TETIN

substantif masculin

[T-L : tetinetetin ; GDC : tetin ; FEW (XVII, 334b) : *titta]

A. -Sein (d'une femme).

Et, se de tetins est desmise, Il couvient faire en la chemise De celle cui li sains avale, Deux sacs par maniere de male, Ou l'en fait les peaulx enmaler Et les tetins a mont aler (Desch., M.M., c.1385-1403, 49)

Or couvient un large colet Es robes de nouvelle forge, Par quoy les tettins et la gorge Par la façon des entrepans Puissent estre plus apparans De donner plaisance et desir De vouloir avec eulx gesir. (Desch., M.M., c.1385-1403, 49)

...en ouvertures de pardevant, par lesquelles on voit les tetins, tettes et seing des femmes (Juv. Urs., Nescio, 1445, 547)

...et oultreplus avoit les tetins genteletz, droitz et pongnans, et les bras grasselez (RENÉ D'ANJOU, Cuer am. espris W., 1457, 169)

Et si y avoit encores trois bien belles filles, faisans personnages de seraines toutes nues, et leur veoit on le beau tetin droit, separé, rond et dur, qui estoit chose bien plaisant, et disoient de petiz motetz et bergeretes (Roye, Chron. scand., I, 1460-1483, 27)

...laquelle il print et tira par le bras à terre, et, en la tirant à bas, lui bailla de ladicte espée au travers d'entre deux espaules, et puis, elle descendue à terre et estant à deux genoilz, lui traversa ladicte espée par deux foiz parmy les tetins et l'estomac, dont incontinent ala de vie à trespas. (Roye, Chron. scand., II, 1460-1483, 16)

Recipe pour mauvais tetins (Dorib., p.1480, 250)

Dames sans nombre a face angeliques, Bien acoustrees de drap d'or et satin, Verges, carcans, bordures auctentiques, Gros dyamans et saphirs magnifiques Pour enrichir la gorge et le tetin (La Vigne, V.N., p.1495, 168)

...Elles estoyent tant propres et honnestes Que plusieurs gens aux amoureux bicextes Se convoloyent par frians appetiz. Une bouchette, ungs rïans yeulx petiz, Ung cler vïaire pour roynes ou princesses, Ungs blancs tetins, ungs long bras et traictifz : Je ne croy point qu'il soit d'autres deesses. (La Vigne, V.N., p.1495, 170)

Donner le tetin. Allaiter.

Premierement fut veu Herculès en son bers, et sa norrice qui luy donnoit la mamelle ; et au plus près, le bers de son frere jumeau ; et sa norrice, qui le levoit et portoit chauffer au feu, lui donnoit le tetin et le emmaillottoit (La Marche, Mém., III, c.1470, 143)

[En cont. grivois]

Par Dieu, amoreulx je seroye De la plus belle de ceste ville. (...) M'en yroy sus mes espatins De ver m'amiete joulie Bouter la mains sus ces tetins (Myst. st Sébast. M., c.1450-1500, 195)

Trop bien de baiser, d'accoler, de manier le tetin, et le surplus, faisoit il assez diligence (C.n.n., c.1456-1467, 194)

...au taster qu'il fist hurta sa main d'aventure a son tetin, qu'il sentit tresdur et poignant (C.n.n., c.1456-1467, 250)

A fillectes moustrans tetins Pour avoir plus largement hostes... (Villon, Test. R.H., 1461-1462, 148)

Pour tenir tetin et mamelle Je suis froit [comme] l'eau d'ung puys. (Sots, c.1480-1500, 264)

B. -Mamelon (d'un homme).

..veant soy ainsi assailli, donna ung cop de meschief audit Mathieu de Wolbele en la poitrine, dessoubz l'un de ses tetins (Doc. 1460. In : Ch. Petit-Dutaillis, Doc. nouv., 1908, 35)