CIRCONSPECTION

substantif féminin

[GDC : circonspection ; AND : circumspeccion ; FEW (II-1, 706b) : circumspectus ; TLF (V, 828b) : circonspection]

A. -[Comme attitude] Surveillance, attention prudente.

...circonspection selon son nom vault tant a dire comme celle qui regarde tout en l'environ, de ca et de la, hault et bas, d'une part et d'aultre (Gers., Dial. spirit. G., c.1407, 182)

...suscite en toy saige prevision de ce qui t'avendroit, prens conseil a discrecion, et avise tout en l'environ par veillant circonspection. (Gers., Dial. spirit. G., c.1407, 186)

Et a ce doiuent bien prendre garde et bien faire le guet ceulx qui sont donnez et enclins a estude et a contemplacion quilz ne chargent pas trop leur ymaginatiue mais que par bonne circonspection et deliberacion ilz mectent ordre en leur fait et quilz ne se broullent point par confusion de choses impertinentes. (Cib., p.1451, 213)

B. -[Comme qualité] Prudence, discernement, sagesse, clairvoyance.

...nous certains et confians de la loyauté et circunspection d'iceli Symon, par l'experience de ses bonnes euvres et faiz, considerez les bons, loyaus et aggreables services qu'il nous a faiz longuement et fait encore de jour en jour, voulans li faire recompensacion condigne de ce (Doc. Poitou G., t.1, 1330-1333, 381)

L'omme, dist il, est benoit qui en sapience demourra et en justice pensera et en sens bien considerera la circunspeccion de Dieu. (Foul., Policrat. B., I, 1372, 83)

...moyennant ta haulte circonspection et auctorité (Jean De Montreuil, Lettre prince G.O.O., 1394, 37)

Et par elle veult bien ouvrer une autre vertu qui en despend et vient qui se nomme circonspection, laquelle est necessaire avant tout euvre en tout quanque l'omme veult disposer à faire, par especial en grant choses et pesans faiz. (Chr. Piz., Paix W., 1412-1413, 67)

Salemon en l'auctorité cy dessus voult dire que par grant foison avoir sages pourroient estre garenties toutes les terres et contrées du monde. Esquelles sages, afin que nul ne soit deçue de entendre, ne doit mie estre cuidié que à estre sage soit de necessité avoir apris grant clergié combien que tres convenable y soit et que quant prudence et circonspection est avec yceulx passent tous autres. (Chr. Piz., Paix W., 1412-1413, 69)

A la treshaulte et excellente majesté des princes, à la treshonnouree magnificence des nobles, circonspection des clers et bonne industrie du peuple françois, Alain Charretier, humble secretaire du roy nostre sire et de mon tresredoubté seigneur monseigneur le regent, lointaing immitateur des orateurs, salut en crainte de Dieu (Chart., Q. inv., 1422, 1)

C'est prudentement respondu Et de grant circonspeccion. (Gréban, Pass. J., c.1450, 118)

Voicy que regardé j'avoye : Il m'est advis qu'assembléz sommes Environ cent ou six vins hommes Ou gist grand circonspection. (Gréban, Pass. J., c.1450, 444)