ASSEMBLER

verbe

[T-L : assembler ; GD : assembler ; GDC : asembler ; AND : assembler ; FEW (XXV, 541a-556b) : assimulare ; TLF (III, 675a) : assembler]

I. -[Idée dominante de réunion, d'union]

A. -[Réunion de personnes]

1.[Réunion d'un certain nombre de personnes]

a)Assembler des personnes. Réunir des personnes (à des fins variées, en partic. pour une délibération).

...les esliseurs de l'empire [l'empereur] Voloit assambler, tire a tire (Mach., P. Alex., p.1369, 40)

Car les nobles assemblera De ce pais cy a sa feste (Mir. Oton, c.1370, 337)

Seigneurs, dist Melusigne, je vous ay cy assemblez pour avoir vostre conseil comment ceste forteresce cy sera appellee (Arras, c.1392-1393, 46)

... [il] fist sonner la cloce pour assambler toutes manieres de gens en la halle (Froiss., Chron. D., p.1400, 842)

Le jour ensuivant (...) Saintré fut tout de neuf, et ses gens bien abilliés et met son bracelet, puis s'en va a la messe, que il fist dire du Saint Esperit, et la assembla tous ses amis, ainsin que Madame lui avoit dit. (La Sale, J.S., 1456, 85)

Lesquelx dirent au Jouvencel qu'il feist assembler, le jour ensuivant au matin, messeigneurs de l'Eglise et les plus nobles gens de guerre et notables qu'il sceut en la place, aussi des plus gens de bien de la ville (Bueil, II, 1461-1466, 23)

...ledict Salomon fist assembler en ung convy mille de ses chevaliers d'une part et mille dames, leurs femmes d'autre et lui mesmes, par ordre commençant au premier assiz et finissant au derrenier, leur donna à tous à boire (Simon De Phares, Astrol., c.1494-1498, f° 34 r°)

Assembler (un conseil). Convoquer, réunir (un conseil).

Et se doubtoit le duc Ostes que, se le roy de Craquo avoit sublimé a lui le roy Fedric, qu'il ne lui venist courir sus. Et pour tant il avoit assemblé son conseil assavoir mon qu'il en pourroit faire. (Arras, c.1392-1393, 177)

Après disner, fust assemblé le Conseil en la Chambre de Parlement (Fauq., I, 1417-1420, 5)

...ledit saint concil est assemblé et establi ou nom de Dieu par la grâce du Saint-Esprit (Fauq., III, 1431-1435, 34)

...lequel [un roi] assembla sur ce son conseil pour avoir leur advis (Juv. Urs., Verba, 1452, 310)

Au matin, aprez la messe, le Roy assembla son conseil, là où il y avoit aucuns prelatz et des seigneurs de son sang et autres chevaliers et conseilliers. (Bueil, I, 1461-1466, 167)

b)Assembler à, avec qqn

Se joindre à qqn, se regrouper avec qqn.

Il nous semble que vous ne vos gens ne devez point assembler à nous et devés tousjours venir après (Bueil, I, 1461-1466, 86)

...et, se ce sont eulx, dittes leur qu'ilz viennent icy eulx trois seullement et qu'ilz laissent leurs gens dedens l'obscur de la forest sans assembler avec nous. (Bueil, I, 1461-1466, 86)

[Le suj. et l'obj. désignent une abstraction personnifiée]

...Bon Espoir toujours contente Et asseure cellui qui tremble. Mais se Pitié bref n'y assemble Pour secourir les douloureux, Quant a moy tres bien me ressamble Qu'Espoir trahyst les amoureux. (Vaillant, Oeuvres D., c.1445-1470, 123)

c)(S')assembler. Se réunir.

...li legat et li tribun et li chevalier s'assemblerent au pretoire pour demander aide de leurs ducs (Bers., I, 9, c.1354-1359, 2.15, 4)

Et ont les genz estimacion que as traictiéz des mariages se doient pour ce assembler ceulz qui sont d'un lignage. (Oresme, E.A., c.1370, 458)

Et lors, en peu de heure après fu temps de soupper. Ilz s'assemblerent en la grant tente, et laverent et s'assistrent a table, et furent richement serviz. (Arras, c.1392-1393, 40)

Et la devoient ordener un certain lieu ouquel assembleroient pour renoncier au papat (Bouciquaut L., 1408-1409, 368)

Dimenche, VJe jour de may, feste saint Jehan l'Evangeliste, le college des notaires du Roy s'assembla en l'ostel des Celestins de Paris (Fauq., II, 1421-1430, 174)

Et pour ce le peuple s'assembla et vinrent au roy Charles le simple (Juv. Urs., T. crest., c.1446, 64)

Et enfin le roy se condescendi que les trois estas se tendroient et assembleroient (Roye, Chron. scand., I, 1460-1483, 198)

...et conclurent que le lendemain tous s'assembleroient en la chambre du Cappitaine et du Mareschal et là parleroient de leurs besongnes plus au long. (Bueil, I, 1461-1466, 117)

...aprés que j'eus prises mes agoubilles, papier, plume et enchre, me transportay ou lieu ou le soir precedent avions assemblé. (Ev. Quen. I, c.1466-1474, 111)

Assembler à parlement. Se réunir pour délibérer.

Ci dit comment Grieux et Troyens assemblerent a parlement (Chr. Piz., M.F., III, 1400-1403, 89)

[Dans un cont. métaph.]

... [Les Planètes] Aprez que Dieu par charité Voult recevoir humanité, Trèze cens ans desjà passez Et quinze troiz foiz amassez, S'assemblèrent en Parlement (La Haye, P. peste, 1426, 25)

d)Estre assemblés. Être réunis, rassemblés.

Et s'estoient mil contre .IIIJ. Toute voie, li nostre firent Tant qu'ensamble tuit se meïrent. Quant il furent tuit assamblé, Il a à chascun d'eaus samblé Que li Sarrazin desconfi Fussent (Mach., P. Alex., p.1369, 75)

Quant il furent tuit assamblé, Tant ont pillé, tant ont emblé, Qu'il n'i avoit garson ne page Qui ne fust chergiez de pillage (Mach., P. Alex., p.1369, 209)

Lors leur dist Uriiens, oyant tous : Beaulx seigneurs, nous sommes cy assemblez pour soustenir la foy de Jhesucrist, et de laquelle il nous a regenerez. (Arras, c.1392-1393, 108)

Certes Crathor apporte quelque nouvelle ; véez comment ces gens sont assemblez environ lui (Bueil, II, 1461-1466, 135)

2.[Union de deux personnes]

a)Assembler [deux pers.]

[D'Amour] Réunir (deux personnes).

Amours qui garde loiauté Debonnairement les assamble. Et quant il se verront ensamble, Moult hautement s'esjoïront Et par regart le monstreront (Mach., D. Aler., a.1349, 400)

Maiz il me semble, Quoy qu'Amours noz deux cuers assemble, Mal fait que toute joie m'emble, En prenant guerre a deux ensemble. (Chart., L. Dames, 1416, 240)

Assembler qqn avec qqn. Mettre qqn dans un même lieu avec qqn.

YPOLITE. Sa, passez illec ; vous deux hommes Serez ensemble. LUCIEN. Helas ! qui est ce c'on assemble Avecques moy ? LORENS. Je sui un homme conme toy, Mais tant y a crestien sui (Mir. st Lor., 1380, 169)

Assembler qqn à qqn. Réunir à qqn (il s'agit de l'union mystique entre Dieu et la Vierge Marie).

...la ou il dit Dominus tecum qu'elle fut a Dieu jointe et assemblée. (Mir. st J. Paulu, c.1372, 93)

Assembler qqn à (un groupe) Faire qqn membre de.

A l'honneur de Dieu le Tout Puissant je te fay et constitue chevalier, et a l'ordre et compaignie des autres chevaliers des maintenant te assemble et accompaigne. (Chronogr. Joh. de Beka N., c.1455, 110)

b)Assembler avec qqn. Se marier avec qqn.

Et oultre, si fault que j'assemble Avec vous, quant serons ensemble, Conment arez char si osée Que de vous je soie adesée Conme il est de conmun usage Es assemblez en mariage ? (Mir. fille roy Hongrie, c.1371, 13)

Assembler ensemble. Se marier.

...conme estes esperdue, Belle dame ! ou mains dites moy Que vous avez (...) Il a bien trente ans, ce me semble, Que nous assemblames ensemble (Mir. nonne, 1345, 344)

c)S'assembler. Aller l'un avec l'autre, s'assembler.

Cestes .II. voulentiers s'assemblent, Aussi assez s'entreressemblent. (Chr. Piz., M.F., I, 1400-1403, 29)

S'assembler à/avec qqn

Être d'accord avec qqn.

Dame serez de mon cueur sans debat, Entierement, jusques mort me consume, Lorrier soüef qui pour mon droit combat, Olivier franc m'otant toute amertume. Raison ne veult que je desacoustume - Et en ce vueil avec elle m'assemble - De vous servir, mais que m'y acoustume, Et c'est la fin pourquoy sommes ensemble. (Villon, Test. R.H., 1461-1462, 111)

S'unir à qqn.

Si serés ambedeus ensemble, Car si veuil je qu'a toi s'assemble (Mach., Voir, 1364, 7137)

Se joindre (à une collectivité).

Doncq, affin qu'avec nous s'assemble En qu'en habit il nous ressemble, Faire le fault icy venir (La Vigne, S.M., 1496, 362)

[Le suj. et l'obj. désignent une abstraction personnifiée]

Est dont nulz acorz si biaus, si que Renons et Los yci recordent, Ou Biautés et Bontéz s'acordent Et Raisons et Jonece ensamble, Ou Simplece a Voloir s'assamble (Acart, Prise am. H., 1332, 25)

d)Estre assemblés

Être unis, mariés.

Ythier : 'Il at XV filz mult noblez et vailhans et une fille, qui plus belle pucelle josnette et riante est qui soit au jour d'huy en monde.' Adont dist Ythier en bas : 'Je voulroie que vous l'eusiéz espousee : sy seroient assembleiz les deux plus noblez du monde ensemble.' (JEAN D'OUTREM., Myr. histors G., a.1400, 5)

Estre bien assemblés. Être bien assortis.

Le chevalier (...) dit à soy mesmes que vraiement on ne loue pas Meliadice de sa grant beaulté pour neant et que c'est la plus belle et la plus doulce qu'il vit oncques et Cleriadus le meilleur chevalier et que ilz estoient bien assemblez. (Cleriadus Z., c.1440-1444, 668)

Se trouver réunis (par hasard).

Par amours, sire, dist l'ancien preudhomme, puis que nous sommes assamblez d'aventure, plaise vous moy dire dont vous estes et quelle adventure vous amayne en ceste desert paÿs ? (Percef. IV, R., c.1450 [c.1340], 656)

e)Les assemblés en mariage. Les mariés.

Conment arez char si osée Que de vous je soie adesée Conme il est de conmun usage Es assemblez en mariage ? (Mir. fille roy Hongrie, c.1371, 13)

f)L'assembler. Union charnelle.

C'est a dire, mon ami, que luxure est ardeur a l'assembler, puantise au departir (La Sale, J.S., 1456, 28)

3.[D'un embryon] Estre assemblé en sang. Devenir un être de chair et de sang.

'Je sui, moy homme mortel [le Sage du Livre de Sapience] , samblable a tous et de la lignie d'icellui terrestre qui fu premier fait, et ou ventre de ma mere ay estés figuréz char. Le temps de .X. mois j'ay esté assamblé en sang par la semence d'omme et delitement de songe convenable...' (Daudin, De la erudition H., c.1360-1380, 333)

B. -[Rassemblement d'animaux]

1.Assembler (des animaux). Rassembler, mettre ensemble.

Si nous fault noz chiens assembler : Gauvain, Tristran, Yseut, Sanglier, Maucourant, Tirant, Melampus, Et le cruel Esicropus (Gris., 1395, 25)

Et avoient les Anglois (...) fait venir le bestail de tous lés, et asamblé ens es praiories desous Antenis. (Froiss., Chron. D., p.1400, 653)

2.S'assembler. Se rassembler.

Des oysiaus qui la s'assambloient, Qui de toutes pars avoloient, Adonques tous les enchassay (Mach., D. Aler., a.1349, 266)

Car la se puelent assambler Oiseaus a moult grant quantité (Mach., D. Aler., a.1349, 280)

En buissons oyseaulx s'assembloient. L'un chantoit, les autres doubloient De leurs gorgetes qui verbloient Le chant que Nature a apris (Chart., L. Dames, 1416, 198)

Faire assembler

Et pour faire conclusion, Tout entour de la environ Firent assembler des pourceaulx, Des coulleuvres et des oyseaulx, Et des poissons plus d'ung millier (Est., p.1460, 25)

C. -[Réunion de choses]

1.[...de choses concrètes]

a)Assembler qqc.

Réunir des choses en un endroit.

Si l'assaillirent fierement la ou il venoit atout son ost mal composé, si que il fist soudainement asambler tout son somage en .I. moncel, et si ordena sa bataille (Bers., I, 9, c.1354-1359, 43.12, 80)

...il assambla moult grant navie Pour aler, en Triple, en Surie. (Mach., P. Alex., p.1369, 254)

Phillibert estoit descenduz lui IIIJe, et s'estoit mis sur la douve du cavain, par dessus, et faisoit assembler pierres (Arras, c.1392-1393, 202)

...il avoient assamblé des dras, des lainnes et des biaus jeuiauls a grant fuisson (Froiss., Chron. D., p.1400, 698)

Cestui fut très speculatif et se delecta en accumuler et assembler livres, et tant fist, par la faveur et ayde dudit empereur, qu'il en mist ensemble septante deux mil volumes (Simon De Phares, Astrol., c.1494-1498, f° 83 v°)

[Une chose nouvelle, ou remise en état, résulte de l'action d'assembler des parties]

Réunir (des éléments) pour former un tout structuré.

Et les autres dient que le monde fu fait par assembler les elemens (Oresme, C.M., c.1377, 606)

Et, quant il eut bien advisé son fait, il se fist baillier ses tronssons de main en main (...) Et adonc print les tronssons et les assembla, et tant fist qu'il dressa son eschielle au lieu où il avoit advisé. (Bueil, I, 1461-1466, 90)

DRAPERIE Coudre ensemble les pièces (d'un vêtement).

De sa vesture ne me puis je pas passer ne taire, et mesmement du mantel ou paille qui son corps couvroit, dont le merveilleux artifice fait a ramentevoir. De trois paires d'ouvraiges sembloit avoir esté tissu et assemblé. (Chart., Q. inv., 1422, 7)

...mais tant lui despleut l'excellence et duree de si parfaicte oeuvre qu'elle tourna son pervers et senestre costé et ouvry voyes dont cellui mantel, assemblé par la souveraine industrie des predecesseurs, estoit desja par violentes mains froissez et derompuz et aucunes pieces violentement arrachees (Chart., Q. inv., 1422, 8)

Réunir à nouveau (des choses qui ont été séparées, disjointes).

Et, ledit jour de samedi, par la permission du roy, furent alez querir et assemblez le corps, qui pendu estoit au gibet de Paris, de Regnault de Veloux, et la teste, qui mise estoit au bout d'une lance es hales de Paris, avecques ses membres atachez à quatre potences aux portes de Paris. (Roye, Chron. scand., II, 1460-1483, 2)

Ilz sont troys actes communs et necessaires en la cure des playes et des ulceres : le premier est encarner, assembler et consollider les levres desjoinctez, que je repute une mesme chose de present (Panis, Guidon, 1478, tr.VII, doct.1, chap.6)

Recueillir et reconstituer (une substance, ici de la cire).

...dit que quant monseigneur le Dalphin fu crestienné, il porta une des torches et lors concueilly, et assembla du degout de la torche qu'il portoit, ycelle cire. (Reg. crim. Chât., II, 1389-1392, 464)

Amener à un état de cohésion (une substance organique).

...aussi pour la froideur des membres generatifz, le sperme ne peut estre eschauffé ne assemblé deuement en la marrix (Saint-gille, A.Y., 1362-1365, 88)

Assembler le feu. Mettre le feu.

Et racompaigniez iceulx il les maine par le pays, desirant icelui tout destruire et ses nefz remplir de toutes richesses. Et pour ce assemblé le feu il embrase de toutes pars les citez et les repuses richesses il extrait d'elles, et aussi il degaste les champs. (Percef. I, T., c.1450 [c.1340], 81)

Remarque : Trad. du lat. accumulato igitur igne.

En particulier. Recueillir, amasser, accumuler (de l'argent, des biens).

...moult de filles ont esté qui ont assemblé grant richesses (Mir. ev. arced., c.1341, 104)

Ainsi veons nous que l'avaricieus se delite en garder et assembler richesces excessivement (Oresme, E.A.C., c.1370, 127)

Et pour pourchacier et assembler ladicte raençon il faillu audit feu Bernart qu'il empruntast de ses amis plusieurs sommes d'or et d'argent (Ch. VI, D., t.1, 1399, 155)

Et, durant le temps que ces traictiez se demenoient, le roy Amydas faisoit forger artillerie et assembloit argent où il povoit finer ; car il voulloit poursuir sa bonne fortune (Bueil, II, 1461-1466, 222)

'Vela, je ne vey mon bon mari ne hier ne huy ; il a bon marchié des biens que feu mon premier baron a douleur grant et traveil avoit assemblez'. (Ev. Quen. II, c.1466-1474, 117)

Et se on me demande dont l'or que on assemble et lieve tous les ans (Juv. Urs., D. Tours, 1468, 445)

...seul sçavoit ung nommé Errart de Saveuze, vertueux, secret et sage chevalier, où il y avoit l'estime de XVIII millions d'or, qui estoit belle chose, actendu que icelui roy avoit eu toujours guerre et fait plusieurs reparacions. Aucuns dient que maistre Jehan de Mehung, mon consanguin, le lui assembla par la puissance et vertu de la perre des philosophes. (Simon De Phares, Astrol., c.1494-1498, f° 144 r°)

Assembler (des sommes d'argent) à une. Les réunir en une somme totale.

...lesqueles sommes, assemblées à une, montent à six cens soixante-quatorze frans neuf deniers, poitevine et demie, tournois. Tesmoing mon seing manuel mis cy, le VIIIe jour de février l'an MCCCIIIIxx et seize. (Raponde, Comptes La Trémoille L.T., 1396-1406, 75)

Emploi absolu. Économiser, constituer un capital.

Je ne scé pas c'onques sa vie Eust d'aucun bien faire envie, Mais que de nuit et jour penser A assembler et amasser (Mir. Pierre Changeur, c.1378, 246)

Se l'un assemble, l'autre despendera (La Sale, Salade, c.1442-1444, 257)

b)(S')assembler

Se réunir, se joindre.

Et se aucun disoit que au commencement il avoit plus de parties de terre d'une part du centre que de l'autre, et donques quant elles se assemblerent il en eut plus d'une part que d'autre et ainsi la terre ne est pas ronde (Oresme, C.M., c.1377, 560)

De celle fontaine, avec aultres qui se assemblent se fait une riviere que on appelle la riviere de l'Asno. (La Sale, Salade, c.1442-1444, 71)

[D'une matière] S'amasser.

...si voit une matiere assambler en l'air au dessus du royaume de la Grant Bretaigne. Celle matiere se ala esprendre par chaleur desordonnee et s'amonstra ou ciel en maniere d'estoille dont le ray du feu faisoit a l'estoille queue de trois toises en longueur (Percef. IV, R., c.1450 [c.1340], 518)

Celle fumee s'assambla en maniere de montaigne, mais elle n'eut gueres esté en ce point quant elle se departy par pieces, puis se fachonna en maniere de maisons assamblees comme en une cité. (Percef. IV, R., c.1450 [c.1340], 519)

c)(Estre) assemblé

[D'une chose qui forme un tout]

[D'un pays] Solidaire, uni.

...ce qui n'a pas esté maindre miracle mais trop plus grant, que se ung simple homme feble et nus, sans armeures et sans ayde, seurmontoit et vaincoit ung grant pays, fort et bien assemblé pour resister de toutes pars, et qui a soy deffendre mettroit toute sa puissance, son estude et diligence. (Gers., P. Paul, a.1394, 495)

[D'une institution] Assemblé de qqc. Composé de qqc..

...l'Université ala, assemblée de toutes ses facultez et nations, en pelerinage solonelment pour la paix de l'Eglise (Baye, I, 1400-1410, 100)

[D'un organe] Contracté.

...parquoy les nerfz sont tous retraïz et est spasme de inanicion duquel nous avons eu moult de foiz que tel spasme est mortel, car les nerfz y sont tous retraiz et le cervel tout assemblé en fuiant sa nuisance, et ainsi est causee telle appercion des yeux qui est signe mortel. (Saint-gille, Comment. A.Y. L., 1362-1365, 209)

d)[Du faucon] À l'assembler du col. Quand il retire le cou (Éd.), quand le cou est fiché dans le corps, réuni au corps, le bec vers le haut.

Il [le faucon] doit avoir lonc col et haute poiterine et un peu roondet sus les espaules a l'asembler du col. (Henri Ferr., Modus et Ratio, Livre deduis T., c.1354-1377, 176)

Remarque : Attitude du faucon dont la tête semble fichée sans col dans les épaules lorsqu'il a le bec vers le haut.

2.[...de choses abstr.]

a)Assembler qqc.

Mettre ensemble.

Pourquoy Dieus par nature assamble Humeur, sec, froit et chaut ensamble (Mach., J. R. Nav., 1349, 179)

Réunir des éléments selon un certain ordre, en un tout cohérent.

La seconde science est gramaire, qui est science de ordonner icheulx noms imposés aux choses et de composer oroisons, c'est a dire assambler paroles en sens parfait. (Daudin, De la erudition H., c.1360-1380, 76)

Accumuler.

Item es choses divines convient eschiever soubtiles et obscures raisons des philosophes, dont saint Jerome ou livre des Trois questions dist : 'Pas n'afiert a chelui qui dispute des divines Escriptures assambler les argumens de Aristote, ne du fleuve de beau parler de Tulle ung ruisseau amener, ne adoulcir les oreilles des fleurettes de Quintilien proposees en l'escole...' (Daudin, De la erudition H., c.1360-1380, 151)

Car combien que tous deux ensemble Me griefvent fort, a mon cueur semble Que vostre oeil fut commencement Des griefves douleurs que j'assemble, Dont ma joye se desassemble Et pour mon desavancement. (Rond. poés. XVe s. R., c.1400-1500, 58)

...mais cecy estoit mensonge, car tout cela estoit assemblé pour faire ligue contre le roy (Comm., III, 1495-1498, 119)

...miserable, Mauldit villain qui tous perilz assemble (La Vigne, S.M., 1496, 223)

[Une chose non dénombrable]

Concentrer.

Et ainsi synesis signifie pensee assemblee pour bien jugier. (Oresme, E.A.C., c.1370, 351)

Accumuler, augmenter.

Mais sitost qu'uns amans varie Et monstre et fait chiere esmarie, De che qu'il atent, che li samble Trop longement, lors il assamble En son coer si tres grant anui, Otels com tu as monstré hui. (Froiss., Par. am., c.1361-1362, 50)

ARITHMÉTIQUE Assembler (des nombres) Ajouter.

Ne composition qui se fait par assamblement comme ung mont de pierres ou de blé ou d'aveine. Ne composition faite par pluseurs unités jointes et assamblees comme en nombres deux unités sont deux, et dix unités sont.X. et vingt fois ung font vingt. (Somme abr., c.1477-1481, 147)

Puys je assemble les troys quociens cest assavoir 6.2.1. font .9. (Nic. Chuquet, Triparty M., 1484, I, 649)

[D'une chose abstr.]

La premiere science assemble Numbre et nous apprent a compter (Chr. Piz., M.F., II, 1400-1403, 114)

b)(S')assembler

Se mélanger, fusionner.

...divine nature et humainne ne peuent estre ansamble par transmutacion tellement que divine nature soit faitte humainne nature, ne aussi tellement ne se peuent asambler que des deulx natures, c'est assavoir divinne et humainne, soit faite une tierce laquelle du tout en tout ne soit divinne ne humainne. (Crap., Cur Deus, De arrha B.H., c.1450-1460, 213)

S'accumuler.

Or estes vous en acort tout ensamble Que plus de mal en cest amant s'assamble (Mach., J. R. Nav., 1349, 130)

Pour ce, conclus, pour au point revenir, Que jamais mal entre amoureux n'assemble Quant Leauté [et Amour sont ensemble.] (CH. D'ORLÉANS, Rond. C., 1443-1460, 430)

S'assembler de qqc. Correspondre à qqc..

Une influence est, qui s'assemble Du cours du ciel, par les regars Des planettes (Chr. Piz., M.F., II, 1400-1403, 83)

[D'une puissance de l'âme] Estre assemblé à qqn. Être rassemblé en Dieu.

Faiz que ta pensee et toute ta force soit a Dieu assemblee tellement qu'elle soit ramenee a ung esperit, car c'est la souveraine perfection que l'ame peut avoir (Trés. sapience G., a.1400, gl. n. 534, 359)

c)[D'une chose abstr.] Estre assemblé à qqn (Dieu) Être rassemblé, unifié à lui.

Faiz que ta pensee et toute ta force soit a Dieu assemblee tellement qu'elle soit ramenee a ung esperit, car c'est la souveraine perfection que l'ame peut avoir (Trés. sapience G., a.1400, gl. n. 534, 359)

II. -[Idée dominante de réunion en vue d'un affrontement, engagement armé]

A. -Assembler (des hommes d'armes en vue de constituer une armée) Faire venir, réunir en un même endroit.

...li Samnicien, qui avoient leurs tentes a Lucerie, assemblerent toutes leurs forces de toutes pars pour soy combatre contre Papirius (Bers., I, 9, c.1354-1359, 13.12, 24)

Li roys le sot ; pour ce deffist Son armée, et desassambla Sa gent qu'à grant peine assambla. (Mach., P. Alex., p.1369, 134)

...Tant y ont assemblé de gent D'armes (Mir. ste Bauth., c.1376, 127)

Lors fait le roy son ost semondre et mande par tout ses amis et aliez. Et en pou de temps assembla bien de VJ. a VIJ. mil hommes. (Arras, c.1392-1393, 173)

...en intencion de assembler ses gens d'armes et capitaines pour aler combatre le Dauphin et ses gens (Fauq., II, 1421-1430, 20)

Et, sur ce bruyt, le duc de Lorraine assembla quelque peu de gens et se vint loger devant Nancy. (Comm., II, 1489-1491, 131)

...si s'en ala et retira en son païs, sans lui mot dire, assembla gens unis contre lui, qu'il trouva aux champs sur le fleuve de Tigris, et là desconfit son maistre et s'enfouyt Sardanapalus en Babillone (Simon De Phares, Astrol., c.1494-1498, f° 38 r°)

Assembler (une armée) Mobiliser, réunir.

Et sachiez que illueques avint double terreur aus Rommainz, car d'une partie vindrent Samnicien, qui avoient assemblé grant oust pour delivrer leurs compaingnons du siege (...) et de l'autre part ceulz de la cité saillirent hors a grant tumulte (Bers., I, 9, c.1354-1359, 21.3, 39)

...ilz ont si grant ost assemblé (Mir. ste Bauth., c.1376, 134)

...Henry son seigneur, le quel assemblant armee vaincquit et desconfit les rebelles (Juv. Urs., T. crest., c.1446, 76)

...il assembla tout son ost, en soy deliberant d'aler en armes sur les champs, en intencion de tout destruire et mettre à feu et à sang lesdiz Liegois. (Roye, Chron. scand., I, 1460-1483, 184)

Assembler (des corps de bataille) Rassembler (des bataillons).

Et, quant il [le Jouvencel] fut avecques ses gens, il conclud de deslogier au plus matin et de tirer aux champs. Et, quant il eust toutes ses batailles assemblées, il fist avant-garde, bataille et arrière-garde et deux esles sur les deux costez (Bueil, II, 1461-1466, 192)

B. -Assembler à qqn

1.Entrer en contact physique avec qqn et attaquer.

Faux parjure, ains qu'a toy assemble, Je te conseil qu'a moy te rendes Et que grace et pardon demandes (Mir. Amis, c.1365, 38)

Li seneschaus de Hainnau fu li premiers qui asambla a messire Bouchicau (...) Il le feri a plainne targe un si grant cop (...) que il le bouta jus (Froiss., Chron. D., p.1400, 387)

2.[D'une armée ou de son chef]

Assembler à [une armée, des soldats] Attaquer, affronter.

Li Etrurien (...) assamblerent aus Romains si gloutement et impetueusement que il geterent toute leur artillerie afin de plus tost assambler main a main (Bers., I, 9, c.1354-1359, 35.3, 64)

Nos gens assemblerent a eulx ; la ot grant occision de traitt sur les Sarrasins. Et lors vint le roy a sa bataille. La commença la bataille fort. (Arras, c.1392-1393, 137)

Ils, qui voloit estre des premiers assallans, broça ceval des esporons et toute sa compagnie apriès lui, et s'en vinrent ferir et assambler a la bataille le roi de Grenade (Froiss., Chron. D., p.1400, 169)

A eulx assembla le consule La grant piece, ains que nul recule. (Chr. Piz., M.F., IV, 1400-1403, 15)

Alors leur IIJe bataille (...) virent les autres deux desconfites et que encores n'avoient assemblé a la grant bataille, l'arrieregarde, ne les deux esles des gens de pie, furent tous esbaïs. (La Sale, J.S., 1456, 219)

Vostre traict et vos esles doibvent charger sur les costez à l'eure que on assemble à la grosse bataille. (Bueil, II, 1461-1466, 38)

[Dans un contexte métaph.] Assembler à qqn. Attaquer qqn.

La parlames de nos amours, Des griés, des paines, des clamours Que desirs fait aus vrais amans Et aus dames qui sont amans ; Comment il vient, lance sur fautre, Assembler a l'un et a l'autre ; Comme il les assaut et détaille De sa lance dont li fers taille (Mach., Voir, 1364, 3521)

C. -(S')assembler

1.[De gens d'armes] Se réunir, se rassembler (en vue d'un engagement).

Lors veissiés toutes gens haster et monter sus chevaus, et euls asambler dalés le marescal (Froiss., Chron. D., p.1400, 515)

Il est vray que François a tresgrant puissance s'estoient mis sus et assambléz en Normandie pour entrer en mer (Chastell., Chron. IV, D., c.1461-1472, 293)

2.[De deux armées ou de deux pers.]

Engager le combat, venir au contact.

Lors s'assemblent les batailles, la ot grant occision et fiere meslee. (Arras, c.1392-1393, 161)

...on ordonna que casquns s'aseist a terre (...) pour estre plus fres qant on asambleroit (Froiss., Chron. D., p.1400, 720)

Atant se sont assembleis les II oustz, des lances y at abatus asseiz, puys ont traitez les espeez. Forte fut la batailhe (JEAN D'OUTREM., Myr. histors G., a.1400, 94)

Ci dit comment un grant orage vint, quant les osts de Romme et de Cartage cuiderent assembler. (Chr. Piz., M.F., III, 1400-1403, 220)

...s'assemblerent la, Ou moult ot grant occisïon. (Chr. Piz., M.F., IV, 1400-1403, 53)

La assemblerent les .II. chevaliers a la jouste (Bouciquaut L., 1406-1409, 50)

S'assembler à l'encontre de qqn

...si se assamblerent à l'encontre de eulx les archiers et les fissent requler (Froiss., Chron. D., p.1400, 747)

Assembler à bataille à l'encontre de qqn

Adont vous les trouverés tous si espoantés qu'en eulx n'avra aucune deffence ; et se Bethidés assamble a bataille a l'encontre de vous, qu'il ne soit pas pris a renchon, ainçois soit mis a mort sans delay. (Percef. IV, R., c.1450 [c.1340], 526)

3.Assembler main à main. Combattre au corps à corps.

Li Etrurien (...) assamblerent aus Romains si gloutement et impetueusement que il geterent toute leur artillerie afin de plus tost assambler main a main (Bers., I, 9, c.1354-1359, 35.3, 64)

S'assembler l'un contre l'autre

Icelui suppliant fut tres desplaisant et tira ung petit coustel qu'il avoit hors de sa gainne et aussi fist le dit deffunct ung autre qu'il avoit et se assemblerent l'un contre l'autre pour eulx frapper des dis couteaulx. (Arch. Nord, 1459, B 1687, f° 79 v°, IGLF)

Estre assemblés tout en une embroche. Ne former qu'une seule mêlée.

La ot maint mort renversé l'un sur l'autre. Les batailles sont assemblees tout en une ambrouche. La font les trois freres tant d'armes que tous ceulx qui les voient en sont esbahiz. (Arras, c.1392-1393, 235)

D. -L'assembler. Affrontement, mêlée, choc entre adversaires.

À l'assembler

Quant vint a l'asembler chascun lance bessa, Et chascun des chevaus teste a teste encontra (Brun de la Mont. M., c.1350-1400, 74)

La veissez a l'assembler Ensemble de glayves bouter. (Héraut Chandos, Vie Prince Noir T., c.1385, 137)

La ot a l'assembler maint paien mort, et maint navré d'un costé et d'autre. (Arras, c.1392-1393, 102)

...et si grant bruit et crierie y eust a l'asembler, qu'on n'y eust pas ouy Dieu tounant. (Rambaux Frise S., c.1450-1475, 58-59)

...comment, a l'assembler des premieres batailles, de cop de sa lance il porta le Grant Turcq mort a terre (La Sale, J.S., 1456, 222)

À l'assembler ensemble

Et là y eult une grant mortalité à l'assembler ensemble, tant d'un costé comme d'aultre (Lefèvre St-rémy, Chron. M., t.2, c.1462-1468, 282)