TERROIR

substantif masculin

[T-L : terrëoir ; GDC : terreoir ; FEW (XIII-1, 263b) : territorium ; TLF (XVI, 142a) : terroir]

A. -Ensemble de terres consacrées à la culture (en partic. autour d'une ville, d'un château...).

...et tenoient et advouoient a tenir d'ycellui nu a nu et sans aucun moien tout ce que il avoient es villes de Meri, de Mareul, es terrouoirs et es appartenances d'ycelles villes (Chartes Abb. St-Magl. T.F., t.3, 1330, 23)

...Jehannos de Lonnys, escuiers, en tient la moitié des terrages et la sisime partie des deimes dou terroir de la ville de Susainnes (Trés. Reth. S.L., t.2, 1330, 4)

...et aussi tous leurs cens que il ont ou parrochage de Machiau et ou terrouoir du Chappuis en Brye et tout ce qui en deppent (Chartes Abb. St-Magl. T.F., t.3, 1345, 133)

Les habitans et manans de la ville de Morsanc, du diocese de Paris, nous ont monstré par grande et griefve complainte comment jusques a present nous avons et recevons annuellement, entre aultres, droit et seignourie de champart en leur terres assises au terrouer de ladicte ville a cause de nostredit monastere (Chartes Abb. St-Magl. T.F., t.3, 1366, 328)

...la moitié des dismes de grains et des vins des terres et vignes des terrouoirs de Gaudine, de Chapelet (Chartes Abb. St-Magl. T.F., t.3, 1369, 403)

Si disoient les dis relligieus, pour avoir leur conclusion, qu'il estoient noblement fondé amorti soux le Roy en se sauve et especial garde et personnes en qui de droit commun manoit justice et seignourie, avoient pluiseurs villes esquelles et es terroirs d'icellez il avoient toute juridiction haulte, moienne et basse, exepté trois cas, rat, murdre et arsin appartenans à Madame d'Artois et le souveraineté au Roy no sire (Hist. dr. munic. E., t.1, 1374, , , 387)

Tous les hommes qui sont demourans en la ville de Dijon et dehors dedans la banlieue, en quelque terroir qu'il demoraint, juraint la commune. (Cout. bourg. glosé P.M., c.1380-1400, 22)

...nagaires il a acheté et acquis de Olivier le Josne, clerc, un fief tenu de nous à cause de nostre terre, gisant ou terrouoir dudit lieu de Bergues, en la paroisse de Crochtes, contenant neuf mesures de terre (Hist. Lille T., t.2, 1393, 256)

...Colin le Marinel compete et appartiengne de son heritage certaine piece de terre labourable, assise ou terroir de ladicte parroisse (Chancell. Henri VI, L., t.1, 1426, 350)

[Souvent de vignobles]

...il se recordoit bien que de ladite Marguerite (...) et d'un homme qui estoit avec elle, il avoit d'eux deux acheté environ demi quartier de vigne qu'ilz avoyent ensamble en indivis, assis au terrouir d'Yvry (Reg. crim. Chât., I, 1389-1392, 325)

Cogneut avec ce, que les deux pieces d'or trouvées en sa bourse lui furent bailliées par un freppier nommé Christon, demourant au carrefour Saint-Severin, auquel elle avoit vendu certaine plante de vigne que elle souloit avoir ou terroir de Vittry (Reg. crim. Chât., I, 1389-1392, 325)

...le dixme du vin du terrouer et vignoble des Combes (Aff. Jacques Coeur M., 1453-1457, 523)

Et, au fait des vignes, il y eut bien peu de vin, et par especial en l'Isle de France, comme d'ung muy de vin pour chascun arpent, mais il fut bien bon ; et se vendit chier le vin creu es bons terrouers d'entour Paris, comme de dix à unze escus chascun muy. (Roye, Chron. scand., I, 1460-1483, 3)

Et, le lundi ensuivant, IXe jour dudit moys de septembre, lesdiz Bretons et Bourguignons furent es terrouers de Clignencourt, Montmartre, la Courtille et autres vignobles d'autour Paris, prendre et vendenger toute la vendenge qui y estoit, ja soit ce qu'elle n'estoit point meure, et en firent du vin tel quel pour leur boire. (Roye, Chron. scand., I, 1460-1483, 102)

Et est chose veritable en faisant comparation du vin blanc au rouge qu'ilz soyent tous du terrouer et non pas aultrement, car les vins rouges de France ne sont pas si chaulx ne si fors que plusieurs vins blans d'aulcunes contrees. (Rég. santé corps C., 1480, 27)

Ensemble de terres considérées par rapport à leur proximité d'une ville ou d'un château.

...Sabine estoit une cité assez près de Romme (...) ou temps que Servius Tullius regnoit a Romme, advint que, ou terroir de Sabine, fut nee une vache tresmerveilleuse de grandeur, ou champ de ung noble homme de Sabine (La Sale, Salade, c.1442-1444, 23)

Ce mont est es parties de la marque d'Enconne et ou terroir d'um chastel nommé Montemonaco, c'est a dire le mont du moisne. (La Sale, Salade, c.1442-1444, 72)

...lequel seigneur pour ses plaisirs estoit allez veoir la cité de Pussol [Pouzzoles] . Auquel terrouer est le mont ou l'en trait le souffre de la terre boullant (...). Item en celluy terrouer est le mont qu'on dist Monte Barbaro (La Sale, Sale D., 1451, 134)

Semblablement de luy ne sçay cité, Ville, chasteau ne terroir en demaine, Plus que ne dis qui le dueil n'en demaine. (La Vigne, V.N., p.1495, 316)

Bas terroir. Terres basses.

Ceste cité est assize en baz terrouer entre marés, lacz et estancz (Jean Le Long, Voy. Odoric A.M., 1351, 40)

B. -Territoire, contrée.

Ceste cité est moult froide, car les gens dient que elle siet ou plus hault terroir qui soit au jour d'huy habité. (Jean Le Long, Voy. Odoric A.M., 1351, 3)

Ces IIII. bonnes villes et le terroier de Portingal... s'enclinoient à lui et à ceste election (Froiss., Chron. M., XII, c.1375-1400, 8)

...nous, eschevins... de Gand prions as barons et nobles dou païs de Flandres chi après nommés, as bonnes villes de Bruges, d'Ippre, au terroir dou Franc... que... voellent mettre leurs seaulx et les seaux des dites villes à ces presentes (Froiss., Chron. R., XI, c.1375-1400, 308)

...lesdis deputés de nozdictez bonnes villes et terroyer (...) ...la ville et terrouer de Warneston... (Ordonn. Ph. le Hardi, Marg. de Male B.-B., t.2, 1394, 62-63)

Des bourgmaistres et eschevins du terroir du Franc, pour eulx et les habitans, hommes et femmes frans hostes d'icellui terroir, 500 livres parisiz, qu'ilz doivent chascun an (...) à cause de leur affranchissement, de confiscacions de leurs biens quelxconques tant fiefz, heritages, muebles et autres (Comptes Etat bourg. M.F., t.3, 1416-1418, 47)

À Jehan Puignere, saudoyer au chastel de Lille, le XVIIe jour dudit mois pour porter lettres de par mondit seigneur à Thouroult devers les deputez du terroir du Franc (Comptes Etat bourg. M.F., t.1, 1420, 446)

Et tantost il ordonna les bornes a chascun terroir ; et ce quy demouroit entre deux, il adjuga au peuple de Romme. (La Sale, Salade, c.1442-1444, 26)

...ce seigneur de parlement, devint amoureux a Paris de la femme d'un cordoannier qui estoit belle et gente, et enlangagée a l'advenant et selon le terrouer. [On pense à Villon : 'Il n'est bon bec que de Paris'] (C.n.n., c.1456-1467, 414)

Et premierement, touchant le fait et utilité de la terre durant ladicte année mil quatre cens soixante, au regart et en tant que touche le terrouer et finaige du royaulme de France, il y creust compettamment de blez, qui furent bons et de garde ; et n'en fut point vendu, au plus chier temps de ladicte année, que vingt quatre solz parisis le septier, mais il n'y creust que bien peu de fruict. (Roye, Chron. scand., I, 1460-1483, 3)

Domaine.

Ores advisés dont comment Et en quel lieu prendrons espouse. A marier en sçay bien .XIJ. De bon hostel et honnorable, A terruer, a hostel notable, Et aussy bien riches : a Compès, D'aultre pluseurs en Geneveys Et en Sauvoye, ce me semble. (Myst. st Bern. Menth. L., c.1450, 13)