MOLESTE

substantif féminin

[T-L : moleste2 ; GD : moleste1 ; AND : moleste1 ; DECT : moleste2 ; FEW (VI-3, 34a) : molestia]

A. -Action de molester qqn, de causer du tort à qqn ; tort, dommage.

Si s'en part, Daniel demeure. Mais chascuns des lions l'onneure Et li fait feste et reverence, Sans moleste, sans violence. La fu sis jours, que creature Pain ne vin ne autre pasture Ne li donna, n'aus set lions, Plus familleus qu'alerions (Mach., C. ami, 1357, 41)

'...vous vos partirés de ceste ville et ferés partir les vostres, et ne nous ferés ne consentirés damage ne moleste.' (Froiss., Chron. R., X, c.1375-1400, 28)

Et ce qui estoit en bonnes mains quant pour justice et raison faire, il [Uriien] n'y mua nul officier, et ou il veoit que besoing estoit, il y pourveoit de remede par le conseil de ses barons, et leur commanda a tous que ilz feissent raison et justice au grant et au petit, sans faveur ne moleste, par my juste verité ; ou autrement il les pugniroit si crueusement que tous les autres y prendroient exemple. (Arras, c.1392-1393, 124)

En mer luy sourdy grant tempeste, Dont il hot si fiere moleste Que bien perdy .IIIIxx. nefz (Chr. Piz., M.F., IV, 1400-1403, 13)

Ta parolle est a present confermee par l'oeuvre, car la moleste et oppression du clergé de France, dont tu, Entendement, te guermentes, et la persecution des prestres de Behaigne occis ou dechassés nous en font certains. (Chart., L. Esp., c.1429-1430, 58)

...et esmeult et esleva soubz luy en Angleterre grans molestes et calamitez (Juv. Urs., T. crest., c.1446, 61)

...que de nostre presente grace, remission, pardon et abolicion, facent, seuffrent et laissent joïr et user plainement et paisiblement les diz supplians et chascun d'eulx, comme leur pourra touchier, sans leur faire ne souffrir estre fait, mis ou donné aucuns troubles, molestes ou empeschemens au contraire (Doc. Poitou G., t.8, 1447, 418)

Et que diroies tu de aucunes personnes qui souvent aimeroient mielx souffrir en leurs propres personnes ung tres grief mal et grant moleste - pour eviter une griefveté en leurs biens - que de voir perir leurs biens, et le mal qu'i souffriroient en leurs personnes plus paciaument le soustienent que celui de leurs biens et chouses temporelles ? (Crap., Cur Deus, De arrha B.H., c.1450-1460, 231)

Les plus puissans font aux petitz molestes (Meschin., Lun. princes M.-G., c.1461-1465, 82)

Sus, Belzebus ! viens, si le lye Devant moy de chesnes de fer Enflambëes du feu d'enfer, Plus ardant que feu de tempeste, Et le battez par tel moleste Qu'il soit brulé de part en part. (Myst. Pass. Troyes B., a.1482, 339)

Faire moleste (à). Causer du tort (à).

Voluntier fait noise et moleste. (Dupin, Mélanc. L., c.1324-1340, 142)

Et se doubtoient ses gens que il ne fesist aucuns griés et molestés à son pays et ne violast les eglises. (Froiss., Chron. L., VI, c.1375-1400, 186)

Saint Jehans, en l'Apocalice, (...) dit que dou parfont abisce Mon(s)t(r)era la crueuse Beste Qui ou mont fera grant moleste (Jour Jug. R., c.1380-1400, 217)

L'EMPEREUR. (...) Pour ce, voulons savoir briefment Qu'il em puest estre ['qui s'est converti au christianisme'] ; Car, s'ainsi est, grande moleste Luy en ferons. (Myst. st Adr. P., c.1450-1485, 68)

Dueil me rompt la teste Par hault crïer et braire, et souspire trestant Chascune heure qu'il voit que d'esbatre m'apreste. Il m'en destourne a tort pour me faire moleste, En disant que sans lui n'yray ne tant ne quant (RENÉ D'ANJOU, Cuer am. espris W., 1457, 177)

La cygoingne lui rendy son annel par tel si qu'il deffenderoit aux porchiers et vachiers de son hostel qu'ilz ne lui feissent plus de moleste, comme ilz avoient acoustumé de jetter et traire aprés elles. (Ev. Quen. I, c.1466-1474, 116)

...nous vous pryons que pour telz vous les vueillez tenir et repputer sans leur faire aucune guerre ou moleste (Lettres Ch. VIII, P.M., t.5, 1496, 7)

Livrer moleste à qqn

...et, tendant a en venir a son desseure, y mena grant effort de gens et leur livra assaulz et molestes ce que pouoit et sçavoit (Chastell., Chron. IV, D., c.1461-1472, 253)

Porter moleste contre qqn

JHESUS. A quoy portez vous tel moleste Contre ceste femme benigne, Laquelle a fait euvre tant digne Et icelle exploictee en moy ? (Myst. Pass. Troyes B., a.1482, 550)

B. -Par extension.

1.Désagrément.

Les autres ont tant de moleste Et de pesances et d'ennuis Qu'ilz n'ont bons jours, ne bonnes nuis (Chr. Piz., M.F., I, 1400-1403, 150)

La arrivasmes sanz moleste, Et ou moustier mes oroisons Je dis, comme il estoit raisons (Chr. Piz., Chem. estude P., 1402-1403, 58)

Puis se disna, sans moleste ou presse, Et a huyt heures avecques sa noblesse Virillement il monta a cheval. (La Vigne, V.N., p.1495, 280)

Peine, tourment.

Par son plaisir nous doint effort De purger nos vices et molestes Et que accepte noz requestes. (Myst. Pass. Amb. R., c.1474-1500, 35)

Je vis toujours en deuil et en moleste, En moi je n'ay sens ne entendement (Myst. ste Barbe P., 1493, 13)

2.Dommage, action nocive de qqc..

Maiz tous ceulx qui ont foible teste Doivent garder de leur moleste [des aulx], Et aussi ceulx expressément Qui seulent vivre souefment, Et qui souvent et volentiers Endurent corporaulx dangiers ; Car les aulx, je vous certifie, Esmeuvent toute maladie (La Haye, P. peste, 1426, 128)

3.Dommage causé à qqc..

...car il ordenoit Qu'en tous les pais de conqueste Ou il aloit, que ja moleste Ne grevance on ne feist aux temples. (Chr. Piz., Chem. estude P., 1402-1403, 185)