MESLER

verbe

[T-L : mesler ; GD : mesler, meslé ; AND : medler2 ; DECT : mesler ; FEW (VI-2, 158a, 159a, 164b) : misculare ; TLF (XI, 601a) : mêler]

A. -Au propre. [Idée de mélange de choses (concr. ou abstr.), de réunion de personnes, de confusion (dans un combat, une union)...]

1.Emploi transitif.

a)Mesler des choses (ensemble). Mélanger des substances.

Puis prenez autant de verdet polverisé comme dou vif argent et meslez ensemble avec la dite salive, touz jours menant aux doiz einsi comme devant, jusques a tant qu'il soit bien encorporé. (Gast. Phébus, Livre chasse T., 1387-1389, 117)

...quant elle vouldroit yceulx cire et poix merler ensamble pour en faire aucun voult de cire en samblance ou figure d'homme, que premierement et avant toute euvre, elle appellast en son ayde, comme dit est, par trois fois, icellui Luciafer (Reg. crim. Chât., II, 1389-1392, 324)

...et illec les garda [les crapauds] et nourrit tant de mie de pain blanc comme de lait de femme, (...) comme d'autre lait de vache, que elle merloit ensamble (Reg. crim. Chât., II, 1389-1392, 331)

Puis prenez le tiers ou le quart de vin blanc tiede, et meslez tout ensemble. (Ménagier Paris B.F., c.1392-1394, 256)

Et quant vous vouldrez faire ypocras, prenez demye once largement de ceste pouldre, et deux quarterons de succre, et les meslez ensemble, et une quarte de vin a la mesure de Paris. (Ménagier Paris B.F., c.1392-1394, 270)

...et puis taillés les figues et prunes et dactes tout par minuz dez et les mescleys par vostre farce. (Chiquart, Cuis. S., 1420, 178)

Se mesler. Se mélanger.

...Dont descendent, pour la matière Estant pesant plus que légière, En forme de pouldre ou de cendre, Lesqueles certes au descendre Se meslent et font mixtion Au bas air en sa région, De quoy lui affiert et avient Qu'il nous soit disconvénient, En quel forme print sa naissance La dicte faulse pestillence (La Haye, P. peste, 1426, 27)

Maiz le groz air mixtionné Est promptement abandonné À prendre la corruption Qu'on nomme putréfaction, Quant aucune chose non pure S'est meslée avec sa nature, Par tel forme, non autrement. (La Haye, P. peste, 1426, 45)

Secondement tu dois entendre que sang menstruel peult bien estre devisé en quatre parties. La premiere se mesle avec la semence et en est faite l'informacion ou la fourme des membres (Gordon, Prat., c.1450-1500, III, 25)

Participe passé en emploi adjectival. Mélangé (à qqc.).

Et adonc il luy apportire Du vin meslé, et puis luy dire : Syre roys, la teste levés Et de bon vin aigre beuvés ! (Pass. Autun Biard F., 1470-1471, 117)

b)Mesler qqc. avec/de/en/parmi qqc. Mélanger qqc. avec qqc..

[Des choses concr. avec des choses concr.]

...on pourroit tant de choses améres mesler au miel que on li osteroit sa doulceur (Mir. nat. N.S.J.C., c.1343, 206)

...quant ilz avoient faite icelle monnoye, il qui parle a aucune fois porté de ladite monnoye au change d'icelle Alips, et li baillié ladite monnoye, laquelle elle merloit et boutoit parmi l'autre monnoye qui estoit sur le change d'icelle Alips. (Reg. crim. Chât., I, 1389-1392, 490)

...et se c'est a moison, paient leur maistre du froment qui ara esté creu en la terre se tel est le marchié, et non mie mesler seigle avec et faire entendant que autre n'a creu (Chr. Piz., Trois vertus W.H., c.1405, 219)

...et qu'elles [les herbes] soient bien nectoyees, lavees et tresbien achiees et puis les mesclés avecques le grein dessusdit. (Chiquart, Cuis. S., 1420, 171)

Deux parties, par saint Trotin, De bon aloë cicotrin, Et la tierce, par poiz égal, De pur saffren oriental, Et de myrre, qui seult reluire, Et tout ce mesler et confire O le suc ou juz de buglose, Ou de mellisse ou d'acétose (La Haye, P. peste, 1426, 143)

Mettre ensemble des choses, insérer qqc. dans qqc..

Cestui Virgille eut des ennemis et emuleurs qui lui misdrent sus qu'il mesloit avecque ses vers, les vers d'aucuns philosophes (Simon De Phares, Astrol., c.1494-1498, f° 71 r°)

Emploi absolu. Mesler qqc. parmi

Puis mectez vostre paste pestrie dedens le fons de la paelle, puis mectez la farce de vostre tarte avec frommage gratuisé meslé parmy a souffisant planté. (Ménagier Paris B.F., c.1392-1394, 245)

Estre meslé dans qqc. Être enveloppé dans qqc..

...si est l'oisel prins et envolopé souz la rois et ne s'en peut yssir et est bien mellé en la reis. (Henri Ferr., Modus et Ratio, Livre deduis T., c.1354-1377, 308)

Se mesler dans qqc. Se cacher dans qqc..

...je vous di en bonne foy Que a l'un des herons deux venues Fist [le faucon] , qui c'estoit mellé es nues, Avant ce que l'autre y venist (La Buigne, Rom. deduis B., 1359-1377, 433)

[Part. passé en empl. adj.] Meslé avec/de qqc.

Et lors les puet on oster hors de leur mere et leur donner dou let de chievre ou de vache cuit, meslé menuement avec la meole dou pain, espiciaument au matin et a la nuit, pour ce que la nuit est froide plus que n'est le jour. (Gast. Phébus, Livre chasse T., 1387-1389, 111)

Et puis y metez du jus de la fueille dou peschier, meslé avec chaus vive, jusques atant qu'il soit gari. (Gast. Phébus, Livre chasse T., 1387-1389, 123)

...les sourcilz gros et pellus, merlez de aucuns poilz blans entre deux (La Sale, Salade, c.1442-1444, 149)

Emploi absolu. [D'un système pileux] Qui est mélangé de gris, qui est gris.

Maix ung poc vous dirai en la chanson rimee (...) comme li roy Hanry a la barbe merlee Serait mort et ossis per malle destinee Per le fel duc Garnier (Lion Bourges K.P.F., c.1350, 459)

Le pays essilait environ et en lez Et occist en la ville le roy au poil merlé. (Lion Bourges K.P.F., c.1350, 688)

Le siege fut moult grant qui fut enmy la pree ; Longtemps y fut soudant a la barbe merlee (Tristan Nant. S., c.1350, 189)

Car mon chief blont en cel eage trouvay Blanc et merlé, ce que pas n'esperoye, Viaire taint (Desch., Oeuvres Q., t.3, c.1370-1407, 374)

Le premier qui se mit devant, ce fut le duc Naymes atout ses cheveulx meslez, car il estoit aagé plus que nully des aultres. (Bagnyon, Hist. Charlem. K., c.1465-1470, 86)

En particulier. [Du cerf] Mesler qqc. sur qqc. Changer la direction naturelle des branches (Éd.).

Adonc en porte il le boys et mesle l'unne branche sus l'autre, quar il les porte et met la ou elles ne souloient pas estre de leur nature. (Gast. Phébus, Livre chasse T., 1387-1389, 155)

Emploi absolu. Mesler qqc.

Introduire qqc. (dans qqc.).

Aussi dist Hugue ou livre nommé Didascalicon ou .IIIIe. chapitre : 'Les escriptures des philozophes sont comme une blanche paroit plaissant par dehors pour le biaulté des paroles, lesquelles, auchunefois soubz umbre de verité qu'elles pretendent, en meslant choses faulses soubz une fainte couleur ceuvrent la boe d'erreur...' (Daudin, De la erudition H., c.1360-1380, 109)

Tempérer qqc..

Et [Solon] mesla ou mixtionna bien la policie et le gouvernement de la cité (Oresme, Pol. Arist. M., c.1372-1374, 111)

Meslé. Qui se caractérise par un mélange d'éléments divers, contradictoires, brouillé.

Folie et Sens me gouvernent tous deux ; En Nonchaloir resveille sommeilleux ; C'est de mon fait une chose meslee, Ne bien, ne mal, d'aventure menee. (CH. D'ORLÉANS, Ball. C., c.1415-1457, 182)

L'entendement est tout meslé [à propos de l'autre monde] : Mais d'y aler nulz ne s'i fonde. (Prisonn. desconf. C., c.1488-1489, 41)

Qui combine plusieurs éléments.

Aucuns noms par une maniere de signification meslee et aidié comme par privation de principe et de fin expriment l'essence divine, comme ce nom adjectif 'eternel' et ce nom 'sans mesure', par quoy on entent l'essence divine par privation de certaine mesure de lieu. (Somme abr., c.1477-1481, 153)

Par extension. Modéré.

Et de ce que il dit que continence est mellee, c'est pour ce le continent obeïst a raison. (Oresme, E.A.C., c.1370, 274)

Peu marqué.

...mais aucune foiz y sont bien autres vices adjoins, mesléz et annex (Oresme, E.A.C., c.1370, 256)

Meslee ignorance

...c'est assavoir, que malice est voluntaire par un autre signe qui est pris quant as operacions qui ne sont pas manifestement voluntaires, pour ce que il y a meslee ignorance. (Oresme, E.A.C., c.1370, 197)

c)Mesler qqn à/avec qqn. Mettre ensemble telle catégorie de personnes avec telle autre.

...à la grande et seconde table fut assis monseigneur de Charrolois, monseigneur d'Estampes, monseigneur Adolf, monseigneur de Fiennes, monseigneur le bastard de Bourgoingne, monseigneur de Hornes, meslez avec grant nombre de dames et de damoiselles, et aussi tant d'aultres chevaliers, que les tables estoient plaines d'ung costé et d'aultre (La Marche, Mém., II, c.1470, 355)

Avec ceulx cy cardinaulx, arcevesques Furent meslez, tous vestuz de vermeil, Riches prymas, gros abbez et evesques (La Vigne, V.N., p.1495, 217)

Au passif.

Et de rechief Claudian parlant a icelle mort dist : 'Soubz tes traces venront les roys vestus de pourpre, en ostant leurs superfluitéz, et seront mesléz avec la compaignie des povres...' (Daudin, De la erudition H., c.1360-1380, 348)

2.Emploi pronominal.

a)Se mesler. S'agiter, créer de la confusion.

Le roy estant adverty que ceulx du camp de ses ennemys se mesloyent, et qu'il falloit qu'ilz voulsissent faire quelque chose de nouveau et en peu de temps, le guet et semblablement les escoutes les virent saillir en grant nombre bien montez, armez et bardez le mieulx du monde (La Vigne, V.N., p.1495, 286)

b)[Idée de lutte, d'affrontement]

Se quereller, se disputer.

LE PREMIER CHEVALIER. (...) puis est ses mestiers [de Griseldis] D'accorder les familïers Du marquis s'ilz se sont mellez (Gris., 1395, 48)

Se mesler à/avec qqn. Se battre avec qqn.

Partout voy riote et contens, Et la guerre ou la paix estoit ; Le pere se mesle aux enfans, Ne nul ne fait ce qu'il doit (Desch., Oeuvres Q., t.2, c.1370-1407, 79)

Chil bourgois (...) dissent (...) que ce n'avoit pas esté leur coupe, mais la couppe des menus mestiers de Bruges, qui se voloient prendre et mesler à iaulx (Froiss., Chron. R., IX, c.1375-1400, 204)

Porrus mesler a Alixandre Se veult, s'il s'i veult condescendre (Chr. Piz., M.F., IV, 1400-1403, 53)

Et aussy il eut sa lance et laisse courir son cheval et s'est meslé avec ces mescreans infeaulx et va attaindre du premier coup Clorgis et le frappa jusques au cuer, et fut illec mort. (Bagnyon, Hist. Charlem. K., c.1465-1470, 64)

(Se) mesler (l'un à l'autre)

Trois hommes lez lui se meslerent Tant que les deux le tiers tuerent (Renart contref. R.L., t.1, 1328-1342, 20)

Angoisses sont a moy de toutes pars Quant les membres voy au chief reveler, Et le chief voy sortir divers regars, Et qu'il convient l'un a lautre mesler, Le pere au fil, seignour son serf tuer (Desch., Oeuvres Q., t.2, c.1370-1407, 89)

Tout ce que li François prendoient, il leur convenoit paier et acater bien chier, et furent, telle fois fu, en grant aventure li François et li Escot de mesler par rihote et debat l'un à l'autre. (Froiss., Chron. R., XI, c.1375-1400, 275)

Se mesler entre/parmi des ennemis. Aller au contact (des ennemis).

Neantmoins ilz se asseurerent en leurs estriers, prindrent leurs escus par les enarmes, haulcerent les espees et attendirent franchement et de pié ferme Jason et ses gens qui le sieuvoient. Et lors Jason, en ouvert esprit, nagant en plaisir par appetit de nom acquerre, se mesla entre ces chevaliers ou les Esclavonnois se ralyerent. (LEFÈVRE (R.), Hist. Jason P., c.1460, 148)

.. [Jason:] 'Que me proffitent les continuelz regrets que je fay aprés ma dame ? Je suis hardy assez pour moy mesler en une tourbe de cent mille hommes ; quant je cuide parler a ma dame, je tramble de paour et ne sçay que dire...' (LEFÈVRE (R.), Hist. Jason P., c.1460, 150)

Et tellement parla et aguillonna l'autre dame par son langaige qu'elle se prinst à dire qu'elle disoit mal et qu'il n'en estoit riens, mais avoit le moins fait et plus villainement que l'autre, qui, par sa hardiesse, s'estoit bouté et meslé parmy les adversaires. (Bueil, I, 1461-1466, 126)

Mais ne creés point que je die cecy pour devoir obvier a vostre comandement ne que je soye celluy que n'y vueille aller, car j'ay cestuy couraige que, se d'aventure je me mesle parmy ces crestiens, j'en mettray a mort dix avant que je soye lassez. (Bagnyon, Hist. Charlem. K., c.1465-1470, 83)

c)Se mesler à qqn. Avoir des relations sexuelles avec qqn.

Didon, quant il se mesla a Enee, il senti un chathuan mal fortuné (Foul., Policrat. B., I, 1372, 127)

Par métonymie. Champ meslé. Combat en champ clos.

'...Vo mere Jacqueline n'a nul homme trouvé Qui envers cellui ose combatre en champ meslé...' (Galien D.B., c.1400-1500, 108)

B. -Au figuré.

1.Mesler des pers. (ou des animaux)

a)Emploi factitif.

Faire que des personnes ou des animaux se dressent les uns contres les autres.

Et, ainsi, ceste soris sema entre le chat et la monstoille tres grande discorde quant l'un ou l'autre la vouloient reprendre ou chastoier. Enfin elle les mesla tellement qu'ilz jurerent et promirent l'un l'aure destruire. (Colart Mans., Dial. créat. R., 1482, 266)

Mesler qqn avec qqn.

Et [quant] au fait de la guerre, il est notoire que luy, conte de Charolois, sachant que le Roy Loys de France l'avoit volu brouillier et mesler avec son pere, il se mist en l'aliance de monseigneur de Berry, frere du Roy de France. (La Marche, Mém., I, c.1470, 124)

[D'une chose]

Que ay je fait qui m'a meslé avecques ma dame ? Hellas, qui est celui ou celle qui me veult occire et murdrir desloyaument sans l'avoir deservi ? (Ponthus Sidoine C., c.1400, 49)

b)Mesler qqn. Déranger, interrompre qqn.

'Sire' fait elle, 'vraiement Je volentiers et longuement Ai escouté vostre parler ; En riens ne vous voulay merler Duscqu'a tant qu'eussies afinee Vostre raison, qui molt m'agree...' (Dame Lycorne G., c.1349-1350, 149)

2.Mesler des choses abstr.

a)Mélanger.

De quoy disoit Homerus le poëte en racontant comme .I. autre enseignoit Hector pour combatre et li disoit ainsi : 'Met vertu et la mesle avecques fureur, et esdresce et met en oeuvre et vertu et fureur.' (Oresme, E.A., c.1370, 214)

Et doit le Saint Pere, le Roy, l'Enpereur et chascun juge mundain avoir ceste maniere de proceder contre leurs rebelles et desobeÿssans, et generalment contre tous crimineux, car ilz devent meller rigueur aveques misericorde et douceur (Songe verg. S., t.1, 1378, 341)

Si sont ces choses contre chasteté, lesquelles, pour Dieu, mes tres chieres amies, ne vueilliez avoir en vous, car vous mesleriez poison angoisseuse avec miel pour vostre dampnement (Chr. Piz., Trois vertus W.H., c.1405, 169)

Participe passé en emploi adjectival. Meslé avec/de/entre qqc. Mélangé à qqc..

...mais [la continence] est une chose mixte ou mellee avecques aucune chose appartenante a vertu. (Oresme, E.A., c.1370, 274)

Ilz ne pevent pas tout a ung coup desconfire, car ainsi que le mal que nous avons et la guerre que nous soustenons ne fut pas mise avant a une seule heure, aussi ne sera la ressource trouvee a une foiz, mais il faut saillir de ce meschief en souffrant les douloureux desconforts de doubtes meslez d'espérance. (Chart., Q. inv., 1422, 42)

...car entre lez commandemens de bien meriter sont meslez les admonitions de bien esperer. (Chart., L. Esp., c.1429-1430, 95)

b)Adoucir, tempérer, modérer qqc..

Laisséz vostre angoesse et vous souspirs, et en divisant mesléz voz douleurs ; ainsi faisant se passe le martire (Beauvau, Troyle B., c.1455, 568)

c)Brouiller qqc..

Se par douleur je suis troublé, Je n'en suis pas trop à reprandre. Car ton filz craignoit le filé De la mort qu'il avoit atendre, Comme chascun a peu entendre A sa parole tant troublée. Je n'y sçay chose que comprendre... Mais la doleur l'avoit meslée. (Prisonn. desconf. C., c.1488-1489, 49)

d)Machiner, ourdir, tramer qqc..

De par moy sera mis a mort Le mauldit peuple rebellay, De par moy sera desmellay L'entreprinse qu'ilz ont meslee. (Myst. st Laur. S.W., 1499, 154)

e)Péjoratif. Mesler mariage avec qqn. S'unir à qqn par un mariage (inconvenant).

Il ne fault pas mesler mariages avec les heretiques. Et jassoit ce que tel mariage ne se doibt pas faire, neentmois s'ilz sont ensemble, il se tient, ainsi qu'il se tendroit avec ung excommunié. (Sacr. mar., c.1477-1481, 66)

3.Emploi pronominal. Se mesler avec/de qqn/à/de/en qqc.

a)Se mesler avec/de qqn. S'occuper de qqn, se soucier pour qqn.

D'elle [damoiselle] ne me quier plus mesler. Voit ou elle pourra aler, Riens n'y aconte. (Mir. Clov., c.1381, 222)

UNG JUIFZ a Pilate. Le roy Herode vous salue ! Vostre amy est, se Dieu m'ahue. De Jhesus ne ce veul mesler : Il dit que faissiés a vous volenter. (Pass. Autun Biard F., 1470-1471, 95)

Entrer en relation avec qqn.

'Monseigneur, il n'estoit pas besoing qu'un si haut et si noble prince, comme vous, se mellast de si meschans gens comme moy et luy sommes, et ne valons point tant d'honneur...' (Chastell., Chron. K., t.3, c.1456-1471, 92)

Avoir des contacts, des relations avec qqn, fréquenter qqn.

...tousjours parler bel et garder vostre droit, - et par ainsi faire, et par pou vous mesler avec diverses gens se besoing ne vous en est, eschiverez que vous ne soiez folees ne suppeditees par aultrui. (Chr. Piz., Trois vertus W.H., c.1405, 190)

Des dames, il ne s'en est point meslé du temps que j'ay esté avec luy, car à l'heure de mon arryvée luy mourut ung filz, dont il eut grant dueil, et feït lors veu à Dieu, en ma presence, de ne toucher jamais à femme que à la royne sa femme. (Comm., II, 1489-1491, 325)

b)Se mesler à qqc.

Intervenir à propos de qqc..

Et quant Amours vit qu'en ce point Estoie, elle n'atendi point, Eins s'i mesla par tel maniere Que puis ne fu, ne jamais n'iere, Que seur tout quanque Dieus a fait Ne l'aimme de cuer et de fait, Oubeïsse, serve et honneure, Et qu'en tous tans et en toute heure Ne soie tous siens sans demi Aloy de tres loial ami. (Mach., R. Fort., c.1341, 4)

Et quant Amours t'a mis en sente De sa bonne grace esperer, Tu ne te dois pas desperer Pour un petit de mesprison, Car mauvaistié ne traïson N'i ot, quant a la verité, Fors päour, honte et nisseté Avec Amours qui s'i mesla, Quant servis fus de ce mès la Qui te mist en cuer l'apostume Dont ta douceur en amer tume. (Mach., R. Fort., c.1341, 60)

Emploi absolu. Intervenir.

Mais quant il [Acrisius] avoit ampoigné le glaive dont la cuidoit persecuter [sa fille] , Nature se mesloit et mettoit entre d'eux, qui de celle cruauté le faisoit a pitié condescendre et lui enseignoit a remettre son glaive ou fourreau (LEFÈVRE (R.), Hist. Troyes A., c.1464, 187)

[D'un mal] Se mesler parmi. Survenir en plus (d'autres maladies).

Je demouray à partir aulcuns jours, pour ce que le roy fut malade de la verolle et en peril de mort, pour ce que la fièvre se mesla parmy (Comm., III, 1495-1498, 46)

c)Se mesler de/en qqc.

S'occuper, se mêler de qqc..

Et certes, amis, bien pensoie Que la vostre amour estoit moie, Comment que riens n'en deïssiez Et que semblant n'en feïssiez. Mais quant Esperence s'en mesle, Je ne doy pas estre rebelle A son voloir, eins vous ottroy Loiaument de m'amour l'ottroy ; Qu'elle m'a dit que vous m'amez Et vuet qu'amis soiez clamez. (Mach., R. Fort., c.1341, 141)

...ce deffault Envers autres est non pareil, Quant saint Perre, dont me merveil, S'en veult meller. (Mir. pape, 1346, 370)

Quant il m'oÿ ainsi parler, Il dit : 'Plus ne m'en veuil meller : Bien savoie que je perdoie Mon langage, se j'en parloie.' (Mach., Voir, 1364, 662)

Nul homme qui est ordené au service de Dieu ne se doit impliquer es negoces seculieres ne soy mesler ou entremettre des besoignes du siecle. (Oresme, Pol. Arist. M., c.1372-1374, 196)

Que scay je bien ? dit il ; je ne me mesle pas de voz debtes. (C.n.n., c.1456-1467, 218)

Par ma foy, ma niepce [Mélusine] , dist le conte, ja nul de nous ne s'en meslera [de donner un nom à votre forteresse] par dessus vous, car, par raison, puis que vous en avez tant fait que d'avoir assouvy si belle place comme ceste qui est pour le present la plus forte et la plus belle que j'aye veue, vous ly devez donner don [l. nom] a vostre gré. (Arras, c.1392-1393, 47)

Et descy du don que vous m'en avez fait je vous en mercie humblement et le vous remet en vostre possession. Or est en vous de sa mort ou de sa vie, lequel qu'il vous plaira, car jamais ne m'en quier mesler par dessus vous, et le vous quitte plainement. Damoiselle, dist Anthoine, puis qu'il vous plaist, nous en ordonnerons telement que ce sera a vostre honneur et a sa grant vitupere (Arras, c.1392-1393, 166)

Sire roy, s'il vous plaist que vostre niepce soit mariee, si lui querez mary, car par dessus vous n'y a homme qui s'en meslast. (Arras, c.1392-1393, 188)

Ce jour, l'evesque d'Arras a dit et protesté au graphier de Parlement que son entention n'est pas de soy meller aucunement de l'execution de feu l'arcevesque de Besançon (Baye, I, 1400-1410, 121)

Hoiguart, procureur de ladicte Université, dit qu'elle lui a defendu que de ceste chose ne se melle (Baye, I, 1400-1410, 235)

Au passif. Estre meslé à qqc. Être concerné par qqc..

Et les gens de Grece ont ceste meisme difference entre eulz ; car les uns ont nature aussi comme a .I. oeil, ce est a dire que il ne ont que une des choses dessus dictes, ce est assavoir ou bon engin ou grant courage et hardiesce ; et les autres sunt bien mellés a une puissance et a l'autre. (Oresme, Pol. Arist. M., c.1372-1374, 299)

Participer à qqc., avoir sa part dans qqc..

Bien sceut de li par bonne humblesce Toute vaine glore expeller Qui a grant tort se veult mesler Toute foiz en toute bonne euvre (Tomb. Chartr. Trois contes S., c.1337-1339, 105)

Se charger de qqc..

Beaucoup de gens, pour luy plaire, se mesloient de ces marchéz et luy raportoyent les choses beaucoup plus avant qu'ilz ne trouvoient (Comm., I, 1489-1491, 172)

Pratiquer telle activité, tel savoir.

Lors muay je ma volenté Des menuz oiselès aus grans, Si fui desirans et engrans Et pensans comment j'aprendroie A garder un oisel de proie, L'esprivier especiaument. Et j'eus tantost apris comment J'ensuiroie ce gent mestier Douquel j'avoie grant mestier, Car Nature m'i enclinoit, Qui a nulle heure ne finoit, Et Amour souvereinnement M'argüoit gracieusement, Pour mieus mon cuer entalenter, Que la gent vosisse hanter Que de ce mestier se mesloient Et ceaus qui le plus en savoient, Et cil me porroient aprendre Tant comme j'en porroie entendre. (Mach., D. Aler., a.1349, 244)

Et celui seint Piere ordena les condicions de toutez choses bons et mals les queles me serroit long a reconter, et ausi jeo ne m'en saveroie bien meller, et qi bien ne siet un chemyn legierment forvoie. (Henri Lanc., Seyntz medicines A., 1354, 28)

...ung ancien cordelier (...) en son temps avoit veu moult de choses, et de sa principale science se mesloit fort de medicine (C.n.n., c.1456-1467, 34)

On lit que Pilate, avant que il fust envoyé a Romme de par l'empereur, il c'estoit meslé de finances et receptes, et une foys dit a l'empereur ou escripvist que se il vouloit il auroit foison argent, et que il ne faloit que le prendre sur le peuple et ceulx qui en auroient, et que tout estoit sien. (Juv. Urs., Verba, 1452, 271)

Cestui se mesla en astrologie seulement et, entre ses euvres, il prenostica sur l'an mil IIIc octante six de la division et parcialitez qui furent ès Ytalies (Simon De Phares, Astrol., c.1494-1498, f° 145 r°)

[Avec une nuance ironique, péj.]

GUILLEMETTE. Hé Dieu ! quel marchant ! Pleust or a Dieu qu'i n'y vist goutte ! PATHELIN. N'est ce pas y la ? J'en fais doubte. Et si est, par saincte Marie : Il se mesle de drapperie. Dieu i(l) soit ! (Path. D., c.1456-1469, 56)

Avoir la prétention d'être influent à propos de qqc..

Et lors Sedicion apparceut qu'elle avoit aucune matiere de parler, et dit lors a Saincte Eglise que elle estoit bien simple de se mesler de paix entre lesdittes dammes, et qu'elle se devoit mesler et deust avoir fait pieça de les punir des maulx que on a faits aux gens d'esglise et aux esglises (Juv. Urs., Aud. celi, 1435, 230)

Avoir la prétention d'intervenir dans une discussion.

DANDO MARESCHAL. De quoy servent ces haulx atours Et ces bonnetz ad ces pucelles ? Mais ces queues ad ces damoiselles Esse pour ballayer le plastre ? MAISTRE ALIBORUM, corrigeur de magnificat. De quoy se mesle ce follastre ? Vela questions a merveilles ? Pourquoy ? c'est que ces damoiselles, Portent grans queues pour s'esmoucher Plus prés des oreilles et toucher, Se mestier leur est, a leur chief. (Sots Magn., a.1488, 194)

Perdre son temps avec qqc..

Et seront plus contens de aler mettre sus aides, tailles, et mesler de choses mondaines et prochaines, que adviser a faire ce que leur profession donne et veult. (Juv. Urs., Nescio, 1445, 509)

[Dans un cont. grivois] Se mesler du bas mestier

Les bas instrumens j'enstresuys, Du bas mestier souvent me mesle. (Sots, c.1480-1500, 264)

Critiquer qqc., avoir son mot à dire de qqc..

Je parle de ce que je voy, Je parle des mors et des vifz Et me mesle de tout arroy. (Sots Magn., a.1488, 203)

(Bien) meslé en qqc. (Bien) compétent, bien instruit dans un domaine.

L. Pisone, grave aucteur, fut en ce temps excellant astrologien et bien meslé en diverses choses. (Simon De Phares, Astrol., c.1494-1498, f° 38 v°)

Bernardinus de Luntis de Fulgineo fut en ce temps et est encores grant phisicien et astrologien, selon le rapport de deux nobles hommes, lequel est meslé aucunement en la pratique des jugemens de astrologie et en fait plusieurs venir à lumiere, de quoy il a esté et est moult estimé. (Simon De Phares, Astrol., c.1494-1498, f° 165 v°)

Se mesler de + inf.

S'occuper, se préoccuper de.

Item, un autre nommé Henry, et a esté fauconnier, et fu à mons. de La Riviere, et se merle de oyseaux vendre, et est de Louvaing. (Reg. crim. Chât., I, 1389-1392, 385)

Et pou le [le marquis] veïst on meller De gouverner sa seignourie, Qu'en deduit demenoit sa vie (...) A son gré en maintes manieres. (Gris., 1395, 3)

Pratiquer l'activité, le métier de.

...ceulx qui se meslent de faire Les lettres, dont gens ont a faire, Dieu scet se j'en vi, la entour, A plusieurs faire maint faulx tour (Chr. Piz., M.F., II, 1400-1403, 59)

...veez cy leens venir ung homme qui s'appelle Trenchecoille, lequel se mesle de tailler gens, d'arracher dens, et d'un grand tas d'aultres brouilleries (C.n.n., c.1456-1467, 402)

Item, vueil que le jeune Marle Desormaiz gouverne mon change, Car de changer enviz me mesle, Pourveu que tousjours baille en change, Soit a privé ou a estrange, Pour troys escus six brectes targes, Pour deux angelotz ung grant ange, Car amans doivent estre larges. (Villon, Test. M., 1461-1462, 104)

...ung phisicien qui se mesloit de predire pluseurs choses a venir (Chastell., Chron. IV, D., c.1461-1472, 148)

...en fist deux merveilleuses [nativités] à deux jeunes hommes, freres germains, l'un nommé Anileus et l'autre Asinius, Juifz et trouva que l'un et l'autre se mesleroit de naviguer, qui touttefois estoit contre l'estat et la loy des Juifz (Simon De Phares, Astrol., c.1494-1498, f° 76 r°)

Par plaisanterie.

Pour monstrer le jeu ou je songe Je me mesle des oyes ferrer. (Sots Magn., a.1488, 198)

Se charger de.

SECOND CLERC. De ce faire me vueil mesler, Que c'est m'office. (Mir. ev. arced., c.1341, 128)

Mais je vous prie que nous laissons noz pays en garde a noz barons, et en menons Vc. bacinez, car j'ay ouy nouvelles qu'il a grant guerre entre ceulx d'Ausaiz et ceulx d'Ostriche. Par foy, dist Gieffroy vous dictes bien ; par adventure s'en pourroit bien Anthoine, nostre frere, mesler. (Arras, c.1392-1393, 279)

[Avec une valeur péj.] S'ingérer mal à propos dans une affaire, s'immiscer dans qqc..

...icellui prevost lui demanda pourquoy il s'en mesloit, et qu'il ne lui demandoit riens. Et icellui Gilet lui dist qu'il s'en mesloit et que le fait de son frere estoit le sien. (Doc. Poitou G., t.7, 1406-1407, 102)

...nous avons sceu (...), comment vous meslatez du mariage de nostre trés chier et amé frere (Lettres Ch. VIII, P., t.1, 1487, 176)

Mettre la main à une activité criminelle.

Mauvais homs, dist la dame, Dieu vous puist cravanter ! Quant oncques te meslas de mon enffant embler. (Tristan Nant. S., c.1350, 243)

Affecter (telle attitude).

...car le beau service que faire scevent, leurs flateries, bien appareillier a mengier, tenir tout nettement et ordonneement, bel parler et beau respondre, aveuglent tellement les gens que on ne s'en prent garde de leurs tres grans mauvaistiéz : car elles se meslent de devocion parmy, pour mieulz tout couvrir, et vont au mostier a tout patenostres, et la est le peril. (Chr. Piz., Trois vertus W.H., c.1405, 211)