THEOLOGIEN

adjectif et substantif

[T-L : teologiien ; GDC : theologien ; FEW (XIII-1, 304b) : theologia ; TLF (XVI, 189b) : théologien]

I. -Adjectif.

A. -Propre à la théologie, théologique.

...la loy theologienne et divine (Jean Golein, Rational B.D., c.1370-1372, 680)

Eloquance Theologienne (...) se portoit pour l'advocat de la court. (Gers., Traité R. Rose H., 1402, 60)

La haulteur de la verité theologienne qui est ung ray de la souveraine lumiere esclarcissant l'entendement (...), il me samble estre chose digne de recueillier ung abregiet sommier des escrips des grans et renomméz theologiens (Somme abr., c.1477-1481, 98)

Pour certain, la sapience theologienne est princesse et royne de toutes sciences (Somme abr., c.1477-1481, 98)

B. -Théologal.

Vertus theologiennes

...par le fruitt qui y croist, j'entens le don du saint esperit, les vertuz cardinales et theologiennes. (Mir. st Guill., c.1347, 4)

Encores veul et vous commande que totalement vous creez les XIJ articles de la foy, qui sont vertus theologiennes, meres au bon esperit, ainsi que dit Cassidoire en l'exposicion du Credo, que foy est la lumiere de l'ame (La Sale, J.S., 1456, 37)

Item est demonstree laditte trinité par les IIJ. vertus apellees theologiennes, c'est a dire divines, c'est a scavoir foy, espoir et charité. (Somme abr., c.1477-1481, 125)

C. -Qui s'occupe de théologie.

Adonc ycellui sage, pour cause que aucuns docteurs ont voulu dire que, au jour que Nostre-Sire ressuscita, ne laissa sus terre quelconques chose de son digne corps, que tout ne fust retourné en lui, voult sur ce savoir et enquerir l'oppinion de ses sages philosophes naturelz et theologiens, se estre povoit vray que sus terre eust du pur sang de Jhesu-Crist (Chr. Piz., Faits meurs Ch. V, S., I, 1404, 95)

...l'appoinctement pronuncié entre maistre Simon de Plumetot, d'une part, et maistre Nicole Le Masle, d'autre, touchant le fait des escoliers theologiens du college de Lisieux à Paris (Fauq., II, 1421-1430, 350)

II. -Substantif.

A. -Celui qui s'occupe de théologie, qui est diplômé en théologie, théologien (en partic. moine dominicain).

En l'ordre des Carmeliens A clers et bons theologiens ; Et plus ceulx de saint Augustin, Ou soit juene ou anciain, Des plus saiges sont questiains. (Dupin, Mélanc. L., c.1324-1340, 62)

L'intention doit estre adrechee, afin que pas ne se fache pour vaine gloire ou pour obvier ou resister, mais pour l'inquisition ou excertitation de verité ou, selonc che qu'il appartient aux theologiens, a la confirmation de la foy ou a l'edification des meurs (Daudin, De la erudition H., c.1360-1380, 138)

Et par ce que dit est il appert clerement que le bon theologien et le bon juriste ne sont pas descordans (Oresme, E.A.C., c.1370, 320)

Laissons donques ceste noblece a la deputayson dez theologyens. (Songe verg. S., t.1, 1378, 301)

Ainsi sera tu, sanz moyen, Vray et parfait theologien Et instruit en toutes sciences (Chr. Piz., M.F., II, 1400-1403, 112)

Le quart jour de ce mois, ala de vie à trespas monseigneur Alexandre quint, pape, notable theologien (Baye, I, 1400-1410, 318)

...accorder les aviz et oppinions ad ce que avoient escript sur ledit cas pluseurs theologiens, decretistes et legistes (Comptes Etat bourg. M.F., t.2, 1418-1420, 779)

Mais on me pourroit faire une question, en disant qu'il n'appartient point à ung théologien de faire ladicte justification, et qu'il appartient à ung juriste. (Monstrelet, Chron. D.-A., t.1, c.1425-1440, 183)

Nous sommes maintenant en telle comparoison, laquelle fist l'aigle des théologiens, monseigneur saint Augustin (Monstrelet, Chron. D.-A., t.1, c.1425-1440, 322)

Et appella à faire ledit procès pluiseurs notables gens d'eglise de la duchié de Normendie, graduez en sciences, et pluiseurs theologiens et juristes de l'Université de Paris (Fauq., III, 1431-1435, 14)

Mieulx vault vivre soubz groz bureau Pouvre (...) Qu'avoir esté seigneur... Que dis [tu, toi, mon coeur] ? Seigneur, lasse ! ne l'est il mais ? Selon les davitiques diz Son lieu ne congnoistra jamaiz. Quant du seurplus, je m'en desmez : Il n'appartient a moy, pecheur ; Aux theologiens le remectz, Car c'est office de prescheur. (Villon, Test. R.H., 1461-1462, 41)

Et la raison si est, car du bon vin plus que de tous aultres breuvaiges s'engendrent et multiplient plusieurs esperis subtilz, clers et purs, et ce est la cause que les theologiens [qui] ont acoustumé de contempler es choses fort subtilles, ayment le bon vin. (Rég. santé corps C., 1480, 29)

...à quoy chet responce que cil qui se contente est riche, et certes je voy aussi tost estre à Pasques ung astrologien bon catholique que ung theologien heretique. (Simon De Phares, Astrol., c.1494-1498, f° 54 r°)

Frere Vincent, de l'ordre des Freres Mineurs, notable theologien et grant astrologien, fut en ce temps. (Simon De Phares, Astrol., c.1494-1498, f° 113 r°)

[Religion païenne]

Et Macrobes en son livre De Saturnalibus monstre diffusement comment leur theologiens, par Jupiter ou par Joves entendoient le soleil. (Oresme, Pol. Arist. M., c.1372-1374, 290)

Ce Hesyodus fu un theologien des poiens qui bailla sa science en poëtrie et mettoit que toutes choses furent faites d'une matiere confuse appellee chaos, et de ce fait mencion Ovide ou commencement de son grant livre. (Oresme, C.M., c.1377, 588)

B. -Celui qui s'occupe de cosmogonie.

Et c'est aussy le ciel que les theologiens appellent eaueux non pour ce qu'il y ait eaues telles qu'il y a cy dessoubz, ains sont eaues soubtilles et de noble nature ressemblables au ciel en perspicuité et luminosité que la divine sapience a ainsy ordonné (Evr. Conty, Harm. sphères H.P.-H., c.1400, 11)

Remarque : V. aussi theologie. En fait proche du sens A :

Sans faille, encore avec les .IX. esperes dessus dictes les theologiens, qui sont apris et enseigniez de Cellui qui crea les cieulx, mettent un autre ciel qu'ilz appellent le ciel empireum (Evr. Conty, Harm. sphères H.P.-H., c.1400, 11)