COMPOSER

verbe

[T-L : composer ; GD : composer ; GDC : composer ; AND : composer ; FEW (VIII, 65b, 66a) : pausare ; TLF (V, 1191a) : composer ; TLF (V, 1190b) : composant]

I. -Former qqc. à partir de plusieurs éléments.

A. -Assembler des éléments (pour former un tout).

...mais telles similitudes des choses que tu as veues et ouyes en tout ou en partie ou par choses aians conueniences aulx autres choses il [l'ange] les compose ou deuise et met en tel ordre en ton ymaginacion que tu congnoistras et te semblera que tu verras les choses de quoy elles sont especes et semblances... (Cib., p.1451, 214)

Participe passé. Fait de plusieurs éléments.

Nous croions fermement que Dieu est une simple et souveraine essence, qui par soy mesmes et en soy mesmes comme tout parfait congnoist toutes choses ; et voions clerement que homme est une substance composee et imparfaicte, et qui mendie dehors la congnoissance dez choses par leurs especes, et Dieu si congnoist toutes creatures ains qu'ellez soient faictes, et homme ne congnoist riens s'il ne lui est representé par les sens de dehors (Chart., L. Esp., c.1429-1430, 159)

Item encores nulle chose composee est tout sans estre, pour quoy s'ensieut que Dieu, qui est tout, son estre n'est, ne ne puet estre composé. Et a ce confermer dist Saint Bernard : Dieu n'est pas formé, il est forme, non effect formé. Dieu est cause active et faisant, non faicte, ne passive. Dieu n'est pas composé, mais est simple de nature et selon estre. (Somme abr., c.1477-1481, 148)

Composé de (de choses ou de pers.). Fait de, constitué de qqc..

Car celui qui a tele operacion ne vit pas selon ce que il est homme, mais il vit selon ce que il a en soy aucune chose divine et de tant comme son entendement, qui est une simple intelligence, differe de homme qui est composé d'ame et de corps. (Oresme, E.A., c.1370, 522)

Et tout mouvement selon lieu ou local est droit ou circulaire ou composé de ces .II., car ces .II. mouvemens sont meismement simples. (Oresme, C.M., c.1377, 58)

Meismes composé est le monde D'une armonie de sons monde (Chr. Piz., M.F., II, 1400-1403, 117)

Le quart et dernier enseignement est selon la matiere de la quarte beste infernale qui est composee de deux vices contraires qui sont fole largesse et avarice (Gers., Noël, p.1404, 313)

De si precieux et riche ouvraige estoit basty cellui mantel et de si longue main avoit on mis paine a y ouvrer et faire l'assemblee des parties dont il estoit composé que, dessoubz le ciel, ne fut veu le pareil, se Fortune, envieuse de longue prosperité, l'eust souffert en sa beauté demourer (Chart., Q. inv., 1422, 8)

A quoy proffite et vault forment Pain composé de bon forment, Pur, convenable et esléu Et en bonne terre créu, Et soit le pain levé et cuit Moyennement, autrement nuist, Nompas trop vielx, n'aussi trop froiz (La Haye, P. peste, 1426, 89)

...l'Université de Paris, qui est ung corps composé de plus haultes gens qui soient ou monde (Juv. Urs., Aud. celi, 1435, 244)

Lequel paradiz est assiz es parties orientalles, c'est assavoir en la fin et ou plus extreme de la partie de Ayse ; et est composé par sa grandisme haulteur et comme raemply de tous les quatre elemens des VII planettes et des XII signes (La Sale, Salade, c.1442-1444, 137)

...en l'Eglise militante, qui est dicte ung corps mistique, lequel est composé de divers membres, c'est assavoir, de plusieurs estas, et ensemble ne sont que ung corps, duquel Nostre-Seigneur Jhesus-Christ est le chief, dont toute l'influence procede et par lequel les membres dudit corps prennent substance et vie. (Bueil, II, 1461-1466, 67)

Le mouvement oblique, tortu ou de travers est composé du reond ou du droit. (Somme abr., c.1477-1481, 145)

Encores en Dieu n'est aucune composition de substance corporele et incorporele, comme en l'homme, qui est composé du corps et de l'ame. (Somme abr., c.1477-1481, 148)

Et au regard des caves qui y sont En lieu certain, approprié, parfont, Si grandes sont, si longues et si larges, Et composees de si subtilz ouvraiges, Tant en pilliers comme voulsure ronde, Qui n'en est point de pareilles au monde. (La Vigne, V.N., p.1495, 250)

Composé en qqc. Formé en qqc..

Maistre Jehan Balue (...) neantmoins que il feust astraict de povre maison, pou lettré et pou composé en bonne meurs, touteffois (Maupoint, Journ. paris. F., p.1468, 112)

GRAMMAIRE Nom composé

En quantes manieres sont noms composez ? En quatrez. En quelles ? A la fye de deux dictions entierres, si comme suburbanus, a la fie de deux corruptes, si comme, si comme efficax, municeps (...). Et a la fie de pluseurs dictions ensembles, si comme inexpugnabilis, imparteritus. (Donat SS., a.1436, 127)

MÉDECINE Membres composés. Parties du corps faites d'éléments hétérogènes.

Les membres composés sont ceulx qui desditz membres simples ou semblables sont composés et pource, sont etherogenea id est diverse nature et peuvent estre divisés en aultre espece et chascune partie d'iceulx ne garde pas le nom du tout. (Panis, Guidon, 1478, tr.I, doct.1, chap.1)

Maladie composée. Maladie avec complications.

...ainsi ce feroit une maladie composee qui seroit plus maulvaise a guerir que la premiere qui seroit simple (Prevost, Cir. Guill. Salicet, 1492, III, 1)

Réunir les ingrédients pour une préparation culinaire ou pharmaceutique.

Aussi doivent les saulses estre Composées, selon le Maistre, Des devant nommées espices Et d'autres à cela propices, Comme gingembre, garingaut, Et cloux de girofle, un fruit chault (La Haye, P. peste, 1426, 91)

Mais, pour cela que l'ambre pure Est à trouver chose moult dure Et seult couster une grant somme, Peut on composer une pomme [d'ambre pour purifier l'air] De mainte autre bonne matière, Qui ne sera mie si chière (La Haye, P. peste, 1426, 147)

Albugeriis fut en ce temps souverain astrologue et sceut congnoistre plusieurs herbes et en composa divers medicamens, par especial eut en singulliere recommandacion Camedreos, qui est une herbe de bonne efficace. (Simon De Phares, Astrol., c.1494-1498, f° 82 v°)

Participe présent en emploi substantival. [Ex. isolé] Élément qui entre dans la composition d'un tout.

Aussi bien male femme quasse Mariage par voye oblique, Quant elle est perverse et inique ; Des composans trait sa nature Le compost qui rompt sa jointure, Par quoy la faulte de la femme Tout le mariage diffame (Le Fèvre, Lament. Math. V.H., c.1380, 215)

ALCHIMIE Réunir des éléments chimiques pour la transmutation des métaux.

Cestui trouva la premiere maniere de composer une eaue, laquelle, sans estre chauffée, dissoulst et fait fondre toute espesse de metail, sans arrester (Simon De Phares, Astrol., c.1494-1498, f° 37 r°)

Cestui aussi s'entremist de alkemie et de composer divers metaulx ou transformer de nature en autre. (Simon De Phares, Astrol., c.1494-1498, f° 107 r°)

B. -Par extension.

1.Créer, constituer, élaborer qqc..

a)[Obj. concret]

'...Il se puet dire', dist la chambriere, 'que depuis l'arche Noe et que les hommes commaincerent a composer vaisseaux pour nager en la mer, nulle si riche ne si precieuse carraque ne se treuva en mer...' (Mézières, Songe vieil pèl. C., t.1, c.1386-1389, 541)

...et les quatorse roynes les sieuvoyent jusques au maistre hourt, ou elles monterent et mirent le joyel en un lieu propice a ce composé ou cascun peut le voir. (Percef. IV, R., c.1450 [c.1340], 26)

Ce Barcolan poeupla mervilleusement le paÿs d'Yslande, et lui meismez composa lieu ou Passelion fut mys. (Percef. IV, R., c.1450 [c.1340], 751)

Griffon, va a mon charpentier Et luy fay trois croix composer Pour trois malfaicteurs exposer. (Gréban, Pass. J., c.1450, 317)

...et en l'onneur du prince des apostres Sainct Pierre duquel il portoit le nom et y avoit sa fiance, (...) portoit en son timbre deux clefz d'argent, lesquelles estoient merveilleusement riches et avoient esté bien composees subtilement (Belle Maguel. C., 1453, 5)

Pour ce feistes en celuy lieu Bien tost ung autel composer Et dessus iceluy poser Ung tiltre (Myst. Incarn. Nat. L., t.2, c.1454-1474, 431)

Et est assavoir qu'il est une manière de faire et composer certain feu, lequel aucuns appellent feu grec. (...) Celluy feu art, meismement en eaue, pierres, fer et toutes choses brouist, ne estre ne peut estaint fors par certaines mistions que on fait à l'estaindre, mais par eaue non. (Bueil, II, 1461-1466, 57)

...les maistres et jurez dudit mestier composeront, ainsi qu'ilz verront en leurs consciences estre bon et prouffitable, receptes sur lesquelles tous les autres espiciers de ladite ville de Paris seront tenuz composer, faire et dresser les pouldres qu'ilz feront doresnavant. (Mét. corp. Paris L., t.1, 1484, 510)

Cestui fist figurer les ymages celestes ou grant temple qu'il composa en ladicte isle et en devisa les formes moult auctentiquement, correspondans à leurs natures et proprietés. (Simon De Phares, Astrol., c.1494-1498, f° 24 r°)

Cestui Cares fut surnommé Mercure ; par son subtil entendement fist et composa les deux grandes et merveilleuses statues et ymages d'arain fusille en l'isle de Rodes (Simon De Phares, Astrol., c.1494-1498, f° 24 r°)

Cestui en sa jeunesse, voulant fere comme Dedalus, fist et pour ce composa unes helles qu'il se mist ès piez et mains et vola du hault d'une tour à la distance d'une stade au bout de laquelle il tumba et se rompit une jembe et disoit venir la faulte de ce qu'il avoit houblié prandre la queue. (Simon De Phares, Astrol., c.1494-1498, f° 111 v°)

Et au regard des caves qui y sont En lieu certain, approprié, parfont, Si grandes sont, si longues et si larges, Et composees de si subtilz ouvraiges, Tant en pilliers comme voulsure ronde, Qui n'en est point de pareilles au monde. (La Vigne, V.N., p.1495, 250)

(Bien) (noblement) composé. Bien construit, édifié.

Les ouvriers (...) y avoient fait et achevé ung chastel moult beau et bien ediffié, car pou en avoit en toute la Grant Bretaigne de plus riche ne mieulx composé. (Percef. III, R., t.1, c.1450 [c.1340], 288)

[D'une nourriture] Longuement élaboré.

Ha ! homme serf aux viandes composees et faittes contre nature, ordoiees de mains d'homme par gloutonnie (Percef. IV, R., c.1450 [c.1340], 371)

[D'une pers.] Bien fait, bien formé, bien proportionné.

L'estature que ci devis Fu grande de corps, et de vis Bien fu faite et bien composee. (Mach., C. ami, 1357, 18)

NOSTRE DAME. O tendre bouche, rÿant vis, Fourme humaine bien disposee, La plus noblement composee Sur tous ceulx du monde mortel, Enffant des vivans le plus bel, Le plus gent et plus chier tenu, Mon chier filz, qu'es tu devenu ? (Gréban, Pass. J., c.1450, 125)

Plus le regardoient les dames et plus leur sambloit beau, car des euvres de nature il estoit tant bien composé que merveilles ; et (...) estoit naturellement orné de toutes les beaultez qu'en corps d'homme se peuent comprendre (Jehan d'Avennes F., c.1465-1468, 26)

...La grant beaulté, la costance feconde D'une acouchee si tres bien composee Que brief, Nature sa semblable ou seconde N'a de son temps sur la terre posee. (La Vigne, V.N., p.1495, 167)

Au figuré. Bien disposé.

Ce est chose decente, avenante et appartenante que le homme approce de sa femme bien composee... (Oresme, Ycon. Arist. M., 1374, 837)

b)[Obj. abstr.]

Et aveques ce, elle [la science] vault et aide a faire composer et establir lays humainnes justes et proffitables, et a les entendre et interpreter, ou gloser. (Oresme, E.A., c.1370, 98)

...lequel [roi Salomon] fut très profond en la science de astrologie, comme appert assez par plusieurs tables qu'il en composa pour adressier les navigans qui aloient querir les cedres et autres bois precieux pour le Temple (Simon De Phares, Astrol., c.1494-1498, f° 33 v°)

Cestui, par un grant entendement, composa aux Grecz leurs derrenieres loyx et ordonnances. (Simon De Phares, Astrol., c.1494-1498, f° 49 v°)

Cestui fut souverain astrologien et composa ung almanach pour certain temps audit Pippin, ouquel il prenoit les ellections de toutes ses haultes euvres. (Simon De Phares, Astrol., c.1494-1498, f° 104 v°)

[D'une chose abstr. ; avec une valeur nég.] Composé. Élaboré.

JUDAS. ...Nouveau dueil, nouveau vitupere, Nouvelle raige composee, Puis cela, j'ay tué mon pere, Et ma mere propre espousee ! (Gréban, Pass. J., c.1450, 149)

A telz conseilliers doivent avoir les princes regard affin qu'ilz legierement ne se meuvent pour les parolles composées et faintes des flatteurs et trayttres (Colart Mans., Dial. créat. R., 1482, 163)

c)[De Dieu]

Nous consentons en surplus, voulons et commandons, que selon que offert l'avez, vous espandez et habandonnez toute vostre cure, pouoir et estude a ma mie toute belle composer, aourner et douer. (Gers., Concept., 1401, 405)

O bon Dieu, qui volz composer Ce beau monde par ta plaisance... (Gréban, Pass. J., c.1450, 59)

Il est vray que Dieu te forma Par son plaisir, et composa De terre, dont te voulut faire ; Puis après te volut pourtraire Comme ung ymaige a sa semblance. (Myst. st Adr. P., c.1450-1485, 128)

Composer qqc. + attr. de l'obj.

Et dois sçavoir que quant le Dieu Souverain fist et crea ton corps, il le composa tant foible et de tant povre matiere pour toy tenir en subgection que de la seulle pointure d'un ver corrompu incontinent tu peus morir. (Percef. III, R., t.2, c.1450 [c.1340], 110)

Au passif.

O la beneuree pucelle En qui tel fleur sera posee, Tres saincte et precïeuse ancelle, Combien digne es d'estre alosee ! A bonne heure fus composee Pour tel noblesse en toy poser (Gréban, Pass. J., c.1450, 50)

Je requier cil qu'i nous convoye Pour qui l'estoille est composee, Affin que sa force alozee Puissons veoir et magnifïer. (Gréban, Pass. J., c.1450, 74)

2.En particulier. Rédiger qqc..

...pri la trinité Et la dame d'umilité Qu'ilz me vueillent tel sens donner Qu'un livre puisse composer Qui soit d'aucune utilité (...) En l'onneur de Dieu et prouffit De celui qui ce livre fit (CH. D'ORLÉANS, L. péché C., 1404, 545)

Et je, meu de compassion, pour ramener a memoire l'estat de nostre infelicité et a chascun ramentevoir ce qui lui en touche, ay composé ce petit traictié que je appelle Quadrilogue, pour ce que en quatre personnages est ceste oeuvre comprise, et est dit invectif en tant qu'il procede par maniere d'envaïssement de paroles et par forme de reprendre. (Chart., Q. inv., 1422, 5)

Contre laquelle tentation et pour evacuer de tous poins le regret qu'ilz avoient au cultivement de faulx dieux, saint Augustin composa le livre de la Cité de Dieu, et Lactance escripsit le volume des Divinez Institutions, auxquellez tu peulz avoir recours en l'explanation de ceste matiere. (Chart., L. Esp., c.1429-1430, 115)

...y eut unes ordonnances faictes qui furent bien composees, combien que de mauvaises gens elles feussent faictes (Juv. Urs., Nescio, 1445, 534)

Prologue du livre nommé le somme abregiet de theologie fait et composé par tres excellent docteur en theologie de l'ordre des freres prescheurs, Albert le grant archevesque de Ratispone comme on dist. (Somme abr., c.1477-1481, 87)

SOTOUART. Dieu luy pardoint tous ses meffais, De tous folz il portoit le fais, Comme premier sailloit en place, On le congnoist a ses effais, Il a composé mainte farce. (Vig. Trib., c.1480, 230)

SOTOUART. Oncques maistre Françoys Villon Ne composa si bon jargon. (Vig. Trib., c.1480, 232)

Cestui composa pour le roy René de Sicille la Pratique de l'astrolabe en françois et y mist plusieurs exemples et estoilles fixes que maistre Jehan Furoris n'y avoit pas mises. (Simon De Phares, Astrol., c.1494-1498, f° 155 v°)

...entre autres choses faictes et composees par luy le rondeau qui s'ensuyt (La Vigne, V.N., p.1495, 325)

3.Mettre en ordre, préparer qqc..

Je vous vois faire composer Ung beau lit en vostre chambrete. (La Vigne, S.M., 1496, 206)

Participe passé. Posé, placé.

En l'altitude de ces grosses montaignes (...) est autenticquement située la très haulte, resplendissant et opulente maison des Bourgoignons dont aujourd'huy sa renommée court par les .VII. climatz, sa clarté illumine les tenèbres du monde et sa beauté decore le quartier d'occident. Tout ce provient par l'admirable vertu et strenuité singulière de quattre gros et fors puissans pilers sur lesquelz elle est somptuesement composée. (Molinet, Chron. D.J., t.1, 1474-1506, 25)

4.Arranger qqc..

Promettans en parolle de roy, par la foy et serment de nostre corps et soubz l'obligacion de tous et chascuns noz biens, avoir et tenir ferme et agreable tout ce que par nostredit cousin le conte de Dampmartin sera faict, passé, transigé, pacifié, convenu, composé et accordé, sans jamais aller au contraire en quelque forme ou maniere ne pour quelque cause et action que ce soit et en baillier noz lettres patentes de ratiffication en forme autentique et vallable sitost et dès lors que requis en serons. (Le Clerc, Interp. Roye, c.1502, 245)

[D'un traité] Se composer. S'arranger.

Entroes que cil traictié se faisoient et composoient, li rois de Navare (...) envoya en Arragon le visconte de Chastelbon pour querir ces deniers et emprunter au roi d'Arragon. (Froiss., Chron. R., IX, c.1375-1400, 118)

Bien composé. Bien fixé, bien choisi.

Il fault dire que l'eure estoit bien composée ; car, si fussent entrez demye heure plus tost ou demye heure plus tart, ilz estoient en dangier d'estre destroussez et perduz. En guerre a de grans hasars et en toutes choses (Bueil, II, 1461-1466, 119)

5.Traiter, régler qqc..

Demain l'on pourra propposer De noz affaires plus a plain, Et tous ensemble en composer. (Myst. siège Orléans H., c.1480-1500, 116)

Et son compaignon luy dit : 'Quant mon seigneur sera venu, nous luy dirons que Esope les a mengés et, pour tant qu'il ne scet pas parler, ne se saura revenger. Pour quoy il sera tres bien batu et accomplirons nostre desir.' Et, ces choses entre eulx composees, ilz mengrent les figues, disant entre eulx : 'Ce villain sera bien fropté.' (Macho, Esope R., c.1480, 5)

Inventer, fomenter qqc..

Or voy bien qu'il nous orent che faux tour composé A le fin que vers vous il nous eussent troublé (Renaut Mont. B.N. V., c.1350-1400, 768)

A sire, dist ly enfes, ne dittes plus cela, Saulve vostre raison, quar ainsi point n'ala Car vostre bonne [var. fausse] mere tout le fait compousa Comment par traïson le guarçon envoya Couchier avec la dame qui nul mal n'y pença. (Flor. Octav. L., t.1, c.1356, 364)

Et ce faulx jeu que tu nous comptes, Maudit soit qui le composa ! (Gréban, Pass. J., c.1450, 345)

Imaginer qqc..

Si aucun service m'as fait, De toy mercier ne m'oppose. Si soies content et, de fait, Brief, tu n'en auras autre chose. Avecques ta pensee compose Que ['ce que'] , en la composition, Plainement le reffuz suppose De ceste proposition. (Abuzé D., c.1450-1470, 108)

II. -Trouver un arrangement avec qqn, en se soumettant à certaines conditions ; (se) soumettre.

A. -S'accorder avec qqn en faisant des concessions.

1.(Se) composer à/avec/envers/par devers qqn.

La mort contre toi s'oppose Accedens impetuose ['Arrivant brutalement'] ; Onques elle ne composeCum ullo ['Avec quiconque'] (Guill. Digull., Pèler. âme S., c.1355-1358, 58)

Encores couroit fames des gens ce roy dan Piètre meismement que il s'estoit amiablement composés au roy de Grenade et au roy de Bellemarine et au roy de Tramesainnes, qui estoient ennemi de Dieu et incredule. (Froiss., Chron. L., VI, c.1375-1400, 186)

Li rois Henris escripsi tantos devers le roy d'Arragon, et envoia grans messages, en priant que il ne se vosist nullement acorder ne composer par devers le prince d'Acquitaine ne ses allyés. (Froiss., Chron. L., VI, c.1375-1400, 213)

Li rois Henris escripsi tantos devers le roy d'Arragon, et envoia grans messages, en priant que il ne se vosist nullement acorder ne composer par devers le prince d'Acquitaine ne ses allyés. (Froiss., Chron. L., VI, c.1375-1400, 213)

...et brulèrent un hostel (...) en disant que se les villains ne se raençonnoient ou composoient à eulx, ilz mectroient le feu et bruleroient tout le demeurant de ladicte ville. (Ch. VI, D., t.2, 1418, 107)

Et fist asçavoir le cappitaine au Jouvencel qu'il se mist à finance et il trouveroit manière de le ravoir et en bailleroit son seellé. Par quoy icellui Jouvencel se composa avec son maistre et se mist à rençon. (Bueil, I, 1461-1466, 75)

Et que depuis pluiseurs villes et cités se sont aliéez ou apatissées ou composées avec eulz. (Fauq., III, 1431-1435, 47)

...et ne s'estoient voulu composer audit roy anglois, car ne s'estoient de ses menaces espouvantés (Chastell., Chron. K., t.1, c.1456-1471, 314)

En chemyn composa ledict seigneur de Humbercourt avec ung chevallier appellé messire Guillaume de Vilde, qui veult dire en françois le Sauvaige. (Comm., I, 1489-1491, 132)

Faire composer qqn à/avec qqn

... [quarante gens d'armes] y séjournèrent trois ou quatre jours, pour cuidier faire composer et raençonner à eulx lesdis habitans. (Ch. VI, D., t.2, 1418, 107)

...et illec firent composer à eulx lesdits prisonniers pour la rançon d'eulx et de leursdictes bestes à la somme de VIIc florins d'or. Moyennant laquelle composition renvoyerent lesdits prisonniers, ensemble lesdictes bestes (Ecorch. Ch. VII, T., 1444, 305)

Composé à qqn. Soumis aux exigences de qqn.

...dit (...) que à Guillaume Constans, demourant au Pont-Gibaut, en recompensacion des services, dons et biens que faiz lui a, il qui parle lui a aucunes fois, et par divers intervales de temps, donné le prouffit qu'il lui povoit competer et appartenir, pour cause de patiz, en aucunes parroisses d'icellui pays composé à lui, et aussi lui a administré et baillié par plusieurs fois dagues, espées, bacinès et autres armeures et chevaux. (Reg. crim. Chât., II, 1389-1392, 198)

2.Composer qqn

a)Engager qqn à accepter un accord, à se soumettre à des conditions, imposer des conditions à qqn.

Item, pour ce qu'il estoit venu plusieurs complainctes sur le fait des capitaines et gardes des villes et forteresses et leurs gens et officiers, lesquels sont coustumiers, comme l'en dit, de composer plusieurs de ceulx qui sont subgiez a faire guet aux forteresses a eulx bailliés en garde, par grans sommes de deniers et autres choses, en les contraignant a ce par menaces et autres voies obliques contre raison et ou prejudice de ceulx qui n'ont composé qui par ce sont contrains d'aler au guet plus souvent qu'ilz ne deussent, et aussi ne veulent recevoir audit guet gens assez souffisans et expers et font plusieurs extorcions sur les deffautes des guets, comme l'en dit, ordonné est et commandé a tenir que... [Ici, il s'agit d'imposer une dispense de guet, mais moyennant des sommes prohibitives] (Echiq. Normandie S., 1400, 106)

Sy advint qu'à cause de ceste faute commise à Bruges, tous les bancs des usuriers des pays du duc rompirent, et y mist le duc sa main sus comme forfais et les composa, car tous contribuoient ensemble avecques les dessusdits en la faute commise. (Chastell., Chron. K., t.3, c.1456-1471, 316)

Composer qqn à + inf.

...pourquoy, nous (...) vous mandons et commettons que, veues ces presentes, et appellé avecques vous nostre grenetier du dit grenier (...) composés et asseés à prendre sel eu dit grenier bien justement et loyalment (Mand. Ch. V, D., 1377, 746)

...tous les habitans des villes et parroisses de nostre royaume doient estre composez et assis à prendre ou plus prochain grenier à sel es pais où elles sont situées et assises (Mand. Ch. V, D., 1378, 877)

b)Faire capituler, forcer à se rendre (une ville).

Envoya son fils en secours du duc d'Austrice encontre les Suisses, qui les fit cheoir en bataille ; mena son ost devant Mets-la-Cité et la composa ; soumist le comte d'Armignac et le ploya par force (Chastell., Chron. K., t.2, c.1456-1471, 186)

3.Emploi absolu. (Se) composer

a)S'accorder, trouver un arrangement avec qqn, se soumettre à certaines conditions ; se soumettre.

...et aussi, sur les déliz et excès, qui bonnement ne pourront estre attains par voie judiciaire, pourront composer au proffit du seigneur comme bon leur semblera, et toutes les composicions dessus dictes feront enregistrer et baillier au receveur général. (Hist. Lille T., t.1, 1386, 80)

Et vendoient les villes que pris avoient as honmes dou pais et a ceuls meismes lesquels boutés hors il en avoient, et en prendoient grant argent, selonch ce que il se pooient composer. (Froiss., Chron. D., p.1400, 858)

...et a fait citer ung grant tas de povres gens au païs, et les contraint à eulz composer, et les travaille tant et si notoirement que on l'appelle au païs le citateur de la campagne. (Fauq., II, 1421-1430, 244)

Or approchoit le jour que les villes et places qui s'estoient composées par la reddition de Meaux se devoient mettre en la main du roy angloisi (Chastell., Chron. K., t.1, c.1456-1471, 313)

'...je vous ay aujourduy plevie et donnee a femme, se vostre vouloir s'i assent, vous priant que l'amour que vostre leal cuer a envers moy soit cause de composer et vouloir acomplir le parfait de ceste besongne.' Disant lesquellez parollez, il acolla sa fille (Fille comte Pontieu B., c.1465-1468, 72)

Ceulx de dedans tuèrent ung herault en les allant sommer. Leur capitaine saillit dehors à seürté pour cuyder composer. Il ne peüt accorder et, comme il rentra dedans la place, il estoit trève à cause de sa saillie (Comm., I, 1489-1491, 228)

Composer ensemble

...pour le prouffit dudit hostel, [ils] confessèrent avoir composey ensemble en la manière qui ensuit (Cartul. Hôtel-Dieu Cout. L., 1378, 182)

Composer entre soi

Xantus et le marchant composoient entre eulx qu'il n'avoit pas été tant vendu (Macho, Esope R., c.1480, 18)

Il est composé par qqn. Un accord est pris par qqn.

Autre recepte. De messire Guion d'Albiach, colletteur de Sens et de Rouen, pour cause de la pension du Pape, pour les termes de Saint Jehan et Noel IIIIxxXVI et la Saint Jehan IIIIxxXVII qui montent 1800 fr. ; pour lesquelx 1800 fr. avoir, lesquelx estoient en aventure d'estre perduz, pour ce que Monseigneur estoit mort, et que jamais le Pape n'en eust voulu oir parler, il fu traittié et composé par le conseil et délibération de Pierre de La Trémoille, de Guillaume de Chamborant, de Mahiet et de Adenin, avecques le subcollecteur, pour les 1800 fr. à 600 escuz, et Dyne ou Jaques li firent si bonne quittance comme il vouloit avoir ; pour ce ici, en 600 escuz : 675 fr. (Raponde, Comptes La Trémoille L.T., 1396-1406, 23-24)

b)Capituler.

...lui fust force de composer et prendre jour à rendre la place... (La Sale, Reconf. De Fresne H., 1457, 7)

c)Accepter de payer pour être libéré.

Et souvent detiennent lesdis clercs et leurs meubles soubz umbre des mises faictes a faire les informacions, et de leurs despens fais en la geole, et soubz umbre des cas privilegiés, et les contraingnent a composer (Juv. Urs., Verba, 1452, 380)

B. -(Se) composer (à/avec/envers/par devers qqn)

...de qqc. Trouver un arrangement à propos de qqc..

...et ou cas que aucunes des dictes villes fermées auroient autrefois composé de leurs fouages pour les années passées, si les tenés selon les dictes composicions avec le tiercoiement (Mand. Ch. V, D., 1371, 428)

...ouquel cas lesdis esleuz par les parties (...) pourroient (...) modiffier raisonnablement se il leur apparoit que selon la faculté de sa teneure, il fut excessivement oppresséz ; et pourront des despens d'entre les parties ordener ou composer. (Trés. Reth. S.L., t.2, 1374, 214)

Et touz ceulx qui finé ou composé auront avecques vous des dictes acquisicions et amortissemens, tant de gens d'eglise comme de non nobles, par rapportant une foiz copie de ces presentes et quictance du receveur à ce commis de par nous, avecques voz lettres de composicion faicte sur ce, soient et demeurent quictes (Doc. Poitou G., t.6, 1394, 157)

...à/de inf. Se soumettre et accepter de.

Vous savés comment li Parisiien s'estoient composé et acordé envers le roi à paiier une somme de florins toutes les sepmaines. (Froiss., Chron. R., X, c.1375-1400, 170)

Quant le duc de Bourgoingne vit qu'il n'entreroit point dedens Paris (...) il s'en alla asségier Mont Lehéry ; mais ceulx de dedens se composèrent à luy de rendre la place, s'ilz n'estoient secourus dedens VIII jours (Lefèvre St-rémy, Chron. M., t.1, c.1462-1468, 312)

...lesquielx voyans les diz approchemens (...) composerent a rendre la place aux François (Le Bouvier, Chron. Ch. VII, C.C.J., c.1451-1455, 331)

C. -Faire un arrangement financier avec qqn.

1.(Se) composer (à/avec/envers/par devers qqn) à tant/à une certaine somme. Accepter de verser tant.

...sur les choses dessus dites il avoit composé à cent escus d'or à Huguet de la Crois, qui les dis articles avoit bailliez par devers nostre promoteur et ainsi devoit estre convaincu et attaint. (Doc. Poitou G., t.3, 1350, 15)

...pour cause d'icelui prest, il se soit chascun an composé en certaine somme d'argent (...) par devers noz (...) trésoriers à Paris (Ch. VI, D., t.2, 1400, 267)

De Jehan de Noident, conseillier de mondit seigneur et receveur general de toutes ses finances, la somme de deux cens frans, à laquelle ledit Noident a composé avec messeigneurs des comptes à Dijon pour l'expedicion et verificacion des lettres d'anoblissement obtenues de mondit seigneur par ledit de Noident (Comptes Etat bourg. M.F., t.2, 1418, 79)

...et ce fait, s'en retourna devers lesdiz habitans, ausquelz il rapporta saufconduit et seurté dudit capitaine, et leur dist qu'il avoit composé avec lui a la somme de IIIJxx et dix escuz d'or (Chancell. Henri VI, L., t.1, 1424, 65)

2.Composer qqn/les biens de qqn. Soumettre qqn ou qqc. à une taxe ou à un tribut.

...et nous prions (...) que les dictes parroisses ilz ne pillent, appatissent ou composent ne rançonnent (Chron. Mt-St-Mich. L., t.1, Pièces div., 1425, 197)

...ceulx qui de present y font faire revenir et retourner par deça, sans quelque empeschement et ce que on les puist les ungs ne les autres composer ne reputer pour ennemys. (Hist. dr. munic. E., t.1, 1482, , , 121)

Participe passé en emploi substantival. Celui qui est soumis à composition.

...et en ce est compriz la composition des nouveaulx bourgoiz enregistrés durant ledict temps, en tant qu'il y en a de composez (Comptab. Dieppe M., 1474-1475, 116)

Composer qqn à/ en qqc. Obliger qqn à (donner tant ou telle chose).

...tant à prendre prisonniers François et forteresses, les mettre et composer à finences et raençons (Reg. crim. Chât., II, 1389-1392, 187)

Et de rechief, comme ils avoient fait ailleurs, prinrent la plus grand partie des hommes d'ycelle, lesquelx ils composèrent à grand finance. (Monstrelet, Chron. D.-A., t.5, c.1444-1453, 79)

...vous mesmes fistes prendre (...) l'evesque de Laon (...) et ne fut delivré jusques ad ce qu'il fut composé a argent (Juv. Urs., Verba, 1452, 353)

Les Anglois encore vers la fin d'aoust et entrant septembre descendirent en Bretagne en l'isle de Dressenay ; composèrent les habitans en huit cens queues de vin, et firent moult de maux ; et puis au partir, boutèrent tout en feu et en flamme. (Chastell., Chron. K., t.4, c.1456-1471, 276)

Composer des animaux, des biens à tant. Taxer des animaux, des biens à une certaine somme.

... [ilz] ylec prindrent pluseurs chevaulx, vaches et autres bestaulx et biens, lesquelz ilz rançonnerent et composerent a grant finance (Chancell. Henri VI, L., t.2, 1432, 209)

Composer une collectivité à tant. Faire payer telle somme à une collectivité, pour lui épargner un pillage.

...et fut la ville composée a VI^c salus, et si firent aultres composicions a part, et emportèrent non obstant lad. composicion ce que bon leur sembloit comme linges et aultres choses. (Mém. Compiègne C.-B., 1448, 318)