DESTRESSE

substantif féminin

[T-L : destrece ; GD : destrece ; GDC : destrece ; AND : destresce ; DECT : destrece ; FEW (III, 100a) : *districtia ; TLF (VII, 69a) : détresse]

A. -Au propre. Espace étroit, étroitesse.

1.Espace étroit.

Or a trois jours en mon dangier Esté sanz boire et sanz mengier Et a destresce de prison (Mir. st Ign., 1366, 108)

Et l'enffant vigoureux se commença a esmouvoir en son ventre (...) et tant que la voye naturele ne lui souffy, ains rompy par destresse le dextre cousté de la dame, a qui incontinent l'ame party hors du corps. (Percef. IV, R., c.1450 [c.1340], 160)

Une journée advint que Madame de Bethencourt envoia querir Messire Morellet, lequel vint vers elle à Bethencourt et la la trouva amurée et en prison, dont il fut tout esbahi. Elle lui a dit: - A, mon frere, je souffre biaucoup de destresse à cause de vous, dont vous ne may n'en povons més. (Béthencourt, Canarien C., c.1490, 359)

Estre à destresse. Être à l'étroit.

Ceens ara ja si grant presce, Que maint y seront a destresce : Car gens venront de toutes pars. (Mir. nat. N.S.J.C., c.1343, 230)

2.Étroitesse, étreinte serrée.

Tenir qqn en destresse. Le tenir étroitement.

Et pour ce que le dit curé le tenoit à grant destrece à deux braz parmy le col et la teste, et telement qu'il ne se povoit despescher ne delivrer de lui, et ne le vouloit laissier en paix, ycellui Cosson moult esmeu et eschauffé de ce que lui faisoit et efforçoit de faire le dit curé, qui ainsi le tenoit durement, comme dit est, saicha un petit coustel à trancher pain qu'il portoit, et d'icellui fery le dit curé parmi la cuisse un coup. (Doc. Poitou G., t.5, 1387, 325)

Et avant que il se peust relever, Remondin le vint si chargier de coups qu'il ne se povoit mouvoir, et lui esracha le bacinet de la teste par force, et lui met le genoil sur le nombril et la main senestre au col, et la le tient en telle destrece qu'il ne se puet mouvoir. (Arras, c.1392-1393, 63)

3.[D'un organe] Resserrement.

...et ne pooit parler mot tant avoit le cuer serré de destresse (Comte Artois S., c.1453-1467, 24)

Sy grand detresse M'est venu empongner sy fort Au petit ventre, que nul confort Trouver ne puys. Y fault d'un traict M'aler esbatre à mon retraict, Afin que mon mal s'amolice. (Retraict T., c.1490, 234)

B. -Au figuré. État, situation plus ou moins pénible.

1.Désespoir, affliction, tourment.

Mais paisiblement enduroit Tout mal et toute adversité Et gracïa la trinité De toz les malx qu'el recevoit, Quar greignour espoir concevoit D'avoir ou ciel joie et leesce Tant com ci avoit plus destresce. (Tomb. Chartr. Trois contes S., c.1337-1339, 96)

Cil chemins moult de gens angoisse Et les fait vivre en grant destresse : Laie gent l'appellent paresse Et li clerc l'appellent accide (Jacques Bruyant, Voie pauvreté richesse P., 1342, 17)

Et de la vient la grant destresse Qui le cuer li destraint et blesse. (Mach., D. Lyon, 1342, 228)

Car il est vostres tous entiers, Et si fait bien et volentiers Tout ce qu'il pense qui vous plaise, Et li las vit en grant mesaise, En grant dolour, en grant tristesce, En grant doubtance, en grant destresce, Ne nulle fois n'est asseür (Mach., D. Lyon, 1342, 230)

Morel, beste de grant pris, comme nous avons entre toy et moy souffert mainte grande destresse et mainte male journee, que onques sur toy ne mis selle. (Bérinus, I, c.1350-1370, 260)

LA DAME. (...) Doulce vierge glorïeuse, Ceste dolente pecherresse, Qui tant a au cuer de detresce, Par vostre grace confortez (Mir. enf. ress., 1353, 38)

De la leesse du temps present, laquelle l'omme acquiert en enseignant son filz, est dit es Proverbes ou .Xe. chapitre : «Le sage filz esleesse son pere et le filz fol est la destresse de sa mere». (Daudin, De la erudition H., c.1360-1380, 161)

Se (...) Dieu le vray seul aourassez, Tu, qui es triste et en destresce, Trouvasses joie sanz tristesce (Mir. st Val., c.1367, 160)

Te Deum laudamus en hault chanter Oirez pluseurs, pour oster leur destresse (Desch., Oeuvres Q., t.1, c.1370-1407, 97)

Tous ces princes chieux ma maistrece Puis a joye, puis a destrece, Je vy (Chr. Piz., M.F., IV, 1400-1403, 78)

Comme oseroit la bouche dire Ce que le cuer pas penser n'ose ? Comment requerray je la chose Que je n'ay hardement d'escrire ? Au pouvre prisonner, ma dame Donnez l'aumosne de lïece. J'ay du tout, en ceste destraisse Despendu mon plaisir, par m'ame. (Chart., R. Bal., c.1410-1425, 375)

...Courroux, Soucy, Dangier, Envye ; Chascune si est establie A moy servir par grant destresse. Souventesfois me sert Dangier, Si fait Courroux oultre mesure, Nuyt et jour si me fait manger De l'angoisse qui est trop dure (Régn., F.A., 1432-c.1465, 98)

...je vous asseure que toute douleur et destresse portoye depuis que les nouvelles vindrent de vostre mariage jusques à maintenant (Cleriadus Z., c.1440-1444, 521)

La pouvrette estoit, sans gueres le monstrer, en grand destresse de cueur (C.n.n., c.1456-1467, 174)

Item, donne [quelque chose, ici : un poème] a ma povre mere, Pour saluer nostre Maistresse, Qui pour moy ot douleur amere, Dieu le scet, et mainte tritresse - Autre chastel n'ay ne forteresse Ou me retraye corps ne ame Quant sur moy court malle destresse, Ne ma mere, la povre femme -. (Villon, Test. R.H., 1461-1462, 78)

Et en noz jours ce prince de sagesse, Le bon duc Jehan, nonpareil en largesse, Ne le print Mort par son cruel oultraige ? Certes si fist. Dont amere destresse A longuement esté nostre maistresse. (Meschin., Lun. princes M.-G., c.1461-1465, 6)

SOUBPRIEUR. Quelle destresse ! CHANTRE. Quel dueil ! (La Vigne, S.M., 1496, 582)

En particulier. Angoisse (de la mort).

...cete lieu estoit la out tout le sank de corps, qe demoree estoit, feust amassez, c'estoit entour le douz coer de vous, tresdouz Jhesus, et en cest temps, car par la destresce qe le douz coer avoit a morir, bien par reson poet homme savoir qe le sank y deveroit tout assembler pur reconforter le coer et sustigner (Henri Lanc., Seyntz medicines A., 1354, 185)

Il [roy de Craquo] s'approuche de lui et escout l'archigaye et la laisse aler devers le roy Fedric par telle vertu que il le perce de part en part. Et le roy, qui tost senty la destrece de la mort, ne se pot plus tenir sur le destrier, mais chey a terre a la renverse tout mort. (Arras, c.1392-1393, 180)

Je croy la vie esternelle Estre donnée aux bonsheureux, Et destresse perpetuelle Estre a ceulx qui seront dampnés. (Marcadé, Myst. Pass. Arras R., a.1440, 281)

Or escoutés comme se complain Le filz de Dieu en la croix estant Et parle a tout le monde et dit : «Toy qui passe par devant moy, Regarde cy, areste toy, Commen je suis en grand detresse En ceste croix qui sy me blesse.» (Pass. Autun Biard F., 1470-1471, 145)

Coment puis mes yeulx ne ma face Lever es cieulx, n'avoir lïesse ? Je deusse morir de destresse, Veu les grans pechés ou je suis. (Pass. Auv., 1477, 138)

Proverbe. Au monde n'est destresse que de mort

Pouvre dolent, ne sçay que mais que je fache, Tant pour le bien qui mes fautes efface Que pour l'horreur du miroir qui tant mort : Au monde n'est destresse que de mort. (Molinet, Faictz Dictz D., 1467-1506, 671)

En particulier. Crainte de la mort.

...il ne savoient prendre nul conseil, fors que de plaindre, de plourer et de prier a Dieu qu'il eüst pitié et mercy de leurs ames, et bien voulsist a celle heure qu'il eüssent passee la grant destrece de la mort. (Bérinus, I, c.1350-1370, 217)

Si ne fu mie merveille s'il ot destresse, car il estoit en grant peril de mort (Bérinus, II, c.1350-1370, 42)

Destresse de/au coeur. Le coeur serré, oppression.

...Et pour ce qu'ot au coer destresse Pasmee fu et se tint morne. (Dame Lycorne G., c.1349-1350, 290)

Quant Famius, qui en grant richesse et en grant honneur se deduisoit, sot la maladie Agea sa femme, et apperceut le peril de la mort ou elle estoit, si fut moult courroucié et a grant destrece de cuer, et ce fu bien drois, car il l'amoit moult tendrement (Bérinus, I, c.1350-1370, 12)

Dont se fist Berinus confez a Dieu de ses pechiez, et atant Aigres sacha son espee et coupa a son pere la teste en grant destresce de cuer (Bérinus, I, c.1350-1370, 399)

Adonc ot Cleopatras si grant destresce au cuer que elle se pasma par plusieurs fois (Bérinus, II, c.1350-1370, 81)

Aprés ce Aigres print congié a sa mere, moult tendrement plourant, et elle le commanda a Dieu en tres grant destresce de cuer. (Bérinus, II, c.1350-1370, 169)

...le cuer lui commença a ratenrir pour l'amour du vaillant conte qu'il menoit ainsi mort, tellement que par la destresse qu'il en avoit au cuer il se print a plourer. (Percef. IV, R., c.1450 [c.1340], 185)

...a tresgrant destresse de son cuer lui dist: 'Hé ! ma treshaulte et souveraine deesse sans per, vous qui me devriés reconforter du tres desplaisant duel que mon cuer a a cause du departir de vous... ' (La Sale, J.S., 1456, 96)

...a tres grans destresses de leurs cuers, prindrent congié l'un de l'autre. (La Sale, J.S., 1456, 301)

Par grande destresse

...et par telles foles opinions despendent l'avoir acquis par grant destrece par leurs parens et dont ilz ont après vieillece sousfraiteuse (Chr. Piz., Faits meurs Ch. V, S., I, 1404, 26)

En particulier. Chagrin d'amour.

Mais nompourquant grant destresse d'amour, Ardant desir, la crueuse langour, Ou j'avoie demouré par maint jour, Son bel acueil, Esperance de terminer mon dueil (...) Le hardement De requerre merci couardement Me donnerent (Mach., J. R. Beh., c.1340, 75)

Ses cuers est fermez en la tour D'Amours, sous la clef de Tristesse, Ou elle sueffre grant destresse... (Mach., J. R. Nav., 1349, 205)

S'amours vousist que chascuns fust peüz De ses grans biens, sanz ce qu'il eust destrece, Mal ne dolour par avant cogneüz, Nulz ne tendroit ses biens de tel hautesse Com depuis fait (Mach., App., 1377, 651)

Tres doulce fleur de noblesse, Oustés mon cueur de destresse Ou il est par chascun jour. Ou jamès je n'auré liesse, Si vostre cueur ne s'adresse A m'aymer par bonne amour. (Vir. H., c.1400-1500, 92)

Pource, tous deulx [Doux Penser et Souvenir] , pour me tollir Destresse, D'elle, vueilliez nouvelles m'aporter Le plus souvent que pourrés, je vous prie (CH. D'ORLÉANS, Ball. C., c.1415-1457, 58)

Se je puis veoir seurement Que m'amés tousjours loyaument, Content suis de passer destresse En vous servant joyeusement, Ma Dame, ma seule maistresse. (CH. D'ORLÉANS, Ball. C., c.1415-1457, 79)

Faites moy donc tant d'amistaige Que puisse vostre bel'ymaige Baisier, pour guerir ma destresse ! (Narcissus, p.1426, 310)

Tenir en destresse

Mais bien y scet le droit chemin tristesse : C'est ses donjons, c'est sa maistre fortresse, C'est son ressort ; La regne et vit com roïne et maistresse, La tient mon cuer en trop mortel destresse Et la depart et donne a grant largesse Jouiaus de mort. (Mach., F. am., c.1361, 157)

Et qu'elle face largesse Des biens d'amours sans promesse, Par franchise et par noblesse, Pour garir ce qui me blesse Et qui me tient en destresse : Autrement je sui deffais. (Mach., Les lays, 1377, 441)

Laissez soucy avec tristesse, Car c'est ce qui le cueur vous blesse, Et boutez hors melencolie, Qui vous tient en si grant destresse, Ou vous ferez tres grant folie. (Régn., F.A., 1432-c.1465, 204)

2.Manque, pénurie ; état provoqué par ce manque.

Je l'eus si juene et si petit [le lion] Que pour fain, ne pour appetit, Ne pour destresse qu'il eüst De famine, il ne se sceüst Rapaistre ne mangier par li (Mach., D. Lyon, 1342, 226)

En cele temps fut le VJ.me dener de bienz levé en Loundres et en autres cytés en Engeltere, et sure upelond le X.me dener, à graunt destresse et enpoverissement del comun poeple de la tere. (Chron. London A., c.1350, 46)

Chil de Calais (...) estoient à si très grant destrèce de famine que li plus poissans et plus fors se pooit à grant malaise soustenir. (Froiss., Chron. L., IV, c.1375-1400, 53)

...par neccessité de vivres, failli la force de ses gens, lesquelz à son povoir reconfortoit de telz biens, comme il avoit, (...) et tant paciemment portoit son anuy et mesaise qu'il ne plaignoit riens fors la destrece de ses bonnes gens et loiaulz servans, qu'il veoit chascun jour mourir à grant doleur (Chr. Piz., Faits meurs Ch. V, S., I, 1404, 139)

...et lez plusieurs souvant per detresse metoent en leur bouche aulcunes pieces de fer pour leur grant soifz estancher (Wauquelin, Conq. faits Alexandre, a.1440. In : Chrestom. R., 106)

Alors par la destresse des vivres, les patrons envoyerent le escripvain de la nave dedens le palescarme et escript audit messire Nicolle, cappitaine dessusdit, soy merveillant que par l'omme qu'il avoit envoyé n'avoit de lui plus nulles nouvelles, et que seurement mandast largement de pain, de vin et d'aultres vivres (La Sale, Salade, c.1442-1444, 157)

Povres gens ont trop de destresse. Du propre labeur de leurs mains, Qui deust tourner a leur usaige, llz en ont petit, voire mains Qu'il n'est mestier pour leur mesnage. (Meschin., Lun. princes M.-G., c.1461-1465, 54)

L'enfant moult haut crioit par destresse de faim, la mere se taisoit par traveil inhumain, l'enfant queroit sa vie ou sain de sa nourice, la mere queroit mort et derrenier supplice (Molinet, Faictz Dictz D., 1467-1506, 139)

. ...le peuple, à cause de la grant destresse de vivres en quoy ilz estoient, desjà murmuroyent et se voulloient (...) esmouvoir contre lesdits Angloiz (Leseur, Hist. Gast. IV, C., t.2, 1477-1478, 28)

GADIFFER estant en l'ille de Louppes en grant destresse de fain et de soif, attendant la mercie Notre Seigneur... (Béthencourt, Canarien C., c.1490, 79)

3.Situation pénible, rigueur, sévérité.

Mais il fait si grant chaut en celle ylle que pour la grant destrece de la chaleur la perpendelle de lomme, et trestout ce la que vous sauez bien, ist hors du corps, pendant iusques enuiron la iambe, pour la grant dissolucion du corps. (Mandeville, Voy. L., p.1360, 322)

...et quant aucuns des hommes sailloient pour la destresse du feu, ilz mettoient leurs lances à l'androit, et ains qu'ilz fussent à terre, ilz estoient percez de III ou IIII lances (Journal bourgeois Paris T., 1420, 137)

La glorieuse Magdaleine Mena long temps vie mondaine Et si fut grande pecheresse, Mais depuis print vië humaine Pour repentance trescertaine En grant douleur et en destresse (Régn., F.A., 1432-c.1465, 108)

Lequel roy Lancelot estoit nourry en ladicte cité de Gayette et en grant destresse et neccessité, pour ce que les troiz parties ou environ dudit royaume se tenoient pour le roys Loys second, filz dudit roy Loys premier, duc d'Anjou, son contraire. (La Sale, Salade, c.1442-1444, 189)

Moy, j'ay esté pres et loing En batailles et destresses Et a prandre des fortillesses, Ou jay souffert mains bastement (Pac. Job M., c.1448-1478, 257)

À (grande) destresse

Tous trois ly ung sur l'aultre se sont amoncelez Et pausmez a grant destresse (Renaut Mont. B.L. V., c.1350-1400, 71)

Comment Mardocius en Grece Fu desconfis, a grant destrece, Et sa gent morte et confondue. (Chr. Piz., M.F., II, 1400-1403, 254)

Et ce que vous demandez tant, Qui vous fait trestant de rudesse, C'est la Pucelle que je atant Pour faire morir a destresse. (Myst. siège Orléans H., c.1480-1500, 652)

O, que grant pleur eut quant Lucresse Fut violee a destresse, Qui se tua par desconfort (Rivière, Nef folz D., 1497, 209)

Estre à/en grande destresse

Et Berinus et sa mesnie estoient a grant destrece, a grant doulour et a grant doubtance de mourir. (Bérinus, I, c.1350-1370, 197)

Cil de l'host leur jettoient et envoioient par leurs engiens chevaus mors et bestes mortes et puans, pour yaulz empunaisier, dont il estoient là dedens en grant destrèce. (Froiss., Chron. L., II, c.1375-1400, 25)

4.Émotion, impatience.

...et ainsin a tres joieuses destresses de leurs cuers passerent ce treslong et ennuyeux jour et jusques a la nuyt et heure entr'eulz ordonnee que ilz se trouverent au jardin (La Sale, J.S., 1456, 141)