MANGER

verbe

[T-L : mangier ; GD : mangier1, mangier2, mangeant ; GDC : mangier1, mangier2 ; AND : manger ; DECT : mangier ; FEW (VI-1, 160,162a,163,165) : manducare ; TLF (XI, 298b,302a) : manger1, manger2]

I. -Emploi transitif.

A. -Au propre.

1.[D'une pers.]

a)Manger qqc.

Absorber (un aliment solide).

Aussi est ce bonne chose de estre gueri de maladie, mais non pas pour mangier quelconques chose. (Oresme, E.A., c.1370, 502)

...et fist ledit prisonnier fondre ledit fromaige, et firent des souppes dedens, lesqueles ledit prisonnier menga à la pointe de son coustel (Reg. crim. Chât., I, 1389-1392, 559)

...après ce qu'ilz orent veillié en leurs chambres jusques environ deux heures après minuit et mangié de la char en la compaignie d'autres compaignons officiers dudit mons. de Bourbon (...), l'en entra à force en leur dite chambre (Reg. crim. Chât., II, 1389-1392, 477)

... [le roi] fist tendre un bel paveillon devant, et souppa tout a son aise, et puis se ala couchier, et dormy jusqu'au lendemain, souleil levant, et ouy messe, et puis menga une souppe en vin. (Arras, c.1392-1393, 302)

Par Mahon, dist le soudant de Barbarie, se ilz [les chrétiens] estoient tous cuiz, et il feust acoustumé de mengier telle char, il n'en y a pas assez pour nous repaistre. Et par ma loy, s'il n'y avoit que moy et ma gent, si n'en repasseront il ja pié dela la mer. (Arras, c.1392-1393, 226)

Et lui compta la bonne et saincte vie que Remond, son pere, menoit, et comment il estoit tous les jours confessez et recevoit son Createur, et ne mengoit rien qui receust mort. (Arras, c.1392-1393, 276)

...par sept ans conversa avec les bestes, mengiant foing et paissans es prez (Chr. Piz., Paix W., 1412-1413, 147)

...avant que la bonne damoiselle son hostesse eust a moitié mengé sa porée, il n'y avoit trippe ne trippette dedans le plat. (C.n.n., c.1456-1467, 486)

...monstrerent aux simples gens le cultivement des terres et puis Cerès vint, qui leur montra à semer blé, car au devant ne menjoyent que glans et fruit tout cru. (Simon De Phares, Astrol., c.1494-1498, f° 21 r°)

[Allusions à l'Ancien et au Nouveau Testament]

Et nequedent n'ay je pas en propos de dire de chascun, car trop entreprendroie grief fais, se je vous vouloye compter comment Adam menga la pomme, ne de Caÿn qui occist son frere Abel (Bérinus, I, c.1350-1370, 3)

Jadiz, Sire, en tele glorieuse journee, comme est [c]e jour de la Penthecouste, le jour de perdon et remission, le jubilé de grace, les apostres et les disciples avecque la benoite Vierge Marie estoient enfermez pour la paour des juifs dedens l'ostel ou avoit esté faite la cene du grant jeudi a mengier l'aignel de Pasques, ou mont de Sion (Gers., Pent., p.1389, 75)

Regardez mesmes que Dieu, qui est sage sur toute sagesse, fist pour ce que Adam, desobeissant et mesprisant le commandement de Dieu ou deffense, menga la pomme, qui estoit peu de chose a lui que une pomme, comment il en fut courroucié. (Ménagier Paris B.F., c.1392-1394, 82)

JACOB (à Esaü) Or tien, mengu tout a ton ayse ; Le droit de premier né est mien. (Myst. Viel test. R., t.2, c.1450, 144)

...son propre serviteur Qui devroit estre ainsi comme tuteur De son saint corps et mengant en sa table Le traÿra (Myst. Incarn. Nat. L., t.1, c.1454-1474, 12)

Et leur furent par vous tous fruitz habandonnez se non celluy de vie, comme vous pleust l'ordonner, du quel Adam menga et fut desobeïssant. (Bagnyon, Hist. Charlem. K., c.1465-1470, 56)

Las, pouvre, j'en pers ma coronne, Payent la somme Du fruit maulvaiz que tu [Adam] mangis ! (Pass. Auv., 1477, 246)

Mais tantost apres, par l'annortement du diable, qui se mist en guise d'un serpent et parla à la femme et lui fit menger du fruit lequel Dieu avait deffendu, laquelle en fit menger à son mary. (Béthencourt, Canarien C., c.1490, 171)

Locution.

Avoir mangé son pain. Avoir vécu sa vie.

Mes jours s'en vont comme fumée Helas ! je seche comme fain ; Aussi je pers la renommée Du monde transitoire et vain ; Mais ne m'en chault, roi souverain, Maishuy de honneur terrienne, Car j'ay presque mangé mon pain : Mais donne moy la vie haultainne. (Prisonn. desconf. C., c.1488-1489, 56)

[Dans un contexte métaph.] Manger chair salee. Subir de graves revers.

...se l'on menge chair sallee On leur fera boire des eaux. (Myst. siège Orléans H., c.1480-1500, 448)

Manger une poire/un gasteau/du rost. Recevoir des coups.

Passés davant, mestre Cromache. Festes vous yci le prevoust ? Par dieu, vous mangerés du roust Et si aurés ses quatres miches. (Myst. st Sébast. M., c.1450-1500, 173)

Mange ceste poere boulie Et de ce guasteau mal prestit ! (Pass. Auv., 1477, 189)

Manger son potage à cachelouche avec qqn. Avoir des relations sexuelles interdites avec qqn (?)' (GD) (V. cachelouche).

Dame Sebile des Mares dist sur ce pas que les filles ne doivent point mengier a cachelouche leur potage avec leurs amoureux, car par coustume il avient souvent que leurs maris ont acointe apart et non pas les femmes. (Ev. Quen., I, c.1466-1474, 86)

Manger un gasteau. Endurer, subir une méchanceté, un sale tour.

LE DUC. (...) Chivaliers, ce sont les gasteaulx Qu'on fait en court pour en taster. LE PREMIER CHIVALIER. Je n'en voulroye pas manger, Mon seigneur, s'il estoit possible. Tieulx pains font les gens estranglier ; Maulvaistié est tousjours nuysible. (Pass. Auv., 1477, 112)

Manger le pain de qqn. Être nourri par qqn (en tant que serviteur).

...je vous sers, de vostre grace, non tant seulement pour gaigner vostre argent, menger vostre pain, faire bien et garder vostre honneur (C.n.n., c.1456-1467, 494)

Manger la laine sur le dos de qqn. Voler qqn.

LE MOUTON. Bon droit a bon mestier d'aïde. Tu me ronges trop pres des os Et mengües, comme je cuide, Le pouvre laine sus le dos, Dont j'ay espoir que brief et tos Justice et droit m'en fera Dieu. (Molinet, Faictz Dictz D., 1467-1506, 666)

Manger le pain d'angoisse. Être dans la détresse.

Or doncques, puisque (...) tu mengues le pain d'angoisse avec les miserables et que ta moisson gist en douleur et waucre ta nef en mer de tristesse et desires vray port (...) pren donc ceste dame Esperance (Chastell., Temple Boc. B., 1463-1464, 181)

Manger son blé en vert. Dépenser d'avance son revenu, manger son blé en herbe.

Qui laisse tout a descouvert Et qui mengut son blé en vert, Ja ne sçavra, tant soit il chiche, A peine jamais estre riche. (Alecis, Passetemps Alecis frères P.P., a.1451, 14)

Or sont nos enfans mariés en aage de faire procreation de lignie, voire a moitié comme celui qui vendange sa vigne a moité meure et cuide avoir bon vin, mais quant le vin est parés il ne treuve que vernis. Quel mervaille ! il se hasta si qu'il menga ses bles vers qui onques bien ne li firent. Il ne laissa meurer le roisin et pour ce l'emprist. (Mézières, Vertu sacr. mar. W., c.1384-1389, 249)

Mangier son pain en paix. Connaître la tranquillité (ici, publique).

Saches souvent la vois dou pueple Quel parole de toy il pueple. S'elle est bonne, ren Dieu loange ; S'elle est mauvaise, ne t'en vange, Car qui se vuet de tout vangier, Son pain ne puet en pais mengier, Mais t'amende, eins que on te somme, Si feras ouevre de preudomme. (Mach., C. ami, 1357, 127)

Ne manger ne figue ne datte. N'avoir pas les moyens de se procurer des fruits exotiques et rares.

Fait au temps de la dite date Par le bien renommé Villon, Qui ne mengue figue ne datte, Sec et noir comme escouvillon ; Il n'a tente ne pavillon Qu'il n'ait lessié a ses amis. (Villon, Lais R.H., c.1456-1457, 30)

Proverbe.

On s'ennuie d'un seul pain manger. On se lasse de voir toujours la même personne (femme, courtisan...).

Ou soit au champs ou en chambre ou en lit, Estrange femme veult chascun à li traire, Soit vielle ou jeune, d'estat grant ou petit : Estrange dame ne puet à nulz desplaire ; Mais de privée se veult chascun retraire : D'un pain mangier se puet l'en ennuier, Ce dient ceulz qui femme ont en grenier. (Mach., App., 1377, 643)

Et pour ce, quant aucun est entré en leur grace pour aucune bonne propriété qui est en lui, il craint tousjours de perdre celle grace, ou par aucun survenant meilleur que soy, ou pour accusacion d'aultruy, ou par adventure, pour ce que le prince sera ennuyé du service, gratuité et plaisance qu'il avoit prins en ceste propriété. Car on dit communement que on s'ennuye d'un pain mangier. (Bueil, I, 1461-1466, 48)

Le pain au fol est premier mangé

Folle largesse pour croire faux semblant M'a dessaisi du miex de ma chevance Par doulz regart qui va maint cuer emblant Où fausseté s'embat par decevance Avec biauté qui est de s'aliance Dont povreté m'a fait donner congé. Le pain au fol est le premier meingé. (Mach., App., 1377, 644)

Manger de qqc.

...il reprint nouvelle ymaginacion par boire et menger largement du demourant du soupper de ceulx qui entretant ou lit se devisoient (C.n.n., c.1456-1467, 27)

...ses gens luy apporterent largement de beaulx et gros pastez d'anguilles (...) Si en mengea tout son saoul. (C.n.n., c.1456-1467, 82)

Pour manger de ces morceaulx chiers, On en feroit bien ung mauffait. (Villon, Test. M., 1461-1462, 95)

J'ay mangé d'une brame grasse Qu'estoit salee ung peu trop. (Pass. Auv., 1477, 89)

Et pour se ay peur que ne veulhe Manger de noustre veneson. (Pass. Auv., 1477, 139)

Absorber (un aliment liquide).

Je vous jure comme euvangile que quant une jone fille mengue acoustumeement lait bouilly en la paelle ou en un pot de terre, qu'il pleut volentiers et par coustume le jour de ses nopces. (Ev. Quen., I, c.1466-1474, 84)

Et dit illec, auctorité de Ruffi, que ceulx qui mengent du lait doivent estre en jeung et le mengier chault venant des mamelles sans riens mengier (Rég. santé corps C., 1480, 19)

J'ay apporté du laict aussi Pour luy faire ung peu a manger (Myst. Pass. Troyes B., a.1482, 219)

[Cas très particuliers] Manger qqn

Il sont grans gens et fors et bien combatans, et portent vne grande targe, qui leur cueuure tout leur corps, et vne lance en leur main. Et sil prennent aucun homme en la bataille, il le manguent. Et le roy de ceste ylle est moult riches et moult puissant (Mandeville, Voy. L., p.1360, 341)

Et quanqu'il [le géant] attaint il cravente Pour paistre sa gueule senglente : Quant les hommes prent, il les tue, Puis les deveure et les mengue, Si que li sans aval degoute Parmi sa barbe goute a goute. (Mach., Voir, 1364, 620)

Et de fait saint Jeroisme recite en son livre contre Jovinian, comment une maniere des gens appeléz Messageans ont de coustume de mengier leurs parens quant ilz sont mors (Legrand, Bonnes meurs B., 1410, 396)

...environ mynuit, fist prandre Jherusalem, où il y avoit eu si grande famine que les meres y avoient mengé leurs enfans (Simon De Phares, Astrol., c.1494-1498, f° 44 r°)

Participe présent en emploi adjectival. Mangeant. Mangeable.

Remarque : GD V, 143b, mangeant.

b)Par métonymie. Manger telle somme d'argent. Dépenser (telle somme) en nourriture.

...environ VIJ frans en or et en argent, que ilz beurent et mengerent, et despendirent (Reg. crim. Chât., I, 1389-1392, 63)

...le procureur dudit evesque avoit envoié oudit hostel lesdis sergens en garnison, qui buvoient et mengoient et dissipoient lesdis biens (Fauq., II, 1421-1430, 332)

c)Emploi absolu. S'alimenter.

Se tu vues bien faire et bien vivre, Soies ordenez en ton vivre, Car mengier souvent et menu Ha fait que pluseur sont venu A leur mort, ne ce n'est pas vie De vivre en tel gourmanderie, Eins est vie de beste mue Qui toudis runge et toudis mue. (Mach., C. ami, 1357, 127)

Messe oïsmes entierement, Bien et bel et devotement, Et puis nous alames mengier Ou nous heümes sans dangier Quanque solas et cuers demande De pain, de vin et de viande. Après disner il m'apella Et longuement a moy parla (Mach., F. am., c.1361, 241)

Car quant .II. mauvais jouëeurs, si comme deux mauvais luiteurs gieuent, adonques ceuls qui les resgardent font autre chose et manguent se ilz ont fain. (Oresme, E.A., c.1370, 511)

... [le roi] voit la table mise, et la nappe belle et blanche dessus, et y voit moult de nobles mez. Il se traist celle part, et en prist un petit de cellui qui mieulx lui pleut, et menga un pou, et but une foiz, et se contregarda bien, car il savoit assez que le trop mengier et boire actrait le dormir. (Arras, c.1392-1393, 303)

...elle dist qu'il ne se souciast et qu'ilz aroient assez a menger, car elle avoit fait appoincter les deux meilleurs chapons (C.n.n., c.1456-1467, 369)

...il luy dist qu'elle appoinctast son disner et soupper tout ensemble, avant qu'elle se partist, aultrement il yroit menger a la taverne. (C.n.n., c.1456-1467, 527)

Exemple : Dieu scet se tel mengera aujourd'huy ou non. (Somme abr., c.1477-1481, 167)

Manger plus qu'un Allemand

Puis ce garson que je nourry Est tant friant et tant gourmant Qu'il mengeroit plus qu'un Alemant (Coust. Esop. T., c.1500, 155)

[Prov., sentence]

Celui la peut bien manger sans nappe qui fut engendré sans linceul ('drap')

Celuy peut bien menger sans nappe Qui fut engendré sans lincheul. (Menus propos P., 1461, 91)

Il faut manger pour vivre et non vivre pour manger

Et a ce propos racompte Agelle en son premier livre, comment Socrate fu tres sobre toute sa vie, lequel Socrates disoit que les gens ne doivent mye vivre pour mengier, mais mengier pour vivre. (Legrand, Bonnes meurs B., 1410, 322)

-- Et quant au VJe pechié, qui est de gueule ou de gloutonnie, certes le vray amoreux n'en a tant soit peu, que ce qu'il mangüe et boit n'est que pour vivre seullement sobrement, ainsin que le Philosophe dit, que l'on doit seullement mangier et boire pour vivre et non pas vivre pour boire et pour mangier, comme les gens pourceaux font. (La Sale, J.S., 1456, 25)

Il convient de regarder avec qui on mangera plutost que ce qu'on mangera ou boira

Pour che dist Epicure : 'Anchois convient regarder avec quelz personnes tu mengeras ou buveras que quel chose tu dois mengier ou boire.' (Daudin, De la erudition H., c.1360-1380, 255)

Joie de manger est peu durable

Si tost quon [l. qu'on] a oste [l. osté] la table Il nen [n'en] souvient a nully gueres [:] Joye de menger est peu durable[.] (Danse macabre femmes H., p.1480, 38)

Mal fait manger a l'appetit d'autrui. Il est difficile de vivre selon les habitudes d'autrui.

...Sausse n'arez ne jance, La ne fait on reverence a nullui ; Sée qui puet, qui ne siet l'oste tance ; Mal fait manger a l'appetit d'autrui. (Desch., Oeuvres R., t.7, c.1370-1407, 81)

Qui bien ne mange ne peut bien oeuvrer

Je sçai bien que jamais ne m'en pourr[a]i aler ; Ainchois me convend[r]a et ferir et fraper, Et puis qu'il est ainsi, je me vouldrai armer De vins et de vïandes, car j'ay ouï compter Qui bien ne mengera ne pourra bien ouvrer (Enfances Doon de Mayence P., c.1450-1500, 544)

Manger sans compagnie est vie de beste

Car sans ami ou compaignon, mengier est vie de lyon ou de loup. (Daudin, De la erudition H., c.1360-1380, 256)

Participe présent en emploi substantival. Convive.

Entre ces choses ung dez assistens ou des mengans, pour che qu'il ne venra nulles fenmes estranges, toy qui n'auras quelque garde souvent regardera, il parlera par signes qu'il fera et, tout che qu'il crient a toy dire, il le segnefiera par regars. (Daudin, De la erudition H., c.1360-1380, 388)

[Coordonné à boire]

Si se leverent, Et deus et deus en la sale en alerent ; Après leurs mains courtoisement laverent ; Puis s'assirent, si burent et mengierent, Selonc raison, Car il y ot planté et a foison De quanqu'on puet dire n'avoir de bon. (Mach., J. R. Beh., c.1340, 133)

...que nuls couletiers de lanage, hostes ne hostesse, qui ait le loge du lanage, peseres ne peseresse, censiers ne censisseresse, ne nuls eswarderes de lanage, ne voist mignier ne boire avoec marcant qui ait vendut lanage, soit de le ville u de dehors, mis hors les 2 couletiers par qui li markiés sera fais. (Drap. Valenc. E., 1344, 271)

[La dame :] Car vous levés, Et si mengiés et si bevés, Quar sans doubte je ne veil mie Que vous menés si dure vie. (Mach., Voir, 1364, 110)

Lequel maistre d'ostel fist mettre la table, leur aporta à boire et à menger (Reg. crim. Chât., I, 1389-1392, 44)

...ilz jouerent puiz environ VIIJ heures de matin jusques à IIIJ heures après midi, sanz boire et manger. (Reg. crim. Chât., II, 1389-1392, 478)

...fu le roy feru du soudant d'un dart envenimé (...). Et sachiez que la fille du roy maine tel douleur que c'est pitié a veoir ; il a ja deux jours qu'elle ne voult ne boire ne mengier. (Arras, c.1392-1393, 114)

...lors veissiés boire d'autant et mangier a l'avenant. (La Sale, J.S., 1456, 253)

...quand ilz eurent beu et mangé (...) les aucuns commencerent a dire (C.n.n., c.1456-1467, 542)

Ilz entrerent en la meilleur taverne de tout le lieu, et incontinent demanderent a boire et a menger (C.n.n., c.1456-1467, 548)

Pour quoy soit [l. sot, le texte lat. a stultus] est qui dist : je vueil faire ce qui me plaist, car se je doy estre saulvé, je seray saulvé. Et se je doy estre dampné, je seray dampné. Pareillement soit [l. sot] seroit le malade disant : je vueil faire mon plaisir beuvant et mengant. (Somme abr., c.1477-1481, 168)

Vrayment esperit n'est pas tel : Vous voyez qu'il [Jésus ressuscité] mengüe et boit, Laquelle chose ne feroit S'il estoit ange ou esperis. (Myst. Pass. Troyes B., a.1482, 941)

[Sorte de serment affaibli] Ne pas manger (ne boire) tant que telle chose n'aura lieu

Non avray je pour riens que j'oie, A vous le di, mon treschier pére, Et a vous qui estes ma mére, Pour tant c'on m'a juif nommé Et paien la ou j'ay esté, Si que jamais ne mengeray Jusques a tant que je saray Se je suis crestiens ou non, Et que je sache l'achoison Pour quoy vous n'avez joie au cuer. (Mir. enf. diable, c.1339, 26)

Et sachez je ne mengeray Tant que de toy vengié seray. (Mir. st Panth., 1364, 363)

Je vous dy voulenté m'est prise Que ne buvray ne mengeray Tant qu'au servise esté aray: Pensons d'aler. (Mir. fille roy Hongrie, c.1371, 82)

Pensez à vos besoingnes, car jamais je ne buveray ne mengeray tant que vous soiez en vie. (Froiss., Chron. M., XIV, c.1375-1400, 57)

Jamais ne mengeray qu'il ne soit desmembrés ! (Bagnyon, Hist. Charlem. K., c.1465-1470, 70)

Mahommet mon dieu me maudie, a quy je me suis donné, se jamais jour de ma vie je mange ne boy, se vous auray je fait de dessoubz les espaules la teste vouller ! (Bagnyon, Hist. Charlem. K., c.1465-1470, 90)

d)infinitif substantivé.

Repas.

Et Dieus li moustra clerement Que c'estoit a son dampnement, Qu'einsi comme au mengier sëoit, Balthasar une main vëoit Qui escrisoit en la paroit ; Mais la main a nul n'apparoit Fors a Balthasar seulement (Mach., C. ami, 1357, 26)

Et porront prendre et avoir les dis maire et juréz en la dicte ville, ce qui, de leur temps et année, escherra de amendes entre eulz en commun aveuc deux mengiers, l'un nommé painfere et l'autre, de donner à mengier les cinq nouviaulx esleux avant la Saint Jehan (Hist. dr. munic. E., t.2, 1370, 614)

...la vie des bons vaillans Chevaliers preux et travaillans Doit estre o les bestes sauvages Comme en pasture d'erbages, C'est a dire que, sanz dangier, Doit estre commun leur mengier. (Chr. Piz., Chem. estude P., 1402-1403, 188)

...lors fut ung d'entre eulx qui couvrit la table et mist le beau bancquet dessus (...). Ilz s'assirent tous au menger, et bon mary print sa place (C.n.n., c.1456-1467, 198)

Proverbe. Tel l'oison plume qui n'est pas invité au manger

A gens nouveaulx nouvel coustume ; Chascun veult veoir nouvelleté. Bien sçavons Que tel l'oyson plume Qu'au menger n'est pas invité (Gens nouv. T., c.1461-1500, 316)

Après mangier

Après leurs mains courtoisement laverent ; Puis s'assirent, si burent et mengierent, Selonc raison, Car il y ot planté et a foison De quanqu'on puet dire n'avoir de bon. Après mengier, les prist par le giron Li gentils rois, Et si leur dist : 'Vous n'en irez des mois, Car je vous vueil oster a ceste fois Les pensées qui vous font moult d'anois.' (Mach., J. R. Beh., c.1340, 133)

Mais qui veïst après mengier Venir menestrels sans dangier, Pingniez et mis en puré corps ! La firent mains divers acors. (Mach., R. Fort., c.1341, 145)

Aprés mengier l'oste paiames Et puis d'illuecques nous levames. (Mach., Voir, 1364, 334)

La ot dit joyeuses parolles, Et, aprés mengier, les querolles Commencierent par grant revel, Ou fu dit maint mottet nouvel Et d'instrument mainte accordance ; (Chr. Piz., M.F., I, 1400-1403, 39)

Par métonymie. DROIT FÉODAL Droit de repas dû à un seigneur.

Item le conte de Champaigne a chascun an son mengier sur le prevost et sur la ville de Chablies. (Comté Champ. Brie L., t.2, 1332, 422)

...à nous sont et appartiennent en tous et chacun desdits lieux les mesures et espannes de nos debvoirs appelés mestivage et mangers et droict de contraindre ès dits lieux les demourans en iceulx d'aller au guet de nostre chastel dudict lieu de Bazougers (Cartul. Laval B., t.2, 1401, 372)

Nourriture.

O Daniel, de Dieu sergens, Que seur tout doivent amer gens, Pren le mengier que Dieus t'envoie ; Conforte toy et meinne joie ; Car li sires qu'onques n'oubli Ne t'a mie mis en oubli. (Mach., C. ami, 1357, 42)

Taire me vueil de leur mengier, Car on ne porroit souhaidier Mieus ne plus honnourablement, Tant furent servi richement. (Mach., P. Alex., p.1369, 44)

Car, à parler selon raison, L'air corrompu toute saison Apporte aux gens greigneur dommage Que mauvaiz mengier ne bevrage, Pour ce que l'air fort empiré Toudis attrait et inspiré, Avec son venim et malice, Moult pénétrant et plain de vice, S'en va au cuer soudainement (La Haye, P. peste, 1426, 43)

...le traitre dieu d'amours a son disner l'avoit si fierement assaillie que de ses amoreux dars l'eust de mangier toute remplie, neantmoins Nature se voult acquictier, qui ly donna tel appetit qu'elle ne se fist gueres prier (La Sale, J.S., 1456, 253)

Lors luy va dire tout au long comment le medicin avoit veu son urine, et les demandes qu'il fist de son eage, de son menger, de son dormir, etc. (C.n.n., c.1456-1467, 140)

Blanc manger. Préparation culinaire à base de viande ou de poisson et d'amandes pilées' (v. blanc).

De grant cuisine ne lui chault, Ne de rost, ne [de] pastés chault, Ne saulce vert ne cameliné, Ne blanc mengier de pouldre fyne (Bouvet, Appar. Meun A., 1398, 22)

Poisson de mer, poisson doulx, pastelz de bresme et de saumon, anguilles reversees, une reboularstre brune, tanches a ung bouly lardé, ung blanc mengier, crespes, lectues, losenges, orillectes, et pastelz noirroix, lux et saumons farciz. (Ménagier Paris B.F., c.1392-1394, 178)

Au bouchier: .III. quartiers de mouton pour faire les souppez des compaignons, ung quartier de lart pour larder, ung quartier de veau de devant pour le blanc mengier. (Ménagier Paris B.F., c.1392-1394, 189)

Encor ung blanc mangier de predrix, et lequel blanc mengier de perdrix se face semblablement ainsi comme est dit du blanc mengier de chappons (Chiquart, Cuis. S., 1420, 195)

Il fauldra largement boucter Cuyre de boilly et rosti, De blant mangier, pastez aussy De hasteriaulz et de luannes. (Myst. st Bern. Menth. L., c.1450, 65)

Et à maistre Jacques Raguier Laisse l'Abreuvoir Popin, Perches, poussins au blanc menger, Tous jours le choiz d'un bon loppin (Villon, Lais T., c.1456-1457, 73)

Action de manger.

Trois remedez y sont : Le premier : fuyr oiseuseté, comme fist Nostre Dame qui tousdiz ovroit ou labouroit ou estudioit hors les heures du repos et du menger. (Gers., Annonc., a.1400, 236)

Fouir excez et grant oultrage Tant en mengier qu'en traveillier Qu'en reposer et en veillier, Pevent avoir grant asseurance En temps de boce ou pestillence. (La Haye, P. peste, 1426, 60)

Lors luy va dire tout au long comment le medicin avoit veu son urine, et les demandes qu'il fist de son eage, de son menger, de son dormir, etc. (C.n.n., c.1456-1467, 140)

Laisser/perdre le boire et le manger

Et s'estoie flewes assés Et de maladie lassés, Ne nulz ces meschiés ne savoit, Qu'aveuc moy personne n'avoit A qui je m'osaisse complaindre. Si prins a palir et a taindre Et mes cuers trop fort a fremir, Si que j'en perdi le dormir Et le mangier, car ne manjoie Se petit non ne ne dormoie. (Mach., Voir, 1364, 86)

Li coers m'est tristes et noircis, Je sens ma force assés cangier, Je piers le boire et le mangier, Le reposer et le dormir, Je me troeve, quant me remir, De ma santé moult negligens (Froiss., Pris. am. F., 1372-1373, 92)

...une plaisante et gente femme (...) laissoit bien le boire et le mengier pour aymer par amours (C.n.n., c.1456-1467, 18)

...[elle] laissoit le boire et le menger pour amer par amours. (C.n.n., c.1456-1467, 507)

[Prov., sentence] Manger de la viande, boire du bon vin et avoir le ventre plein sont cause de charnalité

De la volupté de mengier et boire dist aussi saint Jerome : «Le mengier char et boire vin et ventre saoulé est le semoir de charnalité». (Daudin, De la erudition H., c.1360-1380, 368)

Banquet.

'Les grans empereurs,' ce disoit cilz Orpheüs, 'me appellent moult souvent a leurs mengiers afin qu'ilz se delittent en moy.' (Evr. Conty, Harm. sphères H.P.-H., c.1400, 88)

Le trop manger. L'abus de nourriture.

...le trop mengier et boire actrait le dormir. (Arras, c.1392-1393, 303)

2.[D'un animal]

a)Dévorer qqc..

Et se te jur qu'il [mon cheval] mengeroit, Sans faillir, qui li bailleroit, En un jour assez plus d'aveinne C'uns autres en une semainne. (Mach., Compl., 1340-1377, 265)

[Les oisillons] Chantent tuit, les gueules baées, Si font maint son et maint hoquet ; Car quant il voient le bosquet Vert et flouri et l'aube espine, Qui leur gorgette pas n'espine, Quant il en mengüent la greinne, Chascuns de bien chanter se peinne. (Mach., D. Lyon, 1342, 160)

Sa semence, Tumbent sur le chemin, est gatee, Car des bestes tost est mangee. (Pass. Auv., 1477, 137)

Les chatz ont fait a Dieu promesse Que jamais sans ouyr la messe Ils ne mengeront nulz fromages. (Rapp., c.1480, 65)

Cestui Sostratus predist la grande multiplicacion des locustes qui mengerent tout ce qu'ilz trouverent à elles commestible sur terre, voire les escorces des arbres (Simon De Phares, Astrol., c.1494-1498, f° 66 v°)

Emploi absolu.

Je l'eus [le lion] si juene et si petit Que pour fain, ne pour appetit, Ne pour destresse qu'il eüst De famine, il ne se sceüst Rapaistre ne mangier par li (Mach., D. Lyon, 1342, 226)

b)Dévorer qqn.

...et toute voie, Qui les penderoit par la gorge Ou de coustiaus de bonne forge Corps et membres leur escorchast Et de bon sel les arrochast, Et puis fussent de chiens mengiez, N'en seroit il pas bien vangiez ? (Mach., D. Lyon, 1342, 201)

Si vous diray quel hostel il leur fist avoir : les deux premiers messagiers, il les fist entrer, vousissent ou non, en un grant creux ou il avoit dix ours grans et orribles, qui moult avoient mengié de gens et occis, mais pieça ilz n'en avoient gouté, si estoient moult familleux et desirans de mengier, si que, si tost que les vassaulx furent entré dedens, ilz furent devourez et mengiez des ours. (Bérinus, I, c.1350-1370, 304)

Mais trop me plaing de l'Archeprestre Et des Bretons qui font le mestre, Si que li pays est pilliés, Tous gastés et tous essilliés. Aveuc ce li leus nous menguënt, Qui nous estranglent et nous tuent. (Mach., Voir, 1364, 486)

Mes ses freres, li diex de mer Nepturnus, trop bien l'en venga, Car la balainne le menga, Qui onques n'avoit mengiet d'omme. (Froiss., Pris. am. F., 1372-1373, 42)

Toutevoies, je te requier Une chose, et te vueil prier : C'est que le tendre corps de ceste Fille ne soit mengié de beste Sauvage, ne d'oyseaux sauvages, Toutevoies se tes messaiges Ne t'est enchargiez au contraire. (Gris., 1395, 55)

Faire manger qqn des bestes. Livrer qqn aux bêtes.

Meschant, icy peuz enragier : Des bestes te feray mengier, Puis que tu n'as de moy que faire Et que tu fais tout mon contraire. (Mir. st J. Cris., c.1344, 278)

Au passif.

Mangé aux/des chiens/mangé de(s) bestes/loups/pourceaux. Laissé en pâture aux chiens/ aux loups... (en signe d'infamie).

Et a ce meisme propos nous lisons ou second livre de la vie des Peres, comment jadis un preudomme veoit un mauvais homme moult honorablement enseveli en une tres curieuse sepulture, et un autre preudomme estoit gité aux champs et mengié des bestes. (Legrand, Bonnes meurs B., 1410, 395)

LE SOT Oncques ne luy fut mot sonné Fors que : 'Au dyable soit il donné Et mengé des porceaux et chiens'. (Gaud. sot, c.1450, 12)

Lequel Rousseau, oyes lesdictes parolles, renya Dieu, (...) et appelloit lesdiz supliant et d'Appellevoisin, qui sont nobles, nez et extraitz de noble et ancienne lignée et de grant honneur et estat, villains, traitres, ribaulx, ladres, mangez de loups (Doc. Poitou G., t.10, 1459, 141)

J'ay esté tousjours en la presse, Mes gens et moy, par tel(le) facon Que j'ay le corps plain d'uille et gresse Aussi puante que poison. Et en ont gecté a foison, La faulse chenaille d'Orleans, Si en feray tel(le) pugnicion Que mengiez en seront aux chiens. (Myst. siège Orléans H., c.1480-1500, 163)

c)En particulier. [Principalement au passif]

Manger qqn/un cadavre

[Des poux]

Lucius Silla, ung grant dictateur entre les Rommains, fut mengié de poulz, à grant honte et destresse, et sans ce que sens d'homme y peust jamais pourveoir, comme tesmoingne Pline. (La Marche, Mém., I, c.1470, 179)

...touteffois par aucuns ses deliz nulle medicine ne le peut garder, qu'il ne fust mengé de poux, pour ce veux je croire qu'il n'avoit pas testé le Christ (?), comme il devoit. (Simon De Phares, Astrol., c.1494-1498, f° 89 r°)

[De vers, de vermine...]

Mais pour la vermine qui est dedenz, qui leur manguent leurs iambes et les bras, ilz se desuinent de limons et de pluseurs autres herbes (Mandeville, Voy. L., p.1360, 342)

Antioche despouilleur de temples fut mengé de vers, et sa chair tourna en puour et poureture lui vivant. (Chart., L. Esp., c.1429-1430, 61)

Icy devant en ceste terre, Gist tel et tel bailly d'Aucerre, Tout estendu, le dos envers, Lequel, par fortune de guerre, A Beauvais vint la mort acquerre, Et sur ce voult faire ces vers. Maintenant est mangé de vers, Ses membres en sont tous couvers (Régn., F.A., 1432-c.1465, 133)

La povre chair si est ensevelie, Mangee de vers et en terre pourrie, Et somme neant a la fin de mon compte. (Régn., F.A., 1432-c.1465, 178)

Anthiocus, Roy de Sirye, puissant, courageux et renommé, toutesfois il fut mengié de vers en sa plaine vie, sans ce que medecins ne art de medecine y peuist jamais remedier pour tresor, ne pour avoir. (La Marche, Mém., I, c.1470, 179)

[De petits rongeurs, de vers, de vermine...] Manger (un tissu, un papier) Ronger.

...Et un viez chaperon de pers Qui estoit tous mengiez de vers, Ort et vil, et puant, et sale Avoit, mors gisans en la sale. (Mach., P. Alex., p.1369, 272)

...ou se aucun esternue quant il se chauce ou lez orailles luy manguent ou il treuve que sa robbe est mangee dez sourys ; aultres si dient que, se ilz ont l'oysel saint Martin au dextre, que ilz ont bon hostel. (Songe verg. S., t.1, 1378, 399)

Lesqueles lettres (...) ont depuis certain temps ença telement esté desrompues et mangées de raz ou autre vermine (Ch. VI, D., t.1, 1382, 37)

Si gardes doncques que le pain du familleux ne moisisse en ta huche, que la cote du nu ne laisses mengier aux vers, que tu ne tiengnes enclos les soulers des deschaulx, et que tu ne possedes l'argent du souffraiteux (Chr. Piz., Trois vertus W.H., c.1405, 37)

Ceste sage femme se prendra bien garde que riens ne pourrisse avaul son hostel ne voise a gast, de quoy povres creatures se puissent aucunement aidier ; ne que relief n'y endurcisse, ne robes n'y soient mangies de vers : si les fera donner aux povres. (Chr. Piz., Trois vertus W.H., c.1405, 176)

Une pièce d'escalate rouge d'Angleterre tenant 3 quartiers, marquée à la marque de Rouen, qui guères ne vallent, prisé le tout 55 s. Une pièce vermeille d'Angleterre mengée de taignes tenant ung tiers, prisé 20 s. (Aff. Jacques Coeur M., 1453-1457, 88)

B. -Par analogie.

[D'une chose (un produit corrosif)] Manger un organe/de la chair morte.. Ronger, dévorer (un organe, de la chair morte).

Et jeo tiegne qe les persecucions de ceste mounde si est com un poynante poudre qe ces meistres mettent en ces plaies quant ils voient q'ils eient ascune mort char, ou qe char soit trop crue amont : ils y mettent toute la poudre poignante qe mangue mult fort (Henri Lanc., Seyntz medicines A., 1354, 196)

...matiere colorique mengent et corrodent la char d'environ (Saint-gille, Comment. A.Y. L., 1362-1365, 303)

...en pou de jours la pouldre, qui corrosive estoit, luy gasta et mengea l'oeil, et par ce point aveugle fut (C.n.n., c.1456-1467, 35)

[D'un vin aigre] Ronger (le métal).

Et mengut [le vin aigre] les metaulx, et engendre couleurs diverses, si comme du plon il engendre vermillon ; et du cuivre il engendre du vert (Rustican H., 1373-1374, 64)

[D'une maladie de la peau] Ronger (un animal).

PREMIER VENEUR. Ces mastins si [les levriers] ne font que braire. Mau saint Lou les puisse mengier ! A paines osent approuchier La beste qu'ilz voient a l'ueil. (Gris., 1395, 26)

Au passif. [D'une pers.] Mangé de goutte

BRIET. Au povre homme qui ne voit goute Donnés une aumosne fleurie Ou non de Dieu, le filz Marie, Hault empereur que l'en redoubte. RICHART. Et a cestuy, mengé de goute ; Par amour, ne l'oubliez mye. (Myst. st Laur. S.W., 1499, 177)

C. -Au figuré.

1.Manger qqn./une collectivité. Causer la perte, la ruine de qqn, d'une collectivité.

Les eglises desrobe on fort, Et le feible est mengié du fort. (Mir. st Guill., c.1347, 39)

Le roy d'Espaigne et son plus especial conseil des hommes de son pays veoient assez cler en ces besoingnes tant que pour leur prouffit, car ilz disoient ainsi, quant ilz estoient assamblez hors et en sus des François : 'Nostre terre est gastée et toutte mengié et foullée par ces François, quoy qu'elle en ait esté gardée.' (Froiss., Chron. M., XIV, c.1375-1400, 123)

Et tout païa le plat païs, car il fu tout riflé, couru et mengié de leurs gens mesmes, car ilz ne voloient pas que leurs ennemis en eussent joye ne aise. (Froiss., Chron. M., XII, c.1375-1400, 324)

Si comme assez ay dit devant, le sage roy Charles, après son couronnement, en jeune aage, adverti par l'admenistracion de raison de ce qui estoit convenable à ffaire à bon chevalereux prince, selon l'ordre de son estre, auquel, comme droit pastour apertient à garder ses ouailles, c'est son peuple et ses subgiz, ouvri les yeulz de son entendement, regarda son peuple et reaume batu et desolé de longue et greveuse guerre, et encore chascun jour mengié et devouré par grandes et excessives Compagnies esparses en divers lieux par son reaume (Chr. Piz., Faits meurs Ch. V, S., I, 1404, 123)

...nostredit oncle n'estoit que un buveur de vin d'autant et a plein woirre et qu'il n'estoit bon que pour fere et lever tailles et mengier le peuple (Chancell. Henri VI, L., t.2, 1429, 128)

Les gens de guerre qui avoient esté mandez à venir autour de Paris, tant par le duc de Bourgongne comme par les autres seigneurs, furent licenciez et retournèrent chascun ès lieux dont ilz estoient venus, en mengant le povre peuple selon la coustume de adonc. (Monstrelet, Chron. D.-A., t.2, c.1425-1440, 47-48)

Et n'y estoit pas oublyé maistre Regnart, qui se mesloit de toutes choses, et ne parloit de riens si non de trouver moyen comme le peuple du roy de tous estas pourroit estre mengié, pillé et robé par aidez, taillez et autres semblables manieres (Juv. Urs., Loquar, 1440, 347)

Et quant ilz ont a reparer leurs maisons, esglises, murailles, foussés, ambaxades et provisions de leurs villes, ou a leur seigneur faire aucun don ; alors les povres hommes, qui sont mengiez des mengeurs, a leur seigneur ne ont de quoy paier ; sy sont gaigiez, arrestez et mis en prison, ou ilz demourront jusques ad ce qu'ilz auront paiet. (La Sale, Salade, c.1442-1444, 18)

Et après, yceulx Bourguignons, par pluiseurs journées chevaulchèrent, à tout leurs gens, en Picardie, où ilz séjournèrent certaine espace de temps, en mengant le pays. (Monstrelet, Chron. D.-A., t.5, c.1444-1453, 30)

SATHAM. (...) Empereur, leisse trestout ester, Honneur fuy (...) Mange les crestïens. Tout leur vullies oucter. (Myst. st Sébast. M., c.1450-1500, 66)

[Du personnel de justice] Manger qqn. Ruiner qqn (par des frais de procédure).

Et, si messeigneurs les advocas vueillent menger le peuple, vous devez faire belles informacions et les envoyer au Roy. (Bueil, II, 1461-1466, 27)

Qui fait estre juges et advocatz Et procureurs en tous lieux gros et gras, Et povres gens huy menger de procès, Fors seulement le peché des mauvais ? (Cene dieux, c.1492, 119)

Quant gendarmeaulx ont mengé le bonhomme, Viennent aprés les procureurs des cours Plus affamez que n'est la court de Romme, Pour exiger d'or et d'argent grant somme. (Antitus, Poés. P., c.1500, 39)

Estre mangé. Être volé, pillé.

Est à démonstrer comment vous, la royne et le duc d'Acquitaine estes mengez et desrobez. (Doc. 1412. In : MONSTRELET, Chron. D.-A., t.2 c.1425-1440, 316)

Proverbe. Le grand mange le petit

Dont vient a l'homme l'appetit De machiner d'aultruy la mort ? le menu peuple s'entremort, Et le grant mengut le petit. (Alecis, Passetemps Alecis frères P.P., a.1451, 17)

Proverbe. Les grands poissons mangent les petits

Qui restaurra aux povres pastoureaux Leurs gras thoreaux et moutons despouilliés, Que les saudars de ces gentilz vassaux, Faisans leurs saulx sus plantes et sus saulx, Par leurs assaulx, ont robés et pilliés, Hurtés, mailliés, desmontés, desbilliés, Mengiés, grilliés ? S'ont de tous appetis : Les grans poissons mengüent les petis. (Molinet, Faictz Dictz D., 1467-1506, 72)

Emploi pronominal à sens passif. Se manger. Être ruiné.

...dont les bonnes gens sont povres et neccessiteux, puis fault que aux usures se menguent et destruisent tous. (La Sale, Salade, c.1442-1444, 18)

Emploi absolu. Manger sur qqn. Faire son profit au détriment de qqn.

...lesquieulx marchands grossiers ne quièrent aultre chouse fors que de mangier sur lesdits petis marchans (Pol. Louis XI, G., Pièces justif., 1471, 434)

2.RELIGION

Manger Nostre Seigneur. Communier.

...et lui disoit que lesdiz Hennequin et sa femme lui avoient fait et dit plusieurs injures et villenies, et que elle ne mengeroit ne recevroit jamais Nostre Seigneur jusques à tant que ilz lui eussent admendé, et elle s'en feust vanchée ou fait vancher. (Reg. crim. Chât., I, 1389-1392, 259)

Manger les nourritures spirituelles. Goûter (aux nourritures spirituelles).

...nous, dy je, qui sommes afflics, povres et miserables, qui selon nostre petit engin et pouoir nous efforsons vous reverer et porter gloire, nous qui demandons aucuns reliefs, aucune aumosne de vostre plantureuse table ou vous seez en paradis, mengens et buvans jusques a sobre yvresse les precieuses viandes, non mie charnelles ou corporelles mais espirituelles (Gers., P. Paul, a.1394, 484)

Locution. [À propos d'une dévotion ostentatoire et hypocrite] Manger le crucifix

Quel devocieus ypocrite, Qui faisiés semblant de menger Le crucefix et estre hermite A bien vostre maintien juger. (Amant cord. M., 1490, 27)

3.Dépenser (de l'argent).

...et oultre dit qu'il fault pour IIIJ ou V mois prouchain venans de VIIJ à IX cens mil frans, et il n'y a rien de finances qui ne soit ja emploié et mengié jusques au mois de juing prouchain (Fauq., I, 1417-1420, 17)

4.RHÉTORIQUE Faire disparaître par élision.

...et comment, en metrifiant, deux voieulx ensuians l'un l'autre menguent la moitié d'une silabe (Desch., Art dictier R., 1392, 272)

II. -Emploi intransitif. Être le siège de picotements ou de démangeaisons qui donnent envie de se gratter.

A. -[À cause de la vermine] Le corps mange à qqn

- He ! les puces me mordent fort et me font grant mal et damage, car je m'ay gratee le dos si fort que le sang se coule ; et, pour ce, je comence à estre roignous, et tout le corps me mange tres malement ; et, pour ce, je m'en irai demain pour estre estufee sans plus targer, car j'en ai grant necessité. (Man. lang. G., 1396, 86)

B. -Les oreilles mangent à qqn

[Pour annoncer un malheur]

...ou se aucun esternue quant il se chauce ou lez orailles luy manguent ou il treuve que sa robbe est mangee dez sourys ; aultres si dient que, se ilz ont l'oysel saint Martin au dextre, que ilz ont bon hostel. (Songe verg. S., t.1, 1378, 399)

[À propos de qqn dont parle beaucoup en son absence] Les oreilles sifflent/tintent à qqn.

Et me sui remis a faire vostre livre, en quel vous serés loee et honnouree de mon petit pooir, et toutes autres dames pour l'amour de vous. Et ma tresdouce amour, les oreilles vous deveroient bien fort et souvent mangier, car je ne sui en compagnie que on ne parole tous jours de vous (Mach., Voir, 1364, 426)