ENGRAISSER

verbe

[T-L : encraissier ; GD : engraissier ; GDC : engraissier ; AND : engresser1 ; DECT : encraissier ; FEW (II-2, 1282a, 1283a) : crassus ; TLF (VII, 1123b) : engraisser]

A. -Engraisser qqc. Enduire qqc. de graisse, graisser qqc., rendre qqc. gras.

...le plomb, engraisse ou fons de sieuf (Mézières, Songe vieil pèl. C., t.1, c.1386-1389, 539)

A Colin Guyot, pour 5 gallons d'uille dont on a engroissié les fers aux calfas et rimolas durant ledit moiz de mars, au fuer de 4 s. t. le galon (Clos galées Rouen M.-C., t.2, 1389, 191)

Qui lors veist Sarrasins saillir es fossés, et portent pics, houyaux, eschielles, piez de chievre. Mais ceulx de dessuz leur gettent pierres de fais, grans bans traversains, pieux aguisiez, huille chaude, plonc fondu, pocons plains de chaux vive, tonneaux plains d'estouppes engressiez et ensouffrees, tous ardans ; et, malgré leur dens, leur font guerpir place et remonter d'autre part ; et en y demoura maint ars et affollé et foison de bleciez. (Arras, c.1392-1393, 110)

...elle trencha par deux fois du pain qu'elle engressa de char de porc (Saladin C., c.1465-1468, 69)

Et premierement leur furent appourtez deux bassins plains de gresse, dont les habillemens, que chascun d'eulx avoit vestu, furent oingtz et engressez, affin que l'ung d'eulx ne peust prendre prinse sur l'aultre (La Marche, Mém., II, c.1470, 405)

[D'une huile] Se répandre sur qqc..

...mes le oile du pecheur ne engressera ja ma teste. (Oresme, Pol. Arist. M., c.1372-1374, 175)

[Dans un cont. métaph.]

...soies vaillans et preux, et de toute ta puissance faiz que les troys roes de ton chariot soient bien engrayssees de l'uile de misericorde et facent bien leur office. Et soies certains que de ta guerre tu viendras a l'audessus. (Mézières, Songe vieil pèl. C., t.2, c.1386-1389, 196)

Emploi intransitif. Devenir gras.

Pour garder vin d'engresser et d'estre trouble. Mettez en ung muy de vin plaine escuelle de pepins de vin rouge seichiez... (Viand. Taillev. B.N. S., a.1400, 235)

B. -Engraisser qqn / un animal Engraisser

1.Engraisser un animal. Faire grossir.

...impingabitur locusta (...) le sauterel sera engressié (Mir. prev., 1352, 231)

Item, a Paris les oyers engressent leurs oyes de farine, non mye la fleur ne le sonc, maiz ce que est entre deux que l'en appelle les gruyaulx ou recoppes (Ménagier Paris B.F., c.1392-1394, 173)

Pour engresser une oe en troiz jours, paissiez la de mye de pain chault, trempé en matons ou lait meigre (Ménagier Paris B.F., c.1392-1394, 247)

Puis est bonne icelle orge a donner a menger a la poulaille pour engressier (Ménagier Paris B.F., c.1392-1394, 263)

...à nourrir et engressier leurs bestes, de quelconques gerre et en quelconques nombre que ilz soient (Hector De Chartres, Cout. R., 1398-1408, 53)

... .X. mille brebis et pors pour encrachier. (Cip. Vignevaux W., p.1400, 91)

...certes la char ainsi nourrie ressemble le cheval, lequel quant son maistre a bien tasché a l'engraissier, il est si dru et si mignot que quant il s'en cuide aidier il ne le puet tenir (Chr. Piz., Trois vertus W.H., c.1405, 18)

...et toutes voies depuis VJ sepmaines n'ont vendu que IJ beufs, et les ont tenus es pasturages de par deçà, et les gardent et engressent pour les plus vendre (Fauq., II, 1421-1430, 54)

Quant aux deniers, faisoient toute la marchandise du royaulme, jusques à bailler les pourceaulx à garder au peuple et les failloit engresser pour myeulx les vendre (Comm., III, 1495-1498, 79)

[Dans un cont. métaph.]

Par ce sauterel j'entens homme qui avoit esté engressié de la gresse des dons de Dieu (Mir. prev., 1352, 231)

Et vous gardez bien tous deux en traictant de la paix de trop croire a aucuns chevetaines, qui sont ou ont este nourriz et enrichez en la guerre, comme les loyres en l'estang. Quel merveille ! car telx chevetaines en la paix perdroient les groz lopins dont ilz engraissoient les gelines et les poussins. (Mézières, Songe vieil pèl. C., t.2, c.1386-1389, 375)

Engraisser qqn. Faire grossir qqn.

...tout ainsi tue l'ame et les vertus le cors trop souef nourri et engraissié de viandes lecharresses (Chr. Piz., Trois vertus W.H., c.1405, 18)

2.Emploi intransitif. [D'un animal] Grossir.

Item, nota que oisons mis en mue, se ilz sont bien petiz ils engressent jusques au .IXe. jour et apres ameigrissent, maiz les oes engressent tousjours, sans defrire (Ménagier Paris B.F., c.1392-1394, 227)

[D'une pers.] Grossir, prendre du poids.

Item, laisse et donne en pur don Mes gans et ma houcque de soye A mon amy Jacques Cardon, Le glan aussi d'une saulsoye, Et tous les jours une grasse oye Et ung chappon de haulte gresse, Dix muys de vin blanc comme croye, Et deux procés, que trop n'engresse. (Villon, Lais R.H., c.1456-1457, 18)

C'estoit ung très beau prince, et grant, mais il commançoit à engresser et l'avoye veü autresfois plus beau (Comm., II, 1489-1491, 64)

[Jeu sur les sens A et B]

TESTE CREUSE. (Je) Ne scay quel maigre ne quel grasse, Je suis aussi gras qu'un huillier. SOTIN. On m'a bien gardé (au moint) de huiller, Tu es engressay daventaige. (Copp. lard., a.1488, 172)

C. -Par analogie.

1.Engraisser les terres. Amender, fumer les terres.

...les sages laboureurs (...) font tenir et gesir leurs oeilles aux champs de jour et de nuyt pour engresser les terres (Jean De Brie, Le Bon Berger C.W., 1379, 60)

...et ainsi sont les terres engraissees et amendees du fient des oeilles, qui est moult prouffitable chose. (Jean De Brie, Le Bon Berger C.W., 1379, 62)

2.Faire prospérer (qqn, une terre, un pays...).

...il t'est demoustre comment tu doys proceder envers les compaignes du royaume de Gaule, lesquelles pour les pechiez des Francois par aucune similitude sont engendrees, nourries et engraissees et enflees du sang du peuple gallican comme la sansue en l'eauue attachee a aucun membre de l'omme (Mézières, Songe vieil pèl. C., t.2, c.1386-1389, 406)

Ceste riviere appellee Achelous, qui en aulcuns temps estoit moult excessive, faisoit empeschemens et dommaiges, et puisque elle fut divisee en pluseurs ruisseaulx, elle proufita aussi et engressa pluseurs pais et les fist abundans. (Premierfait, Cas nobles hommes G., 1409, 164)

3.Renforcer, rendre vigoureux.

Dont en Ecclesiastique ou .XXVIIe. chapitre est dit : «La grace de la fenme ententive ou songneuse mectra son homme en delectation et engraissera ses os». (Daudin, De la erudition H., c.1360-1380, 309)

D. -Au figuré.

1.Engraisser qqn

a)Donner de l'argent à qqn pour gagner ses bons offices.

Le tiers inconvenient si est que aujourduy qui veult avancier sa cause, il fault son advocat et oindre et engressier, et son procureur peigner, et au juge souvent, non pas a vuide main et en secret, faire une grant reverence, voire s'il veult obtenir pour lui une desiree sentence. (Mézières, Songe vieil pèl. C., t.1, c.1386-1389, 478)

b)Enrichir qqn.

Quel merveille ! car plusieurs des dictes gerarchies, c'est assavoir aucuns des clers, et par espicial les advocaz, par ma monnoye sont encraissiez et usent de mes fins besans au contraire de leurs sens et de leur bonne nature. (Mézières, Songe vieil pèl. C., t.2, c.1386-1389, 487)

Emploi pronominal. S'enrichir.

Les bons sont mis en bas du hault, Et les mauvaises gens s'engraissent (Mir. st Guill., c.1347, 39)

...ung aultre s'engressera en oeuvrez reprochables (Chart., L. Esp., c.1429-1430, 9)

2.Engraisser qqc. Nourrir, favoriser qqc. (une chose abstr.).

Emploi intransitif. [D'une chose abstr;] Se développer.

..a brief parler, d'elle naiscent Toutes sciences et engraissent (Chr. Piz., M.F., II, 1400-1403, 133)