ABLE

adjectif

[T-L : able ; GD : able ; AND : able ; FEW (IV, 365b) : habilis]

A. -[D'une chose] Able à. Propre à, disposé pour.

Car le droit estat d'innocence Ressamble proprement la table Blanche, polie, qui est able A recevoir, sans nul contraire, Ce qu'on y vuet peindre et pourtraire (Mach., R. Fort., c.1341, 2)

Joachim avoit un vergier Les sa maison, qu'onques bergier Ne fist, car trop fu delitables Et a tous fruis de delit ables. (Mach., C. ami, 1357, 4)

De ceste legiereté, le soleil est able a soy mouvoir, car les choses legieres sont de plus grant mouvement que les pesantes. (Corbechon, Soleil Lune S., 1372, 346)

Ceste ysle de Bretaigne (...) a ses champaignes espandues communement et ses montaignes ables a tresnobles cultures (Percef. I, T., c.1450 [c.1340], 62)

Dame (...) Bien vous congnois desdont que je vous feis de la plus pure, de la plus nette et de la plus subtille matiere dont je ouvrasse pieça. Et tant la trouvay bonne et able a ouvrer que voulentiers en eusse fait ung homme, mais j'avoye pou de matiere, sy ne l'ouzay tant esprouver ne espurgier en la forge qu'elle fust able a ce que deffaute n'y eust. (Percef. IV, R., c.1450 [c.1340], 574-575)

Approprié, qui convient.

La medechine est pourfitable Quant elle est donnee en tamps able ; Aussi est li vins bons a boire Qui le boit en able tempoire, Mais qui a caude maladie Et il en boit, il fait folie. (Ovide remede amours H., p. 1300 [1400-1430], 53)

Al engliese donnat les privileges able (JEAN D'OUTREM., Geste Liège B.B., t.4, a.1400, 688)

B. -[D'une pers., de son corps, de son comportement...]

1.Habile, agile.

Ire (...) Leva son piet legier et able, Tout geta en un mont sans fable. (Jean De Le Mote, Voie d'enfer P., 1340, 50)

Lors prist la dame une maniere Able, diligent et maniere De parler par si bel devis Qu'il estoit a chascun avis Qu'elle veïst tout en escript Ce qu'elle disoit et descript. (Mach., J. R. Nav., 1349, 185)

Car je fourme un corps si tres able, Si grascïeus et si joli Que vis sera bien a cheli [dieu d'Amours] Qu'il ne trouvera la parelle. (Froiss., Par. am., c.1361-1362, 51)

Elle, qui eut les mains moult ables, En fu la droite parçonniere. (Froiss., Pris. am. F., 1372-1373, 78)

Et cil qui ot corps able et joint Est a la terre descendus. (Froiss., Méliad. L., t.1, 1373-1388, 101)

...et, comme il estoit preu et actif en armes, il avoit gentilz compaignons de meismes, sages, vaillans, appers et ables et tous adviséz de leur fait (Molinet, Chron. D.J., t.1, 1474-1506, 67)

Remarque : Myst. process. Lille K., t.2, a.1485, 26/519.

2.Par extension.

a)Apte, capable, qui présente les qualités requises.

Se tu ies ables et propisses D'aucun art (Froiss., Joli buiss. F., 1373, 52)

...le dit persone commanda son chapellein de publicer en le pulputte le dymeinge devant, a tous ses parochiens q'estoient ables, q'ils deuissent lour faire prestes en lour meillour manere pur venir ovec lui mesmes en resistence de ma droit (Lettres agn. L., 1402, 100)

Or sus, seigneurs, mettés la main a l'oeuvre la ou nature vous a fait ables ! (Percef. IV, R., c.1450 [c.1340], 967)

Able à / de / pour + inf.

Et, affin que vos soiies plus aybles de conoistre les pois dont ons soie doit, en che cas, aidier, vuelhies savoir que li livre collengnis, dont les marchans usent, doit pesseir II mars, le marc IIII firtons, le firton II onches, ly onche II quinziens, le quinzien II setins, le setin V esterlins. Enssi appert que ly marc poise VIIIxx esterlins, ly firton, XL, ly onche XX, ly quinzien X, et le setin V esterlins. (Hemricourt, Patron Temp. B., c.1360-1399, 142)

...chils François Acremen estoit mout ables pour embler, pour eskieller et pour faire des soutieues emprises, et tenoit et avoit dalés lui gens et conpaignons mout ables et soutils à ce faire (Froiss., Chron. R., XI, c.1375-1400, 218)

[D'un cheval, d'un oiseau de chasse...]

Il ne te fault fors bien amer Les oiseaux qui sont afaitables, Qui a prendre autres sont plus ables, Comme espreviers, esmerillons, Toute maniere de faucons (La Buigne, Rom. deduis B., 1359-1377, 151)

Montés estoit sus .I. coursier Oultre mesure able et legier, Et bien tourné pour porter painne, Car il avoit si longe alainne Que, pour courir le plus d'un jour, Gaires ne vosist de sejour. (Froiss., Méliad. L., t.1, 1373-1388, 4)

b)Able à/de. Disposé à.

D'estre hiermit ou reclus ay-je le corage able (JEAN D'OUTREM., Geste Liège B.B., t.2, a.1400, 622)

Puis revenoit à Liege quant à che astoit able (JEAN D'OUTREM., Geste Liège B.B., t.2, a.1400, 644)

Able en

Ore a li mors mort le franc homme (...), Le plus able en tous biens faisant (Jean De Le Mote, Regr. Guill. S., 1339, 41)

c)Accompli, parfait.

[Du corps]

Ly rois regarde Elaine que sy ot le corps able. (Belle Hélène Const. R., c.1350, 181)

[De la pers. en gén.]

Aies le coer [courtois et honnourable], Et selonc ce que tu poes te fait able. (Froiss., Rond. B., c.1365-1394, 67)

d)Able à. Leste, prompt à.

Mais Envie est toudiz si able A males parroles retraire Que nulement ne s'en puet taire. (La Buigne, Rom. deduis B., 1359-1377, 164)

Chascun de nous soit prompt et able A mettre jus de saintuaire. (Molinet, Myst. st Quentin C., c.1482, 328)

Si leste (que)....

Mais oncques tant l'engin n'ot able Qu'il peulst congnoistre en medicine D'un seul petit remedde signe. (Chast., Temps rec. D., 1451, 49)

Remarque : Mot rare au XV^e s.