ACCOMPAGNER

verbe

[T-L : acompagnier ; GD : acompaignier ; GDC : acompaignier ; AND : acumpainer ; DECT : acompagnier ; FEW (II-2, 967) : companio ; TLF (I, 398b) : accompagner]

I. -Emploi transitif direct.

A. -Qqn/qqc. accompagne qqn/qqc.

1.Qqn accompagne qqn

a)Tenir compagnie à qqn ; aller de compagnie avec qqn, faire route avec lui (par amitié, pour lui faire honneur, pour le protéger, l'assister, etc.).

Mais Courtoisie, einsi com dire doy, Le chevalier Acompaingna liement, sans dangier, Et Honneur volt la dame acompaingnier ; Lors se prirent ensamble a desraisnier. Si s'en alerent. (Mach., J. R. Beh., c.1340, 112)

Avec toi en la crois me fai ester, Toi tousjours volentiers acompengnier En pleur de cuer et gemissement (Stabat H., II, c.1350-1400, 283)

Le jour aprez, comme li jone jouvencel et li noble de Capue fussent tramis aveuques eulz jusques a la fin de leurs contrees pour eulz acompaingnier, il reporterent a leur senat aprez leur retour que encore leur sembloient il plus tristes et de plus bas courage que devant (Bers., I, 9, c.1354-1359, 6.10, 11)

Chascuns samblant d'amour li monstre, Et li firent feste gringnour Qu'à leur droit naturel signour. En son hostel le convoierent ; Moult humblement l'acompaingnierent (Mach., P. Alex., p.1369, 48)

Je vueil que vous l'acompaigniez, Car de li me suis appensez Qu'il maine trop po gens d'assez (Mir. Clov., c.1381, 213)

Sire chevalier, je vous accorde vostre requeste, puis que cy ne puis savoir ce que je desire. Je vous acompaigneray voulentiers a la court du roy. (Arras, c.1392-1393, 54)

Par les dens Dieu, je [Geoffroy] n'y menray seulement que dix chevaliers de mon hostel pour moy tenir compaignie, non pas pour aide que j'en veulle avoir contre lui [le géant] , mais pour moy acompaignier pour honneur. Et a Dieu vous commant, car je ne fineray jamais ains l'auray combatu corps a corps. (Arras, c.1392-1393, 240)

Et en tous lieux, nuit et journee, L'acompaignez [mon coeur] , sans la [une dame] laissier, Tant que j'en aye bon rapport ; Il vous couvient sien demourer, Sans departir, jusqu'a la mort. (CH. D'ORLÉANS, Ball. C., c.1415-1457, 93)

...le roy (...) luy envoya quatre des plus principaulx chivaliers de son hostel lesquielz estoyent demeurés avec luy pour l'acompaigner et n'estoyent allés a ceste guerre, car ilz estoyent fort vieilz et anciens. (Rambaux Frise S., c.1450-1475, 62)

...se firent prestz les serviteurs de madame la presidente et ses femmes qui la devoient servir et accompaigner (C.n.n., c.1456-1467, 312)

...et pour partir dudit Monsaujon et aler audit Saint-Quentin pardevers lui, pour l'acompaigner et lui aider à secourir son tres cher et amé frere monseigneur Charles de France (Roye, Chron. scand., I, 1460-1483, 197)

Et le Roy dist : 'Il n'a pas haste de partir d'ici à plus d'ung moys ; et ce pendant nous ferons ung peu de bonne chière, affin qu'il s'en aille joyeusement.' Le Roy s'esbatit toute ceste serrée et fist bonne chière au Jouvencel qui l'acompaigna tout ce moys entier. (Bueil, II, 1461-1466, 176)

...et vinrent devers iceluy messire Jacques, et luy dirent qu'ils estoient là venus pour l'accompagner à venir par devers le roy de Castille. (Faits Lalaing K., c.1470, 132)

Freres, alons accompaignher Juc aux limbes l'ame Jhesus, Qui va les peres visiter Pour les gecter du lieu confus. (Pass. Auv., 1477, 225)

Emploi absolu.

...Nostre Seigneur parmaint eternellement et acompaigne fermement jusques en la fin. (Internele consol. P., 1447, 4)

Accompagner qqn avec soi. Prendre avec soi, s'adjoindre.

Bon-cuer premier m'araisonna Et moult bel salut me donna Par doulx parler, com simples hom : Amis, dist-il, puisque Raison As avec toy acompaignie, Tu m'auras en ta compaignie Tous temps, et avec toi seray, Ne jamais jour ne te lairay (Jacques Bruyant, Voie pauvreté richesse P., 1342, 33)

Il est assavoir que se aucun homme franc est pescheur et en sa pescherie ait acompaigne avec luy ung non franc, ledit franc ne doit pas telle coustume comme le coustumier. (Commerce marit. Rouen F., Pièces justif., 1396, 235)

Congneu le gendre de la vielle extraction, ilz acompaignerent celuy avec eulx et le peuple aussi qu'il gouvernoit, lequel peuple fut depuis appelé Cornubiensio[is] et puis Cornualois pour le nom de son gouverneur qui livroit ayde a toutes batailles a Brute devant tous autres. (Percef. I, T., c.1450 [c.1340], 78)

Humber le roy des Hungres emprist la bataille a Albanaco. Il l'occist et constraint a fuir a Locrinum. Locrinus doncques oye la rumeur acompaigna avecques luy Cambrium son frere et cueilli avecques toute la jouvente du pays, et ala a l'encontre du roy des Hongres (Percef. I, T., c.1450 [c.1340], 87)

En particulier. [Le compl. d'obj. désigne]

[Une femme qui accouche] Assister.

Noble dame, vos plaist il Que je voise les sage feme querir Ou aucune persone por vos acompaingnier ? (Jeu nat. C., c.1480-1500, 169)

[Le corps d'un défunt]

...pour la procession d'avoir accompagné le corps de feu Jehan monseigneur de Lorraine, du chastel d'Angiers, jusques à ladite église (Comptes roi René A., t.2, 1451, 385)

Item je vuilz et ordonne que, ledit jour de mon obit, soient evoquees et appellees les processions des freres Prescheurs, Meneurs, Nostre Dame du Carme, du Saint Esperit et des seurs des dames de Baptant de Besançon, pour acompaignié mon corps depuis mon hostel jusques a ladicte Magdelainne et dès ladicte Magdelainne jusques audit convent des Courdeliers, et donne et legue et vuilz estre donné a chascune desdictes processions dix solz estevenans pour une foys, affin que les freres religieulx et religieuses desdis convens soient atenuz de prier Dieu pour le remide [sic] de l'ame de moi (Test. Besanç. R., t.2, 1470, 157)

[Un condamné à mort (jusqu'au lieu de l'exécution)]

Pour ce fus triste et desolee, Quant reportee Me fut la crie pour aler Le bon Jhesus accompaignher Cruxiffier. (Pass. Auv., 1477, 277)

[Un groupe de pers. en marche]

Aproche te de moy, la crye : Va pour la cité publier Que chescum viegnie acompaignier La procession de matin. (Myst. st Bern. Menth. L., c.1450, 116-117)

Bonnes gens, je vous foys sçavoir De par noustre haud et grant segnieur, Dyoclecïent l'empereur, Que tous vignient acompagnier La justice et vouer couper Les testes de ces faulx crestïens. (Myst. st Sébast. M., c.1450-1500, 210)

[Des chiens de chasse] Être avec les chiens pour les appuyer et les secourir' (Éd.).

Il [le veneur] monte a cheval a grant haste pour acompaigner ses chiens (Gast. Phébus, Livre chasse T., 1387-1389, 55)

Au passif. (Estre) accompagné de/à/avec qqn

Chastellaine, bon jour aiez, Et ceste doulce compagnie, Qui a vous est acompagnie, Gart Diex de mal. (Mir. femme roy Port., c.1342, 158)

Ilz sont de noble sanc, pour certain le saichiés, Puis que ce lÿon est a eulx acompaigniés (Flor. Octav. L., t.1, c.1356, 42)

...quant (...) Deignez ça jus estre venue Moy visiter acompagnie De si glorieuse mesnie (Mir. parr., 1356, 57)

Par le douleur duquel mon cuer fut tellement tenebreux que estre en mon paÿs m'estoit grant tourment ; et tout le temps que j'avoie avec lui esté acompaignié, a estre sans lui, se tournoit en grant traveil. (Daudin, De la erudition H., c.1360-1380, 272)

Là trouverent l'empereris, Dont plus fu liez leur esperis, Qu'elle avoit en sa compaingnie Dont elle estoit acompaingnie Maintes riches et nobles dames (Mach., P. Alex., p.1369, 35)

...car elles [les saintes ames] sont assemblées et acompagniées a la glorieuse vierge Marie (Mir. Oton, c.1370, 318)

Mon chier seigneur, honneur et joie vous doint Dieux (...) Et a ma dame la royne Que les vous voy acompaignie. (Mir. Berthe, c.1373, 185)

...lequel, un pou paravant la Toussains derrenierement passée, accompaignié de Jehan Lyenart, bouchier, demourant à Amboise, à un soir, se partirent d'icelle ville d'Amboise (Reg. crim. Chât., II, 1389-1392, 264)

Et ce que je diray est en partie pour vostre prouffit et honneur, car roy qui est acompaigniez de traicteur n'est mie bien logiez, ne ne doit pas estre trop asseur. (Arras, c.1392-1393, 56)

... [le roi] bien estoit pourveus de grande baronnie et de vaillans hommes dont il estoit acostés et acompagniés (Froiss., Chron. D., p.1400, 830)

Cedit jour, est venu ceans au Conseil le Roy de Sicile (...) accompaignié de pluseurs prelas et chevaliers (Baye, I, 1400-1410, 186)

Ouvrez les yeulz maintenant de vostre cuer, et par le jour de vraye foy regardez cest enfant au jour d'uy nez : le veez vous ? Y pensez vous ? Il est en guise d'un jeune enfant couchié en la cresche des bestes, acompaignié d'une pucellette et d'un homme ancien, Marie et Joseph (Gers., Noël, p.1404, 295)

La Vierge royne couronnee Si est d'ellë acompaignee [la glorieuse Magdaleine] Es cieulx ou est vie joyeuse. (Régn., F.A., 1432-c.1465, 108)

Et lors les citoiens yssuz et a eulx acompaignez, ilz firent au premier une grande occision. (Percef. I, T., c.1450 [c.1340], 112)

...luy sembla qu'elle pourroit aller veoir son chanoine accompaignée de sa voisine (C.n.n., c.1456-1467, 521)

...messire Jehan Le Boulenger, premier president oudit Parlement, acompaigné du greffier criminel de ladicte court, de sire Denis Hesselin, maistre d'ostel du roy, et autres (Roye, Chron. scand., II, 1460-1483, 56)

Et là trouva le Mareschal les guides, qui estoient parties le jour devant, et les amena au Jouvencel, qui estoit demouré ung pou arrière, accompagnié de Gervaise. (Bueil, I, 1461-1466, 105)

Et, pour vous dire la conclusion de ceste besongne, le Jouvencel desconfist ce cappitaine acompaigné de six cens lances et le Jouvencel n'en avoit que cent et huit et trois cens archiers. (Bueil, II, 1461-1466, 248)

Je n'eus illec gaires sejourné, quant vint dame Berthe de Corne acompaignie de pluiseurs de ses amies et voisines pour son euvangile lire et continuer, comme a ce faire estoit esleute. (Ev. Quen. I, c.1466-1474, 112)

...il luy sembla avoir esté follie d'aller parler à son serviteur et l'avoir ainsi trouvé une barrière fermée au devant de luy et accompaigné de gens d'armes, tous ses subjectz et payéz à ses despens. (Comm., I, 1489-1491, 249)

Emploi absolu.

Est-il seul ou acompaignié ? (Froiss., Chron. M., XIV, c.1375-1400, 53)

En particulier. [D'un ensemble de pers.] Être composé de.

J'estoie en une compagnie De bonne gent acompagnie (Froiss., Dits Débats F., 1363-1393, 92)

(Estre) adv. de quantité ou de qualité + accompagné (avec ou sans compl. d'agent)

Mais trop bien fu [la dame] acompaingnie De chevaliers, d'escuerie, De dames et de damoiselles (Mach., D. Lyon, 1342, 175)

Et en la premiere route il trouva le conte de Forestz et Remondin, son frere, moult noblement acesmés et acompaigniez. (Arras, c.1392-1393, 38)

...uns anciens chevaliers, moult noblement acesmés et ceint d'une ceinture a pierres precieuses et a perles, monté sur un hault palefroy lyart, noblement acompaignié jusques a douze hommes de grant honneur et de grant estat, s'en vint vers la route du conte. (Arras, c.1392-1393, 38)

Faictes venir ma fille, si orrez le service divin. Lors vint Hermine acompaignie noblement de dames et de damoiselles. (Arras, c.1392-1393, 122)

...il appert pour ce qu'il [saint Pol] se exposa lors et aprés a tous perilz constamment, et que mesmement il desiroit la mort ; et ce qu'il la fuyoit estoit non mie pour soy mais pour les autres mener a bonne voye et a salvacion : il se doubtoit qu'il ne alast pas assés acompaigniez en paradis, il n'y vouloit point estre sans ses enfans (Gers., P. Paul, a.1394, 500)

Pour certain, c'est moult belle dame (...) Acompaignie est grandement De honnestes et notables gens. (Gris., 1395, 92)

...estoit la roine bien acompagnie de dames et de damoiselles (Froiss., Chron. D., p.1400, 296)

Tant estoit forscené le felon plain d'envie Quant vit que par tourment ne te trouveroit mie, Lors fist ton col trencher pour affiner ta vie, Dont ton arme es sains cielx est bien acompaignie. (Prières saints R., t.2, p.1400, 190)

Mais ne cuidez que seule fust, Ains estoit bien acompaignee (Chr. Piz., M.F., I, 1400-1403, 65)

...et fut ledit roy d'Angleterre avecques le roy Philippe, et le servit en armes, grandement acompaigné. (Juv. Urs., Aud. celi, 1435, 206)

...et [Louis IX] passa en Angleterre bien accompaigné. (Juv. Urs., T. crest., c.1446, 143)

Je vous prie qu'incontinent ces lettres veues, vous me l'envoyiez [le prisonnier] si bien lié et garrotté, et si seurement accompagné qu'il ne s'echappe point (Lettres Louis XI, V.M., Pièces justif., t.10, 1446-1483, 286)

Dieu vous condye par sa clemence. Quant de vostre femme soucy N'ayés : quant partyra d'icy Tres bien sera accompaignie. (Myst. Incarn. Nat. L., t.1, c.1454-1474, 287)

Et, quant le roy d'Angleterre, qui n'estoit pas du tout rompu et lui estoit bien demouré encores deux mille hommes, vit messire Thomas de Percy si petitement acompaignié, il marcha droit à lui et le desconfist et mist à mort ; et, par ce, le roy d'Angleterre gaigna la bataille qu'il avoit perdue. (Bueil, II, 1461-1466, 62)

'Allons parler à messeigneurs les Mareschaulx, au Maistre des arbalestriers, à l'Admiral et aux autres seigneurs, cappitaines et gens de bien, qui sont illec, pour conclure ce que nous avons à faire. Mais, s'il vous sembloit que nous peussions aucune chose exploicter aujourd'ui, le jour est grant et nous sommes bien acompaigniez pour faire beaucoup de bien, ce me semble.' (Bueil, I, 1461-1466, 192)

En la forest y en demoura beaucoup, et entre autres se y estoit retyré monsr le connestable, qui estoit assez bien accompaigné (Comm., I, 1489-1491, 29)

...et ledit duc, estant fort accompaigné de clercs, donna ung appointement contre ledit prince, au moins comme il disoit (Comm., II, 1489-1491, 205)

Cestui fut très cler astrologien ; touteffois ils preveut mal à son cas comme plusieurs font. C'est comme, à tout grande quantité de pecune, peu acompaigné se mist en mer en la main des piractes, qui pour icelle avoir le gecterent dedens. (Simon De Phares, Astrol., c.1494-1498, f° 41 v°)

...ensemble l'artillerie aprés icelle, bien acompaignie d'un costé et d'autre de Souysses et Allemans. (La Vigne, V.N., p.1495, 284)

Et ne saurois dire si le roy fist bien ou mal ; toutesfoiz, je croy qu'il fit le myeulx d'appoincter, car il estoit jeune et mal acompaigné pour conduyre une si grand oeuvre que de reformer l'Eglise, dont il avoit bien le pouvoir, mais qu'il l'eust sceü bien faire. (Comm., III, 1495-1498, 88)

J'ay oy du costé de la Quelque fol mal acompaigné. (La Vigne, S.M., 1496, 310)

...et là arriva le conte d'Armignac bien acompaigné. (Le Clerc, Interp. Roye, c.1502, 187)

En particulier. [D'un ensemble de pers.] Être composé (de), être garni.

S'il vous faut d'aïde, Encor avés qui vous aïde : Hardement, Desir et Jonece, Loyauté, Emprise et Proëce, Leurs routes et leurs compagnies, Qui sont moult bien acompagnies Pour porter un fes grant et fort Contre Orgoel et tout son effort. (Froiss., Pris. am. F., 1372-1373, 125)

...leur bataille ['bataillon'] bien ordonnee et acompagnie de gens d'armes et d'archiers (Froiss., Chron. D., p.1400, 406)

b)Accueillir.

Icesti seigneur par si grant douceur acompaignoit touz ceulz qui venoient a lui que une foiz il blasma par jeu un homme pour ce que il li redoubtoit a baillier un libelle, aussi comme se il baillast une verge a l'elephant. (Foul., Policrat. B., III, 1372, 244)

2.Qqc. accompagne qqn

a)Occuper l'esprit, le coeur de qqn.

Cestui home [Tarquin] , qui en autres choses estoit virtueus et nobles, a ambicion et couvoitise de honeur acompegné, tout le tempz que il regna, si comme elle avoit en demandant le regne (...) n'ot pas plus grant de fermer son empire que de le croistre ou essaucier. ['l'ambition qu'il avait comme candidat l'a suivi dans l'exercice du pouvoir'] (Bers., I, 1, c.1354-1359, 35.6, 61)

Car adonques sui je acompaigné d'une grant tourbe de bonnes cogitacions et de nobles pensees. (Oresme, E.A.C., c.1370, 465)

...fors requerir tous princes et seigneurs humblement que d'icelles [glorieuses vertus] veullent estre acompaigniees (La Sale, Sale D., 1451, 114)

b)[Ce qui occupe l'esprit ou le coeur de qqn est une pensée ou un sentiment désagréable] Assaillir, hanter, obséder.

Triste plaisir et doloreuse joye, Aspre doulceur, resconfort ennuyeux, Ris en plourant, souvenir oublïeux, M'acompaignent combien que seule soye. (Chart., R. Bal., c.1410-1425, 376)

En ceste dolente et triste pensee, qui (...) m'acompaigne au lever et au couchier (Chart., L. Esp., c.1429-1430, 3)

Car Desplaisir avec Dueil angoisseux M'acompaignent combien que seul je soye. (Régn., F.A., 1432-c.1465, 156)

...lors qu'il [le conte] se party de la ville d'Arras, vous devez sçavoir que toutez lez angoisseusez doleurs, que jamais dame sentist, le vindrent adont acompaignier pour acroistre son grief tourment (Comte Artois S., c.1453-1467, 99)

3.Qqc. accompagne qqc. Aller de pair avec qqc., avoir lieu en même temps qu'autre chose, être associé à qqc..

Et aprés il parle de ignorance qui accompaigne et est avecques l'operacion et n'en est pas cause (Oresme, E.A.C., c.1370, 180)

...la savance et cognoissance qui doit acompaigner la magesté des princes (Chart., Q. inv., 1422, 62)

Yver, vous n'estes qu'un villain, Esté est plaisant et gentil, En tesmoing de May et d'Avril Qui l'acompaignent soir et matin. (CH. D'ORLÉANS, Rond. C., 1443-1460, 482)

Au passif. (Estre) accompagné de qqc.

Gettay un plaint et un souspir De parfont cuer, acompaingniés De plours et en larmes baingniés (Mach., R. Fort., c.1341, 56)

Toute apostume qui est en aucun membre principal est accompaignee de fievre (Saint-gille, Comment. A.Y. L., 1362-1365, 207)

En grant joyau plat appellé le Reliquaire de Saint-Germain-des-Prez, d'argent doré, lequel est en façon de pignon acompaigné de deux groz pillers, chascun piller à VI faces assis sur un entablement esmaillé autour de la Passion Nostre Seigneur (Ch. VI, D., t.2, 1418, 302)

Et en faisant justice, fault qu'elle soit acompaignee de misericorde (Juv. Urs., Aud. illos, 1432, 44)

Anciennement on paingnoit oroison une ymage qui (...) estoit accompaigné de IIII anges (Juv. Urs., Aud. celi, 1435, 272)

...voulenté de tyrant accompaignee de sedition et bourdes et mensonges (Juv. Urs., T. crest., c.1446, 159)

...ces parolles dictes, accompaignées de grands larmes (C.n.n., c.1456-1467, 425)

Emploi absolu.

Car tel n'est pas trop mauvais, se il n'i a autre vice acompaigné, comme injustice. (Oresme, E.A.C., c.1370, 377)

B. -Qqn accompagne qqn/qqc. à qqn/qqc.

1.Qqn accompagne qqn avec/à/de une ou plusieurs pers.

a)Admettre dans la compagnie de.

Du quel glorieux lieu elle fait participans touz ceulx et toutes celles qui devotement en ce siécle la veulent servir et amer. Ou nombre desquelx nous vueille par sa tresgrant misericorde acompaignier Dieu le pére et le filz et le saint esperit (Mir. nonne, 1345, 315)

Hommes aux anges accompaigniez seront Sans maladie ou tousjours floriront Sans plus doubler quelconque servitude [l. doubter ?] (Baudouin, Instruct. vie mortelle B., c.1431-1439, vers 7532)

Par ma foy, sire, dist l'un, nous ne sommez point de ce paÿs, mais pour la bonne renommee du roy Perceforest nous y sommes venus ; et tant l'avons servi qu'il nous a acompaignié avecq les chevaliers du Francq Palais, combien que digne n'en soyons. (Percef. IV, R., c.1450 [c.1340], 201)

Donner comme compagnon/compagne à.

Sy fist [Dieu] Adam, beau, sage et fort. Et, en aide et a reconfort, L'acompaigna d'Eve la blonde, Adfin qu'il ne print desconfort D'estre seulet emmy ce monde (Martin Le Franc, Champion dames I-II, P., 1440-1442, 148)

'Haa, Dieu glorieulx ! Dieu Seigneur Jhesucrist, qui per vostre pitié m'avés constituee en grant plaisir ; et aussy vous qui m'avés acompaignee avec le plus noble chevalier du monde...' (Belle Maguel. C., 1453, 39)

Emploi factitif.

Faire/permettre estre accompagné avec qqn. Admettre dans la compagnie de.

Ainsi feroit Dieu s'y permettoit l'omme estre acompaignié avec les angelz (Crap., Cur Deus, De arrha B.H., c.1450-1460, 195)

Fay moy (...) Pres la croix avecquez toy estre Acompaignié en celuy estre En plaingz et tristesse parfonde. (Stabat H., IV, c.1450-1500, 293)

Faire accompagner qqn de qqn. Fournir une escorte à.

Et les fist li rois aconvoiier et acompagnier de messire Thomas Wage, marescal d'Engleterre, pour la doubtance des archiers de Lincole (Froiss., Chron. D., p.1400, 154)

b)Comparer avec, mettre sur le même plan que.

Pour che aussi ycellui au contraire acompaigne les vesves esleues avec les vierges, en disant en ung sermon : 'O vierges, vous estes bieneureuses qui avéz ensievi le exemple de tant excellente Vierge', c'est de la mere de Dieu, 'mais aussi vous, vesves, estes bieneureuses qui menéz vie celeste en Jhesu Christ.' (Daudin, De la erudition H., c.1360-1380, 430)

Et certes les roys ne sont pas seulz qui maintiennent la tyrannie, car plusseurs particuliers et privez si sont tyrans quant la force telle comme il ont il occupent en choses deffendues. Et ne se merveille quelconques se j'ay acompaignié les roys avec les tyrans ; car, combien que 'roy' soit dit de 'rectitude' et de 'droit' si come il apartient a prince, toute voies son nom par abuser si chiet en fait de tyrant. (Foul., Policrat. B., VIII, 1372, 86)

2.Qqn accompagne qqn à/en/de qqc. Associer à, faire bénéficier de [un bien matériel, moral ou spirituel].

a)[Bien matériel]

Et par ceste manière peut-on juger clèrement qu'il y a aucuns de voz serviteurs et officiers qui sont participans et acompaignez desdiz frais et usures illicites. Et par ainsi n'avez vous jamais croix, et sont lesdiz offices et receptes povres et obligez et tempestez. (Doc. 1412. In : MONSTRELET, Chron. D.-A., t.2, c.1425-1440, 316)

Jugement (...) que dit que ung home veult estre paiet d'aulc un cens c'on li ont laixier a paier, ou on li esxure ; et li autre dit qu'il n'en a point a paier, pour ce que cil que vandait le cens acompaigneit sa femme de la moitiet de l'eritaige sor quoi il vandait le cens et pour ce qu'ilz avoient des enffans emsambles, lui et sa femme. Il fut dit c'on li avoit bien a paier ou esxurier. (Jug. maître-échev. Metz S.M.S., t.1, a.1494 [1370], 452)

b)[Bien moral]

Mes sires estoit ly plus grans, Ly plus beaux et ly plus poissans Du païs ains qu'il me presist, Sy que moult grant honneur me fist, Ungs homs tous fais de grant affaire, Quant jone femme toute a faire Vault a sen bien acompagnier Et se veult faire parchonnier A me folle et nice ygnorance, Et my a se tres grant vaillance. (Dit prunier B., c.1330-1350, 84)

Li rois a s'onneur acompaingne, S'il vuet, compaingnon ou compaingne. (Mach., D. Aler., a.1349, 349)

c)[Bien spirituel]

Nous, loans le bon propos et la bonne devotion dudit Maugier, volanz et desiranz le divin service estre acreu touz jours en nostre temps, et pour ce aussi que nous, nostre très chere compaigne la royne et noz enfanz soions participanz et accompaignez aus biens faiz et oroisons qui se feront en ladite chapelle, avons ottroyé et ottroyons par ces lettres, (...) que les chapellains qui ladite chapellenie ou autel desserviront en succedant l'un après l'autre, puissent tenir yceles douze livres parisis de rente acquises ou [à] acquerre en nostre censive et seigneurie (Phil. Vi Valois, Doc. paris. V., t.2, 1342, 168)

...tresdebonnaire Dame, (...) reçoy m'ame en ta benoite foy, en ta garde et en ta deffence, et la presente a ton glorieux Filz pour estre vestue de la robe de gloire et acompaignee a la joieuse feste des anges et de tous les sains. (Ménagier Paris B.F., c.1392-1394, 8)

Item, unes lettres des Chartrous du Val St Pierre comment il acompaignent Madame en tous leurs bienfais a mort et a vie (Arch. Nord, a.1400, B 146, cahier 11, f° 10, IGLF)

Item, je ordonne que les Celestins de Paris dedens l'octave de mon trespassement, ou le plus tost après que faire se pourra, dient en leur eglise vigiles de mors à neuf leçons, et le jour ensuivant messe solennele, et qu'ilz aient pour ce et pour moy acompaignier en leurs prieres et biensfaiz dix escus d'or. (...) Item, aux XVxx de Paris, que je leur laisse pour estre acompaignié en leurs prieres et biensfaiz, IIII escus. (Test. Parlem. Paris T., 1404, 374)

...mesprisés [sic] tu ne les dois [les bons] d'estre participans en ta felicité ne refusés [sic] d'estre acompaignié a ta vraie amour (Crap., Cur Deus, De arrha B.H., c.1450-1460, 270)

...pensez comme je vous ay dit aux afferes de nostre eglise, (...) en accompaignant aux prieres que ferez ma pouvre ame, qui bien mestier en a. (C.n.n., c.1456-1467, 142)

3.Qqn accompagne qqc. à/avec/de/dedans qqc.

a)Associer à.

Et lors Jahel, la femme Abner, prist un clo du tabernacle et le martel avecques et s'en vint tout coyement et li mist le clo sur la temple du chief et li feri du martel si fort que elle li ficha ou cervel en li espandant jusques a terre, et par ce acompaigna et joignit sa mort a son somme et fu mort. (Foul., Policrat. B., VIII, 1372, 107)

...ilz lez excomunient et boutent hors de Sainte Eglise, et leur denient lez sacremens, lezquelx Diex et sez Apostres, par plusieurs exortacions, poines et labeurs, et par le marthire de leur tres precieux sanc, ont mis et aconpaingnés dedans Nostre Mere Sainte Eglise. (Songe verg. S., t.1, 1378, 102)

Il a acompaigné nature humaine a sa divinité (Chart., L. Esp., c.1429-1430, 98)

Et qui demanderoit a Tullès pourquoy il acompaigne justice avec misericorde (La Sale, Salade, c.1442-1444, 9)

b)Assortir de.

...n'a pas Dieu mis en vous tant de belles vertuz sans les accompaigner d'amys et de richesses. (C.n.n., c.1456-1467, 334)

c)Accompagner plusieurs choses. Réunir, fusionner, unifier.

Si ont fait [les Sabins et les Romains] non pas [fodement] e pays, mes des deus cités ont fait une, leur royaumes ont adunés et acompaigniez, et tout l'empire des deus pueples ont reporté a Rome. (Bers., I, 1, c.1354-1359, 13.4, 21)

C. -[D'une collectivité] Estre accompagnés (ensemble). Former une compagnie, un groupe ; être réuni(s).

Adont toute la compaignie Qui estoit la acompaignie A moult haute vois s'escria : 'He Dieus ! quel miracle ci a ! ' (Mach., C. ami, 1357, 15)

Seigneurs, vous sçavés que, des le temps que le noble roy Gadiffer fut couronné, nous avons esté acompaignez tous enssamble et a tant noble ocasion comme par les veux que nous vouames a l'ostel de Pergamon l'ancien hermite qui par sa courtoisie nous fist seoir avecques ses douse niepces, ausquelles nous preismes couleur de vouer et cuer et hardement de l'acomplir. (Percef. III, R., t.1, c.1450 [c.1340], 2)

II. -Emploi pronominal.

A. -Emploi pronominal réfléchi.

1.Qqn s'accompagne avec/de/à qqn

a)Se joindre à qqn (pour faire le même chemin), s'associer à qqn.

Tous li avoir dou monde ne lou respiterait Que il ne soit pandut, car bien deservir l'ait, Et li faulz senechault qu'o lui s'acompaingnait Pour moy faire meurdrir es tornois qui fuit ja. (Lion Bourges K.P.F., c.1350, 281)

... [les 'flagellants'] furent esqumeniiet (...) et par especial le clergiet qui avoecques euls estoit et s'acompagnoit (Froiss., Chron. D., p.1400, 895)

Et ainsi que nous chevauchiemes radement, il me fut advis que ung jouvencel moult bien monté s'acompaigna avec nous et vous demanda pourquoy vous chevauchiez de tel randon. (Percef. III, R., t.2, c.1450 [c.1340], 341)

Bellorophon (...) donna congié a ses mariniers et s'acompaigna de Perseus et de Danus, qui pour l'amour de lui prindrent leur chemin vers Licie (LEFÈVRE (R.), Hist. Troyes A., c.1464, 253)

b)Fréquenter, vivre dans la compagnie de.

Pour che souvent s'acompagnon ['s'acompagne on'] Avoec les bons qu'on en vault mieux. (Froiss., Joli buiss. F., 1373, 147)

...pour soy acompaignier avec son anemy (La Sale, Salade, c.1442-1444, 96)

Accompagne toy avec les humbles et les simples, avec les devots et bien moriginés (Internele consol. P., 1447, 288)

Eschive les gens deshonnestes Et t'acompaigne des honnestes (Meschin., Lun. princes M.-G., c.1461-1465, 39)

...ceste fable enseigne a tous que les pouvres gens ne se doyvent point accompaigner des puissans gens, car le puissant n'est jamais fiable au pouvre. (Macho, Esope R., c.1480, 81)

Et, pour ce, nul ne se doyt acompaigner avecques les maulvais se il ne veult souffrir la pugnicion dont ilz sont pugnis. (Macho, Esope R., c.1480, 199)

A ce pourpoz conseille le Saige que nul prudent homme ne se doit accompaignier avecq ung mauvais ne pervers qui est son contraire, car, par ceste compaignie, il pourroit legierement perdre sa bonne renommee et aussi ses bonnes operacions. (Colart Mans., Dial. créat. R., 1482, 104)

Il est escript ou .XIIIe. livre d'Ecclesiasticque que celui qui s'acompaigne a plus grant et plus haut maistre de soy il porte sur ses espaules le plus grant faiz. (Colart Mans., Dial. créat. R., 1482, 119)

Le dessus dit apologue, fable ou facecie, quant au sens moral, veult donner a entendre a chascun homme prudent qu'il regarde bien songneusement, quant il se associera et acompaignera avecques aucun pour quelque chose faire, que celui avecques lequel il se acompaignera ne le deçoive, en regardant la fin de l'entreprinse et la sortie de la chose avant que le faire ne entreprendre. (Tardif, Apologues R., c.1493-1498, 62)

Emploi absolu.

Ensi souvent s'acompagnon ['s'acompagne on'] . (Froiss., Joli buiss. F., 1373, 98)

c)Prendre pour compagnon.

...V ans a ou environ, lui et un jeunes homs de son aage et de son tour, pionnier, repairant et demourant partout, duquel il s'estoit accompaigné (Reg. crim. Chât., I, 1389-1392, 89)

Item, dist, il qui parle, que avecques ledit Jehan Le Brun il se acompaigna deux ans ou environ par le moyen du dessus nommé Thierry, qui ouvroit lors avecques lui à servir les maçons à Saint-Martin des Champs, à Paris. (Reg. crim. Chât., II, 1389-1392, 38)

d)S'entourer de.

...de se trouver en telle sorte ainsi desguysé au devant de son roy et de son maistre et à qui estoient tous les gens d'armes dont il s'accompaignoit (Comm., I, 1489-1491, 249)

e)Se faire accompagner de.

Le second article dit que a l'aler en ville ou au moustier vous acompaignez convenablement selon vostre estat, et par especial avec preudefemmes, et fuyez compaignie suspecsonneuse (Ménagier Paris B.F., c.1392-1394, 11)

f)S'accompagner à un mari. Se marier.

...ceste dame que onques puis qu'elle fut vesve a mary ne se voult acompaignier. (La Sale, J.S., 1456, 3)

S'accompagner à femme

Remarque : Qui a fame s'accompagne, si a assez tançon (Prov. M., 1791).

2.Qqn s'accompagne à/de/avec qqc.

a)Se vouer à, se consacrer à.

Oste ton cueur tant que tu pourras de toutes choses terriennes et t'acompaigne au souverain bien que jamais ne faudra (Trés. sapience G., a.1400, 359)

...tous vrais amoreux (...) fuient a tout pouoir ce tresdesplaisant a Dieu et au monde pechié de yre, et se acompaignent a celle tres amoreuse vertu de pacience (La Sale, J.S., 1456, 20)

Et se vous acompaigniez de celle tres glorieuse vertu de charité (...) serez net, quicte et sauvé au regart de ce pechié. (La Sale, J.S., 1456, 22)

...le vray amoreux (...) laisse ce tres desplaisant pechié d'avarice et se acompaigne avec celle tresdoulce et tres amiable vertu de largesse (La Sale, J.S., 1456, 23)

Donc, par ainsi je dis que tous vrais amoureux, pour acquérir la très-désirée grâce de leurs très-belles dames, doivent fuir de tout leur pouvoir ce péché d'ire très-desplaisant à Dieu et au monde, et s'accompagner de ceste très-amoureuse vertu de patience. (Faits Lalaing K., c.1470, 17)

[En mauvaise part]

A la folie se acompaigne Qui despent plus qu'i ne gaigne (Liber Fort. G., 1346, 75)

b)S'associer à, prendre part à.

Jehan de Lassus s'acompaingna a pierde et a waingne a une demande et poursieute que Gossuins li Amiraus faisoit a Jehan le Duck a le cause de le femme le dit Gossuin (Arch. Nord, 1383, B 11486, f° 2, IGLF)

La endroit ilz trouverent delez le rivaige quatre generations natives des exilliez de Troyes, lesquelles s'estoient acompaignees a la fuite Antenoris. (Percef. I, T., c.1450 [c.1340], 78)

c)Prendre sa part de.

Il [Avis] donne conseil franc et quitte Et n'en attent autre merite, Fors ce que li juges tant face Qu'il en ait pais, honneur et grace. Et Congnoissance, sa compaingne, A tel salaire s'acompaingne, Sans demander nulle autre chose. (Mach., J. R. Nav., 1349, 259)

3.Qqc. s'accompagne avec qqn. Se trouver aux côtés de, s'allier à.

Et le hardement de toutes emprinses ou on pouoit acquerre loz et pris s'acompaigna avec moy et debouta arriere de moy toute couardie et doubtance, tellement que je puis franchement maintenir que j'aime et ay amé telle qu'il m'est bien advis qu'il n'a en ce monde pucelle qui soit a comparer a elle (Percef. III, R., t.1, c.1450 [c.1340], 145)

4.Qqc. s'accompagne à qqc. S'associer à.

Il n'est riens qui me soit estrengne, Car mon corage s'acompengne, Il le couvient, A tous deduis, quant me souvient De ma dame qui mon coer crient (Froiss., Dits Débats F., 1363-1393, 134)

Influence font [les douze signes du zodiaque] par leur umbre Quant la lune par dessous passe, Qui chascun mois tous lez compasse. En leur saisons sont vertueux, Ou debonnaires, ou crueux, Quant aus planettes s'acompaignent Et leurs rais dessus eulz empaignent. Ce scevent les phisiciens, Medecins et cyrurgiens. (Le Fèvre, Respit Mort H., 1376-1380, 33)

B. -Emploi pronominal réciproque. [De deux ou plusieurs pers. ou animaux] S'accompagner (ensemble)

1.Se grouper, s'assembler, s'associer.

Et saichiez que, quant un lou et une louve se sont acompaigniez, ilz demeurent touz jours voulentiers ensemble, et, pour quant qu'ilz aillent querir leur proye loing, l'un decza, l'autre dela, il ne sera que la nuit ne soient ensemble, s'ilz peuent, et, se non, au moins au bout de trois jours. Et tiex lous einsi acompaignez portent a mengier a leurs enfanz, einsi bien le pere comme la mere, fors que tant que le lou menjue premierement son saoul, et puis porte le remenant a ses cheaus. (Gast. Phébus, Livre chasse T., 1387-1389, 94)

La vraye et ancienne histoire nous fait mention que, quant le roy Perceforest, Gadiffer son nepveu et la jenne pucelle se furent acompaigniez enssamble et mis au chemin pour trouver le chastel invisible, ilz commencerent a errer parmy la forest a tous lez et tant qu'ilz se trouverent sy traveilliez de randir que merveilles, car ne trouverent personne qui leur sceut enseigner le lieu qu'ilz queroient. (Percef. III, R., t.1, c.1450 [c.1340], 206)

Sy vous advertis que, pour la grande renommee de celle bataille, quatre chevaliers du Francq Palais y estoient venus (...). Et s'estoient tous quatre acompaigniez en celle feste par leurs escus, qu'ilz recognurent. (Percef. III, R., t.2, c.1450 [c.1340], 299)

Souvent advient que le mal que l'on procure a autruy vient a celluy qui le procure, ainsi qu'il appert par ceste fable de troys compaignons, dont les deux estoient bourgois et l'autre laboureur, lesquelz se acompaignerent ensemble pour aller au Saint Sepulchre. (Macho, Esope R., c.1480, 236)

L'esmerillon et l'esprivier, une fois, s'accompaignerent ensemble et promirent que, de toute la proye qu'ilz prendroient, ilz la departiroient ensemble socialement. (Colart Mans., Dial. créat. R., 1482, 173)

2.Aller ensemble, de compagnie.

'...Sire, dist Estonné, s'il vous samble que je soie Estonné, il m'est advis aussi que vous estes le Tors, comte de Pedracq. - Par ma foy, sire, dist le chevalier, vous avez dist vray. A la bonne heure soyons nous acompaigniez enssamble !' Atant se prindrent a festoier l'un l'autre. (Percef. III, R., t.2, c.1450 [c.1340], 30)

L'asne sauvaige et le sengler accompaigniez ensemble trouverent un seigneur errant par la forest, lesquelz lui dirent : 'Sire, aide nous, je te prie, et nous donne droitturier jugement.' (Colart Mans., Dial. créat. R., 1482, 260)

Pour passer temps et gayement s'esbatre, Aprés disner ung jour s'acompaignoyent (...) environ troys ou quatre Gentilz gallans, qui en mer se baignoient. (La Vigne, V.N., p.1495, 177)

3.Entretenir des relations amicales.

...et tellement se acompaignerent et amerent que deux freres ne peussent mieulz (La Sale, J.S., 1456, 142)

III. -Emploi transitif indirect. Accompagner à qqn. Tenir compagnie à.

Vous veez que je n'ay que ung oeyl, dont j'ay tresgrant desplaisir. Et pour ce que je n'ay pas tous mes membres, j'ay grant paour que je ne soye pas dignes d'acompaigner a ung si grant seigneur parfait. Toutesfoiz si vous jugiez que je lui doye tenir compaignie, je suis tout prest, ne je ne pourroie avoir plus grant joye. (Mézières, Songe vieil pèl. C., t.1, c.1386-1389, 237)