SUJET

adjectif et substantif masculin

[T-L : subjet ; GDC : sujet1 ; FEW (XII, 340a) : subjectus ; TLF (XV, 1084a) : sujet1]

I. -Adjectif.

A. -Sujet (à qqn)

1.[D'une pers. ou à propos d'une pers.]

a)Qui est soumis, qui est subordonné à qqn, qui dépend de qqn.

Tout le monde ont mis souz leur piez ; Ne sunt mes fors a Dieu sougiez. (Vie st Evroul S., c.1350, 64)

...l'eage de l'omme doit estre informé ou aprins quant elle est encore mole et tendre et qu'elle obeïst legierement a cheulx a qui elle est subjette, qui la cherge ont de l'instruire. (Daudin, De la erudition H., c.1360-1380, 158)

...conme roy plus ne serez, Mais conme enfant subjet a pére Qui quant il meffait le compére (Mir. ste Bauth., c.1376, 124)

Pour ce demour En souffrence et en cremour, Subjés a li. La sont mis tuit mi plaisir, Là m'ottroy, Là porter foy Vueil bonnement (Mach., Lays, 1377, 430)

Sire roy, dist Anthoine, c'est par vostre musardie et par vostre pechié, qui guerroiez les pucelles sans cause, et les voulez avoir par force. Mais sachiez que vous en serez paiez a vostre droit ; car je vous rendray en la subgection de celle que vous vouliez avoir subgecte par force. (Arras, c.1392-1393, 163)

Comment ? seront doncques femmes, par especial de court, si subgiectes que elles n'oseront ame veoir ne elles esbatre sans mal penser en compagnie ou il ait gentilz hommes ? (Chr. Piz., Trois vertus W.H., c.1405, 132)

Mais quant on vous a bien servy, On est de reffus asservy, Aussi subgiét entre voz las Qu'on ne fait que crïer : helas ! (Narcissus, p.1426, 296)

...car les seigneurs trop gouvernez et trop subgiz a leurs vicieulx mignos, Dieu vuelt qu'il leur en prengne ainssy, especialment de telz vices entechiez. (La Sale, Salade, c.1442-1444, 194)

[Comme justiciable]

...et encores de rechief ledit premier president lui dist qu'il devoit autrement recongnoistre l'auctorité de ladicte Court, à laquelle estoient subgiez toutes les gens de justice de ce royaume. (Fauq., I, 1417-1420, 314)

Et ledit premier president lui dist de rechief qu'il estoit subget de la Court, et, sans autre reverence de parole, Loys iterum respondi qu'il estoit subget du Roy (Fauq., I, 1417-1420, 314)

[À Fortune]

...Com Fortune t'a abatu Qui en sa roiz t'a embatu, Et la te bat de ses flaiaus Qui sont mauvais et desloiaus. Et se tu vues dire que tu ne Yès mie subjès de Fortune, Et que ta grant attration Affranchist ta condition, Et qu'elle donné ne t'a mie Ta richesse et ta signourie, Einsois te vient de droite ligne (Mach., C. ami, 1357, 67)

[À la Providence]

Nous nous en irons, s'il vous plaist, Tous ensemble en nostre logis Et nous tiendrons tousjours subgitz A la divine pourvëance. (Myst. Pass. Troyes B., a.1482, 982)

[D'un animal]

Si cheï en moult grant pensée Comment a moy ne fust celée La verité de pluseurs choses Qui eu vergier furent encloses, Especiaument dou lion Qui estoit en subjection Tele qu'onques mais beste mue Ne fu si subjette veüe, Des bestes qui si fort le heent Que toutes a li honnir beent (Mach., D. Lyon, 1342, 184)

Juge sujet. Juge subordonné.

Remarque : Ordonn. rois Fr. S., t.3, 1356, 145. Cf. aussi archer sujet, Ph. Contamine, Guerre, Etat et soc. à la fin du Moy. Age, 1972, 466.

b)En particulier. [D'une pers., d'une collectivité] Qui est soumis à une autorité, qui est soumis à un seigneur, qui est sous la dépendance d'une autorité.

Vaspasien n'ot seigneurie a quelzconques genz autres que ceulz qui estoient subgiéz a l'empire de Romme (Foul., Policrat. B., II, 1372, 139)

PHILIPPE L'EMPEREUR. (...) François, qui sont mes subgiez hommes, Se rebellent par desverie Contre moy et ma seigneurie. (Mir. st Lor., 1380, 126)

...l'affection singuliere qu'il avoit à yceulx [Anglais] contre le roy de France nostre sire, qui est droiturier seigneur et naturel, et dequel terre et royaume il est nez et subget (Reg. crim. Chât., II, 1389-1392, 207)

A quoy la Court a respondu que ce n'estoit point la maniere de venir ceans signifier les assemblées, attendu l'estat de la Court qui n'estoit subgecte ne jurée que du Roy (Baye, I, 1400-1410, 342)

...le roy les manda querir pour soupper avecques lui, et fist Saintré seoir a sa destre comme estrangier, et messire Enguerrant a senestre comme subget et de l'ostel (La Sale, J.S., 1456, 116)

Je suis homme d'auctorité, Subgiet es romains impereurs ; Toutesfoiz j'ey mains serviteurs, Qui vont et vienent a tous lieux Et si sont tout ce que je veulx [Réf. à Luc 7, 8 : 'moi qui suis soumis à des supérieurs'] (Pass. Auv., 1477, 129)

2.[D'une chose]

a)Soumis à qqn.

Mieulx ne luy pouons nous dire, quer par ce elle a comme auctorité et domination naturele sur le Seigneur de tout le monde, et, par plus forte raison, sur tout ce qui est subgiet a tel Seigneur, telement que, en son nom, tout s'encline en ciel, en terre et en enfer (Gers., Annonc., a.1400, 231)

Sextement tu es de si franche voulenté que tu puez les choses qui sont subgettes a toy, perdre ou garder a ton plaisir (Gers., Trin., 1402, 163)

C'est voulenté subjecte a Dieu, qui garde les commandemens de Dieu. (Gers., Noël, p.1404, 292)

...paix universele fut donnee par tout le monde qui estoit lors subject a l'empire de Romme (Gers., Noël, p.1404, 300)

Ainsi entra le roy dedens la ville, Ou toute chose criminelle et civile Luy fut subjecte et vraie obeissante. (La Vigne, V.N., p.1495, 145)

Soumis, plein de soumission, d'humilité.

...comme se en soy taisant il [le prophète] deist et pronoçast ceulz de qui la vie est toute plaine de jeus estre perdus et evanoïs avec leurs oyseaux [de chasse] , et par subjecte prononciacion de sentence les ramentoit estre descendus en enfer. (Foul., Policrat. B., I, 1372, 106)

b)En particulier. [D'un bien] Qui est soumis à un seigneur, qui est grevé de servitudes.

...en faisant laquelle exécution, ledit sergant eust prins et exécuté certains biens sur certain héritage, assis en la parroisse de Saint Père de Coustances, que l'en disoit estre subgect, obligé à paier ladite rente (Cartul. Hôtel-Dieu Cout. L., 1395, 202)

B. -Sujet à / de qqc.

1.[D'une pers.] Porté à qqc., exposé à qqc., à subir qqc..

Selon saint Pol en ses epistres creature est, sanz que elle vueille estre, subjecte a vanité. (Foul., Policrat. B., III, 1372, 223)

Dy se Nostre Dame fut point subjecte aux penalitez, froit et chaut quer Adam n'en eust rien sentu ? (Gers., Annonc., a.1400, 231)

...qu[e] toute la lignie de Adam et Eve, descend[a]nt par compaignie naturelle d'omme et femme, perdra cest heritage et sera subjette a pechié originel (Gers., Concept., 1401, 398)

En petit d'eure avoyes oublié la cognoiscence de toy meismes ! Ne sces tu que tu es une miserable creature, fresle et subgiecte a toutes enfermetéz, et a toutes passions, maladies et aultres douleurs que corps mortel puet souffrir ? (Chr. Piz., Trois vertus W.H., c.1405, 14)

N'autre chose ne peut-il faire [le petit enfant] Fors peu crier, plorer et braire, Et est subgit à tel destroit Que un peu de chault, ou peu de froit, Ou un petit d'oppression, Le mettroit à confusion. (La Haye, P. peste, 1426, 67)

Tu es subiect a necessitez innumerables (Cib., p.1451, 198)

...il estoit fort subject à maladie (Molinet, Chron. D.J., t.1, 1474-1506, 598)

...et aussi que seroie subject à gravelle, dont bien gueriroye (Simon De Phares, Astrol., c.1494-1498, f° 156 v°)

2.[D'une chose] Soumis à qqc. (de positif ou de négatif).

Et encore est elle [celle partie ou puissance d'ame] plus obeïssante et plus subjecte a raison en celui qui est sobre ou fort. (Oresme, E.A., c.1370, 144)

Et pour celui qui est actrempé ouquel l'appetit de concupiscence est subject et obeïst a raison, il convoite ou desire les choses qui sont convenables et en la maniere qu'il appartient et quant il convient ou appartient et selon toutes bonnes circonstances ; car ainsi le ordenne raison. (Oresme, E.A., c.1370, 229)

...combien que les choses que la science de Dieu comprent soient soubgetes a mutabilité (Foul., Policrat. B., II, 1372, 168)

S'en sont pluseurs que je voy encheüz En desespoir, en dolour, en tristece Sens reveler ; mès ce sont recreüz En qui constance est subgecte à peresse, Sens à folour et vertu à foiblesse, Qui se plaignent à tort de teste saine, Car nulz ne doit avoir honeur sanz paine. (Mach., App., 1377, 651)

Quar le ciel n'est pas chose materiele ou se il est de matiere, elle est d'autre nature que la matiere des choses de ci bas qui est subjecte a corrupcion et generacion, etc. Apres il monstre comment le ciel ne puest estre alteré. (Oresme, C.M., c.1377, 82)

Et ce que Aristote dist que les principes des choses corruptibles sont corruptibles, ce est a entendre des principes dont la chose est composee ou de ses parties, et dist par aventure pour la premiere matiere qui est perpetuele, mais elle est subjet de corrupcion et est selon ce corruptible aucunement. (Oresme, C.M., c.1377, 638)

Soumis à un examen.

...la certainneté n'est pas a enquerir semblablement en toutes sciences, mais doit estre enquise en chascune selon la matiere subjecte de quoy elle traicte (Oresme, E.A., c.1370, 122)

Soumis à la connaissance.

...que les choses subjectes, qui sont sceues aucunes fois, soient appellees et clamees du nom de science. (Foul., Policrat. B., II, 1372, 169)

3.Destiné à qqc..

De la 26e maison ensuivant, qui est la plus subjete [à] pescherie, qui a esté louée pour ladite premiere année à Jehan de la Rue, pareur de peaulx (Comptes Paris V.L.D., t.1, 1447-1449, 582)

II. -Substantif masculin.

A. -Celui qui subit qqc., qui est le lieu de qqc..

Item note que le subject de ceste passion, principalement c'est l'estomac (Gordon, Prat., c.1450-1500, V, 13)

B. -Celui qui est soumis à l'autorité de qqn.

...car avoir princey et estre subject ne est pas seulement chose necessaire, mes est expediente. (Oresme, Pol. Arist. M., c.1372-1374, 52)

...vous me voulez tenir vostre subjecte et esclave, sans avoir loy de parler de deviser a autre que a vous. (C.n.n., c.1456-1467, 235)

C. -En particulier.

1.[Féodalité] Celui qui est soumis à l'autorité d'un seigneur.

...li signeur leur subgiez pillent, Roubent, raembent et essillent Et mettent a destruction Sans pitié ne compation, Si que grans meschiés, ce me samble, Est de vice et pooir ensamble. (Mach., J. R. Nav., 1349, 139)

Ne pren de tes gens que tes rentes, Soit en blez, en cens ou en ventes, Car se tu les vues escorchier, Mieus te vaurroit estre un porchier. N'asservi mie tes subjès, Car tu les dois tenir adès En leur droit et en leur franchise Qu'ont de toy et des tiens acquise. Et s'il meffont, si leur fay grace, Car il n'est homs qui ne mefface. (Mach., C. ami, 1357, 136)

L'empereur tantost commensa Et ses messages avansa, Et ses lettres, pour envoier À ses subgés, sans detrier ; Car parfaite devotion Avoit à l'exaltation Dou voiage, et tant le desire Que bouche ne le porroit dire. (Mach., P. Alex., p.1369, 41)

Si que longuement consilla, Et trouvé en son conseil a Qu'il face une très grosse armée, Et qu'il mande par la contrée Ses subgés et ses bons amis Pour destruire ses anemis. (Mach., P. Alex., p.1369, 129)

...car une meïsme amistié n'est pas des parens a leur filz et des seigneurs a leur subgiéz. (Oresme, E.A., c.1370, 426)

Et le pere a par aventure princee et seigneurie sus ses filz, et les progeniteurs sus leur neveus, et semblablement le roy sus ses subjectz. (Oresme, E.A., c.1370, 438)

...toutes cez choses si regardent le proufit comun de sez subjés, car le seigneur en devient plus puissant ou plus riche, et pourra, ou temps avenir, plus supporter et aider sez subjés (Songe verg. S., t.1, 1378, 231)

CLOVIS. (...) Par mon conseil ordeneray Quel treu sur vous prenderay Com mes subgiez. (Mir. Clov., c.1381, 266)

...tant en homme, comme en femme, bourgois et bourgoise, subgiés et justichiables (Trés. Reth. S.L., t.2, 1384, 309)

...ou cas que ycellui prisonnier ne prouveroit sa noblesse par lui alleguée, qu'il lui feust rendus comme son subjet et justiçable (Reg. crim. Chât., I, 1389-1392, 3)

... [il] prins vins, blez, advenes, feurres, foings, moutons, beufs, vaches, pain, pors, poulailles et tous autres vivres, sur les subgez et tenans le parti du roy nostredit seigneur, sanz en païer denier aucun, par force et contrainte, contre la volenté d'iceulx subgez (Reg. crim. Chât., I, 1389-1392, 58)

Et l'aventure si est telle que, se, a ceste presente heure, uns subgiez occioit son seigneur, qu'il devendroit ly plus riches, ly plus puissans, ly plus honnourez qui feust oncques en son lignaige, et de lui ystroit si tres noble lignie qu'il en seroit mencion et remembrance jusques en la fin du monde ; et saiches que c'est vray. (Arras, c.1392-1393, 21)

Soiez doulz et debonnaire a voz subgiez, et a voz ennemis fiers et crueulx, tant que ilz soient soubzmis en vostre obeissance, se par force le fault faire. (Arras, c.1392-1393, 153)

Donques, s'il n'y a autre cause que aucuns ait sur nous adevinee par envie ou par haine, je dy que par droit vous ne nous devez vouloir nul mal, nous qui sommes hommes et vrais subgiez et obeissans de nostre droit seigneur naturel Remond de Lusegnen, car, se aucun nous vouloit molester ou injurier, si nous devriez vous garantir. (Arras, c.1392-1393, 211)

Le second remede ou consideration est penser a la povreté de ses propres subgietz et freres, quant a nature, et seigneurs souvent, quant a bonté de grace. Comme disoit un empereur de Romme qu'il vouloit estre tel a ses subgietz comme il vouloit que un seigneur luy feust, s'il estoit subgiet. (Gers., Annonc., a.1400, 238)

Cedit jour, a esté publiée une lettre royal sur l'impost d'une taille imposée sur les subgès de ce royaume. (Baye, I, 1400-1410, 131)

...messire Estienne Marie, prestre, subgiet de monsr l'evesque de Suessons (Baye, I, 1400-1410, 322)

Et ainsi faire au prince loit A ses subgiez, selon qu'il voit. (Chr. Piz., Chem. estude P., 1402-1403, 243)

...la Court condempne ledit duc pour pluseurs courses, pilleries, roberies, feux boutez et autres pluseurs grans et enormes crimes et deliz par lui, ses gens, subgiez et alliez commiz et perpetrez (Baye, II, 1411-1417, 78)

Presuppose en oultre que on ne doit point donner occasion aux officiers et subgez de son prince de faire sedicion ou commocion (Fauq., I, 1417-1420, 31)

Par ma foy, monseigneur, dit l'autre, s'il vous plaist et semble bon, vous assemblerez tous vos subjectz de ceste ville (C.n.n., c.1456-1467, 221)

En ce temps, le bastard de Bourgongne et le mareschal de Bourgongne, acompaignez de grant quantité de gens de guerre de la compaignie dudit monseigneur de Charrolois, commencerent à courir sus aux villes et subgetz du roy par port d'armes, et vindrent prendre sur le roy Roye et Montdidier. (Roye, Chron. scand., I, 1460-1483, 45)

LE DUC DE BOURGOIGNE. (...) Et se de ce sont reffusant, Tu publiras a haulte vois Que sans delay incontinant, Vides hors de l'oust des Englois Tous mes subjectz et mes convois Qui sont de mon obeissance, Sans plus guerroyer les François, Ne faire aucune violence. (Myst. siège Orléans H., c.1480-1500, 363)

Circuyssons regions et provinces, Et y mettons nouveaux seigneurs et princes, Et gouverneurs qui pillent leurs subgectz, Si punirons le peché des mauvais. (Cene dieux, c.1492, 120)

...et predist sur ladicte conjunction l'infortune des scribes pour la presence de Mercure, Venus et la Lune ou signe de Gemini, et que les subjectz desdaigneroient leurs seigneurs (Simon De Phares, Astrol., c.1494-1498, f° 31 v°)

Il fist plusieurs jugemens en sa region, au moïen desquieux il fut moult estimé de ses subgetz. (Simon De Phares, Astrol., c.1494-1498, f° 34 v°)

Nepveu, il resne telle constellacion à ceste heure, que si ung subject ou serviteur tuoit à ceste heure son seigneur ou son maistre, il perviendroit à moult grans biens et à grande lignée. (Simon De Phares, Astrol., c.1494-1498, f° 115 v°)

S'ensuyt aprés comment le roy estoit encores a Lyon, qui disposoit de ses besongnes et affaires touchant le gouvernement du royaulme et l'entretenement des subjects. (La Vigne, V.N., p.1495, 141)

Escript en la caige de la Bastide, le derrenier jour de janvier. Et au dessoubz, en la subscripcion desdittes lettres, estoit escript : 'Vostre très humble et très obeissant subject et serviteur, le povre Jaques.' (Le Clerc, Interp. Roye, c.1502, 369)

Bon (et loyal) sujet

Dacien, (...) Premier a vous se reconmande Et conme bon subgiet vous mande Et le plus grant de voz amis Qu'il a tant peu qu'il a mis François en la subjeccion De vostre dominacion (Mir. st Lor., 1380, 132)

Remondin les remercia moult de leurs presens, et leur pria et commanda qu'ilz feussent bon et loyal subgiez a Hervy, a qui il avoit donné la terre. (Arras, c.1392-1393, 69)

...esperans que dès lors en avant il nous fust bon et loyal parent, vassal, subject et serviteur (Le Clerc, Interp. Roye, c.1502, 243)

Au féminin.

OCTAVIANUS inperator. Faictes nous tost venir, et sans point deslaier, Une nostre sujecte c'on dist qu'elle divine. Par quanque nous tenons de la loy sarazine, Nous voulons savoir d'elle ce jamés naistra homme Quil soit signorïant sur l'ampire de Rome. (Pass. Semur D.M., c.1420 [1488], 79)

Proverbe.

Le bon prince fait le bon subget. (Hist. seign. Gavre S., c.1456, 103)

2.Justiciable.

LE PROCUREUR DE SAINT LORENS. (...) Nous ne sommes pas voz subgiez ; Nous avons droit juge ordinaire. Devant celui pouez vous faire Vostre demande. ESTIENNE. Voire, sire, et je vous conmande Que l'amendez ysnellement (...) ; je siez en jugement Conme juge ; a autre n'yray. (Mir. prev., 1352, 238)

3.Fidèle, dévot.

Car faite est puis benoist pour abuvrer Touz ses subgiz d'yaue delicieuse (Mir. Berthe, c.1373, 254)

Ha, il [Jésus] deçoit tous noz subgitz, Se fol plain de papelardie ! (Myst. Pass. Troyes B., a.1482, 387)