CONVENANCE

substantif féminin

[T-L : covenance ; GD : covenance ; GDC : convenance ; AND : covenance ; DECT : covenance ; FEW (II-2, 1127) : convenire ; TLF (VI, 114a) : convenance]

I. -Ce qui convient à qqn.

Locution. Aux convenances de qqn. Conformément aux volontés de.

...lequel senglier luy [le renard] promist ce qu'il voult, et a ses convenances. (Juv. Urs., Loquar, 1440, 350)

II. -Ce qui est convenu.

A. -[Surtout dans le domaine juridique, mais aussi dans l'usage ordinaire]

1.Ce qui est convenu, accord, convention.

Et des accordz, convenances et partages dessurs ditz tenir fermement d'une partie et d'aultre nous, le dit sire de Laval, et nous, le dit Rasses, gréons et promectons l'un à l'autre nous entredonner et passer bonnes lettres et bons assignemenz passées de la court à notre très grant et redoubté seigneur le roi de France (Cartul. Laval B., t.2, 1335, 191)

Et pluseurs autres couvenances Dont il feïrent ordenances ; Mais en bonne foy vous plevi Que je ne les say pas ne vi. (Mach., P. Alex., p.1369, 175)

Et donques, aussi comme en contract et en convenances l'en doit paier, semblablement en ce cas celui qui reçoit benefice doit retribuer. (Oresme, E.A., c.1370, 447)

...pour acquitter la foy et convenencez de sondit seigneur et marit, toutez les chosez par lui faites, venduez, alouéez et accordéez es chosez dessus dites, voloit, looit, consentoit et accordoit (Trés. Reth. S.L., t.2, 1373, 203)

Quant li dus de Braibant ot fait ses couvenences à ces signeurs d'Engleterre, si com vous avés oy, il s'avisa que li rois de France aultre fois li avoit fait contraire. (Froiss., Chron. L., I, c.1375-1400, 133)

Et se alloiièrent par certainnes couvenences que, se li uns des trois pays avoit à faire contre qui que ce fust, li doi autre le devoient aidier. (Froiss., Chron. L., II, c.1375-1400, 42)

Et s'en retourna, sans congié prendre, en son pays et devint Englois, et rompi toutes les convenances que il avoit au duc d'Angou. (Froiss., Chron. M., XII, c.1375-1400, 206)

...je vueil tout premierement que les convenances et ordonnances soient si fermement prises, escriptes, grossées, tabellionnées et scellées, que jamais en ruine ne en debat (...) elles ne puissent (...) venir (Froiss., Chron. M., XIV, c.1375-1400, 149)

...et icelles [paroles] amast mieulx avoir dites dès le premier jour que elle fu emprisonnée en Chastellet ; mais elle n'avoit osé, pour doubte d'enfraindre les promesses et convenances que elles avoient eu ensamble (Reg. crim. Chât., II, 1389-1392, 320)

Et Gieffroy leur dist qu'il avoit trouvé un tres vaillant chevalier, et qui plus lui avoit fait de peine que nul qu'il trouvast oncques. Et leur compte toute la maniere de leur bataille et des paroles, et comment il lui cuida tollir la bourse, et comment ilz se sont departiz, ne sur quelles convenances, et comment il vint soubdainement et s'en rala pareillement. (Arras, c.1392-1393, 299)

A grant tort lairons Cestui, contre les ordenances, Regner oultre les couvenances. (Chr. Piz., M.F., II, 1400-1403, 304)

Sus ces convenances s'en va La roÿne (Chr. Piz., M.F., II, 1400-1403, 314)

Si hay moy meismes Et tous les mos que oncques deïsmes Ou lieu ou premier nous veïsmes, Et les cuers qu'en Amours meïsmes, Les souvenances, Les pensers et les couvenances, Les regars et les contenances, Dont je porte les griefz penances, Se dire l'oz, Quant depuis le temps qu'amé l'oz, Ne m'en demeure part ne loz D'onneur, de joie ne de loz. (Chart., L. Dames, 1416, 291)

...et si estoit le duc d'Orliens, auquel appartenoit ladicte forteresse, prisonnier et en la puissance du roy d'Angleterre, qui avoit avec lui fait certaines convenances et pactions (Fauq., I, 1417-1420, 352)

...ne povés faire serment valable, paction ou convenance contre vostre seigneur (Juv. Urs., Aud. celi, 1435, 268)

Sy firent paix et convenances enssemble, ung meisme jour que Auffricque seroit delivré des armes de Sicile, et Sicile des armes d'Auffricque. (La Sale, Salade, c.1442-1444, 47)

...Quidem parcium societatis humane est, obtemperare regibus suis, c'est une chose que conme par convenance vous estes tenus de faire, que obeir au roy (Juv. Urs., D. Tours, 1468, 437)

...pour tousjours confermer, De mieulx en mieulx tenir et affermer Leur bonne paix, acord et convenance (La Vigne, V.N., p.1495, 239)

Remarque : FOUL., Policrat. B., V, 1372, gloss. ; Percef. I, R., c.1450 [c.1340], gloss. ...

Convenances (de mariage)

De ceste tauxacion sont exceptés touz contraulx de convenances de mariages, vendues de bois, testamens, lesquelles ne sont point tauxé ; ou pour ce qu'il y a choses qui ne sont point tauxées ou excessiveté d'escripture ou choses obscures, par quoy teles choses sont en la disposicion de nostre chancelier ou de ses lieutenans. Car à iceulx puet apparoir l'ocurté parmy les escriptures et esclarcir icelles. (Cout. bourg. glosé P.M., c.1380-1400, 76)

Jugement de ville, coment les convenance que on font en mairiaige a ffaire, et nommeement par devant les plaict, se doient tenir. (Jug. maître-échev. Metz S.M.S., t.1, a.1494 [1335], 127)

Par métonymie. Document où se trouve consigné un accord.

...entre lesquelles parolles le roy d'Angleterre dist au roy que jamais ne seroit asseuré en son royaulme jusques ad ce qu'il eust fait transcher les testes à aucuns des seigneurs de son royaulme à qui trop il se fioit ; et luy monstra aucuns scellés et convenances qu'il avoit desditz seigneurs à l'encontre de la personne du roy. (Le Clerc, Interp. Roye, c.1502, 344)

2.Engagment, promesse.

Accomplir une convenance. Réaliser un engagement.

...il (...) se fist fors de livrer et rendre la ville de Jugon a mesire Carle de Blois ou a ses conmis dedens .I. jour qui ne fu pas trop lontains apriés sa delivrance. Et pour acomplir celle convenance, il en bailla un sien fil en pleges, et sus cel estat on le laissa aler et retourner a Jugon (Froiss., Chron. D., p.1400, 558)

...acomplir certaines promesses et convenances (Chron. Mt-St-Mich. L., t.1, Pièces div., 1424, 139)

Avoir une convenance à qqn. Être lié par un engagement à qqn.

Je vous di que aucunes couvenances les queles vous m'aviés, vous m'avez menti faussement et mauvaisement. (Mach., P. Alex., p.1369, 230)

...tous les signeurs (...) convenance et aliance avoient au roi d'Engleterre. (Froiss., Chron. D., p.1400, 292)

Faillir de convenance. Manquer à son engagement.

Ainsi ne peuz tu riens avoir ; Scez tu pour quoy ? que j'ay doubtance Que ne failles de convenance (Mir. march. juif, c.1377, 191)

Faire une convenance à qqn. Faire une promesse à qqn.

Car entre les piez est fichiés Dou gent esprivier et couchiez En la grant paour de refus Ou il seroit dou tout confus, Se ce n'estoit bonne esperence Qui li fait une couvenance Que celle nuit a jour traira, Et de ce grief hors le traira. (Mach., D. Aler., a.1349, 288)

Faire la convenance de. Prendre l'engagement de.

Belle, ce dist Huons, j'en fais le couvenance. (Hugues Capet Lab., c.1358, 92)

Faire jurer à qqn des convenances. Faire jurer à qqn qu'il respectera les engagements.

Et dit encores que les dictes faees se mettoient en forme de tres belles femmes, et en ont pluseurs hommes prinses pour moilliers, par my aucunes convenances qu'elles leur faisoient jurer, les uns qu'ilz ne les verroient jamais nues, les autres que le samedy n'enquerroient qu'elles seroient devenues, aucunes, se elles avoient enfans, que leurs maris ne les verroient jamais en leur gesine. Et tant qu'ilz leur tenoient leurs convenances, ilz estoient regnans en grant audicion et prosperité (Arras, c.1392-1393, 4)

Prendre une convenance. Prendre un engagement, s'engager.

Dist Hues Dodequins : 'Prendrons le convenance ; A Escalonne irons, pour prendre le vengance Encontre l'amulaine qui nous a fait grevance.' (God. Bouillon R.B., t.3, c.1356, 395-396)

Tenir (sa) convenance à qqn. Remplir l'engagement que l'on a à l'égard de qqn.

Et tant qu'ilz leur tenoient leurs convenances, ilz estoient regnans en grant audicion et prosperité (Arras, c.1392-1393, 4)

...pour (...) faire tant que il fust tous sires de Gaind et que il peuist tenir ses convenances aux Englés sus la fourme et maniere que il lor avoit pronmis, il fist le mestre et le signeur et volt monstrer poissance entre ceuls de Gand. (Froiss., Chron. D., p.1400, 270)

...qu'on tenist convenance a ceulx qui avoient esté avec Servilius et qui si bien pour la chose publicque s'estoient en .III. batailles combatus (La Sale, Sale D., 1451, 183)

En particulier. Promesse de mariage, accordailles.

'Amenés vostre niepce en pelerinage à Saint Jehan d'Amiens, et li rois sera contre li. Se il le voit, espoir le golousera il, car il voit volentiers toutes belles coses et les aime ; et, se elle li eschiet en coer, elle sera roïne de France.' Enssi alèrent les premières convenences, ne plus n'i ot dit ne fait. (Froiss., Chron. R., XI, c.1375-1400, 225)

Laquelle Yolete, pour ce que ledit prisonnier ne la vouloit enconvenancier par mariage, se tray par devers ung capitaine de brigans, nommé Hallé, qu'elle disoit estre son nepveu, et lui donna a entendre que ledit prisonnier qui l'avoit convenancée par mariage ne la vouloit espouser ne tenir lesdictes convenances. (Chancell. Henri VI, L., t.1, 1426, 342)

Et, aprés que leurs gracieuses amours eurent esté accordees et les convenances prinses et jurees et qu'ilz furent asseurs du bien et bonne amour l'un de l'autre, ilz commencerent à parler de plusieurs autres parrolles. (Cleriadus Z., c.1440-1444, 51)

Jugement (...) que dit que une jonne fille fut minse a maistre a annee et .XL. lbz. avec lei, par tel que, au chief des annee, on li debvoit rendre les .XL. lbz. ; maix ansoit que les annee fuxent fuer, la fillaitte fut fianciee a filz son maistre et les semonte faicte a l'esglise, et pués reffurent departis par devant l'official ainsois que la messe fut chantee, se volt on ravoir lez.XL. lbz. ; et on s'en deffendoit en disant que la departie des enffans n'estoit mie par lui, ains volloit bien aller avant dez convenance. Li maistre-eschevin dit qu'il l'ait bien a paier. (Jug. maître-échev. Metz S.M.S., t.1, a.1494 [1337], 156-157)

[À propos de Fortune, dans un tour plus ou moins stéréotypé]

Et si m'avoit promis en don Plus de cent fois en un randon Que jamais ne m'oublieroit Toute Belle, ne changeroit. Mais pas ne m'a tenu couvent, Car sa couvenance est tout vent, S'il est voirs ce qu'on m'en a dit : Autrement ne di je en mon dit. (Mach., Voir, 1364, 712)

Mais fortune, qui tost deffait, Quant il li plaist, ce qu'elle a fait, Et qui onques ne tient couvent, Car sa couvenance est tout vent, Li joua d'un tour d'escremie, Douquel il ne se doubtoit mie. (Mach., P. Alex., p.1369, 23)

B. -JEUX Enjeu.

Et arriva ce lundi à Selles monseigneur le duc d'Alençon, qui ha très grosse compaignie ; et ay aujour d'huy gagné de luy à la paulme une convenance. (Cartul. Laval B., t.3, 1429, 77)

Remarque : Cf. LA CURNE IV, 242a.