CONFESSION

substantif féminin

[T-L : confessïon ; GDC : confession ; AND : confession ; DECT : confessïon ; FEW (II-2, 1030b) : confessio ; TLF (V, 1294b) : confession]

I. -Aveu.

A. -RELIGION [Dans le sacrement de la pénitence]

1.Aveu de ses péchés à un prêtre dans le sacrement de la pénitence.

Priez vostre filz qu'il me tiengne En vie tant que prestre viengne Qui oie ma confession (Mir. mère pape, c.1355, 392)

...le sacrement de confession (Oresme, Pol. Arist. M., c.1372-1374, 343)

...tu dois savoir que a vraye confession des pechiez il y fault XVI condicions ; c'est assavoir que ta confession soit simple, pure, humble, loyalle, souvent recitee, vraye, clere, discrete, voluntaire, vergoigneuse, entiere, secrete, lacrimable, hastive, forte et acusant, et, pour conclusion, appareillee de prendre la charge de penitence [Sur la vraie confession, cf. Dict. Théol. cath., 12-1, 1933, 983] . (Mézières, Songe vieil pèl. C., t.2, c.1386-1389, 261)

...ilz sont privez de sacramentale confession (Mézières, Songe vieil pèl. C., t.2, c.1386-1389, 282)

...et ot la souveraine auctorité de clorre et ovrir paradis par la vertu et par les clefs du saint sacrement de penitence qui enclost confession. (Gers., P. Paul, a.1394, 486)

Se je fais me penitence qui me sera baillee en confession, en seray je quitte ? Response : Se elle est bien baillee et discretement, oy, et se elle est faicte en estat de grace (Gers., Déf., 1400, 237)

Et en aucune similitude de la loy crestienne et du baptesme establist aux Sarrasins les eauez ou ilz se lavent souvent, cuidans par eaue pure estre nestoiez de leurs pechiés sans confession et sans penitance. (Chart., L. Esp., c.1429-1430, 120)

Le procureur du Roy dit que le calice n'est mie au cordelier, qui a confessé que le calice est à une personne qui l'a chargié en confession d'en faire restitution (Fauq., III, 1431-1435, 126)

Au regard de l'ame, nous devons savoir que qui se garde de pechier mortellement qu'il est sauvez, car les autres pechiez venielz par vraye confession sont estains et anullez a bien peu de penitence. (La Sale, J.S., 1456, 17)

...nul, si prestre n'est, ne peut oyr confession (C.n.n., c.1456-1467, 466)

Et si ne me veult escouter ? 'En l'honneur de la Passion De Dieu, que j'aye confession...' (Fr. arch. B., c.1468-1480, 39)

Ha ! dea, beau maistre, Vous aurés absolution Après votre confession. (Sav. serg. D.L., c.1480-1490, 36)

Le curé de nostre paroisse Vous dist que le saint temps aproche Et que le jour de Pasque vient, Et que purger il se convient Par tres vraye confession. (C. Riffl., c.1480-1520, 58)

Rectourne a Dieu et le salue Par confession vraye et bonne, De cueur et de bouche impolue Se tu veulx que Dieu te pardonne. (Cene dieux, c.1492, 137)

...et, voyant ne pouvoir parvenir à nulle paix ne appaiser l'estat de Milan, print une maladie, dont il mourut ; et en ses douleurs eut confession, et, comme j'espère, repentance de ses pechéz. (Comm., III, 1495-1498, 84)

SAINCT MARTIN. (...) Si de maulx vous sentez tachez, N'ayez le cueur si endurcy Qu'a confession ne taschez (La Vigne, S.M., 1496, 423)

Aller à confession. Aller se confesser.

...je vous commande Que, si tost que vous sentirez Qua davant Dieu rien lesferez, Alez a confesson bien tost (Du Prier, Roy Adv. M., 1455, 577)

Saichés qu'il n'est homme ne femme Qui ne doit juner en caresme Et aller a confession. (C. Riffl., c.1480-1520, 58)

Avoir esté à confession

Et dist, sur ce requis, que, depuis ledit temps, il a esté par pluseurs foiz à confession et receu son Sauveur (Reg. crim. Chât., I, 1389-1392, 112)

Faire confession (de). Se confesser (de).

Chascun at fait confession Et puis s'est rendue professe En religion, par confesse (Sept péchés C., c.1300-1350 [p.1478], 246)

Regardons ensemble touz troys Conment pourra selon les droiz Recevoir absolucion. Elle a ja fait confession Et si a bonne repentence (Mir. mère pape, c.1355, 365)

LE PRESTRE. Beaux amys, de tous tes pechez Dont tu as fait confession Requiers tu absolution ? (C. Riffl., c.1480-1520, 60)

Requerir confession

Saint pére, je vous requier, sire, Confession. (Mir. Rob. Dyable, c.1375, 37)

...et commença Sedicion a faire ung grant honneur a Saincte Esglise, et a la saluer, en faignant qu'elle se voulsist confesser et dire ses pechiés et se repantir, en luy requerant confession, absolucion et penitence, et qu'elle la voulsist oir. (Juv. Urs., Aud. celi, 1435, 230)

Je vous requier confession, Et, en humble contriccion, Mon pechié sera recité (CH. D'ORLÉANS, Rond. C., 1443-1460, 199)

L'yvroigne (...) poursuit le prieur, et luy requiert confession 'Confession ! dist le prieur ; va t'en, va t'en ! tu es bien confessé...' (C.n.n., c.1456-1467, 60)

Proverbe.

Car de fausse confession Fait on fausse absolution. (Froiss., Par. am., c.1361-1362, 56)

Tel apprent sa confession Qui ne sçait pas la paternostre (Alecis, Faintes monde P.P., c.1460, 93)

2.Dire / parler en confession

[Dans le sacrement de la pénitence]

Sire curé, je vien a vous Parler, voire en confession. (Mir. mère pape, c.1355, 354)

Secretain vne chose dire Vous vueil et en confession : Iesuchrist me face pardon De mes pechez au departir Sachez que ie me vueil mourir : De mes pechez absoluez moy. (Myst. st Martin K., a.1500, 266)

Par extension. Dire, parler sous le sceau du secret, confidentiellement.

Et tout ce que je li ai dit, je li ai dit en confession et chargié sur l'a(r)me de li que jamais ne soit dit a nulle personne que a vous. (Mach., Voir, 1364, 746)

Mais le prieur le convoya jusques a Quillebaston, et disna Gieffroy avec le prieur, et lui dist en confession comment Remond estoit son pere, et comment il se prenist garde de lui, et que l'eglise n'y perdroit rien, et qu'il le vendroit veoir une foiz l'an, tant comme il vivroit. (Arras, c.1392-1393, 279)

...elle s'en yra au confesseur de sa maistresse et non a autre, et lui dira secretement et en confession ce que l'en dit d'elle et le peril ou elle se met (Chr. Piz., Trois vertus W.H., c.1405, 146)

'En secret vous dy que nostre nouvel hoir a teste rommaine et pou du sang de cestui paÿs ; toutesvoies je le vous ay dit en confession.' (Percef. IV, R., c.1450 [c.1340], 492)

[En incise] C'est à confession. En toute confidence.

Dame, c'est a confession, Vous volés vostre corps destruire. Y vous fault ami ou baron, Sy pranrez recreation Pour ung poul conforter nature. (Dupin, Mélanc. L., c.1324-1340, 61)

3.Par métonymie. Péché avoué en confession.

D'autre partie, non reveler confession est commandé de Dieu (Oresme, E.A.C., c.1370, 320)

B. -[Hors du sacrement de pénitence]

1.Aveu de qqc..

Portiers estes, ce m'est avis Du roiaume de paradis, (...) (A) vous convient monstrer c'on porte, Avant que on passe la porte. Toutes manieres de troussiaus, Petis et grans fais et faissiaus Devant vous couvient destrousser, Tout desploier et tout monstrer ; N'y a chose si bien close Qui ne doie estre desclouse Par vraie revelation D'enterine confession. (Guill. Digull., Pèler. vie hum. S., c.1330-1331, 39)

2.En particulier. [Devant une juridiction, une autorité]

Et depuis, le bailli d'iceulx religieux, veant que ledit maire des faiz et crimes imposés audit Rosseau n'estoit pas souffisamment informez mais que par la confession dudit Hubert, et que des diz crimes ledit Rosseau avoit esté interroguez et les avoit niez en soy mettant sur yceulx en l'enqueste du païs, eslargi ledit Rosseau jusques a certain jour par la terre d'iceulx religieux (Chartes Abb. St-Magl. T.F., t.3, 1378, 485)

Veus lesqueles accusacions, confeissons et denegacions faites par icellui Thomassin Le Valois,(...) ledit mons. le prevost demanda auxdiz presens conseillers leurs advis et oppinions qu'il leur sambloit estre bon à faire dudit prisonnier. (Reg. crim. Chât., I, 1389-1392, 144)

Ouyes lesqueles oppinions et veu ce present procès et confessions faites par ledit prisonnier, ledit mons. le prevost le condempna à estre rez tout jus (Reg. crim. Chât., II, 1389-1392, 105)

Car la confession, en droit doit estre pour adjugée selon les lois en plusieurs lieux, et espécialement en la première loy pourquoy n'est point requise pronunciacion de sentence contre cellui qui a confessé son péchié en jugement. Car cellui qui l'a confessé aucunement est condempné par sa sentence, selon la dessusdicte loy. (Doc. 1408. In : MONSTRELET, Chron. D.-A., t.1, c.1425-1440, 346-347)

...et avoit mené avec lui lesdiz notaires pour oïr la confession dudit Guiselin (Baye, I, 1400-1410, 268)

Veues les informacions et confession dudit Maciot et le procès, il sera dit que ledit Maciot Beauté criera mercy en la Court de ceans (Fauq., I, 1417-1420, 381)

...il a esté amené ès prisons de nostredit Chastellet de Paris (...) et depuis ce, mandé et envoyé par devant deux de noz conseillers de nostredicte court de Parlement, par devant lesquels il a esté examiné et sa confession rédigée par escript (Ch. VI, D., t.2, 1422, 251)

Monseigneur l'official, vous avez oy la confession de ma fille et les defenses de mon gendre (C.n.n., c.1456-1467, 501)

...par la confession de Jehan duc d'Alençon le cas par luy commis et perpetré est si dampné et detestable que cas peut estre (Juv. Urs., Exort., 1458, 410)

Et finablement, veu par la court de Parlement lesdictes charges et informacions sur ce faictes et sa confession prinse, par arrest et jugement diffinitif d'icelle fut dit et prononcé que lesdictes charges, par ledit Colombel imposées à sadicte femme, estoient souffisamment prouvées ; pour quoy fut declairé par ledit arrest privée de toute communaulté de biens et douaire avec sondit mary. (Roye, Chron. scand., I, 1460-1483, 157)

Ces aveux mis par écrit et soumis à l'accusé.

...et après ce que ledit prisonnier ot perseveré et continué ès confessions cy dessus escriptes par lui faites, il fu deliberé que ledit Gervaise, pour les causes et confessions par lui faites, cy dessus escriptes, feust comme larron executez à mort, c'est assavoir pendu. (Reg. crim. Chât., I, 1389-1392, 40)

...après ce qu'il ot juré et affermé par serement dire verité, continua et persevera ès confessions cy-dessus escriptes, par lui faites, et afferma icelles estre vrayes, et par lui avoir esté faites, par la forme et maniere que escriptes sont cy-dessus (Reg. crim. Chât., I, 1389-1392, 378)

...ou registre et livre des confessions faites par les prisonniers, le XXIJe jour de decembre, l'an mil CCCIIIJxx et cinq, qui fu veu et leu en la presence des dessus diz (...) icellui prisonnier fu lors bany de la ville et viconté de Paris (Reg. crim. Chât., II, 1389-1392, 142)

3.Par métonymie. Ce qui a été avoué.

...je puis bien che fait faire souffissanment Sans vo confiession reveler nullement (Flor. Rome W., c.1330-1400, 197)

II. -Fait de reconnaître qqc. ; proclamation.

A. -Acte par lequel on reconnaît qqc. (une dette, un paiement...).

Ont donné charge a Alardin Varinier (...) de lever et recevoir argent des plus puissans et aisez de lad. ville sur leurs impostz de la taillie, laquelle sera mise sus et impousee en lad. ville pour la venue du roy, nostre sire, et d'en bailler sa cedule et confession du receu, ainsi qu'il sera de raison. (Entrées roy. G.L., 1475, 213)

B. -Proclamation, déclaration.

Déclaration officielle.

Se du pourpos par vous fait vous voullez arrester a confession et promesse, je le vous nye (Instruct. ensaign. B.G., c.1386-1390, 61-62)

Proclamation, déclaration de (de sa foi, d'un article de foi, de la religion...).

...pour ce ne s'ensuit il pas que pour la grace du temps passé je aie destourné de la enterineté de la foy ne de la confession d'icelle (Foul., Policrat. B., II, 1372, 174)

Du premier, nous avons le contraire au SYMBOLE, c'est a dire la confession de la foy faite par Saint Anastase de l'unité et trinité, confessant ung Dieu en trois personnes (Somme abr., c.1477-1481, 104)

Tu sces assez par ma confession Qu'en toy, mon Dieu, ma vraye affection Est resolue de tout son corps despendre. (La Vigne, S.M., 1496, 249)

Faire confession que

Or voy je vostre perfection. Devant vous [Jésus] faiz confessïon Que Dieu estes en terre né. (Pass. Auv., 1477, 194)

Par métonymie. Foi, religion.

...car il [Ezechiel] afferma une meismes confession et une foy estre de ceulz qui estoient venuz avant Jhesucrist et de ceulz qui vendroient aprés (Foul., Policrat. B., III, 1372, 225)