ANCIEN

adjectif et substantif

[T-L : anciien ; GD : ancien ; GDC : ancien ; AND : ancien ; DECT : anciien ; FEW (XXIV, 637b) : ante ; TLF (II, 957b) : ancien]

I. -Adjectif. [Antéposé ou postposé]

A. -Qui existe depuis longtemps.

1.[De choses (gén. abstr.)]

a)Qui existe depuis longtemps, qui date de longtemps.

La sentence en est anchïenne (Renart contref. R.L., t.1, 1328-1342, 8)

D'un exemple ancien de fait Qui bien a ramentevoir fait. (Mach., J. R. Nav., 1349, 208)

...si que par l'ancienne discipline de chevalerie ou il estoient duit il, sanz commandement d'aucun duc, se metoient en conroy. (Bers., I, 9, c.1354-1359, 31.9, 56)

Deus princez ot en la cité, c'est a dire Enee et Antenor, qui pour le droit de l'ancien hostel dont il estoient (...) les Grijois ne userent pas contre eux de droit de guere (Bers., I, 1, c.1354-1359, 1.1, 3)

Fais est [le palais] en fourme d'une eglise, Et de l'ancienne devise, A pilers et à votes fais (Mach., P. Alex., p.1369, 195)

Et encores en sont yssus [de la noble lignie de Lusegnen] ceulx de Pembroc en Angleterre, et ceulx de Cabrieres en Arragon, comme j'ay dessus dit, et ceulx de Cassenages du Daulphiné, et la Rochefoucaut, et ceulx de Cadillac, si comme on le treuve es anciennes croniques. (Arras, c.1392-1393, 294)

...les previleges et estatus anciiens de France (Froiss., Chron. D., p.1400, 52)

...comme l'en trouvoit par les anciens registres et les comptes de ladicte eglise (Baye, I, 1400-1410, 290)

Les ungs s'en mocquent, et les aultres y adjoustent foy, par l'ancien parler de la commune gent, et, ad present, par le rapport de V hommes dudit lieu de Montemonaco (La Sale, Salade, c.1442-1444, 80)

O ensiennes macules, o ordes macules et peutez taches (Crap., Cur Deus, De arrha B.H., c.1450-1460, 288)

L'autre monta, (...) et se vint trouver en ce petit garnier, qui estoit d'ancien edifice (C.n.n., c.1456-1467, 243)

...ung riche et puissant chevalier, noble tant par l'ancienne noblesse de ses predecesseurs comme par propres nobles et vertueux faiz. (C.n.n., c.1456-1467, 545)

MERCURE. Qui desprime gens d'anciennes lignes Et esleve ceulx qui n'en sont pas dignes, Dont il se sourt aujourd'huy tant d'excès, Fors seulement le peché des mauvais ? (Cene dieux, c.1492, 120)

JUPITER. Faisons rompre les anciennes loix, Et susciter et faire nouveaulx drois, A publier en assises et pletz, Si punirons le peché des mauvais. (Cene dieux, c.1492, 120)

Talles de Milesie, cité très encienne, aultrement dicte Millete, fut l'un des plus notables de Phenice en Grece (Simon De Phares, Astrol., c.1494-1498, f° 39 r°)

Age ancien / Ancien age. Voir ageÂge avancé.

...lesdiz Tuillieres et Fouquere [furent d'opinion], qu'il feust pillorié et essorillié, sanz bannissement, seulement, pour cause de son ancien aage. (Reg. crim. Chât., II, 1389-1392, 525)

...considerant son ancien aage et foiblesse (Rouen temps Jeanne d'Arc L., 1431, 221)

L'ancien aage dudict duc Philippes luy feit endurer patiemment (Comm., I, 1489-1491, 11)

Mes anciens jours. Mes vieux jours.

...mais en mes anciens jours je demouray vef de femme et d'enffans. (Percef. III, R., t.2, c.1450 [c.1340], 238)

Ancien temps. Vieillesse.

...s'il a joy de son jenne temps, il possesse de son anchien [Avec possible jeu de mots, cf. G. Roques, Rev. Ling. rom. 55, 96, n.9 : il po ['peu'] cesse de son ['pet'] en chiant] (Devin. R., c.1470, 68)

De temps ancien. Depuis longtemps.

Ha, messeigneurs, je ne voy goucte, Vous le sçavez, de temps ancien. (Gréban, Pass. J., c.1450, 353)

b)En particulier. L'Écriture ancienne. L'Ancien Testament.

...qui des faulx tesmoingnages Des viellars delivras Susanne, Ce dit l'Escripture ancienne (Mir. emper. Romme, 1369, 291)

L'Ancien Testament

...en l'Ancien Testament et ou Nouvel (Cleres nobles femmes B.H., t.2, 1401, 150)

...de l'Ancien Testament et du Nouvel (Chr. Piz., Cité dames C., c.1404-1407, 726)

O haulte essance enluminee De tout bien et de tout honneur (...). Regarde les promissions Que tu nous as faiz largement Par tout ton Ancien Testament (Gréban, Pass. J., c.1450, 36)

Ne sont-ce pas icy des vrays preparatifz que Dieu faisoit, de l'Ancien Testament, à ceulx desquelz il vouloit muer la fortune de bien en mal et de prosperité en adversité ? (Comm., II, 1489-1491, 94)

Remarque : Pour qualifier des choses tout à fait concrètes, la préférence est donnée à vieux. Mais ancien n'est pas exclu :

...Ne chastel, n'ancienne porte Ne fu si belle, ne si forte Comme est ceste premiere face De ce chastel [celui de Fortune] (Chr. Piz., M.F., I, 1400-1403, 61)

2.[De pers.]

a)Vieux, âgé (souvent avec l'idée d'expérience, de sagesse et conséquemment de respect dû à l'âge).

[Adj. antéposé]

Les pucelles sont violées, Les anciennes gens perillent (Mir. st Guill., c.1347, 39)

Il avint que un ancien viellart, aussi comme a un jour certain sa cause se perdoit, il pria Cesar en lieu publique devant pluseurs gens que il y vousist estre (Foul., Policrat. B., III, 1372, 245)

Et dist que pour certain il avoit veu en son temps ung ancien homme qui racontoit pour verité qu'il avoit veu en son temps grant foison de telles choses. (Arras, c.1392-1393, 3)

...Melusigne, qui moult fu saige, envoya au devant d'elles l'ancien chevalier qui avoit tenu compaignie au conte. (Arras, c.1392-1393, 39)

...li anciien honme qui avoient esté de ce temps (...) le menerent droit sus le lieu ou il avoit esté ensepvelis. (Froiss., Chron. D., p.1400, 629)

En cette journée ledit Talbot estoit monté sur une petite hacquenée, dont il ne descendit point, et ne se mist à pié, pource qu'il estoit fort ancien homme, desjà vieil et usé. (Chart. J., Chron. Ch. VII, V., t.3, c.1437-1464, 5)

...fut rencontré ung ancien cordelier qui borgne estoit, et en son temps avoit veu moult de choses (C.n.n., c.1456-1467, 34)

...ung ancien homme, bonnetier, nommé Jehan Marceau se pendit et estrangla en sa maison (Roye, Chron. scand., I, 1460-1483, 45)

L'un estoit le seigneur de Hautbourdin, ancien chevalier, frère bastard dudict conte de Sainct Pol (Comm., I, 1489-1491, 12)

[Avec un nom propre]

Et aussi le dit du poete du quel li ancien Chartein [Bernard Sylvestre] usoit souvent en destroice de fortune : 'Les destinees trouveront voie' et cetera. (Foul., Policrat. B., II, 1372, 179)

Si sont de s'aler pourveüs Vers l'ancien Ymeneüs (Chr. Piz., M.F., I, 1400-1403, 35)

[Adj. postposé]

Sire, voulez vous point qu'envoie Querre vostre fisicien ? Conseil de preudomme ancien Fait bon avoir. (Mir. emper. Romme, 1369, 262)

Le conte de Bresne ancien (Desch., M.M., c.1385-1403, 387)

Il est en guise d'un jeune enfant couchié en la cresche des bestes, acompaignié d'une pucellette et d'un homme ancien, Marie et Joseph (Gers., Noël, p.1404, 295)

Naguieres q'ung prudent herault, Grant voyageur, homme ancïen, Parloit a ung jeune vassault Qui ne savoit q'ung peu de bien (Chart., D. Her., p.1415, 421)

Et si fut crié au son de la trompète par plusieurs lieux en icelle ville, que toutes personnes, de quelque estat qu'ilz feussent, qui avoient voulenté de y demourer, feussent pourveuz de vivres pour dix moys, et ceulx qui n'avoient puissance de ce faire, se partissent et alassent où bon leur sembleroit. Après lequel cry se départirent certain nombre de povres gens, et aussi plusieurs dames, damoiselles et bourgoises, avecques aucunes gens d'Église, et autres hommes anciens et non aidables. (Monstrelet, Chron. D.-A., t.3, c.1425-1440, 282)

... [un roi doit] avoir conseilliers anciens, sages et sobres. (Juv. Urs., Verba, 1452, 210)

Car c'est ung preudomme ancien, Qui seul en la forest habite. (Moralité six pers. A., c.1490-1520, 515)

[Adj. détaché ou adj. attribut]

Adonques la dame appella Un chevalier qui estoit la, Vieil, ancien, honneste et sage (Mach., D. Lyon, 1342, 188)

...dames et damoiselles, Anciennes et jouvencelles (Mach., D. Aler., a.1349, 402)

...pour ce que je suy une femme et desormais ancienne, il me vuelt assaillier et faire guerre. (Froiss., Chron. M., XIV, c.1375-1400, 179)

...Thomas Chevalier povres homs et anxiens de l'aage de LXX ans ou environ (Reg. crim. Chât., II, 1389-1392, 431)

Un chevalier a ancïen En ceste court, bon catholique, Et qui aime le bien publique, Saige de droit naturel senz, S'a plus veü qu'homs de ceenz. (Gris., 1395, 9)

Et fera Gieffroy moult de biens Quant il devendra anciens. (Coudrette, Mélus. R., c.1401-1402, 242)

...pour ce qu'il estoit vieil et ancian, et ne povoit chevauchier en armes par sondit bailliage (Fauq., II, 1421-1430, 126)

...elle se fist suslever par deux de ses damoyselles, car moult estoit ancienne (Percef. IV, R., c.1450 [c.1340], 804)

...ledit Vulquin, qui est anxien et débilité de sa personne tellement qu'il ne peut chevauchier (Aff. Jacques Coeur M., 1453-1457, 440)

Ung gentilhomme des marches de Flandres, ayant sa mere bien ancienne et tresfort debilitée de maladie... (C.n.n., c.1456-1467, 458)

Et pour ce, nous, qui sommes venus icy à vostre aide et secours par le commandement du Roy, voulons avoir vostre conseil. Dictes, cappitaine de Crathor, vous estes le plus ancien et avez le plus veu, et est raison que vous parlez le premier. Que vous semble que nous ayons à faire (Bueil, II, 1461-1466, 2)

Ceste mesmes chose m'avint quant je portoie ma fille (...) dist Griele du Solier, et le me fist et aprist ma tante, qui estoit fort ancienne et moult renommee en plusieurs ars. (Ev. Quen. I, c.1466-1474, 84)

[D'une entité personnifiée]

Povreté la tres ancienne De celle porte est gardienne (Chr. Piz., M.F., I, 1400-1403, 98)

[D'un animal]

Engin vault mieulx que force, comme recite ceste fable d'une belete ancienne, laquelle ne pouoit plus prendre les ratz. (Macho, Esope R., c.1480, 132)

[Il s'agit du poisson nommé 'vent marin'] Le temps d'affliction, c'est a dire de viellesse, vint qu'il fut fait inpotent et ancien tellement que par mer ne pouoit guaires nagier ne prendre sa proye et aussi par terre ne pouoit deambuler pour y trouver et prendre son past. (Colart Mans., Dial. créat. R., 1482, 146)

Tandis que ces brochés ainsi se devisoient, se leva ung ancien brochet saige et prudent qui se reposoit illecq en ung trou. (Colart Mans., Dial. créat. R., 1482, 147)

Le plus ancien. L'aîné.

...le plus ancien filz retournant des champs refusa de entrer en la joye quy en la maison se faisoit du retour de son jeune frere. (Traité S. Sacr. B., c.1450-1500, 163)

Et, alors, le plus ancien des freres dist :... (Macho, Esope R., c.1480, 179)

b)Expérimenté.

Mais avecques ce, a tout vieil homme ou ancien l'en ly doit faire reverence selon ce que il appartient a son aage, si comme en soy lever ou encliner contre eulz ou en teles choses. (Oresme, E.A., c.1370, 459)

C'est ung bon juge coustumier, Ancien et de vie rusee (Gréban, Pass. J., c.1450, 256)

Ancien en qqc. Expert en qqc..

...le duc de Glocestre, quoyque ce fut le plus joenne des filz du bon roy Edouart, si estoit-il le plus ancien ens es besoingnes qui touchoient au pays (Froiss., Chron. M., XIV, c.1375-1400, 36)

Buridarus aussi se trouva plus jeune, mais encien en science. Fut l'omme de ce temps qui plus fut souffisant en philosophie et en astrologie. (Simon De Phares, Astrol., c.1494-1498, f° 135 r°)

[Chez Bersuire] Anciens chevaliers / Ost ancien. Vétérans.

Si se sont combatus, et a eu Romulus victoire, sanz avoir nule aide ne d'une part ne d'autre, par la force et par la vertu de l'ost des anchiens chevaliers que il avoit avec soi (Bers., I, 1, c.1354-1359, 15.4, 24)

...et li nouvel consul (...) reçurent l'ost de la main de Fabius le dictateur, et si laissierent grant partie de l'ost [ancien] et reçurent en supploiement grant quantité de nouveles cohortes. (Bers., I, 9, c.1354-1359, 24.1, 43)

B. -En particulier. [Gén. antéposé] Qui est ce qu'il est depuis longtemps.

Maistre Pierre de Nantron requiert estre enregistré comment il est le plus ancien notaire à bourses entre ceulx qui ont requiz les gages que tenoit maistre J. de Crespy (Baye, II, 1411-1417, 7)

...et de la destruction des vaillans hommes destruis par les anciens ennemis de ce royaume (Doc. 1417. In : MONSTRELET, Chron. D.-A., t.3, c.1425-1440, 221)

Comme doncques, en l'an mil IIIICXXII, je veisse le roy anglois, ancien adversaire de ceste seigneurie, soy glorifier en nostre ignominieux reproche (Chart., Q. inv., 1422, 4)

...noz diz seigneurs sçavent bien et cognoissent qu'il l'est [l. qu'ill est ?] expedient, voyre necessaire, au Roy avoir dez gens de guerre pour rebbouter ensians ennemis et resister à leurs emprinses (Escouchy, Chron. B., t.3, Pièces justif., 1442, 72)

...les Anglois, anciens ennemis de la couronne de France (Roye, Chron. scand., I, 1460-1483, 200)

[En ce sens, plus rarement postposé]

Voz ennemis anciens et naturelz vous assaillent a leur entreprise et viennent chalengier vostre terre et vostre pays sur vous (Chart., Q. inv., 1422, 18)

...par plus forte raison ne le [le roi d'Angleterre] devoit on pas tenir habille a delaissier son royaulme a son ennemy ancien et exhereder son seul et unicque filz (Juv. Urs., T. crest., c.1446, 58)

Laquelle [Jeanne d'Arc] me voult affermer Que brief elle feroit defermer Le siege clos devant Orleans, Dont iceulx estoient enfermez Par Anglois venuz d'oultre mer Qui sont anemis anciens. (Myst. siège Orléans H., c.1480-1500, 513)

[D'un mal, d'une maladie] Chronique.

En restraindre les emorrides anciennes, se il n'en laisse une, c'est peril de cheoir en ydropisie ou en ptisique ou en manie. (Saint-gille, A.Y., 1362-1365, 91)

C. -Qui a existé autrefois.

1.[De choses] Qui a existé autrefois (et qui n'existe plus au moment considéré, ou bien n'est plus en usage, n'est plus utilisé comme tel).

...comme ilz faisoient paravant, selon leurs ordonnances anciennes (Baye, I, 1400-1410, 281)

...en quelque maniere ou pour quelconque cause elles ayent esté ottroyeez, ne il a quelconques personnes, et la chose mise en l'estat ancien (Juv. Urs., Nescio, 1445, 550)

Lors il n'i eult personne qui congnust sa monnoie, tant estoit anchienne (Mansel, Fleur hist., c.1446-1451. In : Chrestom. R., 115)

...au gibet de Paris, nommé Montigny, [nouvellement] créé et estably pour la grant vieillesse, ruyne et decadence du precedent et ancien gibet, nommé Montfaucon. (Roye, Chron. scand., I, 1460-1483, 4)

Item, a maistre Ythier Merchant, Auquel mon branc laissay jadiz, Donne, mais qu'il le mecte en chant, Ce lay contenant des vers dix, Et au luz ung De profundiz Pour ses ancïennes amours, Desquelles le nom je ne diz, Car il me hairoit a tousjours. (Villon, Test. R.H., 1461-1462, 85)

...affin qu'il peüst remectre l'Eglise, les nobles et le peuple en leur ancienne liberté (Comm., II, 1489-1491, 31)

Et refirent les anciennes aliances de Castille, qui est de roy à roy, de royaulme à royaulme (Comm., III, 1495-1498, 285)

L'ancien temps. Le passé (éloigné).

...pas ne souloit ainsis estre Comme il est, en l'ancien temps (Desch., M.M., c.1385-1403, 264)

En l'ancien temps (...) les prestres avoient toute jurisdiction (Juv. Urs., Verba, 1452, 364)

De lettre ancienne. Dont la calligraphie dénote un style antérieur à celui de la période contemporaine.

...ung Psaultier, de lettre ancienne, avec les Heures de Nostre Dame et de mors (Invent. mobilier Ch. V, L., 1379, 232)

Qui est en passe d'être révolu.

...sa pensée ancienne S'oste de chose terrienne (Desch., M.M., c.1385-1403, 250)

Qui vouldroit garder en Parlement les formes anciennes on delivroit X procés contre ung (Juv. Urs., Verba, 1452, 403)

2.[De pers.] Qui a vécu à une époque antérieure ou éloignée.

...des anciens Sabins, duquel peuple nul anciennement ne fu onques plus corrumpu. (Bers., I, 1, c.1354-1359, 18.4, 29)

...noz peres anciens Nous sont exemples et liens (Desch., M.M., c.1385-1403, 41)

Et se j'ay adjousté chose en ceste hystoire qui semble a aucuns increable, si le me veullent pardonner, car, selon ce que j'ay trouvé et peu sentir des anciens autteurs, tant de Gervaise comme d'autres anciens autteurs et philosophes, je repute ceste histoire et la cronique a estre vraye, et les choses faees. (Arras, c.1392-1393, 310)

Trop bien pourveurent a telz inconveniens les anciens Rommains quant (...) ilz establirent les tribuns du pueuple (Chart., Q. inv., 1422, 24)

...demoura avec le roy dessus dit l'un des douse nommé Ogier, duc de Dannemarche, qui fut l'un des grans hommes et des vaillans dont soit memoire es fais et histoires des anciens François. (Bueil, I, 1461-1466, 76)

Et jadis fut (...) Le Capitolle des ancïens Rommains. (La Vigne, V.N., p.1495, 233)

Nos grandes et anciennes mères. Nos aïeules.

...il m'est avis, a correction de vous toutes, que bon seroit que a l'ayde de cestui nostre secretaire et ami, nous feissons un petit traittié des chappitres que volons tenir et mettre par ordre, lesquelz de pieça de noz grandes et anciennes meres ont esté trouvez, affin de les non mettre en oubliance, et qu'il puisse venir entre les mains de celles qui aincoires sont a avenir. (Ev. Quen. I, c.1466-1474, 80)

Qui a vécu dans l'Antiquité, païenne ou biblique.

...ce il est dit des anciens péres (...) En patribus tuis aglutinatus est Dominus et amavit eos : que Dieu s'est a eulx adjoint et aglutiné et les a amez (Mir. st J. Paulu, c.1372, 92)

En tous temps les docteurs instruis en la saincte Escripture ont auctorité de l'exposer, et declairer les veritez qui d'elle s'ensuyvent, et comme avoyent les docteurs anciens. (Gers., Concept., 1401, 421)

Ilz arguent par grant fallace, Car divine provision Ne fait pas spoliation De la contingence ou franchise Qu'elle aroit en noz choses mise. Item les Sages anciens, Paiens et Juifz et Crestiens, Qui loiz et règles à délivre Establirent lors pour bien vivre, Rémunérèrent vertueux Et punirent les vicieux (La Haye, P. peste, 1426, 70)

En ce ciel dymaginacion se font les reuelacions qui sont nommees visions ymaginaires lesquelles ont et auoient les prophettes anciens quant soubz figures et semblances de choses materielles il leur estoit reuele ce qui estoit auenir. (Cib., p.1451, 214)

Jergis, le pur astrologien, fut en ce temps moult apprecié à Romme, pour l'experience de sa science. Cestui composa divers traictiez moult utilles sur toutes les parties de astrologie ; à cause de quoy il est allegué de tous astrologiens anciens et nouveaulx. (Simon De Phares, Astrol., c.1494-1498, f° 66 r°)

THÉOLOGIE L'homme ancien. Voir hommeLe vieil homme.

II. -Substantif.

A. -Personne âgée, d'expérience.

...les aucuns anciens qui ramentevoient le temps passé (Froiss., Chron. M., XIV, c.1375-1400, 2)

...selonc ce que j'ay oy recorder les anciens (Froiss., Chron. M., XIV, c.1375-1400, 8)

...li anciien et li sage (Froiss., Chron. D., p.1400, 220)

Si est le pays eüreux (...) Qui bon seigneur a et (...) Diligent de garder les siens Par conseil des plus anciens (Chr. Piz., M.F., I, 1400-1403, 141)

...ce nous afferme Valere en son livre que parle comment les anciens introduisoient les jeunes en bonnes meurs (Chr. Piz., Corps policie L., 1406-1407, 11)

Et ce, les ancïens ne doubtent, Ainçois tiennent, et est certain : Scïence et vaillance se boutent Souvent en gens de basse main. (Chart., D. Her., p.1415, 430)

...les François feront que saiges de eulx bien conseiller aux anciens, s'aucuns en y a qui aient veu ce temps ou autre semblable. (Doc. 1417. In : CHART. J., Chron. Ch. VII, V., t.2, c.1437-1464, 14)

...print premier son pere par les cheveux et le mist l'espée ou corps et semblablement à sa mere, à sa femme, à ses enfans et à tous ses parens, sans avoir pitié des jeunes ne des enciens (Simon De Phares, Astrol., c.1494-1498, f° 74 v°)

Tant qu'il n'y eut ne jeunes n'ancyens Qui ne s'en tinssent totalement contens. (La Vigne, V.N., p.1495, 189)

Vieillard.

Superflue purgacion es anciens n'est pas bon signe. (Saint-gille, A.Y., 1362-1365, 100)

...c'est grant follye aux anciens d'eulx remarier (Macho, Esope R., c.1480, 203)

Au féminin.

Quoy qu'on tient belles langaigieres Florentines, Venicïennes, Assés pour estre messaigieres, Et mesmement les ancïennes ['et singulièrement les vieilles - qui ont du métier'] ... (Villon, Test. R.H., 1461-1462, 119)

Sur cest article se puet faire un argument, car quant Joseph mena la Vierge Marie en Egypte, elle monta sur un asne et toutesfois elle n'en eut nul grief. Respondy dame Sibile du Fossé que aincoires n'avoit Jhesucrist point monté sur l'asne comme il fist depuis. Replicqua une ancienne, nommee Perrette du Trou Punais, que si avoit, et que Nostre Dame l'emporta avec elle monté sur l'asne. (Ev. Quen. I, c.1466-1474, 90)

Plus ancienne

Dame Sebille, Qui est nostre plus ancienne, Est devant saincte Julienne (Desch., M.M., c.1385-1403, 112)

Les anciens. Les plus vieux.

Et ceulx mirent leur conseil ensemble, et par les anciens trouverent qu[e] ilz ne avoient oncques eu discort aux ducs de Lucembourc, ne a leurs complices, et que, puis qu'il estoit si vaillans homs et si veritables, qu'ilz le lerroient passer. (Arras, c.1392-1393, 175)

Au pluriel. Personnes âgées qui, en raison de leur expérience et de leur sagesse, constituent un conseil.

En particulier. Conseillers de villes italiennes (Florence, Gênes).

Et ainsi instituent lez Fleurentins leurs prieurs dez ars, et conseil des anciens. (Chart., L. Esp., c.1429-1430, 69)

A noz trés chiers et bons amys les anciens, conseillers et université de la cité de Gennes. (Lettres Louis XI, V., t.3, 1466, 40)

...nous escripvons presentement à noz trés chiers et grans amys les gonffanonier, anciens et conseillers de la ville, communité et seigneurie de Florence, en les pryant et requerant trés affectueusement, que... (Lettres Louis XI, V., t.4, 1471, 216)

...seroit bon que escripvissiez aux gouverneur et anciens de Gennes (Lettres Ch. VIII, P., t.4, 1495, 162)

Remarque : FEW XXIV, 637b : «anciens m. pl. 'conseillers de la ville de Gennes (Bretagne)' (1466-1471, Ba)» (la glose Bretagne est erronée, il s'agit de Gênes en Italie). On note aussi le subst. masc. plur. au sens de 'habitants les plus âgés d'une villa qui sont interrogés lors des enquêtes par turbe et sur l'application de celle-ci' dans des textes wall. de 1341 au XV^e s. (cf. J. Balon, Gd dict. de dr. du Moy. Âge, 1973, 544, s.v. anciens).

B. -Personne qui a vécu autrefois.

...Marie preceda, c'est a dire fu avant les siécles, voire avant les siécles des anges, les siécles des anciens, les siécles de ceulx qui maintenant sont et qui jamais seront. (Mir. femme, 1368, 180)

Jadis les anciens quidrent leur felicité en humaine vertu (Chart., L. Esp., c.1429-1430, 99)

...et ainsi l'ont escript plusieurs anciens qui en ycelle [la loi salique] l'avoyent trouvé escript, ordonné et constitué (Juv. Urs., T. crest., c.1446, 41)

Ancêtre, parent, grand-parent....

Nous avons oy raconter a noz anciens que en pluseurs parties sont apparues a pluseurs, tres famillierement, choses lesquelles aucuns appelloient luitons, aucuns autres les faes, aucuns autres les bonnes dames, qui vont de nuit. (Arras, c.1392-1393, 3)

Ogier j'ay nom. De vostre loy fuis jadis, et mes anchiens : de Danemarche fuy roy. (JEAN D'OUTREM., Myr. histors G., a.1400, 100)

...et nous sommes six qui avons empris ceste besoingne et qui avons veu et oy recorder par noz anciennes pluiseurs choses des viel et nouvel testament (Ev. Quen. I, c.1466-1474, 81)

Au pluriel. Les Anciens. Les auteurs, les savants, les artistes anciens ; ceux de l'Antiquité.

Car tele fourme li donnoient Li ancien qui la figuroient. (Mach., R. Fort., c.1341, 89)

...car c'est une chose qui par les anciens a ja esté escripte et publié. (Bers., I, 1, c.1354-1359, Préf. 2, 1)

Et pour ce vous veuil deviser, Seulement pour vous aviser, Comment li ancien entailloient L'ymage d'amour ou paingnoient (Mach., Voir, 1364, 7237)

...selonc les anciens (Oresme, C.M., c.1377, 38)

...si comme saint Pol le dit en l'epistre aux Rommains, que les choses qu'il [Dieu] a faictes seront veues et sceues par la creature du monde. C'est l'omme qui voit les livres lire et adjouste foy es atteurs, entendre les anciens (Arras, c.1392-1393, 3)

Or est il temps, comme je tiens, Tractier, selon les Anciens Et leurs belles tradicions, Des accidens et passions Ausquelz l'âme est tousdiz subjecte, S'elle n'est trop émée et nete, Comme sont paour, ire, tristesce, Audace espoir, joie et léesce (La Haye, P. peste, 1426, 108)

A ce propos pourroye reciter histoires sans nombre escriptes tant es rommains [l. rommans ?] et cronicques des anciens que ailleurs (Bueil, I, 1461-1466, 120)

[En appos. à un nom propre] Qui a vécu avant un autre personnage du même nom.

Yparcho l'encien fut en Grece en ce temps, stipendié de Theseus et fist la nativité de son filz, nommé Ythis qu'il ot de Progné, fille du roy Pandion. (Simon De Phares, Astrol., c.1494-1498, f° 23 r°)