VENUE

substantif féminin

[T-L : venüe ; GD : venue ; GDC : venue ; DECT : venüe ; FEW (XIV, 242b) : venire ; TLF (XVI, 1005b) : venue]

I. -[Domaine spatial]

A. -Action de venir, d'arriver.

1.[À propos d'une pers.] Action de venir, de se rendre qq. part, d'arriver qq. part.

Pour ce que me doubtay de honte Avoir, sire, a vostre venue, Je m'en alay, sanz attendue, En lermes, en mon oratoire (Mir. abbeesse, 1340, 96)

...tenir ne me pourroie Qu'a l'encontre de li ne voise : Car sa venue moult m'envoise (Mir. nat. N.S.J.C., c.1343, 224)

Selonc ce que nous vous dirons En vergier, en la pommeroie Qui a l'ostel Joachin roie, Nous aliens l'autre jour esbatre, L'air querir, la rousee abatre. Susanne en vergier fu venue, Qui riens ne sot de no venue ; Avecques li ot deus pucelles Qu'elle en envoia, pour ce qu'elles Ne veïssent sa lecherie. (Mach., C. ami, 1357, 9)

Que vues tu plus ? N'est ce matiere Qui te doit plaire ? Et se tu dis qu'il n'aparteingne Que j'a toy pour ton confort viengne Ou que de toy ne me souvengne, Je sui venue Aveques Venus qui m'enseigne A garir ce qui te mehaingne. Mais ne te chaut, dont je me seigne, De ma venue. Plus mus yes c'une beste mue. Or parle a moy et t'esvertue, Car je sui t'amie et ta drue Et ta compaingne. (Mach., F. am., c.1361, 231)

L'empereur dist : 'Foy que je doy L'espée de saint Charlemainne, Qui l'empire ot en son demainne, Qui tramble quant on la tient nue, J'ay grant joie de vo venue ; Et vous soiez li bien venus Et à grant joie receüs.' Li roy le mercia forment, Courtoisement et humblement. (Mach., P. Alex., p.1369, 34)

Lors s'esquippent en mer parfonde, Et tant nagierent et voguerent, Qu'en Rodes briefment arriverent. Quand li bons roys sceut leur venue, Il ne demoura pas en mue En sa chambre ; ein couri au port, À grant joie et à grant deport. (Mach., P. Alex., p.1369, 56)

Si qu'il fist tant en po de tans Par son avoir et par son sans Qu'il ot C. et XL. voiles. Et les Sarrazins ès estoiles Sa venue prophetisoient. Cil d'Alixandre bien savoient Que li roys seur la mer estoit, Et que son armée aprestoit, Si qu'il estoient sus leur garde. (Mach., P. Alex., p.1369, 204)

...lui et ledit Durant, un pou avant la venue de la royne faite à Paris, se partirent d'icelle ville d'Orleans pour venir à Paris (Reg. crim. Chât., I, 1389-1392, 95)

...il trouva une escuelle d'estain, et en icelle avoit deux ducas d'or, lesquelz il print, et, sanz attendre la venue de sondit maistre, et aussi sans son sceu, se parti de l'ostel d'icellui (Reg. crim. Chât., I, 1389-1392, 404)

Mais sa venue desdaigniee Eust esté, se la grant ligniee Dont il estoit nel garentist, N'a seigneur nul nel consentist. (Chr. Piz., Chem. estude P., 1402-1403, 153)

Et assez tost après l'entrée et venue desdictes gens d'armes, toutes les gens de l'ostel du Roy et des segneurs qui estoient demourez à Paris prindrent et porterent l'enseigne du duc de Bourgongne et la crois Saint Andry (Fauq., I, 1417-1420, 128)

Et quant Saintré fut en Avignon, pour la grant nouvelle de sa venue, le roy d'armes d'Anjou (...) au saillir de la messe a Saintré ledit seellé presenta. (La Sale, J.S., 1456, 100)

... [le maître d'hôtel] s'en ala devers son maistre, et luy compta la venue d'un jeune gentilhomme de Brabant, qui le vouldroit bien servir. (C.n.n., c.1456-1467, 173)

Elle fut bien honteuse et desplaisante de leur venue (C.n.n., c.1456-1467, 345)

Josep atant nostre venue ; Mes amis, advansons noz pas ! (Pass. Auv., 1477, 238)

LE PERE. De Mahon la divinité Louee soit de ta venue ! Ou a tant ta personne esté Qu'elle n'est plus tost revenue ? (La Vigne, S.M., 1496, 289)

Allee et venue. Action d'aller et de venir.

Sire, il est tard ; si n'est pas heure De conseillier, à dire voir, N'encor ne poons nous savoir Leurs alées ne leurs venues [des ennemis] , Leurs entrées ne leurs issues, Si que demain nous les sarons Et seur ce nous conseillerons. Et si porra bien avenir Que vous verrez Bremont venir ; S'il vient, vous en serez plus fors. (Mach., P. Alex., p.1369, 148)

Au pluriel. Démarches en vue d'un accord.

Et après ce que ledit Buymont a recité ses alées et venues et les diligences par lui faictes envers le Roy et les gens de son Conseil estans à Rouen, fu respondu audit Buymont que... (Fauq., III, 1431-1435, 14-15)

Et, durant icelle trefve, y ot plusieurs alées et venues faictes de costé et d'autre et jusques audit jour de jeudi que ladicte trefve devoit faillir (Roye, Chron. scand., I, 1460-1483, 101)

Le roy envoya devers luy sur ces matières et y eut plusieurs allées et venues (Comm., I, 1489-1491, 168)

Plusieurs allées et venues se firent de nous en leur ost et des leurs au nostre sans conclusion (Comm., III, 1495-1498, 232)

Au figuré. Action, conduite.

A haute vois, sans detrier, Les mains jointes, prist a crier : 'Sire Dieus, qui es pardurables, Justes juges et raisonnables, Tu scez les choses reponnues, Les alees et les venues ; Tu congnois des cuers les pensees, Einsois qu'elles soient pensees ; Tu scez tout, einsois qu'il soit fait ; Tu scez que je n'ay riens meffait...' (Mach., C. ami, 1357, 10)

Venue et retour. Jours supplémentaires payés aux hommes d'armes pour parvenir au lieu du rassemblement et pour retourner chez eux.

Remarque : Doc. 1368 (a comptervenueet retour a gens d'armes) et 1374 (l'en comptera après leur cassementvenueet retour raisonnablement, Ordonn. rois Fr. S., t.5, 658-661) ds Ph. Contamine, Guerre, Etat et soc. à la fin du Moy. Age, 1972, 102-103.

La bien venue. Voir bienvenueLe bon accueil (fait à un arrivant).

LE ROY. (...) Dites moy qui ci vous amaine Sanz attendue. DEUXIESME CHEVALIER. Nous venons vostre bien venue Querre, n'en soiez mal paiez, Et qu'a ces deux ci la paiez Et a moy tiers. LE ROY. Je la paieray voulentiers, (Mir. ste Bauth., c.1376, 129)

Quand il viendra, je le sçaray beaucop devant, pour le recevoir ainsi que je doy, et aussi pour mander messeigneurs ses parens et amys pour le festoier et convier a sa bien venue (C.n.n., c.1456-1467, 112)

2.En particulier.

a)Avènement (du Christ).

L'un disoit : 'Vousist Dieu, o Dieu, par mon soubzhait, que tu rompises les cieulx, et que venisses !' L'autre : 'Cuidez tu que jamais je [l]e voie ? Cuides tu que je dure jusquez a sa venue ?...' (Gers., Annonc., a.1400, 229)

Mais justice aucune fois est couverte, et misericorde est manifesté, comme ou justifiement d'un pecheur malvais et sans pitié et au premier advent et a la premiere venue, quant fu né de vierge. Aucune fois au contraire la justice est manifesté et la misericorde couverte, comme en la pugnition des enfans qui meurent sans baptesme et en sa seconde venue au jugement derrain. (Somme abr., c.1477-1481, 176)

b)Arrivée, entrée dans une communauté, dans une charge.

...pour une boete de plumes de Hollande, 4 s. p., pour tout ce servir à Messeigneurs Sire Denis Hesselin, Prevost des marchans, Jehan le Breton et Simon de Grecy, à leur venue en la prevosté et eschevinage de ladicte ville (Comptes Paris M., t.2, 1470-1471, 278)

c)Arrivée hostile, attaque, invasion.

PREMIER DYABLE. Or avons nous fait bonne enfance A ceste premiére venue (Mir. enf. diable, c.1339, 11)

...grand foison de commun poeuple fut de la première venue mort, et pluseurs belles bourgoises et leurs filles violées, dont ce fut grande pitié (Le Bel, Chron. V.D., t.1, 1358, 78)

Omelion le Grecq, grant astrologien, fut en ce temps, lequel predist la venue du roy de Babilone et destruction de toute Egipte, et assigna icelle durée par XL ans. (Simon De Phares, Astrol., c.1494-1498, f° 44 r°)

Cestui fut souverain clerc et prenostica, comme autres, de la grande commecte qui fut en ce temps, c'est assavoir de la venue des Tartares qui invaderent Constantinoble tantost après (Simon De Phares, Astrol., c.1494-1498, f° 126 v°)

Ce fut lui qui predist la venue du prince de Galles et configura par astrologie la prinse du roy Jehan à Poitiers (Simon De Phares, Astrol., c.1494-1498, f° 130 r°)

La pire [journée] en est sur nous tournee, Jaçoit qu'a la venue premiere Les Rommains en eurent du pire Et vainquismes sans nulle faille Toute leur premiere bataille. (Myst. st Laur. S.W., 1499, 165)

Faire une venue. Mener une attaque.

...les Franchois, qui se metoyent sus à grant armée pour leur faire une venue... (Molinet, Chron. D.J., t.2, 1474-1506, 458)

[Du faucon] Attaquer (sa proie).

Le vol d'un heron bien montant Est ce point chose deduiant, Qui monte haut jusques aus nues ? Le faucon li fet des venues Et par derriere et par devant (Henri Ferr., Modus et Ratio, Livre deduis T., c.1354-1377, 240)

Si li fist si dure venue Que li fist perdre sa tenue, Si cheÿ le poisson es pres, Et le faucon fondoit aprés. (La Buigne, Rom. deduis B., 1359-1377, 217)

d)Rencontre féminine, relations intimes avec une femme.

LE PREMIER GENTIL HOMME. N'aurai-ge poinct une venue De la femme de mon mounyer ? (Gent. moun. T., c.1500, 341)

3.[À propos d'une chose] Arrivée, apparition de qqc..

Car comme ce soleil corporel que nous veons par dehors dechasse en sa venue toutes tenebres obscures et nous rent lumiere et couleur partout (Gers., P. Paul, a.1394, 498)

Cestui predist la venue d'aucuns monstres, comme ung veau à trois testes, ung poussin à IIII piez, ung enfant d'une chambriere né à IIII piez et IIII yeux. (Simon De Phares, Astrol., c.1494-1498, f° 65 r°)

Ce fut celui qui predist la venue d'une estoille qui dura XXV jours (Simon De Phares, Astrol., c.1494-1498, f° 110 v°)

Venue de la mer. Marée montante.

Et le soir ensuivant, à la venue de la mer, vinrent aulcuns dudit navire qui estoient à ce commis, et effondrèrent ou havène de Palais [l. Calais] quatre nefz qui estoient plaines de pierres bien maçonnées et ancrées de plonc (Monstrelet, Chron. D.-A., t.5, c.1444-1453, 251)

B. -Par métonymie.

1.Chemin par lequel on arrive.

Par les venues [var. les moiens ; les chemins] se destourbe hons (Chast., Temps perdu D., a.1450, 35)

Passage, endroit par où vient et fuit le lièvre.

Et doit regarder les venues par ou lievre doit fouir. (Gast. Phébus, Livre chasse T., 1387-1389, 289)

Par extension. Voie.

...ledit Françoys et deux de ses serviteurs montant qui [qu'ils] faisoient deux nefz amont l'eauve ez venues dudit Pont... (Lettres rémission René II P.D.H., 1489, 183)

2.Ceux qui arrivent.

Je me doubte que la venue Qui ont avec eulx ung enfant Ne soit ce que dit Ysaie Jadis en belle prophesie (Marcadé, Myst. Pass. Arras R., a.1440, 57)

3.Cause, motif d'une arrivée.

Parle UNG JUIFZ a Herode. Chier sire Herode, Dieu vous salue ! S'y vous plait, ouyés nostre venue. (Pass. Autun Biard F., 1470-1471, 93)

II. -Par analogie. au figuré. [Domaine temp. ou notionnel]

A. -Fait de survenir, survenance.

1.[À propos d'une période]

Il semble que Tulles prophetisast à nous la venue du temps present quant il dit la parolle cy dessus alliguée (Chr. Piz., Paix W., 1412-1413, 124)

2.[À propos d'un fait, d'un événement]

Pour essaucier Amours et sa bonté Fist Diex santir ains son advenement La venue de sa nativité Par la bouche Ysaie (Mir. st Val., c.1367, 171)

[À propos d'un mal, d'une maladie]

...la venue des maladies (...) ...naissance ou nouvelle venue des emorrides (...) ...venue de melencolique passion (Saint-gille, Comment. A.Y. L., 1362-1365, 352)

[À propos d'une histoire racontée] Le moment où elle se passe.

Pour accroistre et amplier mon nombre des nouvelles (...), j'en monstreray cy une dont la venue est fresche. (C.n.n., c.1456-1467, 515)

3.Par métonymie.

a)Ce qui advient, aventure.

Malheureuse venue

Las ! com maleureuse venue Et com maleureuse journée Nous est au jour d'uy adjournée ! (Mir. enf. diable, c.1339, 49)

b)Ce qui vient comme profit.

Tout quanque Nature a creé Et de sa volenté greé, Soit a present ou soit venue, Se resjoïst de ta venue ['soit à titre de don, soit comme revenu' ; cf. note de l'éd. (ou est-ce, comme traduit Scheler, 'toute chose présente ou passée', en ajoutant toutefois que le tour a present concorde mal avec le participe venue ?)] . (Froiss., Pris. am. F., 1372-1373, 96)

...que toutes et chacunes venues, descharges, recharges, ventes en groz et autres choses pertinentes ou fait et conservacion du denier d'icelluy assis seront arrestéz et mises par escript par bonne declaracion par le dit clerc, present le dit eschevin, et signé de la main d'icellui eschevin en certain cayer qui aura et gardera vers lui icelluy clerc, contre lequel sera veu pour contre rolle le pappier de notre receveur au dit lieu de Hesdin, qui en fait registre pour le droit et porcion que avons et prendrons au dit assis (Hist. dr. munic. E., t.2, 1447, 627)

Remarque : Doc. 1339 (Dijon) ds GD VIII, 181c.

B. -[Correspond à venir de]

1.Provenance, origine, extraction.

Se vous depri devotement Et tant com je puis humblement, Ma dame, qu'il vous vueille plaire Que je sache de vostre affaire Vostre nom et vostre venue, Et comment estes ci venue, Ne par ou ; qu'onques mais, par m'ame, Se ce n'est l'amour de ma dame, Nulle riens tant ne desirai. (Mach., R. Fort., c.1341, 77)

...Comment li amant riens ne puelent Qui departir de vous se vuelent, Car vous estes tous leurs effors, Leurs murs, leurs chastiaus, leurs confors, Comment vo clarté loing et près Esclarcist les amans, après Comment vostre douceur, plus douce Qu'autre douceur, leurs maus adouce, Vostre venue et vostre non Qui est de moult noble renon, Et quele chose est de merci, Dont cent mille fois vous merci. (Mach., R. Fort., c.1341, 86)

L'emperiere de Rome a la chiere menbrue M'espousa a honeur et fist de moy sa drue. J'ay porté deux enfans qui sont de sa venue. (Flor. Octav. L., t.1, c.1356, 21)

...c'est tres mal fait a toy de faire mal a gens de petite venue, car ilz ne puent se vengier ne deffendre : si est pitié de leur faire offense. (Legrand, Archil. Sophie B., c.1400, 114)

Chetive nature humaine (...), Tant es foible, tant es vaine, Tendre, passible, incertaine, Et de legier abatue ! Ton penser te desvertue, Ton fol sens te nuyt et tue, Et a non sçavoir te maine. Tant es de povre venue, Se des cieulx n'es soustenue, Que tu ne peulz vivre saine. (Chart., L. Esp., c.1429-1430, 5)

...toutes estoient de noble sang extraittez, desirans d'avoir seigneur selon leurs venues (Percef. IV, R., c.1450 [c.1340], 872)

Pucelle de haute beaulté et de noble venue... (Percef. IV, R., c.1450 [c.1340], 874)

...le duc [à qui l'empereur demande, pour son fils, la fille en mariage] (...) remercia hautement l'empereur de l'honneur à luy offerte et de sa bonne affection envers luy, disant que ledit son fils [le fils de l'empereur] et sa venue estoit digne de plus grand chose que de sa fille (Chastell., Chron. K., t.4, c.1456-1471, 428)

...de source et de venue n'estoient que gentilshommes comme autres (Chastell., Chron. K., t.4, c.1456-1471, 476)

...jasoit ce que povre fut de venue et de chevance, noble homme toutevoyez (Chastell., Chron. IV, D., c.1461-1472, 83)

...quant aucun est en un lieu assez honnourez et tenus pour grant selon sa venue et science... (Colart Mans., Dial. créat. R., 1482, 152)

En sa seignourie demouroit ung honneste viel homme, povre et de petite venue (...) qui avoit une fille nommee Griseldis (La Marche, Triumphe dames K.-B., p.1488, 32)

De mesme venue. De même génération.

...messire Jacques de Luxembourg, frère au comte de Saint-Pol et à la duchesse de Bretagne (...) demouroit avecques le comte de Charolois (...) ...comme parens s'entraimoient ensemble de bonne amour, comme princes d'une venue et d'un temps (Chastell., Chron. K., t.5, c.1456-1471, 16)

2.Fait de se développer (à partir de).

Estre de belle venue

...un trés joly Esprevier courtois et poly, De plumage et de corps haitiez, En tous endrois bien afaitiés, Si qu'il fu tenus pour parfais, Et trés bien esprouvez par fais, De tels fais comme il escouvient Esprivier qui parfais devient, (...) Ou d'un autre, de nouvel pris, Qui n'eüst encore autre pris, Sans plus, qu'on le nommast ramage, Mais qu'on veïst a son plumage, A sa maniere et a son port Et a son gracieus deport Qu'il seroit de bele venue. (Mach., D. Aler., a.1349, 250)

Estre de legere venue

Cest' amour est de legiere venue Et trop plus tost delaissee et perdue. (La Marche, Triumphe dames K.-B., p.1488, 3)

Estre de grande venue

...un prince puissant, voisin marchissant tout à l'environ de Brabant, par lequel ils pourroient estre refait quant l'auroient à seigneur (...) et ne pourroient (...) fournir contre luy, pour ce que trop estoit puissant et prince de trop grant venue en temps advenir. (Chastell., Chron. K., t.2, c.1456-1471, 82)

...cestui jouvencel son cousin (...) estoit prince de courrage et de grant venue par temps (Chastell., Chron. K., t.3, c.1456-1471, 385)

III. -Locution adverbiale. [Oscillant entre sens spatial et sens temporel]

De venue

Sur la lancée, de plein élan (?), aussitôt.

Si se ordonnerent les Englois pour le asallir, et i livrerent de venue tres grant assaut. (Froiss., Chron. D., p.1400, 680)

Puis se rencontrerent de venue En joustant de dars a trois pointes (Pastor. B., c.1422-1425, 201)

...fierement s'assemblarent de venue (La Marche, Mém., II, c.1470, 198)

Aussitôt (arrivé), immédiatement.

Lors m'acorday je de venue A l'esprivier pris de nouvel, Pour avoir son juene revel Et son moien temps ensement Qui me menroit joieusement A la noble conclusion De sa haute perfection. (Mach., D. Aler., a.1349, 250)

Au lit sa dame le mena Et ycelle lui assena Qui estoit ja couchée nue. Dedenz se boute de venue, Et celle le va attendant (Desch., M.M., c.1385-1403, 96)

Lors connoistra de venue Qu'avenue Est a son droit desirier (Cent ball. R., c.1388-1396, 81)

D'une venue

D'un coup, en une fois, aussitôt.

C'est biau deduit et tres bele chasce quant on a bon limier et bons chienz pour le sang, quar aucune foiz d'une venue on ferra trois ou quatre bestes ou plus. (Gast. Phébus, Livre chasse T., 1387-1389, 272)

Du monde te faut delivrer Tout maintenant d'une venue. (Myst. st Sébast. M., c.1450-1500, 206)

À la fois, ensemble.

Ains mourray quant mourir devray, De joie nue, Sans estre a Fortune tenue N'a Amours, qui d'une venue Pas une esperance menue Ne me delaissent, Car en toute douleur me laissent (Chart., L. Dames, 1416, 228)

Avant compain pren l'autre pié Se commençons d'une venue (Oudin, St Genis M.S., c.1490, 90)

De pleine venue

Tout droit, sans détour.

M'est avis que je le voy la (...). Vers li vois de plaine venue. (Mir. parr., 1356, 31)

Dès l'abord, immédiatement.

...il espandit, chassa et poursuyt leur ost, et leur roy tua il, trencha et despoulla en icelle bataille, et de plaine venue a prise leur cité (Bers., I, 1, c.1354-1359, 10.4, 17)

Se sa passion continue, Devant Dieu rendra son esprit, Accusant de plaine venue La dame, qui d'amours l'esprit. (Martin Le Franc, Champion dames I-II, P., 1440-1442, 255)

...et d ilec s'en ala à Beauvais mettre le siege, où il y arriva le samedi XXVIIe jour de juing oudit an IIIIcLXXII, où de pleine venue y donnerent ung fort assault (Roye, Chron. scand., I, 1460-1483, 272)

Si fut le chastel avironné de toutes pars, et de plaine venue la bassecourt bruslée et arse (La Marche, Mém., II, c.1470, 308)

De premiere venue

Dès la première attaque ; d'emblée, immédiatement.

Si s'embatirent li chevalier dedenz les ennemis et troublerent leurs banieres de premiere venue. (Bers., I, 9, c.1354-1359, 23.15, 43)

...si leur coururent sus (...) et les desconfirent de premiere venue (Le Bel, Chron. V.D., t.2, 1358, 143)

La eut de premieres venues Bataille felenesse et dure. (Froiss., Pris. am. F., 1372-1373, 127)

...eubt là, de premiere venue, fort rencontre des glaives et bons boutz et des reverses des ungs et des aultres (Froiss., Chron. M., XIV, c.1375-1400, 198)

...et pour ce il [Paris] ly donna [à Venus] de premiere venue la pomme dessusdite et juga que c'estoit la plus bele de toutes. (Evr. Conty, Eschez amour. mor. G.-T.R., c.1400, 356)

...et i fissent de premieres venues grant damage, et ocirent, mehagnierent et abatirent biaucop de gens. (Froiss., Chron. D., p.1400, 814)

...et là les trouva le dessusdit roy Henry, qui pour les combattre avoit fait grant assemblée. Mais, de première venue, desconfirent et ruèrent jus son avangarde, et pour ce, sa seconde bataille n'osa aler contre eulx. (Monstrelet, Chron. D.-A., t.3, c.1425-1440, 213)

Et, de premiere venue, icellui de Lorraine et sadicte compaignie desconfirent toute l'avangarde dudit de Bourgongne (Roye, Chron. scand., II, 1460-1483, 19)

À la première attaque, tout d'abord.

Toutesfois, jà soit ce que les habitans d'icelle ville feussent moult esbahis de première venue, si reprindrent-ilz courage en eulx et commencèrent à eulx défendre vigoreusement (Monstrelet, Chron. D.-A., t.3, c.1425-1440, 386)

Tout d'abord.

Sans faille, il y a bien d'autres instrumens aucuns esquelz les cordes sont de premiere venue toutes d'une longueur, pour ce qu'ilz sont aussy d'autre figure, si comme sont vielles et rebebes et lus et guiternes. (Evr. Conty, Harm. sphères H.P.-H., c.1400, 62)

À ceste premiere venue. Tout d'abord.

Mais non pourtant a ce ne te dois pas attendre ; avant te fault solliciter tes besongnes a ceste premiere venue, affin de pouoir parvenir a la seurté de ton fait. (Abuzé D., c.1450-1470, 54)

De prime venue

Tout d'abord.

...et, combien que le noble estocq bourguignon, ensemble son puissant getton coeulliet sus troncq imperial, eussent beaucop de paine a porter, de prime venue, par l'ardant vent meridional qui leur fist ung terrible assault, toutteffois ils prospererent en leur fleur (Molinet, Faictz Dictz D., 1467-1506, 241)

D'emblée, immédiatement.

...sy desrouterent ensemble et se ferirent en leurs ennemis de telle volenté que chascun de prime venue porta le sien par terre (Comte Artois S., c.1453-1467, 75)

En venue

À l'arrivée, au moment de l'arrivée.

...sambloit a tous ceulx qui le regardoient qu'il se reposast en monstrant sa prouesse, car il donnoit a destre et a senestre cops tant aspres et tant terribles qu'il faisoit autant d'armes comme en venue. (Percef. III, R., t.1, c.1450 [c.1340], 65)

Au premier abord, tout d'abord.

Ha ! faulse Amour plaine de grant traïson, comment n'as tu honte de monstrer en venue a tes subgets sy beau samblant (...) ? (Percef. III, R., t.1, c.1450 [c.1340], 284)

Messeigneurs qui avez serché Les meurs et vertus auctentiques Que baille Aristote en Etiques, Vous ne monstrez pas en venue Que vous ayés bien retenue Sa doctrine en moyen aucun. (Myst. Pass. Troyes B., a.1482, 534)

Dès l'arrivée, d'emblée, sur le champ.

Joseph, ce seroit mes accords De querir logeis des premiers : Les gens sont assez coustumiers D'eulx logier tantost en venue Et, quant la place est retenue, Ceulx qui demeurent sont frustréz. (Gréban, Pass. J., c.1450, 63)

...en venue il en occist trois (Percef. IV, R., c.1450 [c.1340], 1043)

...ilz saillirent sur eulx tant soubdainement que moult leur porterent de dommage en venue (Comte Artois S., c.1453-1467, 41)

...les Bourgoignons tuerent un grand tas en venue de ceulx de Troyes, et prindrent des prisonniers ung grand nombre (C.n.n., c.1456-1467, 453)

Ainsy commença la bataille des citoiens les uns contre les autres. Les traytres moult cruellement s'y essayerent en venue. (LEFÈVRE (R.), Hist. Jason P., c.1460, 186)