TARDIF

adjectif

[T-L : tardif ; GD : tardif ; GDC : tardif ; FEW (XIII-1, 118a) : tardivus ; TLF (XV, 1384b) : tardif]

A. -[D'une chose]

1.Lent (en partic. à propos de mouvements astronomiques).

[Lune] Et li cors est mus en le moitié deseure de l'epicicle avoeques le firmament, et par desous encontre le firmament, par 13 degrés et 3 menus et 54 secons. Et par desous elle est hastive, et par deseure tardive (Compil. sc. étoiles C., a.1324, 76)

Car si comme il appert ou .VIIe. de Phisique, un meïsme mouvement est isnel ou regart de l'un mouvement et est tardif ou lent ou resgart de l'autre. (Oresme, E.A.C., c.1370, 501)

Et combien que ce soit faulz, quar le monde n'a pas tant duré que ce peust avoir esté, toutevoies, se le mouvement du ciel duroit perpetuelment, ce seroit bien possible, pour ce que le pole artique vendroit la ou est le pole antartique par un mouvement si tardif que il n'est encor pas apparceu. (Oresme, C.M., c.1377, 96)

Mes des autres, c'est a savoir des planetes, les mouvemens sont plus tardis et de chascune sont pluseurs, car chascune [ selon ] propre cercle et par son propre mouvement est [ meue ] au contraire du souverain ciel. (Oresme, C.M., c.1377, 486)

[À propos de la digestion]

...et toutes choses qui sont de dure digestion et tardive, sicomme chairs de beuf et caules, fromage viel, eufz durs et toute conchile et tous poissons bestialz et les semblables (Gordon, Prat., c.1450-1500, VII, 14)

2.Qui vient tard, qui se manifeste tard ou avec retard, tardif.

...mais combien que la victoire fust tardive, toutesfois fu elle certainne (Bers., I, 9, c.1354-1359, 21.6, 39)

La grace de Dieu n'a cure de tardifz apparaulx (Daudin, De la erudition H., c.1360-1380, 241)

Quant l'estat de la maladie est continu, l'en doit continuelment user de tres forte diete ; quant l'estat est plus tardif, ou temps de l'estat et un pou devant, l'en doit retraire la viande (Saint-gille, A.Y., 1362-1365, 55)

O tardive congnoissance couverte de sacrifice faint ! (Chart., L. Esp., c.1429-1430, 174)

L'eure n'est pas encor(e) tardive. (Sots, c.1480-1500, 266)

3.[D'une médication, de soins...] Lent à agir.

La plaie chascun jour ravive, Et la medecine est tardive (Le Fèvre, Respit Mort H., 1376-1380, 43)

B. -[D'une pers., de son comportement] Qui manifeste une certaine lenteur.

1.Lent (dans les mouvements).

Son aler n'est hastif ne tardif, tousjours une maniere de habit, netteté oubliee et vesture non aournee (Daudin, De la erudition H., c.1360-1380, 400)

...monseigneur Loiz de France, ainsné filz du Roy nostre Sire (...) bel de visaige, suffisamment grant et gros de corps, pesans et tardif, et po agile (Baye, II, 1411-1417, 231)

Le second inconvenient, c'est assavoir estre tardif es mouvemens, et pourtant que par le repos aprés disner, les humidités et fumees sont retenues environ les muscles, nerves, et joinctures, et endormissent lesdis membres ; et pour ce est le corps pesant en ses operations aprés disner. (Rég. santé corps C., 1480, 7)

...quant tu monteras en aulcun lieu hault, faitz que tu soies aussi tardif a descendre comme a monter (Tardif, Facéties Pogge D.H.-P., c.1490, 31)

Remarque : Renart contref. R.L., 1328-1342, gloss.

2.Lent (dans les réactions), qui a tendance à prendre du retard.

...sans honte et folement je me avanche et me moustre, prest a parler, hatif a enseignier, tardif a oïr (Daudin, De la erudition H., c.1360-1380, 291)

Et semble que le magnanime soit oyseus et tardif ou pereceus, pour ce que il ne se entremet fors de peu de choses et qui sont grandes et la ou est honeur ou quant il en est mestier et besoing (Oresme, E.A., c.1370, 254)

Car il est moult de vertus particulieres dont il ne parle pas, si comme nous voion que en parler les uns sont trop hastifz, les autres trop tardifz, les uns sont trop longz, les autres sont trop briefz (Oresme, E.A.C., c.1370, 266)

O folz et a croire tardix ! Dieu s'il vous met en bonne mectes. N'avéz pas oÿ les prophettes Dissant [que] il convyent souffrir En la croix pour tous racheter Et en la gloire Dieu entrer ? (Pass. Semur D.M., c.1420 [1488], 262)

...et selon la diuersite de la complexion lame naturellement a diuerses inclinacions et est lame en ses operacions plus tardiue ou plus hastiue ou plus ingenieuse ou moins. (Cib., p.1451, 218)

Le flegmatique qui est au colerique contraire pour ce quil a les qualitez de leaue qui sont froideur et moiteur est communement graue et tardif et na pas bon sens ne agu, et est moult obliuieux, paresseux et sommilleux (Cib., p.1451, 219)

...le conte (...) fu adont a demy ravy pour le grant soulaz qu'il atendoit et devez croire qu'il eult tost fait son desapointement, car d'aguillettez copper et tout rompre au besoing ne fu il gairez tardif par le grant desir qui ad ce l'amonnestoit et, pour conclure, il se coucha sans faire long benedicité et s'approcha de la contesse (Comte Artois S., c.1453-1467, 132)

O chevalliers desloiaulx, que vous estes tardis ! (Bagnyon, Hist. Charlem. K., c.1465-1470, 66)

Et les humeurs indigerees et crues sont cause de oppillations, laquelle oppillation est cause des fievres, selon que dit Avicenne en la premire du quart, au chapitre de putrefaction. Le second empeschement que donne le repos fait incontinent aprés disner est que il rent les gens tardifz en leurs operations, par une mesme raison, car des humeurs gros et indigerés sont engendrés esperis tardifz a mouvoir le corps, et demeure le corps pesant comme les esperis soubtilz et legiers font le corps legier. (Rég. santé corps C., 1480, 6)

...car il estoit tardif et craintif à entreprendre, mais à ce qu'il entreprenoit il y pourvoyoit si bien que à grant peine eust-il sceü faillir à estre le plus fort et que la maistrise ne luy en fust demourée. (Comm., I, 1489-1491, 145)

...il a esté lent et tardif et n'a peu venir a son ayse jusques a nous (Tardif, Facéties Pogge D.H.-P., c.1490, 106)

Remarque : Forme tardieux

Je lo, et tardieux je conseille, Que ton corage s'i atempre, Que tu le laisse[s] tart ou tempre [l'amour] . (Ovide remede amours H., p. 1300 [1400-1430], 51)

Sans estre a repos trop tardieux (...), Me prit talent dormir des yeulx (Taillev., Songe thois. D., 1431, 61)

[À propos d'un animal]

Et est certain que les espreviers ainsi lassez sont plus tardiz et plus longs a venir dessus ung grant arbre, maison, ou autre hault lieu que dessus ung bas, se grant fain ne les y [remuet] (Ménagier Paris B.F., c.1392-1394, 157)

Qui est en retard.

Il [Geoffroy] ne veult point estre tardiz, Si tost qu'il arrive, au port entre (Coudrette, Mélus. R., c.1401-1402, 230)

Tardif de tant. En retard de tant.

Là venoit au secours des François le duc de Bretaigne, mais il fut tardif de deux ou trois jours. (Raoulet, Chron. Ch. VII, V., c.1461-1467, 155)

3.Qui sait prendre son temps, qui est posé.

Tout homme soit legier a escouter et tardif a parler (Daudin, De la erudition H., c.1360-1380, 57)

En la somme de toute discipline je veul que tu soies tardif en paroles et peu emparlé (Daudin, De la erudition H., c.1360-1380, 147)

...mais elle, tardive au parler, preste a escouter, gardoit toutes ces paroles et les mettoit en son cuer (Daudin, De la erudition H., c.1360-1380, 422)

...ains est pourchaceur des batailles civiles et alumeur de noises et forsaneries, qui est appelléz des autres 'doulz, lent et tardif' (Foul., Policrat. B., III, 1372, 213)

...et le parler sans mignotise, mais propre et doulz, ordonné et attrait ; en regart simple, tardif, et non vague, et joyeuse par apoint. (Chr. Piz., Trois vertus W.H., c.1405, 179)

Si dit l'auctorité cy dessus que un prince doit estre tardif à peine, c'est assavoir à pugnir, et prest à guerdonner, et de vouloir toutes les foiz qu'il convient qu'il soit aspre à autrui si que il semble que il soit cruel. (Chr. Piz., Paix W., 1412-1413, 143)

Tu plairas à tous se tu dis pou et faiz assez de biens et, de ce dist l'apostre : Soyes isnel à ouir et tardif à parler. (Chr. Piz., Paix W., 1412-1413, 168)

Aristote, tenu et reputé par tout le pere de philosophye, dit que, combien que les consaulz quant ilz sont deliberez se doivent hastivement et diligemment executer, il veult touteffois et enseigne que, en conseillant, on soit pesant et tardif, c'est a dire que on y pense bien et longuement, que on delibere meurement et par loisir, non soudainement ne par hastiveté (Fillastre, Traité Conseil H., c.1472-1473, 235)