GRATUITÉ

substantif féminin

[T-L : gratüité ; GD : gratuité ; GDC : gratuité ; DEAF, G 1262) : gratuité ; FEW (IV, 249b) : gratuitus ; TLF (IX, 449b) : gratuité]

A. -Ce qui est accordé par faveur, présent, cadeau.

Docteur et li grand maistre qui les signeurs enchitent, Pryeus et gardyen qui boines gens visitent, Discret et confiesseur qui les visces despitent, Chil ont gratuités et de debtes s'aquitent. (Gilles Le Muisit, Poésies K., t.1, c.1347-1353, 271)

As povres font li rike pau de gratuités (Gilles Le Muisit, Poésies K., t.2, c.1347-1353, 241)

Et considere bien que ces ornemens que tu troveras en l'Esglise pour toy nectoyer et enbellir et purifier, se sont dont gratuitez que ton espoux gratuitement te donne, et ne sont point de par toy, mais de cellui roy quy de sa grace les te donne. (Crap., Cur Deus, De arrha B.H., c.1450-1460, 283)

...vous exhortant de reciproque gratuité que me sollicités par tous revertens par deça de toutes gaudieuses novitez. (Lettre Philippe, c.1450. In : Chrestom. R., 113)

...et vinrent arrière les seigneurs de la ville lui faire les présens de vins et d'autres gratuités bien honnestes. (Chastell., Chron. K., t.3, c.1456-1471, 415)

Lesquels offices donnés, oncques puis homme de la maison de Bourgongne, tant fust homme de bien, ne de grant los, ne tant eust advocat, ne pryère de grans maistres (...) n'obtint, ni ne put obtenir, ne don, ne gratuité, ne office, ne bénéfice. (Chastell., Chron. K., t.4, c.1456-1471, 33)

...pour luy conplaire et affin que son service luy feust agreable, il luy convint faire pluseurs gratuitez et mises excecives. (MART. D'AUV., Arrêts Am. R., c.1460-1466, 70)

Et pour ce, quant aucun est entré en leur grace pour aucune bonne propriété qui est en lui, il craint tousjours deperdre celle grace, ou par aucun survenant meilleur que soy, ou pour accusacion d'aultruy, ou par adventure, pour ce que le prince sera ennuyé du service, gratuité et plaisance qu'il avoit prins en ceste propriété. (Bueil, I, 1461-1466, 48)

Ceux ausquelz a[s] promis gratuité T'ont delaissiet boire tout ton tripot (Molinet, Faictz Dictz D., 1467-1506, 190)

...en faveur d'aucuns singuliers services et gratuitez par luy presentement à nous faiz (Doc. Poitou G., t.11, 1470, 233)

...et le Roy donna des gratuitez d'Allemaigne au duc, comme haulbergons et cranequins faictz en Noremberg, moult beaulx et moult bien faictz. (La Marche, Mém., I, c.1470, 281)

Où trouveroit on au monde univers .II. tieulz personages ensemble unis du loyen matrimonial, ausquelz Dieu, nature et fortune ayent ossy opulentement eslargy gratuitéz, honneurs et grans ricesses, comme ilz ont fait en eulx (Molinet, Chron. D.J., t.2, 1474-1506, 566)

Et si recongnoistrons tellement envers vous les gratuitez et plaisirs que avez faitz pareillement à nostre frere (Lettres Ch. VIII, P., t.4, 1495, 274)

B. -Caractère de celui qui donne gratuitement, don de soi, générosité.

Mon seigneur, chilz qui nous fourma Te maintiengne en prosperité. De l'onneur et gratuïté Que tu nous fais te regracie. (Myst. process. Lille K., t.1, a.1485, 470)

...estant ou service de l'empereur en une bataille, ayant en icelle receues pluiseurs playes, les porta tres voulentiers toute sa vie pour l'amour de lui. (...) Cesar voyant ceste gratuité, le receut en sa benivolence et l'ayma plus que devant. (Colart Mans., Dial. créat. R., 1482, 123)

[P. personnif.]

En Englebert [comte Englebert de Nassau] neuf lettres ay trouvé Et approuvé, qui neuf vertus possesse, Premier y est Espoir, Nobilité, Gratuyté, Leaulté, Equité, Benignité, Elegance, Ricesse Qui en fin cesse, et Triumphant proesse ; Le tout s'adresse au seigneur trespassé, Grand dommaige est qu'il est sy tost passé. (Molinet, Faictz Dictz D., 1467-1506, 394)