DESGUISER

verbe

[T-L : desguiserdesguisé ; GD : desguisié ; GDC : desguisier ; DEAF, G 1663-1665) : guisedesguiser ; AND : deguiser ; FEW (XVII, 597a) : *wîsa ; TLF (VI, 996b) : déguiser]

A. -Au propre. Changer la/sa manière d'être, la/son apparence (par jeu, par goût du changement, pour se rendre méconnaissable ou dans l'intention de tromper).

«...Seigneurs, ce dit ly rois, cy endroit regardez De Maugiz le larron comment est desguisez...» (Renaut Mont. B.L. V., c.1350-1400, 41)

Ilh soy desguysat merveilheusement de son blazon, car ilh ne portat ensengne nulle que ses predecesseurs awissent porteit (Hemricourt, Miroir Hesb. B.B., 1353-1398, 449)

N'est ce chose plus honnourable Que tu voies devant ta table Tes chevaliers, tes escuiers, Tes clers, tes servans, tes mestiers Vestis ensamble en ordenance A la bonne guise de France, Que ce qu'il soient en tel guise Que chascuns einsi se desguise ? (Mach., C. ami, 1357, 133)

DIEU. Michiel, liéve sus tost de cy. Va dire au mari Theodore Que le moine qui passa ore Par devant lui, c'estoit sa fame Et qu'il n'en die nul diffame, Qu'il aroit tort. MICHIEL. Sire, bien feray ce recort. Dieu te gart, amis ; or entens. Tu crois avoir perdu ton temps Et si te tiens pour deceu : Sachiez le moinne qu'a veu Si est ta femme en verité.(...) LE MARI. Elas ! dolens, mon Dieu, et qu'est ce ? Conment ay je esté si avugle, Si malostru, si fol, si bugle Que je ne l'ay pas ravisée ? Las ! malement s'est deguisée. (Mir. Theod., 1357, 93)

Si ont pris chiaus que Lansonnès Eut pourveü le jour devant [des habits noirs de marchands] , Vesti les ont par couvenant Que trop bien se sont desgisé. Tout ensi qu'il ont devisé Ont fait ce jour, ne plus ne mains, Et ont bien noircies leurs mains ; De faire le villain se painnent. (Froiss., Méliad. L., t.2, 1373-1388, 80)

Penser m'en vois et aviser Conment me pourray deguiser Pour le fol faire. (Mir. Rob. Dyable, c.1375, 47)

Se vaillant roy Cosdrus, quant il sceut par la responce de ses dieux que s'il mouroit en la besongne ou il estoit pour la proteccion de son peuple que son peuple seroit saulvé, laquelle chose ses ennemis sceurent, et pour ce ordonnerent que si hardi de luy faire mal, mais il se desguisa et fit tant que il mourut. (Juv. Urs., Loquar, 1440, 378)

De celle nouvelle le roy eut grant joye, et comme cil qui tant ardoit en l'amour de la royne Mirro qu'il ne sçavoit s'il veilloit ou dormoit, il se desguisa le mieux qu'il poeut et par herbes changea sa couleur, prinst deux chevaliers avec luy, ausquelz il declaira qu'il s'en aloit devers sa dame soy faindant estre un simple chevalier, et leur deffendy qu'ilz ne lui feissent autre honneur qu'a un chevalier. (LEFÈVRE (R.), Hist. Jason P., c.1460, 133)

Quant on voit ces petis enfans courir parmi les rues a chevaulx de bois, a tout lances et desguisez par maniere de gens de guerre, c'est tout vray signe de prochainement avoir guerre et discention ou pays. (Ev. Quen. I, c.1466-1474, 87)

Et pour ce, se desguysa, luy troysiesme, et delibera s'en aller à Romme et se mectre en une religion auprès. (Comm., II, 1489-1491, 146)

Participe passé en emploi adjectival.

«Hé Dieux ! dist Godefroys, veschy gens desgisés, Oncques mais sy boin roys ne fu au siècle nés.» (God. Bouillon R., t.2, c.1356, 122)

Or j'estoys jà adverti, et de plusieurs lieux, tant de serviteurs d'ambassaseurs [l. ambassadeurs] que aultrement, que celluy d'Espaigne estoit passé par Millan, desguisé, et que les Almans se conduisoient tous par ledit duc. (Comm., III, 1495-1498, 119)

B. -Au figuré. [Idée de dissimulation]

1.Habiller qqn de manière inhabituelle.

De sçavoir ay moult grant envie Qui t'a deguisé en ce poinct. Mais regardez cy la folye ! Cela te vient trop mal a point. (La Vigne, S.M., 1496, 289)

2.Dissimuler sous des apparences trompeuses.

...Fortune, qui tout desguise Et fait et deffait a sa guise, Fist toute la mutacion, Dont je feray ci mencion (Chr. Piz., M.F., I, 1400-1403, 9)

Emploi pronominal. Se dissimuler.

Car selonc ce qu'Amours le vuet Deduire, il s'esjoïst ou duet, Et selonc l'estat de Fortune Qui les amans souvent fortune, L'un bien, l'un mal, l'autre a sa guise, Selonc ce qu'elle se desguise. (Mach., R. Fort., c.1341, 32)

Prince, qui veult que le bon temps reviengne Les .III. estas en bonnes meurs repraingne, Et que nul seul de trois ne se desguise ; Un chascun d'eulx son droit estat maintiengne, Car l'exceder est monstre et droicte enseigne De pis avoir pour le peuple et l'Eglise. (Desch., Oeuvres Q., t.2, c.1370-1407, 84)

Si puis viser Que plus ne se puet desguiser Amours vers moy, sans l'aviser, Car tel que on le puet deviser, S'est remoustrez Et ses divers tours m'a moustrez, Biens et maulx ensemble acoustrez, Non pas petiz maiz tous oultrez. (Chart., L. Dames, 1416, 250)

Participe passé en emploi adjectival. Trompeur, dissimulé, faux, sournois.

Ollivier vint a li [à la bête] , que ne s'i est arestéz, Et pués li dit en hault : 'Ennemmi desguiséz, Je te conjure de Dieu qui en croix fuit penéz : Se tu me vuelz mal faire, si entre en ma neif, Si me serait a toy per mez arme merléz.' (Lion Bourges K.P.F., c.1350, 884)

Et dit a Gladïus : 'Ce lÿon ci endroit N'est point si desguisés que vo corps me disoit. - Par Dieu ! dit Gladïus, sirë, il vous cognoit, Car si vous n'estiés cy tantost nouz occiroit.' (Flor. Octav. L., t.2, c.1400, 449)

..le fel duc Guion qui tant fut desguisés Commanda que sez hommes fussent tous arroutés (Cip. Vignevaux W., p.1400, 126)

J'ay devisees Les durtez d'Amours desguisees ; Maiz qui bien les a avisees, Aspres les ay et atisees. (Chart., L. Dames, 1416, 272)

Ha, Fortune, forte ennemye, Fortune, beste desguisee Et tout mal faire advisee, C'est des tours dont tu scez jouer. (Myst. Pass. Troyes B., a.1482, 366)

C'estoit grant chose en ce temps la De bergiers et moult chere tenue, Maiz maintenant tot diminue, Pastoreaulx sont tous desguisés, Tous cuers fallis, tous divisés. (Moralité cincq pers. B., 1484, 41)

3.Masquer (des faits), modifier (l'identité de qqn).

Si ceulx qui furent prins avoient nom Conyn ou autrement, je n'en çay ryen ; vray est qu'il y avoit ung homme qui avoit nom Conyn ; et, pour mieulx deguiser le livre du Jouvencel, on y avoit tousjours nommez gens et noms incongneuz. [À] Crathor, pour le vous donner à entendre, et [dans] tout le livre, ont esté les chouses meslez, afin que l'on n'en eust point de cognoissance et qu'on n'y peust ryens gloser qui c'estoit ne dont ce venoit. (Tring., c.1477-1483, 279)

...et passa par devant Alençon. Auquel lieu estoit messire Jehan Fastoc, gouverneur d'Anjou et du Maine pour le roy d'Angleterre, ainsi que bien au long est determiné ou livre du Jouvencel. Et, pour myeulx deguiser icellui Fastoc, il est appellé messire Jehan Alpy. (Tring., c.1477-1483, 289)

C. -[Idée dominante d'étrangeté, d'insolite]

1.[D'un sentiment, d'une passion] Faire changer de contenance, troubler qqn.

...la fu en telle guise [Sinamonde] Que Amours l'avoit mis en tel convoitise Qu'elle vausist ja bien que la chités fust prise Par le roy Bauduin, ou maint toute franchise, Et elle eüst du roy che que ses coers devise. Che c'on l'ot tant loét tellement le desguise Qu'elle mue couleur... (Bât. Bouillon C., c.1350, 46)

2.Participe passé en emploi adjectival.

[D'un habit] Qui n'est pas habituel, qui est extravagant.

Et qui voudra avoir robbes déguisées, autres que la commune et ancienne guise, il [le cousturier] en prendra le meilleur marché qu'il pourra. (Ordonn. rois Fr. L.S., t.2, 1350, 372)

De sa vesteure et abillement n'est mignot ne desguisié, quoy que son appareil soit propre et net (Bouciquaut L., 1409, 415)

[D'une pers. ou d'une chose] Défiguré, difforme, hors norme.

Adont fuit la touuelle briefment la aprestee ; Guillamme la saisit et pués sans arrestee Li ait entour le col saichie et nouuee [du chartrier] ; Et cil c'est esvilliéz, chiere fist desguisee (Lion Bourges K.P.F., c.1350, 891)

Si vous pri que regardon Se on devroit donner tel faucon Pour ce blanc levrier desguisé Qu'Amour de Chiens a devisé. Il dit qu'il a queue de rat, Groing de poisson et pié de chat. (La Buigne, Rom. deduis B., 1359-1377, 424)

Quant il tint sa lance en ses mains, Dessus le chevalier regarde Et encor .i. peu se retarde, Tant qu'il l'ot moult bien avisé. Si le voit grant et desghisé, Ce li samble, et de rude taille (Froiss., Méliad. L., t.1, 1373-1388, 254)

Ysles, a grans geans orribles, Et pays, a serpens terribles, Grans et fiers, de maintes natures, Et de moult estranges figures, Monstres sauvages perilleux Y a, et hommes merveilleux, Qui ont les corps trop desguisez (Chr. Piz., M.F., I, 1400-1403, 144)

Extraordinaire, étrange, surprenant.

Quant il ot ainsi devisé De cestui oisel desguisé [le phénix] , Adonc ly vieux s'achemina, Et point d'aller il ne fina Jusques vit l'arbre nompareil Que on dit l'Arbre du Soleil. (Renart contref. R.L., t.1, 1328-1342, 165)

Une fois chante, autre fois pleure. C'est l'estas aus nouviaus amis Qu'Amours en ceste chace a mis ; C'est la langueurs aus amoureus, Et qui le veult nommer pour eus Par droit, c'est li maus desguisés, Dont nulz, tant soit bien avisés, N'en set les proprietés dire Ne les contenances descrire. (Acart, Prise am. H., 1332, 48)

On quist l'anffan per tout, ne fuit mie trouvéz. L'esclave demanderent, enquis en ont assez. 'Per foid, dient l'un a l'autre, si fait est desguiséz ! Je croy que per l'esclave est li anffe ambléz.' (Lion Bourges K.P.F., c.1350, 469)

...le conte Marescaux (...) estoit de moult sauvage et desguisée maniere (Le Bel, Chron. V.D., t.1, 1352-1356, 6)

Mais pour ce qu'il cessa sa parolle, ilz dirent l'un a l'autre que moult estoit desguissee la complainte du chevalier, veu qu'il se plaindoit de son mariage, car tous huit estoient mariés, mais ne s'en sçavoient encores plaindre. (Percef. IV, R., c.1450 [c.1340], 372)

...Car chose mult faee à moy et asseis deguysee. (Pèler. vie hum. C., c.1480-1500, 300)

Dénaturé.

LE TIERS CHEVALIER. (...) Maiz je pense, s'on lui moustroit Par bonne maniere et par droit, En lui a plain signifïant Comment il lui seroit seant, Et le desir de ses subgez Qui en vouloir sont avuez A ce qu'il le soit haultement, Que l'en verroit prouchainement Sa voulenté toute muee. [de ne pas se marier] LE QUART CHEVALIER. La matiere est toute arguee, Maiz que bien il feust advisez, Car il n'est pas si desguisez Qu'a ce ne soit assez propice. (Gris., 1395, 9)

Chose desguisee. Chose contre nature, extraordinaire.

LE ROY. Fille, tart m'est que je vous voie Mon espousée. LA FILLE. D'une chose moult desguisée Et qui trop est contre raison Parlez (Mir. fille roy Hongrie, c.1371, 16)

JHESUS.Ne t'esbahys du requerir. Se tu sceusses la vertu de celluy qui le te demande, Force, comme femme subtive, Luy eusses requis l'ëaue vive Et elle te fust octroyee. RAAB. Ce seroit chose desguisee Que ceste ëaue vive truisses ; Tu n'as dont espuiser la puisses S'est hault et bien parfont le puiz. (Gréban, Pass. J., c.1450, 156)

Déréglé.

Ne weilliéz pas amer le monde. Tout y perist, tout y affonde : (...), Par gloutonnie et par yvresce, Et par luxure qui moult blesce ; Par trop dormir, par trop risee, Par fole vie et desguisee. (Le Fèvre, Respit Mort H., 1376-1380, 98)

D. -Participe passé en emploi substantival. DRAPERIE Sorte de drap' (GD).

Remarque : Doc. 1392 .VIII. aulnes et .I. quart d'un desguisiéde Dypre, .IIII. aulnes et demie d'undesguisiéroige, XIII aulnes dedesguisiévert de Dresde ds GD II, 593b.