LIEN

substantif masculin

[T-L : liien ; GDC : lien ; AND : lien1 ; DECT : liien ; FEW (V, 317a, 318a) : ligamen ; TLF (X, 1193a) : lien]

A. -Au propre. Ce qui sert à assembler, à consolider.

1.Matière flexible qui sert à lier des objets, à attacher.

a)Lacet, lanière de cuir, bande de tissu.

Ilz portent soulers a liains. Cappelaires, grasses putains Se tiennent pres de lour estaige. (Dupin, Mélanc. L., c.1324-1340, 57)

Sur li ce haubert me fermez Par les braz et par les costez Et aussi par le chevessaille De tieulx liens que sanz la maille Rompre ne le puist despoullier. (Mir. st Guill., c.1347, 29)

...et que quant elle verroit que l'espouse et espousée danseroyent, que elle feist semblant de recueillir à terre aucune chose qui li feust cheu, ou que elle faignist relier les lyens de ses chauses (Reg. crim. Chât., I, 1389-1392, 357)

... [il] estoit saint sur sa cotte d'un lien de drap. (Reg. crim. Chât., I, 1389-1392, 450)

...pour toutes robbes une vieille flaussoie tres grosse d'un lien de drap ou de corde liée sur l'espaulle, et dessoubz ung povre roquet ou chemise pour tous paremens. (Journal bourgeois Paris T., 1405-1449, 220)

b)Tiges de céréales nouées entre elles servant à lier les gerbes.

Qui a la saint Remi, loie les arbres de son jardin de loiens de garbes de fourment, il ara cel an fruits a plenté. (Ev. Quen. II, c.1466-1474, 126)

Guerbes sont de blé et d'orge et de telz semblables grains en armoirie et ont lien qui les lye ou doiuent auoir. Et senefie que cellui qui premier les porta en armes estoit homme soustenant et garny de tous biens et chaint d'onnourable renommee entour lui. (Best. hérald. H.E., c.1435-1450, 511)

Locution. Le lien vaut mieux que la gerbe

Avecques luy fist venir sa partye, Qui de Ferrare fille du duc estoit ; De fin drap d'or en tout ou en partie De jour en jour voluntiers se vestoit : Chaynes, coliers, affiquetz, pierrerie Ainsi qu'on dit en ung commun proverbe, Tant en avoit que c'estoit deablerie : Brief, mieulx valloit le lÿen que la gerbe ! (La Vigne, V.N., p.1495, 176)

N'avoir gerbe ne lien. N'avoir rien.

Je te feray par ce moyen, Ung nouveau Job victorïen Encontre toute adversité, Car, tant sois tu practicïen, Tu n'auras gerbe ne lÿen, Mais de tous biens necessité. (Vie st Eust. 2 P., c.1400-1450, 197)

[À propos de deux choses qui se complètent] Telle gerbe n'est pas sans lien. Tel homme ne reste pas seul.

PLAISANT FOLLIE. Mais advisez quel gentillomme, Regardés bien, qui considére. JAUNE BEC. C'est du cousté de ma mere, Car mon pere fut bon masson. CUIDER (...). Y pert bien a vostre fasson! A vous faire si belle ydole Vostre pere fist ung droit molle Pour soudre une euvre de villain! PLAISANT FOLLIE. Ung si beau compain et si plain Tant gaillart et tant mignot n'est Sans avoir son cuer en lieu net Mis pour amoureulx entretien. CUIDER (...). Tiel gerbe n'est pas sans lyen, Ny tel coquart sans sa coquarde! (Pipée R., c.1470-1480, 191)

[Comme expr. d'une valeur minimale]

- Dame, ce dist le pape qui fu de bon engien, A vous en apartient le plus, on la scet bien, Et si ne fettes mye qui vaille ung seul lïen (Flor. Octav. L., t.1, c.1356, 269)

Et puis nous avons nostre pont Ordonné par soubtil moyen, Que tous les François qui viendront, Il n'en eschappera lien (Myst. siège Orléans H., c.1480-1500, 461)

c)Corde ou chaîne pour attacher....

[un prisonnier]

Quant Ecuba vit la destruction De la cité de Troie et d'Ylion Et mettre à mort la belle porteüre Et roy, Priant, mis à desconfiture Et li mener en estrange servage Mise en liens comme beste sauvage, Certes, ce fu dure chose et piteuse (Mach., Compl., 1340-1377, 253)

Leurs vies leur seront retraictes, Et, pour leur feste commencier, Les envoiera lors dancier En cordes et liens de fer Avec les ennemis d'enfer, S'ilz ne s'advisent entre deux. (Desch., M.M., c.1385-1403, 53)

[Marie d'Orléans] En l'amour et crainte de Dieu Es nobles flans Cesar [Charles d'Orléans] conceue, Des petis et grans en tout lieu A tres grande joye receue, De l'amour Dieu traicte et issue Pour les discordez ralïer Et aux encloz donner yssue, Leurs lïans et fers deslïer ! (Villon, Poèmes variés R.H., c.1456-1463, 41)

En ce temps celebroient moult les nativités et continua ceste chose jusques au temps de Audoxia, fille du jeune Theodosien, laquelle fist abolir celle festes du congié du pappe Sixte et, ou lieu de ce, fut instituée la feste saint Perre aux Liens [Fête célébrée le premier août] . (Simon De Phares, Astrol., c.1494-1498, f° 23 r°)

Ma dame, Dieu soit en ce lieu ! Nous venons a vous en reffuy, Car l'empereur, je vous affy, Faict trasser tous les crestiens Pour les mettre en durs liens (Myst. st Laur. S.W., 1499, 200)

[un animal]

Et, se le limier faut ses routes, il se doit demourer tout coy et doit laissier revenir son limier du long du lien, ou arriere ou d'unne part ou d'autre, quar un cerf, quant il va a son demourer revient voulentiers sur soy et fet une reüse ou esteurse, et par aventure plus de trois, avant que on le puisse trouver, selon ce qu'il est malicieux. (Gast. Phébus, Livre chasse T., 1387-1389, 173)

Consideré les susdis mouvemens par nature es cuers des jeunes, et maintes autres raisons, que je laisse pour briefté, n'est mie doubte que telle[s] aviviées voulentés laissier sanz frain estrange de plus grant meureté, c'est comme le poulain sanz lien habandonné à toutes voyes, si n'est mie sanz grant peril, et plus es princes et es poissans que es moyens ne es mendres (Chr. Piz., Faits meurs Ch. V, S., I, 1404, 27)

Car s'il vous fault point de lien Pour prendre bien hastivement Ung asne, j'en ay ung qui est mien, Tout a vostre commandement. (Sots Magn., a.1488, 200)

Mettre un oiseau de proie au lien

Premierement, qui veult avoir bon deduit de l'esprevier, il est neccessité que assez tost apres Pasques l'espriveteur se garnisse d'espaingnoz et qu'il les maine souvent aux champs querir les cailles et les perdriz, et des lors les duise et chastie et tant face que aumoins en juing il en soit pourveu de troiz bons, duiz pour le mestier, qui congnoissent les oiseaulx, et que deslors il les mecte au lien et les garde bien (Ménagier Paris B.F., c.1392-1394, 143)

2.Par analogie.

a)Pièce de bois placée dans l'angle de deux éléments de charpente pour en consolider l'assemblage.

...le bois pour fere escarrie à leurs maisons par livrée, c'est assavoir IIII posts, II sommiers, II trefs, II pouchons, IIII soubs chevrons, un feste, et deux parnes, deux fillieres, deux pere de chevrons, et tous les liens au dessoubs des trefs. (Hector De Chartres, Cout. R., 1398-1408, 39)

...du mestier de charpenterie (...) pour avoir (...) revestu de IIII pos chascun de XII piez de long dont chascun post est revestu de III liens, d'une pargne de ladicte longueur de LXIIII piez, de IIII trefs chascun de XII piez de long, de IIII soubz chevrons chascun de XIIII piez de long, de IIII contrefiches séantes sur les trefs et allantes aux soubzchevrons, lesquieulx trefs et soubzchevrons se viennent fermer es longs posts de la ferme de la grant maison. (Comptes Archev. Rouen J., 1412-1413, 78)

À maistre Jehan Douter, charpentier, pour avoir ouvré de son mestier à oster trois posteaux qui estoient pourriz et failliz des huit posteaux de bois qui font les huit caus et bors de la cuve dudit clochier entre le comble de la chappelle et le comble d'icellui clochier (...), et pour faire nouveaux lyens et ryoles servans et tenans lieu en 8 pans entre les posteaux de ladicte cuve du clochier (Comptes Etat bourg. M.F., t.3, 1418-1420, 607)

À maistre Jehan Douter, charpentier, pour avec pluseurs ses compaignons charpentiers avoir ouvré (...), un nouvel lyen de bois appellé jocq à trois posteaux (Comptes Etat bourg. M.F., t.3, 1418-1420, 611)

À lui et sondit compaignon, pour avoir soyé par 7 journees et demie ou mois de decembre pillos, fusees et lyens à couvrir le mur de l'espoye, pour la doubte des nefz (Comptes Etat bourg. M.F., t.3, 1418-1420, 640)

...avoir remis tout de neuf les liens qui sont en icelle palée sur lesdites liernes dudit costé d'aval l'eaue, tant d'un costé que d'autre, lesquelles reposent et sont chevillées de chevilles de fer sur les dernieres liernes mises de neuf en icelle palée, et avoir chastignollé tout de neuf dessous les liens dessus dits à chevilles de fer (Comptes Paris V.L.D., t.1, 1449-1450, 674)

...et aura en icelle saillie soubs chacune desdites deux sablieres ung lien, lequel se fermera à tenon et mortaise, tant en icelles sablieres que aux sablieres qui font pieulx dedans les liernes dessusdites (Comptes Paris V.L.D., t.1, 1451-1453, 757)

b)Pièce de fer servant à consolider.

LE FÉVRE. (...) vezci mes instrumens, Tenailles, martel, clos, liens, Poinçon, turquaises. (Mir. st Guill., c.1347, 26)

À Perrin Le Gourmandot, serrurier, la somme de deux frans demi qui deuz lui estoient pour avoir rapareillié une grande chaudiere de la cuisine de madicte dame la duchesse, en laquelle il a mis huit loyens de fer et plusieurs autres estoffes neccessaires pour ladite chaudiere pour affiner le salepestre qui a esté admener de devers mondit seigneur à Dijon (Comptes Etat bourg. M.F., t.2, 1418, 172)

La Bergere [une bombarde] nous menerons Et des canons tant aussi bien. Et des anuyt, comme je tien, Tout sera chargé pour mener Sans y faillir, fer ne lien ; Demain y sera a desjeuner. (Myst. siège Orléans H., c.1480-1500, 527)

Margelle de puits (nommée ainsi à cause du lien de fer qui l'entoure) (?).

Geometre Ypocras, Galien, Avicenne entour le lien De la fontaine s'assembloient, Ou de science s'affubloient, Et maints autres grans philosophes. (Chr. Piz., Chem. estude P., 1402-1403, 45)

c)Mortier servant à jointer les pierres.

...et est ledit mur de liens revestu d'un lermier, couvert de tuille. (Comptes Archev. Rouen J., 1412-1413, 82)

B. -Au figuré.

1.Ce qui assure la continuité entre deux choses, ici entre le commencement et la fin d'une oeuvre de l'esprit.

Rompre le lien. Interrompre ce qui est commencé.

Et qui fait ouvrage trop court, Je ne puis vëoir ne penser Qu'on li doie recompenser, Que selonc l'uevre le salaire. Je ne doubt mie le contraire. Mais qui commence temprement Et il a bon commancement, Mais qu'il ne rompe le loien, Il doit venir a bon moien. (Mach., D. Aler., a.1349, 241)

2.Ce qui unit.

a)Ce qui unit deux ou plusieurs personnes (amitié, amour, respect...).

Il s'estoient entrepromis Il comme ses loiaus amis, Et elle comme vraie amie : A tousjours mais, toute leur vie, Maintenroient en verité Les courtois poins de loiauté. Mais si loin devint leur loiens Qu'il s'en vint manoir a Orliens, Et elle en Prouvence manoit. (Mach., J. R. Nav., 1349, 214)

Nuls d'eaus ne scet dire : 'c'est mien', Pour ce que c'est une unité, Conjointe par vraie amité, Sans barat et sans mal engien ; C'est le droit neu, c'est le lien De foy, de pais, de loyauté, D'onneur, de joie, d'onnesté. Meint vray amant le scevent bien. (Mach., Les lays, 1377, 341)

Car fois, loyauté Et sa tres courtoise emprise M'i contraingnent, et franchise, Qui sont moien Et lien De vraie amisté. (Mach., Les lays, 1377, 384)

...si comme quant .I. est tenu a l'autre ou par la loy ou par liens ou par convenances. (Oresme, E.A.C., c.1370, 451)

...d'un loyen loyé Orent les cuers si fort ensemble Que de dueil mourront, comme il semble, Au departir de leurs amours (Chr. Piz., M.F., III, 1400-1403, 92)

Le Saint Esperit est dit amour personnelement en tant qu'il est le loyen du Pere et du Filz, car le Pere et le Filz se entreaiment par amour procedant d'eulz deux, qui n'est pas le Pere ne le Filz, mais le Saint Esperit. De cest amour, qui est loyen du Pere et du Filz, dist Saint Augustin : en ceste trinité il y a ung loyen, qui ne se puet bonnement dire ne exprimer, lequel pas n'est gendré (Somme abr., c.1477-1481, 115)

Parlons d'amour, c'est ung lien Qui est moult fort a gouverner : Ung jour on y est assez bien, L'autre on n'ose [plus] rectourner Quelque chose qu'on sceust donner... (S. fol, c.1480-1490, 8)

Tenir qqn en son lien

Je prens plaisir en ce qui m'est atayne, Ung peu de chose m'est grant comme la mer, Je tiens de pres celle qui m'est loingtaine, Je garde entier ce que deusse entamer, Saoul suis de ce qui me fait affamer, J'ay largement de tout et si n'ay rien, J'oublie ce que plus à cuer je boute Ce qui me lasche me tient en son lien, Je me tiens seur de ce dont plus j'ay doubte. (Robertet, Oeuvres Z., c.1450-1500, 89)

Lien(s) de mariage. Attaches liant deux personnes qui ont contracté mariage.

Mais ancor par plus fort raison Est plus prins et de grief servaige Par le lien du mariaige Non desnouable et plus estraint, Qui toute franchise restraint, Et si n'en puet nulz desnouer (Desch., M.M., c.1385-1403, 40)

Maiz point ne lui plot [au marquis] li lïens Ne li estas de marïaige. Souffrir n'en vouloit le servaige (Gris., 1395, 3)

LE QUINT CHEVALIER. (...) C'est qu'au lïen de marïaige Enclinissiez vostre coraige Et que vo liberté passee Des or feust un pou refrenee, Et feussiez par raison lïez Au droit des hommes marïez (Gris., 1395, 12)

...que nostre dicte fille nous soit rendue et restituée franche et desliée de tous liens et empeschemens de mariage et d'autres obligacions quelconques (Ch. VI, D., t.1, 1400, 172)

L'aultre empeschement est l'empeschement de ligation, c'est quant Bernarde a en mariage Gaultier, Bernarde ne se puet allier a aultrui. Tant que Gaultier vive, elle est allyee par le loyen de mariage (Sacr. mar., c.1477-1481, 70)

Lien de paille. Union lâche, fragile.

Mais ce n'est pas lien de paille, Ainçois est gaiges de bataille, Dont il fault que li uns soit mort, Eulx entrez ou dolereus port De ceste loy de mariage. (Desch., M.M., c.1385-1403, 20)

b)Rapport entre des personnes, entre une personne et une institution, qui crée des obligations et parfois aussi des droits.

Obligation morale.

'Item, (...) li roy dessus dit seront tenu de faire confremer toutes les coses dessus dittes par nostre Saint Père le pape, et seront vallées par sierement, sentenses et censures de court de Romme et tous aultres liens, en la plus forte manière que faire se pora.' (Froiss., Chron. L., VII, c.1375-1400, 87)

DROIT FÉODAL Liens de foi. Obligation de fidélité due par le sujet à son suzerain.

...weil et entendz de ce jour en avant moy estre et demourer quicte et deschargié du tout de tous lyens de foy, hommaige et promesses quelconques que mondit oncle pourroit avoir faiz en voz mains comme régent pour moy et en mon nom et par vertu de mesdictes lettres de procuracion à lui sur ce données et autrement, et moy par mesdictes lettres patentes à vous sur ce envoyées. (Roi René vie L., 1429, 220)

Lien de foi catholique

Ce vous puis je mettre au devant que, aprés le lien de foy catholique, Nature vous a devant toute autre chose obligiez au commun salut du pays de vostre nativité et a la defense de celle seigneurie soubz laquelle Dieu vous a fait naistre et avoir vie. (Chart., Q. inv., 1422, 10)

Lien de Nature Union entre les choses, entre les êtres sous forme de nécessité, d'instinct.

Donc pouroit il sembler que la loy de Nature, qui toutes choses soubz le ciel oblige par lien indissoluble, seroit plus parfaictement es bestes mues que en vous autres, et que vous seriez trouver plus desnaturez que elles, qui n'ont pas entendement de raison, quant les oyseaulx au bec et aux ungles defendent leurs nits et les ours et les lyons gardent leurs cavernes a la force de leurs gris et de leurs dens. (Chart., Q. inv., 1422, 11)

Lien de justice/de la loi.

Mais toutes voies le prince est dit et tenu pour absolz et deslié des liens de la loy non pas pour cause qu'il puisse raisonnablement mal faire, mais pour ce qu'il doit estre tel qu'il serve a equité et garde justice non pas par paour de paine mais par amour de justice et que il procure le profit du bien commun et que en toutes choses il mete le profit des autres par devant sa propre volenté. (Foul., Policrat., IV, 1372, 52)

Tu as fait cri contre l'eslargissement des despenses et les legieretez et esbaudissemens des jounes nobles homes, mais tu n'as pas gecté ton obprobrieuse voix contre les desloiales effusions de sang humain qui ont froissié le lien de justice et ouvert le chemin de abhominacion. (Chart., Q. inv., 1422, 42)

c)Rapport qui offre des garanties mutuelles.

Et ne sauroie dire par quel lien on se puisse asseürer les ungs des autres, et par especial des grans, qui sont asses enclins à leur voulenté sans regarder autre raison (Comm., I, 1489-1491, 128)

3.Ce qui permet d'éviter les situations périlleuses, ce qui permet de s'en tirer' .

Aussi noz peres anciens Nous sont exemples et liens De nous tirer hors des peris. (Desch., M.M., c.1385-1403, 41)

Et quant rois, chevaliers et clers, Dont je t'ay recité les dis, Sont par femme ainsi affadis, Destruis, mors ou persecutez, Et que par leurs auctoritez Et les exemples de leurs livres, Conseillent que tu ne te livres A telz maulx, puis que tu les sens, Tu seroies plus hors du sens Que ceuls qu'on maine a saint Acaire, Se tu veulz ouvrer du contraire, Car les exemples anciens Nous sont et cordes et liens De nous garder des grans perilz, Que nous trouvons par leurs escrips Et que nous veons clerement, Qui nous puelent mettre a tourment Du corps et de l'ame en la fin. (Desch., M.M., c.1385-1403, 182)

4.[Avec une valeur nég.]

a)Ce qui maintient qqn dans un état d'étroite dépendance.

Vez que li las [l'amant] a perdu tout secours, Ne ses cuers n'a refuge, ne recours, Fors a la mort qui a li vient le cours. Car travillier Le volez trop, et dou tout essillier. Or a trouvé, s'il vous plaist, consillier Bon et loial ; laissiez le consillier ; Si ferez bien. Car il est pris en si estroit lïen Qu'il n'i scet tour d'eschaper, ne engien. (Mach., J. R. Beh., c.1340, 129)

Car ne sui tels qu'a moy affiere Que s'amour quiere, Ne que de son vueil tant enquiere Que li requiere ; Car moult porroit comparer chiere Tele priere Mes cuers qui gist en son lien. Pour ce n'en fais samblant ne chiere, Que je n'aquiere Refus qui me deboute ou fiere De li arriere (Mach., R. Fort., c.1341, 21)

Et se tu prens gens de niant, Tu te pers tout a essient, Qu'assés plus de bien gasteront Que li bon n'en despenderont. Dont par eaus seras diffamez Et meins prisiez et meins amés, Povres, chetis et mendians, S'il te tiennent en leurs lians, Ne mais ne passera ta porte Honneur, eins sera pour toy morte. (Mach., C. ami, 1357, 118)

Mettre/tenir qqn/qqc. en son lien. Mettre/tenir qqn/qqc. sous sa dépendance.

Nature donc les tient en ses lyens [les quatre éléments] , qui les poise et les mesure et les ordonne, chascun en son lieu propre et convenable aussy a sa nature, les legiers au plus hault devers le ciel et les pesans en bas. (Evr. Conty, Harm. sphères H., c.1400, 67)

Au chief d'un temps, la damoiselle Dyanire accointa moult belle, Qui moult en ses lïens le tint (Chr. Piz., M.F., III, 1400-1403, 22)

Telz y ot qui a ce jour virent En la compaignie lïens [leans] Leurs juges, dont semblant ne firent, Qui les tiennent en leurs lïens. (Chart., B. Dame, 1424, 334)

Amours a mis les quatre freres Ung chascun ou royaume sien. Et puis entre leurs haines fieres A trouvé accord et moyen, Car il les tient en son loyen (Martin Le Franc, Champion dames I-II, P., 1440-1442, 99)

S'ilz [les Romains] ont une fois le piet ens, Ilz feront tant par leurs contens Qu'ilz nous tenront en leur loyen, Car c'est l'apostat Julien (Molinet, Myst. st Quentin C., c.1482, 347)

Dessus la porte en entrant en la ville Tous les seigneurs principaulx de Florence Et gouverneurs de la chose civille, Avecques dames de grant magnificence, S'estoyent mis, pour mieulx voir l'excellence Et le triumphe du roy tres crestïen Auquel estoyent de long temps ancïen, Quelque chose qu'ilz saichent barboiller ; Mais si tres bien les mist en son lïen Que depuis lors n'oserent grumeler. (La Vigne, V.N., p.1495, 220)

Tous pour le jeu gaudissent de mes biens, Tous pour le jeu despendent mon avoir, Tous pour le jeu m'ont mys en leurs lyens, Tous ont argent et rien ne puis avoir. (La Vigne, S.M., 1496, 374)

Se sousmettre aux liens de qqn

Processions d'eglise cathedralle, Doyens, curez d'ordre seigneurïalle, Crois de paroisse et d'aultres Mendyens, Dignes reliques d'essence cordïalle Pour salüer la tige imperïalle Et eulx soubmettre en ses certains lïens Fussent Tuscans, Lombards, Ytalïens, En tel estat qu'il est dehu et requis, Luy furent faire aux champs recueil exquis. (La Vigne, V.N., p.1495, 190)

Se mettre dans les liens de qqc. Se plier à qqc..

Du second est il dit ou livre de Ecclesiastique ou .VIe. chapitre : 'Submet ton espaule et porte icelle', c'est asscavoir doctrine de sapience, 'et ne soies pas pareceux de toy mettre en ses loiens', c'est a dire : ne soies anuiant ou ne porte pas griefment son instruction ne sa constrainte. (Daudin, De la erudition H., c.1360-1380, 9)

b)Ce qui contraint, asservit qqn.

La vierge a rompu le lien Dont il [li Sathan] me tenoit en ses laz. (Mir. march. larr., c.1349, 117)

Et certes le tres noble victorien et prince general si sentoit que l'en ne pooit miex vaincre ne seurmonter delices par meilleur maniere que par les fuir, pour ce que la chaitive ribaude avoit trait et lïé par le lien de luxure a soy et seurmonté celui qui toutes gens avoit sousmis a soy. (Foul., Policrat., IV, 1372, 56)

Juges qui est assis en jugement ne doit estre liéz de nulz liens quelconques ; c'est assavoir qu'il ne doit estre liéz de pechiéz comme d'orgueil, car par orgueil est toute droiture empeschée. (Cout. bourg. glosé P.M., c.1380-1400, 100)

Paresce l'enchayne [notre âme] et si fort l'estraint du lien de fetardie, que a bien faire ne se puet aydier ou esmouvoir (Gers., Purif., 1396-1397, 65)

Desobeyssance l'envelope [notre âme] du linceul et du lien de mauvaise acoustumance. (Gers., Purif., 1396-1397, 66)

Et que telz richeces on doie Desprisier, puis par mainte voie Trouver exemples et raisons, Car toutes plaines les raisons En sont des sages anciens, Qui les reputoient liens De servitude a creature. (Chr. Piz., Chem. estude P., 1402-1403, 202)

Romps doncques le lien de ta vie qui te tient en cest amer servage, et te delivre a coup de meschiefz infinis par ung tout seul meschief (Chart., L. Esp., c.1429-1430, 20)

Hellas, quelle aliance, quelle federacion, quelles occasions de ta destruction, contre bonnes meurs, liens de toute iniquité, non tenables, non valables! (Juv. Urs., Aud. celi, 1435, 224)

DIEU. Nicolas, par toy, du lïen De Sathan [juif et chrétien] seront delivrés Et grans miracles demonstréz. (Mir. st Nic. juif, c.1480-1500, 136)

Lien(s) de la mort

...cils a trop plus malement Grieté, tourment, mal et souffraite Qui trueve sa dame forfaite Contre lui en fausse maniere, Que la trés douce dame chiere Qui avera son dous amy Conjoint a son cuer, sans demy, Par amours, sans autre moien, Puis le savera en loien De la mort ou il demourra, Si que jamais ne le verra. (Mach., J. R. Nav., 1349, 172)

Beaul doux Pere, en toy recors. Je te doix ramdre(s) humbles graces, Je te pry que revyvre faces Par moy, ton filz, ce corps quil dort Lïé des lïens de la mort. (Pass. Semur D.M., c.1420 [1488], 145)

c)Ce qui constitue un obstacle.

Desnouer le lien. S'expliquer.

Sus ! tost desnoue le lien ! Qui vous amainne maintenant Par devers moy ? ['Dis ce que tu veux, sans autre préambule'] (Pouvre peuple H., c.1450-1492, 163)