ENTENDRE

verbe

[T-L : entendre ; GD : entendre ; GDC : entendre ; AND : entendre1 ; DECT : entendre ; FEW (IV, 740b,742a) : intendere ; TLF (VII, 1199b) : entendre]

I. -[Idée de tension (vers)]

A. -[D'une chose]

[D'un mouvement] Tendre vers qqc..

Et ceste cause donne solucion a ceste question, car se le ciel est meu au tres miex que il peut estre, c'est la cause pourquoy il est ainsi meu pour ce que c'est tres bon que le mouvement qui est simple et perpetuel sanz cesser soit entendant au plus hounorable. (Oresme, C.M., c.1377, 408)

[D'une activité intellectuelle]

Or entens bien comment tu congnoistras lune de lautre, cogitacion a vng mouuement vague et passe de lung a lautre, meditacion perseuere et entent a une chose, contemplacion entour une chose voit choses innumerables et soy espant par intelligence aussi comme se lentendement se dilatoit (Cib., p.1451, 181)

B. -[D'une pers. ; tension morale du sujet vers un objet quelconque]

1.Tourner son attention vers qqc. ou qqn, s'y intéresser et éventuellement s'en occuper.

a)Entendre à/en qqc./qqn

Car combien que celui qui est politique et actif labeure ou entende plus a son corps ou quelzconques teles choses que ne fait le speculatif, toutesvoies il a en soy petite difference. (Oresme, E.A., c.1370, 525)

Il respondi promptement et dist : 'Madame, vechi vostre chevalier qui n'a pour le present que faire, ne a quoi entendre. Si voel estre en vostre service...' (Froiss., Chron. D., p.1400, 61)

...qant il oirent ce, si furent moult courouchié et a bonne cause, et jurerent que jamais n'entenderoient a aultre cose si averoient repris la chité de Vennes (Froiss., Chron. D., p.1400, 574)

Pour moy le di Qui de pieça en amours entendi Et a une de mon cuer m'attendi, Qui guerredon oncques ne m'en rendi (Chart., D. Fort., 1412-1413, 181)

Ou regard du pain et des autres vivres qui estoient à grant chierté à Paris, ne fu lors advisée aucune especial provision, mais fu à ung chascun des assistens enchargié de y adviser et entendre diligemment (Fauq., I, 1417-1420, 206)

Et finablement la Court, à l'instance des assistens, encharga aux dessusdis commissaires que en perseverant ilz assemblassent, ainsi que par avant, diligemment et continuelment pour entretenir le fait de ladicte commission et entendre à ce que seroit à faire pour le bien et conservacion de la ville de Paris et les habitans d'icelle. (Fauq., I, 1417-1420, 233)

Et quant le chief a pourveu et comprins ses six condicions de gens, se il est bien acompaignié grandement, il en doit faire V ou VI esquieres, plus ou mains, selon la quallité de ses gens, affin que ses anemis ne saichent a laquelle entendre (La Sale, Salade, c.1442-1444, 240)

...je feray tresvoluntiers ce que me requerez (...). Mais a ceste heure, je n'y puis bonnement entendre (C.n.n., c.1456-1467, 70)

Ce bon homme neantmains rompit la presse, et, quoy que le maistre parlast et respondist a pluseurs, luy compta son cas, c'est assavoir de son asne qu'il avoit perdu (...). Ce maistre, qui plus aux aultres que a luy entendoit, quand le bruyt et son de son langage, dont rien il n' avoit entendu, fut finy, se vira devers luy, cuidant qu'il eust aucune enfermeté (C.n.n., c.1456-1467, 468)

A nostre honneur bien entendy Cil qui premier l'a pourpensé. (Myst. Pass. Troyes B., a.1482, 903)

...ilz mirent en terme la paix, et dirent qu'ilz demandoient appointement et faire le traictié de paix ainsi qu'il plairoit au Roy, s'il vouloit ad ce vacquer et entendre. (La Vigne, V.N., p.1495, 319)

[Supposant une compétence particulière du suj.]

Et sy fust clerc et entendist grandement au fait de ses richesses raisonnablement depparties a tous ses bons amis (La Sale, Salade, c.1442-1444, 167)

...et se commença en leur temps la science des estoilles moult fort à augmenter et acroistre, et les plus puissans de la terre y entendoient et vaquoient plus que à nulle autre des ars liberaulx. (Simon De Phares, Astrol., c.1494-1498, f° 16 r°)

Ne savoir auquel entendre. Ne pas savoir vers quoi tourner son attention.

Et tant monta sa renommée que pour tout chose l'on demandoit son conseil ; et estoit tant entonné incessamment qu'il ne savoit au quel entendre. (C.n.n., c.1456-1467, 468)

En particulier. Prendre soin de qqn ou qqc..

Et là sus le place on entendi à monsigneur Gallehaut de Ribeumont qui estoit durement navrés ; et fu amenés au plus doucement que on peut en le ville de Peronne et là medecinés. (Froiss., Chron. L., V, c.1375-1400, 209)

...et encores furent ils plus courouchié car mesires Garniers de Cliçon ne pot avoir dedens la forterece ce que il li besongnoit, pour entendre as plaies que il avoit ou chief et ou corps, et morut dedens trois jours (Froiss., Chron. D., p.1400, 472)

b)Entendre + compl. de lieu

Assez fu qui la descendi Et qui entour li entendi (Mach., J. R. Nav., 1349, 175)

Elle [Pourveance] me met en une continue, C'est d'un penser, le quel je continue Tres lïement et si songneusement, Qu'aillours ne puis entendre nullement Ne ne voeil (Froiss., Orl., 1368, 96)

...et alerent tout a l'oposite de l'asaut et dou hustin, la ou nuls n'estoit ne n'entendoit. (Froiss., Chron. D., p.1400, 572)

Li gentilhonme qui dedens Poitiers estoient, se missent au desfendre vaillanment, mais il ne porent pas partout entendre. (Froiss., Chron. D., p.1400, 767)

Par deux ans sa grace actendi : S'el commanda ou deffendi, Je le fiz, maiz elle entendi Bien autre part ; Si vins puet estre un peu trop tart Et elle ot au meillieur regart. (Chart., L. Dames, 1416, 208)

c)Entendre + subord.

Entendre + interr. indir.

Avecques ce il convient entendre et resgarder a quelles choses nous sommes par nostre appetit enclins et de legier mouvables. (Oresme, E.A., c.1370, 173)

...vez les [nappes] ci. Or entendons Conment a point les estendons Cy vous et moy. (Mir. Rob. Dyable, c.1375, 48)

Aprés nous fault aucunement entendre, pour congnoistre la difficulté du fait que nous menons, se nostre finance se peut estendre selon nostre necessité, et en ce pas ne me vueil je trop avant bouter, car fort est en moy de bien en jugier et a pluseurs qui en parlent de bien le cognoistre et comprendre. (Chart., Q. inv., 1422, 50)

A cela veulx tendre : Oyr et entendre Se je le [embrasser la religion de ses parents] doy faire. (La Vigne, S.M., 1496, 147)

Entendre que + subj. Veiller à ce que....

...et entendy fort [le châtelain] que le chastiel fuist bien gardez et deffendus se on l'aissaissoiet. (Froiss., Chron. M., XIV, c.1375-1400, 216)

[Avec ellipse de que]

Et entendés li sauf conduis soit tels que je m'i puisse bonnement asegurer (Froiss., Chron. D., p.1400, 752)

d)(Synonyme de attendre)

...en touz cas n'est point vertu d'attendre ne vice de fouir, mais convient aucunefois entendre et aucunefois fouir (Bouvet, Arbre bat. R.-B., c.1386-1389, 185)

...vertu de fortellessce laquelle scet entendre et assaillir meurement et vertueussement et attendre sagement et fouir sagement (Bouvet, Arbre bat. R.-B., c.1386-1389, 236)

2.Entendre sus qqn. Avoir autorité sur qqn.

Et eurent chil ouvrier un clerc qui entendoit sus euls et qui les faisoit paiier (Froiss., Chron. D., p.1400, 596)

3.[L'objet de la perception est la parole]

a)Prêter attention à.

Entendre (à) qqc.

Entendre à qqc.

LE PRESCHEUR. Reverent pére, a mes raisons Entendez. Je doi ci preschier, Si que de vous avoir requier Beneiçon. (Mir. ev. N.D., c.1348, 58)

Car nous voion que ceuls qui aiment les sons des instrumens de musique, quant ilz oient la melodie de telz sons, ilz ne pueent entendre as paroles que l'en leur dit (Oresme, E.A., c.1370, 511)

Plaise vous que vous entendez, Archadès, a ce que vueil dire Et m'en dire vostre avis (Mir. st Alexis, 1382, 287)

...li jones rois d'Engleterre ouvri les orelles et se resvilla, et entendi a ce que il li disoit et remonstroit. (Froiss., Chron. D., p.1400, 230)

Entendre qqc.

Entre vous, barons de la noble conté de Poictou, plaise vous a entendre la requeste que j'entens a faire a monseigneur le conte, et, s'il vous semble qu'elle soit raisonnable, que lui priez qu'il me le veulle accorder. (Arras, c.1392-1393, 32)

Et quant ilz furent la venus, Melusigne les trait a part en disant : Enfans, entendez ce que je vous vueil dire et commander. (Arras, c.1392-1393, 84)

Pensez a elles, non pas a moy, et enclinez voz chiefs en signe de humilité, et entendez que dit la mere a son enfant, ou chascun mort a son heritier ou executeur, a ceulz qui luy estoyent amis ou bienveuillans au monde. (Gers., Déf., 1400, 226)

Or vous levez et entendez bien mes parolles et les retenez. (La Sale, J.S., 1456, 36)

Entendre + interr. indir. partielle (équivaut p. ell. à 'Ecouter ce qui va être dit pour savoir...')

Or entendez en quoy j'aper : J'aper en souffissans promesses Et en raisonnables largesses, Especiaument par donner Et d'aucuns meffais pardonner (Mach., J. R. Nav., 1349, 220)

Entendez, roys, princes et seigneurs et toutes devotes personnes, entendez quelle belle personne est au jour d'uy faicte : elle comprent et ciel, et terre, et Dieu, et homme (Gers., Noël, p.1404, 292)

Or entens bien comment tu congnoistras lune de lautre, cogitacion a vng mouuement vague et passe de lung a lautre, meditacion perseuere et entent a une chose, contemplacion entour une chose voit choses innumerables (Cib., p.1451, 181)

[P. méton. de l'obj.] Entendre (à) qqn

Entendre à qqn

L'ARCEDIACRE. (...) Seigneurs, or entendez a moy : Nous sommes cy, si com je croy, Touz a l'eglise appartenans... (Mir. ev. arced., c.1341, 122)

Quant Jacop veï que il fu eure de tourner le voille et de prendre un autre chemin, si dist as maronniers : 'Entendés à moi ; je ai leué à mes deniers ceste nef, pour faire sus ce voiage ma volenté et pour aler où je voel.' (Froiss., Chron. R., XI, c.1375-1400, 178)

Entendre qqn

DIEU. Or m'entendez et vous taisiez, Se vous en voulez droit oir. (Mir. enf. diable, c.1339, 49)

...le duc d'Irlande (...) disoit à tous ceulx qui oyr et entendre le vouloient (...) que les oncles du roy (...) avoient osté et mis jus et hors du conseil les vaillans hommes du conseil du roy (Froiss., Chron. M., XIV, c.1375-1400, 48)

...pour ceste derraine glose sourdy grande tumulte entre les femmes illec assembleez, tant de rire comme de parler toutes ensemble, et ne sembloit autre chose fors que ce fust un marchié de hire hare sans ordre et sans voloir entendre l'une l'autre, ne atendre la fin de leurs raisons. (Ev. Quen., I, c.1466-1474, 111)

Entendre qqn + inf.

Et, combien que personne ne lise mie en propre personne, si n'est il pas pour ce sanz lecture et sanz escripture lire se il oit et entent sagement les autres lire et le met en son cuer. (Foul., Policrat., IV, 1372, 65)

Emploi absolu.

Conment ? Enten, Sains homs, et le voir te diray (Mir. emp. Julien, 1351, 206)

Neantmoins, o devot peuple, qui yci estes, se vous voulez attendre et entendre, je vous prouveray moult clerement la verité de ces paroles (Gers., Déf., 1400, 219)

...quelque esbahiz qu'ilz fussent, il entendirent encores ung peu, s'ilz oyrent la voix du par avant arriere les hucher (C.n.n., c.1456-1467, 276)

Or entendez bien, vous toutes qui cy estes presentes, je vous avertis que jamais on ne doit tirer espee nue ne autre long trenchant devant femme grosse (Ev. Quen., I, c.1466-1474, 86)

Au roy fut faicte la responce, non point si griefve, mais le plus honnestement que l'on peüst. Il entendit saigement et dist qu'il ne vouloit point aller à Namur (Comm., I, 1489-1491, 160)

b)Entendre à qqc. Ecouter avec bienveillance (une demande, une suggestion) et accepter d'agir en conséquence.

Accéder à (une demande).

...siques je me laisserai consillier et leur dirai par couvreture que je les [les Flamands] voel croire et entendre a lors volentés. (Froiss., Chron. D., p.1400, 801)

Tout li baron et li chevalier qui la estoient, en plorant prioient si acertes que faire pooient au roi que il en vosist avoir pité et merchi, mes il n'i voloit entendre. (Froiss., Chron. D., p.1400, 847)

Consentir à (un traité, une trêve).

Car au voir dire, il avoient plus chier a entendre a unes longes trieuves ou avoir paix que la guerre (Froiss., Chron. D., p.1400, 203)

Si entendirent as tretiés dou conte Derbi et se rendirent, salve lors vies et lors biens, et se departirent. (Froiss., Chron. D., p.1400, 613)

Par métonymie.

Accepter de faire qqc..

L'une [raison] est qu'Amours ne vuet entendre A ce que ma dame soit tendre Vers moy, eins est s'entention Que mon dolent cuer face fendre (Mach., Lays, 1377, 322)

...il fu priiés moult doucement de l'evesque dou lieu et des Cambrisiens que il vosist entendre a che que il vosist tant faire, fust par siege ou par autre moiien, que li chastiaus de Thun l'Evesque, liquel li Hainnuier tenoient et avoient emblet, fust raquis (Froiss., Chron. D., p.1400, 394)

Suivre, se conformer à (un conseil, un ordre).

Li amiral ont pris congié, Qui n'ont pas dormi ne songié, Einsois faut que chascuns entende Ad ce que leurs sires commande. (Mach., P. Alex., p.1369, 133)

..et fist [Jacques d'Artevelle] semer paroles a Brughes, a Ippre et a Courtrai et ou Franch de Bruges que, se on voloit entendre a ce que il conselleroit et tout acertes, on en deliveroit le pais. (Froiss., Chron. D., p.1400, 273)

A laquelle chose le frere d'elle eust voluntiers entendu, et cuida mener sa seur ad ce qu'elle s'i consentist [Un gentilhomme a demandé la main d'une jeune fille] (C.n.n., c.1456-1467, 359)

Si veult le Roy et vous commande generaulment à tous que, dès à présent et pour le temps advenir, ung chascun de vous, tant en general que en particulier, entende et obéisse dilligemment aux mandemens et commandemens que vous fera mon dit seigneur (Bueil, II, 1461-1466, 194)

Entendre à raison. Accepter d'agir de façon raisonnable.

Mesire Gautier (...) vous estes uns vaillans homs et moult usés d'armes. Si devés tant mieuls entendre a raison. (Froiss., Chron. D., p.1400, 836)

C. -[Tension morale du sujet vers l'activité qui l'occupe] Mettre tous ses soins, s'appliquer à qqc./à faire qqc..

1.Entendre à qqc.

a)Entendre à + subst. d'action

Ainsi comme nous entendions A nostre erre et par mer ridions, Adont vi le temps obscurcir Et les nues si espessir Qu'a peine y veons nulle goute (Chr. Piz., M.F., I, 1400-1403, 47)

À 6 compaignons, qui le jour dudit service entendirent au gouvernement du luminaire d'icellui, à chacun 8 solz, sont 48 solz (Comptes Etat bourg. M.F., t.1, 1420, 477)

L'onneur lesse, qui entent au pillage Et pour prouffit pert soy et sa besoigne (Chart., B. Nobles, c.1424, 400)

...aucuns des officiers du Roy ou Chastellet de Paris estoient de par le prevost commis et entendoient à la visitacion des boulengiers de la ville de Paris (Fauq., III, 1431-1435, 8)

[Subst. et inf. coordonnés]

... [il] vacca et entendit au gouvernement de navires, a entasser thesaur et amonceler grandes richesses (C.n.n., c.1456-1467, 554)

b)Entendre à + inf. subst.

Et li nobles roys, qui entent A son partir, lui et sa gent, S'en alerent par mer nagent (Mach., P. Alex., p.1369, 49)

Se les Englois euissent aussi bien entendu au cachier et au prendre prisonniers, que il entendirent a lor charoi et sonmiers a mettre hors de la riviere, il euissent porté plus de damage assés as François que il ne fissent. (Froiss., Chron. D., p.1400, 712)

...mesires Jofrois de Cargni entendoit de grant desir et volenté au procurer ses besongnes (Froiss., Chron. D., p.1400, 862)

2.Entendre à/de faire qqc.

a)Entendre à faire qqc.

...et tous ceulz qui ainsi ne le font, il pechent et differe leur civilité de la civilité de ceulz qui entendent a faire les citoiens bons en la maniere que une bonne chose differe de une mauvaise. (Oresme, E.A., c.1370, 147)

Si en furent touttes gens durement esbahis, et à bonne cause, car leurs ennemis estoient trop prez amassez et n'en savoient que dire ne que faire, et entendirent fort à garder leur ville. (Froiss., Chron. M., XV, c.1375-1400, 218)

Si me vueil dont dou tout mettre et entendre A ces dittez faire amoureusement Et de pluseurs l'un grant et l'autre mendre, Et les aucuns chanter bien plaisanment. (Mach., Prol., c.1377, 3)

Et pour ce que elle sentoit bien que le premier siege que ses adversaires messires Carles de Blois et li François feroient, il seroit devant Rennes, si fist entendre a pourveir la ditte chité de tous poins et a rafresqir (Froiss., Chron. D., p.1400, 504)

...si amonnesta la Court de bien et diligemment entendre à faire justice (Baye, I, 1400-1410, 246)

...car en celuy temps les proeudommes rommains n'entendoient seulement que a multiplier la chose publicque (La Sale, Sale D., 1451, 91)

Et, pour ce, ne vous enorgueillissez point et entendez songneusement, dilligemment et loyaument à faire ce que vous avez à faire. (Bueil, II, 1461-1466, 26)

b)Entendre de faire qqc.

Se jugement avez a rendre, Premierement devez entendre De savoir quels est li meffais Et a qui il a esté fais. (Mach., J. R. Nav., 1349, 256)

Pour entendre de venir a cest aultre strantegeme, fault recorder au second livre de Vallerius, en la lettre de age perferannus (La Sale, Salade, c.1442-1444, 39)

'Je croy que nous perdrons bien nostre temps, et qu'il n'a point encores tant de sens que il entende d'avoir dame, ne que il pensast onques d'estre amoreux...' (La Sale, J.S., 1456, 51)

c)S'entendre à + inf.

N'il ne s'entent à faire autre labour, En esperant que de moy vous souveingne, S'amours le vuet et vos gentilz cuers deingne (Mach., L. dames, 1377, 85)

3.[En cont. exceptif]

N'entendre à faire autre chose que de + inf.

...et s'adrecierent droit au logeis a messire Carle de Blois, et n'entendirent a aultre cose faire que de venir en la tente dou dit messire Carle. (Froiss., Chron. D., p.1400, 553)

N'entendre à autre chose/rien fors que + à/de inf.

Or estoient hors de misere Et s'estoient tuit d'Alixandre Si qu'il ne pooient entendre A riens fors qu'à eaus resjouir et à leurs amis conjouir. (Mach., P. Alex., p.1369, 189)

Vous savez comment le duc d'Irlande se tenoit delez le roy d'Angleterre en la marche de Galles, et n'entendoit à aultre chose, nuit et jour, fors que de venir à ses ententes en pluseurs manieres, et de servir le roy de belles parolles et de grandes huiseuses et la royne aussi, pour eulx complaire (Froiss., Chron. M., XIV, c.1375-1400, 48)

N'entendre fors à + inf.

Tuit courent la, pour la merveille, N'y a cil qui entendre vueille Fors a fuïr, n'armer se sache, Ne saisir espee, ne hache, N'aultre armeure, pour soy deffendre (Chr. Piz., M.F., II, 1400-1403, 227)

D. -[Tension vers un événement à venir]

1.[Événement probable]

a)S'attendre à qqc..

Entendre qqc.

Vos gens sont en trop dur party de mort et de maladie. Se besoing vous en sourdoit, vous vous n'en pourriez aydier, car ilz sont si lassé et hodé et mal gouverné, et tous leurs chevaulx mort, et sont gentilz et vilains si descouraigiez pour celle saison, je le vous dy, que nul bon service n'y devez-vous entendre. (Froiss., Chron. M., XV, c.1375-1400, 100)

Entendre que

Donné ce Ditié par Christine, L'an dessusdit mil CCCC Et XXIX (...) Mais j'entens Qu'aucuns se tendront mal contens De ce qu'il contient, car qui chiere A embrunche, et les yeux pesans, Ne puet regarder la lumiere. (Chr. Piz., J. d'Arc, 1429, 40)

Tout accorda, sans parler à ses compaignons, qui savoient bien que le roy devoit estre dedans Pise, pour se reffraichir ; mais ilz n'entendoient point qu'il retint les places : car c'estoit mis leur estat et leur force entre noz mains. (Comm., III, 1495-1498, 56)

La faulte d'esprouver celle belle avanture vint de ce que ledit duc d'Orleans (combien que on entendoit qu'il deüst partir du soir au matin, parce qu'il avoit envoyé devant toutes choses qui servoient à sa personne et ne restoit que luy à partir et l'armée preste et paiée ; car en Ast avoit huyt cens hommes d' armes françoys et bien six mil hommes de pied, dont y en avoit quatre mil Suysses), ledit duc mua de propos (Comm., III, 1495-1498, 276)

Quant à vous envoyer des gens d'armes, je vous en envoyray ce que je pouray, mais je n'entens pas à demorer seul, et ne say se vous entendez que je serve le roy sans gens et sans povoir aller de ville à autre sans estre acompaigné. (Le Clerc, Interp. Roye, c.1502, 296)

Entendre de + inf.

Noz parolles ne furent pas trop grandes, car nous entendions bien de avoir ceste responce (Comm., II, 1489-1491, 165)

b)Attendre qqc..

Dame Foy aprez cez parolles garda silence et donna lieu de parler a Esperance sa seur, comme a celle qui adresse l'esperit a entendre par desireuse confiance ce que nous devons premier entendre par entiere foy. (Chart., L. Esp., c.1429-1430, 86)

Emploi absolu.

Et leurs enfans, que travail avoit aprins a pacience, et vexation introduiz a entendre, recouvrerent comme innocens de peché le merite de grace, et comme vrays enfans de Israël l'eritage de leurs peres. (Chart., L. Esp., c.1429-1430, 76)

c)[Événement dont la réalisation est espérée] Espérer qqc..

Entendre (à) + inf.

Entendre + inf.

Et quant il fut revenu a Romme a tout son ost, le poeuple entendoit de jour en jour avoir sa confirmacion de celui edit que Servilius avoit fait. (La Sale, Sale D., 1451, 181)

Et firent parler à part avecques moy le duc, qui me offrit bon appoinctement, qui fut que le roy Ferrande feroit hommaige au roy du royaulme, du consentement du pape, et qu'il paieroit cinquante mil ducatz l'an de cens et quelque somme content qu'ils presteroient. Et entendoient, moiennant ce prest, avoir entre leurs mains les places qu'ilz ont en la Pouille, comme Brandis, Ottrante, Tranne et autres. (Comm., III, 1495-1498, 249)

Entendre à + inf.

...et qu'il a prins et prent sur Dieu et en l'arme de lui, et aussy par sa part qu'il entend à avoir ou saint Paradis, et sur le jugement, sauvement ou dampnement que son arme attent à avoir (Reg. crim. Chât., I, 1389-1392, 567)

Entendre que + ind.

Le roy avoit jà disné, lequel monstroit grant signe de joye et de ceste prinse et louoit fort le grant couraige et hardiesse dudict duc ; et entendoit bien qu'il luy seroit rapporté (Comm., I, 1489-1491, 163)

Emploi absolu. Espérer' (Éd.).

Nostre cause est mise en espace. Ne say qui la puisse deffendre, Car nulz n'y est hardiz d'entendre, Tuit sommes culpables et meffait, Dont nulz n'ose emprandre le fait, Tant soit sains ne sainctifïez ! (Myst. Adv. N.D. R., c.1360-1365, 62)

2.[Événement dont la réalisation est voulue]

a)Entendre que + subj. Souhaiter que....

...lors fut la grant priere entr'eulz, qui pour l'onneur l'un de l'autre sauldroit le darrain. Le roy, qui entendoit que l'onneur fust a Saintré, incontinant manda que tous deux saillissent per a per, mais pour ce que Saintré avoit le pris, voult qu'il alast a la destre main (La Sale, J.S., 1456, 133)

J'entens, dist le Roy, que vous soyez mon lieutenant general en ceste armée. (Bueil, II, 1461-1466, 171)

'Je n'entendz point que nous eussions le corps, mais j'entendz que nous eussions la teste et que le corps fust demeuré.' (Comm., II, 1489-1491, 74)

Et merveilleusement mal content se partit du roy pour le reffuz, disant que ses affaires le contraignoient de s'en retourner ; mais oncques puis le roy ne le vit, mais laissa messire Galiace de Sainct-Severin avecques le roy, et entendoit qu'il fust en tous conseilz (Comm., III, 1495-1498, 57)

b)Entendre (à/de) + inf. Avoir l'intention de faire qqc..

Entendre + inf.

...ilz promistrent et jurerent li uns à l'autre que jamaiz jours de leurs vies ne feroient aucun autre mestier que gaigner où ilz pourroient trouver à gaigner, lequel gaing il entendoit et entend embler (Reg. crim. Chât., I, 1389-1392, 97)

LE MARQUIS [à Griseldis] . (...) ou cas que je te prendray A femme et espouseray (Que j'entens faire de present), Savoir vueil par droit convenant Se... (Gris., 1395, 37)

Toutesvoies, entre autres choses, la Court de Parlement volt noter que, en tant que mondit segneur le Dauphin se disoit regent et avoir prins le gouvernement de ce royaume, ycelle Court n'entendoit aucunement par la publicacion ou lecture desdictes lettres, ne par ce qui estoit fait ou dit en ladicte assemblée, prejudicier ou attempter contre l'auctorité et puissance du Roy nostre souverain seigneur, ne entamer aucune chose ou prejudice ou à la diminucion de sa magesté ou auctorité royal (Fauq., I, 1417-1420, 278)

...pour deliberer derechief sur ce que ilz entendoient dire à maistre Pierre de Canteleu (Fauq., II, 1421-1430, 195)

Et pour ce loyalment faire, par les sermens que j'ay fais, je ne ay ne entens porter sur moy ne sur mon cheval parolles, pierres, herbes, charmes, charoys, conjuracions, invocacions de annemis (La Sale, Salade, c.1442-1444, 220)

Ce vaillant prelat, dont j'entens fournir ceste derreniere nouvelle, vint ung soir (C.n.n., c.1456-1467, 580)

Et non pourtant je n'entends pas suivre toute l'ordre de sa posterité et generacion, ainçois tiendray la plus certaine et laisseray celle de Caïm (Simon De Phares, Astrol., c.1494-1498, f° 11 v°)

Entendre à + inf.

...d'illec il se transporta en l'ostel d'icellui messire Phelippe, ouquel la dame et plusieurs autres damoiselles estoient, qui moult fort entendoient à faire aouster et mettre leurs biens ens. (Reg. crim. Chât., I, 1389-1392, 31)

Ne nous vueil plus faire de proverbes ne d'exemples. Et ce que je vous en ay fait, c'est pour ce que je vous entend a traictier comment la noble et puissant forteresse de Lisignen en Poictou fu fondee par une faee, et la maniere comment, selon la juste cronique et la vraye histoire, sans y appliquier chose qui ne soit veritable et juste de la propre matiere. (Arras, c.1392-1393, 4)

...par quoy le Roy et le duc de Bourgongne n'avoient peu secourir à ladicte ville de Rouen, ainsi comme ilz entendoient et desiroient à faire. (Fauq., I, 1417-1420, 230)

...pour estre avec autres es conseilz et traictiez que le Roy entendoit à faire pour le bien et conservacion de lui et de sa segnorie. (Fauq., I, 1417-1420, 343)

...et protesta ledit Erard qu'il n'entendoit par ce qu'il avoit à dire à aucun injurier (Fauq., III, 1431-1435, 101)

Lors le mareschal les fist jurer sur sains Euvangiles que (...) ilz ne portoient ne savoient chose sur eulx, ne entendoient a porter, ne porteroient, comme briez, parolles, charmes, herbes, conjuracions, ne autres diaboliques operacions de mal engin pourquoy l'un contre l'autre ne peussent offendre ne deffendre (La Sale, J.S., 1456, 125)

...elle lui dist : 'Sire de Saintré, que entendez vous a faire ?' (La Sale, J.S., 1456, 294)

Entendre de + inf.

'Nous vous verrons assez souvent, car nous entendons de acquerir nostre part de voz pardons plus largement que ores' (La Sale, J.S., 1456, 253)

Dont vient cecy ? Que deable pence tu ? Veulx tu avoir a ton pere debat ? A quelle fin de venir entens tu ? Chose ne sçay a quoy tu preigne esbat. (La Vigne, S.M., 1496, 169)

c)Entendre (à) qqc. Se fixer comme but, viser qqc..

Entendre qqc.

Et tele puissance est aussi comme une industrie naturele ou engin et subtilité par quoy l'en est abile a ouvrer les choses qui sont a une entencion et avecques ce, actaindre et obtenir par telz moiens la fin que l'en entent. (Oresme, E.A., c.1370, 357)

...ausi comme une pierre precieuse ou une herbe qui par mouvement est mise sus le ouil ou sus autre membre ne aquiert en soy par ce mouvement autre perfection fors que par ce est appliquié a oevrer a la fin que entent celui qui ainsi l'applique. (Oresme, C.M., c.1377, 508)

Dieux (...) soustient lez pecheurs en entendant leur conversion (Bouvet, Arbre bat. R.-B., c.1386-1389, 371)

Entendre à qqc.

...cest hostel luy avoit delivré, affin de mieulx pourchasser et conduire sa queste, et venir aux fins et intencions ou il entendoit (C.n.n., c.1456-1467, 502)

II. -[Idée de perception auditive] Entendre qqc. Percevoir par l'ouïe.

A. -[L'objet de la perception est un bruit, un son quelconque]

La noise fu grant du charpenteis des espees, des haches, des brans, du bruit et du cry des abatuz et navrez et du son des trompettes. Ceulx de la ville entendirent l'effroy, si coururent aux armes et chascun a sa garde, car fort se doubtoient de trahison. (Arras, c.1392-1393, 162)

Mais il n'ot pas gramment erré, Quant un monstre moult merveilleux, Trop redoubtable et perilleux, De la montaigne descendi, Si tost que ses pas entendi. (Chr. Piz., M.F., II, 1400-1403, 289)

Neantmoins le Mareschal les fist taire et tellement qu'il ouyt et entendit le bruyt de la bataille. (Bueil, I, 1461-1466, 109)

Comme le jour fut cler et que l'heure aprocha, qui estoit d'huict heures du matin, comme j'ay dit, que l'on devoit assaillir, feïst le duc tirer la bombarde et les deux coups de serpentine pour advertir ceulx de l'avant garde (...) Ilz entendirent l'enseigne. Incontinent se disposèrent à l'assault. (Comm., I, 1489-1491, 160)

[P. méton. de l'obj. : le compl. réfère à la source du bruit perçu]

Puis vindrent sur le bort du fossé, rompirent la haye et, en cuidant approucher au pié du pal, le guet les entendit. (Bueil, I, 1461-1466, 69)

Vela mes gens, par sainct[e] Helaine. Pas ne cuident que soye ceans. (...) Ce sont ilz, bien je les entens. (Sots mal., c.1480, 79)

Entendre qqn + relative

...[elles] entendirent leurs mariz qui se couchoient en l'autre chambre. (C.n.n., c.1456-1467, 202)

B. -[L'objet de la perception est la parole ou la voix]

1.Entendre qqc.

...et dist aussi plusieurs paroles que elle qui parle ne pot ouyr, pour ce que ladite Margot parloit moult bas, et ne povoit entendre ce que elle disoit (Reg. crim. Chât., I, 1389-1392, 340)

...a l'approuchier, ilz entendirent moult de piteuses voix qui griefment se lamentoient, dont ilz furent fort esmerveilliez. (Arras, c.1392-1393, 28)

Quant ceulx entendent ceste parole, si respondent : Monseigneur, il n'a cy que raison. (Arras, c.1392-1393, 157)

...il dissent : 'Adieu, bonnes gens, priiés pour nous', et la porte fu reclose, si tres grande plorrie, brairie et criie des fenmes et enfans et des amis de ces bonnes gens que grans hisdeurs estoit a l'oir et comsiderer ; et meismement messires Gautiers de Manni en entendi bien la vois et en ot pité. (Froiss., Chron. D., p.1400, 845)

Mesmes estoit il si près d'eulx qu'il entendoit plainement tout ce qu'ilz disoient. (C.n.n., c.1456-1467, 320)

[Avec un verbe factitif]

Faire entendre qqc. à qqn

Le roy, à qui il suffisoit d'avoir joué son personnaige et faire entendre au seigneur de Contay les parolles dont usoit et faisoit user ce connestable par ses gens, ne leur feït nulle malle gracieuse responce (Comm., II, 1489-1491, 51)

Estre donné à entendre à qqn

Lesquelles parolles dictes, par Brunsvic le herault venu avecques lui lui furent de mot a mot donnees a entendre. (La Sale, J.S., 1456, 159)

2.[P. méton. de l'obj.]

Entendre qqn

...les sieges et bancs et porches de la Chambre du Parlement estoient (...) malaisez et trop bas d'environ pleinne paume ou demi piet, pour quoy l'en ne povoit entendre les advocas si bien qu'il apartenoit (Baye, I, 1400-1410, 155)

Et en disant ces parolles, le seigneur de Saintré (...) prestement descendit, et quant Madame le vist a terre, si hault que pluseurs l'entendirent lui dist : 'Ha ! sire, que le tresmal venu soiez vous !' (La Sale, J.S., 1456, 273)

Il se nomma hault et cler, et bien l'entendirent et cogneurent sa bonne femme et le bourgois. (C.n.n., c.1456-1467, 25)

...il parla voire si hault que l'espousé, qui n'estoit pas loing, l'entendit tout du long (C.n.n., c.1456-1467, 298)

Entendre qqn + inf.

Fausse gent, que voulez vous faire ? Encore n'est pas revenu le messaige qui est alez querre le secours au roy d'Ausaiz. Prenez cuer en vous, car vous orrez par temps bonnes nouvelles. Quant ceulx les entendirent ainsi parler, si respondirent au conseil des Sarrasins que ilz ne se rendroient point et qu'ilz estoient tous confortez en contre leur puissance. (Arras, c.1392-1393, 181)

Et ordonna tantos de lor estat, qant il ot entendu recorder sa serour et le conte de Qent la vie, l'affaire et l'ordenance dou roi d'Engleterre et de ce Hue le Espensier (Froiss., Chron. D., p.1400, 50)

Quelle fut la joyeuse exultacion de vostre esperit quant vous entendistes une grant multitude d'angelz chanter a heure de minuyt a haulte voix, tellement que toute la terre et tout le ciel en resonnoit (Gers., Noël, p.1404, 291)

Emploi pronominal réciproque. Soi entendre

Ilz me dirent que la rivière estoit trop large et couroit fort, par quoy ilz ne s'entenderoient point à parler (Comm., III, 1495-1498, 199)

3.Emploi absolu.

Et quant Remondin, qui bien savoit le contraire, l'ouy, si fu moult doulens, et lui debaty tant les temples du poing atout le gantelet, qu'il fu si estourdiz qu'il ne veoit, ne ouoit, ne entendoit, ne se sentoit chose que on lui feist. (Arras, c.1392-1393, 64)

III. -[Idée d'acquisition de connaissance ou bien de compréhension, d'intellection]

A. -[Avec une subord. ou une constr. équivalente ; marque l'acquisition d'une connaissance]

1.[Connaissance acquise exclusivement grâce au sens de l'ouïe] Entendre que

Lors d'une vois douce et serie, Clere, seinne, en tel melodie Commensa son chant dalés mi C'un petitet m'i endormi, Mais ne fu pas si fermement Que n'entendisse proprement Qu'einsi commensa par revel Joliement son chant nouvel (Mach., R. Fort., c.1341, 71)

...et entendirent aucuns des assistens que ledit Loys dist oultre qu'il n'avoit à respondre que en la Chambre des comptes. (Fauq., I, 1417-1420, 314)

Cinelle, escoulte Jhesus ! N'entens tu pas qu'il a crïé ? (Pass. Auv., 1477, 221)

2.[Connaissance acquise grâce à une information reçue] Acquérir la connaissance de qqc..

a)Entendre que

Et quant tuit furent descendu Dedens la mer, j'ay entendu, Et le me dist uns chevaliers, Qu'il n'estoient pas viij. milliers, Bons et mauvais, grans et petis (Mach., P. Alex., p.1369, 74)

Qant li rois et li sires Espensiers entendirent que la roine et ses fils revenoient la a poissance de gens d'armes (...) si furent tout esbahi (Froiss., Chron. D., p.1400, 81)

Qant chil qui la estoient, entendirent que les besongnes se portoient ensi, si furent tout abus (Froiss., Chron. D., p.1400, 207)

Et ja avoit il entendu, ensi que renonmee court et vole moult tos de pais en aultre, que mesires Robers d'Artois enortoit le roi d'Engleterre a calengier la couronne de France (Froiss., Chron. D., p.1400, 235)

...la Court a entendu par plusieurs foiz que moult des procureurs de ceans exigent de leurs maistres (...) grans finances et argent (Baye, I, 1400-1410, 62)

Et quant la royne entend que le roy lui a donnez IIJ^M escus, elle en fut tres joieuse. (La Sale, J.S., 1456, 93)

Entendre de/par qqn que

Et en ce party vagant, vint a Hervy, le filz Alain, un homme trespassant, qui venoit de Guerrande, et avoit passé par le recept ou ly chastellains estoit, et avoit entendu par aucuns des varlez d'icellui chastellain qu'ilz actendoient gens a qui ilz ne vouloient point de bien. Mais il ne lui avoit pas descouvert qui ilz aguettoient. (Arras, c.1392-1393, 69)

...et entendirent [Gautiers de Manni et ses gens] par les gens dou pais qui estoient tout esfraé, que li François couroient, et avoient li pluisseur trouvé des chevaus et roboient le pais. (Froiss., Chron. D., p.1400, 540)

Et se penserent, comme si le saint esperit leur eust revelé, que la maistresse pourroit bien suyvir la chambriere, ad ce qu'ils entendirent de la chambriere que sa maistresse l'envoyoit devers le curé pour savoir qu'il tardoit tant de venir oultre l'heure prinse entre eulx deux. (C.n.n., c.1456-1467, 355)

[Dans le discours narratif de récits présentés comme oraux]

Or vous devez entendre que nostre marchant de blé fist son Saint Omer de l'ostel d'un de ses amys [Le voyage à Saint-Omer était une ruse] (C.n.n., c.1456-1467, 442)

Or entendez que chacune foiz que nostre cyrurgien venoit visiter son malade, la belle chambriere le compaignoit (C.n.n., c.1456-1467, 503)

Emploi impersonnel. Il s'entend que

..et se ainsi ne se fait sans grant delay, s'entent assez par aucuns que lesdis seigneurs sont disposez d'eulx mettre sus à grant puissance et de faire guerre de feu et de sang et la plus dure qu'ilz pourront (Baye, II, 1411-1417, 121)

b)Entendre + interr. indir.

Or fera il moult bel entendre A quel fin je ten et vueil tendre. (Mach., D. Aler., a.1349, 368)

...chils rois Robers de Brus entendi conment li rois d'Engleterre avoit esté pris et desposés de sa couronne, et ses consauls justichiés. (Froiss., Chron. D., p.1400, 110)

Gloire soit a Dieu la sus, et en terre paix aux hommes de bonne voulenté ! Entendez, roys, princes et seigneurs et toutes devotes personnes, entendez quelle belle personne est au jour d'uy faicte : elle comprent et ciel, et terre, et Dieu, et homme (Gers., Noël, p.1404, 292)

A cela veulx tendre : Oyr et entendre Se je le doy faire. (La Vigne, S.M., 1496, 147)

[Dans le discours narratif de récits présentés comme oraux]

Mais entendez comment il perceut qu'il avoit failly. (C.n.n., c.1456-1467, 512)

Emploi pronominal à sens passif.

...maintenant s'entendra qui m'a meu de tenir si long compte de ceste matière. (Comm., I, 1489-1491, 79)

c)Entendre qqc. estre

...et nous aimerons, cherirons et entretendrons comme freres (...) advertirons l'un l'autre de tout ce que saurons ou entendrons estre au prouffit, dommage, honneur ou deshonneur l'un de l'autre et de nos seignouries, terres, pays et subgiez. (Fauq., II, 1421-1430, 95)

d)Entendre qqc.

[Equivalant à entendre que]

...[elle] luy manda qu'elle viendroit ennuyt soupper et coucher avecques luy. Quand maistre cordelier (...) entendit la venue de sa dame, pensez qu'il fut joyeux (C.n.n., c.1456-1467, 261)

[Equivalant à entendre + interr. indir.]

Et quant Saintré entend les tresgrans biens, les honneurs et la tresgrant amour que Madame lui porte, comme ravy de joye a perdu le parler, toutesfoiz a genoulz se mist et tout le mieulz qu'il peust la remercia. (La Sale, J.S., 1456, 79)

...la vaillant femme fut contente d'oyr et entendre son cas. (C.n.n., c.1456-1467, 24)

...et y en avoit six de ce nombre des ostaiges, que peu de jours avant avoit delivréz, avecques les condicions que avez entendues cy-dessus. (Comm., I, 1489-1491, 110)

[Compl. nominal et interr. indir. coordonnés]

Quant Piètres dou Bos (...) entendi la desconfiture de ses gens (...) et comment il s'esbahissoient en Bruges, si ne fu pas bien aseurés de li meïsmes. (Froiss., Chron. R., XI, c.1375-1400, 60)

Entendre des nouvelles

Qant li rois d'Engleterre entendi ces nouvelles, il fist venir mesire Gautier de Manni devant lui. (Froiss., Chron. D., p.1400, 835)

Quant le chevallier entend ceste nouvelle, comme homme desesperé incontinent se part (La Sale, Salade, c.1442-1444, 108)

e)[Sans compl. dir.]

[Avec un compl. de propos]

: Si se logièrent dedens la cité de Rennes et environ et s'i reposèrent et rafreschirent, pour aprendre et mieulz entendre dou couvenant de leurs ennemis. (Froiss., Chron. L., VI, c.1375-1400, 152)

Et tant esploitièrent qu'il vinrent en le cité d'Agen. Si se tinrent là un petit, pour yaus rafreschir et entendre des ennemis. (Froiss., Chron. L., VII, c.1375-1400, 141)

De Normandie le roy ne vouloit entendre pour nulle chose (Comm., I, 1489-1491, 76)

Il aymoit à demander et à entendre de toutes choses (Comm., I, 1489-1491, 130)

[En compar.]

...li dus de Normendie estoit d'aultre part la riviere, et fu moult esmervilliés qant il vei si belle gent d'armes et tant de logeis que les hoos de son cousin le conte de Hainnau comprendoient, car ensi que il entendi par ses gens meismes, tous les jours li croissoient gens. (Froiss., Chron. D., p.1400, 401)

Mais pou lui tourna a prouffit Son engin et quanqu'il y fit, Car, si com par l'istoire entens, Ains que passast gueres de temps, Celle dame ot de son mari .I. beau filz (Chr. Piz., M.F., II, 1400-1403, 192)

Madamoyselle de Bourgongne, comme l'on dit, eut très grand joye de ceste adventure, et ceulx qui l'aymoyent, car l'on dit pour certain que lesditz Gantoys estoyent deliberéz de le luy faire espouser par force ; car de son consentement ne l'eussent sceü faire, pour plusieurs raisons, comme vous avez entendu de luy par cy-devant. (Comm., II, 1489-1491, 239)

3.[Avec un verbe factitif]

a)Faire entendre

Faire savoir qqc. à qqn.

Faire entendre (à qqn) que

Si que je vous puis faire entendre Pour voir, sire, que vostre gendre C'est une femme. (Mir. fille roy, c.1379, 95)

Faire entendre qqc. (à qqn)

D'autre part aucuns hommes sont Qui pour honte ou honeur garder N'osent leur dame resgarder : A la feste treuvent chansons Qu'ilz chantent et par piteus sons Font bien a leurz damez entendre Leur fait (Desch., M.M., c.1385-1403, 136)

Finablement il ne leur povoit fere nulle chose entendre dont ilz fussent contens. (La Sale, Salade, c.1442-1444, 54)

Faire croire qqc. à qqn.

Faire entendre (à qqn) que

Si ne puis nullement comprendre, Ne nuls ne me feroit entendre Que, quant amours .j. amant prendre Vuet, que ce soit pour lui destruire (Mach., Lays, 1377, 381)

Ce maistre cy que vous veez porter robe de martres fourree, pourpoint de soye, chausses brodees, et si jolis, nous veult faire entendre qu'il n'a point de dame, et qui pis est, n'est point amoreux. (La Sale, J.S., 1456, 62)

[D'une chose]

Ne riens ne me feroit entendre Que nuls homs vosist son cuer fendre Si crueusement, n'entamer, Comme Tisbé fist pour amer. (Mach., J. R. Nav., 1349, 246)

Faire entendre faux (à qqn)

La tierce branche d'avarice si est fraude. C'est quant une personne par decepcion, par barat, ou fraudeleusement, en l'achat ou vente d'une chose, dit mensonges a la personne de qui elle veult acheter ou vendre, en lui faisant faulx entendre, et que la chose vaille moins ou plus ou mieulx qu'elle ne fait. (Ménagier Paris B.F., c.1392-1394, 33)

b)Faire entendant

Faire savoir qqc. à qqn.

Faire entendant (à qqn) que

...on m'a fait entendant Que vous estes d'enfant ensainte (Mir. abbeesse, 1340, 91)

Persuader qqn de qqc.

...en cela sont il né et obstiné, ne nuls ne lor poroit faire entendant le contraire. (Froiss., Chron. D., p.1400, 42)

Faire croire qqc. à qqn.

Faire entendant (à qqn) que

...comme deux loups s'accordent a prendre une brebis, et faisoyent entendent que c'estoit grande liberalité et souverainne vaillance et de les souffrir ainsy nourrir. (Gers., Noël, p.1404, 308)

Si ont ycelles office d'acheter la viande et aler a la char, ou trop bien batent le cabaz - qui est un mot communement dit, qui est a entendre : faire acroire que la chose couste plus que elle ne fait, et retenir l'argent. Si font entendant que le quartier de mouton leur couste .IIII. solz que elles ont pour .X. blancs ou moins, et ainsi des autres choses : si peuent par ycelle voye faire aval l'annee grant dommage en un hostel. (Chr. Piz., Trois vertus W.H., c.1405, 209)

Faire entendant qqc. (à qqn)

Maiz ce qu'elles [les jeunes femmes] en [de la magie] font espoir c'est pour mieulx tenir leurs amis en leur servage ou pour les mieulx a leur amour attraire selon ce que les vieilles de grant malice plaines leur ont fait entendant, dont elles sont moult souvent deceues et si que elles en perdent leurs amis qu'elles cuidoient mieulx a leur amour attraire (Evr. Conty, Harm. sphères H.P.-H., c.1400, 97)

Me voulez vous faire entendant De vecies que ce sont lanternes ? (Path. D., c.1456-1469, 122)

Mes seigneurs, il fault adviser Sur la garde du corps Jhesus, Pour nous garder d'estre confus. J'ay peur que ses disciples et gens Pour covrir leur malices grans L'emportent pour faire entendent Au peuple son succistement [Réf. à Matth. 27, 64] (Pass. Auv., 1477, 271)

c)Donner (à) entendre

Faire savoir qqc. à qqn.

Donner à entendre (à qqn) que

Or ça, maistre, l'en m'a donné A entendre que detenteur Estes et conme recepteur Des tresors qui sont de l'empire ; Si fault que vous me sachiez dire Que fait en avez et après Qu'apareilliez soiez et prez De sacrefier a noz diex (Mir. st Lor., 1380, 165)

Sire, dist ly chevaliers, on m'a donné a entendre que vous estes partis de vostre pays en entencion de venir aidier au roy de Chippre. Par foy, dist Uriiens, il est voirs. (Arras, c.1392-1393, 92)

...pour ce que l'en lui avoit donné entendre que le procureur du Roy à Amiens se plaignoit de lui devers ycelle Court. (Baye, I, 1400-1410, 59)

...neantmoins depuis ce, ledit escuier se traist par devers feu mondit seigneur et lui donna à entendre que sesdiz mandemens et lettres de cent frans pour don à lui fait comme dit est, estoient perdues (Comptes Etat bourg. M.F., t.1, 1419, 132)

Au passif. Estre donné à entendre (à qqn) que

Et fu donné a entendre au roi d'Engleterre que li iviers aproçoit et les longes nuis et froides, que toutes gens resongnent de jesir as camps et que, pour celle saison, on en avoit assés fait. (Froiss., Chron. D., p.1400, 455)

Donner à entendre qqc. (à qqn)

Mais, pour mieulx donner a entendre La fin du procés ou vueil tendre, Vous diray qui je suis, qui parle, Qui de femelle devins masle Par fortune, qu'ainsy le voult (Chr. Piz., M.F., I, 1400-1403, 12)

...mais il fault vous donner à entendre les matières en quoy on vous veult embesongner et pourquoy vous avons envoyé querir (Bueil, II, 1461-1466, 160)

Sur ce, retournerent au Roy et lui donnerent le cas à entendre, ainsi que le Jouvencel leur avoit remonstré. (Bueil, II, 1461-1466, 164)

Donner à entendre qqn. Faire savoir quel est....

Premierement, pour donner a entendre les princes de leur armee, c'estoit le marquis de Mentoue pour les Veniciens, et pour le duc de Millan le conte Galiach et le seigneur Fercasse avecques d'autres grans capitaines (La Vigne, V.N., p.1495, 291)

Faire croire qqc. à qqn.

Donner à entendre à qqn que

...il y eust quelque filz de bonne mere qui dist au Jouvencel, pensant mettre quelque grant brouilliz et quelque grant debat entre le roy Amydas et lui, et lui remonstra comment il estoit trompé et que le roy Amydas avoit ung petit filz, lequel avoit donné à entendre qu'il estoit mort et l'avoit fait cachier et nourrir en loingtain payz, affin qu'il n'en fut nouvelle (Bueil, II, 1461-1466, 252)

[D'une chose]

...car aucune foys une beste fait bruit, ou les oreilles cornent ou ung homme seul ou deux, qui passent païz, ou cincq ou six hommes qui vont pour gaigner à pié ou à cheval, ou le vent qui souffle, donne aucuneffoys entendre aux gens qu'il y a quelque bruit où il n'y a riens, et y a gens qui se effraient de pou de chose. (Bueil, I, 1461-1466, 204)

Donner vrai/verité/faux à entendre à qqn

Si conclud à son estat, et que les lettres dudit Prince ne soient enterinées, et ou cas que son estat ne tendroit, demande delay pour avoir instruction de la Duchesse, et soit oy, car Orenge n'a pas donné vray à entendre au roy d'Angleterre. (Fauq., I, 1417-1420, 384)

Replique Orenge et dit que ses lettres sont raisonnables et peut disposer le Roy de ses offices ad nutum, et n'a rien donné à entendre Orenge au Roy ne au Conseil que verité (Fauq., I, 1417-1420, 384)

Or est ainsi quë envieux Mesenvieux Luy ont donné faulx a entendre (Régn., F.A., 1432-c.1465, 194)

4.[Connaissance acquise grâce à un raisonnement] Se rendre compte de qqc..

Entendre (à/par qqc.) que + ind.

...il ala d'aventure ès halles de Paris (...) et se adreça à eulx et leur dist : Dieu gart les compoingnons ! Et après ce que ilz lui orent respondu, il entendi à leur langaige que ilz estoient de Champaingne. (Reg. crim. Chât., I, 1389-1392, 433)

...il entrouy une voix qui chantoit si melodieusement que il ne cuida pas pour l'eure que ce ne feust voix angelique, mais toutes foiz il entendy assez, par la grant doulcour de la voix, que c'estoit voix femmenine. (Arras, c.1392-1393, 6)

Lors, sans plus dire, s'entrecourent sus, et s'entredonnent de grans coups et de crueulx, et oit on la noise qu'ilz font de passer et de despasser, et du tinteis des espees sur les bacinez, tout contreval la forteresse. Et bien entendent que Gieffroy a a forte partie a faire, et ja y feussent venus les deux freres, se ne feust ce que Gieffroy leur avoit deffendu. (Arras, c.1392-1393, 298)

'Cousins de Pennebruq, bien venant ! Vous venés tout a point pour espardre de la benite iaue sus les mors.' Li contes de Pennebruq entendi bien que li contes Derbi le galoit (Froiss., Chron. D., p.1400, 620)

...mesmes, si la laissoit arriere, elle tiendra bien telles et si bonnes manieres qu'il entendra bien qu'elle en veult a luy. (C.n.n., c.1456-1467, 146)

Et, quant gens tournent le doz à leurs ennemyz, toutes gens de guerre entendent bien qu'ilz sont deffaiz. (Bueil, II, 1461-1466, 235)

Vous entendez maintenant par ce que manda le duc de Guyenne et puis le connestable que ceste chose estoit deliberée entre eulx (Comm., I, 1489-1491, 181)

SAINCT MARTIN. Comment voulez vous qu'on entende Qu'il est martir ? Premier prestre : Par oÿr dire ; (...) SAINCT MARTIN. Dire puis doncques sans mesdire Que son faict ne vault une poire. (La Vigne, S.M., 1496, 427)

Entendre qqc.

L'aultre entendit tantost la folie et au plustost qu'il peut il se deffist d'elle (C.n.n., c.1456-1467, 70)

C'est ce Jhesus en bonne foy Qui par dïabolique action A fait songer celle vision A ta femme pour t'empescher De le jucger et condempner. Non entens tu pas la cautelle ? (Pass. Auv., 1477, 169)

...mais en leur compaignye se misdrent tant de francs archiers (sans entendre la malice, mais seulement pour gaigner) que, comme ilz furent dedans, tout ce print à piller, et fut la ville bruslée et destruicte. (Comm., II, 1489-1491, 265)

On l'a bien fait tirer arriere. (...) Si tost qu'il fut a la barriere, Il entendit bien la remyse. (La Vigne, S.M., 1496, 503)

[Avec le pron. neutre le]

Tu es ung bon marchant de peautre, Je l'entens bien a ta devise (Tr. Men., c.1480-1500, 289)

Jamais Dieu ses amys n'oublye, Ains les a pour recommandez Ne ses servans poinct n'entroublie, Comme par cecy l'entendez. (La Vigne, S.M., 1496, 506)

Emploi pronominal. Se rendre compte que.

Et quoy que le duc d'Orliens s'entesist bien que tel fame couroit sur sa femme, il en estoit tous merencolieux et s'en dissimuloit au mieulx et plus bel qu'il pouoit (Froiss., Chron. [Livre IV] V., c.1400, 645)

B. -Saisir par l'intelligence, avoir une idée précise de qqc., comprendre.

1.[La compréhension porte sur un obj. quelconque]

a)Entendre qqc.

Tant come la chose sensible ou entendible, c'est a dire qui puet estre entendue, est tele comme il appartient et bien conveniente et que le sens ou entendement est bien disposé et discerne, cognoist et considere tele chose, tant longuement est et dure delectacion en l'operacion. (Oresme, E.A., c.1370, 508)

Or vous diray comment il en estoit avenut du temps passé, affin que la matiere vous soit plus clere à entendre. (Froiss., Chron. M., XV, c.1375-1400, 157)

...combien que raison naturelle nous enseigne que en Dieu sont telles choses ou que Dieu est telle chose, toutevoies nous ne pourrions ce comprendre ne plainnement entendre pour ce que nostre entendement depent de noz senz naturelz lesquelz sont corporelz, mais nous les entendons imperfectement. (Oresme, C.M., c.1377, 272)

...je dy que les secrez jugemens de Dieu et les punicions sont invisibles a congnoistre a entendement humain, car il est trop gros pour entendre l'espite espirituelle, ne comprendre que c'est. (Arras, c.1392-1393, 311)

Vray est que je pourray bien dire pluseurs choses de ce miroir et de ceste ymaige de l'ame, lesquelles chascun n'entendra pas. (...) Si je vous dis choses terriennes, choses dedans vous, et point ne les entendez, qui vous dira choses celestiennes, choses dessus vous, veez comment les comprendrez ? Neantmoins je scay bien que c'est grande consolacion d'oïr parler de Dieu et des choses divines, et n'est pas temps perdu, jassoit ce que on ne entent pas tout, comme les simples gens oyent a proffit le service de l'eglise en latin combien que ne l'entendent mie. (Gers., Trin., 1402, 155)

Et pour ce on ne doit iamais faire violence a son ymaginatiue, comme font aucuns qui sefforcent a conceuoir plus quilz ne peuent, ou qui trop se donnent a choses subtilles entendre, ou trop haultes a leur entendement, ou qui veulent fantasier choses qui ne sont pas fantasibles, comme les choses spirituelles. (Cib., p.1451, 213)

Le bon mignon, quand il entendit ce mystere et la subtille comparaison que [monseigneur] a faicte, fut tout confus (C.n.n., c.1456-1467, 84)

'Et je n'entens point ceste maniere de faire, disoit il en son pardedens. Ceste femme est contente que je couche avecques elle et que je face tout ce qu'il me plaist ; mais du baiser je n'en fineroye neant plus que de la vraye croix ? Par la mort bieu ! je ne sçay entendre cecy...' (C.n.n., c.1456-1467, 316)

Comme dist l'apostle : 'Les choses invisibles de Dieu sont entendues par les choses qui sont faites visibles.' (Somme abr., c.1477-1481, 112)

La raison si est, car la nature des choses simples nostre entendement ne puet parfaitement entendre ou comprendre si non par negation, par quoy se remeuvent les choses qui ne competent a icelles pour leur simpleté. (Somme abr., c.1477-1481, 141)

...il fut homme très veritable en ses diz, mais pource qu'il a coullouré ses diz en aucunes choses comme les poetes, il semble qu'il parle de choses impossibles, mais les bons cosmographes entendent bien la verité aucunes foiz couverte en diverses formes (Simon De Phares, Astrol., c.1494-1498, f° 133 v°)

Entendre les gammes/sa gamme. Savoir ce que l'on doit faire.

BEAUC[OP]. (...) De leurs fatras je suis si plain, Qu'estaindre je ne puis mes flames. JOYEULX. Entendent elles bien les games ? BEAUCOP. C'elles l'entendent ? ouy dea ; Par bieu, bien fin ce trouvera Et bien oultrageux, sur mon ame, [Cestuy] qui les affinera. (B. veoir, p.1480, 19)

Mon amy, vous avez grant blasme De vous ainsi desesperer. C'est mal entendu vostre game ; Garde n'avez de prosperer. (La Vigne, S.M., 1496, 411)

Entendre qqc. de qqc./à qqc.

Et pour declarer ce que je entent de ceste chose, je suppose que... (Oresme, C.M., c.1377, 702)

Pour quoy sont deceuz les rudes Juifs, et Sarrasins, et aucunes simples gens qui n'entendent riens des choses espirituelles (Gers., Trin., 1402, 168)

...car on faisoit sur le livre ce qu'on povoit pour n'y entendre ryens. (Tring., c.1477-1483, 293)

N'y entendre ni gros ni gresle. Ne rien comprendre à qqc..

Quant a moy, par saincte Marie, Je n'y entens ne gros ne gresle. Il m'a broullé de pelle mesle De brebis a... de relevee (Path. D., c.1456-1469, 140)

b)Entendre Dieu

Lymage de creacion est en tous bons et mauuais en tant quilz sont naquis en puissance dentendre et de aymer dieu (Cib., p.1451, 204)

c)Emploi pronominal à sens passif.

Et ainsi il appert que teles propositions ne se peuent proprement entendre sans exposition. (Somme abr., c.1477-1481, 119)

Cela s'entend. Cela va de soi.

Et du premier commendement, De la Loy, qui dit qu'on doibt croire, (Non pas l'escot quant on va boire, Cela s'entend,) en ung seul Dieu (Fr. arch. B., c.1468-1480, 42)

d)Entendre + interr. indir.

Semblablement, pour ce que la congnoissance de nostre entendement depent de noz senz qui sont corporelz, nous ne povons comprendre ne proprement entendre quelle est ceste espasce incorporelle qui est hors le ciel. (Oresme, C.M., c.1377, 176)

Et avec eulx Maintenant l'un ou maintenant les deux Le mainent la ou il n'ose aler seulx, Et il y va dessoubz l'ombre de ceulx Qui pas n'entendent A quelle fin toutes ses euvres tendent. (Chart., D. Fort., 1412-1413, 171)

...[elle pensait] qu'il fust si sage que, sans luy declarer ne monstrer plus avant, il deust entendre pour quoy elle l'avoit mandé. (C.n.n., c.1456-1467, 572)

Entendre où qqn veut venir. Comprendre les intentions de qqn.

Et quant Madame l'oïst ainsi parler et par raison, et qu'il n'entend pas ou elle veult venir, lors ne se peust tenir de son cuer descouvrir (La Sale, J.S., 1456, 35)

Se seroit a moy grant reprouche, J'entens bien ou tu veulx venir, Derriere les vouldrois tenir Sur peine de paier l'amende. (Tr. Men., c.1480-1500, 290)

e)Emploi absolu. Avoir la capacité de comprendre.

Les biens de nature viennent du corps, et sont beauté, bonté, bon lengaige, bon sens pour entendre, bon engin pour retenir (Ménagier Paris B.F., c.1392-1394, 21)

Et combien que ces trois choses sont en Dieu selon la verité de la chose, toutevoies selon la difference de la chose, c'est a dire selon la signification d'une chascune quantité en soy consideree, pas ne sont en Dieu, mais selon que elles regardent nostre entendement, afin que le puissons entendre selon nostre faculté et enfermeté d'entendre. (Somme abr., c.1477-1481, 128)

...comme en l'ame sont diverses vertus, c'est a scavoir la puissance intellective, par laquelle elle entent, la puissance raisonnable, par laquelle elle raisonne et juge et discerne (Somme abr., c.1477-1481, 147)

f)infinitif substantivé. Intelligence, aptitude à comprendre.

...nostre entendre et entendement comparé a celle lumiere a quelle nulle creature ne puet attaindre ne approcier (Somme abr., c.1477-1481, 133)

2.[La compréhension porte sur un obj. de nature linguistique] Percevoir, saisir le sens de (ce qui est dit ou écrit).

a)Entendre qqc.

D'autre partie, une science qui est forte quant est de soy ne puet pas estre bailliee en termes legiers a entendre. (Oresme, E.A., c.1370, 100)

Une beste jamais ne pourroit entendre ce que je luy diroye de pluseurs choses que je scay estre vrayes, et congnois tres clerement par diverses sciences. (Gers., Trin., 1402, 158)

Car souvent les motz succédens Font entendre les précédens. (La Haye, P. peste, 1426, 166)

Et après mondit seigneur le Chancelier respondi en effect qu'il avoit bien entendu ce qui lui avoit esté dit et qu'il en feroit son rapport au Roy pour y pourveoir à son bon plaisir. (Fauq., III, 1431-1435, 18)

[À propos d'une langue]

Je vous y vail un drugeman, Pour ce que j'entens bien latin Et que je parle sarrasin Et turquien. (Mir. roy Thierry, c.1374, 329)

Et disoient bien li auqun baron et chevalier d'Engleterre as chevaliers de Hainnau qui point n'entendoient le langage des Englois, et liquel ne haioient point les Hainnuiers, mais le disoient pour euls aviser, a la fin que il fuissent le mieuls sus lor garde... (Froiss., Chron. D., p.1400, 121)

Et point ne me vueil chargier de allegances ou concordances, (...) car a gens qui point n'entendent latin peu sont plaisans, proffitables ou edifians, et si en seroit mon fait trop plus long et obscur. (Gers., Concept., 1401, 390)

Alors le Cappitaine qui pour lors estoit me commanda que je veinsse icy, et, comment que fust, je qui entendoye toutes langues de cestes mers lui sceusse referir de quelles gens celles gens estoient, et que il me donrroit bien le vin. (La Sale, Salade, c.1442-1444, 151)

b)[P. méton. de l'obj.] Entendre qqn. Percevoir, saisir le sens de ce que dit qqn.

'Quels diables les a mandés ? Ne savons nous pas bien faire nostre guerre sans eux as Englès ? (...) Il ne nous entendent point, ne nous eux ; nous ne savons parler ensamble.' (Froiss., Chron. R., XI, c.1375-1400, 214)

Se vous ne me creés ou ne m'entendez, je le vous declereray. (Gers., Pent., p.1389, 76)

Si parla atempreement et remonstra tout en hault et [en] englois, a la fin que il fust mieuls entendus de toutes gens (Froiss., Chron. D., p.1400, 232)

Le roy pour l'andemain fist prier au disner le seigneur de Loissellench, les autres quatre barons (...) et aprés disner les dansses avec les dames, la royne presente, qui tres amiablement tous aquuillist, puis aucunement par gens des deux langues leur demanda des dames et des estas de leur pays, disant estre tres desplaisante qu'elle ne les entendoit. (La Sale, J.S., 1456, 148)

...me passeroye de faire le signe de la croix. Non pas, affin que bien vous m'entendez, que je ne sache tresbien que ce signe est suffisant a rebouter le deable... (C.n.n., c.1456-1467, 427)

[Le compl. est le nom d'un auteur]

Et pour ce dient aucuns que Aristote repreuve yci tant seulement la maniere de parler de Platon, ou l'opinion de ceuls qui ne entendoient pas bien Platon. (Oresme, E.A.C., c.1370, 113)

[Le compl. réfère à une personne qui s'exprime autrement que par le langage]

Mais quant vous me verrez que d'une espingle je furgeray mes dens, ce sera signe que je vouldray parler a vous. Et lors froterez vostre droit oeil, et par ce cognoistray que me entendrez, et a celle foiz y vendrez. (La Sale, J.S., 1456, 60)

Emploi pronominal réciproque. S'entr'entendre

Car soubdainement tel muance Mist [Dieu] ou lengage, qu'ilz parloient, Que, quant demander chaulx vouloient Li maçon, on leur portoit pierre (...) Et adont failli leur labours Et la fin, a quoy cilz tendoient, Pour ce qu'ilz ne s'entr'entendoient ; Lors se tindrent ilz pour trahy (Chr. Piz., M.F., II, 1400-1403, 153)

En particulier. S'entendre. Avoir des opinions, des pensées, des sentiments communs.

Et ceulz qui tiennent l'opinion de Empedoeles et de Democrites ne se entendent pas et, selon ce que il dient, ce ne seroient pas vraie generacion d'un element de lautre. (Oresme, C.M., c.1377, 634)

Comme le messaige arriva, il trouva que tout estoit jà conclud et les séelléz bailléz dès le soir devant ; mais les embassadeurs s'entendoient si bien et estoient si bons amys qu'ilz rendirent les seelléz (Comm., I, 1489-1491, 247)

En particulier. S'entendre, s'entendre avec qqn. Se mettre d'acord (pour faire qqc.).

Le conte de Warvic entra en different avec son maistre ung an devant que le duc de Bourgongne fust devant Amyens ; et y aida bien le duc, car il luy desplaisoit de ceste grand auctorité que le conte de Warvic avoit en Angleterre, et ne s'accordoient point bien, car ledict seigneur de Warvic s'entendoit tousjours avec le roy nostre maistre. (Comm., I, 1489-1491, 193)

Ainsi party de luy et fist parler ledict chevalier à monsr du Lude, dont il se trouva esbahy, et se departit tost, sans entrer en grand marchandise, car ledit seigneur du Lude et luy ne se fussent jamais accordéz ny entenduz, pour ce qu'il estoit venu esperant faire son proffit et s'enrichir ; et ledit seigneur du Lude luy demanda d'entrée ce que les villes luy donneroyent en conduysant leur affaire. (Comm., II, 1489-1491, 175)

c)[Le compl. est effacé]

LE TEMPS. (...) Soyes contens, Trompes tout, devant et derriere. CHACUN. Brief, je feray selon le Temps. FINE. Hon hon ! TESTE. Bien, bien, j'entens. (Sots triumph., c.1475, 46)

En incise. [Pour attirer l'attention de l'interlocuteur]

Et quant il c'est trouvé deceu, M'aist Dieux, il m'a fait espïer, Car on les oyt bien hault crïer, Entendez vous, quant on le fait. (Path. D., c.1456-1469, 146)

Par mon serment, tu me paieras, Entens tu, se tu ne t'envoles. (Path. D., c.1456-1469, 192)

3.Avoir une idée précise de qqc. en raison d'une habitude, d'une pratique.

Or est à noter que le roy Loys, nostre dit maistre, a myeulx sceü entendre cest art de separer les gens que nul autre prince que jamais je congneü (Comm., I, 1489-1491, 96)

Or regardez donc à quelle difficulté ung roy d'Angleterre peult passer en France ; et quant le roy nostre maistre eust entendu le fait de la mer, aussi bien qu'il entendoit le fait de la terre, jamais le roy Edouard ne fust passé, au moins de ceste saison. (Comm., II, 1489-1491, 30)

Emploi pronominal. S'entendre à/en qqc.

...selon verité, quant le soleil fu arresté au temps de Josué, tout le mouvement du ciel cessa, car autrement tout le ciel eust apres esté desordené, si comme chascun qui se entent en telles choses peut veoir clerement. (Oresme, C.M., c.1377, 374)

SAINCT MARTIN. Regardez se je suis en poinct. Il luy monstre commant il est sans robe et qu'on luy voit la chemise. Pencez de me vestir a poinct Et puis je feray mon debvoir. ARCEDIACRE. A vostre faict ne m'entens poinct ; Or pencez qu'il vous faict beau voir. Ou est vostre robe ? (La Vigne, S.M., 1496, 549)

[Sans compl. prép.]

Dame, trés dont que je me sos entendre, Et que mes cuers pot sentir et comprendre Que c'est amer, je ne finay de tendre A estre amez (Mach., J. R. Beh., c.1340, 67)

Car a homme qui bien s'entent, Ne faulsist point sermonner tant. (Desch., M.M., c.1385-1403, 17)

C. -[Idée d'interprétation] Avoir une idée, parmi d'autres possibles, de qqc..

1.[Le compl. dir. désigne l'obj. pour lequel plusieurs interprétations sont envisagables]

a)Entendre qqc. en une maniere

Maiz ce que la Bible dit que les jours semblerent briefz a Jacob, on peut entendre en ceste maniere... (Ménagier Paris B.F., c.1392-1394, 64)

...et que ce n'estoit mie l'entencion de la Court de servir et de tenir le Parlement (...) s'ilz n'ont seurté d'estre paiez doresenavant de mois en mois, et entendent seurté en la maniere qui s'ensuit (Fauq., III, 1431-1435, 82)

Une maniere d'entendre qqc.

Une autre maniere de entendre cest opinion est que tout le ciel du soleil soit meu et ainsi des cielz des autres estoilles, et que ces cielz par leurs mouvemens facent son (Oresme, C.M., c.1377, 468)

Entendre qqc. à mal

Il dissoient que il faissoient tout che pour bien, mais on l'entendi à mal. (Froiss., Chron. R., XI, c.1375-1400, 75)

b)Entendre qqc. + adv.

Mais on dit - et c'est veritez - Qu'adès les deus extermitez, C'est trop et po. Einsi l'enten ge : Ne doivent recevoir loange ; Mais qui en l'amoureus loien Est loiez, s'il tient le moien, Il ouevre bien et sagement. (Mach., J. R. Nav., 1349, 237)

Or te diray, sans plus attendre, Comment tu dois 'mane' entendre : 'Mane', c'est proprement a dire Que ton roiaume et ton empire A dieus nombré et acompli (Mach., C. ami, 1357, 32)

Et pour ce, l'en ne doit pas ainsi entendre ce que dist l'Escripture qui appelle le soleil : vas admirabile opus excelsi. (Oresme, C.M., c.1377, 492)

...et sera parlé aussi, se mestier est, aux gens dudit Chastellet, pour savoir comment on entend et comment on a acoustumé d'entendre la teneur dudit registre oudit cas et en cas semblables. (Fauq., III, 1431-1435, 118)

- Par dieu, j'en aray autant que vous, dit l'autre ; ay je pas fait mon devoir aussi avant que vous ? - Comment l'entendez vous ? - N'est ce pas autant d'une foiz que de deux ? (C.n.n., c.1456-1467, 523)

Ne pas l'entendre ainsi

...li mariages fu fais dou jone roi David d'Escoce a la serour le roi d'Engleterre. De quoi li Escoçois en quidierent trop grandement mieuls valoir, mais li Englés ne l'entendoient pas ensi, euls qui ne pueent amer les Escos, ne ne fissent onques, ne ja ne feront. Qant les trieuwes furent fallies entre euls et les Escos (Froiss., Chron. D., p.1400, 202)

c)Entendre qqc. + subord. compar.

Et qui use de mon mestier, Ja desconfis il ne sera Pour cose qui li avenra. Or l'entens ensi que tu voés Car sur ce consillier te poés : Se tu me crois, tu iés garis, Se tu me faus, tu iés peris. (Froiss., Par. am., c.1361-1362, 59)

Et ce que nous disons, il le convient entendre et ymaginer ausi comme se la terre eust esté faite en la maniere que aucuns disoient que au commencement elle estoit partout espartie en menues parcelles. (Oresme, C.M., c.1377, 558)

Le bon seigneur (...) pensa tantost que, pour l'absence du dit marchant, sa dicte femme le demandoit pour estre conseillée en aucune grosse cause, comme elle vouloit ; mais ainsi ne l'entendoit il comme elle. (C.n.n., c.1456-1467, 571)

d)[Avec un compl. par de précisant à quoi s'applique le compl. dir. de entendre]

Mais l'en ne doit pas prendre vivre ne entendre ce que dit est de mauvaise vie et corrumpue par vices, ou de vie qui est en tristeces et miseres (Oresme, E.A., c.1370, 487)

Et ce qui est dit des maris de mes consanguines, il fault entendre par tout des femmes de mes consanguins (Sacr. mar., c.1477-1481, 76)

e)Entendre qqc. par/pour qqc.

Vous avez trop de foiz oy dire et retraire ung notable que, quant on a la maladie ou chief que tous les membres s'en sentent et convient que la maladie se purge par où que ce soit. Je, acteur, j'entens ceste maladie par les felonnies et amises qui pour ce temps estoient en Angleterre. (Froiss., Chron. M., XIV, c.1375-1400, 40)

Et pour ce dist Vallerius que Agatheoclès, roy de Sarragousse, il entend Sarragousse pour la maistresse cité du royaume, ainssy que on porroit dire roy de Paris pour le roy de France, Agatheoclès fust hardy en sa cautelle. (La Sale, Salade, c.1442-1444, 47)

2.[Le compl. dir. désigne l'interprétation retenue] Entendre qqc. (par qqc.)

a)[Le suj. réfère à l'auteur des propos commentés]

Vouloir dire.

Entendre par qqc. que

Et aucuns entendent par ceste courroie que en la maniere que celui qui jeue d'une courroie entour une verge deçoit les gens. (Oresme, E.A.C., c.1370, 384)

Et par ce que dit est, il n'entendent pas qu'il ait esté fait, quar quant il parlent de la generacion du monde, il ne veullent pas dire que il fu aucune foys engendré apres ce que onques n'avoit esté - quar il a esté touz temps perpetuelment - mais il mettent telle chose par maniere de doctrine aussi comme es descripcions de geometrie. (Oresme, C.M., c.1377, 182)

Combien que par ce il n'entend pas Que laisser doives a bien faire, Mais te gouverne par compas, Garde que peché ne t'enyvre (Régn., F.A., 1432-c.1465, 115)

[Sans compl. prép.] Entendre que

Pour ce que le moien n'a point de nom, l'en li donne le nom des extremes, c'est assavoir, des vices ; si comme en ceste matiere meïsme en françois ou en latin, nous loons un bon homme aucunes fois en disant que il ne cure des hommes mondains. Mais nous entendons que il n'en cure fors selon raison, car simplement ce seroit vice. Et autre fois de celui mesmes nous le loons de ce que il aime honneur et est a entendre selon raison ; autrement ce seroit orgueil. (Oresme, E.A.C., c.1370, 167)

Et peut estre que aucuns anciens qui mettoient ou ciel armonie ne entendoient pas que le ciel feist tel son, mais entendoient que ou ciel est une maniere de musique (Oresme, C.M., c.1377, 478)

T. Item, encore disoient les Pythagoriens que il est bien convenable que l'element qui est le plus principal et le plus precieus de touz soit ou lieu ou il [puisse] estre miex gardé ; et tel est le milieu. Et pour ce, il le nomment la Chartre ou la Garde de Joves qui est dieu. Et ceste region a le feu. G. Il ne entendoient pas que ceste prison [fust] a l'element du feu pour paine, mes pour garde. Et par aventure, il entendoient - et est certain d'aucuns philosophes - que elle est pour poine aus ames des pecheurs. (Oresme, C.M., c.1377, 516)

[Pour préciser ce qui est dit antérieurement] J'entends

...disoient qu'ilz avoient faict venir le Turc à Scutery, j'entends le père de cestuy Turc qui conquist Constantinoble (Comm., III, 1495-1498, 29)

...mais la chose va bien aultrement, car si je me vouloye mettre à escripre les passions que j'ay veü porter aux grans, tant hommes comme femmes, puys trente ans seullement, j'en feroys ung livre. Je n'entends point à ceulx qui sont des conditions de ceulx qui sont nomméz au livre de Bocasse, mais entends à ceux et celles que on veoit en toute richesse, santé et prosperité (Comm., III, 1495-1498, 259)

Vouloir désigner.

Entendre qqc./qqn par qqc./qqn

Par les filles de Syon et par les roynes j'entens les ames beneurées de paradis. (Mir. ev. N.D., c.1348, 60)

Car, en verité, ceste matiere est de petit proffit, et a paine puet l'en savoir que Platon entendoit par celle ydee. (Oresme, E.A.C., c.1370, 113)

Et selon ce que Aristote dit aprés, il semble que par ces Sophistes il entende telz gens comme sont ceuls qui ont estudié les drois et ne ont experience ou comme pluseurs advocas qui les alleguent et ne oeuvrent pas selon ce, et qui ne sceivent la science de politiques. (Oresme, E.A.C., c.1370, 537)

Par Eve autre chose n'entens Fors celle qui offre en tous tems Et chascun jour a homme et femme Et tent la pomme de diffame : C'est la chars qui tousjours perit Par sugection l'esperit (Desch., M.M., c.1385-1403, 227)

Je regarde que mile et mile advocaz, par lesquelz j'entens les vices et pechiez, font partie et ont fait des pieca pour retraire les gens de croire ceste verité (Gers., Déf., 1400, 221)

[Il dit :] '...celuy qui est la hault paiera tout.' Et par celuy de la hault il entendoit Dieu, comme s'il voulsist dire... (C.n.n., c.1456-1467, 245)

Entendre de qqc. par qqc.

Et apres sanz moien dist le Sage : Giravit celum in circuitu glorie sue ; il environne le ciel ou circuite de sa gloire. Et par ce sembleroit que le Sage a la lettre entende de cest arc supercelestiel, car celui n'est pas si glorieux que nous voions ici bas en aer tenebreux et plain de obscurté (Oresme, C.M., c.1377, 728)

b)[Le suj. ne réfère pas à l'auteur des propos commentés ; souvent en cont. d'obligation ou de possibilité]

Entendre qqc./qqn + inf.

...quant a une femme vient le mal des mammelles, il ne lui fault autre chose si non que son mari lui face de son instrument naturel trois cercles environ le mal (...) Glose. Saintine Tempremeure dist qu'on doit entendre ces trois cercles estre fais au debout du ventre, un pou soubz la chainture. (Ev. Quen., I, c.1466-1474, 88)

Et entendre fault icelle mesmes compaternité estre acquise a la femme par le mary. (Sacr. mar., c.1477-1481, 58)

Entendre par qqc. que

...se le ciel ne puet crestre ne estre fait plus grant ne plus petit, l'en doit entendre par semblable rayson que il ne puet estre alteré. (Oresme, C.M., c.1377, 82)

Car la pelote, qui est reonde, Si segnefie tout le monde, Et peut par l'escourgiee entendre Qu'il corrigera, sanz actendre, Le monde soubz sa signeurie, A qui qu'en poise ou qui qu'en rie. (Chr. Piz., M.F., IV, 1400-1403, 42)

Entendre qqc. par qqc.

Mais l'en doit entendre par ceste pesanteur qui crest en descendant une qualité accidentele laquelle est causee par l'enforcement de l'acressement de l'isneleté (Oresme, C.M., c.1377, 144)

Et pour ce, comme je dis au commencement en ce chapitre et apres, l'en doit entendre par estoilles generaument les choses desus dites. (Oresme, C.M., c.1377, 452)

[Le compl. prép. étant sous-ent.]

C'est l'omme qui voit les livres lire et adjouste foy es atteurs, entendre les anciens (Arras, c.1392-1393, 3)

3.[Sans compl. dir. ; avec un compl. par de spécifiant à quoi s'appliquent les propos antérieurs] Entendre de qqc. ou qqn

Et se aucun le vouloit gloser en disant qu'il entendoit devant de puissance conjointe au fait, et yci il entent de puissance separee du fait, il appert assés que ceste variacion n'estoit pas a faire en ce propos. (Oresme, C.M., c.1377, 214)

Et fonderay ma predicacion, qui est une plaidoyerie de verité, en trois raisons principales, et dy que cuer doloreux - et j'entens de bonne doleur, de doleur de penitence - amaine trois excellens biens. (Gers., Déf., 1400, 223)

C'est pitié, quant homme s'accroche A villains fais, aussi de femme Enten je, s'elle se diffame (Chr. Piz., M.F., II, 1400-1403, 76)

'Sire joynet, je n'enten point de vostre mere ne de vostre seur, car l'amour de mere et de seur et de parens est toute differente a celle de dame par amours. Mais je vous demande de celles qui riens ne vous sont.' (La Sale, J.S., 1456, 9)

4.[Dans des constructions de sens passif]

a)Estre entendu

[Le suj. du passif désigne l'obj. pour lequel plusieurs interprétations sont envisagées]

Estre entendu en telle manière

Ceste opinion tenoient Pytagoras et ses ensuians et peut estre entendue en .ii. manieres (Oresme, C.M., c.1377, 468)

Estre entendu (estre) + adj./compl. prép. Être considéré comme.

...ceulz qui mettent que aucun corps est indivisible contredient aus sciences mathematiques qui sont tres certaines, car elles supposent que tout corps est entendu estre divisible. (Oresme, C.M., c.1377, 640)

...recongnissons, par ces presentes lettres, que le dit honmage que nous fesimes a Amiens au roi de France, conment que nous le fesimes par paroles generales, fu, est et doit estre entendu lige (Froiss., Chron. D., p.1400, 193)

La premiere [paternité spirituelle] est dicte compaternité qui est entendue entre le pere espirituel de l'enfant et le pere charnel. (Sacr. mar., c.1477-1481, 54)

Estre entendu que

Les pappes (...) ont escript sur les tresgrans biens que viennent de vraye justice, a nous commandez de la bouche de Dieu en sa sainte euvangille, ou il dist : beati qui persecucionem paciuntur propter justiciam ; qui n'est pas tant seullement enttendu que il commande faire justice, ains dist que bien heurez sont ceulx qui ont a souffrir pour faire et maintenir justice (La Sale, Salade, c.1442-1444, 8)

[Le suj. du passif désigne l'interprétation retenue]

Estre entendu par qqc.

...par le vestement de lumiére est entendue la sagesce de sa verité (Mir. chan., c.1361, 139)

Par Ysaac est joie dicte Et ris est entendu par luy, Si comme en pluseurs lieux le luy (Desch., M.M., c.1385-1403, 225)

Et par le baudré ensement Est entendue proprement Chasteté, que l'en doit avoir Et que chascuns doit recevoir. (Desch., M.M., c.1385-1403, 251)

...par ce champ a present est entendu lomme qui est comme le champ ou il se fault excerciter a querir le tresor de sapience (Cib., p.1451, 195)

Estre entendu de qqc.

Apres il met ce que dit est en termes generaux, affin que ce soit entendu universellement de toute chose, soit substance ou quelconque accident. (Oresme, C.M., c.1377, 222)

Et ce qui est dit de ma soeur doibt estre entendu de chascune qui est ma consanguine et de tous mes consanguins (Sacr. mar., c.1477-1481, 74)

b)Emploi impersonnel.

: Et, pour mieulx deguiser tousjours icelluy livre, on les appelle tous le conte de Parvancheres. Aussi, de la part des Angloys, il est entendu pour tous lieutenans du roy d'Angleterre le duc Baudoyn, dit le duc d'Ath, pour le duc de Bethfort, et le conte d'Arondel pour le conte d'Orthe. (Tring., c.1477-1483, 298)

c)Estre à entendre

[Le suj. désigne l'obj. pour lequel on envisage plusieurs interprétations]

Estre à entendre + compl. de manière

Et ainsi est a entendre ce que dit est. (Oresme, C.M., c.1377, 84)

[Avec un compl. par de spécifiant à quoi s'applique ce qui est dit] Estre à entendre de qqc.

Et se aucuns disoient que des delectacions les unes sont non mistes, simples et pures et les autres mistes ou meslees, et la cause ou raison dessus dite n'est pas a entendre des delectacions non mistes, mais de mistes. (Oresme, E.A., c.1370, 500)

Et ce que il dit de mouvement est a entendre de mouvement qui est par espasce finie sanz circulacion. (Oresme, C.M., c.1377, 122)

[Estre à entendre introduit l'interprétation retenue]

Et ne appert pas que Aristote eust opinion contraire, car ses paroles sont a entendre sub condicion quant il dist ou commencement de ce chapitre : les habitans sont en cel païs vers le pole, etc. (Oresme, C.M., c.1377, 346)

C'est à entendre

C'est à entendre de...

T. Et des choses qui sont contraires les mouvemens locals sont contraires. G. C'est a entendre des corps simples, si comme nous voions en l'air que le feu et l'yaue qui sont contraires, un monte [et] l'autre descent. (Oresme, C.M., c.1377, 82)

...il ne pooient ce faire sans le conmandement de lor souverain, c'est a entendre dou roi d'Alemagne auquel devoient toute obeisance. (Froiss., Chron. D., p.1400, 289)

[C'est à entendre introduisant l'interprétation retenue]

Si qu'il m'est vis, Quant par Amour d'amer estoie espris, Qu'en ce faisant Amours a plus mespris Par devers moy que ma dame de pris, C'est a entendre, S'Amours pooit par devers moy mesprendre. (Mach., J. R. Beh., c.1340, 86)

Et ne s'en parti li rois, si furent tout li honme de Flandres, c'est a entendre li consauls des bonnes villes, venu a obeisance au conte de Flandres (Froiss., Chron. D., p.1400, 179)

Et li aultre, c'est a entendre ses gens, vinrent par terre une partie (Froiss., Chron. D., p.1400, 241)

C'est à entendre que

Onques ne fut feu sans fumee, tant fust il en terre parfont. C'est a entendre que onques ne fut bien ou mal, tant fust il secret, repost ne obscur, que a la fin ne soit sceu (La Sale, J.S., 1456, 307)

[Avec un compl. prép. référant à l'obj. pour lequel plusieurs interprétations sont envisageables] Par qqc. (il) est à entendre que

...par ce que dit Aristot n'est pas a entendre que froideur soit proprement privacion de chaleur, ne pesanteur de legiereté et ainsi des autres contraires positifs en la maniere que tenebre est privacion de lumiere et repos de mouvement. (Oresme, C.M., c.1377, 360)

Aussi par ceste fiction du roy Amydas est à entendre que, quant le Roy commist le Jouvencel, mon maistre, son lieutenant devant Bourdeaux, on fit des rapportz en le cuydant brouller avec le Roy (Tring., c.1477-1483, 297)

Estre à entendre que

Et n'est mie a entendre que ceste compaignie soit telle et ainsy diverse et hors l'une personne de l'autre, comme nous veons les choses corporelles : ce seroit trop rude et faulx entendement. (Gers., Trin., 1402, 168)

d)Emploi pronominal à sens passif. S'entendre

[Le suj. désigne l'obj. pour lequel plusieurs interprétations sont envisagées]

S'entendre en telle maniere

Aucuns dient que noblesse se peut entendre en deux manieres (Bueil, II, 1461-1466, 70)

S'entendre + adv.

Comme on treuve ez saintes Escriptures que souvent le saint Esperit est apellé charité et don, il convient noter songneusement comment ce se doit entendre, et se le saint Esperit est charité, par laquelle nous amons Dieu et nostre proisme. (Somme abr., c.1477-1481, 116)

S'entendre + compar.

Notes que se 'ung' se prend et entent comme commencement de nombre, par tele maniere pas ne compete a Dieu quant on dist ung dieu. (Somme abr., c.1477-1481, 104)

[Introd. une précision permettant d'interpréter correctement ce qui précède] S'entendre

Et se nulz des cas precedens n'advient et l'homme adultere sa femme morte ou le son mary de l'adultere mort contrait mariage avec icelle que il a pollut par adultere, le mariage tient, comme il est dit au chapitle predit. Et ce se doit entendre quant l'homme et la femme adulteres scavoient l'empeschement quant ilz contraient ensemble. (Sacr. mar., c.1477-1481, 64)

Pline dit qu'il fut inventeur de astrologie, mais il s'entend en son lieu, car les anciens acteurs dient qu'elle fut inventée aussi en Syrie (Simon De Phares, Astrol., c.1494-1498, f° 21 v°)

S'entendre pour + inf. Devoir être compris comme.

Mais ce bien vivre ne s'entend pas seullement pour mangier bonnes viandes, boire bons vins, dormir longues matinees (La Sale, J.S., 1456, 20)

S'entendre que

Et ne dist pas seullement veoir ses choses, mais reveoir ; et ce reveoir s'entend que nul ne les puet trop veoir. (La Sale, J.S., 1456, 24)

Et pour tant quant on dist 'ung dieu' , il se entent que pas n'en sont pluseurs. (Somme abr., c.1477-1481, 104)

[Avec un compl. par de spécifiant à quoi s'applique ce qui est dit] Soi entendre de qqc.

Et quant aux lettres ilz se doivent entendre de ceulx qui y doivent contribuer, et qui s'aydent ou se puent ayder desdiz chasteaulx et de ceulx à qui puent nuire. (Baye, II, 1411-1417, 13)

[Introd. l'interprétation retenue]

Mais ce bien vivre ne s'entend pas seullement pour mangier bonnes viandes, boire bons vins (...) mais s'entend vivre premiers bien avec Dieu, soy maintenir honnestement, veritablement, et en ce joieusement. (La Sale, J.S., 1456, 20)

[Le suj. désigne l'interprétation retenue] Qqc. s'entend pour qqc.

...et pour ce mot milites se doyvent entendre toutes gens de guerre, qui doyvent obeir aux princes et non recuser la mort pour la chose publique. (Juv. Urs., Loquar, 1440, 410)

5.[Avec un verbe factitif] Donner (à) entendre

a)Qqn donne à entendre qqc. par qqc.

Par l'edifice donne entendre L'Eglise, et après pouons prandre Les menistres par les fenestres Et les prelas, qui ont leurs estres Ou nom de servir a l'Eglise (Desch., M.M., c.1385-1403, 204)

b)Qqc. donne à entendre qqc.

...les cheveulx de Jhesus-Christ estoient blancs comme layne et resplendissans comme noif, qui nous donne à entendre la pureté et innocence, laquelle doit estre en toutes gens (Bueil, II, 1461-1466, 67)

Aucuns se dient temporelement comme aians domination et faisans misericorde, lesquelz noms avec leur propre signification donnent entendre aucun effect real et de fait. (Somme abr., c.1477-1481, 154)

Qqc. donne à entendre que

Et est a scavoir que la preposition 'per' ne nous donne pas a entendre que par les choses faites, comme par ung moyen disposant et ordonné a ce, soient pour congnoistre les choses invisibles de Dieu consideree la creature en soy, mais comme moyen mouvant en tant qu'elle est similitude et samblance du facteur. (Somme abr., c.1477-1481, 112)

Au passif. Qqc. est donné à entendre par qqc.

E par les bras et mains, qui ont le plus noble office aprez le chief et sont ou millieu du corps pour deffendre et proteger le chief et les autres membres, nous est donné à entendre l'estat de chevalerie (Bueil, II, 1461-1466, 68)

Et par ainsi appert que l'estat de noblesse et de chevalerie nous est donné à entendre par les bras. (Bueil, II, 1461-1466, 77)

Emploi substantival. Donné à entendre

Vous obtennés lectres adressant au conseil de monseigneur a Dijon pour cognoistre sur vostre donné a entendre (Doc. 1457. In : CRAP., Cur Deus, De arrha B.H., c.1450-1460, 56)

D. -[L'idée d'interprétation débouche sur celle d'opinion]

1.Entendre que. Considérer que.

Il semble que ceste repproche ne soit pas contre l'intencion de Plato ne des siens, mais seullement contre la maniere de parler, quar l'en diroit qu'il n'entendoient pas que absoluement et de ffait les ellemens du monde eussent esté aucunes foys confus et desordenés et par temps apres eussent esté mis en ordenance, mais il entendoient que le monde n'eust onques commencement selonc temps et que condicionnelment, se Dieu ne maintenoit les ellemens et les parties du monde en ordre, eulz seroient desordenés quant est de leur nature. (Oresme, C.M., c.1377, 184)

Je entens les eschielles et les batailles ainsi qu'elles sont ordonnées ; car j'entens qu'en une puissance doit avoir plusieurs batailles (Bueil, II, 1461-1466, 245)

...(car qui maintient la guerre loiaulment et prudemment en bonne querelle, j'entens que c'est justice et chose qui plaist à Dieu de defendre contre les tirans et ceulx qui veullent usurper à tort et sans cause le bien d'aultruy pour apeter honneur et gloire) (Tring., c.1477-1483, 265)

2.Entendre qqc. à qqc. Juger que qqc. existe.

Mon livre qui vault poy et monte A nesune autre fin ne tent Si non a recorder le compte D'un triste amoureux mal content (...) ; Et qui autre chose y entent, Il y voit trop ou n'y voit goute. (Chart., E. Dames, 1425, 369)

Bonne raison ad ce ne puis entendre : Me voulez vous jouer de passe passe ? (La Vigne, S.M., 1496, 244)

3.Ne pas l'entendre ainsi/l'entendre autrement. Avoir une opinion, une conception différente.

De quoi li Escoçois en quidierent trop grandement mieuls valoir, mais li Englés ne l'entendoient pas ensi, euls qui ne pueent amer les Escos, ne ne fissent onques, ne ja ne feront. (Froiss., Chron. D., p.1400, 202)

Et toutesfoys moyennant la grace de Dieu et non pas celle des hommes - autrement ne le fault entendre - ilz en vindrent a chief (La Vigne, V.N., p.1495, 289)

4.[En compar.] Ainsi que / comme / selon ce que je (l')entends. A mon avis.

LE CONTE. (...) le marquis me mande et prie Qu'a belle et noble compaignie Je lui maine les deux enfans, Qu'il penra, si com je l'entens, La fille en nom de marïage (Gris., 1395, 78)

Et en de telz qui sont pris ou mors, ainsi que je entens, que, s'ilz fussent revenus, ilz en eussent esté pugniz. (Bueil, I, 1461-1466, 196)

Gouffre d'enffer, selon ce que j'entens, Tu ne quiers fors nostre perdicion (La Vigne, S.M., 1496, 223)

Hellas, j'ay bien perdu mon temps ! Mon temps, ainsi comme j'entens, Mon filz, j'ai bien perdu en vain ! (La Vigne, S.M., 1496, 297)

IV. -Participe présent en emploi adjectival ou substantival.

A. -[Corresp. à entendre I] Mal entendant à qqc. De mauvaise volonté au sujet de qqc..

...mais il les trouvoient si durs et si hausters et si mal entendans a lors remonstrances et volentés que il n'i veoient moiien ne conclusion. (Froiss., Chron. D., p.1400, 591)

B. -[Corresp. à entendre II A]

Qui comprend, intelligent.

Car, quant nous parlons des meurs d'un homme, nous ne disons pas que il est sage et entendant, mais nous disons que il est debonnaire ou sobre. (Oresme, E.A., c.1370, 145)

Et doit l'en dire la chose conseillable non pas celle de quoy voudroit faire conseil .I. homme non sachant, ydiot ou un homme hors du sens, mais celles pour quoy conseilleroit un homme entendant, pourveü et discret. (Oresme, E.A., c.1370, 188)

En ce faisant d'oisiveté s'esloigne [l'amant] , De tout apprent et de tout pense et soigne En amendant ; Et en devient plus caut et entendant Le jeune temps de son aage pendant (Chart., D. Fort., 1412-1413, 173)

'Mais se vous voulez que j'envoie Guillaume mon cousin ou nom de moy ce sera le meilleur, et escripray au roy, a la royne et aux dames l'onneur que avez eu, et aussi Guillaume, qui est assez entendant, bien comptera tout et je bien a la verité l'en informeray.' (La Sale, J.S., 1456, 138)

Emploi substantival. Celui qui sait, personne instruite.

David, roy et prophete en Jherusalem et tant ardant catholique, a bien monstré en ses euvres qu'il sçavoit de la science de astrologie et ne feust que ad ce verset où il dit : 'Celi enarrant gloriam Dei, etc.' et aussi à autres dont tout le Psaultier est tissu, pour ce n'est mestier le reciter aux entendans ; bien est il que aux ignorans, comme sont noz calumpniateurs est expedient le monstrer en diverses opperacions (Simon De Phares, Astrol., c.1494-1498, f° 33 r°)

Mal entendant

Dames ne sont mye si lourdes, Si mal entendans ne si foles Que, pour un peu de plaisans bourdes Confites en belles parolles, Dont vous autres tenés escoles Pour leur faire croire merveilles, Elles changent si tost leurs coles (Chart., B. Dame, 1424, 341)

Non entendant

Emploi substantival.

Sembleroit aux non entendens Que Thamaris quantité d'ans Eust esté, ains qu'Amasonie Commençast, mais a ceulx le nye (Chr. Piz., M.F., III, 1400-1403, 12)

C. -Entendant que. Attendu que.

...le procureur du Roy de son Hostel, qui avoit esté batu moult enormement en son hostel, entendent qu' il seoit à table (Baye, I, 1400-1410, 53)

V. -Participe passé en emploi adjectival ou substantival.

A. -[Corresp. à entendre I]

Entendu à qqc./à faire qqc. Attentif, appliqué à qqc./à faire qqc..

Et sachiez bien qu'il ne li chaut De rien fors que de ce qu'il chace, Tant est entendus a sa chace. (Mach., J. R. Nav., 1349, 156)

Lors estoit le peuple entendu Aux ars mechaniques sçavoir (Desch., M.M., c.1385-1403, 264)

Et les autres sont aux piez de dame Sapience, tous entenduz a sa doctrine, eslevez en contemplation et en amour d'ycelle (Déclar. Hyst. S., a.1449, 190)

Emploi substantival féminin. Mettre son entendue à qqc. Prêter attention à qqc..

Et si leur fault encor avoir Beaux lis, beaux draps, chambres tendues, Et qu'ilz mettent leurs entendues A belles touailles et nappes (Desch., M.M., c.1385-1403, 46)

B. -[Correspondant à entendre II]

1.[D'une pers.]

a)[Sans compl.]

Compétent, habile.

Ceulx qui seront de nous plus entendus A l'empereur facent la reverence. (La Vigne, S.M., 1496, 241)

Bien entendu. Sage, avisé.

Et qu'il renvoye à la repeue vers vous deux ou trois hommes, dont il en y ait ung bien entendu, qui vous rapporte des nouvelles de ce qu'ilz auront trouvé sur le paiz. (Bueil, I, 1461-1466, 185)

Vous parlez d'ardeur perfective Comme sage et bien entendu, Car tel bien en gloire impassive Vous est bien sur tous autres deu. (Myst. Pass. Troyes B., a.1482, 14)

Emploi substantival.

Cestui predist aucunes sterilitez en icellui païs et fist le livre que l'on dit les Contenances de la Lune, qui est fort à entendre, sinon aux bien entenduz. (Simon De Phares, Astrol., c.1494-1498, f° 131 r°)

b)[Avec un compl. prép.]

Entendu de qqc./en qqc. Qui s'entend bien à une chose ; qui en connaît la pratique.

...il n'y a icy cellui de tous messeigneurs qui ne soit plus entendu en toutes choses que moy et qui ne sceust et peust mieulx parler de ceste matière et de toutes aultres que je ne feroye. (Bueil, II, 1461-1466, 155)

...homme entendu du fait de la guerre (Lettres Ch. VIII, P., t.2, 1488, 131)

Chaton le Grant fut environ ce temps moult subtil et entendu en la discipline celeste et furent en lui trois singulieres choses, grant orateur, grant empereur, optime senateur. (Simon De Phares, Astrol., c.1494-1498, f° 68 v°)

Mal entendu en qqc.

...car les nobles de France, noulris es plaisans et mondains delices par longue paix, esguerres tresmal entendus, comme l'exemple fust a la venue dudit roy Henry, jusques ad ce que, par les grans excercités de guerre, vindrent les enffans hommes et de escolliers maistres, ainssy que sont au jour d'uy entre tous aultres du monde vaillans et preux. (La Sale, Salade, c.1442-1444, 191)

Entendu à faire qqc.

D'aller aux champs et de faire merveilles A prendre gens je suis trop entendue. (La Vigne, S.M., 1496, 477)

2.[D'une chose]

a)Ecouté et compris.

Et, pour ce, icelle Lucete et elle qui parle, après ces choses ainsi par entre elles ouyes et entendues, se misdrent à part en une chambre au desceu dudit de Ruilly, son mary, et illec commencerent à gemir et plourer moult fort (Reg. crim. Chât., II, 1389-1392, 317)

b)[D'un activité, d'une entreprise]

Bien entendu. Bien préparé, bien organisé.

De par Dieu, nostre entreprinse est bien entendue, ainsi qu'il me semble. (Bueil, I, 1461-1466, 132)

Mal entendu

LA FILLE. Nous sommes en telle orphanté Que tout le nostre est despendu. LA VOYSINE. Mes amys, c'est mal entendu. Il fault avoir fïance en Dieu. (Myst. jeune fille L., c.1413-1445 [c.1530], 18)

C. -Emploi prépositionnel. [Sens causal]

Entendu

...nous, saulve noz conscience et honneur, ladicte taille ne pourrions et aussy ne voudrions en aucune maniere conseiller ne consentir, combien que des un an a et mesmement puiz nagueres on nous a offert c mil frans pour ycelle consentir estre mise sus, lesquelz c mil frans nous refusames, des lors les avons ancor refusez, et pour quelcunque prouffit que avoir en deussions, entendu ce que dit est, et mesmement que tailles ne doivent estre levees sur le peuple pour en faire dons, ne vouldrions ycelle taille consentir (Baye, I, 1400-1410, 36)

Entendu que

Et s'ensievrroit qu'elle, c'est a scavoir la forme de divinité, ne fust tres simple en son estre, laquelle chose n'est pas vraie, car au souverain bon riens ne puet estre adjousté, entendu qu'elle est totalement du tout en tout simple sans quelque composition. (Somme abr., c.1477-1481, 104)