EXEMPTER

verbe

[T-L : exenter ; GD : exenter ; GDC : exenter ; AND : exempter ; FEW (III, 292a) : exemptus ; TLF (VIII, 430a) : exempter]

I. -[Idée d'exemption]

A. -Exempter qqn/ une collectivité (de qqc.). Affranchir, dispenser qqn ou une collectivité de qqc. (d'une charge, d'une imposition, d'une corvée, d'un service, d'un hommage...).

Il voloient que ces impositions, aides, sousides et gabelles fussent nulles et Paris euxemté de tels coses ; et il aideroient le roi en autre manière. (Froiss., Chron. R., X, c.1375-1400, 154)

Mez, ja soit ce que lez clers devant diz soient en leurs persones exemptés, si devent ilz poïer lez cenz et aultres redevances de leur terres et possessions, car se l'Eglise achete une terre censive, ce n'est pas raison que le seigneur doie perdre son cens ne sa rente. (Songe verg. S., t.1, 1378, 43)

Madame mesmes la paye [la 'dîme'] comme les aultres, ses deux niepces aussi, et generalement nulle n'en est exemptée (C.n.n., c.1456-1467, 221)

...à ceste cause il est impossible que, pour ceste presente saison, nous puissions exempter ladicte ville dudict logis. (Lettres Ch. VIII, P., t.1, 1486, 107)

S'exempter de qqc. S'affranchir de qqc..

Elle [celle taille] est aussi très généralle, car ne clerc ne noble, par previleige ne autrement ne se peut d'icelle exempter, si comme font les plusieurs qui se vuellent d'autres cueillectes substraire, dont naissent plusieurs envies, dissentions, tensions, scandalles et moult d'autres inconvéniens, lesquelz ne viennent point par telle mutacion de monnoie. (Oresme, Monnoies W., c.1365, LXVI)

Pour ce se sont les nobles François par leurs grans prouesses afranchisez et exemptez des trebuz et servitudes des empereurs de Romme (Quinze joies mar. R., c.1390-1410, 1)

...nous avons puis certain temps en ça baillé nostre commission à maistre Jehan Thenot et autres, pour besongner és pays de Poictou et Xaintonge à l'encontre de ceulx qui, ou prejudice de nous et de la chose publicque d'iceulx pays, se sont par cy devant exemptez de contribuer à noz tailles et impostz, afin de corriger les abuz qui y ont esté par eulx commis (Lettres Louis XI, V., t.7, 1478, 107)

Se dispenser de qqc..

AUGER. Pour mieulx le pays regenter Chascun vueille diligenter. REMON. Je ne m'en vueil pas exempter, Deffenseur ; tantost prest seron. (Myst. st Laur. S.W., 1499, 139)

B. -Préserver, libérer qqn de qqc..

Jadis je t'avoie intime Vires virtutis intime, Toi exempte et exime A preda fere pessime ; Mes ces biens fais as pou rime Fovendo vitam anime, N'encor n'es pas bien anime Dandi rubiginem lime. (Guill. Digull., Pèler. âme S., c.1355-1358, 63)

Lors l'arbre qui pommier est dit (...) ainsi dist : ' (...) Si n'est point en moi le venin Qui par Adam vint ou pepin. Entee a[i] este franchement Et exemptee outreement De venin et toute tache, Qui tous autres arbres tache, Et n'ay nulle sauvagine Dë estoc ou de racine' (Guill. Digull., Pèler. âme S., c.1355-1358, 197)

Et par ce semble que nature a bien fait en ce que le ciel qui devoit non point avoir esté engendré et estre incorruptible, elle l'a exempté de contrarieté, car generacion et corrupcion sont en toutes choses contraires. (Oresme, C.M., c.1377, 82)

Las ! Mon amy, or sont noz amours tournees en hayne, noz doulceurs en durté, noz soulaz et noz joyes en larmes et en plours, nostre bon eur en tres dure et infortuneuse pestillence. Las ! Mon amy, se tu ne m'eusses faussee, je estoye gettee et exemptee de paine et de tourment, et eusse vescu le cours naturel comme femme naturelle, et feusse morte naturelement, et eu tous mes sacremens, et eusse esté ensevelie et enterree en l'eglise de Nostre Dame de Lusegnen, et eust on fait mon unniversaire bien et deuement. (Arras, c.1392-1393, 256)

...au moïen desquelles predicions et advertissemens plusieurs, comme dit est, furent preservez et exemptez de mort et de dommaige. (Simon De Phares, Astrol., c.1494-1498, f° 63 v°)

...laquelle [rane verte] il mist en ung pot neuf et l'en sepultura en my les terres à blef, lesquelles il recite au moïen d'icelle estre exemptées à tempestes et noximens de l'air. (Simon De Phares, Astrol., c.1494-1498, f° 64 r°)

...et aussi pour aucun remede qu'il avoit contre la peste, au moyen duquel plusieurs furent exemptés de mort. (Simon De Phares, Astrol., c.1494-1498, f° 101 r°)

S'exempter. Se préserver.

Puis que de Mort aulcun homme n'eschape, Mais tout ravist soubz son mantel et chape Et qu'en ses faictz n'a reparation, (Empereurs, rois, ducs, contes et le pape Tous maine a fin, n'est celluy qu'el ne hape) Pour t'exempter n'a point d'exception (Meschin., Lun. princes M.-G., c.1461-1465, 26)

S'exempter de qqc. Se préserver de qqc..

Par cremeur se garda de touz mesdiz ; Par refus s'exempta de tout meffait (Mir. enf. diable, c.1339, 56)

...par quoy chascun homme et femme puissent eulx affranchir et exempter des cas et des trebuchetz de fortune (Premierfait, Cas nobles hommes G., 1409, 76)

S'exempter de qqn. S'affranchir, se libérer de qqn.

Nous voions que toute ordre et reigle de sainte prestrise est bestournee, et, qui est dure chose, les subgietz se veullent maintenant tous exempter de leur prelas. (Chart., L. Esp., c.1429-1430, 58)

...et aulcunefoys s'en [être tributaires du roi de France] sont [des Bretons] voulu exempter, mais tousjours on les subjugoit (Juv. Urs., T. crest., c.1446, 70)

S'exempter de Fortune

Si que par c'iès en son servage Dou tien et de ton heritage. Si n'est homs vivans qui s'exente De Fortune, ne qui se vente Qu'en ses mains ne soit, qu'exenter Ne s'en porroit homs, ne vanter Par raison, s'il n'est de vertus Et de bonnes meurs revestus. Mais qui bien est moriginez Et en vertus enracinez, Fortune n'a nulle puissance De lui faire anui ne grevance Quant aus meurs. (Mach., C. ami, 1357, 69)

Préserver qqc..

Vente Neptunus, vente bise, Vente Zephirus ou auster, Ilz ne scauroient place exempter Que par Juno ne soit infaicte. (Cene dieux, c.1492, 133)

C. -Soustraire à une juridiction, à une autorité judiciaire.

...la Court (...) exempte lesdis habitans de Nuefchastel et leurs successeurs, d'ores en avant à tousjours mais, de la jurisdiction, obeissance et subjection dudit duc de Lorreinne et de ses successeurs (Baye, II, 1411-1417, 77)

...et en y a ceans pluiseurs arrests à l'encontre des gens des Comptes et autres qui se sont par cy devant efforciez de exempter leurs sentences et jugemens du ressort de ceste Court souveraine. (Fauq., I, 1417-1420, 164)

...nous avons (...) annexé à nostre couronne la conté de Boulongne et l'avons exemptée de tous ressors et juridicions, où par cy devant elle estoit subgecte et ressortissant. (Lettres Louis XI, V., t.7, 1478, 207)

II. -[Idée d'exclusion, de privation, d'éloignement, de soustraction]

A. -Éloigner.

Le jugemens des pers tres bien attenderay, Excepté Guenelon, (...) Et son traitre linage ossy exenteray (Renaut Mont. B.N. V., c.1350-1400, 402)

S'exempter de qqn. Se séparer, s'éloigner, se distinguer de qqn.

Pour s'exempter des faulx traistres mutins, Il luy promist mettre soubz son enseigne Une villette qu'on appelle Sarsaigne, Laquelle estoit subjecte aux Florentins. (La Vigne, V.N., p.1495, 195)

S'exempter de qq part. Séloigner, s'absenter de qq. part.

Pour tousjours mais il se esentoit de la ville de Gand. (Froiss., Chron. R., XI, c.1375-1400, 312)

B. -Retrancher, sortir une partie de.

...il s'ensieut donques, selon rayson escripte, que saint Charles meismez povet exempter et diviser le royaume de France a l'Empyre, en le restituant a sez primieres franchises et libertés et en faisant de luy Empyre par soy (Songe verg. S., t.1, 1378, 286)

Et desployerent leurs singuliers tresors Et leurs richesses sans nulles exempter (La Vigne, V.N., p.1495, 200)