EFFORT

substantif masculin

[T-L : esforz1 ; GD : esfort ; GDC : esfort ; AND : aforce ; DECT : esforz2 ; FEW (III, 727b) : fortia]

[Idée de force en action]

A. -Activité de qqn qui mobilise ses forces (physiques ou mentales) pour surmonter une difficulté, vaincre une résistance, atteindre un but, effort.

PREMIER DYABLE. Faites nous droit (...) de ceste dame, Qui nous tolt chascun an mainte ame, Ce nous semble, par son effort. (Mir. enf. diable, c.1339, 46)

LE BOURRIAU. Alumer vueil par telx effors Ce feu (...) Qu'il fauldra c'on se traie arriére De touz costez. (Mir. femme, 1368, 216)

Et donques convendroit il que ceste vertu corporelle meust le ciel selon tout son povoir par la plus grande isneleté que elle porroit et a tout son effort, ausi comme nous voions que pesanteur meust le corps pesant. (Oresme, C.M., c.1377, 298)

L'onneur et la grace de Dieu en ce appareut que par son moyen, par le moyen de luy seul, homme, il voult convertir tant soudainement et merveilleusement le monde a sa foy et a sa loy contre toute la furieuse puissance des tirans, contre toute la sapience et moquerie des philosophes, contre tout l'effort et l'esclande des juifs, contre la malice et parverse cautelle des dampnez ennemis. (Gers., P. Paul, a.1394, 494)

Maiz la céleste impression Lui peut donner commotion En trestous ses faiz voluntaires, Soient mauvaiz ou débonnaires, En tant que l'âme ensuit le corps Sans nécessité ne effors (La Haye, P. peste, 1426, 69)

Et, non obstant tout leur effort, Au tiers jour ressusciteray. (Myst. Pass. Troyes B., a.1482, 383)

...qu'on luy boute Tous ces poisons dedens le corps, Sans en demeurer une goutte Maulgré elle et tous ses effors. (Cene dieux, c.1492, 130)

Par analogie. [À propos d'un élément naturel]

...car, combien que icellui monastere soit en lieu patant, où tous vens font merveilleux effors et en tous temps et que ce soit religion de grande antiquité, y a une grande merveille, c'est ou reffectouer d'icelui lieu, a une grande fenestre comme une porte, en laquelle a une lanterne inextinguible, qui esclaire toute la maison, ne nul vent, ne tempeste ne lui peut nuyre, ne à autre lumiere (Simon De Phares, Astrol., c.1494-1498, f° 85 v°)

Par effort. Avec force, puissance.

L'aer si trestroublé lors estoit Que il n'y avoit clarté nulle, De soleilh, de feu ne de lune. La terre trambloit par esfors ; Ressussité sont pluseurs mortz. (Pass. Auv., 1477, 274)

Par l'effort de qqn. Par l'initiative de qqn.

Et lors le gentil prince print congié du roy et en grant paour s'en alla devers la Rouyne Faee. Quant il vint devant elle, il la salua moult courtoisement. 'Sire, dist elle, c'est par mon effort que j'ay celle salutation. - Ma chiere dame, dist Lyonnel, je ne vous voeil desdire, mais je ne me osoie veir devant noble presence pour l'amour d'un commandement qui me fut ja pieça fait par vous...' (Percef. IV, R., c.1450 [c.1340], 40)

Et convyent que Renier par le Fromon effort Tenist du viel Fromon se tiere et son regort, Mais on fait mainte fois a maint preudomme tort. Ainsy pres de .IIII. ans yceste cose dort C'onques Renier n'ala a Blavez ny a port. (Jourd. Blaye alex. M., a.1455, 65)

Force, énergie, vigueur.

Se tu as deus voisins ou trois Qui marchissent a tes destrois, Ne soiez mal des trois ensamble. Cils qui ce fait au fol ressamble. Mais se tu pues, soies bien d'eus, Au meins ou de l'un ou des deus, Par quoy, se li tiers te menasse, Que petit doubtes sa menasse, Car se riches, puissans et fors Sont, ce te sera grans effors. Einsi chascuns princes le fait Qui bien vuet joïr de son fait. (Mach., C. ami, 1357, 122)

Mais merveilles fu de leur trait ; Car chascuns rue et lance et trait Par tel guise et par tel effort Qu'onques ne treïrent si fort. (Mach., P. Alex., p.1369, 74)

Les Sarrazins moult y perdirent Et nostre gent se retreïrent Tout bellement, car bien savoient Que le pas gaingnier ne pooient ; Et sans doubte il estoit si fors Que riens ne vausist leur effors. (Mach., P. Alex., p.1369, 153)

Locution.

À (grand) effort

S'en diray un petit argu D'un po d'aucun bos bien agu Dedens mole terre fichiez : Il seroit plus tost arrachiez C'uns qui seroit a grant effort Fichiez en un lieu dur et fort. (Mach., D. Aler., a.1349, 300)

Premierement, il convient departir soy et traire loing et resister a plus grant effors au vice qui est plus contraire a la vertu que l'en quiert. (Oresme, E.A., c.1370, 172)

L'un crioit hault, li aultres bas, Et tant chacierent a effort Que les loups orent ce jour tort : Maint en y ot prins et tué, Ce jour y ot maint coup rué : D'espié, de haiche et godandart, De baston, de lance et de dart D'espées, d'arcs et de saiettes Leur furent maintes plaies faictes. (Desch., M.M., c.1385-1403, 33)

'Sonnés, sonnés les cloces ! Esmouvés la ville !' On fist son conmandement, les cloces furent sonnees a esfort ; toutes gens sallirent sus. (Froiss., Chron. D., p.1400, 353)

...le marescal (...) faisoit sonner ses tronpetes a grant esfort pour requellier ses gens (Froiss., Chron. D., p.1400, 515)

Regardez bien celuy ou viz Que je baiseray maintenant Et y soyez la main tenant Et le lÿez a grant effort, Car il est homme grant et fort, Bien membru, agille et delivre. Se de voz mains il se delivre, Vous ne le rarez point tantost. (Gréban, Pass. J., c.1450, 252)

Si vous l'aymez [Charles d'Amboise] , sire, pas n'avés tort, Car il estoit à vous servir feable ; Tant de traveil a prins à grant effort Que sa vie a esté moins durable ; Mais sa gloire sera plus pardurable D'avoir eu tel maistre et si grant roy, Qui loyaulment a servy sans desroy. (Le Clerc, Interp. Roye, c.1502, 396)

[Avec une idée à la fois de force et de vitesse] A toute force, à toute vitesse.

'Seigneur, pour Dieu merchi, Chevauchons a effort, sans faire nul detri, Secourons le Bastart...' (Bât. Bouillon C., c.1350, 161)

...et le rampin s'en va singlant a effors, tant qu'il vint a l'isle. (Arras, c.1392-1393, 90)

Et ceulx montent sur la mer et lievent leurs voilles et s'en vont singlant a effort vers Chippre. (Arras, c.1392-1393, 127)

Avoir effort. Connaître une résistance.

Pour dire vray, poinct je ne menteré, Car verité ne veult avoir effort. (La Vigne, S.M., 1496, 156)

Faire/monstrer effort. Résister.

JUDAS. ...Plusieurs de ceulx de Gallilee Sont icy qui sont ses amis A cause qu'il est du paÿs, Qui, force, y monstreront effors ; Et se voz gens sont les plus fors, Ilz en vendront a leur dessus. (Gréban, Pass. J., c.1450, 232)

LE SOUBDAN. Brief, nous n'avons ny escu ne pavoys De quoy puissons contre luy faire effort. (La Vigne, S.M., 1496, 251)

Mouvoir un effort en contraire de qqn. S'opposer, faires des difficultés à qqn.

...il seroit apparant de pouvoir mouvoir une fois, ce sembloit, un grand effort en son contraire, et pour luy donner beaucoup de répugne. (Chastell., Chron. K., t.4, c.1456-1471, 160)

Faire/mettre son effort de + inf. Utiliser toutes ses forces pour, faire de son mieux pour.

...Car es maus d'amours que je port Ay tel plaisence, Car quant il font plus leur effort De moy grever, plus me confort, Et tout par son noble confort Suis je respitez de la mort Qui m'eüst, s'elle ne fust, mort Sans deffiance. (Mach., R. Fort., c.1341, 120)

La pooit on assés aprendre, Car chascuns faisoit son effort De chanter bien et bel et fort. (Mach., Voir, 1364, 346)

...la Court a ordonné que jusques à la Septembresche, J. de Saint Pere sera elargi et interim fera tout son effort de contenter ses crediteurs (Baye, I, 1400-1410, 137)

Jeunesse sur moy a puissance, Mais Vieillesse fait son effort De m'avoir en sa gouvernance (CH. D'ORLÉANS, Ball. C., c.1415-1457, 133)

MERE SOCTIE. Pour moy donner bon reconfort, Mon enffant, general d'Enffance, De descendre mectz ton effort. (Sots, c.1480-1500, 269)

Faire son effort que + subj.

...Anemis ne dort, Eins fait son effort Qu'en livre de mort, moy mort, Me puist faire escrire. (Mach., Les lays, 1377, 412)

B. -Force, impétuosité.

Et vous savez que l'effort de deux chevaliers ne puet pas porter le faiz contre bien de LX. a IIIJxx mille Sarrasins ; et ce fu la cause qui nous destourna de y aler, et vous devez savoir que cellui est moult fol qui souffle contre le vent pour le cuider tarir ne surmonter. (Arras, c.1392-1393, 82)

Puis retourna le preux et fort, Atout son grant host, plain d'effort. (Chr. Piz., M.F., IV, 1400-1403, 23)

...en pluiseurs villes et forteresses qu'ilz avoient nouvellement recouvrées, et y avoient trouvé assez prompte obeissance sans y faire assault ou effort de armes ou de guerre. (Fauq., II, 1421-1430, 318)

...la prouesse qu'il fist au grant tournoy estoit alors comme neant, veu le grant effort qu'il mettoit a detrenchier ses ennemys. (Percef. IV, R., c.1450 [c.1340], 622)

Je cuydoye estre au jour d'uy trop a tant De voir l'effort de la grande bataille. (La Vigne, S.M., 1496, 192)

Coup de force, violence.

Pourquoy moy, plus que les autres ne font, Doy je porter de Fortune l'effort (CH. D'ORLÉANS, Rond. C., 1443-1460, 446)

CAŸPHE. S'aucune remede y sçavez, Pour Dieu, vueillez la nous aprendre. (...) MARDOCEE. Le prendre [Jésus] Prestement par cruel effort Et l'occire. (Gréban, Pass. J., c.1450, 217)

Se a esté ung terrible effort Et une chouse tropt mal faicte Que nous soyons esté d'accort De faire morir le prophete. (Pass. Auv., 1477, 107)

À grant effort. Impétueusement, violemment.

Au jour d'uy (...) sont descendues les glaces et glaçons aval en si grant habundance par si grant impetuosité et à si grant effort (...) que par les heurs continuelx des glaces contre les pez de boiz qui soustenoient le Petiz Pont (...) icelles glaces et riviere de Seinne ont abatu ledit pont de boiz (Baye, I, 1400-1410, 213)

Par effort. Avec violence.

Se vostre frere estoit mortel, C'est l'usaige, tout homme est tel Que la mort prent tout par effort. (Gréban, Pass. J., c.1450, 198)

C. -Peine, tourment.

Et qui diroit uns homs est fors Pour souffrir d'amours les effors, Et s'a cuer plus dur qu'aymant Ou que ne soit un diamant, Je ne donroie de sa force Le quart d'une pourrie escorce, Ne je ne pris riens sa durté (Mach., J. R. Nav., 1349, 246)

Samuel, aproche sa le corps ; En terre fault que soit donné Pour faire fin ad nous effors. (Pass. Auv., 1477, 104)

Las, quel effort Me font tes moutz ! - Ou irey je mon filz querir ? (Pass. Auv., 1477, 188)

A bien peu tint que de mortelle angoisse Ne trespassasse en ces piteux effors, Quant j'advisay ce chevalereux corps, Car, pour certain, c'estoit mon treschier pere Que vy en mondaine misere. (Saint-gelais, Séj. honn. D., c.1490-1495, 266)

D. -Grand nombre, quantité.

Sire, vous veez clerement Que ceste cité est trop fort, Et s'a dedens si grant effort De gent, qu'on ne les puet esmer. Bien l'avez veü en la mer, Au descendre de vos galées. (Mach., P. Alex., p.1369, 81)

Vous direz ce que vous vouldrés -- Et du pouoir avez assez -- Mais ja Espoir ne m'en touldrez, Par qui j'ay tant de maulx passez, Car, quant Nature a enchassez En vous des biens a tel effors, El ne les a pas amassez Pour en mectre Pitié dehors. (Chart., B. Dame, 1424, 355)

À (grand) effort. En grand nombre.

...desja venoient chevaliers a effort, armez et appareilliés de jouster. (Percef. IV, R., c.1450 [c.1340], 419)

...ceulx d'Escoce s'assambloient a grant effort pour garder les portz (Percef. IV, R., c.1450 [c.1340], 588)

[À propos d'une substance] En abondance.

Sy tost que le serpent senty sa queue racourcee dont le venin de son corps sailloit a effort, il encommença a siffler et a braire (Percef. IV, R., c.1450 [c.1340], 665)