ENCOMBRER

verbe

[T-L : encombrer ; GD : encombrer ; AND : encumbrer ; DECT : encombrer ; FEW (II-2, 938b, 939a) : *comboros ; TLF (VII, 1043b) : encombrer]

I. -Emploi transitif.

A. -Encombrer qqc.

1.[D'une chose, de personnes]

a)Occuper (un espace) par un grand volume ou un amas.

Contre lui va de gent grant nombre, Tant que le chemin tout encombre. (Vie st Evroul S., c.1350, 153)

...li arbres qui grant place encombre Et qui fait maintenant grant ombre Pour le temps qui le fait estendre N'estoit qu'une vergelle tendre Et petite au commencement (Echecs amour. K., c.1370-1380, 4)

Mez quant sont a Orliens venuz Et l'ost chascun, grans et menuz, Ont lez lieus pris et encombrez (Vie st Evroul S., c.1350, 124)

Mais la grant quantité pleniere Qui y est, sanz estre encombree La place, ne pourroit nombree Estre, ne nul n'en scet le compte (Chr. Piz., Chem. estude P., 1402-1403, 87)

Touteffois, a l'ayde de Dieu, ilz furent de sy bon gouvernement et de sy entier et ardant couraige et de sy merveilleuse deffence et puissance que de celle heure ilz mirent tant de ces Sarrazins a mort que la place en estoit toute encombree et estoient tous empeschez d'aller oultre. (Bagnyon, Hist. Charlem. K., c.1465-1470, 115)

...Lances, bastons, espees et guysarmes, Harnoys completz pour bien mil hommes d'armes, Fins aubregons, brigandines, sallades, Jacques, plastrons, voulges et albardes, Grans coulevrines, arbalestes, guindaiges, Ars, flesches, dars et tant d'autres bagaiges Pour ung pays ou ung ost encombrer, Qu'il n'est possible de les sçavoir nombrer Si brief en vers comme on feroit en prose. (La Vigne, V.N., p.1495, 251)

Être un embarras, une gêne dans un espace (du point de vue esthétique).

...j'estoie En un lieu ou je m'esbatoie, Qui estoit d'arbrissiaus couvers Par tout, et si estoit tous vers, Biaus et jolis et gracieus ; Et pour estre delicieus, La n'avoit chose qui l'encombre. (Mach., Voir, 1364, 42)

Embarrasser, couvrir (un espace lumineux) au point de le rendre opaque.

Et voloient les flamesques et les fascons en la ville de Valenchiennes, et li rai dou solel en estoient tout encombré. (Froiss., Chron. D., p.1400, 384)

Être un obstacle (dans un espace social, politique).

'...Et si vous dy que un cuer mauvais empire tout un grant païs et envenime, si vault mieulx que la place en soit delivree que plus longuement en soit encombree de lui'. (Bérinus, I, c.1350-1370, 142)

Embarrasser, occuper (l'esprit).

...et pour ce, comme dit l'un des sages, Solon, et ce recite Aristote ou .Xme. d'Ethiques, que les solicitudes des besoignes mondaines engendrent destourbier et empeschent des delices de verité, aussi et que les desirs et sensueulx delis encombrent la raison, cestui roy Charles, pour y remedier et faire son devoir, comme droit sage, se delictoit, si comme il est cy devant prouvé et dit, en famille telle et si constant que pour lui peust à la fois vaquier et supplier ses fois, et aussi qui le reparast et esmeust en bien (Chr. Piz., Faits meurs Ch. V, S., II, 1404, 161)

Participe passé en emploi adjectival. [D'un terrain agricole] Planté, ensemencé (?).

...et puet valoir chascun cent [de terre] , wiede et encombré, environ V quartéz de grain, mesure d'Attigny, parmi III fauchiés de preit, ou environ (Trés. Reth. S.L., t.2, 1348, 98)

b)Occuper (un intervalle temporel).

Ou contenu de ceste histoire, Ainsi com li comptes l'avoire, Me semble qu'il ot .XX. batailles Principaulx puis les commençailles De la guerre jusqu'en la fin, Es quelles tant de gent a ffin Furent mis, que de les nombrer Couvendroit lonc temps encombrer, Et les diverses aventures, Qui leur entre avindrent moult dures, Dont l'un puis l'autre se douloit, Si comme Fortune vouloit. (Chr. Piz., M.F., III, 1400-1403, 95)

Emploi absolu. Prendre du temps (ou de la place).

Tant y sejourna [Alexandre] , a brief dire, Que tout conquist, com j'oy lire ; Riches citez a force prist, Ou trestant d'avoir y conquist Que nul ne le pourroit numbrer ; Le dire pourroit encombrer ! (Chr. Piz., M.F., IV, 1400-1403, 23)

2.DROIT

a)Embarrasser, mettre obstacle à la jouissance de qqc..

...lequel fieufement les diz religieux et lours successours sont et seront tenuz garantir, délivrer et deffendre envers touz et contre touz, se par eulx ou par leur fait ou de Guillaume Poisson estoit empeschié ne encombré tant soulement. (Cartul. Hôtel-Dieu Cout. L., 1378, 184)

Encombrer qqn de qqc. Empêcher qqn de disposer, de jouir de qqc..

Item, se ly evesque de Liege voloit encombreir le advoweit de ses droitures et ne l'en laissaist plainnement goiier enssi qu'ilh est deviseit (Hemricourt, Patron Temp. B., c.1360-1399, 115)

b)En particulier. Hypothéquer qqc..

Le mary peut bien acquester héritaiges du meuble commun de luy et de sa femme sans la y appeller ; et aussi sans son consentement peut il vendre et aliéner teulx acquestz, les chargier et encombrer, et les donner constant le mariage. (Cout. instit. Anjou Maine B.-B., t.1, 1411, 508)

Jugement de Perrin de Laitre, maiour dez Proicheresse, pour le couvant dez Proicheresse, d'une pairt, et de Goudefrin, de Belseper, d'autre pairt, pour le fait d'un .L. sols de cens que ledit Goudefrin a raichetei encointre la prieuze et couvant des Proicheresse, se voulloit ledit Goudefrin qu'elle li wairrantoice loudit raichet a tousiour mais. Li maistre-eschevin ait dit pour droit que la prieuze et le couvant en fait asseis, quant elles vuellent le raichet wairrantir, c'elle l'avoient en nul lieu emcombrief. (Jug. maître-échev. Metz S.M.S., t.1, a.1494 [1343], 223)

B. -Encombrer (à) qqn

1.[D'une chose]

Embarrasser, gêner qqn.

Di moy dont te vient la paour Que tu as, ne celle frëour. As tu doubtance de ton ombre ? Je croy que c'est ce qui t'encombre. (Mach., R. Fort., c.1341, 114)

O meschant fol, plain de rudesse, Bien petit de chose t'encombre ! Ne vois tu pas que c'est ton umbre, Qui resplendist en la fontaine ? (Narcissus, p.1426, 310)

...toute sa cognicion [de l'ange] Se fait sans inquisicion : En soy n'a voile qui l'encombre. L'omme congnoist un peu soubz umbre De raison qui souvent l'abuse (Gréban, Pass. J., c.1450, 42)

Proverbe. À haut monter le faix encombre. Quand on veut monter haut, les bagages embarrassent ; pour monter haut il faut être léger.

A hault monter le fais encombre. (Miélot, Prov. U., 1456, 192)

Occuper, remplir l'esprit/le coeur de qqn.

Quant Ysengrin choisi son umbre [sa propre ombre, dans l'eau du puits] , Lors folle pensee l'encombre ; Cuide bien que ce fust Hersent [sa femme, que Renart aurait entraînée là] , Adonc lui mua tout le sens (Renart contref. R.L., t.2, 1328-1342, 56)

Maiz cuer qu'Ardant Desir encombre Temps, jours, et nuiz, et heures nombre (Chart., L. Dames, 1416, 266)

Constituer un obstacle, une entrave pour qqn.

...si estoit en doubtance que le fait [d'avoir tué le neveu de l'empereur] ne l'encombrast, maiz il se rasseüroit en ce qu'il l'avoit fait sur son bon droit et en lui deffendant et pour sa vie sauver. (Bérinus, II, c.1350-1370, 72)

Et n'estoient que euls .XII. dedens celle barge, et se bouterent une matinee dedens la mer et se fuissent volentiers sauvé, se il peuissent, mais Dieus ne le volt pas consentir, ensi que il fu apparans, car lors peciés les encombroit. (Froiss., Chron. D., p.1400, 87)

[Dans une tournure impers.] Il encombre à qqn que. Il arrive par accident à qqn que.

Or li est encombreis Qui ['Que'] par faux robeours fu trestous desrobeis (JEAN D'OUTREM., Geste Liège B.B., t.5, a.1400, 119)

Encombrer (à) qqn/une faculté de qqn à + inf.. Gêner qqn/une faculté dans telle action, dans telle opération.

'Et par celle voye commencierent les femmes de Sichie a porter armes, qui furent puis appellees Amazonnes : qui vault autant a dire comme desmamellees, pour ce que elles avoyent une telle maniere que aux nobles d'entre elles, quant petites fillettes estoyent, leur cuisoyent par certain artefice, la mamelle senestre pour ce que elle ne leur encombrast a porter l'escu...' (Chr. Piz., Cité dames C., c.1404-1407, 682)

Sire Dieux, euvre mes levres, enlumine[s] ma pensée, et mon entendement esclaires à celle fin que m'ignorance n'encombre mes sens à expliquer les choses conceues en ma memoire, et soit mon commencement, moyen et fin à la louenge de toy, souveraine poissance et digneté incirconscriptible, à sens humain non comprenable ! (Chr. Piz., Faits meurs Ch. V, S., I, 1404, 4)

Encombrant à qqn. Qui constitue un obstacle pour qqn.

...et doivent estre les fossez roiddes et drois du costé des anemis, et y doit on mettre pieux aguz, chauche-trapes et garnisons encombrans à celx, qui là se vouldroient devaler. (Chr. Piz., Faits meurs Ch. V, S., I, 1404, 211)

Accabler (physiquement) qqn.

Les chaisnes, les cedres, les pins, Les amangdeliers, les sapins Et tous li arbres l'enclinoient Quant son tresdoulz chanter ooient Et venoient a li faire ombre Quant elle ha chaleur qui l'encombre (Mach., Voir, 1364, 618)

D'ont il avient, selon raison, Que les suppostz d'une maison Meurent volentiers en grant nombre, Quant le mal la maison encombre. (La Haye, P. peste, 1426, 141)

Accabler (moralement) qqn.

...Quant de pecheur te demandoye Se par set foiz le recevroye A mercy, se pechié l'encombre (Mir. pape, 1346, 365)

Et, en veriteit, pluseurs personnes ont dit que ly pechiet et ly domage et despit qu'il avoit fait à son bon peire sovent fois, l'ecombroit [var. lencombroit] durement, car ilh avoit à son bon peire fais plusseurs despis et domaige sains caze. (Hemricourt, Miroir Hesb. B.B., 1353-1398, 63)

Mon cuer languit ; doleur l'encombre, Esperance est en moi pasmée. (Prisonn. desconf. C., c.1488-1489, 6)

Emploi absolu.

...Car tu sces que pechié encombre, Tousjours portant mortel encombre Pour celuy qui de luy se saint. (Gréban, Pass. J., c.1450, 168)

2.[D'une pers.]

a)Embarrasser, gêner qqn.

Ici me tenray Dès ores mais, biau sire Diex, Pour t'amour toy servant le miex Que pourray, mais que ne m'encombre Sathan, et me feray du nombre Des povres pour ma vie avoir, Ne quier amasser autre avoir (Mir. st Alexis, 1382, 323)

Le Roux de Fauquemont ne se povoit mie bien aidier pour le conte de Vandosme, dont il estoit encombrez. (Chron. norm. 14e M., c.1369-1372, 6)

Être un obstacle, un danger pour qqn.

Si ressongnoit moult que Aigres son ami ne feust encombré par lui et que, de ceste besoingne, n'en feust sceüe la verité par lui et la certaineté. (Bérinus, II, c.1350-1370, 48)

Quant Berinus le senti venir envers lui, si ot grant paour et ot grant doubte que ce ne fust aucuns homs qui le voulsist encombrer, si se destourna de l'autre part tout bellement, mais cil sailli a l'encontre de lui atout ses escamiaux et le tint si court qu'il ne pot passer la ruelle (Bérinus, I, c.1350-1370, 56)

Emploi absolu.

...Nouvelle loy a commancié [Jésus] , Et sy l'a ja moult avencié. Pour enchanter les gens encombre. (...) Nostre loy va trop abaissant ; Contre nous forment se traveille. (Myst. Pass. N.S. R., c.1350-1370, 151)

Nuire à qqn, porter préjudice à qqn.

Quant il ot pensé, si respondi en hault et dist: 'Seigneur Rommain, de ce plait que je avoie meü encontre vous sachiez que je m'en vueil deporter et vous quitte bonnement de tout ce que je vous avoye encoulpé et anplaidié, car ce me semble pechié de vous encombrer'. (Bérinus, I, c.1350-1370, 101)

...Bien repentir Me doy, quant j'osay consentir De renoier vostre figure, Et aourer la creature Qui les bons crestïens encombre. (Jour Jug. R., c.1380-1400, 242)

Mais quant ton tamps se troublera, Pour voir chascun t'encombrera. (La Sale, Sale D., 1451, 77)

b)Encombrer qqn de + inf. Empêcher qqn de faire qqc..

Voire, et si nous tolt et encombre De faire ailleurs nostre prouffit (Mir. st Val., c.1367, 163)

II. -Emploi pronominal réfléchi. Se charger, s'embarrasser.

Il a bien de noblesse tant, De scens, d'onneur et d'onnesté, De gieus et de jolieté Ou gent esprivier et en dame Et en bonne amour sans diffame Et en amant d'amour espris, Cui ses cuers est de dame pris, Que trop se porroit encombrer Cils qui les cuideroit nombrer. (Mach., D. Aler., a.1349, 289)

S'encombrer de qqc.

...Trés tout decoste li assise, Grace, Pais, Honneur et Franchise, Mesure, Foy et Verité, Attemprance et Humilité, Et tant qu'on ne les puet nombrer, Qui trop ne s'en vuet encombrer. (Mach., D. Aler., a.1349, 323)

Et qui se vorroit entremettre De savoir ou d'en escript mettre Le nombre de ceuls qui moururent, Tous ceuls qui sunt et ceuls qui furent Et tous ceuls qui sont a venir Jamais n'i porroient venir, Tant s'en sceüssent encombrer ; Car nuls ne les porroit nombrer, Ymaginer, penser, ne dire, Figurer, moustrer, ne escrire. (Mach., J. R. Nav., 1349, 151)

Et li riche font encor pis, Car il portent dedens lor pis Tant de mal et de felonnie, D'orgueil, d'avarice et d'envie, Qu'on ne le te porroit nombrer. Si se fait mauvais encombrer De richesse et de povreté. (Mach., C. ami, 1357, 71)

...et sans faillir Il trouverent si grant finance Et tant d'avoir, que, sans doubtance, Je ne le saroie nombrer ; Pour ce ne m'en vueil encombrer. (Mach., P. Alex., p.1369, 55)

Là de gens avoit si grant mont Que ne le saroie nombrer, Tant bien m'en sceüsse encombrer. XXXIIIJ. amiraus trouverent Avec le soudan, puis entrerent Main à main dedens le palais, Qui n'estoit trop biaus ne trop lais. (Mach., P. Alex., p.1369, 195)

(S')encombrer de + inf.

...Et se vosissent encombrer Des biens et des douceurs nombrer, Dame, dont vous avez sans nombre, S'abaieroient il leur ombre ; Car jamais n'i asseveroient, Ne que la mer espuiseroient. (Mach., R. Fort., c.1341, 84)