CONFORTER

verbe

[T-L : conforter ; GD : conforter ; GDC : conforter ; AND : conforter ; DECT : conforter ; FEW (II-2, 1044a) : confortare ; TLF (V, 1315a) : conforter]

A. -[D'une pers. ou d'une chose] Conforter qqn / qqc. Rendre qqn ou qqc. plus fort.

1.Conforter qqn (ou une collectivité). Sustenter, revigorer qqn.

Chascun de nous est si lassez De fain que ne se puet porter. Roys puissans, vueilliés conforter Ces .IIII. chartriers affamez. (Jour Jug. R., c.1380-1400, 231)

Par la voie de la marine fu la ville de Calais plus de demi an confortee et rafresqie de vivres. (Froiss., Chron. D., p.1400, 745)

C'est viande qui bien conforte. (Pac. Job M., c.1448-1478, 207)

...puis la conforta [une dame évanouie] d'une herbe dont elle estoit pourveue. (Percef. IV, R., c.1450 [c.1340], 53)

[Une partie du corps, un organe, la santé, la vie...] Revigorer.

Dame, c'est a confession, Vous volés vostre corps destruire. Y vous fault ami ou baron, Sy pranrez recreation Pour ung poul conforter nature. (Dupin, Mélanc. L., c.1324-1340, 62)

...le saphir garist de fievres et de toutes chaudes maladies dedens le corps, et conforte moult les oels et la veue (Mandeville, Lap. M., c.1350-1390, 178)

...pour noz vies conforter Nous fault prendre nostre repas. (Mir. st Ign., 1366, 94)

Et qant leur piere est escaufee, il jettent de celle clere paste sus celle caude piere et en font un petit tourtiel a maniere de une oublie de begine, et le menguent pour conforter lor estomach. (Froiss., Chron. D., p.1400, 127)

Elle [l'eau] me conforte le foye Et les boyaulx et la ratelle (Pass. Semur D.M., c.1420 [1488], 38)

[Il doit prendre la bole d'Arménie] O vin aigre et simple ptisaine, Qui en tel cas est bonne et saine, Ou sur vin blanc et eaue rose Mixtionnez sans autre chose, Pour sa vertu mieulx apporter Vers le cuer pour le conforter. (La Haye, P. peste, 1426, 131)

Et rent [la terre sigillée] de fait nature forte Et la soustient et la conforte à débouter le venim hors, Qui est logé dedens le corps. (La Haye, P. peste, 1426, 132)

Grevéz estes oultre mesure ; Pour conforter vostre appetit, Reposez vous cy ung petit (Gréban, Pass. J., c.1450, 251)

Le VIII. experiment c'est que vous usés souvent de tiriaque, il conforte la veue. (Gordon, Prat., c.1450-1500, III, 5)

...lequel [lapidaire] il envoya et desdya à Neron l'empereur, ensemble ung mirouer d'esmeraulde pour conforter la veue. (Simon De Phares, Astrol., c.1494-1498, f° 80 r°)

[Un malade] Soigner, guérir.

...que conforter Vienne le Ladre qu'est malades (Pass. Semur D.M., c.1420 [1488], 142)

Quel medicine Pour conforter ung pacient ! (Gréban, Pass. J., c.1450, 317)

2.Conforter qqc. Renforcer, consolider qqc..

...par qoi il se puisse espurger des humours et de la maladie q'est par dedeinz et conforter les bons espiriz et afforcer contre le male (Henri Lanc., Seyntz medicines A., 1354, 193)

Dieu tout puissant nous vueille conforter Toutes choses en terre, ciel et mer (CH. D'ORLÉANS, Ball. C., c.1415-1457, 125)

Benoiste soit la digne ancelle Et le ventre en Dieu conforté De la beneuree pucelle Qui si digne fruit a porté ! (Gréban, Pass. J., c.1450, 350)

Vegete dit, en effect, que pour suppleer et aider et conforter la force d'un ost, on ne doit point doubter que on doye prendre gens de condicion rustique, c'est assavoir de labeur et gens mecaniques (Juv. Urs., Verba, 1452, 239)

Dieu de lassus, qui me fourmas de cendre, Voeulle descendre es basses regions, Vieng conforter ma fragilité tendre (Molinet, Faictz Dictz D., 1467-1506, 11)

Les medicines des fractures et dislocacions, aulcunefoys sont faitz en fourme d'epithime, aulcunefoys en fourme d'emplastre et aulcunefoys en fourme d'onguent (...) les aulcunes sont faictes a deffendre l'apposteme et douleur, les aultres a conglutiner et endurcir artoboth, c'est le porre sarcoÿdes, et les aulcunes sont a conforter la particule, les aultres sont a reprimer le porre qui est trop engrossi et les aultres a adulcir et molliffier la durté qui demeure aulcunefoys aprés la restauracion. (Panis, Guidon, 1478, tr.VII, doct.1, chap.7)

[Une médication] Donner à (une médication) plus de vigueur, d'efficacité.

...nous confortons les medecines narcotiques et stupefactives en III manieres, en abessant et remetant la superflue froideur d'icelles, en... (Saint-gille, Comment. A.Y. L., 1362-1365, 248)

[Une chose plus abstr., une attitude, un comportement, un état...] Consolider.

...Pour conforter ma garison (Renart contref. R.L., t.1, 1328-1342, 12)

...ou q'il y entre ascune air de monde pur conforter le pecché... (Henri Lanc., Seyntz medicines A., 1354, 109)

...en ce comment Ga[llien] conforte les dis de Y. et les verifie (Saint-gille, Comment. A.Y. L., 1362-1365, 364)

Les violettes, mestres chiers, Ont encor vertu et mystere Qui conforte moult ma matere Et condempne toutes vos gloses (Froiss., Dits Débats F., 1363-1393, 199)

Et ainsi dire que le ciel soit vif de telle vie, c'est a conforter l'ydolatrie de ceulz qui aouroient le souleil et la lune, etc. (Oresme, C.M., c.1377, 318)

Le duc apporta de l'argent beaucoup en ceste ville d'Avesnes, et en fist offre au roy par cent milliers (...) par une ardente amour véritable, qui, dans sa povreté et petit avoir, en estime envers le sien [la richesse du roi] , vouloit conforter sa hautesse. (Chastell., Chron. K., t.4, c.1456-1471, 38)

Confirmer.

Faulses novelles rappourtees Ne doivent estre confortees ['confirmées'] (Dupin, Mélanc. L., c.1324-1340, 84)

Cascuns vuet ses raisons conforter et redire. (Bris., Restor paon D., a.1338, 125)

Ledict duc respondit à ceulx qui luy vindrent faire ce rapport qu' il ne le faisoit que pour saulver sa vie et qu' il le leur dist. Ledit conte conforta ['renforça, confirma'] ceste parolle (Comm., II, 1489-1491, 138)

B. -Conforter qqn

1.Apporter à qqn une aide concrète, matérielle, active..., apporter secours, assistance à qqn.

Le duc de Jullers euist eu petite ayde, se n'euist esté son biau frere messire Edouart de Guerles. Mais cilz-là le remforcha et conforta grandement de gens et d'amis (Froiss., Chron. M., XIV, c.1375-1400, 162)

...requerons qu'ilz soient aidans et confortans et à chascun d'eulx, et gardent et aident à garder de tort et de force (Trés. Reth. S.L., t.2, 1378, 258)

...fu attaint et fait venir des prisons où il estoit Jehan de La Ramée, prisonnier detenu oudit Chastellet, pour souspeçon d'estre consentant, confortant et aydant de l'omicide fait et perpetré en la personne de feu Jehan de Criquetot (Reg. crim. Chât., I, 1389-1392, 406)

...ledit Guillaume, puis un pou de temps ençà, lui avoit et a mandé, par le varlet dudit Charlot, que se il s'entremettoit plus de aidier ne conforter en quelque chose que ce feust Henry de Breteigne, convers, que il le courrouceroit (Reg. crim. Chât., II, 1389-1392, 20)

...par aucuns grans voisins dudit pays icellui Merigot [il] fu et a esté visité, conforté, conseillié, prouveu et avitaillié de vivres et autres choses neccessaires pour le fait de la guerre (Reg. crim. Chât., II, 1389-1392, 202)

La souvraine et droicte science de loys, c'est, par bonne escience, Vesves et orphenins deffendre, Conforter povres (Chr. Piz., M.F., II, 1400-1403, 112)

Ce jour et les jours ensuivans, les bourgois de Paris et chiefs d'ostel ont fait serement en la presence de monseigneur de Bourgongne de aidier et conforter le Roy et sa justice (Fauq., I, 1417-1420, 157)

...l'empereur Octe, allié et aidé du compte de Champaigne, et le roy d'Engleterre, conforté dez contes de la Marche et de Bretaigne... (Chart., L. Esp., c.1429-1430, 147)

Julien enseigna ses compaignons et conforta en leur tentacion et conferma en leur sainte religion (Nouvelles inéd. L., p.1452, 126)

...cellui ne doit demander aide ne confort qui ne veult aider ne conforter aultruy (Macho, Esope R., c.1480, 136)

[De Dieu]

Et avoit bien le soudant de Damas assemblé LXm. payens, et les autres estoient bien IIIJxx. mille, et noz gens, que Dieu veulle conforter, n'estoient sur tout que XXIJm. (Arras, c.1392-1393, 222)

2.En particulier. Apporter à qqn une aide, un renfort militaire.

...et aussi, se li cas cheoit que il fuissent oppresset des Englois et Alemans, que il fuissent secouru et conforté des François. (Froiss., Chron. D., p.1400, 291)

...et proumetoient et juroient les chiés des signeurs, Jaquemés d'Artevelle, conme souverains de Flandres, et toutes les bonnes villes des trois pais, que ils demorroient en une unité ensamble, et seroient aidant et confortant l'un l'autre et aideroient le roi d' Engleterre a mettre a chief de sa gerre. (Froiss., Chron. D., p.1400, 415)

Conforter qqn contre qqn

...ne nous ne leur saurions que demander, fors que vous leur faciez jurer sur Sainctes Evvangiles, se le siege eust esté devant Sion, s'ilz eussent aidié ne conforté Glaude et ses freres contre vous ; et se ilz jurent que si, ilz sont voz ennemis ; et se non, vous ne leur devez porter nul maltalent. (Arras, c.1392-1393, 211)

Cilz Gerard que je dis voult Paris conforter Contre les Navarois (Cip. Vignevaux W., p.1400, 79)

3.Participe présent en emploi substantival. Celui qui apporte son aide, son soutien.

...li despos de Romme et tous cis confortant. (Lion Bourges K.P.F., c.1350, 201)

...non obstant que le pape Urbain eust données sentences d'escommeniement contre tous ceulz qui faisoient teles compaignies et contre leur aidans et confortans. (Chron. Jean II Ch. V, D., t.2, c.1375, 20)

Tant fu alé, parlementé et trettié entre ces parties que unes trieuves furent prisses a durer trois ans, c'est a entendre, entre mesire Carle de Blois, ses aidans et confortans, et la contesse de Montfort, qui chief se faisoit de la gerre pour son fil, car son mari estoit mors en la prison de la tour dou Louvre a Paris (Froiss., Chron. D., p.1400, 592)

...là, devant tout le peuple, fut maudicte et excommuniée toute la compaignie des Arminaz, et tous leurs aidans et confortans (Journal bourgeois Paris T., 1411, 16)

...et leurs aliez, complices, aydans et confortans (Baye, II, 1411-1417, 85)

4.infinitif substantivé. Aide.

Veillez, enffans, soigneusement, Faictes a Dieu prïere forte A celle fin qu'il vous conforte Si bien que, par son conforter, Puissez passer et eviter Les temptacions seurvenans. (Gréban, Pass. J., c.1450, 248)

C. -Conforter qqn / se conforter

1.Conforter qqn. Apporter à qqn (à son âme, à son esprit...) un réconfort, un soutien moral, réconforter, consoler qqn.

a)[D'une pers.]

...la povre fragilité De moy avez tant confortée (Mir. parr., 1356, 64)

Qui me pourroit de ce dueil conforter ? (Chart., Compl., 1424, 322)

La pouvre fille, revenue de paumoison et ung peu rasseurée et de sa mere confortée, cessa la grand flotte de ses larmes (C.n.n., c.1456-1467, 133)

Las, qui la pourra conforter ? (Pass. Auv., 1477, 183)

Et une aultre foys revint a la femme [restée sur la tombe de son mari] pour le [la ?] consoler et conforter (Macho, Esope R., c.1480, 120)

[De Dieu]

En pitié regarder me vueilles Et conforter ma lasse d'ame (Mir. Oton, c.1370, 354)

...[ils] ont presque tous les jours leesse sobre et sainte, quelconque advercité leur seurviegne, car ilz ont le Saint Esperit qui les console et conforte en bonne esperence. (Gers., Pent., p.1389, 85)

...et aucunes fois disoit [saint Paul] qu'il pouoit tout faire en la vertus de celuy qui le confortoit, c'estoit Jhesus. (Gers., P. Paul, a.1394, 495)

Dieu, qui les pelerins d'Esmaulx Conforta... (Villon, Test. R.H., 1461-1462, 29)

Dieu supernel qui rachetas Jadis toute nature humayne Et qui les peres confortas, Eulx estans en terrible payne (La Vigne, S.M., 1496, 492)

Conforter son ame en Dieu

JESUS. (...) Pour ce, contentés vous, ma mere, Et confortés en Dieu vostre ame ; Soyés forte, car onques femme Ne souffrist tant que vous ferés (Michel, Myst. Pass. J., 1486, 233)

b)[D'une chose]

Esse chose qui nous conforte Ou porte consolacion ? (Gréban, Pass. J., c.1450, 214)

...si s'en esmerveilla forment, combien que esperance le conforta (Percef. IV, R., c.1450 [c.1340], 355)

Vostre presence [de Marie d'Orléans] me conforte : On doit dire du bien le bien. (Villon, Poèmes variés R.H., c.1456-1463, 43)

...l'espoir de vostre venue le conforte et attend tant plus aise. (C.n.n., c.1456-1467, 269)

2.Se conforter. Se réconforter, rassembler ses forces morales, reprendre courage, se rassurer.

Li ung plore, li autre chante ; L'ung s'esmaie, l'autre se conforte ; L'ung sospire, l'autre s'apense (Dupin, Mélanc. L., c.1324-1340, 225)

Pour ce point ne se mesporta, Mais tout adez se conforta. (Renart contref. R.L., t.1, 1328-1342, 14)

Conforte toy et meinne joie (Mach., C. ami, 1357, 42)

Conforte toy et plus ne pleure (Mach., F. am., c.1361, 201)

Ne crain plus de mer la tempeste, Confortes toy. (Mir. fille roy Hongrie, c.1371, 63)

Et touttesfois, comme saiges et vaillant prinche qu'il est ou estoit, il s'en confortoit assez bellement, car bien veoit qu'il n'en povoit avoir aultre chose. (Froiss., Chron. M., XIV, c.1375-1400, 110)

Confortons nous et faisons dou mieuls que nous poons. (Froiss., Chron. D., p.1400, 216)

...je ne me puis conforter, car je voy mon peuple tout desconforté (Juv. Urs., Loquar, 1440, 302)

Dame, dist Passelion, de legier vous poués conforter : le terme est court que devés estre avecq moy et la seurté grande de moy a vous. (Percef. IV, R., c.1450 [c.1340], 774)

Bonne operacion est la voie par laquelle on va en la vie eternelle. Qui court par ceste voie il quiert la beatitude, conforte toy donques et fay tes oeuures vertueusement (Cib., p.1451, 178)

Se conforter à / de / en / par qqc. Être réconforté par qqc..

Confortons nous a la vie pardurable. (Dupin, Mélanc. L., c.1324-1340, 234)

En cest espoir se confortoit Ceste dame (Tomb. Chartr. Trois contes S., c.1337-1339, 96)

Hermine, qui moult estoit doulente du mal de son pere ; mais elle se confortoit moult de ce que on lui disoit que les deux damoysiaux devoient venir le landemain. (Arras, c.1392-1393, 116)

Et sachiez que le peuple du pays estoit moult doulent ; mais ilz se confortoient moult ad ce que ilz avoient seigneur de si grant prouesce plain, et en estoient aucques rassouagiez. (Arras, c.1392-1393, 123)

Par mon chief, dist le roy, ilz se confortent en esperance du secours de ces deux damoisiaux de par qui ce chevalier nous a deffiez. Je croy que ilz en ont ouy nouvelles, et pour ce font ilz tel joye. (Arras, c.1392-1393, 159)

Conforte toy en ce, et pense que le bruit de tes ennemys n' est pas pardurable (Chart., L. Esp., c.1429-1430, 141)

Il se confortoit d'aultre costé des gracieuses parolles qu'il eut au dire adieu, et de l'espoir qu'elle luy baille. (C.n.n., c.1456-1467, 316)

[Var.] ...comment ceste infortunee dame se doit conforter par la noble vertu de charité (Chastell., Temple Boc. B., 1463-1464, 183)

Se complaire en qqc..

Englés sont de mervilleuses conditions, chaut et boullant, tos esmeu en ire, tart apaisié ne amodé en douçour ; et se delittent et confortent en batailles et en ocisions. (Froiss., Chron. D., p.1400, 42)

Se conforter en qqn

Viendra poinct, las ! Celuy en qui je me conforte [L'Amoureulx] ? Guillot, voys-tu rien en la porte ? (Retraict T., c.1490, 207)

3.Participe passé. Réconforté.

Et quant li dus peut ce sentir, Si en fu demi confortés. (Froiss., Méliad. L., t.2, 1373-1388, 294)

Long temps avons esté piteux, Més, comme gent bien confortee, Menons feste et jeux planctureux A ceste nouvelle apportee. (Gréban, Pass. J., c.1450, 311)

D. -Conforter qqn / se conforter (dans une attitude, une conviction, une intention...)

1.Conforter qqn. Renforcer qqn (dans une attitude, une conviction, une intention...).

[Saturne], Comme esméu de mau courage, Détesta moult Humain Lignage, Et l'accusa horriblement En plaine court de Parlement Favorisant et confortant Son frère Mars et l'enortant (La Haye, P. peste, 1426, 35)

Grandement me sens conforté et proufitablement conseillé par ta presence et belles probations speculatives, qui sont moult cleres et apparentes. (Chart., L. Esp., c.1429-1430, 133)

Je rencontray monsr de la Trimoille, à qui contay cest affaire, pour ce qu'il estoit des prouchains du roy, demandant si encores luy en devoye parler. Il me conforta et me dist que ouy (Comm., III, 1495-1498, 224)

Conforter qqn à / en qqc.

Et semblablement, ilz honorent ceuls qui font bonnes operacions, aussi comme se ilz vousissent par ce les bons atraire et conforter en bien et les mauvais retraire de mal faire et leur deveer. (Oresme, E.A., c.1370, 197)

...ce n'est pas mon coeur ne moy, mais est honneur qui ad ce tous nous y confforte (La Sale, J.S. E., 1456, 355)

Et pour vous confforter, Madame, à votre consolacion... (La Sale, Reconf. De Fresne H., 1457, 6)

Conforter qqn de + inf. Renforcer qqn dans l'intention de + inf., exhorter qqn à + inf..

Les consulles, les tribuns et les senseurs tant que povoient le comfortoient de laissier et soy demettre de ces abis et samblans douloureux (La Sale, Sale D., 1451, 79)

Remarque : Peut-être influence savante de conhortari, cf. G. Paris, Romania 1, 310.

Conforter à qqn de + inf.

Pierre prist congié de son pere et de sa mere. Lesquelz luy confortoyent fort d'aller et estre tousjours en bonne compaignie et de laisser la maulvaise, et aussi que tousjours luy soviengne d'eulx. (Belle Maguel. C., 1453, 4)

Estre conforté de + inf. Être résolu à + inf..

Les Londriens, comme gens tout conforté et tout appareilliez de obeir au plaisir et commandement des oncles du roy... (Froiss., Chron. M., XIV, c.1375-1400, 62)

...et estoient tout conforté d'atendre la bataille et de combatre as François (Froiss., Chron. D., p.1400, 590)

...et suis tout conforté d'attendre la mort (C.n.n., c.1456-1467, 536)

Estre conforté que. Avoir la conviction, la certitude que.

...et sont tout conforté que toutes ces coses vous remeterés arriere (Froiss., Chron. D., p.1400, 215)

Estre conforté (en qqc.). Être résolu (en qqc.).

Et au voir dire, Englois monstrerent bien la, et aussi ont il fait aillours, en toutes places ou il se sont trouvé, que ce sont vaillans gens et de grant corage et conforté en lors besongnes (Froiss., Chron. D., p.1400, 778)

Estre conforté encontre qqc. Se sentir plus fort, plus résolu pour lutter contre qqc..

Encore n'est pas revenu le messaige qui est alez querre le secours au roy d'Ausaiz. Prenez cuer en vous, car vous orrez par temps bonnes nouvelles. Quant ceulx les entendirent ainsi parler, si respondirent au conseil des Sarrasins que ilz ne se rendroient point et qu'ilz estoient tous confortez en contre leur puissance. (Arras, c.1392-1393, 181)

2.Se conforter (à qqn) que. Renforcer sa conviction ou son intention (en s'en remettant à qqn) que.

Et quant est a ma povre part De douaire, dont conforter Me vuels que le doye emporter... (Gris., 1395, 82)

...a Leaulté se conforte Qu'en fera la probacion ['qu'il apportera la preuve de son intention de payer ses dettes'] (CH. D'ORLÉANS, Ball. C., c.1415-1457, 161)

Remarque : Pierre Champion, Villon, sa vie et son temps, 1984, 543 (Procès du duc d'Alençon en 1458) : Aussi je congnoissoye que j'estoyeprins en faisant loyaument mon devoir. En quoy ['à cause de quoi'] je meconfortoyeque Dieu m'en sauroit gré, et m'en aideroit ['je me renforçais dans la conviction que...'].

3.Participe passé en emploi adjectival. [D'une pers.] Assuré, qui a de l'assurance, de la détermination.

Homs confortez vaint fortune incertaine. (Desch., Oeuvres Q., t.1, c.1370-1407, 214)

...il se fuissent volentiers combatu et pris l'aventure et se tenoient a tout conforté (Froiss., Chron. D., p.1400, 335)

Plein d'assurance, de détermination, de force (physique et psychique).

A ! dist elle, se je le nom De ce bleu chevalier savoie, Trop grandement mieulz en vaurroie. Lyonnel m'a dit qu'il est telz, Si frices et si confortés, Que c'est de ses fais grans merveilles. (Froiss., Méliad. L., t.2, 1373-1388, 291)

Chils Gerars de Malain avoit un frere, hardit honme et conforté durement, que on nonmoit Renier de Malain (Froiss., Chron. D., p.1400, 545)

[De la volonté (ici personnifiée)]

Les malades cueurs amoureux (...) Chaulx electuaires souvent Usent de Conforté Vouloir (CH. D'ORLÉANS, Rond. C., 1443-1460, 358)

4.Participe présent en emploi substantival. Celui qui soutient (une opinion, une attitude...).

Dieux confonde ce conte par son saintisme non, Et tous lez confortans en cel'oppinion De grever le roïne à le clere (Hugues Capet L., c.1358, 114)