdictes paroles fut condempné à faire amende honnorable, devant l'ostel de ladicte ville, au procureur d'icelle pour toute ladicte ville, nue teste, desseint, une torche ou poing, en disant par lui que faulsement et mauvaisement il avoit menty en disant lesdictes paroles (Roye, Chron. scand., I, 1460-1483, 103)

Principales lignes. Les lignées auxquelles appartiennent les quatre grands-parents d'un individu.

Et a chascun des lees du gonffolon estoient de tres riches brodures, les quatre blasons des quatre principales lignes de Saintré. (La Sale, J.S., 1456, 111)

C. -Princier.

Or nous fault yci laissier le nom du pays, de la terre et de son hostel ou elle aloit, car l'istoire s'en tait pour aucunes causes et choses qui aprés viendront, mais faindray que son principal hostel fust a une lieue d'une bonne cité (La Sale, J.S., 1456, 243)

A tous amans, mes serviteurs loyaux Tenans de moy par justice royalle Scavoir je fais qu'a ma court principalle Comparoissent sans estre desloyaux (P. moyne, a.1500, 45)

De rang princier, d'origine princière, de haut rang.

Lesquelz ont seignourié esdiz royaumes ; sans les aultres dames qui furent mariees aux roys que, nonobstant que elles n'estoient roynes principales, sy furent elles roynes et dames tant que elles vesquirent. (La Sale, Salade, c.1442-1444, 199)

Aprés sortirent tous les principaulx enfans de Lion, montez, bardez, acoustrez de chesnes, bagues, joyaulx et autres singularitez le mieulx que l'on avoit jamais veu. (La Vigne, V.N., p.1495, 324)

II. -Substantif.

A. -[À propos d'une pers.]

1.Le premier.

Lors vindrent ceulx qui labouroient, Qu'a unze heures venuz estoient, Lesquelz ung plain denier receurent Com les plus grans ouvriers qui furent. Lors penserent les principaulx ['ceux qui avaient commencé à travailler les premiers'] Estre payéz a plus hault taulx, Qui avoient toute la journee Ouvré depuis la matinee. (Myst. Pass. Troyes B., a.1482, 595)

2.Celui qui est le plus important (parmi d'autres personnes).

...ladicte maison a esté criée par le privilege, et n'est pas discutté des opposans, dont le prieur de Saint Ladre est le principal, et, par son consentement et aussi dudit receveur et autres rentiers, y demeure ung nommé Durant Nepveu (Comptes Paris V.L.D., t.1, 1440-1441, 243)

Au pluriel. Les personnages les plus importants par leur rang.

Cestui predist plusieurs choses en Romme et, entre les autres, predist les differens qui se esleverent entre les principaux de Pise, dont il fut moult estimé. (Simon De Phares, Astrol., c.1494-1498, f° 85 r°)

Le mercredi, vindrent a Luques les principaulx de la seigneurie de Pise devers luy, en luy requerant qu'il leur donnast certaine responce de leur requeste. (La Vigne, V.N., p.1495, 276)

Remarque : COMM., Lettres B., c.1476-1511, 194.

3.L'initiateur, le responsable au premier chef d'une action.

...Marcus Luculus, lequel Marcus Anthonius avoit fait decappiter pour ce qu'il estoit de la voulenté de Bruttus et de Cassius, principaux de la mort son amy Julius Cesar (La Sale, Sale D., 1451, 163)

[P. oppos. aux complices, aux proches...] Meneur.

...lesdits supplians, c'est assavoir ledit Jehan Nyentenzone comme principal, et les autres dessusnomméz, ses complices et adherens... (Doc. 1449. In : Ch. Petit-Dutaillis, Doc. nouv., 1908, 148)

4.En particulier. Chef.

Architecton en edificacion, c'est le principal et le maistre de l'euvre qui resgarde et commande sus tout. (Oresme, E.A.C., c.1370, 344)

Chef militaire.

Ilz ont rabessé leur coraige Et honteusement sont fouiz. Leurs principaulx y sont finiz Et sont demeurez en la place (Myst. siège Orléans H., c.1480-1500, 345)

Remarque : Livre Regnart S.-H., c.1460, 24.

(Sous) principal. Chef (ou sous-chef) élu d'un corps de métier.

Item, et avec ce, a esté advisé que pour la conduicte desdits mestiers et compaignies y aura en chacune desdittes compaignies deux hommes, dont l'un s'appellera principal et l'autre soubz principal, lesquelz principal et soubz principal s'esliront par chascun an le lendemain de la saint Jehan, et dedans six jours apes ensuivans par les chefz d'ostel desdits mestiers et compaignies, en la presence des commissaires du Chastellet qui ont esté ordonnez et distribuez a prendre et veoir faire le serement desdits mestiers et compaignies. (Mét. corp. Paris L., t.1, 1467, 54-55)

5.Grand prêtre.

JOATHAN. Caÿphe est nostre principal ; Mais, a cause d'antiquité, Il est bon qu'i soit presenté A Anne, son sire, devant. NACHOR. Or le faictes marcher avant. Tout sus piedz serons en son atre. (Myst. Pass. Troyes B., a.1482, 714)

B. -[À propos d'une chose]

1.L'essentiel, l'aspect le plus important.

Des aultres choses et merveilles que y sont, ne sauroye plus que dire ; car je ne suis mie plus avant, et aussy le principal de mes affaires ne se adreschoit mie la. (La Sale, Salade, c.1442-1444, 79)

PARIS. Dieu fault de tout louer... PEUPLE. Ce est le principal. PARIS. ...et pardon demander. PEUPLE. Cela est le final. (Exc., Science A.R., c.1465-1468, 25-26)

Or, savez vous, seigneurs, la Dieu mercy, Comment en France nous y avons dessy Le principal en nostre gouvernance : Paris avons et Normendie aussi, Chartres qui est en si noble party, Tout en fin cueur du grant labour de France. N'y reste plus nulle resistence Sy non bien peu dont j'aye congnoissance. (Myst. siège Orléans H., c.1480-1500, 94)

Nostre principal. Ce qu'il y a de plus important pour nous.

Plus ne nous fault arrester ci, Mes fault en especial Faire que ayons Baugenci, Qui est tout nostre principal, Que pour ung bien peu de travail Recouvrons Meung quant nous voudrons (Myst. siège Orléans H., c.1480-1500, 595)

En principal. Pour l'essentiel, en substance.

Sy nous a dit en principal Que tous les Anglois de ceans Partiront amont et aval, En menant eux et tous leurs biens. (Myst. siège Orléans H., c.1480-1500, 623)

2.[Terme de procédure] Fond d'une affaire, ce qui fait l'objet essentiel d'une action.

Et, par consequant, se l'execucion d'aucun testament vient a aucun prelat, ce n'est nul inconvenient se il fait faire inventoire dez biens de celle execucion, car, puis que a luy appartient le principal, par rayson et l'accessoire luy doit appartenir, car aultrement il ne pourret faire deüement l'execucion. (Songe verg. S., t.2, 1378, 176)

C'est chose certaine que a l'Eglyse appartient la cognoiscence dez crimes dez clers et ne s'en puent entremettre lez juges seculiers dez choses amblees par lez clers, car, [a] celluy a qui appartient la cognoiscence du principal, appartient aussi la cognoiscence de l'accessoire. (Songe verg. S., t.2, 1378, 183)

...une sentence interlocutoire, V solz ; une sentence diffinitive sur aucun principal, X solz ; une tutelle, une curatelle, X solz (Cout. bourg. glosé P.M., c.1380-1400, 76)

Il fu ung docteur en loix et en decret, plain d'erreur, appelle Bald, qui pour prolongier les plaiz, compousa un grant livre remply de cautelles, qui empeschent a venir au principal, [et] dit ainsi en substance que cellui n'est pas bon advocat qui ne maintient une cause trente ans avant que on puisse venir au principal. (Mézières, Songe vieil pèl. C., t.1, c.1386-1389, 477)

'Deux chevaliers, Crith et Quieret, se combatirent en champ. Crith estoit appellant et ou principal de la querelle avoit tresjuste cause. Mais il propousa une petite accessoire au dit Quieret, dont il se pouoit bien passer. Le dit Quieret, qui avoit confesse le principal, qui estoit tout le fondement de la querelle, se deffendit de l'accessoire, en laquelle il ne se sentoit pas coulpab[l]e...' (Mézières, Songe vieil pèl. C., t.2, c.1386-1389, 279)

Pour ce que, par usage qui avoit esté ou temps passé introduit par aucuns, lequel sembloit torçonnier, advenoit souventesfois que, quant aucune partie avoit succombé sa partie adverse par proces ordinaire et mis en amende et, en faisant sa requeste et calenge, la dicte partie qui avoit gaigné sa cause pendant ou procez demandoit par aventure despens ou autre chose un pou plus largement que, selon le texte de la coustume, faire ne devoit, la dite partie qui ainsi avoit gaigné son principal, pour avoir ainsi exedé par inadvertence ou autrement a faire sa requeste, se l'autre partie subcombée le debattoit et il estoit trouvé qu'il eust cause de le debatre en tant qu'il touchoit les despens ou autres choses descendantes du principal, comme levées ou arrerages et semblables choses, perdoit entierement tout son principal et les despens et autres choses demandées et pendans ou procès, ja soit ce que paravant elle eust deuement gagnyé sa cause principal, comme dessus est dit. (Echiq. Normandie S., 1391, 70-71)

Ce dessusdit jour, a presenté l'Université, par maistre Pierre Cauchon, maistre J. Broillot et autres, IJ lettres royaulx par lesquelles principal et executoire est mandé à la Court qu'elle face justice au procureur du Roy et à ladicte Université (Baye, I, 1400-1410, 157)

...la Court a dit qu'elle n'y declarera rien, mais procederont les parties sur leur principal, se bon leur semble. (Baye, II, 1411-1417, 44)

Cedit jour, maistre Nycolas Potin, conseiller du Roy ceans, soy disant envoié par le chancellier de Berry, a dit de par le duc de Berry que l'en eslargisse par Paris Guillaume Simon, et que l'en ly face justice sur le principal (Baye, II, 1411-1417, 240)

Et se on ne treuve autre chose qui veue a esté, lesdictes parties seront appoinctées en fais contraires ou regart du principal et des attemptas (Fauq., III, 1431-1435, 131)

Et depuis obtindrent lesdiz supplians certaines lettres de nostre dit feu frère, par lesquelles estoit mandé aux conseillers tenans lesdiz Grans jours mettre ladicte appellation au neant, en acquiessant par eulx audit appoinctement, et faire proceder icelles parties ausdiz Grans jours sur le principal, ainsi qu'il appartiendroit par raison (Doc. Poitou G., t.11, 1473, 391)

Quolibet, mettez le cas que le seigneur commande aucune chose a son serf, et a celle heure la femme demande le deu de mariage, distinction ou le serviteur a contrait le seigneur consentant ou ignorant ou contradisant. Au premier cas, il doibt rendre le deu, car se le seigneur a concedé et ottroyé le principal, c'est le mariage, il s'entent qu'il a accordé les choses de mariage. (Sacr. mar., c.1477-1481, 50)

LE PREVOST. (...) Payez les despens, somme toute, Qui ont esté faictz en la cause. LE JUIF. Icy fait maniere de bailler argent a ceulx de la justice. Cecy plus de douleur me cause Que la cause du principal. (Mir. st Nic. juif, c.1480-1500, 134)

3.Somme constituant une dette (p. oppos. aux intérêts que la dette produit), capital (d'une dette).

...je acquicteray et deschargeray et seray tenu acquicter et descharger le roy nostre dit seigneur et aussi la dicte terre et chastellenie d'Amboise envers le seigneur de Mongauguier et ses coheritiers, tant en principal que ès arrerages, de ce que leur puet competer et appartenir (Doc. Poitou G., t.8, 1434, 68)

Et sera content en oultre, mondit seigneur de Bourgongne, de recepvoir le payement desdiz quatre cens mil escus d'or à deux fois. C'est assavoir à chascune fois la moitié. Pourveu qu'il ne sera tenu de rendre lesdictes villes, cités, forteresces, terres et seigneuries ne aulcunes d'ycelles, jusques ad ce que ledit payement soit acompli et qu'il ait receu le derrenier denier desdiz quatre cens mil escus d'or. Et, ce pendant, sera à mondit seigneur de Bourgongne les fruis siens de toutes lesdictes cités, villes, forteresces et seigneuries, tant des demaines comme des aydes et aultrement, sans en riens déduire ne rabatre du principal. (Doc. 1435. In : MONSTRELET, Chron. D.-A., t.5, c.1444-1453, 170-171)

...lesdites charges à heritaiges ont esté payées par ledit receveur en ce present compte des sommes cy après declairées, en rabatant le tiers du principal au regard de celles qui estoient deues (Comptes Paris V.L.D., t.1, 1440-1441, 213)

...on resisteroit bien sans demander a nul proffit ne principal, jusques ad ce que la guerre seroit finee. (La Sale, Sale D., 1451, 148)

Jehan Quercin, bourgoiz et esleu de la ville de Limoges, lequel je avoye fait adjourner à comparoir en personne et de main mise par moy, pour rendre compte et reliqua de la compaignie qu'il a eue avec Jacques Cuer, dont tant pour le principal de ladicte compaignie qui se montoit à 3.000 escus, que pour espicerie, argent et autres choses (Aff. Jacques Coeur M., 1453-1457, 50)

Au pluriel.

...demander principaulx et despens, et les jurer et recevoir (Cartul. Laval B., t.3, 1436, 100)

4.[Sorte de jeu]' (Éd.).

Je voy, c'est chosse magnifesste, Qu'i n'est clerc, preste ne marchant, Tant soit pettit, tant soit meschant, Qui ne veullë avoir amye Et mieulx monstrer sa folye. S'il voit aucune belle fenme, Sus piés dira : ' Vela ma dame ! ' Et jurera que c'est s'amye Aussy bien que c'il l'eust gangnie A deux dés a la principal. (Lord. Tart Ab. L., a.1465, 164)

Remarque : Principalier 'cabaretier' (Avignon). FEW IX 391 ; Levy, supplément, VI, 560 (Éd.).