BLESSER

verbe

[T-L : blecier ; GD : blecier ; GDC : blecier ; AND : blescer ; DECT : blecier ; FEW (XV-1, 157a) : *blettian ; TLF (IV, 585b) : blesser]

A. -Au propre.

1.Emploi transitif. Blesser qqn (ou un animal). Porter à qqn (ou à un animal) une atteinte qui entraîne une ou des plaie(s) ou fracture(s) (particulièrement au combat).

a)[D'une pers.]

Tant y ont trait et tant lancié, Que pluseurs des nos ont blecié, Qui bien et bel se deffendoient, Des galées où il estoient. (Mach., P. Alex., p.1369, 68)

Mais li nostre petit gaingnoient, Que Sarrazin maint en blessoient, De cops de pierres et de trais (Mach., P. Alex., p.1369, 86)

Et messire Jehans Sovain Y fu bleciés par mi le pié D'une sajette ou d'un espié. (Mach., P. Alex., p.1369, 147)

De trait fu bleciez en la main (Mach., P. Alex., p.1369, 147)

Par mi les jambes fu bleciez (Mach., P. Alex., p.1369, 153)

Là furent blecié durement Pastez, li Baveux et leur gent (Mach., P. Alex., p.1369, 153)

Et là fu bleciez si forment Un très bon escuier Norment Qu'en l'eure fu mort, sans respas (Mach., P. Alex., p.1369, 155)

Et se un cirurgien fendoit ou trenchoit aucun membre pour garir .I. homme et il le occioit et se aucun vouloit monstrer a un autre comment champions se doivent combatre, et en ce faisant, il le ferist par quoy il le bleçast malement contre son entencion. (Oresme, E.A., c.1370, 182)

...et conmenchierent a traire a euls de grant randon et a blecier et navrer les auquns. (Froiss., Chron. D., p.1400, 828)

Et entre les autres fu blecée en la jambe, de trait, une femme que on appelloit la Pucelle (Fauq., II, 1421-1430, 323)

...et en grant nombre aussi blesserent ilz, navrerent et tuerent plusieurs des nostres (La Vigne, V.N., p.1495, 272)

...et neantmoins fut fort blessé à la teste. (Le Clerc, Interp. Roye, c.1502, 375)

Blesser (une partie du corps) (à qqn)

...le bras qui iert avec l'escu levés Luy a devers l'espaule entamés et blassés (Flor. Octav. L., t.1, c.1356, 291)

Le cheval s'effrea qu'ot la teste blassee (Flor. Octav. L., t.1, c.1356, 388)

Et ot en convenant le soudant de Damas et le gallifre de Bandas et le soudant de Barbarie, qui fort se douloit de l'espaule que le roy Uriien lui avoit blecie, et le roy Anthenor d'Anthioche, que jamais ne porteroient dommage au roy Uriien (Arras, c.1392-1393, 237)

...et le tiers ot la main blecée dessoubz le gantellet. (Roye, Chron. scand., I, 1460-1483, 204)

Blesser qqn (d'un coup) (de qqc.)

Fil a putain, bien m'as blecié Du cop qu'as sur moy estendu (Mir. fille roy, c.1379, 75)

Et fu l'escarmouche moult fiere et moult perilleuse, et se tenoit le roy de Chippre a moult grant paine a cheval, car sachiez qu'il estoit bleciez de coup mortel, et ne feust que pour le venin dont le dart estoit entechié, et en pou de temps y paru, car il print mort de cellui coup. (Arras, c.1392-1393, 106)

[Croisement avec ferir] Blesser un coup à qqn. Frapper qqn d'un coup qui blesse.

Et se ainsi est que vous me aiez blecié par un coup de meschief, je vous en blesseray dix par vive force ! (Percef. III, R., t.2, c.1450 [c.1340], 260)

Emploi absolu.

Cest example est de ignorance de la maniere du faire, car il ne cuidoit pas blecier pour ferir ainsi. (Oresme, E.A.C., c.1370, 182)

b)[D'une arme, d'un projectile, de la foudre...]

...mais ceulx qui estoient en icellui clochier avoient jetté contreval icelle eschiele plusieurs pierres, de l'une desqueles le varlet dudit Chemin avoit esté bleciés et navrez. (Reg. crim. Chât., II, 1389-1392, 238)

Et quant le roy le voit venir, si haulce l'espee et le fiert sur le heaume de toute sa force un moult rude coup. Mais l'espee glicha aval sur la senestre cuisse et le bleca un petit, tant que le sang en couru jusques au talon. (Arras, c.1392-1393, 185)

Relevez ung peu vostre corde, Ferez que le traict ne me blesse. (Fr. arch. B., c.1468-1480, 43)

...laquelle eglise par fouldre fut penetrée et tua d'un cop trois hommes estans en divers lieux et en bleça plusieurs autres. (Simon De Phares, Astrol., c.1494-1498, f° 107 v°)

c)[D'une chose] Meurtrir qqn (ou un animal ou une partie du corps).

[Contexte métaph.] Loyaulx marchans, la selle si vous blesse Fort sur le dox ; chascun vous vient presser Et ne povez marchandise mener (CH. D'ORLÉANS, Ball. C., c.1415-1457, 124)

Le bast blesse. Voir bast

Remarque : Ex. de Jehan de Lorraine ds CH. D'ORLÉANS, Rond. C., 1443-1460, 600.

d)Par métaphore. [Lang. de l'amour]

...li maus d'amours plus fort le blesse (Mach., J. R. Beh., c.1340, 130)

Et quant elle lança L'amoureus dart qui au cuer me bleça, Certes, je croy que pas ne me cuida Enamourer. (Mach., F. am., c.1361, 161)

Mon coer je sench si fort blechief D'un dart... (Froiss., Espin. amour. F., c.1369, 115)

...vo douceur qui de loing mon cuer blesse (Mach., L. dames, 1377, 175)

Je hé ce dard qui ainsi mon cueur blesse. (CH. D'ORLÉANS, Ret. am. C., 1414, 9)

Gardez le trait de la fenestre, Amans, qui par ruez passez, Car plus tost en serez blessez Que de trait d'arc ou d'arbalestre. (CH. D'ORLÉANS, Chans. C., c.1415-1440, 248)

Vostre attrait, soubtil et douls, [Plaisant Regard] Blesse sans qu'on lui mefface. (CH. D'ORLÉANS, Rond. C., 1443-1460, 426)

2.Emploi pronominal. Se blesser. Se porter à soi-même une blessure, être blessé.

Or, le maine a ma bonne amie Et suer, de Panice contesse, Si doucement qu'il ne se blesce, Sur un cheval souëf amblant (Gris., 1395, 67)

Car, qui charroit tout du plus hault (...) trop plus fort se blesseroit (Chr. Piz., M.F., I, 1400-1403, 135)

Se tu as le courage ou pour plus proprement parler la folle cuidance de toy vouloir ingerer jusques au dangereux donjon ou dame Court se retrait en son privé, saches que le guichet en est si petit, la planche si estroicte, la fosse desoubz si parfont, et y court le vent d'envie a si grant bouffeez, que a l'entrer ou a l'issir tu te pourras blecer sans garison ou tresbuchier sans resourse. (Chart., L. Esp., c.1429-1430, 8)

[Contexte métaph.] Dieu tousjours son hommë adresse Et luy donne quelque lyesse S'a le servir bien s'entremet, Et së il chet, il le redresse, Et le soustient qu'il ne se blesse Ou le bon angë y commet (Régn., F.A., 1432-c.1465, 119)

Mon bras en l'arc se blesse Quant je l'ay estandu (CH. D'ORLÉANS, Rond. C., 1443-1460, 344)

3.Participe passé en emploi adjectival ou substantival.

a)Participe passé en emploi adjectival.

Si retournerent Et raporterent Rochefort, Qui estoit bleciez si très fort Qu'il ne se pooit soustenir Ne sans aïde revenir (Mach., P. Alex., p.1369, 157)

Et il leur va accointier comment le roy estoit fort blecié (Arras, c.1392-1393, 115)

Atant est venus a ses gens, qui bien veoient qu'il ne revient pas si freschement qu'il en ala, et lui demanderent : Monseigneur, estes vous bleciez ? Avez vous eu bataille la ou vous avez esté ? Et cil leur respond : Un pou sui je bleciez, mais bataille n'ay je pas eue, mais j'ay trop bien esté batuz, et si ne scay de qui, car je n'y vy oncques personne, mais j'ay moult bien sentu les horions. (Arras, c.1392-1393, 306)

Car les foibles hommes sont ceulx qui plus tost tumbent, et les mal armez sont les premiers bleciez (La Sale, Salade, c.1442-1444, 240)

b)Participe passé en emploi substantival.

Quant les nostres ce cop veïrent Li pluseur arrier se treïrent, Car il y en avoit assez Et de bleciez et de lassez. (Mach., P. Alex., p.1369, 86)

Item nulz ne doit amende sans clameur, se il n'est pris par justice en present forfait de sang ou de grief bature sanz enmoilure [sic] soixante solz d'amende et au blacié ses domaiges et interests selon le cas. (Titres Bourbon L., t.2, 1385, 18)

...les batures et navreures commises et perpetrées ès personnes des dessus diz bleciez, avec l'assemblée et fait appensé fait par iceulx complices prisonniers (Reg. crim. Chât., II, 1389-1392, 240)

Mais ceulx de dessuz leur gettent [aux assaillants] pierres de fais, grans bans traversains, pieux aguisiez, huille chaude, plonc fondu, pocons plains de chaux vive, tonneaux plains d'estouppes engressiez et ensouffrees, tous ardans ; et, malgré leur dens, leur font guerpir place et remonter d'autre part ; et en y demoura maint ars et affollé et foison de bleciez. (Arras, c.1392-1393, 110)

B. -Par extension.

1.Blesser qqn. Porter préjudice à qqn (physiquement), le faire souffrir, lui faire mal.

a)[D'une pers.]

Et puis pristrent l'enfant belement, sans blecier, Car il n'i ot celui qui ne l'eüst moult chier (Brun de la Mont. M., c.1350-1400, 29)

...il ne voloit plus traveillier ne blechier ses gens (Froiss., Chron. R., IX, c.1375-1400, 24)

Et tant par ce que icellui barbier la tenoit moult fort par lesdiz cheveulx, dont il la bleçoit moult (Reg. crim. Chât., II, 1389-1392, 510)

Sans estre blessee. Sans perdre sa virginité.

Vierge, celle parole de vo bouche traitie Fut en char et en sanc en vo corps herbergie Le doulx saulveur du monde sans estre point blasie (Flor. Octav. L., t.1, c.1356, 420)

b)[D'une maladie, d'une plaie...]

Et bien sentoit li rois par ses maladies dont il estoit tant bleciés que il ne pooit longement vivre. (Froiss., Chron. R., IX, c.1375-1400, 281)

Dieu mercy, Maladie ne presse, Mais loing se tient, et mon corps point ne blesse (CH. D'ORLÉANS, Ball. C., c.1415-1457, 169)

Considère que le triacle Soit, pour vray, souverain obstacle Contre venim et pourreture, Qui blecent mainte créature (La Haye, P. peste, 1426, 135)

Participe passé en emploi adjectival. [D'une pers.] Incommodé, malade.

...après ce qu'om ot mangié Et beu tant qu'om estoit blecié... (Desch., Oeuvres R., t.7, c.1370-1407, 121)

c)[D'une chose] Porter préjudice à qqn.

Toutes impositions, aides, gabelles, fouages, sousides et autres coses mal prisses, dont li roiaulmes estoit trop blechiés, furent abatues, quittées, ostées et aliennées. (Froiss., Chron. R., X, c.1375-1400, 11)

2.[D'une pers. ou d'une chose] Blesser qqc. Endommager, abîmer qqc..

Les corps qui ne sont pas purs, tant plus les ciberas, tant plus les blesseras. (Saint-gille, A.Y., 1362-1365, 59)

...je considere que saint Pol ne pot en plus estre obscurcis ne empeschié d'espandre les rays de sa doctrine par les persecucions des tirans nez que le soleil materiel pot estre blecié par le roy duquel recite Seneque qu'il trayoit ses sayettes encontre le soleil. (Gers., P. Paul, a.1394, 499)

Item, la branche du houx et du hestre jusques à XVII piéz en hault, sans blechier l'arbre. (Hector De Chartres, Cout. R., 1398-1408, 106)

...nous donnons encores charge à nostredict conseillier de vacquer et entendre à faire rabiller la nef de la Charante qui a esté blecée (Lettres Ch. VIII, P.M., t.5, 1496, 98)

[Un sens]

Et est ce sens [le toucher] blechié souvent Comme par pluye, neige ou vent (Courcy, Chem. vaill. D., 1406, 21)

C. -Au figuré.

1.Affecter qqn moralement (ou bien ses facultés), le toucher désagréablement, douloureusement, lui porter préjudice.

a)[D'une pers. (ou d'une abstraction personnifiée)]

Ensi Fortune alefois moult bien blece Les coers vaillans [qui tendent a proëce]. (Froiss., Ball. B., c.1362-1377, 45)

Ce sont Refus, Desdaing, Despit, Honte, Paour, Durté, Dangier, Qui me blessent en l'esperit, Quant à ma dame merci quier. (Mach., Bal., 1377, 564)

La fausse, l'ypocrite M'a si blecié en l'esperist Que ja descrist N'iert par escrist. (Mach., Lays, 1377, 417)

Chers amis, j'ay ta lettre veue, Bien advisée, et bien leue, Et te voy ja plungié en l'onde Des flos perilleus de ce monde, Ou pour richesses que tu quiers, Ou pour femme que tu requiers Par l'ardent desir de juenesse, Qui maint homme destruit et blesse (Desch., M.M., c.1385-1403, 40)

Or demourons piteusement (...) En doubte de faulx Sathanas : Qui nous puet grever grandement Et blesser nostre entendement... (Gréban, Pass. J., c.1450, 381)

Celui qui produist faulx tesmoignaige, il est nuysable (...) a l'innocent, lequel il blesche et deshonneure par la deception de son faulx tesmoignaige. (Colart Mans., Dial. créat. R., 1482, 122)

Celuy hault Dieu qui personne ne blesse, Ains qui augmente et accroist toute chose, Vous gart de mal ! (La Vigne, S.M., 1496, 188)

Tromper qqn.

Ses crediteurs il bleche, abuse et triche. (Meschin., Lun. princes M.-G., c.1461-1465, 88)

b)[D'une chose]

Et s'il est riens qui me grieve ou me blesse, J'aray recour à vostre grant noblesse (Mach., Compl., 1340-1377, 259)

Car se tu yes en grant richesse, Jamais n'avras vraie leësse, Fors peinne, misere et tristesse, Et en doubtance Seras dou perdre, qui trop blesse, Ou l'ardeur aras et l'aspresse D'avarice qui est maistresse De pestilence. (Mach., R. Fort., c.1341, 38)

...Et s'estoit mes cuers en tristesce, Qui est chose qui trop fort blesce. (Mach., Voir, 1364, 728)

Et encores, pour certain, ceste faulseté serait pire que en la mutacion du poix, car elle est plus sophistiquée et moins appercevable, et plus peult nuyre et blessier la communaulté (Oresme, Monnoies W., c.1365, XLII)

...moult les adole et les blesce Ma mort, et met en grant tristesce, Et fait a mon tourment partir. (Mir. femme, 1368, 214)

L'oingnement de confession Est le tiers, qui sanz lesion Trait la viez doleur ancienne De crestien et crestienne Bleciez par pechié et par vice, Et les purge de leur malice (Desch., M.M., c.1385-1403, 238)

Ses .III. beaulx filz plains d'amistié, De valour et de grant noblece Y a perdus, qui ['ce qui'] trop la blece (Chr. Piz., M.F., III, 1400-1403, 129)

...parler envieux Souventesfois moult fort me blesse (CH. D'ORLÉANS, Chans. C., c.1415-1440, 208)

...car quant lymaginatiue ou la fantasie est troublee ou blessee par trop grant impression des choses deuant dictes cestassauoir des especes ou des fantosmes retenus des choses sentues par dehors, tu vois que lentendement et la raison de la personne est troublee. (Cib., p.1451, 212)

Blesser l'honneur (de qqn) / Blesser qqn de son honneur

Mais l'onneur seroit trop blecie Et doublee ta villenie, Se tu estoies en traitié Avec eaus d'aucune amitié, Puis qu'il yroient mal traitant Toy et ton païs en traitant. (Mach., C. ami, 1357, 115)

Il ne vuet pas fole largesse, Ne escherseté qui trop blesse L'onneur de tout prince terrien ; Et pour ce, se tient au moien. (Mach., P. Alex., p.1369, 32)

Et dame doit faire largesse De ses riches dons sans promesse, Mais qu'au donner s'onneur ne blesse, Car là doit bien estre avisée. (Mach., Lays, 1377, 340)

Nous ne debvons plus sejourner De faire le commendement De mon seigneur et son talant, Car bien doit estre courrouciez De ce qu'il est ainsi bleciez De son honneur. (Myst. st Adr. P., c.1450-1485, 178)

c)Participe passé.

Compte moy ung pou de ton fait, Car je t'ay veue si parfaite ! Comment es tu ansi retraite, Ci blassee, si desronpue ? (Oliou, Mess. Arg. A., c.1470, 490)

DROIT La partie blessee. La partie qui a subi un préjudice.

...nous voulons estre enfourméz plus à plain pour lesdiz meffaiz faire adrecier et amender à fin civile, par ceuls qui en seront trouvéz coulpables, selon la maniere et qualité des meffaiz, et en ferons faire amende notoire à ladicte esglise et arcevesque, et satisfacion convenable, à fin civile, aus parties bleciés, selon ce qu'il sera trouvé et que bon nous semblera. (Trés. Reth. S.L., t.2, 1337, 40)

Et sur iceux biens sera faite satisfacion à le partie blechie (...) et la residue venra as drois hoirs d'iceux, comme se il fuissent trespasset. (Froiss., Chron. R., XI, c.1375-1400, 305)

Et vueil et ordene que tous mes torfaiz, dont il apperra deuement à mes executeurs, soient reparez et amendez, et satisfacion faicte à la partie blecée qui pourra. (Test. Parlem. Paris T., 1411, 529)

2.Offenser, outrager qqn.

Loial amour est de si grant noblese Que, quant amans pense ou quiert villenie, Honneur, amour et sa dame si blesse Que dou penser doit estre s'anemie (Mach., L. dames, 1377, 197)

Doulx amys, comment vous me samblez bel ! Or dormez tout a vostre paix, et je vous regarderay. Mais mout me poise que je n'ose atouchier vostre main que tant avez blanche et bien faitte, car trop doute vostre remuer, non pourquant sy ne vous voeil je point bleschier ne aucunement de vous atouchier n'en cuide estre reprinse. (Percef. IV, R., c.1450 [c.1340], 709)

Et soustiendray, tandis que je vivray, Que encore doibt vivre bien longue pose Sans estre oultré, ne blecé, ne navré Tant que viellesse a son gré en dispose. (Cene dieux, c.1492, 111)

Remarque : Cf. K. Baldinger, R. Ling. rom. 46, 1982, 43 (à propos de MICHAULT, Procès honn. F., p.1461, V 44 et VI 6).

3.Blesser (une chose abstr.). Porter atteinte à.

Il sentoient les alliances, jurées à Calais entre le roy d'Engleterre leur signeur et le roy de France, si grandes et si fortes qu'il ne les voloient mies blecier ne brisier. (Froiss., Chron. L., VI, c.1375-1400, 99)

...on voloit ou pooit de force blecier les franchisses de Gaind (Froiss., Chron. R., IX, c.1375-1400, 170)

Feust que la peusse changier Sanz blecier en riens conscience (Mir. ste Bauth., c.1376, 93)

...et encores estoient tenues aucunes manieres qui fouloient et bleçoient l'auctorité et puissance du Roy et de sa justice (Baye, II, 1411-1417, 120)

...il ne voulsise que icelles franchises en feussent doresnavant cassiées, blessiées ou aucunement violées ou reprouchiés. (Chartes communes Bourg. G., t.2, 1418-1419, 245)

Et dient que les privileges de l'Université sont en ce enfrains et bleciez (Fauq., III, 1431-1435, 124)

...et par la maniere que on y tint fust Justice, Verité, Preudommie, Loyaulté, Foy, Actrenpance, Force, Charité, Prudence et Discreccion coromppues, blessees, villenees et injuriés avec tout droit divim, civil et canonicque (Juv. Urs., Aud. celi, 1435, 190)

...Que j'aye en rien ma foy blessee (Gréban, Pass. J., c.1450, 387)

...ce seroit grant meschief Que nous, pour couvrir voz offenses, Nous blessissions noz conscïences (Gréban, Pass. J., c.1450, 403)

Je t'ay laissé par negligence, Dont j'ay blecé ma conscïence Et me tient peché de sa corde. (Myst. Pass. Troyes B., a.1482, 808)

Or demourons piteusement Sans chef et sans gouvernement, En doubte du faulx Sathanas, Qui nous peut grever grandement Et blesser nostre entendement Se de nous compassion n'as. (Myst. Pass. Troyes B., a.1482, 811)

...et aussi pour garder que son honneur ne fust blessé, partit de nuyt de Saint-Fergeau avecques quinze ou saize de ses compaignons et s'en revint audit lieu de Saint-Morise (Le Clerc, Interp. Roye, c.1502, 190)

Blesser (soi-même tel aspect de sa personne) son courage / sa noblesse... Affecter, porter atteinte à (tel aspect de soi-même).

Monsigneur, se li rois Phelippes a fait sa hastiveté et se felonnie de mettre à mort si vaillans chevaliers que cil estoient, n'en voelliés mies pour ce blecier vostre corage (Froiss., Chron. L., III, c.1375-1400, 39)

Si ne bleceriés mies, s'il plaist à Dieu, le gentillèce ne le noblèce de vous, pour un peu de sausoiiers qui ci sont (Froiss., Chron. L., III, c.1375-1400, 89)

Mon très honnoré seigneur, j'ay souvenance des biens et honneurs que j'ay receuz en vostre maison tant que je y ay demouré, qui me donne esperance que ne me vouldriez mettre en obly, car je sçay que ne vouldriez blesser vostre honneur. (Le Clerc, Interp. Roye, c.1502, 348)

4.[Valeur positive]

a)Blesser qqn. Frapper, étonner qqn.

Le vray ne se puet plus celer ; Qui n'a credence, c'est simplesse ; Le fait de Jhesus est tant cler Que tous nous esbahist et blesse. (Gréban, Pass. J., c.1450, 347)

b)Blesser qqc. (une chose négative) Corriger qqc..

Sire, Dieu et Pere de ma vie (...) Oste de moy concupissence et tout mal (...). Ta lumiere aille touz jourz devant moy, blesce ma concupissence, Sire de ta doulçour, car tu vois que le besoing en est venuz (Gast. Phébus, Livre oraisons T., c.1380-1383, 65)