PAIX

substantif féminin

[T-L : pais ; GD : pais1 ; GDC : pais ; AND : pes ; DECT : pais ; FEW (VIII, 91, 92a) : pax ; TLF (XII, 799a) : paix]

A. -[Impliquant plusieurs acteurs] État caractérisé par l'absence de trouble, de conflit entre personnes, entre états, clans, partis..., entre la divinité et l'homme.

1.[Entre deux ou plusieurs pers.] Concorde, bonne entente, réconciliation, absence de querelle.

...mais elle ne sondit filz ne osoient ce dire à icelle Macete, et amoient mieulx que par elle qui parle, laquelle avoit et a nom oudit pays que elle scet toutes choses, feust dit et revelé la verité, que ce icellui de Ruilly, son filz, ou elle, Lucete, le deissent, pour nourrir et garder la paix entre iceulx mariez ses enfans. (Reg. crim. Chât., II, 1389-1392, 304)

...et promettront bonne paix et bon accort avec lesdiz banniz et condempnez (Baye, I, 1400-1410, 133)

...par bons moyens la paix entre eulx si fut trouvée (C.n.n., c.1456-1467, 162)

...impossible seroit que paix fust en nulle assemblée ou elle fust. [D'une femme 'obstinée en malice'] (C.n.n., c.1456-1467, 490)

M'amye, Dieu vous doint telle paix et concordance avec vostre mary que puissez faire euvre dont les sains cieulx soient rempliz. [Souhait à une jeune mariée] (C.n.n., c.1456-1467, 497)

SAINCT MARTIN. (...) N'ayez sur l'un ne l'aultre envie, Vivez en paix et en concorde, D'amour parfaicte et assouvie, Sans bruyt, sans noise, sans discorde Et que, nuyt et jour, on recorde Les faiz de Dieu songneusement (La Vigne, S.M., 1496, 570)

Paix fourree. Paix apparente, accord doublé de trahison.

Mais la tiersaine vient en place et puis la quartaine, qui n'y pourvoit, c'est assavoir quant les mariés malcontens de leur mariage aucunefois font une pais fourree ensamble qui dure .IJ. jours ou .IIJ., par tel maniere qu'il samble que le jour de leurs noces soit revenuz en place (Mézières, Vertu sacr. mar. W., c.1384-1389, 240)

Beau Filz, tu doys savoir que ce monde se tient en deux manieres de paix ; l'une qui a nom paix fourree et l'autre qui a nom vraye paix desiree. (Mézières, Songe vieil pèl. C., t.2, c.1386-1389, 195)

Mais quant il vit bien qu'il perdoit Son tamps et que ne ly rendoit Le bois de nois une denree, Il a fait une paix fourree, Dont traïson fut peletiere (Pastor. B., c.1422-1425, 129)

Par plaisanterie. [Même sens] Paix velue

...J'ay intentïon qu'aujourd'huy Nous ferons une paix vellue. Sus ! Hommes d'armes de vallue (...) Que chascun de vous s'esvertue A tout ce cyvé de naveaulx. (Bataille st Pens. A., a.1485, 66)

Avoir bonne paix. Aboutir à un accord favorable.

Et atant [Geoffroy] s'en part, et passa la riviere, et vint a ses freres et aux barons qui lui demandent comment il avoit chevy a son homme ne qu'il estoit devenus. Et Gieffroy dist qu'ilz avoient bonne paix, mais qu'il estoit devenus ne leur sauroit il a dire nouvelles. (Arras, c.1392-1393, 301)

[De deux abstractions personnif.] Avoir paix ensemble. Ne pas être en opposition, en contradiction.

Sa misericorde et sa justice ont paix ensemble, ne pour ses justes punitions n'est il mains misericordieux, ne mains juste pour misericordieuse indulgence. (Chart., L. Esp., c.1429-1430, 38)

Avoir sa paix envers qqn. Être réconcilié avec qqn.

...moiennant la penitance que j'en fay, j'ay ma paix envers madame la royne (Percef. III, R., t.2, c.1450 [c.1340], 70)

Faire (la) paix

Faisons paix, cy me viendz baisier, Ma douce amie, blanche flour. (Pass. Semur D.M., c.1420 [1488], 61)

...dit le compte que a celle paix faire y eut grand difficulté (C.n.n., c.1456-1467, 384)

Le cyrurgien, qui estoit le plus gentil compaignon et des aultres le meilleur homme, commença a rire, et firent la paix. (C.n.n., c.1456-1467, 506)

Faire la paix de qqn envers qqn. Réconcilier qqn avec qqn.

Ma soeur, parlez a moy et me faittes meillieur chiere que n'a fait vostre compaigne et me faittes ma paix envers elle. (Percef. III, R., t.2, c.1450 [c.1340], 183)

Paix se fait

Par les costez [la Grosse Margot] se prent, c'est Antecrist, Crye et jure par la mort Jhesucrist Que non fera. Lors empoingne ung esclat, Dessus son nez lui en faiz ung escript, En ce bordeau ou tenons nostre estat. Puis paix se fait et me fait ung groz pet, Plus enffle q'un velimeux escarbot. (Villon, Test. R.H., 1461-1462, 125)

Faire la paix de qqn à qqn. Réconcilier qqn avec qqn.

... [ses amis] s'efforcerent a ceste occasion de faire sa paix a son pere. (C.n.n., c.1456-1467, 326)

Mettre des personnes en paix

Le fil Dieu prist char vierge et d'omme vie Pour mettre en paix amies et amans. (Mir. Theod., 1357, 129)

Mettre paix entre des personnes

Et il les .II. bestes partoit, Entr' eulx loyale paix metoit, Puis leur donnoit a mariages ..II.. filles, qu'il avoit moult sages. (Chr. Piz., M.F., II, 1400-1403, 299)

Mettre male paix entre qqn et qqn/qq. part

...si elle ne doubtast mettre male paix entre monseigneur et madame, il ne luy chauldroit guere de la desloyaulté de monseigneur (C.n.n., c.1456-1467, 116)

Que male paix y puist mettre Dieu... ! (C.n.n., c.1456-1467, 370)

Venir à paix de qqc. Arriver à une réconciliation (ici dans une affaire criminelle).

Moult de belles paix se fissent, les penans ['les pénitents'] alans entre les honmes, tant que de cas d'ocisions liquel estoient avenu et desquels cas en devant on ne pooit venir a paix, mais par le moiien de l'afaire des penans, on en venoit a paix. (Froiss., Chron. D., p.1400, 895)

Vivre en paix

Vivons en paix, exterminons discord ; Ieunes et vieulx, soyons tous d'ung accord : La loy le veult, l'appostre le ramaine Licitement en l'espitre rommaine. (Villon, Poèmes variés R.H., c.1456-1463, 63)

Proverbe. Bonne paix tire amour a sa cordelle

Je me records que Dieu misericors Aime le corps qui bons cordons cordelle : Bonne paix tire amour a sa cordelle. (Molinet, Faictz Dictz D., 1467-1506, 340)

Sans paix nul ne peut avoir victoire

Paix vaint toute malice et toute yre. Sans paix nul ne peut avoir victoire. Saint Pol dit que avec paix toutes autres vertus coeurent (Ménagier Paris B.F., c.1392-1394, 41)

Par métonymie. DROIT Engagement de s'abstenir de toute voie de fait, pris par des particuliers devant une autorité judiciaire, composition.

Item, disoient les dessus dis de Saint Aumer que nostres baillifs ou ses lieuxtenans ne doit avoir de cascune pais de mort d'omme, quant on porte l'espée, que quatre los de vin (Hist. dr. munic. E., t.3, 1378, 442)

Appointié est que il doivent avoir à le pais de l'espée deux los de vin, et à le pais de le halle, cascuns un lot de vin. (Hist. dr. munic. E., t.3, 1378, 443)

2.[Entre des états, des clans, des partis...]

a)État d'une communauté où il n'y a pas de troubles intérieurs, ou qui n'est pas en guerre avec une autre.

Le duc de Jullers s'excusa foiblement, car, ad ce qu'il monstroit, il amoit autant la guere comme la paix, et tant que le conseil du duc de Brabant qui de parfont sens estoit ne s'en contenta pas bien, (Froiss., Chron. M., XIV, c.1375-1400, 162)

...selon la variacion de la musique insensible du ciel les choses de cibas sont une fois en meilleur disposicion que en autre, et selon ce une fois est pais, autre guerre, si comme dit l'Escripture (Oresme, C.M., c.1377, 482)

...saichant que l'en traitte de la paix d'iceulx deux roys, considerant en soy que ou cas que le pays de Lymosin demourroit audit roy d'Engleterre ou duc de Lenclastre, qu'il leur povoit bien dire (...) comment il a esté tousjours bien son obeissant et tenant son parti (Reg. crim. Chât., II, 1389-1392, 188)

Si regarderent et jetterent lor visee a ce que, se lors sires li rois Davids pooit avoir a fenme et espeuse la serour le roi d'Engleterre, par ceste aliance ou temps avenir, il en deveroient mieuls valoir, et que paix raisonnable en poroit bien venir, au pourfit de l'un roiaulme et de l'autre, car la guerre avoit trop longement duré. (Froiss., Chron. D., p.1400, 197)

Si se porta tretiés que il avoient trieuves .XV. jours, et dedens ce terme, ... devoient li manant de Bervich demorer en bonne paix sans estre foullé ne pressé, ne avoir auqune violense de lors corps et de lors biens. (Froiss., Chron. D., p.1400, 222)

O belle paix ! O tres riche don de paix ! O tres desirable paix, que estes vous devenue ? O messeigneurs et devotes personnes qui icy estes, las ! et ne souspirez vous point, ne gemissez vous point en voz cuers, quant vous oyez parler de ces trois paix en toutes ces terres, et vous regardez le temps present ouquel ne sont partout fors division[s], scisme et riotes, haynes, guerres et crueuses discensions ? (Gers., Noël, p.1404, 301)

Ce jour, la Court fist certains advis touchans la paix, transquilité et conservacion de la ville et habitans de Paris (Fauq., I, 1417-1420, 130)

Graces Te rendons, Dieu celeste, Par qui nous sommes parvenus À paix, et hors de grant tempeste ! (Chr. Piz., J. d'Arc, 1429, 32)

Te pourroit-on assez louer Quant ceste terre, humiliée Par guerre, as fait de paix douer ? (Chr. Piz., J. d'Arc, 1429, 32)

...[le roi lui envoya sa couronne et des cadeaux] affin que Alexandre le laissast vivre et son peuple en paix. (Simon De Phares, Astrol., c.1494-1498, f° 63 r°)

Très chiers et especiaulx amys, les ambassadeurs de Bourgongne ont presentement envoyé devers moy Charolois le herault, par lequel ilz m'ont fait monstrer le sauf conduit qu'ilz ont du roy pour aler à la journée de Senlis pour le fait de la paix (Le Clerc, Interp. Roye, c.1502, 333)

En particulier. Paix universelle. Paix romaine ; pax romana.

Quant a la temporalité de la chose publique c'est certain, selon toutes hystoires des rommains qui parlent de ce temps, que paix universele fut donnee par tout le monde qui estoit lors subject a l'empire de Romme, comme le segnifie l'evangile qui dit que Augustus Cesar Octovien manda que tout le monde fust nombré et descript ; et Sibile et Virgile mesmement parlent de ceste paix (Gers., Noël, p.1404, 301)

Par métonymie.

Traité de paix conclu entre belligérants.

Item, que ou cas qu'il ne voudroit obéir à ces choses, ilz lui diront que quant ces choses feurent ordonnées il n'estoit nulle espérance de guerre entre les contes de Foix et d'Armaignac, et n'est encoir, considéré la paix dont il ont la copie pardevers eulx, et les aliences du mariaige. (Ch. VI, D., t.1, 1380, 8)

Et avoech ce, nous pronmetons en bonne foi tenir et garder affectuelment les paix et acors fais entre les rois de France et les dis rois d'Engleterre, dux de Giane, et leurs predicesseurs rois de France et dus de Giane. Et en ceste maniere sera fait en seront renouvellees les dittes lettres par les dis rois et dus et leurs successeurs (Froiss., Chron. D., p.1400, 195)

Groupement de personnes se soumettant à l'interdiction prononcée par l'Église de tout acte hostile, interdiction assortie de diverses prescriptions.

De laquelle paix les condicions sont telles : c'est assavoir, que tous ceulx de ceste paix aront chaperons de toille blanche, et y ara une enseigne d'estaing, en signe de humilité, en laquelle seront lettres qui diront : Agnus Dei qui tolis peccata mundi dona nobis pacem. Et celluy qui entrera en ceste paix ne juera a quelque jeu qu'ilz soyent (La Sale, Sale D., 1451, 51)

La paix de + nom du lieu

Mais quant les guerres commancèrent, dès le temps du roy Charles VIe, qui continuèrent jusques à la paix d'Arras, se meslèrent les Angloys cependant parmy ce royaulme (Comm., I, 1489-1491, 52)

L'endemain luy apportèrent articles par lesquelz ils luy demandoyent tout ce que le duc Philippes leur avoit osté par ceste paix de Gavre et, entre les autres choses, que chascun mestier peüst avoir sa bannyère, comme ilz avoient accoustumé, qui sont LXXII. (Comm., I, 1489-1491, 118)

b)Locution.

La charte de la paix

Nous nous souffrerons à parler de ces besoingnes longtaines ...et nous raffresquirons des besoingnes prochaines tant qu'à ma nacion, si comme il est contenu en le prose du premier fueillet du tiers livre ... et de la chartre de la paix que le duc de Bourgoingne et la duchesse donnerent, accorderent et seellerent à ceulx de Gand, (Froiss., Chron. D., p.1400, 142)

Commun de la paix. Droit appartenant au roi, qui se lève dans le Rouergue, sur les hommes, les bêtes et les moulins.

...la valeur des dis chasteaux, chastellenies, terres et seigneuries et de leurs dites appartenances et appendances, et pareillement des dis commun de la paix, passade, tail de canal et autres droiz (Archives servit. Louis XI, T., 1470, 35)

...maistre Bremond de Saint Felix, s'est efforcé (...) nous dessaisir du droit du commun de la paix es lieux de Conques, de Sauveterre et ailleurs (Lettres Ch. VIII, P., t.1, 1488, 274)

Item, qu'ilz pourroient aller demander et recepvoir leurs debtes et ce qui leur estoit deu. Item, et sur ce que ledit Bourrain requerroit que, selon ung mandement qu'il avoit du conte d'Armignac, il peust lever sur le commun de la paix la taille annuelle dudit Severac jusque à la somme de six cens frans, pour payer l'assence du prioré de Severac et de Lavergne, fut respondu que le roy avoit fait prendre le commun de la paix, et en parleroit on ou roy, et feroit on le mieulx que on pourroit. (Le Clerc, Interp. Roye, c.1502, 238)

Remarque : Cf. Fr. Ragueau, E. de Laurière, Gloss. du dr. fr., 1969 [1704], 134b-135.

En temps de paix

...leurs routtes qui estoient grandes et grosses s'espardirent en pluseurs lieux sus le pays, et là environ de Saint-Fagon où yl y a très bon pays et cras, et raemplys en temps de paix de tous biens (Froiss., Chron. M., XIV, c.1375-1400, 129)

Se tu veulx doncques en guerre querir tout ordre, mesure et raison, tu travailles en vain, car, se le plus juste qui oncques nasquit faisoit guerre, ce ne peut estre sans aucunement autruy grever, car tous ceulz de mauvais vouloir, qui en temps de paix ne l'osent mectre en oeuvre, prennent hardement de soy mectre sus soubz umbre de guerre. (Chart., Q. inv., 1422, 27)

Lettre de la paix. Proclamation de la paix.

Et, le mercredi ensuivant, XXXe et penultime jour d'octobre, oudit an, furent leues et publiées les lettres de la paix ou treve faicte entre le roy et lesdiz princes en la court de Parlement, où ilec elle fut enregistrée. (Roye, Chron. scand., I, 1460-1483, 134)

Signe de paix

Et disoit aussi estre signe de paix quant Saturne ne regardoit de mal aspect Jupiter ne Mars, et touteffois que Mars estoit receu regardant Saturne debille, disoit estre les guerres et contrarietés, et, s'ilz s'entreregardoient sans reception, signiffioient moult de batailles et interfections. (Simon De Phares, Astrol., c.1494-1498, f° 29 r°)

Demeurer à paix

Che castiel pris, le païs demora assés à paix (Froiss., Chron. R., IX, c.1375-1400, 107)

Donner paix à qqn

Et, pour le quart tresor, donna paix à tous les roys et princes ses voisins de hors son royaulme, de grace especiale, non obstant qu'ilz ne povoient avoir puissance contre luy qui luy peust nuyre. (Le Clerc, Interp. Roye, c.1502, 399)

Estre en paix

...tant demoura Remondin en la terre de Guerrande qu'il mist accord entre aucuns des Bretons qui estoient en discencion, et fist tant que ly pays fu tous en paix. (Arras, c.1392-1393, 76)

En ce temps dont je parole, et que li roiaulmes d'Engleterre estoit tous en paix... (Froiss., Chron. D., p.1400, 110)

...en son temps, furent les Juifs en paix. (Chr. Piz., M.F., II, 1400-1403, 160)

Le tiers estoit qu'il laissa toutes ses villes du royaulme, tant celles qui estoient en paix comme celles qui estoient sus les frontières, si bien fortifiées, qu'il ne seroit possible de y mieulx pourveoir. (Le Clerc, Interp. Roye, c.1502, 399)

Estre en paix avec qqn

...le trespuissant duc de Bourgoigne (...) estoit en paix avec tous les bons princes chrestians (C.n.n., c.1456-1467, 109)

Faire (la) paix

Et regarderent li signeur, ... que unes trieuwes seroient bonnes prises a durer tant seullement .I. an entre toutes les parties par mer et par terre, et dedens cel an li rois d'Engleterre envoieroit nobles honmes et prelas de par lui en la chité d'Arras en Piqardie, qui averoient plainne poissance de faire paix et acord a l'entente des deus rois (Froiss., Chron. D., p.1400, 456)

Faire (la/sa) paix à qqn. Conclure la paix avec qqn.

...et manda a Anthoine qu'il lui venist aidier ; et il si fist et print par force le conte de Fribourc, et passa en Ostriche, et desconfist le duc en bataille, et lui fist faire paix au roy d'Ausaiz, a sa grant honneur. (Arras, c.1392-1393, 195)

En che temps ... eschei en le indination et haine trop grandement dou roi de France, messires Godefrois de Harcourt, ... ne nuls ne li pot onques faire sa paix. (Froiss., Chron. D., p.1400, 633)

Nonpourtant, durement s'efforce De faire paix aux Grieux, s'il peust, Par si qu'aucun treü d'eulx eust, Mais, a ce ne pot avenir (Chr. Piz., M.F., II, 1400-1403, 253)

Et, par lesdiz appoinctemens, iceulx seigneurs de Bourbon et autres dessus nommez promettoient de faire tout devoir, de faire faire la paix au roy par les autres seigneurs avecques eulx aliez contre lui, et que pour ce faire seroient envoiez de par lesdiz quatre seigneurs certains ambasseurs devers le roy à Paris, dedens le jour feste de myaoust ensuivant (Roye, Chron. scand., I, 1460-1483, 54)

Faire la paix entre qqn et qqn.

Cedit jour, a esté faicte la paix entre le duc de Bourgoigne, d'une part, et le duc d'Orleans, d'autre part (Baye, I, 1400-1410, 260)

Jurer paix. Jurer de respecter la paix conclue.

...le Roy fist jurer pluiseurs de ses chambellans, conseilliers et officiers ladicte paix et ordonnance (Fauq., I, 1417-1420, 195)

Toutesfois il se reduysit que, si le roy juroit la paix et vouloit aller avecques luy au Liége pour luy aider à venger monsr du Liége, qui estoit son prochain parent, qu'il se contenteroit. (Comm., I, 1489-1491, 143)

...presans tous les seigneurs du sang, prelatz et autres grans et notables personnaiges en grant nombre, tant de ma compaignie que de la sienne, juré paix finable sollempnellement sur la vraye croix et promis ayder, deffendre et secourir l'un l'autre à jamais. (Le Clerc, Interp. Roye, c.1502, 215)

Maintenir paix

Pour maintenir paix et police, De vous avoir j'ay grant desir. (Myst. siège Orléans H., c.1480-1500, 222)

Mettre/procurer (la) paix entre qqn et qqn/qq. part

...J'ay mis paix en toutes les parties de la chrestienté et après ay nourrie icelle de la gresse de froment, c'est (...) dire du precieux sacrement de l'autel. (Germain, Discours outr. S., 1452, 316)

...le roy Loys (...) envoya le seigneur de la Barde en Angleterre, à intention de procurer paix entre le roy Edouart et le roy Henry (Chastell., Chron. K., t.4, c.1456-1471, 220)

Et ilec prescha au peuple maistre Jehan de l'Olive, docteur en theologie, qui declaira que ladicte assemblée et congregacion se faisoit pour la santé et bonne prosperité du roy, et aussi de la royne et du fruit qui estoit autour d'elle, et pour la paix et bonne union estre mise entre le roy et les princes et pour les biens de terre. (Roye, Chron. scand., I, 1460-1483, 47)

Recevoir qqn en paix. Accepter l'offre de paix faite par qqn.

Li chastiaus, pour ces jours, estoit en la garde d'un chastellain, qui n'estoit point trop vaillans homs. Et bien le monstra, car sitretos conme il senti que les Englois venoient, il lor vint au devant et lor aporta les clefs de la ville et dou chastiel, et se mist en l'obeisance dou roi d'Engleterre. Li contes Derbi reçut le dit chastelain en paix, et se saisi de la garnison. (Froiss., Chron. D., p.1400, 625)

Remettre qqn à paix à qqn. Réconcilier qqn avec qqn.

Li contes se mist en painne de remetre a paix messires Robers d'Artois au roi de France, et i envoia sa feme, qui serour estoit dou roi Phelippe, et messire Jehan de Hainnau, son frere ; mais il retournerent sans riens faire. Et fist metre li rois Phelippes en prison sa serour la fenme a messire Robert et ses enfans (Froiss., Chron. D., p.1400, 171)

Rompre la paix

Mais quant le roy n'eust pensé que ce qui advint, il n'eust pas rompu la paix ne recommancé la guerre, combien qu'il eust cause de se douloir des termes qui luy avoient esté tenuz à Peronne (Comm., I, 1489-1491, 172)

Tenir une communauté en paix. Assurer la paix à une communauté.

...Aussi doivent tuit li greigneur Princes leur peuple en paix tenir Et justice et droit maintenir Et tout le peuple a eulx soubzmis Deffendre de tous ennemis. (Chr. Piz., M.F., I, 1400-1403, 141)

Son regne acrut et en paix tint. (Chr. Piz., M.F., II, 1400-1403, 187)

Traiter sur forme de paix. Traiter pour mettre au point les conditions de la paix.

Si orent conseil qu'ilz requerroient au roy Uriien une journee de traictier sur forme de paix, et le firent. (Arras, c.1392-1393, 236)

Traiter d'une paix/traiter (de) paix

Mais si tost qu'il appercoit Gieffroy, si s'esmerveille moult forment comment un seul chevalier a le hardement de venir vers lui, et pensoit qu'il venoit pour traictier d'aucuns patiz ou d'aucune paix. (Arras, c.1392-1393, 263)

...li dus de Braibant (...) brisa toutdis couvertement la bataille, avoecques un grant moiien qui la estoit pour tretiier paix, trieuwes ou respit : madame Jehane de Valois qui contese avoit esté de Hainnau, et qui serour germainne estoit dou roi Phelippe et dou conte Carle d'Alençon, et qui avoit la son fil, le conte de Hainnau. (Froiss., Chron. D., p.1400, 454)

Mais papes Clemens .Ves., qui resgnoit pour ce temps, i avoit envoiiet deus cardinauls en legation, le cardinal Pennestres et le cardinal de Clermont. Liquel cardinal trettoient et parlementoient entre ces parties paix ou concordance se il peuissent (Froiss., Chron. D., p.1400, 591)

Une branche d'olive monstrent Aux Grieux, en signe de traictier De paix (Chr. Piz., M.F., III, 1400-1403, 154)

Traité de la paix

...se le pays de Limosin, par le traittié de la paix que l'en espere qui se doit faire entre les deux roys, est rendu aus Engloiz ou au duc de Lenclastre, que tousjours il, par ce, demourast en sa bonne grace et amour (Reg. crim. Chât., II, 1389-1392, 202)

Et donna le roy d'Ausay a ses hommes congié d'aler en leurs pays et demoura avecques Anthoine a privee mesgnie, pour acomplir ce qu'il avoit en convenant au traictié de la paix. (Arras, c.1392-1393, 171)

: ... a la priiere madame Jehane de Valois il s'enclinoit a ce que bon seroit que on entendesist a auquns trettiés de paix et de trieuves, (Froiss., Chron. D., p.1400, 455)

Sur quoy a esté conclud par la Court que l'en verra le traictié de la paix d'entre les royaumes de France et d'Angleterre (Fauq., II, 1421-1430, 174)

Tenir le traité de paix. Respecter les clauses du traité.

Il fist humble contenance du corps, mais sa geste et sa parolle estoit aspre, demandant au roy s'il vouloit tenir le traicté de paix qui avoit esté escript et accordé et si ainsi le vouloit jurer. (Comm., I, 1489-1491, 143)

Venir à paix

...le duc n'estoit point le plus de la nuit et du jour sans annoy ; car il veoit ses besoingnes en moult dur party, (...) et, se n'estoit nulz, ne nulle, du royaulme de Castille, qui traittast envers luy pour venir à paix par composicion (Froiss., Chron. D., p.1400, 132)

Proverbe. Paix donne mais guerre tolt

Tout bien fust recouvrés tantost, Car paix donne, mais gherre tolt. (Pastor. B., c.1422-1425, 179)

3.[Entre la divinité et l'homme]

Accord, entente.

Car paix souvent entre homme et Dieu y fait ; Ly saint par lui [la Vierge] de joie y sont refait (Mir. enf. diable, c.1339, 55)

État du monde avant la chute des anges et des premiers hommes.

Paix de paradis

Il me sembloit que Orgueil dist en [s]e vantent : 'Je suys celuy par lequel ma maistresse, Male Voulenté, osta la belle paix de paradis au bel ange Lucifer, et le feist tresbucher de si hault si bas en horrible confusion....' (Gers., Noël, p.1404, 303)

État du monde après la Rédemption.

Paix (espirituelle)

Gloire soit doncques a Dieu la sus, et en terre paix aux hommes de bonne voulenté ! (Gers., Noël, p.1404, 296)

...et fut en la signifiance de la paix espirituelle qui se refaisoit entre Dieu et homme, et des hommes aux angelz. Je laisse les allegacions. Fut signe aussy que en la terre espirituelle de l'Eglise fut donnee paix par nostre Seigneur Jhesu Crist, selon ce qu'il disoit a ses apostres qui estoyent fondement de l'Eglise : Pacem meam do vobis : Je vous donne ma paix, ma paix je vous laisse. (Gers., Noël, p.1404, 301)

Faire la paix de qqn à Dieu. Réconcilier qqn avec Dieu.

...Par quoy vous vueilliez ma paiz faire Au glorieux roy debonnaire, Vostre enfant chier. (Mir. femme roy Port., c.1342, 176)

B. -[N'impliquant qu'un seul acteur (une personne ou une collectivité)]

1.Tranquillité, situation d'une personne, d'une collectivité que rien ne vient troubler.

Vous avés souvent oi dire et recorder que envie et discorde se boutent volentiers en maison ou paix est, pour tout touellier. (Froiss., Chron. D., p.1400, 182)

Dya, monseigneur, dit elle, ne me creez jamais s'il n'est ainsi. Et, pour la paix de mon cueur, je vous requier que nous l'esprouvons. [Une femme veut savoir si ce qu'elle a vu en rêve est vraiment une illusion] (C.n.n., c.1456-1467, 113)

Si s'en retourna nostre maistre en son lit, enprès sa femme (...) pensant qu'elle ne sceust rien de sa bonne fortune. Car il la cremoit et doubtoit a merveilles, tant pour sa paix comme pour la fille. (C.n.n., c.1456-1467, 368)

À paix/par paix. Tranquillement.

Et lors dist bien des plus senez A cil qui la les ot menez Qu'il ferist a paiz et seri. (Tomb. Chartr. Dix-huit contes K., c.1337-1339, 245)

Item, quant est pour recevoir bien et proffit de son amy bien fortuné, l'en y doit aler tout a paix et senz soy haster. (Oresme, E.A., c.1370, 493)

...car nous ne faison pas vacacion afin que nous vacon, et nous bataillon ou combaton afin que aprés nous menon nostre vie a paix. (Oresme, E.A., c.1370, 521)

...je morrai plus à pais (...) quant je sçai que li plus souffissans et li plus preus de mon royaume achievera pour mi ce que je ne poi onques achiever (Froiss., Chron. L., I, c.1375-1400, 79)

Li dus respondi si sagement et si bellement que cette assamblée se departi par paix (Froiss., Chron. R., VIII, c.1375-1400, 107)

Tout à paix

Seneque dit que quant l'en veult amistiés deffaire, l'en les doit deposer et oster petit a petit et tout soüef, aussi comme l'en doit mectre jus un voirre ou un pot de terre ; non pas soudainement, mais tout a pais. (Oresme, E.A.C., c.1370, 463)

Locution adverbiale. Paix et aise. En paix et à l'aise, sans souci et content ; paisiblement et sans être dérangé ; bien tranquillement.

...aucunes foiz quant on fait la lessive a l'ostel, et la maistresse qui en sera bien enbesoignee cuidera que sa chamberiere soit a la riviere pour laver sa lexive, elle est aux estuves paix et aise (Chr. Piz., Trois vertus W.H., c.1405, 210)

Nous sommes tres bien maintenant, Et paix et aise, Dieu mercy. (Gréban, Pass. J., c.1450, 152)

Et a ce malostru changon, Moutonnier, qui le tient en procés, Laisse troys coups d'un escourgon Et coucher paix et aise es ceps. (Villon, Lais R.H., c.1456-1457, 19)

Proverbe. Vois et te tais, si tu veux vivre à paix/qui de tout se tait, de tout a paix

...et l'autre [proverbe] dit : 'Oy, voy et te taiz, se tu veulz vivre a paix' ; et le tiers dit encore que 'qui de tout se taist, de tout a paix'. (Evr. Conty, Eschez amour. mor. G.-T.R., c.1400, 736)

Qui tost se taist, tost a paix. (Exc., Science A.R., c.1465-1468, 35)

Avoir paix. Jouir de sa tranquillité.

Proverbe. Bon fait mentir pour paix avoir

Bon fait mentir pour paix avoir (Miélot, Prov. U., 1456, 192)

Beau parler et doux fait avoir paix et amis

Pour ce dit le Sage que «biau parler et doulx fait avoir paix et amys». (Legrand, Bonnes meurs B., 1410, 321)

Mieux vaut mentir pour paix avoir qu'estre battu pour dire vrai

Mieult vault mentir pour paix avoir Qu'estre batu pour dire voir ; Pour ce, mon cuer, ainsi faisons. (CH. D'ORLÉANS, Rond. C., 1443-1460, 375)

Avoir paix à qqn. Ne pas être importuné par qqn.

PYLATE. Sus, sergent, allez abregier, Desvetez moy ce maleureux Ou je n'aray point paix a eulx (Gréban, Pass. J., c.1450, 320)

Estre à sa paix. Être rassuré.

Si requis a madame la royne que j'eusse la chemise pour ce que des lors je vouloie commencier ma penitance. Mais elle, tendrement plourant, respondy que je fusse a ma paix et que je la commenceroye a jour faillant. (Percef. III, R., t.2, c.1450 [c.1340], 68)

Avoir son coeur à sa paix. Avoir l'esprit tranquille.

Et combien qu'il n'en eut point son cuer a la paix, car il n'en sçavoit que penser, toutesvoies il s'advisa qu'il descenderoit du pallefroy (Percef. III, R., t.2, c.1450 [c.1340], 171)

Estre en paix

Proverbe. Nul n'est en paix qui sert Amours

Celui que diz est si espris D'une tant belle, bonne dame, Qu'il ne pourroit estre [re]pris Tellement si tresfort il ame ; Mais espoir n'a point, sur son ame, D'avoir jamais d'elle secours ; Pas n'est en paix qui sert Amours. (CH. D'ORLÉANS, Compl. C., 1433-p.1451, 281)

Faire qqc. en paix. Faire qqc. en toute tranquillité.

Ce n'est pas justice, sire roy, de coper testes, ne poings, ne piez, ne pendre ; cela est pugnicion. Mais est justice de tenir et garder son peuple en droit et de luy donner voye et ordonnance qu'il puist vivre en paix, par quoy il n'ait nulle cause de luy esmouvoir. (Froiss., Chron. M., XIV, c.1375-1400, 30)

...il tenoit le chastel de Ventadour comme son bon hiretaige et avoit mis tout le pays d'environ à certain pactis et, parmy ces pactis, touttes gens labouroient en paix dessoubx eulx (Froiss., Chron. M., XIV, c.1375-1400, 189)

Laisser qqn en paix. Laisser qqn tranquille, ne pas importuner qqn.

DEUXIESME NONNE. (...) Biau sire : laissiez moy en paiz. Je ne pris voz diz ne voz faiz, Si m'aist Diex, ce festu ci. Pour Dieu, alez vous ent de cy. Laissiez m'ester. (Mir. nonne, 1345, 318)

LA DAME. Pour Dieu mercy, laissiez m'en pais ; Trop sanz angoisse et grant ahan. (Mir. enf. ress., 1353, 21)

L'AVUGLE. (...) Ne savez vous considerer Autre confort ? LE CONTRAIT. Nanil, j'ay angoisse trop fort (...). Laissiez m'en pais. (Mir. st Panth., 1364, 334)

Leissiez-moy aler faire ma besongne, et faites la vostre, et me laissiez en paix. (Reg. crim. Chât., II, 1389-1392, 62)

Et pour ce ledit de Cessieres dist aux gens dudit marquiz, qui le poursuyoient moult fort et asprement, que ilz le laissassent en paix (Baye, I, 1400-1410, 5)

Or ne parlons plus de ces choses et me laissiez en paix. (La Sale, J.S., 1456, 289)

Pour Dieu, laissez en paix ceste noble fille (C.n.n., c.1456-1467, 549)

SAINCT MARTIN. Mon amy, ne vous condempnez ; Dieu est plain de misericorde. QUART. Laissez m'en paix, vous me tannez ! Que pendu soi ge d'une corde ! SAINCT MARTIN. Vostre cueur ung petit s'acorde A escouter ce que veulx dire. (La Vigne, S.M., 1496, 283)

Se mettre en paix/se mettre à sa paix. Se calmer.

NOSTRE DAME. Amis, ta lamentacïon Laisse ester huy mais (...). Trop longuement y faiz demour ; Met toy en pais. (Mir. enf. ress., 1353, 62)

Et de fait, le roy par les lettres que Perrinet lui apporta (...) s'en mist un petit plus à sa paix que n'avoit esté, espérant, par envoier devers luy homme notable, pouvoir recouvrer sa querelle. (Chastell., Chron. K., t.3, c.1456-1471, 190)

Se tenir à sa paix/en paix. Rester, se tenir tranquille.

'Sire, sire, nous sonmes venu en ce pais pour vous servir et vostre pais contre vostres ennemis ; et vostres conmuns, entrués que nos sonmes en esbatemens dalés vous, esmuevent debas et voellent nos gens ocire et nous aussi. Nous ne le poons sousfrir, et n'en savons prendre milleur amendement, que sus ceuls qui ont esmeu la rihote.' Dont dist li rois : 'Messire Jehan, sousfrés vous, et faites tenir en paix vostres gens. Je ferai tenir en paix aussi tous ceuls de ceste nation...' (Froiss., Chron. D., p.1400, 120)

'Chiers sires, soufisse vous, se vous avés les biens de la ville sans essillier. (...) faites a savoir et criier par toute la ville que casquns se loge et se tiengne en sa paix, car ja ont vostres gens tant conquesté que tout li plus povre sont rice.' (Froiss., Chron. D., p.1400, 694)

...pourquoy les enfans escoliers leur [aux pages] giterent pierrettes pour les faire arrester et soy tenir en paix (Baye, I, 1400-1410, 94)

Tenir paix à qqn/tenir qqn en paix. Laisser qqn tranquille.

'Belle serour, pour l'amour de vous, et pour ce que je voi que il se mesuse, je li manderai notorement que il se mete a raison et eslonge de li son mauvais consel et vous tiengne en paix et en estat, ensi que uns rois doit tenir sa fenme, ou je li ferai guerre' (Froiss., Chron. D., p.1400, 50)

Vous vouldriés bien qu'il vous tint paix [l'enfant possédé d'un démon muet] Et qu'il n'ust plus la maladie ? (Pass. Auv., 1477, 159)

2.Male paix

Estre en sa male paix de qqc. Être dérangé, contrarié par qqc..

A tant se partit le bon chevalier et s'en revint devers le duc, à qui il raconta tout ce qui estoit dit et fait, qui en frogna le front et en estoit bien en sa male paix ; et eust bien voulu avoir esté ailleurs, pour le danger qu'il veoit et percevoit bien (Chastell., Chron. K., t.5, c.1456-1471, 265)

3.État de l'homme dont l'âme n'est pas troublée, paix intérieure, sérénité de l'âme.

MICHIEL. Paix soit avec toy, Simeon ! En ton cuer doiz avoir grant joie : Sains esperiz a toy m'envoie (Mir. nat. N.S.J.C., c.1343, 221)

THEODORE. (...) Pais soit entre ces hommes Dieu. Est l'abbé ci ? L'ABBÉ. Oil, mon ami, vez me cy. (Mir. Theod., 1357, 86)

Mais nous qui sommes cloistriez, Nous vivons en paix et sans noises (P. moyne, a.1500, 48)

SAINCT MARTIN. (...) Plus ne plourez et ne vous chaille, Mais touteffois, devant que saille Mon ame de ce corps present, Doctrine fault que je vous baille Et de paix vous face present. Mes amys, puisque suis exent De plus regner en cestuy monde, Nul de vous n'en soit desplaisant, Mais noctez ma parolle munde. (La Vigne, S.M., 1496, 570)

Paix de conscience

Touteffois on en a aucuns signes : le premier et principal est pais de conscience, quant on ne sent pechié de quoy on ne soit contris et confessé, ou au moins on a ferme propos de s'en confesser en temps et en lieu, et que on n'a hayne ne riens de l'autrui etc. (Gers., Pent., p.1389, 82)

N'est telle joye comme paix de conscience ; et telle paix est donnee par penitence, et par plaisir mondain ostee. (Gers., Déf., 1400, 243)

Par quoi il appert comment orgueil empesche sens et avis et fait l'omme vivre sanz paix de conscience, car hainnes et noises sont fondees en orgueil comme en la racine de toute inimystié. (Legrand, Bonnes meurs B., 1410, 312)

En bonne paix de la conscience. La conscience en paix.

Sus, ma mie, va t'en de ce lieu En bonne paix de ta conscience ! Garde bien ta ferme creance ; Ta foy t'a fait estre saulvee. [Réf. à Luc 7, 50] (Pass. Auv., 1477, 156)

Estre en paix de sa conscience

Sire cousin, dist la pucelle, il pourroit bien advenir que temprement vous en sçavrez la verité, pourquoy vous serez a paix de vostre conscience. (Percef. III, R., t.2, c.1450 [c.1340], 185)

[Sentences]

Celui qui suit avarice n'a point de paix de conscience

Et devroit le riche considerer ce que le Sage dit en son .XVe. chapitre de ses Proverbes, lequel dit que celui qui suit avarice n'a point de paix de conscience. (Legrand, Bonnes meurs B., 1410, 363)

Nul n'a paix de coeur ni de conscience s'il veut croire le monde et l'aimer

Nul n'y a paix de cuer ne de conscience se il veult croire le monde et amer. (Ménagier Paris B.F., c.1392-1394, 42)

Tiens toi en paix d'abord et alors tu pourras les autres pacifier

Tien toy premierement en paix et lors tu porras les autres pacifier. (Internele consol. P., 1447, 11)

Qui craint le commandement il demeurera en paix

Le .Ve. est qu'elle [la discipline] fait avoir paix dedens et dehors, selonc le dit es Proverbes ou .XIIIe. chapitre : «Qui crient le commandement, il demoura en paix». (Daudin, De la erudition H., c.1360-1380, 221)

Estre en paix

Guarison m'a donné parfaicte. Je auds, je parle, je suis en paix. Il me pardonra mes mesfaiz, Si luy plait, droit a ceste plasse. (Pass. Auv., 1477, 163)

Tenir paix. Vivre dans la paix.

Mes tu que croys a ce truant, Dy, comment auses tu cy venir, Que avec luy puissies tu paix tenir Au futur secle sans dy, amen ! (Pass. Auv., 1477, 266)

4.Satisfaction.

Et quant alefois je savoie Qu'en aucun lieu aloit esbatre, Pas n'i fausisse del embatre, Mais que sa pais veoir y peusse ; Ja aultrement alé n'i eusse. (Froiss., Espin. amour. F., c.1369, 80)

...N'ai cure qu'on me die De quel pris est la maladie : S'elle est grevable, je m'en tes, Et s'elle est bonne, c'est grans pes. (Froiss., Pris. am. F., 1372-1373, 55)

5.[À propos d'une chose] État d'équilibre.

En tels termes et manières de parler passèrent toute celle longue nuyt, aussy angoisseux à leur lez comme leur maistre au sien, et ne burent, ne ne mangèrent onques chose, fors que sur le point du jour, ils prirent un peu de repos pour remettre nature aucunement en sa paix. (Chastell., Chron. K., t.3, c.1456-1471, 271)

6.Par extension. Calme, absence de bruit.

Faire/prester paix. Faire silence.

SECOND ANGE. (...) Or ça, vezcy l'ame, vray Diex, Que demandez. DIEU. Or faites paix et m'entendez : De cy endroit nous partirons Touz ensemble... (Mir. prev., 1352, 275)

Ces mots icy verrez juer, Se paix vous nous voullez prester (Marcadé, Myst. Pass. Arras R., a.1440, 2)

LE PREVOST [aux auditeurs et au juif en particulier] . Faictes paix, que nul mot ne sonne. Proposez icy vostre cas. (Mir. st Nic. juif, c.1480-1500, 118)

Menestriers avancez vous De nous faire dancer trestous (...) Depeschez vous chascun face paix (Myst. st Martin K., a.1500, 162)

[Avec ell. du verbe] Paix ! Or paix !

LA VENTRIERE. Or pais (...). Dame, voz griez maus sont passez (Mir. enf. ress., 1353, 24)

LE MARI. (...) Or paiz atant, laissons l'estrif. (Mir. enf. ress., 1353, 78)

DEUXIESME CHEVALIER. (...) Mais ne sçay pas le propre lieu Ou est alé. LE ROY. Or pais, ne m'en soit plus parlé. J'en sui courrouciez vraiement. (Mir. Barl. Josaph., c.1363, 250)

LE QUART ESCOLIER. Paix ! vezci venir un preudomme, Ne scé s'il est de ceste terre (Mir. st Val., c.1367, 130)

LA CHAMBERIÉRE. Ma dame, or paix ! plus ne criez, Diex vous a grant grace donné, Car de vous avons un filz né, Bien le sachiez. (Mir. st J. Paulu, c.1372, 119)

'...Je le vous acorde. Atant, pes '! (Froiss., Joli buiss. F., 1373, 54)

Après ce tourment de noisse, Phelippes reprit la parolle et dist : 'Or paix !' Et on se teut tout (Froiss., Chron. R., X, c.1375-1400, 216)

Or paix, villain, fault il parler ? Se ceste nuyt ycy vous dure, Vous en aurés mainte plus dure, Mais que nous en ayons l'octroy. (Myst. Pass. Troyes B., a.1482, 729)

PREMIER SERGENT. Oÿ, monsieur. PREMIER BRIGANT. Chut ! SECOND BRIGANT. Paix ! TIERS BRIGANT. Holla ! PREMIER BRIGANT. J'ay oÿ du costé de la Quelque fol mal acompaigné. (La Vigne, S.M., 1496, 310)

C. -Par métonymie.

1.LITURGIE Petite plateau fait en matières précieuses que le célébrant donne à baiser aux fidèles au cours de la messe, en signe de paix, patène.

La fait on grans poses et très, Et certes honnie seroit Celle qui celle paix prandroit Au premier coup sanz refuser, Et en verriez femme ruser, Et l'estrangler trestoute vive : 'Resgardez la meschant chetive, Qui n'a pas vaillant une drame, Et a prins devant celle dame La paix et celle damoiselle : Il n'appartenoit point a elle.' (Desch., M.M., c.1385-1403, 110)

...une paix d'argent atout I crucifix d'or et deux ampulles d'argent (Comptes Lille L., t.1, 1385-1386, 8)

Et au matin, a la messe sonner, L'amant s'en va l'eglise environner Et l'eaue benoiste a sa dame donner, Et la paix prendre Tout volentiers pour lui porter et tendre, Car c'est le bien ou il veult lors entendre Qu'aprés elle baisier sans plus attendre. (Chart., D. Fort., 1412-1413, 170)

Item, une paix d'ivoyre, et a derriere la potence d'argent pour le tenir. (Fauq., II, 1421-1430, 117)

...les gouverneurs prindrent es esglises les joyaulx d'argent, comme encenciers, plaz, burettes, chandelliers, paix, brief de tous vesseaux d'eglise qui d'argent estoient ilz prenoient sans demander (Journal bourgeois Paris T., 1437, 334)

...deux paix une d'ivoire et l'autre de laton, trois poinzcons d'yvoire, une escriptoire dorée, (...) deux petilz marteaulx, deux petites choppines de chappelle, que pour aultres couteaux enmanchez de cyprez (Comptes roi René A., t.2, 1452, 323)

...quant il l'eut dit trois foiz [l'Agnus Dei] , et que son clerc luy bailla la paix pour baiser, la refusa. (C.n.n., c.1456-1467, 448)

Et avoit ung entre eulx [ambassadeurs d'Orient] de la loy sarrasine, nommé Machomet, et toutevoies alloit en l'eglise avecques les aultres, faisoit les honneurs a Dieu a genoux comme ses compaignons, tel fois au grant autel entrant en l'eglise, tel fois a la messe, laquelle il ne refusoit point sinon qu'il ne aouroit point le Saint Sacrement et ne prenoit point de paix (Chastell., Chron. IV, D., c.1461-1472, 287)

...deux petites paix de coquilles de perles, garnies d'argent doré, l'une à l'ymage saint Michel, et l'autre de trois roys (Comptes Lille L., t.2, a.1467, 176)

Tousjours d'elle me tenoye près Affin que luy peusse porter La paix, pour la baiser après (Amant cord. M., 1490, 26)

[P. réf. à la plaque ou patène que l'on baise à la messe] Baiser.

...clers est frons, Et ses mentons Est moult doucés ; Belle bouce a donner pés (Froiss., Lays am. M., c.1362-1394, 69)

La belle, gracieuse et douce, Qui mes maus amoureus adouce, Oÿ la messe toute entiere, Et je l'escoutai par derriere. Mais trop richement me cheÿ, Que, quant on dist 'Agnus Dei', Foi que je doi a saint Crapais, Doucement me donna la pais Entre deulz pilers du moustier (Mach., Voir, 1364, 266)

JUDAS. Maistre, piessa je ne te veiz, Dieu te sault, je te veul baisier. (...) DEUS. Amis, quil veulx tu apaisier ? Dy moy, pourquoy es tu venu ? Mieulx fust que ne m'eusse congneu. Pour ta paix me metz a tourment, Les Juïfz me hëent forment, Et en baisant tu m'as trahy. (Pass. Semur D.M., c.1420 [1488], 178)

2.Par analogie. Omoplate du mouton ou du veau dépouillée de sa chair, à cause de sa ressemblance avec une paix liturgique' (Éd.).

LUDIN. ...Or me dy que tu as. ANTHOT. Du boeuf Ung grant piece. LUDIN. Et puis ? ANTHOT. Un oeuf, Et d'une espaule de mouton La paix. (...) LUDIN. Je te requier que je la baise : Je y ay devotion bien grande. (Myst. Incarn. Nat. L., t.2, c.1454-1474, 164)