COUARD

adjectif

[T-L : cöart ; GDC : coart1 ; AND : couard ; DECT : cöart1 ; FEW (II-1, 523b) : cauda ; TLF (VI, 281a) : couard]

A. -Lâche, poltron, couard.

Adont durement me doubtay Et dedens mon lit me boutay. Il sambloit que j'eüsse fievres, Car je sui plus couars qu'uns lievres, Et si trambloie, et goute a goute Suoie d'effroy et de doubte. (Mach., F. am., c.1361, 146)

Mais bonnes gardes y laissierent, Qui jour et nuit y demourerent, Qu'en si grant fait faut bonne garde, Qui ne soit lente ne couarde. (Mach., P. Alex., p.1369, 57)

Quant il ot dit sa volenté, Il furent tuit entalenté Telement que le plus couart Cuidoit bien valoir Renouart. (Mach., P. Alex., p.1369, 66)

Là li assaus recomensa, Là li plus couars s'avansa, Là se moustra chevalerie, Là vit on qui avoit amie, Là chascuns si bien le faisoit Qu'à Dieu et au monde plaisoit. (Mach., P. Alex., p.1369, 88)

Mais nous dison que il est fort par similitude, car il est aucuns qui sont paoureus et couars es perilz des batailles et sont tres hardiz de largement despendre. (Oresme, E.A., c.1370, 205)

[Premier bergier] J'aimme mieux amer Marotele, Et la faire au fresteau danser, Que moy faire fol ressembler Pour contrefaire l'omme d'armes. SECONT BERGIER. Tu n'ez bon fors qu'a estre carmes, Moine recluz ou jacopin. Tu ne vaulx qu'a estre beguin Ou hermite en quelque hermitaige, Car tu es couart d'avantaige, Maiz je suis hardi et vaillant. (Gris., 1395, 45)

...Jehan Bourdois, texier, (...) dist à icelui Frelon ces mos ou semblables en substance ; 'Dieux ! que tu es couhe ou couart !' Et lors le dit Frelon se prist à reculer en la court de l'ostel de son dit voisin, en lui disant par jeu et esbatement, sans aucun mal ne rancune avoir audit Bourdoiz : 'Mais toy, tu es un beau couhe, estuye tout ferrement, mon ami, je t'en pry, car tu m'en pourroies bien blecier'. (Doc. Poitou G., t.7, 1404, 33)

Encour n'as lesure ne plaies, Et ja pour les cops tu t'esmaye ! C'est fait de couhart chevalier. (Myst. st Adr. P., c.1450-1485, 118)

Vous n'avés pas esté coart, Fau cornart, De dire vous fellons oultrages. (Myst. st Sébast. M., c.1450-1500, 194)

Et pour ce ne vous souciés que de moy bien guider, car j'ay esperance que nous y besongnerons aussi bien que j'ay faict par deça. Au regard de ma blessure, sa esté le duc de Bretaigne qui le m'a fait faire pour ce qui me appelloit le roy couart ; et aussi vous sçavés depieça ma coustume, car vous m'y avez veu autresfoiz. (Le Clerc, Interp. Roye, c.1502, 365)

Emploi substantival.

Or voy que chascuns en abuse, Car je ne voy homme puissant Qui n'ait puis dis, puis vint, puis cent Tours, manieres, engiens ou ars Pour pillier hardis et couars. Car couvoitise les atrape, Si que nuls de leurs mains n'eschape, S'il n'est dont tels qu'il n'ait que perdre. (Mach., J. R. Nav., 1349, 140)

Ainsi vos noms, qui en mains lieus s'espart, Le bien de lui a pluiseurs gens depart, Et fait souvent un hardi d'un couart, Et .I. sage homme et rassis d'un coquart (Mach., Voir, 1364, 548)

Et sachiez, puis que le soudant a ceste emprise encommencee par force d'amours, tant fait il plus a doubter, car amours a tant de puissance qu'elle fait aux couars faire grans emprises, et de telles que ilz n'oseroient penser. (Arras, c.1392-1393, 94)

Et pour ce je vous prie que, s'il a en ceste place homme qui ne sente son cuer ferme pour actendre l'adventure qu'il plaira a Jhesucrist de nous envoier, qu'il se traye a part, car par un seul couart failly est aucunesfoiz une besoingne perdue. (Arras, c.1392-1393, 109)

...on asciet a table dou roi, de duch et de conte le preu, et on met arriere le couwart preceus, ja soit il de plus hault linage. (Froiss., Chron. D., p.1400, 39)

Or rougissiez De honte et de jour hors n'yssiez, Car certes se rien vaulsissiez, Si bons princes ne lessissiez, Qui deffendirent Le champ et bien chier se vendirent ; Maiz les failliz quouärs fendirent Les rengs quant a fuite tendirent Au desplachier, Sans oncques espee y sachier. (Chart., L. Dames, 1416, 284)

Délaissent leurs prouchains parens En grans périlz et apparens, Et s'enfuient d'avecques eulx Comme couars, non comme preux, Sans leur faire nulz réconfors En tels périlz et desconfors (La Haye, P. peste, 1426, 76)

Car les foibles hommes sont ceulx qui plus tost tumbent, et les mal armez sont les premiers bleciez, et les couars sont ceulz qui premiers fuyent (La Sale, Salade, c.1442-1444, 240)

B. -Timoré, craintif.

M'amour m'eüst destourné ceste garde, S'i li pleüst, Mais sans son vueil nulle riens ne me tarde. Or vueille Dieus qu'en pité me resgarde, Qu'avoir pieça, s'elle ne fust couarde, Fait le deüst. (Mach., F. am., c.1361, 179)

Sans retollir li doing et baille, Et avec ce je li commande Que a li conforter entende, Et le plus tost qu'elle porra, Ou autrement il se morra. Ne vueil pas qu'elle soit couarde, Car tous deus les pren en ma garde, Ne qu'elle soit de rien honteuse, Einsois doit estre humble et piteuse Pour son bon et son voloir faire Comme courtoise et debonnaire... (Mach., F. am., c.1361, 220)

Car de moy mesmes je crains trop les alarmes : Vela le cas pourquoy je suis couart. (La Vigne, S.M., 1496, 167)

C. -Emploi substantival. Jeune homme galant' (Éd.).

Qui nous amaine ce couart Qui s'en va courir aux champs ? (P. Jouh. D.R., a.1488, 16)

Quant il se treuvent a l'escart Avec le glorïeux couart, Comment elle est bien decrotee ! (P. Jouh. D.R., a.1488, 34)