CONFUS

adjectif

[T-L : confus1 ; GDC : confus ; AND : confus ; FEW (II-2, 1047a) : confusus ; TLF (V, 1319a) : confus]

I. -[Avec valeur de part. passé (de confondre), lat. confusus]

A. -Mêlé.

...et n'y avoit pas seulement une seule maniere de pechié, mais les viltéz et deshonnestetéz des enfans et des femmes estoient confuses (Mamerot, Romuleon D., 1466, 67)

Confus en. Confondu avec, mêlé à.

...et le seurplus que le dit Jaques y prenoit paravant sera confus en la proprieté de la dicte maison, en tele maniere et condicion que le dit Jaques de Saint Benoit pourra deschargier la dicte maison de la dicte rente appartenant aus diz enfans, toutesfois que il li plaira dedens quatre ans prochains venans a tous ses bons poins, en leur baillant, asseant et assignant autant de rente, aussi bien assise comme est la dicte rente des diz enfans sur la dicte maison (Chartes Abb. St-Magl. T.F., t.3, 1365, 288)

B. -Détruit, vaincu.

Ly contez de Wimeu y fu par ly confus (Hugues Capet Lab., c.1358, 218)

...et ceulx que contrainte povreté enclinoit a meschief (...) se adjoingnirent a luy, et contrahirent soubz son conduit, ainsi que une compaignie de larons, qui de roberie et de rapine se enrechirent, et acreurent leurs routes par impunité de mal faire. Et souvent leur advint qu'ilz eurent de bonnez fortunes contre ceulx qu'ilz assailloient pour rapiner. Et autrefoys estoient chassés, refoullez et confus es entreprinses de leur dit pervers chevetaigne. Lequel moult deffoiz par traisons et aguet fist occire ceulx qui lui contrestoient. (Chart., L. Esp., c.1429-1430, 118)

Nous sommes presque tous confus ! (Myst. st Clément Metz D., p.1439, 304)

Le cuer qui se vit en dangier De prez estre par l'ueil confus... (Taillev., Deb. cuer ueil D., c.1444, 216)

Mais tantost estes desconfite et confuse de ceulx qui nos armes ne laissent. (Martin Le Franc, Estrif D., 1447-1448, 237)

Pour quoy soyes seur que briefment sera confus, desconfiz et mattez. (Bagnyon, Hist. Charlem. K., c.1465-1470, 58)

Comment avés vous esté prins, vous qui jamais ne fustes lassez en bataille ne confus ? (Bagnyon, Hist. Charlem. K., c.1465-1470, 70)

II. -[Avec valeur pleinement adjective]

A. -[D'une chose]

1.Qui n'est pas organisé, qui est désordonné, mêlé, indistinct.

...aucuns anciens cuiderent que ce monde eust commencement parce que tout estoit devant en une masse confuse sanz ordre, sanz forme et sanz figure (Oresme, C.M., c.1377, 166)

Il semble que ceste repproche ne soit pas contre l'intencion de Plato ne des siens, mais seullement contre la maniere de parler, quar l'en diroit qu'il n'entendoient pas que absoluement et de ffait [sic] les ellemens du monde eussent esté aucunes foys confus et desordenés et par temps apres eussent esté mis en ordenance (Oresme, C.M., c.1377, 182)

Qui est marqué par l'effondrement, le désordre.

Remirons yci la merveille des oeuvres divines ; car comme la proprité de sapience soit d'ordonner ses faitz, nous trouvons que tout ce qui est de Dieu tient et garde ordonnance, et ce qui naist de pechié tourne en desroy et en agitation confuse et involution desordonnee. (Chart., L. Esp., c.1429-1430, 88)

Glorieux Dieu, bien as previlegié ta sainte foy catholique, et justifié sur toutes les aultres ! Et quiconquez a cler entendement peult congnoistre qu'elle est divinement donnee plus que trouvee humainement, quant par elle sont baloiez toutes ordures, obscurtés enluminees, inniquitez radreciez, et lez aultres introdutions vainez, irriteez et confuses. (Chart., L. Esp., c.1429-1430, 127)

...que d'aucuns en avez prins les cuers (...) et puis a la fin confuse, abandonnez et meritez d'avoir perdu leurs ames, se Dieu n'en a mercy (La Sale, J.S., 1456, 301)

2.[D'un lieu] Vague, indéterminé.

[Qualifiant les limbes des justes de l'Ancien Testament] Lieu confus

Freres, alons accompaignher Juc aux limbes l'ame Jhesus, Qui va les peres visiter Pour les gecter du lieu confus. (Pass. Auv., 1477, 225)

3.[De la pensée, du langage...] Indistinct, embrouillé.

...mon gros et confus langaige (Robertet, Oeuvres Z., c.1450-1500, 119)

...ung conseillier doit (...) determiner les choses confuses (Juv. Urs., Verba, 1452, 314)

B. -[D'une pers., d'un aspect de la pers.]

1.Effondré, comme à la dérive.

Là ot mainte teste copée, Grant brait, grant bruit et grant huée, Quant ceuls qui estoient dessus Veirent leurs gens einsi confus, Mors et bleciez et affolez Et de Crestiens defoulez. (Mach., P. Alex., p.1369, 152)

Las ! nous, chetifz et de male heure nez, Avons estoy a naistre destinez, Quant le hault pris du royaulme dechiet, Et nostre honneur en grief reprouche chiet, Qui fut jadis franc, noble et beneuré, Or est fait serf, confus et espeuré. (Chart., L. Esp., c.1429-1430, 2)

Pour quoy de ce coup fut le conte Olivier sy ployés et sy confus que a bien peu de fait, s'il ne fust sa selle, il estoit rué par terre, car il fut sy fort ployé par derriere qu'il se va sentir tout rompus (Bagnyon, Hist. Charlem. K., c.1465-1470, 49)

Vaincu.

Traitre, ains que ta vie fine, Rens toy confus, crie merci, Ou tu morras a honte ci (Mir. Amis, c.1365, 39)

...et le rendist [l'Ennemy] tousjours confuz et vaincus. (Wauquelin, Belle Hélène Const. C., c.1448-1452, 310)

...cestui conte de Saint Pol (...), pensant pooir mener a sa main le seigneur de Croy et le vaincre et faire confuz par puissance appostolique, s'en alla vers le cardinal d'Avignon, legat en France (Chastell., Chron. IV, D., c.1461-1472, 81)

RAPHAEL. Martin, tu te peulx bien venter, Quelque part que ton corps sera, Quoy qu'il [le diable] te vueille espouenter, Que jamais ne t'actemptera ; Mais ton parler le vaincquera Et le rendra tousjours confus Ne jamais mal ne te fera, Car tu fais trop de luy reffus. (La Vigne, S.M., 1496, 535)

Remarque : SAINT-GELAIS, Séj. honn. D., c.1490-1495, 179, v.119.

2.Moralement effondré, troublé, agité, bouleversé (sous l'effet d'une émotion, d'une situation imprévue...), embarrassé.

Dont se leva Flourence, dont li coers fu confus (Flor. Rome W., c.1330-1400, 217)

Or est Regnaut venus ou chastel mont confus (Renaut Mont. B.N. V., c.1350-1400, 341)

Partir de vous dolent, confus Me faites, plain de desconfort. (Mir. Theod., 1357, 71)

Qant mesires Lois de Craneson vei che, si fu si confus que il en entra en merancolie et maladie, et en morut [Il s'était porté garant de la loyauté du duc de Brabant à l'égard du roi de France et l'évènement lui donne tort] (Froiss., Chron. D., p.1400, 319)

Ne l'orent tost mis en oubli, Ains tout leur aages le plourerent, Car, sanz lui, confus se trouverent. (Chr. Piz., M.F., II, 1400-1403, 318)

Or est Hulin li ber a son hostel venus, La estoit son lignage, moult dolant et confus (Huon Bordeaux B., c.1400-1450, 25)

Il [Roland] regarde son sang [d'Olivier] qui du corps est issus, Oncquez mais en sa vie il ne fut si confus. (Galien D.B., c.1400-1500, 60)

...quant Sedicion ouit parler France elle fut toute confuse (Juv. Urs., Aud. celi, 1435, 230)

Faut que je demande, ami cher, Quel est ton nom, ne soies confus. (Myst. st Clément Metz D., p.1439, 192)

Quant doncquez Jason vey son filz mort, vey ossy le roy Creonte, sa dame Creusa, la royne, les chevaliers, les dames et les damoiselles morir par l'enchantement de Medee, il se leva de la table tout confus et escria a Medee : 'Haa malvaise enchanteresse ! C'est dommage que la terre vous soubstient ...' (LEFÈVRE (R.), Hist. Jason P., c.1460, 228)

Cestui cuida fere condempner à Paris le livre maistre Jehan de Meung, mais il trouva tant de oppinions contraire à la sienne, qu'il demoura confuz et ahonti, ainsi que nostre calumpniateur. (Simon De Phares, Astrol., c.1494-1498, f° 152 v°)

Laissez le la, ma seigneurie, Dessus le feu, je le conclus ; Car je m'en voys matte et confus : Oncques nul jour ne le fuz tant. (Myst. st Laur. S.W., 1499, 249)

[D'un animal] Troublé, penaud.

Se une femme perchoit un loup qui le suive, elle doit tantost trayner sa chainture par terre aprés elle en disant : 'Garde toy, loup, que la mere Dieu ne te fiere' et tantost tout confus, s'en retournera. (Ev. Quen., I, c.1466-1474, 96)

Rendre qqn confus. Mettre quelqu'un dans un grand embarras.

LE JUIF. Icy s'en va avec eulx. Avec vous [les sergents] iray a ceste heure. Ha, brief, je le rendray confus [le chrétien] Et me rendra mes cent escus Que luy ay foncéz. (Mir. st Nic. juif, c.1480-1500, 114)

Sire Naason, faictes l'ottroy Pour rendre ce Jhesus confus. (Myst. Pass. Troyes B., a.1482, 424)

...aucuns lui louerent à aller veoir Diogenes, autres l'en destournerent, ausquels il dist : 'Si vous me povez dire les choses que j'espere sçaver de lui, vous serez louez et prisez de moy ; pour ce efforcez vous en dedans demain'. Ilz ne peurent sçaver, ne penser que c'estoit et y ala et les rendit confuz. (Simon De Phares, Astrol., c.1494-1498, f° 58 r°)

Confondu.

Auchuns sont qui en l'estrif de disputation, quant ilz se sentent confus en leur erreur, tantost pour cause de fuite se commenchent a troubler et mouvoir noises ou tenchons, affin qu'il ne appere a tous qu'il soient confondus. (Daudin, De la erudition H., c.1360-1380, 142)

3.Troublé (par la honte), confondu, humilié.

Et les sages mesmes furent tous honteux et confuz de ce qu'ilz avoient ainsi failly a leur entente (Bérinus, I, c.1350-1370, 417)

Je seroie bien forsenez Et devroie estre touz confus Se vous en faisoie refus. (Mir. Oton, c.1370, 365)

Car de refus Seroit trop confus. (Mach., Les lays, 1377, 383)

Après lesquelles responses oyes par lesdiz ambaxadeurs de l'Université, s'en retournèrent tous confus à Paris. (Monstrelet, Chron. D.-A., t.1, c.1425-1440, 122)

Entendement escouta de grant entente ces tres dignes enseignemens, et congnut bien que ilz venoient de l'escolle du maistre qui le crea ; car toutes choses retournent a leur principe et retiennent par naturelle inclination l'emprainte de la fin a quoy leur createur les ordonne. Sy se vergongna de sa faulte, confus et humble, prest a recepvoir correction de doctrine, et en ceste vergoigne rappella a soy toutes ses officiaulx puissances dispers et esgarés es discors des mondains desirs (Chart., L. Esp., c.1429-1430, 26)

Or es tu [Jésus] maintenant confus. Tu te disies Emanüel. (Pass. Auv., 1477, 212)

Remarque : Percef. III, R., t.1, c.1450 [c.1340], gloss.