EMBRASER

verbe

[T-L : embraser ; GDC : embraser ; AND : embraser1 ; FEW (XV-1, 257a) : *bras-]

A. -Au propre. Enflammer, faire brûler, mettre le feu à.

...de toutes pars Verrez le feu si fort espris Que jusqu'a son corps sera pris Et embrasé. (Mir. st Lor., 1380, 190)

Et la commenca fort le trait d'arbalestres et de canons. Mais la grant flote de noz gens vint sur eulx, et, par la force des ondes, la nef qui ardoit se bouta entre eulx. Et ne se scorent si garder que il ne leur embrasast trois de leurs nefs, et furent tous ceulx de dedens noiez et periz, et tout quanqu'il avoit dedens affondré dedens la mer. (Arras, c.1392-1393, 89)

Et menoient ces gens d'armes, boutefeus, avoecques euls, qui couroient de ville en ville, et boutoient le feu dedens, et ne s'en departoient si estoit la ville tout embrasee. (Froiss., Chron. D., p.1400, 384)

...or l'ont destruicte, Et toute embrasee et recuite, Dont grant pitiez ert a veoir A tel ville ainssy mescheoir. (Chr. Piz., M.F., III, 1400-1403, 253)

A ce qu'on dit que mondit seigneur d'Orléans volt embrâser le Roy nostre sire, c'est mençonge. (Doc. 1408. In : MONSTRELET, Chron. D.-A., t.1, c.1425-1440, 328)

...par le commandement du duc de Bourgongne furent ars et embrasez la dessusdicte isle et chastel (Monstrelet, Chron. D.-A., t.4, c.1425-1440, 52)

Et Mars aprèz, au vray compter, Qui trop est sec et forment chault, Les embrase [les vapeurs] par tant en hault, Dont descendent, pour la matière Estant pesant plus que légière, En forme de pouldre ou de cendre (La Haye, P. peste, 1426, 27)

...ceulx qui les [les sujets du roi] tirannisent et destruisent ont embrasé vostre saintuaire, et en terre ont polu le tabernacle de vostre nom (Juv. Urs., Loquar, 1440, 369)

Ce paillardeau, filz de putain, Martin, Ainsi c'un fol si s'est faict baptiser ; La loy Jhesus tient en son advertin. Que feu d'enffer le nous puisse embraser ! (La Vigne, S.M., 1496, 224)

BRUSLECOSTÉ. Il est presque chault, se me semble. Soufflons encor une allenee ; Il n'y aura plus de fumee, Mesque tout soit bien embrasé. (Myst. st Laur. S.W., 1499, 246)

[Cont. métaph.]

Ie dy que aucunesfois la personne est menee et esleuee sur soy aussi comme en alienacion, en grandeur de deuocion quant elle est toute embrasee du feu et de lardeur de desir celestiel (Cib., p.1451, 191)

[Var.] ...le feu qui embrase ou alume le courage (Fillastre, Traité Conseil H., c.1472-1473, 241)

Participe présent en emploi adjectival. [D'une chose] Embrasant. Capable de s'enflammer (ou au moins d'émettre de la chaleur), inflammable.

Mais pour ce que figure angulaire est pou gitive, elle est eschaufante et embrasante ; et pyramide est toute angle, car de toutes les figures regulieres elle a les angles plus acuz (Oresme, C.M., c.1377, 650)

Et fist donques monseigneur d'Orléans certains jeux, esbatemens et personnages de hommes sauvages, vestus de toiles emplies d'estoupes, de poix et autres choses, toutes embrasans ; du nombre desquelz estoit le Roy. (Doc. 1408. In : MONSTRELET, Chron. D.-A., t.1, c.1425-1440, 326-327)

B. -Au figuré.

1.[D'une passion, d'un désir...] Embraser qqn (son coeur). Emplir qqn, éprendre qqn.

...Car en leur cuer se boute et lance Un ardant rain de convoitise Qui si les ambrase et atise Qu'il les art jusques es entrailles. (Mach., R. Fort., c.1341, 101)

...Espris d'amours et embrasez... (Mach., J. R. Nav., 1349, 217)

Mais de desir sui plus espris, Plus embrasez, plus entrepris C'onques mais ne fui a nul jour. (Mir. emp. Julien, 1351, 219)

Car la concupiscence entre celeement et couvertement et lie subtilement le courage et embrase aucunes fois de tous les plus sages. (Oresme, E.A.C., c.1370, 385)

Ne ce n'est pas vie d'einsi languir Com je langui, car je sui embrasés Couvertement d'un amoureus desir Qui en mon cuer s'est longuement celés. (Mach., Bal., 1377, 537)

Sans cuer m'en vois, dolens et esplourez, Pleins de soupirs et diseteus de joie, D'ardant desir espris et embrasez, Douce dame, que briefment vous revoie... (Mach., Bal., 1377, 543)

Comment qu'il soit de douleur et d'ardure Pleins et espris, chargiés et embrasés, D'un seul regart bien honnir le poués ; Mais ja pour mal ne pour peinne souffrir Ne le verrés nulle fois repentir. (Mach., L. dames, 1377, 54)

Se j'ay esté de maniere volage, Ce ha fait Amour dont je sui embrasés, Qui m'a esté trop longuement sauvage. (Mach., L. dames, 1377, 88)

Que voulez que plus en die ? Tant apparut belle, tant pure, tant nette que le vray Dieu de saincte amour incontinent fut embrasé de son amour et de son ymaige, comme de Pigmalion faignent les poetes (Gers., Concept., 1401, 407)

Ne parla pas moins sagement la femme qui se seoit au sermon de Jhesu Crist, qui fu si embrasee de ses saintes parolles que, si comme on dit que femmes ne se scevent taire, de bonne heure parla a celle foiz la parolle qui solempneement est recordee en l'Evvangille, que elle dist lors qu'elle se leva par grant voulenté disant haultement : 'Benoit soit le ventre qui te porta et les mamelles que tu sussas.' (Chr. Piz., Cité dames C., c.1404-1407, 663)

...avoit ung aultre jeune chevalier (...) qui estoit tresardent et fort embrasé de l'amour d'icelle pucelle (C.n.n., c.1456-1467, 546)

...si ne les povoit il [le père] forclorre de l'entiere et loyale amour dont leurs deux cueurs estoient mutuellement entreliez et embrasez. (C.n.n., c.1456-1467, 546)

De sa charge, pour ce que plusieurs gens de bien advertirent le roy qu'il [Charles de Meuleun] n'estoit pas ydoyne à excercer icelle charge et que c'estoit ung homme embrasé de toute luxure, engorgeur de vins et de brouetz ; et estoit par maintes gens de bien de ce royaulme appellé le second Sardanapalus. (Le Clerc, Interp. Roye, c.1502, 193)

[Du Saint-Esprit] Enflammer.

Item il [le Saint-Esprit] est apellé 'feu', pour ce qu'il embrase l'affection et le desir de la voulenté. (Somme abr., c.1477-1481, 122)

Emploi pronominal. S'éprendre.

Einsi desirs fait mon cuer embraser ; Si que j'en pleure et soupir main et soir Pour le desir que j'ay de vous veoir. (Mach., L. dames, 1377, 77)

S'embraser de. S'éprendre de.

Mon cueur se volut embraser De s'amour si parfaictement C'un jour je me fis baptiser Et sa passion diviser (La Vigne, S.M., 1496, 260)

2.Embraser qqc. Rendre qqc. (le sentiment amoureux, le désir...) plus fort, plus vif, exalter, exacerber.

Ce fait doubler Et embraser Et aviver Par desirer Mon amoureuse ardure. (Mach., Ch. bal., 1377, 615)

Car la joie de ce plaisant penser Fait qu'en moy est doleur entroubliée, Et li desirs fait croistre et embraser L'amour qui n'iert ja de moy dessevrée (Mach., L. dames, 1377, 92)

Et si n'ay je pensement Vraiement Que je l'aie sans rouver. Mais desirs fait embraser Et doubler Ceste amour si asprement Que tout me fait oublier, Ne penser N'ay fors à li seulement (Mach., L. dames, 1377, 161)

Participe passé en emploi adjectival. Brûlant, vif.

...le roy d'Engleterre, convoittant ou desirant par discentions, sourses et eslevees tres embrasees, nuyre au duc de Normendie (Juv. Urs., T. crest., c.1446, 81)

Emploi pronominal. [D'un sentiment, d'un désir...] S'embraser. S'enflammer, devenir plus vif.

...et ce sauoit dauid qui disoit : (...) en ma meditacion le feu se alume, cest charite qui se embrase par saincte meditacion. (Cib., p.1451, 181)