DISCIPLINE

substantif féminin

[T-L : descepline ; GD : descepline ; GDC : discipline ; AND : discipline ; FEW (III, 92a) : disciplina ; TLF (VII, 257a) : discipline]

A. -Instruction, éducation ; enseignement, science ; règle de conduite.

1.Instruction, éducation.

Et samblablement de Discipline se lit de Octavien empereur, que par grans disciplines volt que ses enfans fussent amaistrés de toutes choses convenablement : comme de science (...), et puis des armes a cheval et a pié (La Sale, Sale D., 1451, 123)

2.Science enseignée, branche de la connaissance.

Si comme seroit de ce que aucun a amour de honeur, un autre a amour de discipline et de science. (Oresme, E.A., c.1370, 220)

Mais de ceulz qui mettent que les corps sont constitués et composés de superfices, l'en peust veoir promptement que il dient moult de choses autres qui sont contraires aus disciplines mathematiques. (Oresme, C.M., c.1377, 588)

Arismetique est discipline De numbres (Chr. Piz., M.F., II, 1400-1403, 114)

Chaton le Grant fut environ ce temps moult subtil et entendu en la discipline celeste et furent en lui trois singulieres choses, grant orateur, grant empereur, optime senateur. (Simon De Phares, Astrol., c.1494-1498, f° 68 v°)

Connaissances (dans une domaine particulier).

Et avecques ce, l'en doit savoir que les disciplines des choses communes differe selon la difference de chascune des choses singulieres (Oresme, E.A., c.1370, 535)

Et ne convient pas jugier de ce par les choses premieres, mes par celles qui sunt maintenant ; car les gens ont maintenant discipline de contreagonizer, ce est a dire de soi deffendre et combatre contre leur adversaires, et il ne l'avoient pas devant. (Oresme, Pol. Arist. M., c.1372-1374, 345)

Or avons donques aussi comme chose confessee ou vraie que il convient user de discipline luctative, et en quelle maniere. (Oresme, Pol. Arist. M., c.1372-1374, 345)

Discipline de lettres. Connaissances que procure l'étude des ouvrages écrits.

...maistre Nycole Gomaud (...) prestre, maistre en ars et bacheler en theologie, et bon gramarien, suffisant homme tant en meurs que en discipline de lettres et expert à instruction d'escoliers (Baye, I, 1400-1410, 191)

Discipline des armees. Connaissances en matière militaire, règles de la guerre, art militaire.

Aprez lesquelles choses puis user des propres motz dudit Vegece en la fin de son livre, ainsi disant : 'Je croy que desormaiz puis taire de la discipline des armées ; car, en ces choses, la coustume et usaige treuvent souvent plus d'art et de nouvelles choses que l'ancienne doctrine n'en a demonstré.' (Bueil, II, 1461-1466, 59)

3.Règle de conduite.

...c'est celle qui nous a donné Dieu en terre, (...) terme a la mort et discipline aux meurs. (Mir. ev. arced., c.1341, 104)

Et pour ce que la discipline Du present siecle et la doctrine Samble plus de plour que de joye... (Le Fèvre, Respit Mort H., 1376-1380, 95)

Item ne reçoy point informacion contre personne qui est approuvee estre de bonne vie, car se tu fais le contraire, tu destruiras bonne discipline et donneras aux mauvais hardiesse de mal faire et de resister a leurs souverains. (Horloge de sapience S., c.1389, 91)

Aprés lesquelz partis ainsi debatuz a part moy, sembloit que faulte de donner et recevoir ordre, discipline et regle a mettre en oeuvre le povoir que Dieu nous a laissié, est cause de la longue duree de nostre persecucion. (Chart., Q. inv., 1422, 6)

Et de tant comme le bien est plus universel et commun, est il plus excellent, et par le contraire le mal plus damnable, comme par une mesme discipline se jugent deulx contraires. (Chart., L. Esp., c.1429-1430, 46)

Vous mesprisés mez commandemens, et voulés que je prise voz offrendes. Vous reboutés ma discipline et voulés que je accepte voz oblations. (Chart., L. Esp., c.1429-1430, 175)

Règle de vie.

Car il se convient courroucier en aucunes choses et convient avoir concupiscence et desirer aucunes choses, comme sont sanité et discipline. (Oresme, E.A., c.1370, 183)

Les loys d'une policie donnent et mectent discipline pour vivre selon ceste policie, et les loys d'une autre policie semblablement mectent regles et discipline de vivre selon tele policie. (Oresme, E.A.C., c.1370, 282)

Règle édictée, instruction donnée.

...vos officiers viennent contre la discipline des ordonnances de vos predecesseurs (Juv. Urs., Verba, 1452, 351)

Règle de conduite commune à un corps, une collectivité.

Le roy parvers fait les subgietz dissolus. Et a prince sans sens, peuple sans discipline. (Chart., L. Esp., c.1429-1430, 45)

Le .III^me. [exemple] de Discipline traicte de la grant discipline que les Roumains observoient en leurs guerres et batailles (La Sale, Sale D., 1451, 11)

Discipline de chevalerie

...plus que devant par tres grant couraige prist en viguereuse force a gouverner et seigneurir les royaumes et terres que son mary et elle avoyent (...) lesquelz royaumes et terres elle garda moult notablement et par grant discipline de chevallerie. (Chr. Piz., Cité dames C., c.1404-1407, 677-678)

Et pour ce dit Valere que discipline de chevalerie, c'est assavoir rigle et ordre gardee tele qu'il lui appartient, fut le souverain honneur et ferme fondement de l'empire de Romme (Chr. Piz., Corps policie L., 1406-1407, 114)

Si fais ma premisse jouxte la tresgriefve sentence de Valere, que discipline de chevalerie estroitement retenue et rigoureusement gardee maintiennent les seigneuries acquises et si acquiert celles qui sont a l'encontre defendues. Et qu'est discipline de chevalerie si non loy ordonnee et gardee en l'exercice des armes et des batailles soubz le commandement du chief et pour l'utilité publique ? (Chart., Q. inv., 1422, 54)

...sans discipline de chevalerie ou obeissance a ung chief guerre ne se peut conduire (Juv. Urs., Loquar, 1440, 411)

Ainsi que ancores recite Valere, ou il dist des examples en quelle guise les peres de leurs propres mouvemens pugnissoient leurs filz quant ne vouloient observer discipline de chevalerie (La Sale, Sale D., 1451, 123)

Les nacions qui avoient discort ramenoit en son service et tenoit moult roidement la discipline de chevalerie. S'il avenoit que aucune cohorte guerpist son ost en bataille, il les faisoit jeuner en pain d'orge ; et, se c'estoit centurions ou manipulaires, ilz perdoient le chief. (Bueil, II, 1461-1466, 226)

Discipline d'armes

...lisons Titus Livius et nous trouverons que les dictateurs et les conseulz qui conduisoient les batailles rommaines estoient souvent esleuz a Romme de vaillanz hommes que on envoioit querre es champs ou ilz faisoient les labours des terres, comme il avint de Fabricius, de Lucius Quintus et de pluseurs autres, qui neantmoins estoient si craintivement obeiz que, ou les faultes advenoient contre discipline d'armes, pitié n'y avoit lieu, lignaige ne hault port n'y donnoit faveur et prieres n'y avoient mestier. (Chart., Q. inv., 1422, 59)

B. -Rigueur imposée dans la conduite ; châtiment corporel, punition ; tourment, massacre, carnage (comme châtiment).

1.Rigueur imposée (ou que l'on s'impose) dans la conduite, rigueur morale.

Et se il est ainsi que felicité ne soit pas envoiee de Dieu senz ce que homme en soit cause par vertu ou par discipline ou par excercitacion, toutesvoies convient il que ce soit aucune des choses tres divines (Oresme, E.A., c.1370, 129)

Jhesucrist vint gouverner droiturierement en vraie discipline (Jean Golein, Rational B.D., c.1370-1372, 324)

Par gieu il [Aristote] entent esbatement liberal, qui prepare et dispose a discipline et a bonnes meurs. (Oresme, Pol. Arist. M., c.1372-1374, 356)

Ne sces tu que le hault maistre dez oeuvres, dont la providence ne fait riens en vain, t'a mis en corps d'omme pour toy excerciter, et pour domter l'appetit sensuel, et le mener par discipline a rayson ? (Chart., L. Esp., c.1429-1430, 25)

Grant mouvement de discipline et de meurs doit exciter lez princes a vertu, quant leur bonté peult a tous proufiter, et leur iniquité tant nuyre a ung chacun. (Chart., L. Esp., c.1429-1430, 46)

...par subtilité que il [Fabius Maximus] ne les perdeist par rigoreuse discipline, pourquoy il dissimula la souspection que il avoit sur celluy de pied (La Sale, Salade, c.1442-1444, 28)

RIFFLART. Tu en as tant dit, par ma foy, Que g'y vueil aller comme toy, Et scaray [ce] qu'il vouldra dire. Mon povre cueur forment souspire Quant je ne puis trouver sejour Pour alleger ma grief douleur Que jour et nuyt si ne me fine, Je suis bien mis a discipline. Sire, que Dieu vous doint sa joye ! (C. Riffl., c.1480-1520, 59)

Cestui fut stippendié d'un grant prince, tirant et mal condicionné, et, voyant qu'il ne le povoit corriger par nulle discipline, ne retirer par nul enseignement de ses mauvaises inclinacions, à ceste cause, pour exemple familliere, il lui composa le jeu des eschetz (Simon De Phares, Astrol., c.1494-1498, f° 45 v°)

2.Châtiment, punition.

Sy vrayement, frans roys, que tenés la saisine, Que pour tant que ne mis voz hoirs a discipline M'en fist les yeux crever vo me[re], la roÿne (Chev. cygne P., c.1356, 93)

'...et fu navré en telle maniere que tant par la durté de la discipline que ilz firent sur moy, tant pour les plaies des clous qui me furent fichiez es piez [et] es mains, les undes de sang couroient par tout mon corps.' (Horloge de sapience S., c.1389, 78)

'Paix ou gouverne mes brebis, mes aigneaux', c'est a dire tous crestiens, en trois manieres : par doctrine, par correction ou discipline, et par exemple (Gers., P. Paul, a.1394, 488)

...ou il savoit qu'on le feist, il en faisoit merveilleuse discipline de ceulx qui, en ce faisant, son commendement trespassoient. [Talbot a interdit à ses soldats de piller les églises] (C.n.n., c.1456-1467, 58)

Hellas, s'on m'eust donné doctrine Lors que j'estoye en jeune eage, Chastÿement et discipline, J'eusse evicté ce dur passaige ! (La Vigne, S.M., 1496, 320)

Châtiment consistant en une flagellation.

...si commanda a son filz que, jusques a son retour qui brief seroit, sur la discipline nul des palis de l'ost saillist. (La Sale, Sale D., 1451, 117)

Donner la discipline. Flageller.

Sa, compaignons, veillez vous ordonner Appertement de tresbien luy donner La discipline devant et de costiere (La Vigne, S.M., 1496, 341)

Par métonymie. Fouet.

Certes, ainsi fault nettoyer Souvent l'escole et baloyer A l'yaue de contriction, Venir a reparation Par ferule et [par] discipline, Et par ainsi tout mal se fine. (Coeur sens M., a.1433, 82)

3.Tourment, massacre, carnage (perçu comme châtiment) ; calamité, fléau.

a)Tourment, carnage.

Se courouciez me faittes vallissant une espine, Je vous feray morir trestous a discipline ! (Flor. Octav. L., t.1, c.1356, 20)

Quant cil du castiel virent Blancheflour le roïne C'on voloit là ardoir dedens un feu d'espine, Adont y véissiez mener grant disipline. (Hugues Capet L., c.1358, 195)

...dont l'erbe desverdirent Et tainrent en couleur sanghine. Oncques ne fu tel decepline (Pastor. B., c.1422-1425, 220)

Faire discipline de qqn. Tourmenter, massacrer qqn.

Et son lÿon aussi asprement leur court sus Qu'il semble que ce soit ung grant deable cornuz ; D'eulx fait tel discipline a l'aide de Jhesus Que Sarrazins reculent et se trayent ensus (Flor. Octav. L., t.1, c.1356, 277)

Et si menray ma gent sur celle sarrazine Ainxois que plus nous facent ennuy ne discipline (Flor. Octav. L., t.2, c.1400, 397)

...au trenchant de son espee il en faisoit une merveilleuse discipline (Percef. III, R., t.1, c.1450 [c.1340], 12)

Il les ochioit et mehaingnoit : a l'un coppoit bras ou espaulle ; il les abatoit et faisoit d'eulx sy grant dissipline qu'il n'y avoit celluy sy hardy de l'oser approchier. (Gérard de Nevers L., c.1451-1464, 61)

b)Calamité, fléau.

L'an MIIIIc. et VI en ce tiermine Avint par dedens France une discipline Par ceux qui le deussent garder de ce beguine. (Geste ducs Bourg. K., c.1410-1419, 259)

Et ne sçay se de rien vous meut L'esclipse et les orribles signes Et merveilleuses disciplines Que toute la terre encourut, A l'eure que Jhesus morut. (Myst. Pass. Troyes B., a.1482, 794)