DERRIERE

adverbe, préposition et substantif masclin

[T-L : derrier(e) ; GDC : deriere ; AND : derere1 ; FEW (III, 47a) : de retro ; TLF (VI, 1223b) : derrière1 ; TLF (VI, 1225a) : derrière2 ; TLF (VI, 1225b) : derrière3]

I. -Adverbe.

A. -[Dans l'espace]

1.En arrière, derrière.

Et s'atendoit les IJ. galees Qui darrier furent demourées, Où milleurs gens avoir devoit, Et plus qu'avec lui n'en avoit. (Mach., P. Alex., p.1369, 146)

Trop i avoient mis, quant il veoient que tous li païs se tournoit avec ceulx de Gand, et il demoroient derrière. (Froiss., Chron. R., X, c.1375-1400, 241)

Tous les chevaulx commencierent a escauchier et a demourer derriere, fors Remondin et le conte, et tant chacierent que la nuit fu obscure. (Arras, c.1392-1393, 19)

Quant le roy appercoit qu' ilz venoient a effort, si remet ses gens ensemble, et les fait retraire le petit pas, et se met derriere, l'espee ou poing. (Arras, c.1392-1393, 105)

...n'oblya pas [monseigneur] a compter comment il avoit laissé ses gens derriere (C.n.n., c.1456-1467, 114)

Adonc apperçoit le franc archier ung espoventail de cheneviere, faict en façon d'ung gendarme, croix blanche devant et croix noire derrière, en sa main [tenant] une arbaleste. (Fr. arch. B., c.1468-1480, 38)

Maulbec, tien toy tousjours darriere. J'advanceré ung peu mes pas Pour tandre sy nous rects et las, Et puis nous ferons vune trappe. (Pass. Auv., 1477, 139)

Je n'euz point faict cent pas que le bruit commença de là où je venois, au moins ung peu derrière. (Comm., III, 1495-1498, 182)

Advertist aussi ledit grant maistre de deslogier pour faire place à ceulx qui venoient deriere, ainsi qu'il estoit contenu en ces lettres, desquelles la teneur s'ensuit : 'Mons. le grant maistre, je me recommande à vous...' (Le Clerc, Interp. Roye, c.1502, 307)

Devant et derriere. À l'avant et à l'arrière.

Et les contrarietés des lieux et des distances sont haut et bas, devant et derriere, destre et senestre. (Oresme, C.M., c.1377, 92)

Et y avoit gens d'armes devant et derriere, qui tenoient les autres en ordonnance. (Arras, c.1392-1393, 281)

...il la voult voir devant et derriere (C.n.n., c.1456-1467, 89)

Ce devant derriere. Dans tous les sens.

Mais encore appert que les estoilles ne sont pas meues en rouelant ou en tumbant, car toute chose qui tournie ou qui rouele, il convient par neccessité que elle tourne ce desus desouz ou ce devant derrière. (Oresme, C.M., c.1377, 450)

2.Locution adverbiale.

De derriere. De l'arrière (en partic. d'un bâtiment).

LE SOT. Il entra pas l'uys de derrière Ou il roba une chauldiere, Une escuelle, ung plat et ung pot. (Gaud. sot, c.1450, 9)

Par derriere. Par l'arrière (en partic. d'un bâtiment).

Li roys et ses gens se tenoient Entre IJ. portes, et gaitoient Que Sarrasin n'ississent hors, Car ceuls de l'assaut fussent mors Se par derrier les encloïssent ; Pour ce gaitoient qu'il n'ississent, Car on les voloit secourir, S'aucuns leur vosist sus courir. (Mach., P. Alex., p.1369, 87)

Là estoit l'amiraut le roy, Et si avoit, si com je croy, Avecques li o V. ou VJ. Des gentils hommes dou païs, Sans les autres qui escoutoient Par derriere ce qu'il disoient. (Mach., P. Alex., p.1369, 257)

... [il] fery icellui homme par derriere deux coups en la teste, tant qu'il chei illec à terre tout mort (Reg. crim. Chât., I, 1389-1392, 288)

Mais l'embusche Hervy leur vint par derriere et les assaillirent de tous lez si asprement qu' ilz ne sceurent que faire (Arras, c.1392-1393, 73)

Le soudant estoit embrunchiez, et le heaume estoit court par derriere, l' espee trouva le col nu, excepté le gambison de la gorgerete, et trencha l'espee le ganbison tout oultre et les deux maistres vainnes et les tendans jusques au gorgeron. (Arras, c.1392-1393, 113)

En celle tente estoit logié le roy Gallafrin de Damiette, qui sailli de son lit, et bien s'en cuida fuir par derriere. (Arras, c.1392-1393, 228)

Mais j'auroye grant vergoingne se je te feroye par derriere. (Arras, c.1392-1393, 230)

Evous les Hainnuiers venus qui entré estoient en l'abeie par deriere (Froiss., Chron. D., p.1400, 427)

...vous vous rendrez (...) entour de nostre hostel, affin que je vous mecte ens par derriere (C.n.n., c.1456-1467, 527)

Dans le dos.

Les autres sont, sans ficcion, Ataichié devant l'emperere Au pilez, lez mains par darriere ; Garde n'ont d'eulx en eschapper. (Myst. st Adr. P., c.1450-1485, 148)

3.Emploi adjectival. Qui est derrière, de derrière.

Et m'en alai par l'uis derriere (Mach., Voir, 1364, 214)

Car en toutes bestes, les parties desus a celles desouz et celles devant a celles derriere n'ont pas mendre difference que celles de destre a celles de senestre, mes plus grande, car destre et senestre different seulement en vertu et les autres different en vertu et en figure. (Oresme, C.M., c.1377, 310)

Mais Remondin lui gette l' estrier par grant air, et attaint le cheval ou front de si grant force que le chanfrain d' acier fu effondré, et convint le cheval par la force du coup aler par terre des jarrez derriere. (Arras, c.1392-1393, 63)

Et, au passer que Gieffroy fist, si fiert le cheval de la faux si qu'il lui trenche les jarrez derriere. (Arras, c.1392-1393, 246)

B. -Rare. [Dans le temps, p. rapport à des actions passées]

'Je sui tous enfourmés de le vie et l'estat ce roy dan Piètre, et sçai bien que sans nombre il a fait des maulz assés, dont maintenant il s'en trueve derrière.' (Froiss., Chron. L., VI, c.1375-1400, 202)

C. -Au figuré.

[À propos de paroles] En derriere. Par derrière, dans le dos de l'intéressé, sournoisement.

... [jouer aux dés] c'est chose trop deshonneste A prince qui quiert vie honneste ; Car il ne vient pas de franchise, Eins est fondez seur couvoitise, Et s'i moustre on si sa maniere Que maint en parlent en derriere. (Mach., C. ami, 1357, 138)

Toutes fois, fust à droit, fust à tort, il morut (...) De ceste justice fu li rois durement blasmés en derrière de pluiseurs haus barons dou royaume de France et des dus et des contes marcissans au dit royaume. (Froiss., Chron. L., IV, c.1375-1400, 125)

Les trois pars dudit royaume se dissimuloient à l'encontre de ceulx de Luscebonne, pour tant que ilz avoient couronné ce roy qui estoit bastard, et en disoient lors grosses paroles en derriere. (Froiss., Chron. M., XII, c.1375-1400, 139)

Pour ce de riens ne m'esmay Qu'en loyauté fiance ay, Et, quoy que nulz die, Tant com mon devoir feray, Leur parler ne doubteray, Que pas ne deffie Et en derrier point et mort. (Mach., Ch. bal., 1377, 599)

Enfans, encore vous deffens je que vous ne creez ne aiez fiance en jangleur ne en flateur, ne en homme qui de autrui mesdit en derriere. (Arras, c.1392-1393, 86)

Et me semble que je me mefferoye trop et en seroye blasmee moult durement en derriere (Arras, c.1392-1393, 189)

Vous savez c'est une bergiere Qui vient encore tout droit des champs ; Y se moquent d'elle en derriere, Et ne sera d'elle que tout vent. (Myst. siège Orléans H., c.1480-1500, 429)

Et ne veulent point recognoistre Nostre dieu en nulle maniere Mais s'en moquent bien par derriere (Oudin, St Genis M.S., c.1490, 56)

Dire qqc. en derriere. Dire qqc. en aparté.

Et chacun dit de lui en derrière : 'Ha ! le bon homme, qui a si bien servi le Roy et le royaume ! C'est grant pitié qu'il ait neccessité' (Bueil, I, 1461-1466, 56)

Laisser qqc. derriere. Laisser qqc. dans l'ombre, passer qqc. sous silence.

...mais monseigneur Jehan d'Avennes, quy ne quiert que les grans assaulx, tant fait de merveilles, que je les laisse derriere, comme cil quy ne les sçaroie racompter. (Jehan d'Avennes F., c.1465-1468, 145)

Laisser qqn derriere. Abandonner, quitter qqn.

Je suis en paine et en soussi Pour ce que je laisse darrière Celle a qui j'estoye mary Que j'amaye d'amour entiere ! (Marcadé, Myst. Pass. Arras R., a.1440, 16)

Mettre qqc. derriere. Rejeter, abandonner qqc..

Mais l'en nous a dit, sans doubtance, Que pluseurs laissent nostre loy Et l'ont darrier mise ; pourquoy Au cueur en avons desplaisance. (Myst. st Adr. P., c.1450-1485, 68)

Mettre qqn en derriere. Rejeter, reléguer qqn au second plan.

Chascun le suyt, chascun l'onnore, Tout luy vient, riens ne nous demore, Tout le peuple luy fait grant chere Et nous sommes mis en derriere. (Myst. Pass. Troyes B., a.1482, 415)

Transverser qqc. derriere. Renverser qqc..

...les Juifs attendans Messyas ont le sens derriere transversé (Jean Golein, Rational B.D., c.1370-1372, 569)

Le train de derriere. Les thèmes grivois.

Quelque semblant que la maistresse long temps a son clerc eust monstré, qui tiroit fort au train de derriere... (C.n.n., c.1456-1467, 151)

...tant vindrent d'unes parolles en aultres par motz couvers, que leurs devises vindrent a toucher du train de derriere (C.n.n., c.1456-1467, 358)

II. -Préposition. De l'autre côté de, derrière.

Mais amours qui les cuers affole Et desirs, ou pensee fole, Li fist derrier li resgarder, Et Erudice, sans tarder, S'en fuï en la chartre horrible Qui trop est hideuse et penible, Et de ses yeus s'esvanuï. (Mach., C. ami, 1357, 91)

Quant il furent partit doudit castiel et retrait sus les camps, il regardèrent de derière iaulx. (Froiss., Chron. R., IX, c.1375-1400, 184)

...tous li païs en derière lui jusques à Gravelines se rendoit et estoit rendus à lui. (Froiss., Chron. R., XI, c.1375-1400, 35)

Se le ciel estoit de telle figure angulaire et il fust meu circulairement comme si est, il convendroit que les angles passassent par une espace wide et que il entrassent en une espace wide et lessassent apres eulz ou derriere eulz espace wide (Oresme, C.M., c.1377, 388)

...à Pussay, darrieres un tas de chaume (Reg. crim. Chât., I, 1389-1392, 451)

Lors tourne la targe derriere le dos et broche le cheval par grant air, et s'en va a plain cours vers le roy de Craquo. (Arras, c.1392-1393, 185)

...il ne fourfissent riens et laissierent deriere euls Pons en Poito (...) il n'i livrerent nuls assaus. (Froiss., Chron. D., p.1400, 764)

...se va mectre derriere ung tapis en la ruelle de son lit (C.n.n., c.1456-1467, 50)

...veez cy bon jacobin qui attrotte, regardant derriere luy si ame le suyvoit. (C.n.n., c.1456-1467, 307)

Et, pour ce que le marquis s'estoit jà getté sur la grève et passé la rivière de nostre costé et justement estoit à nostre doz quelque ung quart de lieue derrière l'arrière-garde (Comm., III, 1495-1498, 182)

Locution prépositionnelle. Par derriere qqc.

Atant devalerent la montaigne et passerent par derriere l'ost (Arras, c.1392-1393, 111)

III. -Substantif masculin.

A. -Partie postérieure de qqc. (p. oppos. au devant), partie opposée à ce qui est devant, à ce qui est en avant.

...car se une ymage est mise devant nous aussi comme en resgardant nous, son destre est devant nostre senestre et semblablement son senestre contre nostre destre et son derriere vers ce que est devant nous. (Oresme, C.M., c.1377, 310)

...ledit Colin le frappa de sadicte espée deux coups, dont l'un estoit sur le derrière de la jambe et l'autre en autre partie de son corps (Doc. Poitou G., t.10, 1464, 474)

...ledit suppliant, non voulant les blesser ne meurtrir, donna dudit espiot sur les espaules dudit Jehan Bernard, (...) et de fortune arriva la noix de l'espiot qui estoit pointue sur le darrière de la teste (Doc. Poitou G., t.11, 1468, 111)

Au derriere

...au jour que on se combatera (...) li rois sera à cheval (...) li sires de Rainneval et messires Engherans d'Oedins sont au frain devant lui (...) et au derière sont ordonné messires Ammenions de Poumiers (...) et messires Guillaumes des Bordes. (Froiss., Chron. R., XI, c.1375-1400, 7)

(Le pays) au derriere/du derriere. (Le pays) à l'arrière.

Vous estes gens de cheval plus qu'ilz ne sont, qui yrez tousjours au-devant de voz vivres, et aussi au-devant des leurs, qu'ilz n'en auront point. Le payz est vostre du derrière ; par quoy vous aurez tousjours vivres mieulx que eulx (Bueil, I, 1461-1466, 182)

...se vous assiégez une cité ou autre place, où il y ait grosse garnison, il vous fault grosses gens et grans guetz et tousjours estre en armes devant voz ennemiz. Vous avez les places au derrière par quoy il ne peult venir vivres au siège (Bueil, II, 1461-1466, 43)

Partie opposée à la façade.

... [il] fu admené des prisons dudit Chastellet par devant messeigneurs dessus diz, en la conciergerie du Palais, à Paris, en la chambre de derriere, l'an et le jour dessus diz (Reg. crim. Chât., I, 1389-1392, 529)

Auquel cry ledit Jehan Gendre suppliant, qui estoit près d'un trait d'arc d'illec ou environ, alla audit cry, et en passant par le derrière de leur dicte maison, en trouva en son chemin, contre le pallier ou mur d'icelle une fourche de fer à deux fourchons, laquelle il print en sa main, et tantost qu'il fut arrivé, apperceut sondit père, lequel lesdiz francarchiers avoient abatu à terre à force de cops, le visaige et le col tous sanglans (Doc. Poitou G., t.12, 1480, 351)

Dernière partie d'une armée (en ordre de marche ou de combat), l'arrière.

Et, en quelque manière que vous combatés gens de pié, gardez que vous les amusés tousjours par ung bout et par le lieu où ilz seront tousjours les plus fors, et les assaillés par là où ilz seront les plus foibles et leur laissiés le derrière ouvert pour eulx enfouyr. (Bueil, I, 1461-1466, 157)

...et aucun nombre des meilleurs gens qu'il eust partirent de sa bataille pour frapper sur le derrière de ses ennemiz, dont il ne savoit riens ; et s'en durent mettre ses gens en desarroy et en fuitte ; car ilz cuidoient qu'ilz s'enfuissent (Bueil, II, 1461-1466, 61)

Partie arrière d'une pers..

...ce que nostre Seigneur dist a Moÿses : (...) regarde mon derriere, car tu ne verras point ma face (Jean Golein, Rational B.D., c.1370-1372, 324)

Partie arrière de l'animal.

Car de trés tous oiseaus quelsconques, Autrement n'est, ne ne fu onques, La queue est au darrier posée. (Mach., D. Aler., a.1349, 351)

...yleuques est aussi comme l'ymage d'un lyon qui a la teste vers orient, et sus le dos de ce lion aussi comme la figure d'un arbre transversal qui s'encline vers occident, et au costé de cest arbre aussi comme l'ymage d'un honme qui seroit appoué a cel arbre et qui avroit ses piés vers le derriere du lyon. (Oresme, C.M., c.1377, 454)

...de nuit, et à l'ayde d'une sele à chevaucher qu'il mist au derriere d'une petite desdites jumens, ot durant iceulx huit jours, par plusieurs et diverses fois, compaignie charnele à icelle jument (Reg. crim. Chât., I, 1389-1392, 566)

B. -Arrière-train, fessier.

Et que pis est, ilz moustrent la forme de leur derriere, ce que ne font pas les bestes mues, la jument ou la chievre, qui de leur queue par vertu naturelle se couvrent les secrez de nature, qui est chose abhominable a regarder en humaine nature. (Mézières, Songe vieil pèl. C., t.1, c.1386-1389, 342-343)

Et que les nobles de ton royaume et non nobles, jusques a certains clercs, moustrent la forme de leur derriere et de leurs membres vilz et secrez de nature a femmes et a toutes manieres de gens (Mézières, Songe vieil pèl. C., t.2, c.1386-1389, 209)

Le bourgois fut content que luy montrast a descouvert le derriere de sa femme, les rains et les cuisses (C.n.n., c.1456-1467, 26)

...sus son gros derriere par trois, par quatre foiz sa rude main il fait descendre (C.n.n., c.1456-1467, 89)

...sy prit sa hache à deux mains, et de l'ance d'icelle le rebouta de rechef la teste en terre, et de ce coup luy donna de la peine parmi son derrière, et le fit cheoir tout estendu (Faits Lalaing K., c.1470, 178)