DOULEUR

substantif masculin et féminin

[T-L : dolor ; GD : douleur1, douleur2 ; GDC : dolor ; AND : dolur ; DECT : dolor ; FEW (III, 119b) : dolor ; TLF (VII, 468a) : douleur]

A. -Sensation douloureuse, souffrance.

1.Souffrance physique, mal.

LA DAME. (...) Parmy le ventre ay doleur tant Et par les reins sanz tant d'angoisse (Mir. enf. ress., 1353, 18)

Ceulx qui ont doleur en la hanche, quant l'oz yst et rentre arriere, il y a muscillages. (Saint-gille, A.Y., 1362-1365, 96)

Angloys sont nourrys de doulces viandes et de bonnes cervoises crasses qui tiennent les corps moistes ; et ilz avoient les vins si durs et si chaulx, et en buvoient largement pour oublier leur doulours. (Froiss., Chron. M., XIV, c.1375-1400, 98)

...et, ce fait, que l'en ouvrist iceulx pos de terre, et que les botereaux qui dedens seroient l'en piquast bien et fort de bonnes longues aguilles ou petites broches de fer, et que autel ou samblable peine et douleur comme lesdiz botereaux soufferroient, celui pour qui et à quel entencion l'en feroit ce en soufferroit autant (Reg. crim. Chât., II, 1389-1392, 326)

...et consideré la longue peine de douleur de maladie soufferte par icellui de Ruilly, son mari (Reg. crim. Chât., II, 1389-1392, 335)

Et entre les autres moy mesme ne dormi de toute ceste nuit et ne me puiz soustenir de la doleur de la teste (Baye, II, 1411-1417, 173)

Atant se teut, car par mesaise de corps et disete de mengier avoit la parolle et les esperiz afoibliz et come aggravanté de douleur povoit a paine parler. (Chart., Q. inv., 1422, 25)

Défense font, en leur pratique, De travail en ce temps emprendre, Il est à savoir et entendre Qu'ilz l'entendent de superflue, Qui corps humain moult fort transmue, Ou pendant la douleur cruele De la maladie actuele. (La Haye, P. peste, 1426, 85)

Douleur selonc Avicenne est sensibilité de la chose contraire. (Panis, Guidon, 1478, tr.VII, doct.1, chap.5)

La douleur est appaisee doublement : en une maniere en ostant la chose contraire, en la esvacuant ou alterant et en aultre maniere en ostant le sentiment de la particule. (Panis, Guidon, 1478, tr.VII, doct.1, chap.5)

LE SECOND. Tous membres ont labeur Quant il vient douleur Qui griefve le chief. (Rapp., c.1480, 70)

Aussi à l'umeur peccante vit la disposicion du ciel convenable pour y fere applicacion et le fist, au moïen de laquelle, le roy Daire, qui longtemps avoit esté sans avoir reppox nuyt ne jour, perdit incontinent toute doulleur et fut gary (Simon De Phares, Astrol., c.1494-1498, f° 52 v°)

Douleur a si tresgrant regence Sur mon corps que je n'en puis plus (La Vigne, S.M., 1496, 453)

Douleur de mere. Douleur de l'accouchement.

Beau doulx fis que j'ey pourté En purté De saincte virginité Sen sentir douleur de mere, Vierge je t'ay enfanté Pour sancté Donner [l]a [l. Donner a] humanité (Myst. st Sébast. M., c.1450-1500, 90)

Mettre son corps en douleur. Exposer son corps et récolter souffrances et maladies.

Véez-cy tant de vaillans gens qui ont tant traveillié pour la chose publique de ce royaulme et y ont tant de foys exposé leur vie, dont beaucoup sont demourez en la poursuite ; et ceulx qui n'y sont demourez, si ont-ilz abregiez leurs jours et ont mis leur corps en doulleurs, comme de gouttes ou autres maulx, qu'ilz sentent tous les jours et sentiront toute leur vie ; encore plus, la pluspart n'ont que mengier. (Bueil, II, 1461-1466, 154)

Mourir à douleur. Mourir dans la souffrance.

[Griseldis] Fille d'un povre laboureur Qui feust or mors a grant doleur De foiblesse et de povreté, Se n'eüst celle fille esté Qui le sert si diligemment. (Gris., 1395, 29)

Qui m'estoit chose espouentable Me veoir en lieu si doubtable, Et ja senti si grant chaleur Que doubtay mourir a douleur Et que m'emportassent maufé, Tant senti ja l'air eschaufé. (Chr. Piz., Chem. estude P., 1402-1403, 74)

Les mauvais tirans nous menacent De faire mourir a douleur. (Gréban, Pass. J., c.1450, 427)

Et meure Paris ou Elayne, Quicunques meurt meurt a douleur Telle qu'il pert vent et alaine, Son fiel se criesve sur son cueur, Puis sue Dieu scet quel sueur... Et n'est qui de ses maulx l'alege, Car enffant n'a, frere ne seur, Qui lors voulsist estre son pleige. (Villon, Test. R.H., 1461-1462, 43)

Sentir/ souffrir grand douleur

...le roy affeblissoit fort, et avoit moult de sang perdu. (...) [il] souffroit grant doulour (...). Lors lui dist ly chevaliers : Monseigneur, vous avez ycy trop demouré, venez vous en et faisons voz gens retraire en la ville avant qu'il soit plus tart, afin que les Sarrasins ne se boutent pelle melle avecques nous. Et le roy, qui sentoit grant douleur, lui respondy : Faictes a vostre voulenté. (Arras, c.1392-1393, 106)

2.Souffrance morale.

a)Peine, chagrin, affliction.

LA DAME. (...) La douleur, que sa mort sentir Me fait, m'est grief tourment et rage. (Mir. enf. ress., 1353, 37)

Celui qui est vertueus a bien aucunes fois compassion, douleur ou joie et yre et concupiscence (Oresme, E.A.C., c.1370, 153)

...les trois sereurs (...) prindrent leur pere et l'enclouirent en la dicte montaigne. Et vindrent a leur mere et lui dirent : Mere, il ne te doit chaloir de la desloyauté de nostre pere, s'il l'a t'a faicte, car il en a son paiement, car jamais n'ystra de la montaigne de Brumbloremllio, ou nous l'avons encloz, et la usera son temps en doulour. (Arras, c.1392-1393, 12)

Et vous devez savoir que les bonnes gens du pays, qui orent leur seigneur perdu, furent moult doulens (...). Or il est bien verités qu'il n'est douleur, tant soit angoisseuse, qui ne s'adoulcisse sur le tiers jour. Les barons du pays conforterent la dame et ses enfans a leur povoir, et tant firent que leur douleur s'assouaga. Mais la doulour Remondin croissoit tousjours tant pour la cause qui le contraingnoit du meffait qu'il avoit fait, comme pour l'amour qu'il avoit au conte, son oncle. (Arras, c.1392-1393, 29)

Ainsi comme vous ouez, se dementoit Remond, et se fiert et debat par telle maniere qu'il n'a si dur cuer ou monde, s'il le veoit et ouoit, a qui il n'en preinst pitié. Et se repent fort de ce qu'il n'a osté au conte, son frere, la vie du corps. Cy nous dist la vraye histoire qu'en celle douleur et en celle misere demoura Remond jusques au jour. (Arras, c.1392-1393, 243)

Car grant doleur au cuer me vient Quant il fault qu'envers vous mespregne (Gris., 1395, 65)

Helas, mon doulx enfant, pourras tu refuser a ceste povre mere une goutte d'eaue, une seule larme qui tant luy puet proffiter et sa doleur alegier ? (Gers., Déf., 1400, 227)

...où vous, monsr de Vienne, le servistes de bon conseil en une grant malladie qu'il eut de douleur et de tristesse de ceste honte qu'il avoit receüe (Comm., II, 1489-1491, 117)

Douleur de penitence

Et fonderay ma predicacion, qui est une plaidoyerie de verité, en trois raisons principales, et dy que cuer doloreux - et j'entens de bonne doleur, de doleur de penitence - amaine trois excellens biens. (Gers., Déf., 1400, 223)

Si n'y a meilleur que soustenir par ung peu de temps la doleur de penitence, qui maine a garison, affin que on ne languisse pas ainsy par mauvaise convoitise et male arsure jusques a la fin. (Gers., Déf., 1400, 243)

Mettre qqn à/en douleur. Faire souffrir qqn.

Par la grans erreur Son mis a doleur Simple creatures (Myst. st Bern. Menth. L., c.1450, 118)

Ladite dame demoura grousse, laquelle acoucha d'ung filz tout mort, incontinent après la mort du mary, qui a mis en grand douleur les roy et royne de Castille et tout le royaulme. (Comm., III, 1495-1498, 27)

Mettre qqn hors de sa douleur. Faire cesser les souffrances de qqn.

Tous les barons furent moult doulens de son tourment, mais ilz n'y sceurent remedier pour chose qu'ilz lui sceussent dire ne monstrer. Mais tousjours enforce sa doulour. En ceste partie dist l'ystoire que, quant les barons virent qu'ilz ne le povoient mettre hors de sa doulour, ne appaisier en aucune maniere, si furent moult doulens. (Arras, c.1392-1393, 253)

Prendre douleur. Se laisser aller à la souffrance, à la tristesse.

Or parle SEINT JOHAM. Tresdulce Virge Marie, Ne devés pas si grant doleur pandre, Quart se que est fet ne puis defere. (Pass. Autun Roman F., c.1400-1500, 211)

b)Malheur.

Et la demoura [Mélusine] deux jours, et faisoit moult mate chiere, et tousjours aloit et venoit hault et bas par my leans, visitant tout le lieu, et gettoit de foiz a autre moult griefs plains et moult griefs souspirs. Et dist l'ystoire et la vraye cronique, que je tien estre veritable, qu'elle scavoit bien la doulour qui lui approuchoit (Arras, c.1392-1393, 254)

MAGDELAINE. Las, bien devons estre dolentes ! Mes seurs, regardez la douleur : Le corps de nostre doulx seigneur Nous est amblé et transporté. (Gréban, Pass. J., c.1450, 388)

[Dans une formule d'imprécation] Douleur à qqn ! Malheur à qqn !.

JÉSUS. Touttefoiz, douleur pour celluy Par qui j'aray la trahison ! (Gréban, Pass. J., c.1450, 240)

Doleur a ceulx qui des hommes enquierent moult de choses et peu leur est de la voie enquerir de moy servir. (Internele consol. P., 1447, 193)

c)Proverbes et sentences.

Au resveiller sont les grieves douleurs

Les chemins vers de ce monde univers Seront couvers de fort noires couleurs : Au resveillier sont les griefves doleurs. (Molinet, Faictz Dictz D., 1467-1506, 274)

Quand j'ay tout painct et tout ymaginé, La mort terrible a brouillé mes couleurs : Au resveiller sont les grefves douleurs. (Molinet, Faictz Dictz D., 1467-1506, 824)

De chiens, d'oiseaulx, d'armes, d'amours, Pour une joie cent douleurs

Pour ce je vous diray le dit D'un proverbe, qui ainsi dit : De chiens, d'oyseaulx, d'armes, d'amours, Pour une joye cent doulours (La Buigne, Rom. deduis B., 1359-1377, 386)

Or ont ces folz amans le bont Et les dames prins la vollee. C'est le droit loier qu'amans ont, Toute foy y est vïollee. Quelque doulx baisier n'acollee, De chiens, d'oiseaulx, d'armes, d'amours, C'est pure verté devollee, Pour une joye cent doulours. (Villon, Test. R.H., 1461-1462, 63)

Car on chante , en maint noble hostel : 'De chiens, d'oiseaulx, d'armes, d'amours, Pour ung plaisir mille dolours.' (Molinet, Faictz Dictz D., 1467-1506, 68)

D'amours, pour une joie cent douleurs

D'amours, c'est regle de droicture : Pour une joye, cent doulours. (Myst. Viel test. R., t.5, c.1450, 350)

...soustenir vueil que on y reçoit [en amour] Pour ung plaisir mille doulours. (Alecis, Blas. faulses am. P.P., a.1486, 189)

Douleur ne se peut celer

Cheminans ainsi, les dames en esperit volant, par maniere d'une piteuse tragedie et amere lamentacion Ardant Desir dist a Verite [l. Verité] la royne : 'Madame,' dist il, 'il est escript que grant doleur longuement ne se puet celer...' (Mézières, Songe vieil pèl. C., t.1, c.1386-1389, 303)

Il se dit en proverbe que extreme doleur et lyesse ne se peuent celer, comme il apparu bien par Marie Magdalene, en querant et trouvant Jesuscrist. (Mézières, Songe vieil pèl. C., t.2, c.1386-1389, 503)

En amour il y a plus de joie que de douleur

Conclusion Pour ce soustien, a droit et sans foleur, Qu'en amours a plus joye que douleur. (Chart., D. Fort., 1412-1413, 178)

Le plaindre allege la douleur

Jamais en toute sa maladie ne se plaignit, comme font toutes sortes de gens quant ilz sentent mal. Au moins suys-je de ceste nature, et en ay veü plusieurs autres, et aussi l'on dit que le plaindre allège la douleur. (Comm., II, 1489-1491, 313)

Qui a plus de science a plus de douleur

Et pour ceste science qu'il ot des fais du monde, il estoit en continuelle plainte et gemissement pour les deffautz lesquelz il consideroit. Car en ce dit verité Salomon que qui a plus de science a plus de douleur. (Gers., P. Paul, a.1394, 511)

Qui acquiert en douleur chose chiere, Plus a de bien et de joyeuse chiere En sa conqueste. On apprécie davantage ce qu'on acquiert dans l'effort et la peine.

Mais qui acquiert en douleur chose chiere, Plus a de bien et de joyeuse chiere En sa comqueste [sic] Et lui semble plus hault et plus honneste Le bien qu'il a a paine et a requeste, Et en maine plus de joye et de feste Et mieulx le prise Que s'il l'eust eu tout a sa belle guise, Car Nature a en nous ceste loy mise Que mieulx nous plaist chose a dangier conquise. (Chart., D. Fort., 1412-1413, 166)

B. -Par métonymie.

Manifestation de la souffrance, plainte, lamentation.

Et maintenant il en est consolez : il veult du tout sans douleur ce que Dieu veult ; et en ceste vie aussy n'estoit pas sa douleur telle sans tres grande consolacion. (Gers., P. Paul, a.1394, 511)

Aprés celle complainte, elle se teut un petit. Mais prestement elle rentra en ung autre douleur et commença a dire en larmoiant... (Percef. III, R., t.2, c.1450 [c.1340], 120)

Demener/ mener douleur Manifester sa souffrance.

...sy trouverent Berinus grant douleur demenant pour la mort de son pere, et ce ne fu mie de merveilles. (Bérinus, I, c.1350-1370, 100)

En nom Dieu, dist le chevalier, nous yssimes hier sur noz ennemis, et, au retourner, fu le roy feru du soudant d'un dart envenimé, telement que on n'y treuve remede. (...) Et sachiez que la fille du roy maine tel douleur que c'est pitié a veoir ; il a ja deux jours qu'elle ne voult ne boire ne mengier. (Arras, c.1392-1393, 114)

Quant ceulx de la cité sceurent la mort de leur roy, si furent moult doulens et moult esbahiz et demainent moult grant douleur. Mais, par especial, sur tous eulx, la pucelle Aiglentine menoit tel dueil que c'estoit grant pitié a veoir (Arras, c.1392-1393, 181)

De povreté me grementant, Souventeffoiz me dit le cueur : 'Homme, ne te doulouse tant Et ne demaine tel douleur !' (Villon, Test. M., 1461-1462, 41)

Endroit douloureux.

Item por fi et por brokez garir, R. fraisiers et leuchandeulhe et broies trè bin ensemble, se le meteis sor le dolour, si garira. (Méd. nam. H., c.1400-1500, 201)

Infection, maladie.

...Dont tel mortalité entree Est ou pays, et pestilence Si pesme, et si dure pesance Qu'a peine homs, ne femme y remaint ; Bestes, oyseaulx, dont y a maint, Mouroyent d'icelle douleur Et perdoyent sang et couleur. (Chr. Piz., M.F., III, 1400-1403, 262)

Faire douleur. Manifester sa souffrance.

Et en cellui estat, douleur faisant, s'en vindrent jusques au palais, et la fu ly corps descendus. (Arras, c.1392-1393, 28)

C. -Emploi adverbial. Très, vraiment.

LUCIFER. Sathan a, je croy, vent derriere : Il revient douleur radement. (Gréban, Pass. J., c.1450, 144)

ANNE. Noz gens font bien leur negligence D'amener Jhesus de bonne heure ; Ilz font douleur longue demeure : Je ne sçay en quel point ilz sont. (Gréban, Pass. J., c.1450, 250)

GADIFER. Ce villain [Jésus] si est douleur fade : Il ne vueult cheminer du pié S'il n'est hutiné et torchié Tousjours a chascun pas qu'il marche (Gréban, Pass. J., c.1450, 256)

ESTONNÉ. Nostre maistre est douleur plain d'ire ; Je ne sçay que deable il luy fault. MALCUIDANT. Et c'est pour ce villain marpault A qui Dieu doint senglant mal an ! (Gréban, Pass. J., c.1450, 282)

Vous estes douleur matineux ; Mais, quel besoingne vous asaiche Maintenant ? (Gréban, Pass. J., c.1450, 285)