ESTROIT

adjectif

[T-L : estroit ; GD : estroit1 ; GDC : estreit ; AND : estreit1 ; DECT : estroit ; FEW (XII, 298b) : strictus ; TLF (VIII, 302a) : étroit]

I. -[P. oppos. à large]

A. -Au propre.

1.Peu large.

a)[D'un chemin, d'un passage]

Je vi venir par une estroite voie, Pleinne d'erbette, Une dame pensant, toute seulette Fors d'un chiennet et d'une pucelette (Mach., J. R. Beh., c.1340, 59)

Et quant riens plus ne ressongnay, A deus genous m'agelongnay Emmi la sentelette estroite, Les mains jointes, la face droite Vers le lieu precieus et digne Qui m'estoit apparence et signe A l'esperence que j'avoie Que la ma dame trouveroie. (Mach., R. Fort., c.1341, 117)

Le paumier est de sa nature estroit et gresle par dessoubz et large par desseure. (Mir. st Guill., c.1347, 4)

...l'air atrait dedens est expellé, et fait son par dehors, pour ce qu'il yst par estroit pertuis. (Saint-gille, A.Y., 1362-1365, 101)

Et, par ma foy, je ne croy mie Qu'il ait ou monde entierement Si fort païs, car vraiement On y entre par II. destrois Qui sont rostes, longs et estrois ; Grans montaingnes a tout entour, Et maint chastel et mainte tour... (Mach., P. Alex., p.1369, 47)

Il cuidoient certeinnement Que nostre crestienne gent Fussent si fort et si yniaus Qu'il fussent jà sus les creniaus. Pluseurs des nostres s'essaierent Au pertuis, mais pas n'i monterent, Pour ce qu'il estoit si estrois Qu'il n'en y pot monter que trois. (Mach., P. Alex., p.1369, 89)

Et est possible que la ligne qui contient .c. est double a celle qui contient ou termine .b. pour ce que .c. est a l'avenant plus longue et plus estroite et, par consequent, ceste ligne est quadruble a celle qui termine .a. (Oresme, C.M., c.1377, 392)

Et ainsi qu'il regardoit quant Gieffroy ystroit du cavain, si apperceut une route de gens de cheval qui entroient en la carriere par ou Gieffroy venoit ; et estoit la carriere si estroicte qu'a paines si povoient entrencontrer deux hommes de front, et aucunesfoiz, quant les chevaulx estoient grans, il en failloit retourner l'un. (Arras, c.1392-1393, 199)

...et si [le géant] est par cy entrez, aussi ferai je [Geoffroy] , comment qu'il en adviengne. Lors laisse la lance couler aval, et tint le fer en la main, et entre les piez devant ou pertuis, et se laisse couler aval la lance. Et quant il vint au fons, si print la lance par le fer, et s'en va par my un estroit sentier, et voit au long grant clarté. (Arras, c.1392-1393, 265)

A ce propos Jhesucrist dit En l'ewangille ou n'a mesdit, Que plus tost un chamel chargié Yroit, sans estre deschargié, Par mi l'estroit et petit huis De l'eguille, qui a pertuis Bien petit, que un riche n'iroit En paradis, car lui nuiroit Sa richece. (Chr. Piz., Chem. estude P., 1402-1403, 197)

Et vint a ung sentier large en bas et estroit a monter par lez dunez et montaignez qui haultez estoient et si malaiseuses a monter qu'il doubtoit moult le voyage, car tant plus monta et plus trouva le chemin estroit et rompu dez eauez, lesquellez se degoutoient par la. (Saladin C., c.1465-1468, 117)

...car en la tour n'avoit qu'une entrée d'ung huys très estroit, hault en la tour, bien cloz et bien serré. (La Marche, Mém., II, c.1470, 305)

[Dans un cont. métaph.]

Et la Sainte Escripture dit que la voie de perdicion est lee et la voie de salu est estroite, etc. (Oresme, E.A.C., c.1370, 361)

La porte par qui on entre en vie beneureuse est petite, estroicte et penible, et se fault bessier, humilier et courber ses membres en mesaise, et en angoisse. (Chart., L. Esp., c.1429-1430, 26)

[D'un endroit] Qui offre peu de passage.

...ilz (...) mistrent ce Jaques en estroite prison (Froiss., Chron. M., XII, c.1375-1400, 209)

A l'oppinion desquelx on pourroit dire que ung homme n'a pas bon sens, qui est en joies et delices du monde come en jeunesse garnie de franche voulenté, et de son propre mouvement, sans necessité, trouve l'entree d'une estroicte chartre douloureuse et plaine de plours et se boute dedens (Quinze joies mar. R., c.1390-1410, 1)

Et telz y a qui jour et nuit sont par les bois et par les champs a chacer les bestes et au gibier des oiseaulx, et les aultres rompent chevaulz au pourchaz des offices, des estaz, des chevances et de leurs autres plaisirs, qui pour honneur acquerir et leur naturel devoir acquiter ne laisseroient le repos d'une nuit ne ne souffreroient le dangier, estroit ou messaisé hebergement. (Chart., Q. inv., 1422, 15)

Qui offre peu de passage.

...aulcuns compaignons aventureulx (...) chevaulchoient sus le pays pour trouver aulcuns bons prisonniers. Aultre chose ne ramenoient-ilz en leur fort, car ilz ne peurent pour les estroittes montaingnes et divers passages où ilz passoient (Froiss., Chron. M., XIV, c.1375-1400, 191)

b)[D'un objet]

Sollerz prinst estrois et nouveaux, S'en fu plus faitis et plus beaux, Et quant en son estant estoit, Sy fierement se restendoit Que le corps il avoit plus grant Plaine pasme que par devant, Ensy qu'en regardant sambla. (Dit prunier B., c.1330-1350, 56)

Or est ce siege si estroit Que .II. y sont a grant destroit (Chr. Piz., M.F., II, 1400-1403, 4)

Ilz furent contens de prendre ces chemises de l'oste, qui estoient courtes et estroictes (C.n.n., c.1456-1467, 399)

...un casier, c'est ung garde menger a la façon d'une huche, long et estroict par raison et assez profund. (C.n.n., c.1456-1467, 443)

c)[D'une partie du corps]

Son front estoit Blanc et poli, ne fronce n'i avoit, Sans vice nul compassé si a droit Que trop large n'estoit, ne trop estroit ; Et si sorcil Qui estoient de taille trés gentil Dessus le blanc sambloient un noir fil, Dont il fussent prisié entre cent mil. (Mach., J. R. Beh., c.1340, 69)

B. -Par analogie. au figuré.

1.[D'une durée] Resserré, restreint, limité à un moment.

La vie est briefve, l'art est lonc, le temps estroit et court, l'experient paourable ou faillable, le jugement plain de difficulté. (Saint-gille, A.Y., 1362-1365, 53)

2.[D'une somme] De peu d'importance, maigre.

'...Jamais je ne cuidoye, Ne nul autre ne le croiroit, Qu'en amer, ou chascun s'employe, De prouffit n'eust plus grant exploit (...).' Amours savoir ne me devroit Mal gré, se blasme ses mestiers ; Il verroit mon gaing bien estroit, Mais qu'eust visité ses papiers. (CH. D'ORLÉANS, Ball. C., c.1415-1457, 153)

C. -Au figuré. [Idée de restriction, de secret, d'intimité]

Intime.

Vray Dieu, pére qui es sanz fin Et aussi sanz conmencement, Qui separas le firmament Et de la terre et de la mer, Qui tant volz homme humain amer Que le feis a ta samblance Et li donnas avoir puissance Et seigneurie en cestui monde Sur toute rien qui y habonde Et le meis en si noble estre Conme est le paradis terrestre, Duquel lieu il fu hors chacié Aussitost conme il ot pechié, Et nient moins tu l'amas tant, sire, Qu'en l'estroit secré du consire Divin fu fermé et escript Que Dieu seroit et homme et Crist Et homme Crist et Dieu seroit Qui le meffait amenderoit Que pour pomme avoit fait jadis, Par quoy il avroit paradis (Mir. mère pape, c.1355, 375)

Estroit conseil. Conseil privé, restreint, intime.

Pour ce je conseil a tout fuer Qu'il [Pitié, Grace et Misericorde] soient du conseil estroit (La Buigne, Rom. deduis B., 1359-1377, 141)

Si te diray comment il font Quant de l'estroit conseil il sont De roys, de princes, d'emperieres (La Buigne, Rom. deduis B., 1359-1377, 162)

Je sui li confors des amans Qui font les amoureus commans ; Je les aide ; je les conseil ; Je sui de leur estroit conseil ; Je les deffen ; je les deporte ; Je les secour (Mach., R. Fort., c.1341, 78)

Entreus que ces mandemens et ces assamblées se faisoient, le roy d'Angleterre et le duc d'Irlande eurent entre eulx deux ung estroit et secret conseil (Froiss., Chron. M., XIV, c.1375-1400, 52)

...ilz furent de son estroit conseil et du plus privé, car sans eulx ne leur conseil il ne passoit riens non de choses appartenans à sa guerre. (Froiss., Chron. M., XIV, c.1375-1400, 104)

...c'est l'inquisiteur et lustrateur de leurs infinis abismes et parfons secres qui est de leur conclave et estroit conseil. (Robertet, Oeuvres Z., c.1450-1500, 130)

...il envoya vers elle ung gentilhomme de son estroict conseil, affin de luy remonstrer bien au long le desplaisir qu'il avoit (C.n.n., c.1456-1467, 237)

Actendons encor ung petit S'il dira riens a l'appetit, Et, quant il ara achevé, Bien ratissé et bien bavé, Nous nous en yrons a retraict Tenir ung beau conseil estrect Pour y mectre provision. (Myst. Pass. Troyes B., a.1482, 395)

Ainsi semblablement autant en dist à Permaneus, qui jamès ne l'eust cuidé, pour ce qu'il estoit de l'estroit secret conseil et des mieux amez de Alexandre. (Simon De Phares, Astrol., c.1494-1498, f° 63 r°)

Au plus estroit du conseil. Au point le plus fort, le plus important, au coeur du conseil.

Mais a leur parler bassement Pris un petit d'aligement, Pour ce que je bien percevoie Que leurs consaus estoit de joie ; Car d'eures en autres rioient. Et a ce droit point qu'il estoient Au plus estroit de leur conseil, Avis me dist : 'Je vous conseil Que ceste dame resgardez Et songneusement entendez Aus drois poins de sa qualité...' (Mach., J. R. Nav., 1349, 277)

Estroit conseiller. Conseiller intime.

...fut à merveilles estymé du roy Pippin et le tenoit pour son estroit conseiller, parce qu'il veoit les choses qu'il disoit tousjours ou le plus souvent venir à la verité. (Simon De Phares, Astrol., c.1494-1498, f° 104 v°)

Parler à qqn d'estroit conseil. Parler à qqn en secret.

...g'y vueil en l'eure aler D'estroit conseil a vous parler. (Mir. emper. Romme, 1369, 266)

II. -[P. oppos. à lasche]

A. -Au propre. Qui tient serré.

1.[D'un lien]

Or a trouvé, s'il vous plaist, consillier Bon et loial ; laissiez le consillier ; Si ferez bien. Car il est pris en si estroit [var. destroit] lïen Qu'il n'i scet tour d'eschaper, ne engien. (Mach., J. R. Beh., c.1340, 129)

...que ne puis croire Qu'onques amans fust en tel point, Ne de parler si mal a point. Car je n'i savoie moien, Tant estoit en estroit loien Mes cuers qui de paour trambloit. (Mach., R. Fort., c.1341, 27)

Emploi adverbial. Estroit/à l'estroit. De façon serrée, étroitement.

...dont sailli Giefroy le potier avant et print Aigre par le poing et dist : 'Seigneurs, je vous prie que vous me loiez cestui bien estroit, car c'est l'omme aujourd'ui que je plus hay'. (Bérinus, II, c.1350-1370, 56)

Adont reprist casquns son cheval, et le recengla a l'estroit (Froiss., Chron. D., p.1400, 618)

Nous sommes de tout bien pourveu, N'ayez peur, point n'eschappera, Si estroit on le liera Qu'il n'y faulra point rennoier. (Marcadé, Myst. Pass. Arras R., a.1440, 149)

Actendez Qu'il soit lÿé bien et estroit. (Gréban, Pass. J., c.1450, 320)

Il le fault lÿer seurement Et tenir estroit, quoy qu'il soit (Myst. Pass. Troyes B., a.1482, 708)

Tenir qqn à l'estroit. Ne pas donner à qqn ce qui lui revient de droit.

...car avoit des enfants jà venus en eage d'homme, qui voulurent avoir ce qui leur estoit eschu de leur mère et non le souffrir désormais en la main de leur père, qui les avoit tenus à l'estroit jusques à là. (Chastell., Chron. K., t.4, c.1456-1471, 219)

[Dans un cont. métaph.]

Et toy, Pucelle beneurée, Y dois-tu estre obliée, Puis que Dieu t'a tant honnorée Que as la corde desliée Qui tenoit France estroit liée ? (Chr. Piz., J. d'Arc, 1429, 32)

Estre à l'estroit de qqc. Être en manque de qqc..

...et estoient bien à l'estroit de plusieurs vivres (Escouchy, Chron. B., t.1, c.1461-1472, 6)

2.[D'un vêtement] Juste, peu ample.

Fui la mignotise des pucelles lesquelles aornent leurs chiefz, qui laissent leurs cheveulx espars, qui polissent leur peau, et font manches estroites et vestemens sans fronche ou aultres abillemens cueilliés, affin que soubz le nom de vierge apperent plus vendables. (Daudin, De la erudition H., c.1360-1380, 386)

Et afin qu'elle semble droicte, Lui fault faire sa robe estroicte Par les flans et soit bien estraincte, Afin qu'elle semble plus joincte (Desch., M.M., c.1385-1403, 49)

...jeux trop renvoisiéz, toutes dances, estroites robes, et toutes jolivetéz lui sont veés et deffendues, et quoy que elle soit joyeuse par nature et que jonnesce l'amonneste de jouer, de rire et chanter, si convient il, s'elle veult garder honneur, qu'elle s'en deporte au moins (Chr. Piz., Trois vertus W.H., c.1405, 89)

Meismes li dus d'Orliens pour yaus à abuser En prist une [une robe] pour li et vot dedens entrer (...) Mais trop li fu estroite, comme il vot pourposer, Pour tant le desviesti et s'en vot escuser Que pour l'estroiteté ne poroit ens durer. (Geste ducs Bourg. K., c.1410-1419, 273)

Il [ce vêtement] est bien estroit par les hanches Et si sont bien estroictes les manches Au bout de l'aune fault le drap (Myst. st Martin K., a.1500, 313)

Emploi adverbial. D'une manière très ajustée.

Car ceste gent dont ci propos Furent moult joint et moult poli, Gent, cointe, faitis et joli, Si espincié, si crespelet, Si bien pingné, si blondelet, Si tressaillant, si trés mignot, Si estroit chaucié au lignot, Si virolé, si envoisié, Qu'il avoient non Frere aisié, Et sambloit, ce me dit l'acteur, Que de la boite a l'enchanteur Fussent sailli, quant il venoient En chambres ou dames estoient. (Mach., D. Lyon, 1342, 203)

3.Accoler/serrer qqn estroit. Serrer qqn fort dans ses bras.

...maiz de ses bras si estroit me serroit que je sentoye mon cueur au dedans destraint comme en presse (Chart., L. Esp., c.1429-1430, 3)

Adont elle l'acolla plus estroit que devant, luy joygnant pres de ses tetins et luy baisant la bouche et les yeulx, plourant a lermes, destournans et soupirans moult parfondement (Chastel. Vergier S., c.1450-1480, 101)

B. -Par analogie.

1.[Cont. militaire]

Mettre à l'estroit/tenir en estroit une ville assiégée, des assiégés. Asseoir le siège de façon serrée, de façon que la ville soit réduite à merci.

...et pour mettre plus à l'estroit ceux qui estoient retraits, vinrent loger tout à l'entour de ladite place, par devant et par derrière. (Chastell., Chron. K., t.1, c.1456-1471, 146)

... [le duc] vit que son siège n'estoit pas assez près de la ville pour la tenir en estroit (Chastell., Chron. K., t.3, c.1456-1471)

[D'une troupe] Encercler (une troupe).

Et adont fu la bataille dou roi recullée ; mais li avant garde et li arière garde à deux elles passèrent oultre et encloïrent ces Flamens et les missent à l'estroit. (Froiss., Chron. R., XI, c.1375-1400, 54)

Emploi substantival. La presse (d'une bataille).

Entre Griex se ferirent ; grans fu li estrois De gens et de cevaus, de cheüs et de drois. (Bris., Restor paon D., a.1338, 63)

2.[D'une douleur] Qui serre, qui oppresse, pénible.

...fors que en son cuer avoit douleur enclose que se briefment n'y estoit pourveu sans remede que en dengier estoit de mort, car par celle estroicte doleur en elle se morroient tous les esperilz naturelz respondans a son cuer et que ja presques tous estoient oppillez. (La Sale, J.S., 1456, 241)

3.Qui serre au plus près l'argent, avare.

Mon seigneur n'est ne mon evesque [Thibault d'Aucigny] , Soubz luy ne tiens s'il n'est en friche ; Foy ne luy doy n'ommaige avecque, Je ne suis son serf ne sa biche. Peu m'a d'une petite miche Et de froide eaue tout ung esté ; Large ou estroit, moult me fut chiche : Tel luy soit Dieu qu'il m'a esté ! (Villon, Test. M., 1461-1462, 24)

4.Emploi adverbial. Tenir estroit qqn/un aspect de la pers. Serrer d'une manière pénible.

Mout me tient estret En aspre destret Son regart qui tret M'a et navré sans retret, Où ne faut entret, Fors qu'.J. dous attret De sa bouche tret, Par amours pourtret. (Mach., Les lays, 1377, 309)

Mais endurer ce grief fais Me fait ma dame plaisant, Quant ne puis, n'en dis n'en fais, Plaire à son viaire gent. Ce tient mon cuer si estroit Qu'assés miex partir vaudroit En .IJ. que vivre en tel dueil. (Mach., Bal., 1377, 548)

...Et d'autre part de sa science, C'est qu'il doit mettre en ordenence Son penser, son fait, son parler En la fourme de bien celer, C'est assavoir des poins estrois Ou Amours tient mains cuers estrois [var. destrois] Et meins autres liez et joians, Quant sont de leur amour joians. (Mach., D. Aler., a.1349, 247)

C. -Au fig..

1.[Idée de rigueur]

a)[De la loi, de la justice, d'un système de gouvernement, d'un accord, d'un ordre...] Rigoureux, strict.

Pour ce donnons estroit commandement Aux officiers de nostre Parlement Qu'ilz le traittent et aident doulcement (CH. D'ORLÉANS, Ret. am. C., 1414, 15)

On parle de religion Qui est d'estroicte gouvernance (CH. D'ORLÉANS, Ball. C., c.1415-1457, 158)

Nous avons ouy ou chapitre precedent du dernier estroit jugement. (Miélot, Spec. hum. salv. L.P., 1448, 157)

C'est une bien estroicte rigle Et dure a jeunes enffançons (Gréban, Pass. J., c.1450, 80)

Laquelle chose se doit juger en Dieu plus aimable correction que estroicte sentence. (Chastell., Chron. K., t.1, c.1456-1471, 23)

Les loix estroictes prescher seulent [les faux prophètes] , Mais en riens garder ne les veulent ; Ilz lyevent estatus grevains, Et sont ceulx qui en font le moins ; Les grans fardeaulx au peuple affulent, Mais au porter tousjours recullent (Myst. Pass. Troyes B., a.1482, 589)

[D'une défense]

Et pour tant curieusement on y entendy que ne de l'un, ne de l'autre ne pust oyr nouvelles, Et en fit-on défense à chacun toute estroite. (Chastell., Chron. K., t.4, c.1456-1471, 217)

[D'une pers.] Qui cache ses pensées, qui ne se confie pas.

Aulcuns sont aussi tant muchiez et estroitz en leurs secretz qu'ilz ne s'en osent descouvrir a homme (Fillastre, Traité Conseil H., c.1472-1473, 173)

Emploi adverbial. Sévèrement.

...j'ay esté là où on a examiné dix ou douze des gens du duc d'Alençon et interrogé très-estroit (Chastell., Chron. K., t.3, c.1456-1471, 430)

Rigoureusement.

Praticque de paix continuoit plus estroit entre le roy et le conte de Charroloys que ailleurs, pour ce que la force gisoit en eulx. (Comm., I, 1489-1491, 74)

Locution adverbiale. À l'estroit. Strictement.

Ceste abbesse sceust bien introduire ses nonnains et leur faire tenir les edits et status de lordre [l. l'ordre] si a lestroit [l. l'estroit] que chascun le doubtoit fort. (Miélot, Mir. N.D. W., 1456, 73)

b)[D'une prison, d'un système de surveillance]

Si que, chiers sires et amis, Tu es pris de tes annemis, Mais trop as estroite prison. Si croy que c'est sans mesprison, Car attrais n'iès pas de nature Que faire doies mespresure, Au mains tele ne si notable Com pour estre en lieu si grevable, Ja soit ce que nature enseingne Qu'homme ne soit qui ne mesprengne. (Mach., C. ami, 1357, 59)

...il n'est si estroicte garde au monde qui peust destourber n'empescher la femme oultre sa volunté a faire son plaisir. (C.n.n., c.1456-1467, 562)

...fuz accusé avec les aultres, mes compaignons, d'avoir esté cause et moyen de la sedicion, pour quoy je fuz mis en prison estroicte (C.n.n., c.1456-1467, 575)

c)[D'un style de vie] Austère, dur.

...nulz ne voue ne promet sy estroitte povreté comme celle qui est evangelicque. (Pierre De Reims, Vie ste Colette U.A., 1447, 47)

Quoy que vie mainent estroicte [les Célestins et les Chartreux] , Sy ont ilz largement entre eulx Dont povres filles ont souffrecte, Tesmoing Jacqueline et Perrecte, Et Ysabeau qui dit : 'Enné' ! (Villon, Test. M., 1461-1462, 123)

d)[D'un danger] Menaçant.

...aucuns couvertement maintenoient que son cas estoit vilain [d'un criminel qui demande la franchise de Valenciennes] , mais ne vouloient point faire fait pour cause de l'estroit danger. (Chastell., Chron. K., t.3, c.1456-1471, 41)

[D'un fléau] Grave, pesant.

...à recorder (...) la très-estroite povreté en quoy ils estoient, ce fut merveille comment si valeureusement encores osoient, ni pouvoient résister à un tel effort (Chastell., Chron. K., t.1, c.1456-1471, 300)

e)[De propos, d'une façon de parler]

Estroit. Laconique.

Lors que j'ai la balade dit, Ma dame sans nul contredit Y replika .II. mos ou trois Et me dist par parlers estrois (Froiss., Espin. amour. F., c.1369, 154)

Emploi adverbial.

Estroit. Posément, avec une certaine lenteur.

Item, le magnanime se meut et va pesanment et lentement. Et avecques ce il a grosse voiz et parle estroit a loisir et ordeneement ; car celui qui se occupe en poi de besoingnes n'est pas hastif ne poursaillant ne tost mouvant. (Oresme, E.A., c.1370, 256)

À l'estroit. Sèchement.

...la Royne (...) la requist derechief V ou VI fois [la cousine du roi, en lui demandant de quitter le lit du roi] , laquelle luy respondy à l'estroit qu'elle ne se mouveroit jà du lit que le Roy ne fust aincois levé. (Miélot, Mir. N.D. W., 1456, 105)

2.[Idée d'importance, d'urgence]

Estroit. Important, urgent, pressant.

...en délibération si estroite [vous] me demandez conseil comment mieux pourrez faire, je vous conseille doncques... (Chastell., Chron. K., t.4, c.1456-1471, 284)

...ledit cognoisseur des secrets, voyant l'estroite interrogation du seigneur (...) luy alla révéler ce que savoit. (Chastell., Chron. K., t.4, c.1456-1471, 451)

Emploi substantival.

L'estroit de qqc. La partie essentielle de qqc..

Et là venus, convinrent en chambre close, là où par belles et maintes raisons alléguées, et pour venir à leurs fins parentendues, commençèrent à cheoir en l'estroit d'alliance pour le roy leur maistre (Chastell., Chron. K., t.4, c.1456-1471, 157)

À/en l'estroit de qqc. Au moment critique, décisif de qqc..

...luy-mesme avoit esté au lieu là où il avoit tout vu et oy ce qui en estoit advenu et mesme visité les murailles entamées et adommagiées par l'ennemy de Dieu, là où Dieu fit et demonstra ses miracles à son peuple à l'estroit de la besongne, comme par l'universelle crestienté, il fut annoncié alors aux princes et aux rois par les voisins (Chastell., Chron. K., t.3, c.1456-1471, 111)

Mais maintenant, pour cause que le roy les reprenoit en sa main comme propriétaire, il leur estoit force de eux rendre à luy arrière et de luy faire hommage, combien que multitude d'iceux avoient coeur fixe et rassis en leur dilection première, là où infailliblement se fussent rendus en l'estroit de l'affaire s'ils s'y fussent trouvés. (Chastell., Chron. K., t.4, c.1456-1471, 400)

Au plus estroit point de qqc. Au moment/au point crucial de qqc., dans la phase critique de qqc..

...voiant son aveuglement, au plus estroit point de sa folie, [fortune] lui monstra son aveuglance (Chastell., Chron. K., t.3, c.1456-1471, 331)

[D'une chose] Mis en estroit. Arrivé au point décisif, critique.

...de la part du roy anglois, trouvèrent la chose si mise en estroit que à peine souffroit-elle délay. (Chastell., Chron. K., t.1, c.1456-1471, 75)

Venir à l'estroit. Arriver au point décisif.

Et le duc, soy confiant désormais du roy et veuillant mettre la raison devers luy de ce que mesme nouvellement avoit repromis libéralement, quand ce vint à l'estroit (Chastell., Chron. K., t.4, c.1456-1471, 404)

...sy sçay-je bien que, quand ce venra à l'estroit, il fera ce que je voudray. (Chastell., Chron. K., t.4, c.1456-1471, 413)

3.[Idée d'exactitude, d'appropriation] Qui serre au plus près, qui serre de près.

a)[De la vérité, d'une affirmation...]

Estroit. Qui serre au plus près (la réalité, les faits), exact.

La vérité estroite me doit donner plus parement et excuse, là où équité [plus] que partialité, ne haine envers nul, accusation ne repreuve (Chastell., Chron. K., t.3, c.1456-1471, 325)

À l'estroit. Avec certitude.

[Les astrologues, interrogés par le futur Louis XI, lui affirment que son père ne survivra pas à sa blessure] Sy le certifièrent si très à l'estroit, et tant et tellement y adjousta foy le dauphin, qu'à peine lui sambloit la chose estre de nécessité qu'ensi se fist et sambloit languir en l'expectation de l'heure promise, tellement que toutes oreilles en estoient pleines et tous les pays embus de ceste mort future. (Chastell., Chron. K., t.3, c.1456-1471, 447)

b)[D'un remède] Qui serre au plus près (la maladie), efficace.

[Malgré les menaces de guerre] ...ne laissa point le duc pour tant à faire bonne chière, comme de tout temps avoit esté le plus reconforté du monde et qui en temps de besoin estroit pourveoit par estroit remède le mieux que pouvoit, et en cas impossible de le faire autre, porta patiemment ce qui estoit nécessaire (Chastell., Chron. K., t.3, c.1456-1471, 442)