TAPIR

verbe

[T-L : tapir ; GD : tapir ; DECT : tapir ; FEW (XVII, 307a) : *tappjan]

Cacher, dissimuler qqc. (au propre ou au fig.).

Car quant grans Desirs par son art Sage et soutil un fin cuer art Ou loiauté est enfermée, Il art sans feu et sans fumée Et le keuve, tapist et cuevre Si sagement, que de son ouevre Ne se puet nuls apercevoir. (Mach., D. Lyon, 1342, 194)

JOSEPH À MARIE. Pour ce vous plevi seulement Que ne vous blasmassent la gent, (...) Et que vous fusse com abri Et un esconsal où tapi Fust vostre desir et propos De virginité et enclos (Guill. Digull., Pèler. J.-C. S., 1358, 57)

...et le sien couroux celloit et tapissoit en son cuer sans en faire quelconque demonstrance (Ménagier Paris B.F., c.1392-1394, 112)

Mais tant y a qui ont grande mauvaistie et malice pour cauteleusement tapir leurs vices soubz fainte simulacion en ombre et couleur de bien (Chr. Piz., Corps policie L., 1406-1407, 29)

'Dispose de ta maison, car demain tu mourras,' comme si ceste parolle nous feust singulierement transmise, non refusant icelluy mandement mais icelluy humblement recepvant puisqu'il plaist à Dieu, à l'ordonnance de qui toutes choses sont subjectes et à qui ne se peult rien tapir de nostre maison prinse en trois sens, c'est assavoir de nostre ame, qui d'icellui Dieu est dicte le sierge, mais qu'elle soit juste, et de nostre corps, en quoy ladicte ame si est (Le Clerc, Interp. Roye, c.1502, 282)

Remarque : Renart contref. R.L., 1328-1342, gloss.

[D'une pers. ou d'une chose] (Se) tapir. Se cacher.

Il s'en fuient et se tapissent, Et cil qui puelent le guenchissent, C'est assavoir cils ou il tent Et sus cui ses pooirs s'estent. (Mach., D. Aler., a.1349, 326)

...li sires de Sempi...trop loiaument s'aquita de estre gaite et escoutète des Flamens... et aloit songneusement tout en tapissant veoir et imaginer leur convenant (Froiss., Chron. R., XI, c.1375-1400, 20)

Je pers mon temps et ma peine est perie, Tres bien le sçay, et si sui si chetis Que ne me puis oster de la folie Où mes fols cuers m'a entrapé et mis, Car Faus Samblans s'est couvers et tapis En dous regart et en plaisant viaire, Et si n'en puis moy ne mon cuer retraire. (Mach., L. dames, 1377, 188)

Puis que ce pais ci guerpir Voulez et vous ailleurs tapir, Certainement je vous suivray (Mir. fille roy, c.1379, 46)

...se li rois de Franche l'euist tenu en son air, il l'euist fait morir honteusement. Et convint le dit mesire Godefroi tapir et fuir et issir hors dou roiaulme de France. (Froiss., Chron. D., p.1400, 633)

Quant l'empereur l'ouï, ne se voult pas tapir, Il broche le cheval (Galien D.B., c.1400-1500, 127)

...larrons et murtriers qui pour paour de fourches se seullent tapir es bois (Chr. Piz., Paix W., 1412-1413, 133)

Car tu ne sceiz quel gaing espirituel redonde de ce temporel dommage, ne quel pechié passé et couvert se tappist soubz celle justice reposte (Chart., L. Esp., c.1429-1430, 51)

Il est plus legier soy tapir en sa maison que se pooir garder au dehors souffisaument. (Internele consol. P., 1447, 324)

...quand il fut a l'endroit ou il devoit asseoir son guet, il se tappit au coing d'une forte haye (C.n.n., c.1456-1467, 442)

Ainsi que Baude buissonnoit en la forest d'Espérance, lez une lande, il oy un grant glay aspre et esclatissant : lors se tappy et orilla le cor des braconniers, qui, à la fin, cournèrent retraicte. (Baude, Eloge Ch. VII, V., p.1484, 127)

Tapi. Caché (au propre ou au fig.).

[Le roi parvient à forcer le corps sarrasin à sortir de la ville et les poursuit dans la campagne] Parmi la ville chevaucha Li gentis roys qui detrancha Maint Sarrazin en combatant, Qu'il en y avoit encor tant, Qui laiens estoient tapis, Qu'à merveille ; mais l'un n'a pis Que li autres, car sans doubtance Tuit sont puni d'une sentence, C'est par le tranchant de l'espée ; Autre grace n'i est donnée. (Mach., P. Alex., p.1369, 99)

Et atendre doit chascun archier leur revenir de leurs viandeïz ou mengues tapi derriere un arbre (Gast. Phébus, Livre chasse T., 1387-1389, 283)

Ethioclés par ses espies, Qui en mains lieux furent tappies, Sçot bien de cel ost tout l'affaire (Chr. Piz., M.F., II, 1400-1403, 310)

Si porte en lieu de cuer, tapie, Pensee qui m'est dure espie Et n'en puis estre descherpie (Chart., L. Dames, 1416, 245)

Toute verité des choses est tappie et cemee (La Sale, Sale D., 1451, 231)

Force n'ay plus, substance ne liqueur, Quant je te voy retrait ainsi seulet, Com povre chien tapi en reculet (Villon, Poèmes variés R.H., c.1456-1463, 70)

...me vint ung soudain appetit de menger une fuille d'oseille qui pour l'heure de adonc estoit couverte et soubz la neige tappie. (C.n.n., c.1456-1467, 128)

Tous ses seigneurs en de bonnes maisons Furent logez, et des dames cheriz, La ou plusieurs amoureux oraisons, Pour parvenir a fin de leurs raisons, On mist avant, voire absens les mariz. Ilz s'en alloyent tapiz comme souriz, Pour rencontrer quelque beste a requoy ; Se l'on y fist plusieurs charivariz Il y avoit, Dieu mercy, bien de quoy ! (La Vigne, V.N., p.1495, 173)

Tapissant. Qui dissimule, faux, sournois.

Par ses attraictz doubteux et tapissans... (Saint-gelais, Séj. honn. D., c.1490-1495, 169)