VINDICATIF

adjectif

[GDC : vindicatif ; FEW (XIV, 470a) : vindicare ; TLF (XVI, 1162b) : vindicatif]

Qui est enclin à la vengeance, vindicatif.

Ceux qui ont les dens com sengliers Sont de fait ou vouloir murtriers, Gens vindicatis et ireux, Plains de rancune et haÿneux, Qui sont tex que nul ne dure Pres d'eux pour leur endenture (Guill. Digull., Pèler. âme S., c.1355-1358, 101)

C'est no Dieux, c'est no sauvement, C'est no salut, c'est no deffense, C'est cellui que maint homme offense, Qui n'est mie vindicatis (Desch., M.M., c.1385-1403, 243)

...ou par adventure le dit mahommet sera soubtil et cault et secretement vindicatifz, pour laquelle doubte nul n'ousera au roy reveler ses deffaultes. (Mézières, Songe vieil pèl. C., t.2, c.1386-1389, 229)

Vindicatif n'est ne soubdain, Mais si atrempé en tous fais Que homs ne puet estre plus parfais. (Chr. Piz., Chem. estude P., 1402-1403, 148)

Les Romains sont vindicatis Se devers eulx aloit plaintis, No fait tres fort en empirroit, Le vostre pas n'amenderoit. (Marcadé, Myst. Pass. Arras R., a.1440, 163)

...lequel Meslon qui estoit vindicatif et furieus, qui ne vouloit en riens estre corrigé par les dessus nommez, mais estoit très fort courroussié et esmeu dont on le corrigeoit ou vouloit corriger, adressa ses parolles à ung nommé Regnart (Doc. Poitou G., t.10, 1463, 425)

...et de la part de nostre dit saint Père furent [lesdis ambaxadeurs de France] très petittement receus ; et de soy leur dit aucunes choses qui sambloient à pluseurs cardinaulx et autres grans seigneurs, peu honnourables, et de quoy il se deust avoir passé. Et quant le rapport en fut fait au Roy Charles, au retour de sesdis ambaxadeurs, le passa legièrement ; car il estoit de soy meisme saige, prudent, et non vindicatif. (Escouchy, Chron. B., t.2, a.1465, 394)

S'il est hayneux et vindicatif, il sera content de mettre en dangier le fait ou l'estat de son maistre pour soy vengier de son ennemy (Fillastre, Traité Conseil H., c.1472-1473, 153)

...ledit Jacques Coulon, qui estoit rioteux et fort vindicatif, a tousjours eu en grant hayne icelluy suppliant (Doc. Poitou G., t.11, 1474, 463)

Après, en fut demandé à monseigneur de Humbercourt, natif d'emprès Amyens, ung des plus saiges chevaliers et des plus entenduz que je congneü jamais, lequel dit que son oppinion estoit que, pour de touz pointz mectre Dieu de sa part et donner à congnoistre à tout le monde qu'il n'estoit cruel ne vindicatif, qu'il delivrast tous les trois cens ostaiges (Comm., I, 1489-1491, 103)

Vindicatif de qqc. Porté à se venger de qqc..

Avec les autres bonnes condicions n'est mie moult vindicatif de desplaisirs receus, tout le peust-il bien faire, et certes c'est moult noble condicion à prince. (Chr. Piz., Faits meurs Ch. V, S., I, 1404, 174)

Emploi substantival.

Le sens de ceste pascience fait moult à notter aux vindicatifs, qui, sanz viser aux inconveniens, qui en pevent venir, de tous meffais se veulent vengier, laquelle chose est contre l'ordre des sages.. (Chr. Piz., Faits meurs Ch. V, S., I, 1404, 67)