AVANT

préposition et adverbe

[T-L : avant ; GDC : avant1 ; AND : avant1 ; FEW (XXIV, 2b) : abante ; TLF (III, 1044a) : avant1]

I. -[Par référence 'objective', s'oppose à après ; marque sur l'axe du temps l'antériorité par rapport à un repère]

A. -[Empl. prép.] Antérieurement à.

...quinze jours avant la Toussaint (Phil. Vi Valois, Lettres closes C., 1337, 67)

...et demurront en autieles libertées et franchises, come ils estoient avant le bail (Hist. dr. munic. E., t.2, 1360, 286)

...avant le mariage d'eulx deux (Doc. Poitou G., t.3, 1369, 382)

...le samedi avant la Nativité saint Jehan Baptiste, environ vespres (Cout. bourg. glosé P.M., c.1380-1400, 34)

...et ung pou avant ce jour ilz ont comploté ensamble d'eulx solacier dedans brief temps. (Premierfait, Décaméron D., 1414, 1047)

...en l'armee faite par mondit seigneur avant le mois d'avril MCCCCXVIII (Comptes Etat bourg. M.F., t.2, 1419, 604)

...une heure avant le jour, ilz furent trestous prestz (Cleriadus Z., c.1440-1444, 352)

B. -[Empl. adv.] Antérieurement, précédemment.

En avant. Précédemment.

Or vous parlerons d'aucuns chevaliers englès, chapitains de garnisons, qui se tenoient en France et estoient tenus deux ans ou trois en avant, ançois que pais se fesist. (Froiss., Chron. L., VI, c.1375-1400, 24)

Par ci avant. Précédemment.

Et se par cy avant j'ay peu ou trop parlé, vostre parole correctionnelle aura lieu et la mienne non (RENÉ D'ANJOU, Mortif. Vaine Plais. L., 1455, 30)

Par avant. Voir paravant

L'un avant l'autre. L'un précédant l'autre, l'un à l'autre.

...les damoiselles sceurent que c'estoit le roy Percheforest, ilz le firent sçavoir l'un avant l'autre (Percef. I, R., t.1, c.1450 [c.1340], 488)

[Dans le déroulement du texte] Précédemment, ci-dessus.

'Li dis rois d'Engleterre, ses hoirs et ses successeurs, aront et tendront perpetuelment et paisieulement tous les pays avant nommés, avoech leurs apertenances et appendances.' (Froiss., Chron. L., VI, c.1375-1400, 41)

C. -[Conj. de temps] Avant que + subj.

Et, pour ce, toutes choses qui se peuent preveoir se doivent veoir et contempler par conseil avant qu'elles adviennent. (Fillastre, Traité Conseil H., c.1472-1473, 149)

Les enfans de Israël voulurent entrer avant qu'il en feust temps en la terre que Dieu leur avoit ordonné. (Fillastre, Traité Conseil H., c.1472-1473, 197)

Avant ce que + subj.

Et si doit [le faucon] entendre le son Acoustumé, bien le savon, Avant ce qu'il soit descillié (La Buigne, Rom. deduis B., 1359-1377, 98)

Las ! mon mal m'est plus angoissant Qu'avant ce que fusse a confesse (Mir. emper. Romme, 1369, 305)

...mais [Claude] s'en vint a course de cheval vers le fort. Et quant il vint prez, si s'escrie en hault : Ouvrez la porte. Et ceulx si firent. Et il passe le pont et vint dedens, et vint descendre ou lieu ou il avoit acoustumé de descendre, avant ce qu'il se apperceust qu'il eust perdu sa forteresse. (Arras, c.1392-1393, 204)

...et que ledit recepveur en a esté adverti avant ce qu'il ait eu tout paié (Comptes seigneurie Lucheux D.W., 1427-1474, 139)

Mais sachiés que avant ce que le vespre soit venu, plus amplement serés payés de vo deserte. (Hist. seign. Gavre S., c.1456, 54)

Avant ... que

Et, se aucun demande pour quoy on beneist avant le sel que l'eaue, je respons que... (Jean Golein, Rational B.D., c.1370-1372, 286)

II. -[Par référence 'subjective', 'indexicale', 'déictique' (celle du 'moi-ici-maintanant'), s'oppose à arrière ou derrière]

A. -[Dans l'espace, par rapport à ici, oriente en fonction de la portée du regard]

1.[Empl. prép.]

Par avant + nom de lieu. En direction de.

Quant li rois fu venus à Roem, il n'i sejourna point lonch temps, mès se trest o toutes ses hoos par avant le cité d'Evrues, et là mist le siège fortement et durement. (Froiss., Chron. L., IV, c.1375-1400, 192)

Avant + nom de lieu

En allant par (tel lieu) ; par tout (tel lieu).

Si alloit Patrices criant avant la ville : 'A mort, Sarrazins, et vivent crestiens !' (Ponthus Sidoine C., c.1400, 142)

Dont fut la joye si grant avant le chastel que... (Percef. I, R., t.1, c.1450 [c.1340], 152)

Apprés oÿrent heraulx quy aloyent cryant avant les rues que chascun se meist en point pour venir au tournoy (Gérard de Nevers L., c.1451-1464, 133)

Remarque : Noté comme picard par FEW, abante, 3b.

À l'intérieur d'un lieu (parcouru de bout en bout), dans.

Lors chevauchierent ung pou avant et trouverent ung bergier qui gardoit moutons avant la place (Percef. I, R., t.1, c.1450 [c.1340], 244)

...et puis monterent es hourdeis, qui estoyent ediffiez avant la praierie, pour veoir le tournoy. (Jourd. Blaye alex. M., a.1455, 50)

Tout avant + subst. Tout en avant de.

...une grosse branche ou estoc de brodure d'or haultement eslevée jettant ses feullages tout avant la houssure (La Marche, Mém., IV, Pièces annexées, p.1468, 132)

2.[Empl. adv.] Devant soi, plus loin.

Lors regardent avant [devant eux] et voient ung lorier dont les raims... (Percef. I, R., t.1, c.1450 [c.1340], 140)

Et toutesvoyes chevaucha il avant comme cellui qui ne sçavoit ou il alloit (Percef. I, R., t.1, c.1450 [c.1340], 318)

...se aler volés avant, il vous couvient prendre le chemin a destre (Gérard de Nevers M., c.1451-1464, 257)

Aller avant. Avancer.

Avoecques tout ce, li contes (...) le fist doiien des naviieurs. Chils offisses li pooit bien valoir mil livres l'an, à aler droiturierement avant. (Froiss., Chron. R., IX, c.1375-1400, 160)

Bien avant. Plus loin.

Sy chevaucha tant qu'il vint bien avant en la forest (Percef. V, R., t.1, c.1450 [c.1340], 365)

Et là le sire de Rocqueton dist à Guyon : 'Guyon, mon amy, veez-ci ces trois chemins par où les ennemyz pevent venir. Vous avez XII hommes ; en chascun chemin vous en mettrez quatre, deux bien avant et deux yci au carrefour ; ainsi seront six hommes en ce carrefour, et les six aultres seront es trois chemins...' (Bueil, I, 1461-1466, 203)

Un peu avant. Un peu plus loin.

Lors chevauchierent ung pou avant et trouverent ung bergier qui gardoit moutons avant la place (Percef. I, R., t.1, c.1450 [c.1340], 244)

Plus avant. Plus loin.

...puis que c'est son douls plaisir, nous n'irons plus avant, ainchois vous menrons en la chité (Wauquelin, Manequine C.T., a.1448, 187)

'Certes, cappitaine, quant il me souvient de l'autre jour que nous chevaulchasmes et destroussasmes les autres, je vouldroye que nous feussions allé quatre ou cinq lieues plus avant. Car je croy que nous eussions bien besongné et que Dieu nous eust envoyé aucune bonne adventure.' (Bueil, I, 1461-1466, 61)

Plus avant que. Plus loin que.

Si chevauchoient ces gens d'armes en bonne ordenance et en grant arroi, et n'alèrent le jour que il issirent de Callais plus avant que à Marquigue. (Froiss., Chron. R., IX, c.1375-1400, 239)

Si avant. Si loin.

Entrer / penetrer si avant. Si profondément.

Et entrerent les glaives par dessoubz leurs escus es corps des chevaliers si avant que... (Percef. I, R., t.1, c.1450 [c.1340], 241)

Verbe de mouvement + avant. Avancer.

'Où sont chil m'ont jugiet ? Il viegnent avant et me monstrent la cause et la raison pour quoi m'ont jugiet à mort.' (Froiss., Chron. R., XI, c.1375-1400, 81)

Lors chevauchièrent avant li quatre baron, les hiraus en leur compaignie, et vinrent jusques as Parisiiens. (Froiss., Chron. R., XI, c.1375-1400, 77)

...si passa avant pour en venir vers elle (Wauquelin, Manequine C.T., a.1448, 156)

...il marcha ancoires plus avant pour veoir lettres qui estoient au chief de la tombe (Percef. VI, R., c.1450 [c.1340], 40)

Quant Gerard entendy Liziart, il passa avant et prist le pan de sa robe sy le presenta au roy (Gérard de Nevers M., c.1451-1464, 306)

Locution. Avant (et) arriere / n'avant, n'arriere

Item (...) fault avoir un autre engin, qu'on appelle loup, auquel a ung fer courbé, qui très fortes dens a et agües, qui soit assiz de telle manière sur le mur qu'il vienne engouller le tref du mouton et le tiendra si fort qu'il ne pourra tirer n'avant n'arrière ; et aucuneffoys le tire l'en en hault à force de cordes, si que plus ne (...) peult nuyre. (Bueil, II, 1461-1466, 52)

[Comme interj. d'exhortation]

Avant ! En marche ! Avançons ! Allons-y ! Dépêchez-vous !.

'Bien nous deveroient tenir li fort chastel et les fortes places qui sont ou roiaulme de France, quant une telle platte maison nous tient. Avant ! avant ! monstrons chevalerie.' (Froiss., Chron. R., IX, c.1375-1400, 241)

'Or avant, signeur, il n'i a que dou bien faire. Velés chi, il vienent, vous les arés tantos. Li laron viennent le petit pas, il nous quident sousprendre.' (Froiss., Chron. R., XI, c.1375-1400, 21)

Avant, avant, a boire, a boire ! Vard 'arriere, varde, houle, houle ! (Pass. Semur D.M., c.1420 [1488], 38)

Avant, noblez Crestiens et champions de l'église ! Soyés fors et courageux a combatre (Comte Artois S., c.1453-1467, 85)

Avant, Jourdain, biau fieux, dist Renier le membru, Reprenez cuer en vous, ne soiiez esperdu ! (Jourd. Blaye alex. M., a.1455, 103)

Salorie ! Paiiens, avant, ferez ! (Jourd. Blaye alex. M., a.1455, 191)

GUILLEMETTE. Avant, mon amy ! En ce point, quel que soit en sera couvert. (Path. D., c.1456-1469, 54)

Or avant! Voir or2

3.[Empl. subst.] Les pieds d'avant. Voir piedLes pattes antérieures (d'un animal).

4.[Élément de composition nominale] Voir avant-

[Avant-garde / avant-coureur..., v. Avant-gardeAvant-coureur...]

B. -[Dans le temps, par rapport à maintenant, oriente vers l'avenir]

1.[Marque l'écoulement du temps qui se prolonge]

Li yviers, quoiqu'il fust mout avant, estoit si courtois que riens de froit n'y faisoit, mais ossi souef que en waïn. (Froiss., Chron. R., IX, c.1375-1400, 110)

En continuant.

'Laurentien, parlez tousjours avant. Je ne vey ni oy homme estrangier, passé a deux ans, parler aussi volentiers comme je fay vous, car vous alez toute la verité avant.' (Froiss., Chron. M., XII, c.1375-1400, 261)

Avant en la nuit. Tard dans la nuit, dans la nuit bien avancée.

...il erra tout ce jour jusques assez avant en la nuit (Percef. V, R., t.1, c.1450 [c.1340], 159)

Bien avant. Encore longtemps.

Ensi se porta toute celle saison bien avant, et ensonniièrent li Flamench grandement les François, ançois que il se retraissent. (Froiss., Chron. L., IV, c.1375-1400, 46)

Si avant que. Aussi longtemps que.

Si commandons aux parties qu'ilz soient paisibles ensemble si avant que Amours leur en donra la grace (Percef. VI, R., c.1450 [c.1340], 460)

Seigneurs, or soiés paisibles si avant qu'Amours le vouldra consentir (Percef. VI, R., c.1450 [c.1340], 681)

Avant à. Jusqu'à, en vue de.

Et n'espousèrent pas lors, car li fils et la fille estoient pour le tamps mout jone, mais les convenances dou perseverer avant ou mariage furent prisses. (Froiss., Chron. R., XI, c.1375-1400, 196)

2.[Marque l'émergence dans le temps]

Ci avant. Désormais.

...se je voy cy avant que je puisse aucune chose valoir, tout a temps me feray congnoistre. (Percef. I, R., t.2, c.1450 [c.1340], 695)

De là en avant. À partir de ce moment-là.

Si en occist on mout de là en avant (Ponthus Sidoine C., c.1400, 39-40)

Et ce prince fist paix a son ennemi et le tint, de la en avant, pour son especial amy (Fillastre, Traité Conseil H., c.1472-1473, 181)

De ce jour en avant. À partir de ce moment-là.

Et sy fist le roy crier encore que tous chevaliers, escuiers et gens d'honneur venissent a la court de ce jour en avant... (Percef. I, R., t.1, c.1450 [c.1340], 611)

Puis gheria Fromon de ce jour en avant. (Jourd. Blaye alex. M., a.1455, 300)

De lors en avant. À partir de ce moment-là.

Et de lors en avant fut celle fontaine par les habitans de la entour nommee la Fontaine Vermeille. (Percef. V, R., t.1, c.1450 [c.1340], 158)

Dès lors en avant. À partir de ce moment-là.

Et deslors en avant tenoient leurs fais et leurs dictz pour justes et veritables (Percef. I, R., t.2, c.1450 [c.1340], 777)

...dèslors en avant furent bien paiez jusques à la fin de l'ouvrage (Aff. Jacques Coeur M., 1453-1457, 221)

En avant. À l'avenir ; désormais.

Et encarga li rois d'Engleterre les armes de France et les esquartela d'Engleterre, et emprist en avant le nom dou roy de France. (Froiss., Chron. L., I, c.1375-1400, 186)

Si demora ensi ceste cose, et se tint Saint Salveur le Visconte en avant pour englesce, et toute la terre de monsigneur Godefroy de Harcourt. (Froiss., Chron. L., V, c.1375-1400, 79)

Il jura que de ce jour en avant il aideroit et conforteroit en toutes manières Henri le Bastart contre le roy dan Piètre. (Froiss., Chron. L., VI, c.1375-1400, 190)

On se parti, et s'en ala cascuns à son logis ; et furent li signeur et li baron, qui point n'avoient esté present à ces coses deviser, segnefiiet quel cose il devoient faire, ne en avant comment il se maintenroient. (Froiss., Chron. R., XI, c.1375-1400, 7)

Or te doins en avant du tout le signourie D'avoir leur porsïon tout a te commandie. (Jourd. Blaye alex. M., a.1455, 566)

Je conclus, par voye seure, Que, puis que celle auctorité A eu de fait equacité Et que ce ver doulx et sery Du saint prophette est advery, Avoir nous fault en avant Le ver qui est joignant devant, Moult hault et noble, ou il y a Escript : misericordia Et veritas obviaverunt, Et aprés, obscultate sunt Et se paix et justicia. (Myst. Pass. Troyes B., a.1482, 1083)

[Dans le déroulement du texte, avec le futur] Plus loin.

...Ensy que vous orez en le canchon avant, S'il plest a Dieu de glore. (Jourd. Blaye alex. M., a.1455, 802)

C. -[Dans un espace fig., oriente vers ce qui est visé]

1.[Marque une préférence, un approfondissement...]

a)Dabord, avant tout.

...en la patenostre on requiert avant les biens eternelz (Jean Golein, Rational B.D., c.1370-1372, 470)

Avant ... que. Plutôt ... que.

...je laisseroie avant le jeu que d'estriver à vous. (Ponthus Sidoine C., c.1400, 15)

Vous savez, dit elle, que autrefois i l'avoit fait mort. Si mourray avant que je n'en saiche la certaineté ['plutôt que je n'en sache pas la vérité'] (Ponthus Sidoine C., c.1400, 160)

Estre plus avant. Être plus avancé.

....je suis un point plus avant car je suis asseuré... (Percef. V, R., t.1, c.1450 [c.1340], 649)

Si / aussi avant. De manière si importante, si satisfaisante, si bien, si complètement.

'Sire, respondi Phelippes d'Artevelle, nous ne sommes pas chargiet si avant que les bonnes gens de la ville de Gand mettre en ce parti, ne ja ne le ferons.' (Froiss., Chron. R., X, c.1375-1400, 211)

'Voirement ses offices ne s'estent mie si avant que il puist tenir nostre bourgois en la prison dou conte en la paix de la ville.' (Froiss., Chron. R., IX, c.1375-1400, 169)

Et pour ce, deffens toy sy avant que tu peus en sauvant ton honneur si avant qu'il te sera possible (Percef. V, R., t.1, c.1450 [c.1340], 94)

Et lui, qui pour tant ne pensoit point d'avoir sy avant exploitié en sa queste... (Percef. V, R., t.1, c.1450 [c.1340], 221)

Et touteffois vouldroie je garder aussi avant mon honneur (Percef. VI, R., c.1450 [c.1340], 117)

...et leur dy ce qu'ilz te demanderont si avant que tu le sçavras. (Percef. VI, R., c.1450 [c.1340], 359)

Et l'appelloit-on Francheville [une place forte] pour ce qu'elle estoit si avant en païs et si puissante de garnisons de tous costez et y avoit si grant peuple que nul n'y fut osé aller, sinon à puissance. (Bueil, II, 1461-1466, 85)

De manière si approfondie, si détaillée.

Se j'ay autrefoiz touchié de ceste matere, ce n'est pas si avant (Jean Golein, Rational B.D., c.1370-1372, 539)

...pourtant que si avant avéz parlé de la besoigne dont il me samble que madamme a ouvert la matere, je vousv diray... (Wauquelin, Manequine C.T., a.1448, 157)

Mais dictes moy, par amours, qui si avant en demandez et sy n'estes pas des chevaliers de la queste... (Percef. I, R., t.1, c.1450 [c.1340], 340)

...s'il est ainsi que vous voeulliez sçavoir aussi avant de l'estat a la damoiselle (Percef. V, R., t.1, c.1450 [c.1340], 20)

Si avant que... De manière si importante que, à tel point que.

Si leur pria que il volsissent chevaucier avoecques lui, et il presteroit aucune somme d'argent à çascun, pour paiier leur hosteulz de leurs menus frès, et leur liveroit pourveances si avant qu'il ne vorroient cargier sus leurs sommiers. (Froiss., Chron. L., V, c.1375-1400, 192)

...car il fu a ceste cause hay de son maistre et des flateurs de autour de luy, si avant qu'il en receupt la mort. (Fillastre, Traité Conseil H., c.1472-1473, 252)

b)En particulier. [Dans des loc. verbales]

Mettre avant qqc. que qqc. Faire prévaloir qqc. sur autre chose, préférer qqc. à autre chose.

Alors Quintus Metellus, esmeu de pitié, voult avant mettre humanité et clemence que victoire (La Sale, Sale D., 1451, 114)

Mettre qqn en avant. Faire état de (l'action de) qqn.

'...je vous en prie et requiers, ne me mettez point en avant.' (Bueil, II, 1461-1466, 254)

Mettre qqc. avant. Mettre qqc. en avant, mettre qqc. en jeu.

Ens et hors, il estoient si en unité que point de diferent n'i avoit, mès metoient avant or et argent, jeuiaulx et chavance, et qui le plus en avoit, il l'abandonnoit. (Froiss., Chron. R., IX, c.1375-1400, 219)

Là ot ung président qui mis ces poins avant, En disant : 'Mi segneur, soiés moi escoutant...' (Geste ducs Bourg. K., c.1410-1419, 364)

Mettre avant (un propos). Exposer, proposer, lmettre qqc. en valeur dans une discussion, en faire un argument.

'Nous le mandons trop simplement. Bien apartenroit que nous i envoisions un ou deux chevaliers de creance, ens esquels il se peuist confiier et qui li remonstraissent plainement l'estat dou païs.' Chils pourpos fu mis avant et consaulx tenus : si en furent priiet d'aller en Engletière doi mout vaillant chevalier. (Froiss., Chron. R., IX, c.1375-1400, 205)

'Et, se vous volés faire le voiage que vous nous mettés avant, si le faites, car point ne le ferons ; anchois retournerons en Engletière.' (Froiss., Chron. R., XI, c.1375-1400, 273)

'Veez moy icy prest pour prouver et maintenir que ce que vous ay mys avant est veritable.' (Gérard de Nevers L., c.1451-1464, 139)

Venir (en) avant. Prendre de l'importance.

...quant l'eglise vint en avant qui estoit la vraie figuree eglise, ces choses cessierent (Jean Golein, Rational B.D., c.1370-1372, 260)

Si se doubta que (...) se il avenoit que li entrepresure que li rois d'Engleterre avoit emprise ne venist avant ou ne venist à bon chief, que li rois de France ne le volsist guerriier, et li faire comparer che que li aultre aroient acordet. (Froiss., Chron. L., I, c.1375-1400, 133)

...ung tel joine filz, si taillié de venir avant, ostoit et reculoit a tout povoir du service et de l'usaige de la chose publicque (La Sale, Sale D., 1451, 151)

Vouloir avant + inf. +qqc. que qqc. Préférer ... qqc. plutôt qu'autre chose.

Et ainsi advint, tant avoyent grant amour a leur pays que avant vouldrent alonguir leur seignourie que leurs vyes. (La Sale, Sale D., 1451, 101)

Vouloir avant + inf. +que + inf. Préférer ... plutôt que de.

...voult avant oblier la paternelle amour que faillir a Justice (La Sale, Sale D., 1451, 119)

Vouloir avant que... que. Préférer que... plutôt que.

Avant voulons que ceste desordonnee loy reviengne que ton filz ayt ce très angoisseux mal. (La Sale, Sale D., 1451, 121)

Vouloir avant + inf. +que. Préférer ... plutôt que.

Laquelle mort voult avant recepvoir que sa loy fust corrompue (La Sale, Sale D., 1451, 122)

c)[Superl. d'un adv. relativement à des pers.] Qui se distingue des autres, qui est le meilleur.

Adonc Vienne dist a Ysabeau, sa compaigne : 'Ysabeau, has tu avisé lequel est celuy qui se moustre le plus avant des aultres ?' (La Cépède, Paris Vienne K., 1432, 87)

2.[Dans lune échelle de données, une pluralité ordonnée..., marque l'augmentation, le surplus]

Plus avant. Davantage.

'Se vous avés esté paiiés et nous ne le sommes point, vous avés biau souffrir.' - 'Par ma foi, Soustrée, dist li Canonnes, je n'ai eut non plus avant paiement que vous, ne, sans vous, je n'en rechepverai riens.' (Froiss., Chron. R., X, c.1375-1400, 187)

'Nous avons despendu plus avant que nos gages, et si n'avons eu ne prest ne paiement nul, depuis que nous venismes en Portingal.' (Froiss., Chron. R., X, c.1375-1400, 187)

Et à l'endemain il s'en retournèrent à Gand. De eux je ne sai plus avant : je croi bien que il retournèrent en Engletière. (Froiss., Chron. R., XI, c.1375-1400, 193)

Et belle chose estoit a veoir (...) acomplir les belles ordonnances qu'il avoit faictes en son testament, comme messes et autres fondacions en divers lieux, lesquelles Othon peracheva et enquores plus avant. (Rambaux Frise S., c.1450-1475, 82)

Ne te sai pluz avant dire ne doctriner. (Jourd. Blaye alex. M., a.1455, 724)

...desquelles diverses façons de faire qui sont en la court servans a ce propos me passe de declairer plus avant pour le present. (RENÉ D'ANJOU, Mortif. Vaine Plais. L., 1455, 24)

En outre.

'Et je vous ai en couvent que, se vous le faites, nous en vaurrons mieulz, et vous meismes y acquerrés haulte honneur. Et plus avant je vous prommeth que toute la première requeste dont vous me prierés je le feray et y descenderai.' (Froiss., Chron. L., VI, c.1375-1400, 157)

Il veoit bien que il issoit de ses conquès à grant blasme ; et, plus avant, il avoit mis parolles oultre, qui estoient espandues ou roiaume de France. (Froiss., Chron. R., XI, c.1375-1400, 127)

Et plus avant vous diz et vous certefie que ma voulenté est du tout deterlinee de faire par effect ce que me vouldrez enseignier (RENÉ D'ANJOU, Mortif. Vaine Plais. L., 1455, 20)