USURPER

verbe

[GDC : usurper ; FEW (XIV, 83b) : usurpare ; TLF (XVI, 855b) : usurper]

Emploi transitif.

A. -S'approprier, s'arroger qqc. (une chose à laquelle on n'a pas droit) par la fraude, la ruse ou la violence, usurper.

Tu donques voiz lequel tu creras roy des sacrificez ! Ou se tu mesmez vorras usurper le non de roy ! (Bers., I, 9, c.1354-1359, 9.2, 61)

...dont vient que le Prince usurpe chose de soy mesmes injustement (Oresme, Monnoies W., c.1365, XLV)

Les tyrans appliquent a eulz et usurpent les pecunes publiques et avecques ce les propres pecunes de leurs subgiéz par exaccion et autrement. (Oresme, E.A.C., c.1370, 235)

Et adonques aucuns se ingererent et usurperent la seigneurie a leur profit et firent olygarchie (Oresme, Pol. Arist. M., c.1372-1374, 210)

Concluons donques chose tres clere et tres notoire que, parce que lez Papes de Ronme ont usurpé en diverses guyses ceste plaine puissance de laquelle nous avons pallé, plusieurs choses detestables, monstrueses et orribles sont avenues en Crestianté (Songe verg. S., t.1, 1378, 103)

Or est vray que, quant lez François esleürent Ferramunde, le primier Roy, ilz furent dezobeïssans a l'Impereur et, contre le bien et l'utilité publique, usurperent le droit du prince (Songe verg. S., t.1, 1378, 147)

...la puissance de la juridiction seculiere quant a quatre Empyres, c'est assavoir dez Assiriens et Caldeÿens, dez Medes et ceulx de Perse, dez Grés, et dez Ronmains, n'a mie esté, dez le conmencement, deüement entroduite, mez par violence a esté usurpee. (Songe verg. S., t.1, 1378, 152)

...se aucun voulet usurper la majesté royal et soy appeller Roy, mettons, par exemple, que aucun s'appelle et se dit roy de France, ja soit ce que il ne le soit pas, et veult par force conquester la couronne, ou aucun veult usurper lez droys royaux, come sont lez droys de souveraineté et de ressort, se tieulx vouloient venir a mercy, il samble que l'en lez deveret recevoir primierement (Songe verg. S., t.1, 1378, 340)

Item, et encores par autre voie monseigneur l'archevesque de Rouen et ses menistres usurpent et ostent au roy sa jurisdiction et ses subgects (Echiq. Normandie S., 1391, 83-84)

...pour ce que ledit Lucifer machinoit et tendoit à usurper une partie de l'onneur et seigneurie de Dieu. (Doc. 1408. In : MONSTRELET, Chron. D.-A., t.1, c.1425-1440, 215)

...sagement prendre garde à ses revenues et tenir estat selon ce que elles sont, comme l'excessif et trop destruise souvent puissance et avoir de soy et d'autrui, ne usurper l'autrui, ne soy souffrir oultre raison fouler (Chr. Piz., P.V.H., 1416-1418, 36)

...en contraignant rigoureusement et sans deport tous ceulx qui tiennent ou usurpent aucune chose du dit demaine, à le rendre, restablir et restituer en noz mains (Doc. Poitou G., t.7, 1419, 355)

...mondit seigneur lui a ordonné (...) remectre en son obeissance les villes et places de Sens, Monstereaul ou fault Yonne et autres tenans le desloyal party de Charles, qui se dit daulphin, et pour resister à lui et à ses complices qui s'efforcent de usurper la coronne et seignourie dudit roy (Comptes Etat bourg. M.F., t.2, 1420, 913)

Et se nous faisons guerre aux Venissiens, nous le faisons à juste tiltre, pour ce que, sans auctorité de prince ou seigneur, ilz ont de leur voulenté ou force euzurpé les terres qu'ilz detiennent en Europpe (Doc. 1453. In : ESCOUCHY, Chron. B., t.2, a.1465, 60)

...par l'espace de trois jours, en louant et merciant Dieu nostre createur, la benoiste Vierge Marie, et tous sains et sainctes de paradis de la bonne victoire que avoit eue Henry de Lencastre, roy d'Angleterre, de sondit royaume, à l'encontre de Edouart de la Marche, qui longuement sur lui l'avoit usurpé à la faveur dudit duc de Bourgongne, et aussi de la bonne paix et union qui faicte estoit entre le roy et ledit roy Henry d'Angleterre. Laquelle procession fut faicte et acomplie ainsi que le roy l'ot mandé ; et tout ainsi en fut fait par toutes les bonnes villes de ce royaume. (Roye, Chron. scand., I, 1460-1483, 248)

Et ne convient point icy pretermetre que ledit maistre Jean Balue, evesque de Evreux, sans reverence de l'habit episcopal, fut present esdictes monstres dont plusieurs estoient très mal edifiéz de luy et disoient que il usurpoit et entreprenoit l'execution de l'office et sur l'estat des mareschaux de France. (Maupoint, Journ. paris. F., p.1467, 104)

Il ont usurpé le pais A tort, sans cause et sans raison, cuidant guaingner la fleur de lis Qui est de si noble maison (Myst. siège Orléans H., c.1480-1500, 566)

Remarque : GUILL. DIGULL., Pèler. vie hum. St., c.1330-1331, 9630 ; doc.1340 ds GDC X, 824c ; GUILL. DIGULL., Pèler. J.-C. S., 1358, 7475.

Usurper qqc. à soi

...ne au prince n'appartient, par quelque voye, ceste chose à soy usurper. (Oresme, Monnoies W., c.1365, XXXIII)

Usurper sur. Empiéter sur.

Remarque : COMM., Lettres B., 1485, 222.

S'usurper qqc.

Et ceuls ici si ont plus chier que l'eglise soit periclitee, perdue et detrenchee que perdre l'onneur que il se usurpent (Foul., Policrat. B., VIII, 1372, 129)

B. -Par extension. Prendre une chose pour une autre.

Raison est, car la voulenté de Dieu puet estre prinse doublement, c'est a dire proprement. Et ainsi a prendre on l'apelle le bon plaisir de Dieu ou on le puet prendre par maniere de translation en usurpant. (Somme abr., c.1477-1481, 172)