CELER

verbe

[T-L : celer1 ; GD : celant, celé ; GDC : celer1 ; AND : celer3 ; DECT : celer1 ; FEW (II-1, 571b) : celare ; TLF (V, 359b) : celer]

I. -Rare. Cacher (une chose concr., une pers.).

...tout le fillé sera chellé ovecques la verge ploiee du tumberel, en quoi le fillé est atachié (Henri Ferr., Modus et Ratio, Livre deduis T., c.1354-1377, 161)

Le mestre las doit estre chelé contre la montee et contre la branche. (Henri Ferr., Modus et Ratio, Livre deduis T., c.1354-1377, 273)

Remarque : Synon. plus usités : cacher, mucer.

Emploi pronominal. Se cacher.

...comment peut c'estre Qu'en la maison ton propre pére (...) Tu t'es tant celé ? (Mir. st Alexis, 1382, 367)

...il ne se sceut tant bien celer que le murdrier ne l'apperceust (Percef. IV, R., c.1450 [c.1340], 211)

Se faire celer. Refuser sa porte en feignant d'être absent.

Et quant elle [la dame] l'envoye querir [son ami qui la fait languir] pour venir vers elle, il se fait celer et dire qu'il n'y est pas (MART. D'AUV., Arrêts Am. R., c.1460-1466, 135)

II. -Celer qqc. (d'abstr., en partic. un contenu propositionnel)

A. -Emploi transitif.

1.Cacher qqc., taire qqc., tenir qqc. secret.

Se ton amy est tachiés, Chiellez et coeuvre ses pechiés (Renart contref. R.L., t.1, 1328-1342, 16)

...dy moy voir qu'est ce ? Riens ne me cèle. (Mir. mère pape, c.1355, 402)

Car je le porte et le çoile et le garde Dedens mon cuer qu'on ne s'en prengne garde. (Mach., F. am., c.1361, 178)

Près de là avoit un chastel Qu'on tenoit pour fort et pour bel. Ses noms ne doit estre celez, Candelor estoit appellez. (Mach., P. Alex., p.1369, 121)

Li roys pas très bien ne cela Ceste chose, ains la revela Au prince, qui estoit son frere, Drois germains de pere et de mere. (Mach., P. Alex., p.1369, 249)

Et la cause pourquoy leur yre est tost passee est pour ce que ilz ne la celent pas ou retiennent en leur cuer, mais tantost ilz rendent et retribuent et quierent punicion selon ce et pour ce que ilz sont manifestes et ouvers pour la velocité et hastiveté du mouvement de leur yre, et aprés ilz se reposent et est leur yre passee. (Oresme, E.A., c.1370, 262)

Mére, celé soit et couvert Ce fait ci (Mir. roy Thierry, c.1374, 266)

Las ! et je le port et selle N'onques n'en parleray. (Mach., Lays, 1377, 313)

Dont j'ay esplourée La face et descoulourée ; Ce n'est pas chose celée : Bien il pert à my. (Mach., Lays, 1377, 357)

La chose ne pot estre si celee qu'il ne feust sceu par la cité (Arras, c.1392-1393, 107)

C'est chose qu'on ne peut celer. (Chr. Piz., M.F., II, 1400-1403, 18)

...et de ce confians furent tous esbahiz quant virent ce qu'avoit escript, qu'il ont celé et gardé le plus secretement qu'ont peu (Baye, II, 1411-1417, 54)

Je ne sçay quel moyen penser De vostre mal. Dictes le moy, S'il vous plaist, et en bonne foy Je vous promet de le seller, Sans jamais dire ou desseller. (Narcissus, p.1426, 297)

...Dictez ce que avez conclud et appointé ; je sèleroye bien plus grant chose que ceste cy (Chart. J., Chron. Ch. VII, V., t.1, c.1437-1464, 74-75)

...car ainsin l'a ordonné le vray et trestout puissant juge de toutes choses, auquel ne fault ne on ne puet riens celer (La Sale, J.S., 1456, 307)

Or ne vous fault il pas celer ce qui sert a l'ystoire. (C.n.n., c.1456-1467, 88)

...il descouvreroit et publicqueroit a la volée vostre secret. Rien n'est tenu couvert, clos ne celé par telz gens (C.n.n., c.1456-1467, 563)

J'en fuz batu [à cause des folles amours] comme a ru telles, Tout nu, ja ne le quiers celler. (Villon, Test. R.H., 1461-1462, 65)

Ung riche cele sa richesse. (Gens nouv. T., c.1461-1500, 324)

Choile en tant que peulz la chose que tu fais (Colart Mans., Dial. créat. R., 1482, 167)

[Une qualité ou un défaut]

Mais chascun n'a pas ceste vertus et ceste discrecion. Si est le plus seur celer toudiz ses vertus, lesquelles on cuide avoir, plus diligemment que les autres ne celent leurs vices, se non en cas de necessité, ou pour avoir conseil de celuy qui le scaura donner, comme en confession. (Gers., P. Paul, a.1394, 503)

Celer un secret

Par ma foy, monseigneur, et vous, mon frere, vous devez savoir que par raison naturelle a qui que je celasse mon secré, a vous deux ne le devroye je pas celer, voire se c'estoit chose que je peusse dire, et aussi que je le sceusse. (Arras, c.1392-1393, 44)

Celer le cas / le fait de

...mon mary qui bien deüst Celer mon fait... (Renart contref. R.L., t.1, 1328-1342, 40)

Trop avons sellé Et trop pou parlé Des faiz Jhesucrist (Gréban, Pass. J., c.1450, 449)

Et affin de son cas celler... (Coquill., Oeuvres F., 1478-p.1494, 207)

Celer sa pensee / les pensees

...mais ceulz des parties de occident sont plus couvers et celent leur pensee. (Oresme, E.A.C., c.1370, 384)

...et à Dieu ne peult-l'on celer les pensées. (Comm., III, 1495-1498, 249)

Celer qqc. à qqn

Je te di qu'il sont appellé Voloir, Penser et Dous Plaisir, Loiauté, Celer et Desir. Or t'ay dit les noms sans demour Des damoisiaus de noble atour. (Mach., D. verg., a.1340, 34)

Encor y a un autre point Que je ne te celerai point. (Mach., P. Alex., p.1369, 13)

Son nom pas ne vous celeray, Einsois le vous exposeray. (Mach., P. Alex., p.1369, 182)

Vous estes mon frere, je ne vous doy pas celer vostre deshonneur. (Arras, c.1392-1393, 241)

...lez secretz de paradis (...) furent muciez et celez aux cultiveurs des aultres loys. (Chart., L. Esp., c.1429-1430, 99)

...quant je le vous celay au commencement, j'euz paour que vous en fussiez mal content et depuis ay dissimullé tousjours à vous le dire. (Bueil, II, 1461-1466, 255)

Ne cellez rien a vos amis, Qu'avez vous dedans ce mortier ? (Dorib., p.1480, 251)

J'ay a nom Brundemor, point ne vous celleron. (Rom. Richart C., a.1496, 55)

...vous ne me celerez Chose qui soit dedens vostre pencee. (La Vigne, S.M., 1496, 356)

...ains, s'aucune chose venoit à sa congnoissance, qu'il nous le revelleroit sans riens nous en celler et neantmoins y vivreoit et resisteroit de tout son povoir. (Le Clerc, Interp. Roye, c.1502, 243)

Celer que

Et si ne fait pas a celer Que... (La Buigne, Rom. deduis B., 1359-1377, 352)

...je ne veil pas nyer ne celer que je ne l'aye pieça requise de son amour. (C.n.n., c.1456-1467, 160)

Celer + interr. indir.

Sire, ne me cellés [var. sellés] Qui est cest damoysel (Flor. Octav. L., t.1, c.1356, 278)

Emploi pronominal à sens passif.

...la grace que Dieu vous a faicte et a tout vostre peuple ne se peult celer (Juv. Urs., Verba, 1452, 199)

...la bataille ne se peult celer ; car les deux puissances ne se pevent assembler qu'il ne soit sceu. (Bueil, II, 1461-1466, 233)

Amour ne se peut celer. Voir amour

Proverbe. Chose celee en coeur n'est point profitable

Remarque : Cleriadus Z., c.1440-1444, 19.

2.Dissimuler qqc..

...comme dit saint Pol, en l'ange de lumiere, c'est a dire : en samblance de grant bien il cele sa malice, et decoit plus tost et plus perilleusement que se il la monstroit ouvertement (Gers., P. Paul, a.1394, 501)

Ne rien celer. Être sincère.

Bien est vray, Sire affin que je riens ne te cele, ung scrupule, doubte ou question me survient en ceste besoingne, se ainsy s'acomplissoit par oeuvre de mariage, et tu pues apparcevoir Justice qui le me note, conseille et sacouste a l'oreille. (Gers., Concept., 1401, 397)

Je supply et enhorte a tous peres et meres et maistres que ilz soient diligens a faire confesser leurs enfans, et les enhortent a ne riens celer. (Gers., Concept., 1401, 429)

Emploi pronominal à sens passif.

...la desatrempance de leur courage ne s'est peu celer soubz la desguiseure de leur habit (Chart., L. Esp., c.1429-1430, 66)

3.Participe passé en emploi adjectival. [D'un phénomène naturel ou surnaturel] Caché, inintelligible.

Véuz effectz bien merveilleuz Moult estranges et périlleuz, Desquelz les causes et raisons Sont célées toutes saisons à maint soutil entendement (La Haye, P. peste, 1426, 15)

B. -Emploi absolu. Se taire.

...cil chien par lor haut braire Sont a celer forment contraire ['à ête discrets' ? Ou est-ce un inf. subst. ('discrétion') ?] . (Acart, Prise am. H., 1332, 14)

Sans celer. Franchement.

Je suys certain, dist Nalme sans celeir, que trahison y at voulut ovreir. (JEAN D'OUTREM., Myr. histors G., a.1400, 130)

Conté lui a plainement, sans celer, Que sa Dame, la tresplaisant et belle, Qu'il a long temps tresloyaument servie, Est a present en griefve maladie (CH. D'ORLÉANS, Ball. C., c.1415-1457, 79)

[D'une chose] Faire à celer. Devoir être tu.

...qui descoeuvre conseil qui fait a celer n'est digne d'estre en nulles secretes besoingnes (Percef. IV, R., c.1450 [c.1340], 692)

C. -Emploi pronominal.

1.Cacher ce que l'on sait.

Mon amy joieux, il est vray Que vostre excellente beaulté, Doulceur et gracïeuseté Ont mis l'amoureuse estincelle En mon cueur, qui point ne se selle, Car le semblant n'en peut mentir. (Narcissus, p.1426, 297)

2.Se dissimuler.

Cestui de Paginea estoit à merveilles expert ès jugemens particuliers, car de son temps il n'estoit murtrier, ne larron, ne malfaicteur, qui se peut abscondre, ne larrecin celler, ne traictre qui se peust devant ses jugemens celez, couvrir ne deffendre. (Simon De Phares, Astrol., c.1494-1498, f° 142 v°)

D. -Participe passé en emploi substantival. En celé. En cachette, en secret.

JÉSUS à DIEU. Mez, pere, bien savoir voudrai (...) së en terre me faudra En apert ou celé aler, Et se rien me faudra porter Qui soit neccessaire au chemin. (Guill. Digull., Pèler. J.-C. S., 1358, 30)

Et Jhesus dist qu'apertement Avoit donné ensegnement Devant tous, et rien en secré Ensegnié n'avoit n'en celé, Et qu'il en demandast a ceuz Qui avoient este oieurs. (Guill. Digull., Pèler. J.-C. S., 1358, 272)

...mais sitost que le chevalier peult parler a elle en celé, il luy dist : ... (Jehan d'Avennes F., c.1465-1468, 177)

À celé

...elle disoit a lui coyement a cellé : ... (Tristan Nant. S., c.1350, 246)

Participe passé en emploi substantival féminin. À celee. Voir celéeEn cachette, secrètement.

Cil prent en lui un hardement De parler a luy humblement, Si que de lui s'aprochera Et doucement li touchera Comment elle est de lui amée, Non present gens, mais a celée ; Car il penra lieu et espace Arrier des gens de celle place. (Mach., D. Aler., a.1349, 304)

Se li priay moult doucement Qu'a son gré debonnairement M'en vosist donner tel propos Que je demourasse en repos. Tant priay Amours a celée Que li aigle fu oubliée... (Mach., D. Aler., a.1349, 369)

Enterrer l'ay fait a celée Et coyement. (Mir. roy Thierry, c.1374, 283)

E. -Participe présent en emploi adjectival. Discret.

Obeissans, celans, sanz forfaiture, Perceverans... (Desch., Oeuvres Q., t.3, c.1370-1407, 370)

F. -infinitif substantivé. Fait de tenir caché ; secret.

Le celer riens ne te vauldra (Mir. march. larr., c.1349, 106)

...Et se le contraire y heüst, Elle bien taire s'en sceüst Et au celer bien li aidaisse, Car par ma foi bien le celaisse. (Mach., Voir, 1364, 366)

Par Dieu, Remondin, je suiz, aprez Dieu, celle qui te puet plus aidier et avancier en ce mortel monde, en tes adversitez, et ton malefice revertir en bien. Rien ne te vault le celer. Je scay bien comment tu as occis ton seigneur par mespresure, comme de cas volontaire, combien que pour l'eure tu ne le cuidas pas faire (Arras, c.1392-1393, 25)

Quant celle voit que il se celoit si fort contre lui, si lui a dit : Remondin, par Dieu, riens ne vous vault le celer ; je scay bien comment il vous va. (Arras, c.1392-1393, 25)

Honte me fiert, Craincte me tire Et me deffend a tous propos Ce que pour riens [je n'ose dire Et que je tiens en mon cueur cloz]. Ainsi me va de mal en pire : Hardement me tourne le dos, Espoir de Joye m'a forclos Pour ung celler, sans plus redire. (Au grey d'amours F.-H., c.1400-1500, 242)

Par foi, c'est le conte d'Artois qui en habillement dissimulé fait ainsy fringuez ! Riens ne ly vault le celer car on ne sçaroit en nul pays trouver chevalier qui a la jouste le ressemblast (Comte Artois S., c.1453-1467, 20)

[P. personnification]

Et de ces damoiselles gentes Qui mettent toutes leur ententes A moy honnourer et servir Te vueil je les noms descouvrir, Car ja ne te seront celé. Je te di qu'il sont appellé Voloir, Penser et Dous Plaisir, Loiauté, Celer et Desir. Or t'ay dit les noms sans demour Des damoisiaus de noble atour. (Mach., D. verg., a.1340, 34)

III. -Celer qqn. Se celer. Dissimuler, par discrétion, l'identité de qqn (sa propre identité), les relations de qqn (ses propres relations)....

A. -Emploi transitif.

1.Ne pas dévoiler l'identité de qqn.

Certes, sire chevallier, respondy la damoyselle, il ne m'est point tant deffendu que je ne puisse bien dire qui elle est, ne elle ne doit point estre selee ou milieu de sa terre. Pourquoy je vous advertis qu'elle est fille au roy de l'Estrange Marche (Percef. III, R., t.1, c.1450 [c.1340], 106)

2.Ne pas dévoiler les liens qui vous unissent à qqn (dans le domaine de l'amour).

Pour c'en doubtance et en cremour Vueil ma douce dame obeïr, Servir, celer, et sans partir Vivre en son amoureus dangier. (Mach., D. verg., a.1340, 56)

Dame, je vueil endurer, Tant com je porray durer. Einsi vous vueil tres liement Doubter, servir et celer De fin cuer et humblement... (Mach., Ch. bal., 1377, 591)

Se ma dame me mescroit, c'est à tort, Que jamais jour ne vueille departir Ne desservir de li jusqu'à la mort [le ms. (consulté par G. Roques) porte Ne dessevrer de li jusqu'à la mort (et non : desservir)] , Einsois la vueil amer sans repentir, Servir, celer, doubter et obeïr, Com cilz qui vueil miex la mort recevoir Que moy partir de son noble pouoir. (Mach., L. dames, 1377, 90)

Emploi absolu.

Mais par servir, Par honnourer, par celer, par cremir, Par endurer liement et souffrir, Par bien amer de cuer et obeïr Trés humblement Pouez encore avoir aligement, Joie et l'amour de celle ou vos cuers tent. (Mach., J. R. Beh., c.1340, 91)

Celer son pere à qqn. Dissimuler à qqn ses origines.

...on li cheloit son pere (Bât. Bouillon C., c.1350, 130)

B. -Emploi pronominal.

1.Ne pas dévoiler son identité.

Tres nobles et puissans roys, je ne me quier plus celer, puis que je suis en court de droit et de justice, et que je voy mon ennemy devant moy. (Arras, c.1392-1393, 58)

Certes il se cella tellement qu'il ne fut point cogneu (Percef. III, R., t.1, c.1450 [c.1340], 174)

...il n'est nul besoing de vous celer, ainchois me dittes tout plainement qui vous estes. (Percef. III, R., t.1, c.1450 [c.1340], 350)

La pouvrette (...) ne savoit lequel faire, ou de soy encores celer (...) ou de soy prestement faire cognoistre. (C.n.n., c.1456-1467, 174)

Se faire celer. Cacher son identité.

En chevauçant le royaume, li gentilz chevaliers ne se faisoit point celer, mès se nommoit partout. (Froiss., Chron. L., IV, c.1375-1400, 8)

Se celer de qqn. Cacher à qqn son identité.

Et pour ce que nostre hostesse m'a receu tant amoureusement, je ne me veul point celer d'elle. Sy veul bien (...) que vous sachez que je suis le roy Perceforest. (Percef. III, R., t.1, c.1450 [c.1340], 193)

Se celer envers qqn

Ha ! Remanant de Joye, trop vous estes çlé envers moy, quant vous estes le filz de tant excellent prince comme fut le roy Alixandre. Je vueil bien que vous sachiez que se ja pieça l'eusse sceu, je vous eusse autrement traittié. (Percef. IV, R., c.1450 [c.1340], 54)

2.Ne pas dévoiler ses sentiments, son secret....

Quant le chevalier entendy ce, il fut plus joyeulx que doulant, et pour soy celer se teust atant. (Percef. III, R., t.2, c.1450 [c.1340], 140)

Se celer contre / devant qqn. Cacher un secret à qqn.

Quant celle voit que il se celoit si fort contre lui, si lui a dit : Remondin, par Dieu, riens ne vous vault le celer ; je scay bien comment il vous va. (Arras, c.1392-1393, 25)

Remarque : On relève des graphies en sc-

Sire, dist le payen, foy que doy a Mahon, Je ne sçay ou il est, ne le scelerïon (Flor. Octav. L., t.1, c.1356, 308)

. Dans certains passages, on peut hésiter entre celer et sceller. Ainsi ds les Quinze Joyes mar. (éd., note 11/223) ; de même pour VILLON, Test.R.H., 91 : Car i vueil celer mes amours ('cacher' ou 'sceller, sanctionner' ? ; cf. le commentaire de ce vers 1069 ds l'éd.). Le passage suiv., à rimes enchaînées, fait également difficulté

Chante qui veult, elle est toujours dolente, Lente en tout bien et en dueil exellente, Cellente aussy d'ouyr malle nouvelle ; Elle est de tous meschiefz contenante, Tenante en soy tristesse parmanante, Manante en pleurs et douleur eternelle. (Meschin., Lun. princes M.-G., c.1461-1465, 10)

. Trois interprétations sont possibles : zellente (sur zèle, 'désireuse, empressée', la Mort étant méchante) ; celante 'discrète' ; ou encore (es)cellente aussi 'excellente aussi'. Sur les deux premières, cf. l'éd. p.96, n.34 ; sur la troisième, cf. J.C. Laidlaw, Mod. Lang. R. 70, 1975, 887.