CONTRAINDRE

verbe

[T-L : constreindre ; GD : constreindre ; GDC : constreindre, contraignant, contraindre ; AND : constreindre ; FEW (II-2, 1085b) : constringere ; TLF (VI, 64a) : contraindre]

I. -Contraindre qqc.

A. -Au propre. Serrer complètement, enserrer, presser qqc..

...elle compresse et constraint le col de ma vessie (Saint-gille, Comment. A.Y. L., 1362-1365, 249)

Mettre dans des limites, enfermer.

Et ainsi appert que Dieu est dedens toutes choses, pour ce qu'il remplist toutes choses et par tout est present. Item il est dehors toutes choses, car il contient toutes choses, ne en quelque lieu puet estre constraint ou retrait. (Somme abr., c.1477-1481, 136)

[Par la traduction] Enfermer, rendre (un texte, dans la langue de traduction).

Et lors quant Apolonie tint le devinail, lequel estoit escript en grec, lors le contrint en latin (Apoll. Tyr Z., c.1400-1500, 73)

Emploi intransitif ou pronominal. Se serrer, se contracter.

...les lacertes de la poitrine ne se pevent constraindre (Saint-gille, Comment. A.Y. L., 1362-1365, 249)

...les lacertes de la poitrine se constraignent pour expeller leur nuisement (Saint-gille, Comment. A.Y. L., 1362-1365, 249)

...en mouvant les membres de la poitrine, en estendant et en constraignant (Saint-gille, Comment. A.Y. L., 1362-1365, 249)

...le poux est contraint et coarte (Saint-gille, Comment. A.Y. L., 1362-1365, 250)

Participe passé en emploi adjectival.

...l'air contraint, caverneux, espés et vaporeux ['rempli de vapeurs'] (Le Forestier, Rég. épid. pest., 1495. In : Chrestom. R., 281)

B. -Exercer sur qqc. une pression, une action qui y fait obstacle, empêcher qqc. de suivre son cours.

[D'une chose]

Le cours et mouvement violent est quant les choses sont constraintes d'estre hors de leur propre lieu, comme quant les choses griefves sont desseure et les legieres en bas. (Somme abr., c.1477-1481, 144)

Modifier le cours de.

...mais la vaillance, le tresnoble et soubtil conseil de Claudius Nero, d'une part, et la prudence de Livius Salinator, de l'autre part, ne souffrirent assembler les deux ducz de Cartaige, pour contraindre noz choses [le cours des choses qui concernent nos soldats] qui moult estoient affoiblies et lassez (La Sale, Salade, c.1442-1444, 46)

Au figuré. [D'une pers.] Aller contre qqc..

Et si vous prie, entendés cy un bien pou : je voeil contraindre vostre argument par une exemple que je metteré. (Songe verg. S., t.1, 1378, 29)

Sire, or ne vous courrouciéz car je ne contrendray voustre vouloir. (Cardenois C., c.1380-1400, 105)

Les bestes sont contraintes par leurs inclinations et appetifz aux fins ou ilz les enclinent, et tu peulz contraindre les tiens appetifz, et ramener par ton seul voulloir a rayson. (Chart., L. Esp., c.1429-1430, 151)

'Ne demandes a estre juge, se tu ne poeux constraindre ton inicquité...' (La Sale, Sale D., 1451, 92)

Contraindre qqc. à qqc. Détourner qqc. en qqc. d'autre.

...maiz ozent forcer les sains textes, et contraindre la verité des prophecies a expositions controuveez. (Chart., L. Esp., c.1429-1430, 106)

C. -Participe passé en emploi adjectival. au figuré.

1.Serré.

Adont le chevalier sy commença a dire de cuer constraint : ... (Percef. III, R., t.2, c.1450 [c.1340], 135)

2.Comme enserré en soi-même, strict.

...ce qu'il leur disoit n'estoit pas fable ne fiction contrainte, mais verité notoire (Rasse Brunh., Flor. Elvide B.N. C., a.1456, 14)

3.Strict, rigoureux, et qui s'impose en tant que tel.

Je pensay en secret recoy, Selonc contrainte oubeïssance, Entremeslée de doubtance, Que s'il muoit de son plumage, Qu'il ne muast de son corage Et qu'il ne fust plus dongereus Que devant, et meins amoureus. (Mach., D. Aler., a.1349, 282)

...car l'esguillon de fain et contrainte necessité de vivre fait saillir le lou du boys (Chart., L. Esp., c.1429-1430, 13)

...Deffences tres fort restraintes, Ordonnances bien contraintes (Chart., L. Esp., c.1429-1430, 111)

...et ceulx que contrainte povreté enclinoit a meschief, ou que leurs vices avoient mis a mespris, ou leurs oultrages en depression, se adjoingnirent a luy (Chart., L. Esp., c.1429-1430, 118)

...esse ton vueil, Fortune, qu'aye douleur mainte ? Tue moy, puis en mon sercueil Me boute, c'est chose contrainte (CH. D'ORLÉANS, Rond. C., 1443-1460, 414)

Le capitaine lors envoya la constrainte nouvelle au roy pour son secours (La Sale, Reconf. De Fresne H., 1457, 8)

II. -Par analogie. Contraindre qqn

A. -[D'une chose] Serrer, dominer, oppresser, tourmenter qqn.

[D'un mal, d'une maladie, de la faim, d'un besoin...]

Et ainsi, com partir voloit, Li prist une grant maladie, Qui si le contraint et maistrie Que tout son fait fu depecié à ceste fois et empeeschié. (Mach., P. Alex., p.1369, 130)

Tant tint son siege messires Carles de Blois devant le chastiel d'Auroi, que chil qui dedens estoient, furent si constraint de famine que il se rendirent (Froiss., Chron. D., p.1400, 549)

Si se retourna le visage couvert de larmes a l'entour de soy, comme desireuse de secours et contrainte par besoing. (Chart., Q. inv., 1422, 9)

Toutesvoies il jeuna jusques l'endemain qu'il fut constraint de famine (Percef. III, R., t.2, c.1450 [c.1340], 274)

...mais a pou s'il povoit ou savoit respondre, tant le contraignoient ses folles larmes. (C.n.n., c.1456-1467, 137)

Au surplus, Ma fille, si de plus en plus Le mal vous contrainct et parforce, Commant qu'il soit, je vous conclus Que d'endurer est fine force. (La Vigne, S.M., 1496, 453)

[D'une cause psychologique (particulièrement de l'amour)]

Si averoit il tant a faire Que li cuers viveroit en haire Par une fort et tirant tente, Baillie d'une longue attente, De quoy li cuers seroit destrains Et de desir adès contrains, Quant lonc temps aroit atendu Et son pooir forestendu, Tant qu'il seroit près de mourir, S'il avenoit pour lui garir Que grace pour lui descendist (Mach., D. Aler., a.1349, 297)

Quar mes cuers estoit si estrains Et de sa biauté si constrains Que je plouroie tendrement. (Mach., Voir, 1364, 212)

Dous amis, oy mon complaint : A toy se plaint Et complaint, Par defaut de tes secours, Mes cuers qu'amours si contraint Que tiens remaint (Mach., Bal., 1377, 540)

Mais comment que me destreingne, Contraingne et estreingne, Ja n'aveingne Que me feingne D'amer ne que m'en refreingne. (Mach., Lays, 1377, 327)

Amis, t'amour me contreint Si qu'il me convient descrire Le martyre Qui empire Mon corps et mon cuer esteint (Mach., Lays, 1377, 352)

Mais la doulour Remondin croissoit tousjours tant pour la cause qui le contraingnoit du meffait qu'il avoit fait, comme pour l'amour qu'il avoit au conte, son oncle. (Arras, c.1392-1393, 29)

Le vieil Empereur se trouva contrainct d'amour paternelle et print couraige, mandant tous les princes de son sang en Allemaigne, et leur declaira qu'il vouloit, en sa personne, venir pardeçà pour la recouvrance de son filz, pour le mectre en son franc arbitre et pour le vanger de ceulx qui contre droit le molestoient (La Marche, Mém., III, c.1470, 292)

Trop la contraint [la Vierge Marie, après la mort de son fils Jésus-Christ] L'amour piteuse. (Pass. Auv., 1477, 241)

Gêner, mettre dans l'embarras.

Vostre argument me contraint pou car, ja soit ce que le royaume temporel ait fin, toutevoies Jhesuchrist ne laira mie a estre Roy. (Songe verg. S., t.2, 1378, 39)

B. -[D'une pers.] Serrer, tourmenter qqn ; réduire, mater, dominer qqn ; diriger fermement qqn.

1.Serrer, presser, tenailler, tourmenter qqn (physiquement ou moralement).

Je te di tout premierement Que, quant li homs nouvellement Entreprent l'amoureuse vie, Il couvient, quoy que nuls en die, Que Franche Volenté contreingne Son cuer, par quoy l'amer empreingne. (Mach., D. verg., a.1340, 34)

C'est cilz qui trop doucement Scet un cuer et soutieument Penre et liier Et contraindre telement Qu'il le fait tres humblement Humilier. (Mach., Ch. bal., 1377, 627)

...lors, quant il se voit contraindre, Commance a lermoyer et plaindre, Soy reppentant du grief meffait (Gréban, Pass. J., c.1450, 46)

...comme Codrus, le roy d'Athenes, feust assegiez et constrains de ses ennemis... (Colart Mans., Dial. créat. R., 1482, 160)

Emploi absolu.

...Loïs dus d'Orlyens ala tant pourchaçant Qu'il fist une asanblée et une armée grant, Et ala en Gascogne à grant gent en menant, Qu'il yra sur Englois et yra contraingnant. (Geste ducs Bourg. K., c.1410-1419, 302)

[La bête traquée]

Grandement gist ses apetis Que li cers ait coursée et cace Jusc'a Montgriès, et voet c'on sace (,) Que droit la le vodra attaindre Et nulle part ailleurs constraindre. (Froiss., Méliad. L., t.1, 1373-1388, 32)

Participe présent en emploi substantival. Tourment (ou celui qui tourmente ?).

Elle [la fille du roi] voit en plusieurs lieux oppression de peuple (...), violacion de pucelles, prostitution de marieez (...) ; voir qui pis est et horrible merveille, occire soy mesmes par raage et desespoir des contraignans qu'ilz ne peuent endurer (Gers., Réf. roy. G., 1405, 1138)

2.Réduire, dominer, mater.

...il vouldroient que le domage en venist du tout a leur seigneur et a eulz, a la fin que il puissent oster et contraindre les devant dis conseilliers [les conseillers de leur seigneur qu'ils haïssent] (Vignay, Théod. Paléol. K., c.1333-1350, 53)

Quant es merlees arriva, Toutes les routes trespassa Sans ce que nulle le constrengne [,] Ne nul ne fiert qu'il ne couvengne Jus a la terre tresbuschier. (Dame Lycorne G., c.1349-1350, 286)

...li contes de Flandres leur envoia son baillieu, pour constraindre et justichier aucuns rebelles et mauvais (Froiss., Chron. R., X, c.1375-1400, 80)

Li rois d' Engleterre (...) estudioit nuit et jour conment il peuist chiaus de Calais le plus constraindre et grever (Froiss., Chron. D., p.1400, 824)

[P. méton. un lieu]

...et si ne povoyons [l. pouvyons] passer que en leur presence, tant estoit le lieu contrainct (Comm., III, 1495-1498, 166)

Priver qqn de liberté.

[Des otages français en Angleterre] Et li signeur aloient cachier et voler à leur volenté et yaus esbatre et de duire sus le pays et veoir les dames et les signeurs ensi comme il leur plaisoit ; ne onques ne furent constraint, mais trouvèrent le roy d'Engleterre moult amiable et moult courtois. (Froiss., Chron. L., VI, c.1375-1400, 56)

3.Diriger avec fermeté.

Ung chascun de nous requerra La Vierge (...) A nous bien regir et contraindre (Gréban, Pass. J., c.1450, 33)

[Un animal] Beste constrainte. Bête apprivoisée.

Pour ce que chiens sont proprement faiz pour servir homme et que ce sont bestes contraintes... (Henri Ferr., Modus et Ratio, Livre deduis T., c.1354-1377, 61)

III. -Au figuré. Contraindre qqn (à qqc.). Exercer sur qqn une pression qui l'oblige à qqc., forcer qqn à agir, à faire qqc. contre sa volonté (ou hors de sa volonté).

A. -[D'une pers.] Forcer qqn (à qqc.), en lui imposant sa volonté.

Mais il samble, a bien discerner, Que tu la vueilles gouverner Et que tu la vueilles contreindre, Si qu'estable doie remeindre, Ou autrement tu t'en pleindras. (Mach., R. Fort., c.1341, 98)

...toutevoies il n'a pas puissance ne pover de contraindre aucun en ce siecle afin que il garde sez conmandemens ; car pour nient il y contraindret aucun a garder sez comandemens, car lez diz comandemens ne seroient a celluy d'aucun profit au salut de son ame, puis que il seroit pourforcé et contraint (Songe verg. S., t.1, 1378, 105-106)

Et samble que il en soit cas de lay que un juge de Saincte Eglyse puet seulement un honme lay excomunier et si ne le puet aultrement contraindre (Songe verg. S., t.2, 1378, 155)

...il [Mahommet] s'aida de sa force du glaive comme les ydolatres font, contraignant lez gens par fortes menaces et par tourmens a leurs sacrifices (Chart., L. Esp., c.1429-1430, 126)

Contraindre qqn (à / de) + inf.

Mais seroit neccessaire que aucun la soustenist [ceste ame] et la retenist et contrainsist a mouvoir sanz cesser. (Oresme, C.M., c.1377, 304)

Messeigneurs, le plus de voz gens se tiennent a mal paiez de ce que vous les contraingniez de leur harnoiz porter, car il leur semble qu'il n'en soit nulle neccessité tant qu'ilz vendront a l'approuchier de la terre ou sont voz ennemis. (Arras, c.1392-1393, 155)

Ta belle personne Me contraint a dire follie (Chr. Piz., M.F., III, 1400-1403, 38)

...et oultre ordonnoit que les presidens de Parlement contraignissent et peussent contraindre lesdiz conseillers par suspension de leurs offices et par autres voies à faire leur devoir (Baye, I, 1400-1410, 151)

...maistre Guillaume Rose, advocat oudit Parlement, lieutenant du maistre des Eaues et forests, fu commis pour contraindre ceulx qui ont bois et forests environ Paris de vendre à pris raisonnable (Fauq., I, 1417-1420, 207)

Item, par icelle loy on contrainct ung homme à vendre le sien, qui est une contraincte desraisonnable. (Fauq., III, 1431-1435, 103)

Iceulx le contraindirent a venir ; mais oncques n'en mua son habit tristre et douloureux (La Sale, Salade, c.1442-1444, 40)

...promettoit que de celles gens il feroit aussi grant et fiere guerre aux Rommains qu'il avoit fait jamais et qu'il les constraindroit partir des Auffricques... (La Sale, Sale D., 1451, 37)

Mais Scipion adont y vint, qui rescout les consules et constraingnist les Cartageniens de rentrer dedans la cité. (La Sale, Sale D., 1451, 71)

Mais Amours, la trespuissant deesse, les constraint y penser (Hist. seign. Gavre S., c.1456, 105)

...ne paiez vous pas ? vous devriez semondre et contraindre les aultres de ce faire (C.n.n., c.1456-1467, 225)

...ou qu'il rencontrast la gouge, de tant près la tenoit que contraincte estoit, voulsist ou non, donner l'oreille a sa doulce requeste (C.n.n., c.1456-1467, 455)

Pour lesquelles causes, et voulant par le roy de tout son povoir et puissance obvier aux dampnées et faulses entreprinses desdiz Anglois, ordonna son ban et arriere ban estre fait, et que par ledit prevost de Paris, toutes excusacions cessans, il contraignist viguereusement et sans aucun deport tous les nobles et non nobles tenans en fief et arriere fief, privilegiez et non privilegiez, à estre tous en armes et habillement souffisant et en personne, sans y prendre ne recevoir aucun ou lieu d'eulx, dedens le premier jour de mars ensuivant (Roye, Chron. scand., I, 1460-1483, 235)

Cestui eut à disciple Anaxarcus, qui puis couppa sa langue aux dens et la cracha au visage du tirant qui le vouloit contraindre à dire autre que verité. (Simon De Phares, Astrol., c.1494-1498, f° 66 v°)

Et les officiers qui avoient acoustumé servir ledit seigneur de Beaujeu, comme escuyers tranchans et autres, furent contrainctz le servir nudz, sans chausses, bonnéz ne autres abillemens, synon les aucuns qui avoient de petis prepoins, hocquetons et petis abillemens qu'ilz avoient empruntez. (Le Clerc, Interp. Roye, c.1502, 326)

Contraindre qqn (à / de) + inf. subst.

Il dist (...) qu'il iroit, comment que ce fust. Si se ordonna et les constraindi au partir avoecques lui. (Froiss., Chron. R., VIII, c.1375-1400, 228)

Contraindre qqn que + subj. Obliger qqn à.

Le roy (...) fu constraint doulcement, non haustreement, fors par pryere, de ses oncles et des seigneurs et des bonnes villes, qu'il venist à Londres (Froiss., Chron. M., XIV, c.1375-1400, 32)

L'empereur la voust contraindre qu'elle fust sa femme (Chr. Piz., Cité dames C., c.1404-1407, 986)

...car il voult constraindre le poeuple que, par famine, ilz deffeissent et revocassent l'ordonnance qu'ilz avoient faitte (La Sale, Sale D., 1451, 103)

Emploi absolu.

Item, communelment les gens ont en haine ceulz qui contraingnent a leur mouvement et a leurs volentés ['selon leur propre mouvement et selon leur propre volonté'] . (Oresme, E.A., c.1370, 534)

DROIT Obliger (à qqc.) par voie de droit.

...en la matiere dessusdicte on ne povoit ne devoit passer lesdictes lettres, ne prendre aucune conclusion de par la Court pour contraindre lesdiz gens d'eglise sans les oïr. (Fauq., II, 1421-1430, 103)

...et ces drois demaines comme cens (...) se doivent payer, et se on les reffuse on peut contraindre les debteurs. (Juv. Urs., Verba, 1452, 267)

[Du juge] Contraindre de qqc. Imposer son verdict au sujet de qqc. (?).

Si devons cy considerer que aucun juge a puissance de contraindre de touz pechés et malfays, selon la Loy divine, et aussi de touz fays humains, et celluy est Jhesuchrist seulement et nul autre. (Songe verg. S., t.1, 1378, 105)

B. -[D'une chose (une donnée, une obligation, un constat, la situation, les circonstances...)] Forcer qqn (à).

Et ces choses peuent estre faites en ceuls qui vivent selon aucun entendement pratique et selon aucun ordenance laquelle ait force et puissance de les contraindre. (Oresme, E.A., c.1370, 533)

Et quant je verray Ton faitis corps gay, Jolie seray, Lie chanteray Cest amoureus lay. Ainsi t'amour me contraint. (Mach., Lays, 1377, 448)

...ains ont ordené que aucuns mariés, soient bygames ou aultres, lezquelx sont appellés en Ytalie Frere Gaudente, soient exemps de la juridiction seculiere et que ilz ne puissent estre contrains par aucune loy humaine, ja soit ce qu'elle soit justement faite et raisonablement. (Songe verg. S., t.1, 1378, 105)

...je vous diray la raison qui a ce me meut [refuser le mariage] et contraint en ce cas (C.n.n., c.1456-1467, 360)

...lesquelles [causes] ne peurent faire necessité ne constraindre la puissance divine. (Somme abr., c.1477-1481, 143)

Contraindre qqn à qqc. Forcer qqn à qqc., entraîner qqn à qqc..

Et se aucun disoit que les choses delitables et les biens temporels nous font violente [l. violence] pour ce que ce sont choses dehors nous et ainsi elles nous contraingnent as operacions que nous faisons, ce n'est pas bien dit (Oresme, E.A., c.1370, 178)

Mais tant m'est douce et plaisant celle arsure Que je vous aim seur toute creature. Car vo douçour à ce faire m'encline, Douce dame, et amour m'i contraint, Si que toudis de vous servir ne fine En esperance que vos gentils cuers m'aint. (Mach., L. dames, 1377, 173)

Car fois, loyauté Et sa tres courtoise emprise M'i contraingnent, et franchise, Qui sont moien Et lien De vraie amisté. (Mach., Lays, 1377, 384)

C'est bien mon plaisir que vous vous accordez ad ce ou vostre nature vous forcera et contraindra ; car je sçay qu'il ne vous est possible d'y resister. (C.n.n., c.1456-1467, 562)

Avant son partement me dist que quand il seroit absent, il se tenoit tout seur que ma nature me contraindroit a briser ma continence (C.n.n., c.1456-1467, 573)

Estre contraint à qqc.

Qui ne vuet, nuls n'i est contrains ; Mais on est d'Amours si estrains, Qu'obeïr y couvient par force ; S'est fols qui contre li s'efforce. (Mach., J. R. Nav., 1349, 211)

Il n'est pas raison qu'a ce faille, Car j'y sui contreins et tenus Et oubligiez trop plus que nus, Qu'amours fine le me commande, Et deduis vuet que j'y entende (Mach., F. am., c.1361, 144)

Les bestes sont contraintes par leurs inclinations et appetifz aux fins ou ilz les enclinent, et tu peulz contraindre les tiens appetifz, et ramener par ton seul voulloir a rayson. (Chart., L. Esp., c.1429-1430, 151)

De plus, le celler n'est possible Puisque je suis ad ce contrainct. (La Vigne, S.M., 1496, 428)

Contraindre qqn (à / de) + inf. Forcer qqn à + inf., entraîner qqn à + inf..

Desir me contraint et aguise, Seigneurs, d'aler sur les Persans (Mir. emp. Julien, 1351, 174)

Quelle cause vous a constraint De ci venir ? (Mir. emp. Julien, 1351, 205)

...et par especial quant Desirs l'alume [le coeur] et esprent et le contraint a desirer ce qu'il ne puet veoir ne avoir (Mach., Voir, 1364, 270)

Car en veant sa biauté, sa façon Et son maintieng qui de douceur seuronde, J'y preng assez bien pour devenir bon, Car le grant bien de li en moy redonde Par grace de fine amour Qui me contraint à haïr deshonnour Et tout vice ; si puis dire sanz blame : Je voy assez, puis que je voy ma dame. (Mach., Bal., 1377, 562)

Vos dous parlers me soustient et norrist En flun de joie et de toute douçour, Vostre sage maintieng si m'enrichist Qu'il me contreint à haïr deshonnour, Vos gentilz cuers me fait plus de tenrour Qu'en cent mil ans desservir ne porroie, Et vos regars meinteint mon cuer en joie. (Mach., L. dames, 1377, 163)

...mais l'ordure du pechié, duquel la parole corrompt l'air, me contraint a les taire, affin aussy que je ne donne cause de mal aux innocens. (Gers., Pent., p.1389, 78)

Estre contraint (à / de) + inf.

Et adonques, il sont contrains de acquerir d'autre part indeüement. (Oresme, E.A., c.1370, 238)

Le cuer tant me serre et destraint Qu'a plorer sui forment contraint. (Mir. roy Thierry, c.1374, 337)

Mais atteindre Chose graindre De toy plaindre, Sans moy faindre, Puis bien, quar je sui contrains Par ton faindre De restraindre Joie engraindre Et remaindre En misere dont sui plains. (Mach., Lays, 1377, 479)

Et toutevoies, aucune fois en tenant un faulz opinion l'en sent et est l'en aussi comme contraint a confesser aucune verité ; et, pour ce, Aristote amaine cez ici en tesmoing de ce que il a dit. (Oresme, C.M., c.1377, 382)

L'en treuve tant de merveilles, selon commune estimacion, et si nouvelles que humain entendement est contraint de dire que les jugemens de Dieu sont abisme sans fons et sans rive, et sont ses choses merveilleuses, et en tant de formes et manieres diverses, et en tant de pays, selon leur diverse nature, espandues, que, sauf meilleur jugement, je cuide qu'onques homme, se Adam non, n'ot parfaicte congnoissance des euvres invisibles de Dieu (Arras, c.1392-1393, 3)

Comment, pour les grans tors que faisoyent les Anglois aux habitans de Guyenne, Ponthieu et aultres terres ressortissans au royaulme de France, fut contraint le roy Charles le quint par pictié et misericorde recepvoir les appellations de plusieurs ses subgetz retournans a luy... (Juv. Urs., T. crest., c.1446, 127)

Et pour ce nous deuons auoir propos de tousiours monter par ceste eschielle mais pour la grant mutabilite de ceste vie mortelle nous ne pouons pas longuement estre en vng degre et sommes souuent contrains regarder souuent aulx degrez qui sont ia montez. (Cib., p.1451, 179)

Le bon marchant eust peu estre contraint de croire ses bourdes, s'il n'eust rompu sa parolle. [Une femme infidèle tente de se disculper par l'habileté de son discours] (C.n.n., c.1456-1467, 444)

Et à ceste cause furent ceulx de Paris contrains de vendenger les autres vignes partout autour de Paris, qui n'estoient pas à demy meures, et aussi le temps leur fut fort contraire. (Roye, Chron. scand., I, 1460-1483, 102)

Predist au roy aussi les innundacions des eaues et aussi les grandes pluyes, ce que bien trouva le roy, l'an de sa coronacion, quant il alla contre les Flagmens, pour lesquelles pluyes fut contraint de s'en retourner, sans riens faire. (Simon De Phares, Astrol., c.1494-1498, f° 138 v°)

...Tant de rapine et de cruelle estorce (...) Que plusieurs gens eulx voyans en souffrance, Furent contrains d'eulx retirer en France. (La Vigne, V.N., p.1495, 130)

Et, par ce moyen, le duc de Berry creut le conseil de ceulx qui furent de ceste oppinion, et fut le roy contrainct de ce faire, pour le grant desir qu'il avoit d'avoir paix en son royaulme. (Le Clerc, Interp. Roye, c.1502, 197)

Estre contraint (à / de) + inf. subst.

Dame, qui je vueil obeïr, Je vous suppli que pardonner Me vueilliez et non imputer Ce dont je suis contraint au faire. (Gris., 1395, 53)

Contraindre qqn que + subj.

Puis vinrent pensées diverses, Assés contre mon cuer parverses, Qui moult malement m'argüoient Et moult forment me contraignoient Que de ce lieu me destournasse, Afin que je l'entroubliasse, Car jamais jour ne le verroie, Quant de la me departiroie. (Mach., D. Aler., a.1349, 260)

Sa devote contriccion (...) Me contraint que grace li face. (Mir. Oton, c.1370, 370)

Se tu ne m'eüsses fait, je ne fusse, et, pour ce que tu m'as fait, je suy. Non mes merites ne ma grace ne te constraindrent que tu me feïsses, mes la tresbenigne et souveraine bonté qui est en toy et ta clemence. (Gast. Phébus, Livre oraisons T., c.1380-1383, 48)

Emploi pronominal. [De l'abstinence]

...la vertu de abstinence, qui de soy se veult contraindre (Un traité d'héraldique inédit, éd. L. Houwen, M. Gosman, c.1435-1449. In : Romania 112, 1991, 510)

Participe présent en emploi adjectival. Qui force (à).

...grace est plus contraignant a amer que nature, car la mort separe et dessevre les choses jointes par nature, mais elle ne peut separer les jointes par grace et par amour (Mir. st Val., c.1367, 121)

Mais la loy a puissance contraingnant, car loy est parole ordenee d'aucune prudence et de entendement. (Oresme, E.A., c.1370, 533)

Participe passé en emploi adjectival. Forcé (à).

Il me mena comme contrains Par devers ces gros machefoins. (Gréban, Pass. J., c.1450, 68)

Participe passé en emploi substantival. Contraint. Contrainte.

Remarque : Doc. 1378 (Fribourg, non per force ne par barat, ne porcontrinz) ds GD II, 268b.