FILÉ

substantif masculin

[GD : filé ; DEAF, F 440) : filé ; FEW (III, 535b) : filum]

A. -Fil (destiné au tissage).

Je ne bu huy ne ne mangay, Et si m'ose vanter que j'ay De lin, de chanvre et de semence, Et de filé dont on me tance, D'aguilles, cannoulle et fuseaux, De desvoudoirs, de bureteaux Plus pour .X.. soulz de parisis, Que n'aroit femme de Paris Ne d'ailleurs pour .XL. solz (Desch., M.M., c.1385-1403, 120)

Bailhe sa ce bout de filé (Pass. Auv., 1477, 126)

Marché au filé

Item, pour ce que scet sa Bille Madamoiselle de Bruyeres, Donne prescher hors l'Euvangille A elle et a ses bachelieres, Pour retraire ces villotieres Qui ont le bec si affilé, Mais que ce soit hors cymetieres, Trop bien au Merchié au fillé [ou sens B ?] . (Villon, Test. R.H., 1461-1462, 119)

B. -Ce qui a été filé.

...li fils Jehan de Biaumont, le drappier, emprunta naweres a Maigne de Bourgon, femme Jehan Le Roy, fourbisseur-usurier, aucune somme d'argent sur fillé de laine, lequelle cose nulz usuriers ne puet faire par le loy de le ville. Et depuis, quant on volt les wages racater, li dicte femme et ses maris les fourcelerent et disent que onques n'avoient euv ne veuv le fillet. (Drap. Valenc. E., 1368, 35)

...que tous courtiers et peseurs de laine faichent serment que s'il voient denrées souppechonneus aux draps, à le laine, à le houppe, au fillé, que le noncheront aux eswardeurs ad ce commis ; et se en ce a défault, il seront pugni de prison et perte du mestier an et jour. (Hist. industr. drapière Flandre E.P., t.3, 1383, 338)

Ceuls sont vestus de bis a droit Qui le gros filé rude et roit Sanz plus de leurs corps n'ostent mie (Desch., M.M., c.1385-1403, 251)

...elle, en qui mesprison Nulle n'avoit, de cel filé L'autre chief tint, qu'elle ot fillé. (Chr. Piz., M.F., II, 1400-1403, 331)

Legiere estoit et portative Si qu'on la peust ertortillier Et porter sanz soy travaillier Par tout le monde, qui voulsist, Que ja n'empeschast ne nuisist, Non mie que de corde fust Ne d'autre file [l. filé] ne de fust (Chr. Piz., Chem. estude P., 1402-1403, 70)

Pour estre quitte des poirions, il fault prendre du filé que une femme a filé tandis qu'elle couche d'enfant et en loyer les poirions, et incontinent ilz cherront tous sans aucune remede. (Ev. Quen., II, c.1466-1474, 144)

LE SECOND COQUIN. Qu'as-tu ? LE PREMIER. Si froyt que tremble ; Et si n'ay tissu ne fillé. (Pasté T., c.1475-1500, 185)

Filé (des Parques).

En la parfin ne sceut estre delivre Du long fille [l. fillé] des Deesses Parcalles, Car y perceupt ordonnances fatalles (Antitus, Poés. P., c.1500, 15)

Par métaphore. [Par allusion aux Parques] Destinée.

Et s'ilz [les humains] disent que nous [les dieux] leur faisons tort, Et qu'ilz ayent devant Dieu appellé, Pour fin de cause et pour dernier ressort Encor n'est pas leur filé desmeslé. Bon acte avons tout signé et seelé Où escripte est leur detestable offence. S'il est bien veu tant de long que de lay, Il conviendra qu'ils pillent patience. (Cene dieux, c.1492, 140)

Remarque : Éd. 'Filet, trame' ; interprétation contestée par F. Lecoy, Romania, 84, 1963, 416.

Filé (de la mort)

...l'ung dit qu'il y fait bon aler Et que tout plaisir y habunde [dans l'autre monde] (...) : Mais d'y aler nulz ne s'i fonde. je voy, chascun craint le filé ! (Prisonn. desconf. C., c.1488-1489, 41)

Se douter du filé. Se douter de qqc..

JOATHAN. ...Autre chose n'a voulu dire. MARDOCHEE. Ila peur de se contredire. Car il se doute du fillé. (Michel, Myst. Pass. J., 1486, 244)

C. -Filet.

Cilz fist roys, filz et fillés tendre Pour oisiaulx, bestes et poissons prendre (Renart contref. R.L., t.1, 1328-1342, 200)

...qui veut avoir bon deduit a brissier les buissons, y fault avoir grant foison chiens et fillez, et les princes les peuent miex avoir que ne peuent les autres. (Henri Ferr., Modus et Ratio, Livre deduis T., c.1354-1377, 105)

Mais il y avoit un brandon De feu ardant, auquel venoient Les poissons, et près s'en tenoient Quant la nuit les esblouissoit. Autre file [l. filé] y tapissoit Plombé dessoubz pour affonder, Et liege faisoit redunder Le bout d'amont sur l'eaue clere Et surnagoit par grant mistere. (Le Fèvre, Vieille C., a.1376, 53)

Et, quant le loutre, qui vendra dessoubz l'yaue, cuidera passer, il se vendra bouter dedanz le filé, et ilz sentiront branler le bout de la corde qu'ilz tendront, si doivent tirier leur filé. (Gast. Phébus, Livre chasse T., 1387-1389, 249)

Faucons pelerins sont ceulx qui sont prins au filé, et se sont peuz et ont volé aux champs et sont gentilz nommez. (Ménagier Paris B.F., c.1392-1394, 168)

Item, à Simonnet le Saveton je laisse le fillé et harnoiz de deduit, tant pour le gros comme pour le menu, avecques tous mes chiens. Item, je lui donne le cheval que il a devers lui et vueil que il lui demeure à son proufit. (Test. Parlem. Paris T., 1406, 421)

...ledit Thomas Mallart, qui est du mestier de la mer, lors demourant a Saint Sauveur de Dyve, se feust parti de sondit hostel et alé en la mer pour tendre un filé nommé venet pour prendre les poissons (Chancell. Henri VI, L., t.1, 1423-1426, 15)

...il tendit son filé ou son las, lequel qu'on veult, tout a l'endroit de la partie ou maistre prestre avoit plus grand desir de hurter. (C.n.n., c.1456-1467, 456)

Proverbe. Poisson battu fuit le filé

On dit qu'eschaudez yaue craint, Poissons batu fuit le fillé (Desch., Oeuvres Q., t.5, c.1370-1407, 30)

Voir aussi filer