VERGER

substantif masculin

[T-L : vergier1 ; GDC : vergier ; DECT : vergier1 ; FEW (XIV, 506a) : viridiarium ; TLF (XVI, 1019a) : verger]

A. -Jardin planté d'arbres fruitiers, jardin d'agrément, verger.

Et quant j'eus oï le deduit Des oisiaus, tous seus, sans conduit, M'en alay parmi le vergier, Pour ce qu'onques, a droit jugier, Nul si trés bel veü n'avoie ; Car il n'i avoit lieu ne voie Qui ne fust semez de flourettes Blanches, jaunes et vermillettes Ou d'aucune estrange colour. Si m'abeli tant le demour Ou vergier par la grant planté Des arbres qu'on y ot planté Qui estoient vert et flouri, Qu'en un praielet m'embati. (Mach., D. verg., a.1340, 14)

Venus estoie Sus un ruissel, par une herbue voie, En ce vergier ou je me delitoie Es oisillons que chanter escoutoie. (Mach., J. R. Beh., c.1340, 105)

...le manoir ou je gisoie Estoit loing de gens et de voie, Assis dessus une riviere Douce, clere, seinne et legiere, Qui couroit entour un vergier Si bel, si gent, qu'a droit jugier, Qui sagement souhaideroit, Souhaidast assez, perderoit, Car de tous fruis, de toutes entes, De tous arbres, de toutes plantes, (...) Avoit assés et a devis (Mach., D. Lyon, 1342, 162)

Si m'en alay sans point d'atente, Ou j'eus mis pensée et entente, En un moult gracieus vergier, Pour plus tost mes maus aligier. La entray je moult dolereus. Mais li lieus fu si savoureus, Si biaus, si gens et si faitis, Que mes maus fu tous anientis (Mach., D. Aler., a.1349, 385)

Uns riches homs a un vergier Ou il a arbres grant planté. Enseurquetout y a planté Une moult trés gracieuse ente Qui au riche homme mieus talente Et li est trop plus avenans Que ne soit tous li remenans. (Mach., J. R. Nav., 1349, 220)

Joachim avoit un vergier Les sa maison, qu'onques bergier Ne fist, car trop fu delitables Et a tous fruis de delit ables. (Mach., C. ami, 1357, 4)

Et s'en vinrent logier ce jour devant le Groing ens ès vregiés desous les oliviers (Froiss., Chron. L., VII, c.1375-1400, 28)

...et furent environ XL. hommes notables chargiez de par le pays pour respondre. Le roy fut present à la response et voult qu'ilz respondesissent en ung grant vergier, qui estoit ens ou palais en sus de touttes gens et enclos de haulx murs. Quant ilz respondirent, ilz distrent ainsi, et tous d'ung accort, et en remonstrant la povreté du royaulme, et comment la taille passée n'estoit pas encoires payée, et que pour Dieu il y voulsist remedier, car le pays n'estoit point aysiez de le faire. Quant il vey que il n'en vendroit point aisiement à son entente, il se merancolia et se departi de ceulx en disant : 'Vous estes mal conseilliez ; parlez encoires ensamble', et puis rentra en ses chambres et ses gens aussy, et laissa ces bonnes gens en ce vregier, bien enclos et enfremez de tous costez, et commanda que nulz ne les laissast hors et que petitement on leur donnast à boire et à mengier. (Froiss., Chron. M., XIV, c.1375-1400, 186)

De toutes flours n'avoit et de tous fruis En mon vergier fors une seule rose : Gastés estois li surplus et destruis Par Fortune qui durement s'opose Contre ceste douce flour Pour amatir sa coulour et s'odour. Mais se cueillir la voy ou tresbuchier, Autre après li ja mais avoir ne quier. (Mach., Bal., 1377, 556)

Il vous convient (...) Qu'au jour d'uy tout nu vous bagniez En un vergier, mon ami doulx, Et vostre femme avecques vous (Mir. fille roy, c.1379, 98)

Alons des espices mengier, Et boire en un joli vergier Ou vous menray. (Mir. st Lor., 1380, 141)

...le dit exposant feust en un sien vergier, au lieu de Chanay lez Luçon, ou quel il labouroit et vouloit planter des poreaux et autres herbes, pour aidier à vivre sa femme et enfans (Doc. Poitou G., t.5, 1387, 331)

Et celle chambre regardoit sur les vergiers, qui moult furent delictables et regardoit aux champs au lez de devers Lusegnen. (Arras, c.1392-1393, 254)

Il a en son verger une ante qui est tant belle, et qu'il ayme plus que tous autres arbres (Ménagier Paris B.F., c.1392-1394, 92)

En un vergier bel a devis Le mena (Chr. Piz., M.F., IV, 1400-1403, 57)

...mais je n'ay mye jardin plantureux où je puisse cueillir si belles fleurs que tu m'as envoyées de ton tresfertille verger, demonstrant que tu es ortalin soigneux et labourieux cultiveur de la terre feconde (Robertet, Oeuvres Z., c.1450-1500, 162)

...ledit Jehan Galdereau alla en ung vergier ou lieu appellé Cheneveau à lui appartenant (...) ouquel vergier il laboura et bescha cedit jour, par certaine espace de temps, en intencion de y semer du lin (Doc. Poitou G., t.12, 1475, 32)

Je ne trouve herbe ne rachine En champs, prez, jardins ne vergiers, Ne medecin ne medecine Qui nul preservatif m'assine En ces mortiferes dangers. (Cene dieux, c.1492, 132)

Remarque : FROISS., Méliad. L., 1373-1388, gloss. (vregié) ; Myst. process. Lille K., t.3, a.1485, 38/418 (vregier)..

RELIGION [À propos de Marie]

Car faite est puis benoist pour abuvrer Touz ses subgiz d'yaue delicieuse, (...) Vergier en qui prise est leur norreture (Mir. Berthe, c.1373, 255)

[P. réf. au Roman de la rose]

Et pour ce faint l'acteur du livre rimé dessusdit dont nous voulons parler, et aussi fait le 'Rommant de la Rose', que Deduit est closier et droit verdier du vergier amoureux ou on ne quiert que gieux et joye et delectacions, et Leesce est s'amie. (Evr. Conty, Eschez amour. mor. G.-T.R., c.1400, 578)

Verger de Deduit

Nous devons donc savoir premierement, pour mielx veir que le vergier de Deduit segnefie, que le vergier en soy et generalment pris segnefie le monde (...) ouquel Nature plante et seme tres ordeneement pluseurs choses moult beles (Evr. Conty, Eschez amour. mor. G.-T.R., c.1400, 436)

Le verger des dieux. Le jardin des Hespérides.

Remarque : Hist. prem. destruct. Troie R., c.1470-1480, gloss.

B. -Par extension.

1.Parc.

Aussi, tout environ des murs, a tres beaulz vergiez, plains de bestes sauvaiges, la ou le Caan va souvent chasser (Jean Le Long, Voy. Odoric A.M., 1351, 47)

2.Champ.

...et en aoust [sont tenus payer] chacun deux garbes de tel blé comme il croist en leur vergier. (Hector De Chartres, Cout. R., 1398-1408, 192)