GENERAL

adjectif et substantif masculin

[T-L : general ; GD : general1, general2 ; GDC : general ; DEAF, G 472) : general ; AND : general ; FEW (IV, 97a) : generalis ; TLF (IX, 166b) : général1]

I. -Adjectif.

A. -Qui s'applique à la majorité ou la totalité des cas ou des individus.

En ce temps couroit une commune et generale mortalité, par universel monde, de une maladie qu'on appelle la boche ou l'ypydimie (Le Bel, Chron. V.D., t.1, 1352-1358, 222)

Et vous envoions par le porteur de cestes noz lettres adroissantes a nostre tresseint piere le Pape, quelles (...) feurent conceues et ordennees de passer a cause de la generale revocacione des appropriaciones faite par l'appostoille. (Lettres agn. L., 1369-1412, 342)

Et pour ce dit Aristote, selon l'autre translacion, que le homme politique doit savoir appliquer les canons universels ou generals des loys as choses particulieres. (Oresme, E.A.C., c.1370, 536)

Je di donques que, posé que les corps du ciel soient d'une espece general ou de pluseurs especes prochaines, toutevoies ne sont eulz pas d'une meisme espece tres especial aussi comme dist Averroïz, ne aussi comme seroient les parties ou porcions d'une eaue ou d'un aer. (Oresme, C.M., c.1377, 460)

...attendu aussi et considéré la dicte general remission en la reddicion du dit pays de Poitou, comme dit est, en la quele il povoit et devoit estre compris (Doc. Poitou G., t.5, 1379, 115)

LE MARQUIS [au secrétaire] . (...) Pour ce vous ay je envoyé querre Pour faire les lettres bon erre De la semonce general [à mon mariage] . (Gris., 1395, 22)

Li papes Clemens vei que li rois de France le requeroit de raison. Si jeta sentense generale et puble sus les Flamens et sus toute Flandres, et envoia ses bulles d'esqumenication as diocesains (Froiss., Chron. D., p.1400, 367)

S'il ne te plait, pas ne sera Jusques a tant que ce sera Resurrectïon generalle Quil aux bons sera toute esgalle, Quant tu tiendras ton jugement. (Pass. Semur D.M., c.1420 [1488], 144)

...car c'estoit l'annee du grant pardon general de Romme que on appelle l'an de Jubilee. (Le Bouvier, Chron. Ch. VII, C.C.J., c.1451-1455, 353)

...les deux partis, c'est assavoir les Franchois et Anglois, commencèrent à avoir grant communicacion et hantises les ungs aveuc les autres ; et, par especial, marchans et gens de divers mestiers se bouttèrent fort avant ; et pareillement, laboureurs mirrent fort les mains à l'oeuvre, esperant que, par le moien desdictes treves, paix generalle se deust ensievyr entre iceulx oncle et nepveu. (Escouchy, Chron. B., t.1, c.1461-14, 5)

...et qui trop pis est, [ledict duc Maximilian] a sur eux et ledict comté de Flandres laxé interdit general, en voulant contraindre nosdicts sujets par telles censures ecclesiastiques (Lettres Ch. VIII, P., t.2, 1488-1489, 255)

Item, que abolicion generale fut baillé pour les cappitaines et gens de guerre estans audit Sevrac de tous cas et de tout le temps passé. (Le Clerc, Interp. Roye, c.1502, 237)

En general. Collectivement, globalement.

Item, soit pourveu sur ce que aucuns seigneurs ou leurs seneschaux devant aoust font arrestation en general de tous les blés et autres fruis de leurs fiefs, en deffendant que aucuns sans congés ne cueille ou lieve son blé ou fruit, dont du congié ou recreance ont grant argent contre raison (Echiq. Normandie S., 1336-1497, 103)

'Monseigneur, la bonne cité de Londres se recommande à vous, et vous prient touttes gens en general que vous vueilliez emprendre le royaulme à gouvernement...' (Froiss., Chron. M., XIV, c.1375-1400, 25)

...la greingneur partie (...) vindrent ung jour devers le roy à Brisco et lui demanderent, en general, se ce estoit la parolle du roy que le duc d'Irlande mettoit avant. (Froiss., Chron. M., XIV, c.1375-1400, 49)

Seigneurs, dist Melusigne, je vous ay cy assemblez pour avoir vostre conseil comment ceste forteresce cy sera appellee, comment il soit memoire a jamais comment elle a esté fondee merveilleusement et aventureusement. Par foy, dist ly conte de Poictiers, belle niepce, et nous vous disons pour tous, en general, que vous mesmes lui donnez nom, car il n'a pas en tous nous ensemble tant de sens qu'il a en vous seulement. Et sachiez que nulz de nous ne s'en mesleroit jamais par dessus vous. (Arras, c.1392-1393, 47)

Celle mesme nuyt les bourgeois, manans et habitans, et en géneral tous les citoyens d'icelle ville de Rouen désirans expeller iceulx Anglois, qui ne vouloient point aulcunement de traictié, mais vouloient faire à leur voulenté, envoyèrent sous main ung homme au Pont-de- l'Arche (...) pour là notifier et faire assçavoir au roy que il luy pleut de venir à leur secours (Chart. J., Chron. Ch. VII, V., t.2, c.1437-1464, 148)

BRUYT. (...) T'atens tu a dames pourvoir De cuideries ? CUIDER. Ouy, pour voir. BRUIT. Soient dames ou damoyseles, Tout est pourveu. CUIDER. Voyre, les belles ; Mais les laides en general En prendront bien. (Pipée R., c.1470-1480, 164)

Vous, monseigneur le mareschal Baron de Colonces, Graville, Vous garderez en general Avecques les gens de la ville, Et sauldrez pres la bastille De Saint Poair, vous et voz gens tous, Que Anglois ne saillent a la fille Pour leur vouloir donner secours. (Myst. siège Orléans H., c.1480-1500, 438)

Vous, messeigneurs en general, D'avecques vous me fault partir. (Myst. siège Orléans H., c.1480-1500, 502)

Par voix generale. D'un commun accord.

Mais de nulle chose qui soit oultre lesdictes portes de mettail, ne se treuve nul qui le sache, fors que par commune renommee et par voix generalle de gens du païs, qui en devisent a leurs voullentez. (La Sale, Salade, c.1442-1444, 89)

General proverbe

Et, vrayement, je treuve que sur ce le general proverbe est vray qui dist : que le prudent maistre fait les prudens disciples (La Sale, Sale D., 1451, 266)

Coutume generale

Item, selon la general coustume de France, le mort saysit le vif plus prochain en degré, de celluy costé duquel la succession descent, et si exclut tous lez aultres plus lointains en degré, posé que ilz soient conjoins de tous costés. (Songe verg. S., t.1, 1378, 260)

...tant par la generale coustume de nostre royaume qui est tele que le mort saisist le vif son plus prouchain heritier par apprehension de fait comme autrement (Odart Morchesne, Formulaire G.L., a.1427, 273)

Il est coustume generale Que l'enfant, pour tant qu'il soit masle, Soit au temple par ses amis Porté, et droit la circoncis. (Marcadé, Myst. Pass. Arras R., a.1440, 28)

Regle generale. Principe qui s'applique à la majorité ou la totalité des cas.

Mais il est à noter pour règle généralle que jamais ne se doit faire mixtion en monnoie, fors tant seullement en métal moins précieux, de quoy on a accoustumé faire petite Monnoie (Oresme, Monnoies W., c.1365, XV)

Et pour ce, et en medicine et en moralité sont aucunes regles generalz qui ont aucune foiz instance et ne sont pas universelment et simplement neccessaires. (Oresme, E.A.C., c.1370, 149)

...c'est une rieule general, que le grosse pertes se traient sus les desconfitures. (Froiss., Chron. M., XIV, c.1375-1400, 165)

...mais sachez: de quelle condicion qu'elle soit, proude femme ou aultre, il y a une reigle generalle en mariage, que chacune croit et tient que son mary est le plus meschant et le moins puissant au regard de la matere secrete que touz les autres du monde. (Quinze joies mar. R., c.1390-1410, 57)

..tout cecy est en l'ordonnance de Dieu, et n'y a point regle generale donnee. (Gers., Déf., 1400, 239)

Pour telle diversité on ne puet donner rugle generalle, a scavoir quel lieu est le meilleur pour querir son secret ; mais face chascun seloncq le grasce que Dieus li a donné et selonc aussi l'estat ou elle est (Gers., Montagne contempl. G., 1400, 33)

Bien est vray que tu dois savoir une rigle generale, c'est assavoir que toutes les foiz du monde que le mendre nombre est mis devant le plus grant, lors le petit nombre oste du grant autant comme il vault. (Legrand, Archil. Sophie B., c.1400, 233)

Item nota pour regle generale que a la court de parlement le roy ne use jamais de ce mot commettons, ainz seulement de ce mot mandons, et aucunes foiz on dit et commandons (Odart Morchesne, Formulaire G.L., a.1427, 172)

Vecy donc regle generalle que le medecin ne doit point ouvrer en aulcune maladie s'il n'a devant prenostiqué. (Gordon, Prat., c.1450-1500, I, 4)

B. -Qui est partagé par tous, qui intéresse ou réunit tous les individus.

...au jour général que préfiquiet ot-on, I vinrent tout li prince (Geste ducs Bourg. K., c.1410-1419, 339)

...secourir et defendre la ville de Paris et ce royaume, et tenir la main à l'union et à la paix general de ce royaume entre tous les subgiez du Roy. (Fauq., I, 1417-1420, 261)

Tenir faut conceil general Pour sçavoir que l'on en doit feyre. (Myst. st Sébast. M., c.1450-1500, 253)

...ilz vindrent seuletz au dit village, ou la feste generale se faisoit (C.n.n., c.1456-1467, 548)

Emploi impersonnel. General à [une collectivité]. Su de tous.

LE MARQUIS [à Griseldis] . (...) O tu, m'espeuse Griseldiz, Tu ja pieça sceüz et viz De tout nostre peuple comment Courcié estoit et mal content De nous et nostre marïage Pour la basseur de ton lignage, Et depuis par especïal Qu'il fu au peuple general Que lignie et enfans portoies (Gris., 1395, 62)

Qui réunit l'ensemble des membres (d'une communauté).

...mesdis maieur et eschevins de la terre dudit Vrigne tiennent plaiz generalz audit lieu, et sont appellés lez sourplais (Trés. Reth. S.L., t.2, 1330-1415, 566)

Si est ordonné et arresté de par le general conseil que vous allez tenir prison en la tour à Londres (Froiss., Chron. M., XIV, c.1375-1400, 34)

...le general conseil du pays (Froiss., Chron. M., XIV, c.1375-1400, 36)

Si fu consilliet au prince que il assamblast tous les barons de la ducé d'Aquitainne et son especial conseil, et euist à Bourdiaus un general parlement. (Froiss., Chron. L., VI, c.1375-1400, 203)

Et pour extirper et desrachiner de tout point avarice et occasion d'orguel et singulerement proprietaire possession, tous les officiers de nostre Chevalerie, de quelque dignite qu'il soient, une fois en l'annee ou chapitre general renonceront a leurs propres offices (Mézières, Sustance H., 1396, 87)

...pour quoy sur ce a esté faicte assemblée general et moult solennel entr' eulx (Baye, I, 1400-1410, 343)

...il ne deuissent pas cela avoir fait (...) que il n'euissent convoqiet l'especial et general consel dou pais (Froiss., Chron. D., p.1400, 171)

Cedit jour, la Court s'est partie environ VIJ heures et est alée à la procession generale pour la paix du royaume et la prosperité du Roy qui est en armes (Baye, II, 1411-1417, 70)

...car il faloit qu'il s'en retournast au Pape pour le Conseil general qui se devoit tenir à Constances en Alemaigne (Baye, II, 1411-1417, 209)

«Moy sachant que vostre révérende paternité désire aucunement estre informé du procès et ordonnance de ce saint concile général, qui pour le présent est tenu en la cité de Pise, et des nouvelles là estans, j'ay pour ce, délibéré notifier par lectres à vostre paternité, les choses qui s'ensuivent...» (Monstrelet, Chron. D.-A., t.2, c.1425-1440, 10)

...«Ce présent saint senne général assemblé ou nom de Jhésucrist, se soustrait et départ de Pierre de La Lune, appellé Benoist, XIIIe de ce nom, et de Lange Corrarion nommé Grégoire XIIe, et descerne ledit saint senne que ainsi doivent faire tous loyaulx catholiques...» (Monstrelet, Chron. D.-A., t.2, c.1425-1440, 25)

...une congrégacion générale de par l'Université, en laquelle furent appellez et évoquez l'arcevesque de Reims, l'évesque du Puy en Auvergne et plusieurs autres prélas et gens d'église, et généralement tous les maistres, bacheliers et licenciez tant en droit canon comme civil, jà soit ce que autrefois n'estoit point acoustumé de appeller les licenciez, ne les bacheliers, mais tant seulement les maistres. (Monstrelet, Chron. D.-A., t.2, c.1425-1440, 103)

Ce jour, maistre Nicole Lamy, licencié en theologie, apporta et presenta à la Court lettres de credence de par le saint concil general assemblé en la ville de Basle. (Fauq., III, 1431-1435, 45)

...on peult venir à bon acord à célébrer ung concille général, affin de traicter ce qu'il seroit possible au salut et utilité de l'église universal. (Chart. J., Chron. Ch. VII, V., t.2, c.1437-1464, 50)

Et, le dimenche XIe jour dudit moys de juing, fut faicte à Paris une moult belle et notable procession generale, où furent portées moult de sainctes reliques ; et, entre autres sainctes choses, furent portées les chasses de madame Saincte Geneviefve et Saint Marcel. (Roye, Chron. scand., I, 1460-1483, 46)

...faictes publier et crier tout le contenu audit double [de la trêve] et, la publicacion faicte, faictes en faire les feux de joye et processions generales par toute vostre ville (Lettres Louis XI, V., t.6, 1475-1478, 22)

...laquelle matiere [la science de astrologie], quant là viendroit, requeroit bien l'advis et deliberacion de toutes les universitez de chrestienté et generalle congregacion de toute l'Eglise millitante (Simon De Phares, Astrol., c.1494-1498, f° 6 v°)

[D'un sentiment, d'une opinion]

Si disons d'ung general conseil et accord que nous voulons avoir compte, et bien briefment, sur ceulx qui ont gouverné vostre royaulme depuis le jour de votre couronnement (Froiss., Chron. M., XIV, c.1375-1400, 30)

'...Nous verrons tantos la generale volenté dou roiaulme.' (Froiss., Chron. R., X, c.1375-1400, 253)

...et pour ce acquist la general grace et amour de tous. (Chr. Piz., Trois vertus W.H., c.1405, 77)

Voix generale. Avis partagé par tous.

...voix general courut que le duc d'Irlande, leur cappitaine, s'enfuioit (Froiss., Chron. M., XIV, c.1375-1400, 71)

...qant il conclut son sermon, une vois generaus et murmurations se esleverent en disant : 'D'Artevelle a bien parlé...' (Froiss., Chron. D., p.1400, 414)

General parler. Langue commune, compréhensible pour tous.

Et a ces parolles leur donna unes lettres qui furent bailliez au cappitaine de la ville, adressans en general parler : a tous ceulx qui vouldront savoir nouvelles du chevalier a qui le pappe n'a voulu pardonner, en ce paradiz de la royne sibille me trouvera. (La Sale, Salade, c.1442-1444, 109)

En general. Publiquement, en présence de tous, au grand jour.

Se je vous parle en general Des choses qui sont en aval (...) Et n'i creés, les celestiennes Conment croirez se les vous di ? (Mir. nat. N.S.J.C., c.1343, 240)

Biau preudons, je sui en tristesse D'une chose dont me confesse Devant vous touz en general. (Mir. pape, 1346, 373)

Et quant il estoit en conseil où il remonstroit une parolle en general au peuple, il parloit de si biau retorique et par si grant art, que cil qui le ooient estoient tout resjoï de son langage. (Froiss., Chron. R., IX, c.1375-1400, 171)

En general et en particulier. En public et en privé, globalement et individuellement.

Les faultes qui ont esté ou fait du gouvernement et pollice de ce royaulme en general et en particulier seroyent longues a declairer, et si me doubte que en parlant en general, aucuns particulliers cuideroyent que les voulsisse charger (Juv. Urs., T. rever., 1433, 58)

...disant qu'il les mercioit tous en general et particulier de la grant feaulté et loyauté qu'il avoit trouvée en eulx (Roye, Chron. scand., I, 1460-1483, 137)

Si veult le Roy et vous commande generaulment à tous que, dès à présent et pour le temps advenir, ung chascun de vous, tant en general que en particulier, entende et obéisse dilligemment aux mandemens et commandemens que vous fera mon dit seigneur, comme à la propre personne du Roy (Bueil, II, 1461-1466, 194)

Nostre roy, avant les avoir ouyz, tant en general que en particulier, mist grant peine à gaigner chascun d'eulx. (Comm., II, 1489-1491, 182)

Puis de la royne ung tres noble escuier En general et en particulier Nommé Brisete, saige homme vertüeux, Pour chief de guerre prudent entre ung millier, Eult comme chief d'audyvis singulier, Une autre bende de gens impetüeux (La Vigne, V.N., p.1495, 140)

De remettre, quitter, abolir et pardonner à tous ceulx qu'il verra estre à faire, soit en general ou en particulier, tous cas, crimes, malefices et delictz qu'ilz ont ou pourroient avoir faiz ou commis de tout le temps passé, pour quelque cause ne en quelque maniere que ce soit (Le Clerc, Interp. Roye, c.1502, 231)

C. -Qui se refère à un ou plusieurs points sans entrer dans le détail.

Et c'est sans articuler et espécifier leurs péchés, maiz font une confession générale. (Jean Le Long, Voy. Bieul B., 1351, 305)

Mais ne vueil pas mettre m'entente A rimer en especial Tout ce qu'il fist en general, Eins m'en passeray plus briefment. (Mach., C. ami, 1357, 49)

Je parle tout en general Sans riens dire d'especial, Si est fols qui a li le tire Et qui a mal faire s'atire. (Mach., F. am., c.1361, 149)

Or, ne vous ennuie un petit, je suppose que le nom de Droit est moult general, car il contient en soy Droit divin et Droit humain (Songe verg. S., t.1, 1378, 49)

Et, pour ce que ceste responce, comme trop general, ne lui souffisoit pas, a esté sur ce conseillée la Court (Baye, I, 1400-1410, 148)

...et avoit proposé aucunes causes d'opposicion generales par protestacion de proposer autresfois plus à plain autres causes d'opposicion plus especiales (Fauq., II, 1421-1430, 203)

Dit ledit Vigenere qu'il fist ledit récépissé sans autrement spécifier ne déclairer où avoient esté emploiez lesdiz 600 escuz, pour ce que la lectre que ledit Cuer avoit escripte audit Chevreau estoit générale sans déclairer que ce feust pour le paiement de Saint-Gerant (Aff. Jacques Coeur M., 1453-1457, 541)

Après que la bonne femme eut dit la confession generale, descendit au particulier (C.n.n., c.1456-1467, 464)

Et, pource que lesdites demandes semblerent au roy trop generales, il ne fut rien determiné ne conclu ce jour de jeudi (Maupoint, Journ. paris. F., p.1465, 75)

En general

Apres il [Aristote] touche les causes en general. (Oresme, C.M., c.1377, 378)

Mais regardons en general Quans grans princes en fait rural Ont par leur sens leurs anemis Subjuguez et au dessoubz mis (Chr. Piz., Chem. estude P., 1402-1403, 212)

...renommée estoit que tant en general, es faiz d'estude comme autrement, et es particuliers et singuliers supposts ladicte Université se gouvernoit mal (Baye, I, 1400-1410, 122)

Et a requis que la Court feist aucune somme ou aide, en general ou particulier, par prest ou autrement, au Roy (Fauq., I, 1417-1420, 15)

Elle dit bien, dit le convent en general, Madame, pour Dieu, obeissez au medicin (C.n.n., c.1456-1467, 143)

De ceste Chose publicque en general En avons cy parlay ung mot ou deux, Mais nonobstant, tout par especial, Nous le prenons pour le lieux precieux, C'est a scavoir le lieu solacieux La ou on tient a tous venans bouticle. (Sots mal., c.1480, 91)

SOCTE MINE. Qui est là ? MERE SOCTIE. Qui vive ! SOCTE MINE. Le tresexcellent general, Pour son nom dire en general, D'Enfance la suppellative. (Sots, c.1480-1500, 266)

En termes generaux. Par paroles generales. Mot general. Nom general

...maiz circondoleur, ou en l'environ du chief douleur, est quant la douleur est partout le chief, et est apellee galleas vel onum, si comme dit Avicene ou IIIe du Canon, en la premiere feu, ou chapitre des especes de soda ; et ces II maladies ou douleurs sont appellees par nom general ou commun soda. (Saint-gille, Comment. A.Y. L., 1362-1365, 161)

Car quant est a parler des operacions, les paroles generalz ou universeles sont plus vainnes et les paroles particulieres sont plus vraies, pource que les operacions sont es choses singulieres et particulieres. (Oresme, E.A., c.1370, 164)

Apres il met ce que il a dit en termes generalz. (Oresme, C.M., c.1377, 226)

Et lors icellui Jaquotin respondi à elle et à ladite Jehennete, en termes generaulx, que, le roy venu à Paris, le premier homme qu'il bateroit seroit ledit Rotisseur. (Reg. crim. Chât., I, 1389-1392, 266)

Et fesimes lors au dit roi de France honmage par paroles generales, en disant que nous entrions en son honmage, par ensi que nostre predicesseur (Froiss., Chron. D., p.1400, 193)

...recongnissons, par ces presentes lettres, que le dit honmage que nous fesimes a Amiens au roi de France, conment que nous le fesimes par paroles generales, fu, est et doit estre entendu lige (Froiss., Chron. D., p.1400, 193)

...labourer a oster l'amour folle et contraire, que ie puis appeller par mot general amour mondaine (Gers., Montagne contempl. G., 1400, 22)

Or avons assez devisé en termes generaulx, et aussi particulierement (Chr. Piz., Trois vertus W.H., c.1405, 52)

O ! prince debonnaire, à parler de ceste matiere non mie en particulier mais en termes generaulx pleust à toy meismes, car à Dieu bien plairoit que tant en temps present comme en cil avenir fusses par tel ferveur ameur de ceste vertu que tes menistres à l'exemple de toy n'y voulsissent ou osassent errer, oncques tant de bien n'avint en ce royaume (Chr. Piz., Paix W., 1412-1413, 96)

...comme plus plainement fu dit et exposé par ledit Chancelier en termes assez generaulz, sans declarer expressement autrement aucuns cas particuliers. (Fauq., I, 1417-1420, 60)

...feismes audit roy de France hommaige par parolles generales en disant que nous entrions en son homaige par ainsy comme nos predeccesseurs ducs de Guienne estoient jadis entrés en hommaige des roys de France (Juv. Urs., Aud. celi, 1435, 171)

D. -ADMINISTRATION [Joint à un nom de titulaire d'office public, marque la supériorité sur les autres titulaires ou la responsabilité de tout le domaine]

Capitaine general. Commandant en chef d'une armée royale.

Lundi 24 jour devant nostre Saint Pere fu acordé par voie de scrutine de faire capitainne general sur la guerre de Prouvence le sire de Rochefort (Le Fèvre, Journ. M., c.1380-1390, 103)

...par grant et meure deliberacion de conseilh avons fait, commis, ordonné et estably, faisons, commettons, ordonnons et establissons par ces presentes cappitaine general de par nous sur le fait de la guerre esdiz païs de Poictou, Xaintonge et Angolmoys (Odart Morchesne, Formulaire G.L., a.1427, 389)

...nostre tres chier et amé cousin de Foix, lieutenant et capitaine general sur le fait de la guerre oudit païs de Languedoc (Odart Morchesne, Formulaire G.L., a.1427, 429)

...Barthelemy Coulon estoit ordonné cappitaine general pour aler contre le Turc (Lettres Louis XI, V., t.3, 1465-1469, 215)

Monseigneur le Daulphin l'avoit fait son lieutenant et capitaine general sur toute son armée. (Tring., c.1477-1483, 294)

...Lesquelz tantost, avec des autres mainctz, Soudain les eut prisonniers en ses mains, Pour leur monstrer leurs desloyaux revers, Engillebert, hault conte de Nevers, Car il estoit alors, propos final, Grant capitaine pour le roy general. (La Vigne, V.N., p.1495, 242)

General conseiller. Officier remplissant une fonction au gouvernement, à la maison du roi.

À Denysot de Chésy, messaigier (...) pour deniers à lui paiez (...) pour un voiaage par lui fait de Paris à Sens (...) pour porter lettres de nosseigneurs les Généraulz conseillers ordonnez sur le fait des aides pour la guerre, et dudit Argentier au grenetier dudit lieu, faisans mencion de l'assignacion faicte sur ledit Grenier de la somme de 400 l t, pour tourner et convertir ou fait de ladicte Argenterie. (Comptes argent. rois Fr. D.-A., II, 1387, 263)

...le Roy faisoit et ordonnoit monseigneur le duc de Bourgoigne, general conseillier sur le fait de ses finances (Baye, I, 1400-1410, 37)

Ce jour, messire Blanchet Braque, chevalier, a presenté ceans lettres du Roy, qui l'a commis general conseillier sur le fait des finances, et a fait le serement acoustumé (Fauq., I, 1417-1420, 181)

...ung général conseillier sur nosdites finances, qui aura à vériffier toutes nos lettres et mandemens de finances, veoir et visiter les estaz et receptes de touz et chascun noz trésoriers, receveurs et fermiers et autres par les mains desquelz se reçoivent et passent nosdites finances (Roi René vie L., 1466, 316)

General gouverneur (des finances)

Ce jour, Regnault Doriac, maistre des Comptes, a fait le serement de tresorier de France et general gouverneur des finances avec me Pierre de Canteleu, ou lieu de feu messire Pierre de Fontenay, chevalier, seigneur de Rance. (Fauq., II, 1421-1430, 229)

...Me Jehan le Clerc, l'aisné, secretaire du Roy nostre sire et greffier des Generaulx gouverneurs de ses finances (Comptes Paris V.L.D., t.1, 1455-1456, 831)

General juge

PILATE. Puis que suis le general Jucge criminel de Judee, Combien qu'en toy Jhesus, nul mal Je n'ay trouvé par renommee Celon la loy imperïal, Toutesfoiz en aultre contree Les Juïfz en ce tribunal Disent que leur loy approuvee Veult que tu preignhes mort final. (Pass. Auv., 1477, 176)

Lieutenant general. Officier de judicature qui a complètement en charge les fonctions judiciaires du bailli : il est secondé dans les baillages importants par des lieutenants, dans les sièges locaux, à Paris et en Anjou par des lieutenants au civil et au criminel.

...presens maistres Jehan Truquam, lieutenant general dudit mons. le prevost (Reg. crim. Chât., I, 1389-1392, 401)

...et illec fut, par le procureur de mondit seigneur le duc, devant Jehan Johanninet, lieutenant general de mons. le seneschal de Touraine (Reg. crim. Chât., II, 1389-1392, 2)

Et, après que le roy ot esté ung peu rafreschi oudit chasteau de Montlehery, fut mené et conduit d'ilec jusques en la ville de Corbueil, où il sejourna jusques au jeudi ensuivant, XVIIIe jour dudit moys de juillet, qu'il arriva sur le tart en sa ville de Paris. Et souppa ce jour en l'ostel de son lieutenant general, messire Charles de Meleun. (Roye, Chron. scand., I, 1460-1483, 68)

...je vous ay fait mon lieutenant general en ceste armée (Lettres Louis XI, V., t.4, 1469-1472, 49)

...le sire de Craon, nostre lieutenant-général en nostre pays de Champaigne, (...) à icellui, (...) pour luy aider à supporter les grans charges et despenses que faire luy convient et conviendra ès mètes de sa dicte lieutenancie, où il est à présent, avons donné et donnons, de grâce espécial, par ces présentes (Archives servit. Louis XI, T., 1474, 69)

General maistre de Eaux et Forests

Cedit jour, le seigneur de Graville a requiz estre receu en office de general maistre des Eaues et Forests que tenoit le baron d'Ivry, qu'il disoit estre mort (Baye, II, 1411-1417, 225)

General maistre des monnaies

..Jehan Poillevillain, general maistre des monnoies (Clos galées Rouen M.-C., t.2, 1354, 143)

...et que lesdis generaulz maistres des monnoies visitent diligemment les euvres d'orfavrerie, en quelque lieu de Paris ordonnez à vendre que trouver les pourront. (Fauq., II, 1421-1430, 304)

...Sire Germain de Marle, General maistre des monnoyes du Roy nostre sire (Comptes Paris M., t.2, 1457-1489, 401)

...une ambaxade où estoient maistre Jehan de l'Olive, docteur en theologie et chancellier de l'eglise de Paris, Nicolas de Louviers, sire Jehan Clerebout, general maistre des monnoyes, sire Jehan Luiller, clerc de ladicte ville (Roye, Chron. scand., I, 1460-1483, 10)

...Sire Germain de Marle, General maistre des monnoyes du Roy nostre sire (Comptes Paris M., t.2, 1488-1489, 401)

Maistre general [d'un ordre religieux]. Chef d'une communauté religieuse.

...en priant sadicte Sainteté qu'elle veille pourveoir ledict Rondellin d'icellui office de maistre general dudict ordre saint Françoys (Lettres Ch. VIII, P., t.3, 1492, 276)

Procureur general. Officier au service du roi (ou d'un grand seigneur) pour le représenter et défendre ses intérêts.

Li sires de Couci et li sires de la Rivière entrèrent en la cité et en prisent le possession de par le roi de France, comme commissaire autentique là envoiiet et procureur general pour l'enfant de Navare. (Froiss., Chron. R., IX, c.1375-1400, 65)

...et en la presence desdiz conseillers, dit et rapporta que par mesdiz seigneurs de parlement, presens ledit mons. l'evesque et son conseil, le procureur general du roy nostre sire audit lieu, et eulx ouys en tout ce qu'ilz ont voulu dire (Reg. crim. Chât., I, 1389-1392, 300)

Ce jour, la Court a commis maistre Guillaume Le Tur ou lieu de maistre Jehan Aguenin, procureur general du Roy nostre Sire, durant le temps de son absence, pour excercer l'office de ladite procuracion. (Fauq., I, 1417-1420, 45)

Ce jour, maistre Gautier Jayer, procureur general du Roy nostre Sire, à cause et au droit de son office, tint le siege de la prevosté de Paris vacant par le trespas de feu messire Jehan, segneur du Mesnil (Fauq., II, 1421-1430, 11)

[Jean Juvénal des Ursins au roi :] Et puis met en ladicte lettre que vostre procureur general et celluy de Bourgongne [ont exposé], etc. L'exposicion deust bien avoir esté a vostre personne mesmes ou a monsr. le chanceillier ; j'ay regardé la date, mais oudit temps ne ung moys par avant vostre procureur n'estoit pas a Paris (Juv. Urs., Verba, 1452, 356)

Et, le premier jour d'octobre ensuivant, maistre Jehan Balue fut et ala en la sale du Palais royal à Paris, la court de Parlement vacant, pour ilec aussi faire publier lesdictes lettres, où il trouva maistre Jehan de Saint-Rommain, procureur general du roy nostre sire, qui formellement s'opposa à l'effect et execution desdictes lettres, dont ledit Balue fut fort desplaisant, et pour ceste cause fist audit de Saint-Rommain plusieurs menaces, en lui disant que le roy n'en seroit point content et qu'il le desappoincteroit de son office. (Roye, Chron. scand., I, 1460-1483, 185)

Receveur general [des aides pour la guerre]

...François Chanteprime, recepveur général des Aydes ordonnées pour la guerre (Comptes hôtel rois Fr. D.-A., 1380-1381, 4)

La Court de Parlement a eu et receu de Alexandre Le Boursier, receveur general des aydes ordenez pour la guerre, seze descharges de lui (Baye, II, 1411-1417, 39)

...la somme de cent frans (...) par ledit Jehan Fraignot, receveur general de Bourgoingne dessus nommé, pour la mieulx vaillance de 200 ducas, à lui par ledit Fraignot baillié pour 600 frans, et il lez alloua pour 700 frans (Comptes Etat bourg. M.F., t.1, 1419-1420, 273)

General reformateur. Inspecteur chargé par le roi de réprimer les abus commis par les agents royaux et de veiller aux droits du roi.

...espedient et necessaire chose est de faire refformateurs generaulx par tout le royaume (Pouv. réform. D., 1357, 76)

...noz amez et feaulz conseillers les generaulz refformateurs de nostre royaume, derrainement seanz à Paris, firent arrester le dit exposant (Doc. Poitou G., t.5, 1377, 19)

...le Roy avoit ordonné pluseurs vaillans hommes reformateurs generaulx (...) lesquelx reformateurs puniroient celx qui averoient failli (Baye, I, 1400-1410, 306)

...l'office de Grand-Maistre enquesteur et général refformateur des Eaues et Forests du royaume de France (Cartul. Laval B., t.3, 1412-1500, 245)

...grant seneschal et general refformateur des pays et duchié de Normandie. (Lettres Louis XI, V., t.8, 1479-1480, 160)

General tresorier

...Guillaume d'Enfernet, général trésorier en la province de Rouan des Aides nouvellement ordonnées pour le fait de la guerre (Comptes hôtel rois Fr. D.-A., 1380-1381, 6)

Vicaire general

...le vicaire général de l'evesque de Coustances (Cartul. Hôtel-Dieu Cout. L., 1331-1500, 336)

...mettre deuz vicaires generaulx en ceste monarchie mundaine repugne et contredit a nostre foy. (Songe verg. S., t.1, 1378, 89)

Et que a ta requeste le vicayre general de mon Pere, c'est assavoir le pape de Romme, au dit parlement doye mander deux cardinaulx, sur le dit fait legaz a la tyre, qui ne soient pas parcialz ne diffames d'avarice (Mézières, Songe vieil pèl. C., t.2, c.1386-1389, 307)

Entre le vicaire general ou royaume de France de l'inquisiteur de la foy, appellant et demandeur sur l'enterinement de certeinnes lettres royaulx (Baye, II, 1411-1417, 16)

II. -Substantif masculin.

A. -Un des trois ou quatre personnages les plus importants s'occupant de l'administration des finances extraordinaires du royaume de France ainsi que pour certains, au sein de la Cour des Aides, des affaires judiciaires qui y sont liées.

Maistre Dreue Porchier, pour ses gaiges de nottaire de VIIxx X jours, en ce terme, qu'il a servis en la chancellerie, en la chambre des généraulx devers le conseil. (Comptes hôtel rois Fr. D.-A., 1380-1481, 202)

Cedit jour, le procureur du Roy general s'est opposé en la Court et s'oppose que maistre J. de Longueil, conseiller du Roy ceans, lequel l'en dit avoir obtenu l'office de general sur le fait de la Justice ou lieu de messire J. David, à present bailli de Rouen, ne soit receu à tenir les IJ offices, c'est assavoir de general et de conseiller ceans (Baye, I, 1400-1410, 168)

Les seigneurs ont leurs tresoriers Celle part et leur officiers : Receveux et contreroleurs, Leur generaulx, leur saëleurs, Qui livrent, prennent et reçoivent Ce que les menus gens leur doivent. (Chr. Piz., M.F., I, 1400-1403, 142)

...audit maistre Guillaume, vint frans pour ses gaiges de dix jours commençans le XXIe jour de juillet oudit an mil quatre cens et dix neuf et fenissant continuelment ensuivant qu'il a vacqué en estre alé de Dijon à Troies par devers les generaulx de France et les gens des finances de mondit seigneur pour le fait et delivrance des monnoyes (Comptes Etat bourg. M.F., t.2, 1419, 348)

...aucuns desdis conseilliers parleront sur ce à maistre Nicaise de Bailli, clerc des tresoriers et generaulx sur le fait des finances. (Fauq., III, 1431-1435, 169)

Ce fait, il [le roi] s'assist en sa chaiere, et du costé destre s'assirent (...) Pierre Donile [l. Pierre Doriole (Éd.)] , general de France, et plusieurs aultres de son grant conseil (Chastell., Chron. IV, D., c.1461-1472, 33)

...Michel Gaillart et maistre Mathieu Beauvarlet, généraulx des finances (Archives servit. Louis XI, T., 1477, 95)

...Jehan de Vaulx, général des finances du roy de Sicile (Comptes roi René A., t.3, 1479, 230)

Quant on lui bailloit des requestes, il les faisoit prendre et veoir, et quant on lui en avoit fait le rapport, renvoyoit les supplians où il appartenoit ; (...) et ce qui appartenoit et dépendoit des finances, aux généraulx et trésoriers, qui en délibéroient et le lui raportoient chacune sepmaine (Baude, Eloge Ch. VII, V., p.1484, 132)

...Michel Gailhart, chevalier, general de noz finances (Lettres Ch. VIII, P., t.2, 1489, 371)

Les generaulx, financiers, tresoriers, Contreroleurs, receveurs aprés vindrent, En leurs estatz pompeusement gorriers, Tres bien montez, lesquelz bonne ordre tindrent. (La Vigne, V.N., p.1495, 218)

Chambre des generaux. Voir Chambre

General de/sur le fait de (la justice) des aides. Magistrat de la Chambre des aides spécialisé dans les fonctions judiciaires.

De Guillaume le Clerc, huissier des Generaux sur le fait de la justice des Aides (Comptes Paris V.L.D., t.1, 1447-1449, 568)

...Guillaume le Clerc, huissier des generaulx sur le faict de la justice des aides ordonnés pour la guerre (Comptes Paris V.L.D., t.1, 1450-1451, 709)

...Generaulx sur le fait de noz aydes (Hist. dr. munic. E., t.1, 1485, 127)

...l'office de general de la justice des aydes (Lettres Ch. VIII, P., t.4, 1494, 123)

B. -[P. ell. de maistre] General des monnaies. Grand officier, responsable des monnaies.

...Anthoine Géle, général des monnoys du roy de Sicille (Comptes roi René A., t.3, 1479, 225)

C. -Supérieur d'un ordre religieux.

...a la venue du general de leur ordre [des Cordeliers] (Reg. Poitiers F., t.2, 1460, 13)

...Que en cez deux religions [ordres religieux] (...) Doibt avoir maistrez, generaulx, Et prieurs et provinciaulx, Custodez, menistres, vicaires (Bien avisé Mal avisé B., c.1487-1490 [1396], 141)

D. -Repas en commun que prennent les moines de l'ordre de Cluny ; d'où repas, portion.

Remarque : GD IV, 256b, general 2. (ex. d'afr. et doc. du XIVe s., generaul).