NEGLIGENT

adjectif

[T-L : negligent ; GDC : negligent ; FEW (VII, 89a) : negligere ; TLF (XII, 63a) : négligent]

I. -Adjectif. Qui n'accomplit pas son devoir, qui ne prend pas soin de qqc..

Cy endroit plus ne me tendray, Je m'en vois veoir la justice, Que ne soie tenu pour nyce Et negligent. (Mir. st Panth., 1364, 365)

Or vient apres la dame toute endormie, qui est paresceuse et negligente, et soy mesme oublie. Elle ressemble le lyron qui dort tout l'iver. Et quant vient a l'este et il cuide pasturer, il est pris a la raciete... (Mézières, Songe vieil pèl. C., t.1, c.1386-1389, 245)

...que les tirans pilleurs sur leurs hommes ne les puissent ainssy pillier et efforcer, comme souventteffoiz soubz prince simple ou negligent ilz font (La Sale, Salade, c.1442-1444, 18)

Se, comme dit Salamon, le prince est negligent, le peuple ne scet que faire, et benoiste est la terre qui a le prince noble. (Bagnyon, Hist. Charlem. K., c.1465-1470, 12)

Nous fusmes bannis en tous lieux En la malle grace des dieux, Et puis ces paillards boulengiers Qui vendoient sept ou huit deniers Le pain qu'on a present pour ung, Quant je vy ce train et ce jeu Je ne fus fol ne negligent, Mais [courus] a Sainct Innocent Me fourrer avec les maraulx. (Sots gard., a.1488, 104)

Fait assembler avoit ja tous ses gens Et amener toute l'artillerie Pour a Florence, sans estre negligens, Y aller faire quelque grant deablerie. (La Vigne, V.N., p.1495, 207)

[P. méton. du subst. qualifié]

Il aroit cuer trop negligent Qui ne feroit vo voulenté. (Mir. pape, 1346, 368)

Plus que je ne cuidoie est vos cuers negligens. (Brun de la Mont. M., c.1350-1400, 34)

Estre negligent de + inf.

Et aussi moult bien me tenoie D'enchëoir en cause contraire De tout ce qui li devoit plaire, Sans nulle heure estre negligens, Mais toutes heures diligens De trés tous ses bons acomplir, Enteriner et raëmplir, Quant il en estoit lieus et temps (Mach., D. Aler., a.1349, 277)

Et est a savoir que pluseurs causes sont par quoy un homme peut estre negligent de bien faire : une est la malice de sa complexion, qui le rent pesant, pereceus et negligent, si comme seroit un homme qui est trop fleumatique. (Oresme, E.A.C., c.1370, 198)

Car aucunes fois pour celes delectacions les gens sont negligens de garder leurs corps et leur possessions. (Oresme, E.A., c.1370, 515)

Derechief, se tout estoit ainssi conmun, chascun seroit neglygent de garder la chose conmune, car, conme dit une loy : c'est vice naturel que d'estre neglygent en la chose laquelle est conmune (Songe verg. S., t.2, 1378, 217)

Seigneurs, ne soiez negligens De ce que vous sers en gré prendre (Mir. st Alexis, 1382, 285)

...se lesdites contesses d'Esvreux et d'Artois eussent esté negligentes de poursuir et demander leur droit (Jean De Montreuil, Traité Angl. III, G.O.O., 1416, 271)

...pour pourveoir et commettre à l'exercice desdis offices gens ydoines, expers et souffisans ou lieu de ceulz qui sont, ainsi que dit est, ignorans, negligens ou mains souffisans de exercer lesdis offices de Chastellet (Fauq., I, 1417-1420, 201)

Estre negligent à + inf.

Puisque on vous voelt aidier a esclarcir vostre droit ; ne soiiés pas negligens, mais diligens a demander ce qui est vostre (Froiss., Chron. D., p.1400, 265)

...null ne doit estre necligent a travailler pour atquerir honneur et sauvacion. (Caumont, Voy. N., p.1420, 21)

...ou se ilz frotent trop souvent les dens de choses qui fussent trop agues en ostant les racines des dens ou s'on a esté neglegent a les mundifier (Gordon, Prat., c.1450-1500, III, 25)

[Le compl. est représenté par en]

Guillaume, soiez tous certeins Que de droit y estes ateins ; Se n'en serons point negligens. Or soiez aussi diligens, Et puis maintenant vous levez Pour faire ce que vous devez Vers celui qui pour juge siet. S'en fera ce que bon l'en siet. (Mach., J. R. Nav., 1349, 275)

PREMIER DYABLE. (...) Alons y bonne erre ; Si emportons et ame et corps En paine (...). SECOND DYABLE. Je n'en seray pas negligens. (Mir. prev., 1352, 247)

...li fu commandé de par le seneschal du roy et requis de par les fermiers du cohuage (...) que il la feist reparer, et onques pour tant ne l'a fait, maiz en a esté negligens et remis, et ainssi est la dite cohue si ruyneuse et decheue que ad present ne seroit rapareillie pour mil cinq cens livres (Doc. Poitou G., t.3, 1354, 177)

Elle n'estoit point bien pourveue d'arteillerie ; car li sires de Gommegnies, qui chapitains en estoit, en avoit esté moult negligens. (Froiss., Chron. R., VIII, c.1375-1400, 242)

Estre negligent de qqc.

Item, chascune [femme] seroit negligente du commun proffit de l'ostel. (Oresme, E.A.C., c.1370, 444)

Et toutesfois que les presidenz sont negligenz de tele cure commune, lors est il convenable que chascun mecte paine de faire chose par quoy il puisse ses filz et ses amis adrescier a vertu ou eslire (Oresme, E.A., c.1370, 534)

Estre negligent en qqc.

...A brief parler, je suy en ce fait négligent, Car il y a des princes qui sont poissant et gent... (God. Bouillon R., t.2, c.1356, 200)

Derechief, se tout estoit ainssi conmun, chascun seroit neglygent de garder la chose conmune, car, conme dit une loy : c'est vice naturel que d'estre neglygent en la chose laquelle est conmune (Songe verg. S., t.2, 1378, 217)

Ou service de Dieu ay esté lent, paresceux et negligent en la foy, et curieusement pensé de l'aise de ma charoigne. (Ménagier Paris B.F., c.1392-1394, 31)

Estre negligent sur qqc.

Et ung peu apréz dist encore : «Se auchun se doubte estre negligent sur la garde d'auchune vertu, et elle ait eage competent, et ainssi le convient faire», pour auchunes des causes dessus dictes, «face che qu'elle veult : s'elle se marie, pas ne peche». (Daudin, De la erudition H., c.1360-1380, 403)

Estre negligent de soi

Ou es tu quant tu n'es mie present a toy mesmes et quant tu as par tout couru ; que as tu prouffité se de toy tu es negligent ? (Internele consol. P., 1447, 17)

Estre negligent vers qqn

Vous avez grant malice et aspre entreprinse contre voz prouchains, et estes negligens et simplez vers voz persecuteurs. (Chart., L. Esp., c.1429-1430, 82)

II. -Emploi substantival. Celui qui néglige de faire qqc., qui ne fait pas ce qu'il devrait faire.

Les negligens, et mesmement cheulx desquelz les euvres ou estudes apparent dignez de reprehension, nous convient par tel cautele ou subtiveté decliner afin que fuions che que ilz font, sans presumer ou voloir jugier che que ilz sont. (Daudin, De la erudition H., c.1360-1380, 276)

...de tout ce que fait en aurés, rescripvés souffisamment adfin qu'il appere des negligens pour proceder contre eulx (Trés. Reth. S.L., t.2, 1389, 363)

Item, que toutes personnes qui auront a bailler requestes, qu'ils les baillent cette presente sepmaine et le plus tost que faire le pourront. (...) Toutesvoyes n'entent pas la cour que ès sepmaines ensuivantes bailler ne les puissent, mais les diligens seront preferés aux negligens. (Echiq. Normandie S., 1424, 112)

Ceste vieille est ditte Paresse qui de sa congnee assomme les negligens, et est ditte ceste congnee Ennuy de bien faire. Et quant sont ainsi assommez, elle les lie de ses cordiaux, c'est assavoir Fetardie, Negligence et Lacheté (Déclar. Hyst. S., a.1449, 160)

Remarque : Il s'agit vraisemblablement du même sens dans l'ex. suivant, à moins qu'il ne faille comprendre 'négligence' :

...ly maire puet, sour cheli negligent, demyneir, por cause de inobedienche, l'offische de son eskevinage (...) ; et, les demynemens passeis, ilh porait prendre saizine en aiouwe del evesque ou de saingnour à queil ilh en appartient de dit esquevinaige. (Hemricourt, Patron Temp. B., c.1360-1399, 97-98)